المصريين المغتربين بالكويت

[الغريب]

سألتنى واحده كويتيه بتحبي الكويت طب بتحبي فيها ايه تتمنى تاخدى الجنسيه فيها ؟؟؟؟؟؟؟؟؟؟؟؟؟؟؟؟ طب ليه ؟؟؟؟؟؟؟؟؟؟ عايزه اسمع ردكم يا جماعه وهقولكم بعدين انا رديت وقلت ايه ؟؟؟؟؟؟؟؟؟؟؟؟؟؟

بحب الكويت ؟

أيوة

بتحب فيها أيه ؟

النظام شوية ، وأحترمهم للقيم الدينية .

تتمنى تاخد الجنسية ؟

أيوة، بس بشرط إزدواج الجنسية المصرية والكويتية ، إنما الكويتية فقط لأ

طيب ليه ؟

لأنها بلد تهتم بأبنائها ، وإن كنت أرى أن من هذا الإهتمام ما ساهم في تضييع الأبناء

على فكرة .. لا أنكر إعتبار الجانب المادي في جميع الإجابات ولكني أهتممت بالنواحي الإنسانية أكثر :lol:

سلام

[herohero]

وانا طفل صغير كنت اتمنى اني اخد الجنسية الكويتية عشان الحكومة الكويتية مدلعه عيالها اما ع كبر فعاوز يا الجنسية الكندية -الامريكية - الاستراليه

ليه لان الدول ده برده بتهتم بعيالها بس بزيااااااااااااااااااااااااادة

وكل الل عاوزه من مصر تتم بعيالها بس مش اكتر

وتحياتي لكل من شاهد فيلم عسل اسود وخاصة من استمع لاغنية عسل أسود بتاعت نور عبد اللي ف الفيلم

الانسان مع الوقت بتتغير نظرته للامور وحكمه عليها يعني الانسان حسب ما بيشوف يعني الكويت روعه لمن لم يرى غيرها انما لو روحت غيرها هتنظر بنظرة مختلفه

[تامر مصطفى]

من وجهة نظري الشخصية جدا

بتحب الكويت : لازم احبها ما دمت باكل واشرب وامشي على ارضها واربي عيالي من خيرها .

تحب تاخد جنسيتها : لا ولكن كنت اتمنى انها تكون بلدي من مولدي ما دام هيبقى ليا كرامة داخل وخارج الدولة

بتحب ايه فيها : النظام - الهدوء - النظافة - تخليص الاجراءات بدون رشاوي - العسكري شكله نضيف ومش محتاج يمد ايده لأي انسان - ابن البلد هو رقم واحد وبيتعامل باعتبار انه انسان محترم وله حقوق - سهولة الحياة فيها - سهولة الحصول على اي شيء قد يمثل حلم لأمثالنا في مصر .

والكثييييييير

[herohero]

ماهو ده اللي بنقوله يا استاذ تامر سهولة الحياة وجودتها

امتى ابدا اتكلم ف الحاجات التانيه السياسية وحقوقي السياسية لما اكون محقق الحد الادنى واللي للاسف بنفتقده ف بلدنا اتمنى محدش يقولي الانتماء والولاء لان كل اللي بينتقدوا الطلام ده انا متاكد من قرارة نفسهم يتمنوا العيشة برا مصر على طول

او ع الاقل ف المكان اللي يلاقوا فيه الحياة النظيفة امنظمة الراقيه وهو ما يعرف "جودة الحياة"

[Simba]

انا في مصر وبجد زهقت وتعبت اوي .. حاسس أن كل حاجة مش مظبوطة وعلي رأي الشاعر الكبير .. أنا مش عارفني أنا مش عارفني

موجة الحر اللي هنا أكتر من اللي في الكويت واللي يمشي من الساعة عشرة الصبح يبقي عرقه مرقه وبالليل لما بمشي مع بناتي في زحام عجيب وكل واحد راكب معزة موديل السبعنيات عمال يدي للناس اللي ماشية علي رجلها في كلاكسات ... اصحاب العقول في راحة صحيح .. واحد راكب معزة من دول وماشي ورايا ونازل كلاكسات .. طيب انا هروح فين يا أبن التيت وانت شايف اني ماسك بنتين في ايدي لا البيه مش مستحمل وعايز يدخل شارع فرعي عرضه اتنين متر طيب ما تصبر يا ابن اللذينة ولا اشيلك البنات واجري علشان خاطر المعزة اللي انت راكبها دي

واولاد كتير تحت 17 سنة راكبين موتسكيلات وماشيين وفاكرين انهم في افلام ام بي سي اكشن واهو كله هبل في هبل

بالليل شفت واحد منهم حاطط نور علي كل حتة في الموتسيكل ومشغل كاسيت استريو بصوت رهيب طيب بيسمع ايه الافندي ده وهو ماشي .. اهو اي هبل في الجبل وخلاص

وعربيات الاجرة لما الواحد بيركبها صاحبها بيشغل اغاني غريبة وعجيبة الشكل كان ماله بس ابو الليف ماهو كان بيقول كلام علي الاقل مفهوم وطبعا طول ما الواحد راكب في عربية خالة جدة سواقين الاجرة دول يبقي لازم يسمعنا اللي علي مزاج الفاميلي بتاعه.. لاحظت شئ اعجب من العجب ... الستات ضربت في مصر بطريقة غريبة تحس ان قطيع افيال هرب من الغابة .. والبنات بقت ولا بنات الكليبات كلهن نانسي عجرم وكارول سماحة .. تناقض عجيب

[herohero]

اه ده طبيعي يا اخ سيمبا بس لو تفتكر الناس هنا ف المنتدى بتقعد تعتبر كل الكلام ده اشاياء بتوحشنا وبنفتقدها وبتلاقي الناس تتكلم ع الغربة وما بننزل مصر بنكره الاشايء ده اللي بره مصركنا بنقول ياه واحشاني يا مصر مع ان كل اللي واحشنا ده هو سلبيات سيئة

احمد ربنا ان مالكش تعامل مع الحكومة ومش محتاج تنزل الصبح بدري وتركب عربيتك ولا ميكروباص وتشوف الزحمة اللي حق والعرق اللي حق والجو اللي مش شايف انه يفرق عن حر الخليج ضيف عليه ان الناس بقت بتخانق نفسها

وكله مش مستحمل حد اما عن قطيع الافيال فانا بحس ان الستات من غلبها بتفش غلها ف الاكل

وبرده احنا ف مصر مقاييسنا للجمال مغلقه يعني كويس دلوقت انهم ف مسلسلات تركية اهو تغير المواصفات القياسية المصرية شويه

ربنا يقويك وتقضي اجازة سعيده وابقى اتفرج ع فيلم "عسل اسود" هيبسط حضرتك لانه هيعبر عن مواقف اكيد مرت عليك

[HDarwish]

اه ده طبيعي يا اخ سيمبا بس لو تفتكر الناس هنا ف المنتدى بتقعد تعتبر كل الكلام ده اشاياء بتوحشنا وبنفتقدها وبتلاقي الناس تتكلم ع الغربة وما بننزل مصر بنكره الاشايء ده اللي بره مصركنا بنقول ياه واحشاني يا مصر مع ان كل اللي واحشنا ده هو سلبيات سيئة

احمد ربنا ان مالكش تعامل مع الحكومة ومش محتاج تنزل الصبح بدري وتركب عربيتك ولا ميكروباص وتشوف الزحمة اللي حق والعرق اللي حق والجو اللي مش شايف انه يفرق عن حر الخليج ضيف عليه ان الناس بقت بتخانق نفسها

وكله مش مستحمل حد اما عن قطيع الافيال فانا بحس ان الستات من غلبها بتفش غلها ف الاكل

وبرده احنا ف مصر مقاييسنا للجمال مغلقه يعني كويس دلوقت انهم ف مسلسلات تركية اهو تغير المواصفات القياسية المصرية شويه

ربنا يقويك وتقضي اجازة سعيده وابقى اتفرج ع فيلم "عسل اسود" هيبسط حضرتك لانه هيعبر عن مواقف اكيد مرت عليك

برضوا عمار يا مصر

[herohero]

اه ده طبيعي يا اخ سيمبا بس لو تفتكر الناس هنا ف المنتدى بتقعد تعتبر كل الكلام ده اشاياء بتوحشنا وبنفتقدها وبتلاقي الناس تتكلم ع الغربة وما بننزل مصر بنكره الاشايء ده اللي بره مصركنا بنقول ياه واحشاني يا مصر مع ان كل اللي واحشنا ده هو سلبيات سيئة

احمد ربنا ان مالكش تعامل مع الحكومة ومش محتاج تنزل الصبح بدري وتركب عربيتك ولا ميكروباص وتشوف الزحمة اللي حق والعرق اللي حق والجو اللي مش شايف انه يفرق عن حر الخليج ضيف عليه ان الناس بقت بتخانق نفسها

وكله مش مستحمل حد اما عن قطيع الافيال فانا بحس ان الستات من غلبها بتفش غلها ف الاكل

وبرده احنا ف مصر مقاييسنا للجمال مغلقه يعني كويس دلوقت انهم ف مسلسلات تركية اهو تغير المواصفات القياسية المصرية شويه

ربنا يقويك وتقضي اجازة سعيده وابقى اتفرج ع فيلم "عسل اسود" هيبسط حضرتك لانه هيعبر عن مواقف اكيد مرت عليك

برضوا عمار يا مصر

واحنا قولنا حاجه مش هنقر ولا حاجه بس القاشية شكلها معدن ولاياه يا باشا الواحد يتمنالك كل خير وربنا يارب يوفقك ويكرمك

واتمى ع طول دايما تبقى عمار يامصر يارب دايما

بس خليك فاكر لو اتزنقت ف حاجه وجيت تشتكي انت حر يا استاذ حسن ضرايب ، محضر اشغال طريق ، رشوة ولا تفتيح مخ يعني لسه هتشوف العمار بس كمان حبه

تيجي تدخل عداد كهرباء وا رخصه تعليه لسه يا استذنا التقل ورا

[om marawan]

السلام عليكم

ياجماعه انا سألت سؤال ومحدش عبرني

عاوزة اعرف فرصة الشغل لخريجي طب بيطري فى الكويت ايه

وممكن مثلا يشتغلوا مندوبين ادوية بدل مجال الطب البيطري الفرصة بتكون متوفرة ولا لأ ولو اتوفرت الراتب بيكون حوالى كم؟؟

الفرص قليلة شوية والموضوع مش سهل .. خاصة لو أصريت إنك تشتغل في مجالك .. ظروف العمل بتكون سيئة لدرجة لا يمكن لك أن تتصورها حيث العمل في مناطق على الحدود مثل الوفرة أو العبدلي أو الصليبية حيث مزارع إنتاج المواشي

مندوب مبيعات .. ممكن .. لكن حتتعب الأول على ما تجهز نفسك للموضوع ده .. لإنك حتحتاج رخصة وبعد كده عربية والكلام ده كله ممكن ياخد منك مش أقل من ستة شهور في الست شهور دول هتتعب جداً لإن اليوم في الكويت مش ببلاش والحياة غالية بالإضافة إلى حالتك النفسية

إذا مٌصِر على السفر أرشح لك السعودية إلا إذا كان جايلك عرض كويس في الكويت

بالتوفيق

ال كانت بتسأل دي أنا سارة مش واحد راجل :unsure:

وال بيسأل عن الوظيفة هو جوز صحبتي المفروض انها مدرسة هنا والمفروض هتبعت له استقدام عائل

يعني اقولها البوقين دول وبلاش تخلي جوزها يجي؟؟ ولا ايه :blush2:

ازيكم يا مغتربين ويامروحين مصر برضه مخصوص عشان الفاضل سمبا اللى فى الاجازة ولو ان شكله راح افريقيا مش مصر

ياااااااه واستاذ حسن كمان رجع المحاورات يا اهلا والف حمد لله ع السلامة هنا وهناك ربنا يسعد ايامك وسط اهلك و بيتك

سارة معلش انا مش بادخل المحاورات كتير الفترة الاخيرة

بصى هو لو عنده خبرة فى مجال شركات الادوية ممكن يدور حتى لو الفرص قليلة لكن ده رزق سبحان الله ويمكن ربنا ييسرله بعد شهرين تلاتة او جايز من اول شهر الله أعلم

شركات الدوا بقا مختلفة يعنى مثلا فيه وكيل عنده مجموعة ادوية فتلاقى الراتب معاه من اول 400 او 450 دينار وده كمعيشة مع مرتب زوجته معقول طبعاا خصوصا انهم أسرة

لكن كراتب بين شركات الادوية العادية يبقا اقل طبعا لأن الشركات المعروفة رواتبها من اول 750 او 800 دينار وطبعا بينقلوله الاقامة ولو انها بعض الاحيان تاخد وقت

رخصة السواقة ضرورية جدااااا فهو لازم تكون معاه مبدئيا رخصة دولية لحد ماربنا يكرمه ويطلع رخصة فى الكويت فى اقرب وقت

الرواتب اللى قلتها فوق دى شاملة كل حاجة طبعاا يعنى سكن و انتقال او قسط عربية والتأمين الصحى بيختلف وممكن مايكونش فيه طبعا لكن انتى عارفة انه طاملا معاه اقامة يبقا لو لاقدر الله تعب بيروح المستوصف

طبعا فيه عوامل كتير بتدخل فى انه يلاقى شغل وهى بعد توفيق ربنا طبعا :: سنة وخبرته وكفاءته

فى رأيى الخاص وجوده مع زوجته فى بلد واحدة يستاهل انه يحاول طبعااا وطالما هو نيته ارضاء الله بانه مايسيبهاش لوحدها فى الغربة يبقا باذن الله ربك ييسرله الرزق

يستخير ويتوكل على الله

[HDarwish]

اه ده طبيعي يا اخ سيمبا بس لو تفتكر الناس هنا ف المنتدى بتقعد تعتبر كل الكلام ده اشاياء بتوحشنا وبنفتقدها وبتلاقي الناس تتكلم ع الغربة وما بننزل مصر بنكره الاشايء ده اللي بره مصركنا بنقول ياه واحشاني يا مصر مع ان كل اللي واحشنا ده هو سلبيات سيئة

احمد ربنا ان مالكش تعامل مع الحكومة ومش محتاج تنزل الصبح بدري وتركب عربيتك ولا ميكروباص وتشوف الزحمة اللي حق والعرق اللي حق والجو اللي مش شايف انه يفرق عن حر الخليج ضيف عليه ان الناس بقت بتخانق نفسها

وكله مش مستحمل حد اما عن قطيع الافيال فانا بحس ان الستات من غلبها بتفش غلها ف الاكل

وبرده احنا ف مصر مقاييسنا للجمال مغلقه يعني كويس دلوقت انهم ف مسلسلات تركية اهو تغير المواصفات القياسية المصرية شويه

ربنا يقويك وتقضي اجازة سعيده وابقى اتفرج ع فيلم "عسل اسود" هيبسط حضرتك لانه هيعبر عن مواقف اكيد مرت عليك

برضوا عمار يا مصر

واحنا قولنا حاجه مش هنقر ولا حاجه بس القاشية شكلها معدن ولاياه يا باشا الواحد يتمنالك كل خير وربنا يارب يوفقك ويكرمك

واتمى ع طول دايما تبقى عمار يامصر يارب دايما

بس خليك فاكر لو اتزنقت ف حاجه وجيت تشتكي انت حر يا استاذ حسن ضرايب ، محضر اشغال طريق ، رشوة ولا تفتيح مخ يعني لسه هتشوف العمار بس كمان حبه

تيجي تدخل عداد كهرباء وا رخصه تعليه لسه يا استذنا التقل ورا

عايز أرد على كلامك واحدة واحدة لكن باختصار أنا بعطيك الحق كل الحق في كلامك وده لسبب بسيط زي ما قلت لك قبل كده إنك ماعشتش فيها علشان كده مش هتقدر تتطبع عليها فالطبع يغلب التطبع سيدي

معليشي هي دي بلدنا شئنا أم أبينا دي بلدنا ومهما اتغربنا هنرجع لها في يوم من الأيام

زحمة مواصلات ووسايط وحر ورشاوي ...طب ما هو كل ده موجود في معظم البلاد ... ولو مش مصدق قوللي وأنا أثبتلك سواء خليج أو غيره

بس فيه فرق ..

كمثال أنا اليومين اللي فاتم كان عندي شوية شغل مع التأمينات وبعض المصالح الحكومية ولما لقيت الموظف بيكلمني من طراطيف مناخيره قدرت إني أزعق واتخانق معاه .. ليه .. لإني في بلدي .. لكن بالمقارنة وانا في الكويت وموظف عمل معايا كده كنت هضطر اطلب رضاه وافضل اقولة اصل ياطيب ويا محترم وكثير من اسلوب الاسترضاء

حتة الحر والجو والكلام ده .. أختلف معاك فيها برضه

وقولتها قبل كده برضه وانا في الكويت وهي إني مفيش مشكلة عندي إن الحرارة بالنهار تكون 100 لكن على الأقل بالليل ألاقي نسمة هوا مش كله ضرب ضرب .. هنا الجو حر بالنهار وطبعا مش زي حر الخليج أبداً بس الله على نسمة الهوا بالليل مش هقدر أوصفلك على الأقل أنا بكتبلك الوقتي وأنا قاعد في البلكونة والجو ميه ميه ..

كلمني شوية على الحياة الاجتماعية ..

الواحد بره بيوصل لدرجة أنه عبارة عن آلة بتشتغل وبس علشان تجيب فلوس هتقوللي ماعدش حد في مصر فاضي للتاني .. هوافقك الرأي بس على الأقل بتيجي أي مناسبة بتجمعنا سوا ..فرح أو ميتم مثلاً ..ياراجل ده أنا وصلت لدرجة نسيت فيها الفرح يعني إيه ولا الحزن يعني إيه ..

بالنسبة لموضوع الماديات .. الحمد لله مستورة .. بس المشكلة إن اليومين دول الناس بتتكلم في المليون جنيه وكإنه ألف جنيه ..

الكلام كتير بس فين الوقت ...

سلامي للجميع

[HDarwish]

ياااااااه واستاذ حسن كمان رجع المحاورات يا اهلا والف حمد لله ع السلامة هنا وهناك ربنا يسعد ايامك وسط اهلك و بيتك

أهلا وسهلا بحضرتك وأشكرك جداً على الترحيب الجميل ده وعلى الدعوات الأجمل .. لكي مثلها وأكثر .. ربنا يوفقكم جميعا

[herohero]

معاك يا استاذ حسن بس صدقني لو انت ف القاهرة هتكره نفسك وهتقرف من انك تتحرك بالعربية ولا تطلع ف مكان عشان تتمتع بالنسيم اللي عمره ما هيجي ابدا ف الخليج بس كل المميزات ده عشان تتمتع بيها فمصر مش سهل

ياسيدي ده حتى كورنيش النيل ماتعرفش تتمشى عليه من كتر الكراسي اللي محطوطة عليه وتحس انك ع قهوة الخصوصية انساها ولا تعرف تقعد امن لانك وانت قاعد كده بتسمع كلام وحاجات تحرجك وشتايم وحاجات غريبة

وكمان ماتنساش الاجراءات الحكومية عندنا الموظف ف مصر بيتعامل معاك ع انك تحت امره وبيطلع عينك انت ما مرتش باجراءات مرتبطة بوزارة العدل لو معاك حاجه اجنبية وعاوزة تترجمها كشهادة زواجاوغيره وما شوفتش التعقيدات لو عاوز تركب عداد كهرباء

واهي بلدنا وهتشتم وتتخانق معاه وايه النتيجه خدت حقك لا طبعا حقك بالدفع تحت الطرابيزة او ف درج المكتب

جربكده حضرتكتدخل قسم الشرطة ولا تيجي تجدد ترخيص عربيتك روح كده مرور مدينة نصر ولا مرورشبرا ولا روح طلع شهادة مخالفات

لو انت حضرتك بعيد عن كل ده وساكن ف اسماعيلية مثلا او ف المدن الجديدة يبقى اترحمت من الزحام واللي هو اكبر مشكلة ولو انت مش مضطر انك تنزل الساعه 7 صباحا وتشوف ميكروباص تركبه

لو كل ده مش موجوديبقى مصر هتبقى ممتازة

وانا ابصم لك بالعشرة مصر كاجازة او مصر وانت حر نفسك مين غير ارتباط بمواعيد ومالكش احتكاك ف الشارع كتير والحكومة يبقى مصر جنة

اسال كده اللي شغالين ف السياحه ف شرم ولا الغردقه واكل شارب ف الفندق وشغله هناك

مصر بالنسبة له غيرنا خلص مش حاسس باي مشاكل

فالحكاية نسبية انت بتحتك بايه من مصر وبتشوف منها ايه وساعتها الكلام بيختلف

طبعا لو انا كنت وكيل نيابه ف مصر بالواسطة اوبالرشوة او بالوراثة طبعا عمرها ماهتكون بالتفوق وتقديري

كنت هابقى ملكف مصر ولا هقولك اي سلبية لاني ببساطة هابقى عايم ع وش الفته ومن طبقه الكريمة

الحكاية نسبية خاااااااااااااااااالص

[Howayda Ismail]

الزحام ده كله عشان كل الناس مش شايفة غير القاهرة والدلتا كأن مساحة مصر محصورة فى الجزء ده لوفكرنا شوية حنلاقى مدن

كتيرة عدد سكانها قليل رغم مساحتها الكبيرة وفرص الاستثمار فيها كتير وفرص عمل للشباب ايضا اقرب مثال محافظة مطروح كل

خطط التنمية موجهة اليها فى المرحلة القادمة ويقاس عليها الوادى الجديد ووووو المهم الارادة ونتجه للهجرة الداخلية افضل من

الهروب والغربة .

اما بقى موضوع الرشاوى احنا اللى استسهلنا فيه فاصبحت الاتاوت امر واقع مفروض علينا

[herohero]

طبعا ضيق الافق بتاعنا هو السبب زاحمين نفسنا ف الضيق شوفوااسماعيليةمثلاواسعةوتبقى مرتاح هناك ولا العاشر من رمضان ولا مطروح مانبعد ونعيش ف بحبوحه عاجبنا ايه ف الزحمة

بالعكس احنا مشكلتنا اننا " فكر الفقر" انما لو فكرنا بعملية مشاكلنا هتتحل وكل السلبيات ده هتنتهي ف كل بلد فيه رشوة لكن ادفع رشوه وانا صح ده اللي بايخه ادفع رشوة وانا غلط ومتجاوز اما ارشي عشان اخد حقي

عموما انا مقتنع ان اي سلبية نحن سبب فيها وشجعنا ع تفحلها وكبرها ف المجتمع

[saramath]

السلام عليكم

ازيكم اجمعين

معلش هاخدكم بره نقاشكم وهسأل عن استفسار شاحن لاب توبي سيبته فى السيارة وبليل افتكرته جيت اشحن به لقيته البقاء لله مش عاوز يشتغل

اجيب منين شاحن تاني من نفس الشركة ال اشتريت منها ولا منين وبكام سعره ومرسي مقدما

[قلب ابيض]

وحشتونى اوى جدا خالص

وكالعاده مش هاقدر اعقب على كل اللى فات بس هاحاول اوجز واختصر

يا بسبس لو لم اكن مصريا لوددت ان اكون كويتيا " ده راى ومن غير زعل "

تامر كل الحق معاك فى ردك

سمبا .... ليه كده يا راجل ؟ افيال ايه بس؟؟ انت اكيد مامرتش جنب المعادى " فاهمنى طبعا" :blink:

مصر حلوه اوى يا استاذ حسام وانت راكب سيارتك وقافل ازازها ومشغل التكييف وسى دى فيروز ياسلااااام

مصر حلوه وجيبك مليان ... وعقلك فى اجازه .. ومالكش اى دعوه باى مصلحه حكوميه بتاتااا

مصر حلوه للاجانب مش لولادها :lol:

اخر شىء 0000تابعتوا موضوع خالد السعيد شهيد الطوارىء؟ امبارح كان معاد المظاهره او الوقفه الاحتجاجيه للشباب قدام وزاره الداخليه

ادخلوا على الفايسبوك او اليوتيوب وانتو تعرفوا اد ايه مصر بتحمى ولادها وبتحبهم

تحيـــــــــــــــــــــــــــــــــــــا مصر

تم تعديل 14 يونيو 2010 بواسطة قلب ابيض

[تامر مصطفى]

http://www.youtube.com/watch?v=1A6lyq82Mpk

[الغريب]

يا هلا بيكم يا بتوع الكويت

الجو نااااار ودرجة الحرارة عند منتصف درجة الغليان 50 درجة ، من ثلاثة أيام وربنا يستر الكهربا مش مستقرة

الحمدلله على وصولك بالسلامة يا سيمبا ، ومتزعلش نفسك هي بلدنا كدة وأحنا بردو بنحبها وبنموت فيها كمان ، والحمدلله أنك مش هنا في الكويت اليومين الصعبين دوول

على فكرة درجة الحرارة دي موصلتش كدة من عشرين سنة وبالتحديد قبل الغزو بسنة ، وده من مصدر موثوق فيه

صباحكو ميه باردة من الثلاجة

[herohero]

يا هلا بيكم يا بتوع الكويت

الجو نااااار ودرجة الحرارة عند منتصف درجة الغليان 50 درجة ، من ثلاثة أيام وربنا يستر الكهربا مش مستقرة

الحمدلله على وصولك بالسلامة يا سيمبا ، ومتزعلش نفسك هي بلدنا كدة وأحنا بردو بنحبها وبنموت فيها كمان ، والحمدلله أنك مش هنا في الكويت اليومين الصعبين دوول

على فكرة درجة الحرارة دي موصلتش كدة من عشرين سنة وبالتحديد قبل الغزو بسنة ، وده من مصدر موثوق فيه

صباحكو ميه باردة من الثلاجة

يلا انضموا للناس بتوعم الرياض محدش احسن من حد بس بجد حرارة الكويت فيها ميزة تحس ان الشمس جايه ف الدماغك من بتنشل كويس قوي

ربنا يسترها ومايلجئوشللقطع الاتوماتيكي اللي بيحصل للكهرباء وتلاقي كل شوية المؤشر ع شاشة التليفزيون

[الغريب]

يلا انضموا للناس بتوعم الرياض محدش احسن من حد بس بجد حرارة الكويت فيها ميزة تحس ان الشمس جايه ف الدماغك من بتنشل كويس قوي

ربنا يسترها ومايلجئوشللقطع الاتوماتيكي اللي بيحصل للكهرباء وتلاقي كل شوية المؤشر ع شاشة التليفزيون

طيب أنت عارف يا هيرو أن اليوم اللي بدأت فيه الموجه دي وكانت الحرارة فيه 53 كنت جاي من السعودية للكويت بري ، وكنا في السعودية بنشتكي من برودة التكييف في الباص لأننا كنا بردنين بجد ، ولما الباص عدا حدود الكويت والله كأن التكييف مش شغال أصلا :)

وفعلا زي ما بتقول بدأت وزارة الكهرباء تطبق موضوع الفصل المبرمج أو الأوتوماتيكي لأن المؤشر وصل لصفر في الإحتياطي ووزير الكهرباء اليومين دوول بياخد اللي فيه النصيب من المقالات في الصحف وأحلى تعليق قرأته في مقال على الموضوع ده بيقولك :

" هنضطر في الكويت نستنى مسئول من أي دولة نفطية يزورنا علشان يعملنا إعانة تساعدنا في حل مشكلة الطاقة الكهربائية وأكننا دولة أفريقية يضربها الفقر " :lol: