المصريين المغتربين بالكويت

[أسامة]

يا اهلا وسهلا بيك اخ عزيز علينا كلنا يا اسامه وان شاء الله التجمع يزيد باصحابك واخوانك ان شاء الله

منورنا ومنور المصريين فى الكويت يالا شاركنا بخبراتك فى الكويت

أهلا وسهلا بكِ بوسي ، شاكر لكِ حسن استقبالك

وان شاء الرحمن يزيد التجمع هنا ونستفاد من خبرات بعض

بالنسبة لخبراتي فهي ممكن نقول في المجال القانوني تقريباً كده ..

[أسامة]

اهلا بك يا أسامه _ام كلثوم وشاي بنعناع الأوبشن ده اجمد حاجه بتخلي مودي اخر جمال_انت مواليد كام؟

بوسي : عندي احساس انك متفرغه للمنتدي تماما_ماشاء الله_عامله حس لمحاوري الكويت

أهلا بصاحبة القلب الأبيض

طالما عجبك الأوبشن فيسعدني أن أهديك ذاك الكوب من الشاي بالنعناع مع أغنية شمس الأصيل ....

أنا من مواليد زمان ههه .... يعني مواليد 1968

تم تعديل 2 يوليو 2009 بواسطة أسامة

[أسامة]

اخوانى واخواتى انا مليت انى كل يوم احكى مع نفسي فينكم طب يعنى لو اقترحت موضوع تتكلموا فيه هتتدخلوا ولا ايه النظام ؟؟؟؟؟؟؟؟؟؟؟؟؟؟؟؟؟؟؟

أهلا بكِ يا بوسي ....

أتعجب كيف يصيبك الملل وأنتِ بالشبكة العنكبوتية ...

عموماً سأضع لك بعض الأقوال المأثورة وانتظر التعقيب عليها :

الطريقة الوحيدة لاكتشاف حدود الممكن هي تخطي هذه الحدود قليلا إلى المستحيل.

**

يجب على رجال السياسة أن يقرأوا كتب الخيال العلمي وليس كتب رعاة البقر والقصص البوليسية.

**

لم يتم بعد إثبات أن للذكاء أية قيمة باقية.

**

من الغير الملائم أن نسمي هذا الكوكب كوكب الأرض بينما الواضح أنه كوكب المحيط.

**

آرثر سي كلارك

مؤلف خيال علمي ومخترع إنجليزي

[pocy]

يا عم يا عم ايه الكلام الكبير ده انا مهندسه اهه بس على شويه تراب دلوقت ومبقتش اركز هههههههههههههههه

الاخ اسامه اخبارك ايه واخبار القانون طب دا انت هتكون ممتاز معانا على كده لو كنت فى مصر كنت عملتلك دعايه اد كده هههههههههههههه

الا انا للاحظت ان في شاي بالنعناع بيتوزع وانا مليش واحده كوبايه ومتقليش استكانه انا لو مكنش المج مليان ازعل قوى ههههههههههههههه

ياترى يا هل ترى استاذ تامر فين لو حد شايف اى خطأ املائي يقلي قبل ما يشوفه أصلي بخاف من العصايه ههههههههههههههههه (مزاح طبعا )

تم تعديل 2 يوليو 2009 بواسطة pocy

[pocy]

عمورى نايم ودى فرصه عظيمه انى احكيلكم حكايه كده عايزه رأيكم باسرع وقت ممكن وهى كالاتى

زوج صاحبتى اقامته هتنتهى بعد اربع ايام وعقده حكومى وجى على مشروع الى الان لم ينتهي لكن مكتوب فى الوزاره انه انتهى وبالتالى الشئون سكرت او قفلت الملف بتاع الشركه وهكذا الراجل مش عارفين يعملوله تجديد اقامه ولا حتى تحويل لعقد تانى على حسب كلام المندوب واقامه الزوجه والاولاد ستنتهى الشهر القادم واللى زاد وغطى هو ان الزوجه حامل وبانتهاء هذا الشهر ستكون الاقامه قد انتهت لها والاطفتا وهتكون دخلت التاسع كمان والراجل اقامه لسه مش عارفين هيعملوا فيها ايه ؟؟؟؟؟؟؟؟؟؟؟؟ انتم رأيكم ايه يا اخوانى ؟؟؟؟؟؟؟؟؟؟ انا شايفه ان الموضوع فيه شويه عوائق يالا كلمونى ايه اللى فى ايديها ممكن تعمله ؟؟؟؟؟؟؟؟؟؟؟؟؟؟؟

[herohero]

صحيح يا جماعة اخبار الجو عندكم ايه ف الكويت زمان كان الوقت ده بيبقى رطوبه يعني خاصة السالميه واللي حواليها ياترى لسه الجو كده ولا الايام غيرته ، لان معايا زميلي رايح لشغل ف الكويت لمدة اسبوع والراجل سالني بصفتي مقيم سابق ف الكويت لكن بصراحة ايامي الجو كان بيبقى نار ف 7 صحيح هنا ف الرياض حار لكن جاف ياترى الوضع ايه عندكم

[أسامة]

يا عم يا عم ايه الكلام الكبير ده انا مهندسه اهه بس على شويه تراب دلوقت ومبقتش اركز هههههههههههههههه

الاخ اسامه اخبارك ايه واخبار القانون طب دا انت هتكون ممتاز معانا على كده لو كنت فى مصر كنت عملتلك دعايه اد كده هههههههههههههه

الا انا للاحظت ان في شاي بالنعناع بيتوزع وانا مليش واحده كوبايه ومتقليش استكانه انا لو مكنش المج مليان ازعل قوى ههههههههههههههه

ياترى يا هل ترى استاذ تامر فين لو حد شايف اى خطأ املائي يقلي قبل ما يشوفه أصلي بخاف من العصايه ههههههههههههههههه (مزاح طبعا )

ههههههههههه

هعتبر كلامك وعد لو نزلت مصر بخصوص مسألة الدعاية ههههههه ولكِ عمولتك لا تقلقي هههههههه

وعندك واحد شاي كمان لنوسي ،، سكرك أيه ؟؟؟؟ ، بصي انا هفتح هنا بوفية صغنون ههههههههه

لا اعتقد ان الاستاذ تامر هيصلح الاخطاء الاملائية ، وذلك لسبب بسيط ،، هو ان الحديث باللهجة العامية ، يعني نظام سمك لبن تمر هندي هههههههه

[أسامة]

عمورى نايم ودى فرصه عظيمه انى احكيلكم حكايه كده عايزه رأيكم باسرع وقت ممكن وهى كالاتى

زوج صاحبتى اقامته هتنتهى بعد اربع ايام وعقده حكومى وجى على مشروع الى الان لم ينتهي لكن مكتوب فى الوزاره انه انتهى وبالتالى الشئون سكرت او قفلت الملف بتاع الشركه وهكذا الراجل مش عارفين يعملوله تجديد اقامه ولا حتى تحويل لعقد تانى على حسب كلام المندوب واقامه الزوجه والاولاد ستنتهى الشهر القادم واللى زاد وغطى هو ان الزوجه حامل وبانتهاء هذا الشهر ستكون الاقامه قد انتهت لها والاطفتا وهتكون دخلت التاسع كمان والراجل اقامه لسه مش عارفين هيعملوا فيها ايه ؟؟؟؟؟؟؟؟؟؟؟؟ انتم رأيكم ايه يا اخوانى ؟؟؟؟؟؟؟؟؟؟ انا شايفه ان الموضوع فيه شويه عوائق يالا كلمونى ايه اللى فى ايديها ممكن تعمله ؟؟؟؟؟؟؟؟؟؟؟؟؟؟؟

مش عارف ان كان كلام المندوب صح ولا لاء

عموما لو صح فبرأي ان ينزلوا كلهم مصر ، ثم تقوم الشركة بعمل عقد جديد له ، وبعد كده يحضر زوجته وأولاده ...

[أسامة]

صحيح يا جماعة اخبار الجو عندكم ايه ف الكويت زمان كان الوقت ده بيبقى رطوبه يعني خاصة السالميه واللي حواليها ياترى لسه الجو كده ولا الايام غيرته ، لان معايا زميلي رايح لشغل ف الكويت لمدة اسبوع والراجل سالني بصفتي مقيم سابق ف الكويت لكن بصراحة ايامي الجو كان بيبقى نار ف 7 صحيح هنا ف الرياض حار لكن جاف ياترى الوضع ايه عندكم

الجو فيه نسبة غبار كبيره ،، ولكن الرطوبة قليلة .... ان شاء لما يوصلك زميك بالسلامة يكون الجو اتصلح

[pocy]

والله يا أخ أسامه السكر بتاعى بيعتمد هل انت بخيل ام لا انا كريمه جدا بالنسبه للسكر يعنى تلاته تلاته ونص اربع لو مفيش مشكله بس طبعا مج كبير من اللى تشربه ويكيف الدماغ

لا انت لسه مش عرفت استاذ تامر يبقي هههههههههههههههه ويارب يكون وصل مصر بالسلامه ويطمنا عليه

سبحان الله يا اخ اسامه والله انا قلت كده لصاحبتى الحل انها تنزل دلوقت هى لانها فى اشهر الحمل الاخيرع وبعدها لا مناص الا لو ناويه تولد فى الطيارة وتستنى الشهر ده ولو منفعش تمديد لجوزها يبقي ينزل ويعملوله زياره تجاريه مع انى سمعت انه لازم يتعمله زياره تجاريه على المكان اللى هيشتغل فيه والا مش هينفع التحويل انا مش عارفه هم ليه قفلوها كده فى الكويت

تم تعديل 2 يوليو 2009 بواسطة pocy

[pocy]

هلا هلا اخ هيرووو والله الجو صعب الايام دي حر هي الرطوبه مش عاليه زى ما قال الأخ أسامه بس درجه الحراره نار الله يعين يارب انا بس اخرج من العماره لحد الباركنج بكون استويت واتشويت والله من كام يوم درجه الحراره فى الترموتر الغرفه وصل ل50 الله بيعين وكانت من يومين 47 نار يا اخويا نار الله يرحمنا فى رمضان من الحر الواحد بيصوم اتنين وخميس وبيكون على اخر اليوم خلاص

بس انت طمن زميلك وقله انها حر ومغبره وطوز جميل بس الحمد لله ان مش زادت الطينه بله بالرطوبه

ام نور وحشتينا يالا فينك وام مروان شكلها نزلت مصر ولا ايه

استاذ حسن لا انا زعلانه منك كتير فينك من زمان حتى مش بتبص علينا وانا قلت انك هتكون هنا كل يوم حامى الحما مممممممممممممممم

إهي إهي عمورى صحي وهنبدأ فى المشاكسات والمعاندات واللعب بالاكل الله يعين سلام مؤقت وراجعلكم ان شاء الله عن قريب يعنى بعد كام دقيقه هههههههههههههههه

[pocy]

اتاخرت عليكم ولا ايه طبعا كالعاده ما في حدا موجود غير فرواله اللى بتيجي وتختفي ههههههههههههههه

انا هروح العب مع عمورى المره دى بجد سلام وان شاء الله هحاول امنعنى انى اكتب تانى لحد ما حد يعبرنى ههههههههههههههههه

[aboutabeakh]

اخوانى الكرام لى بعض الأستفسارات ما هو الفرق بين الكفيل الأول والكفيل الثانى من ناحية سيطرتة على المكفول وانة ممكن يرجع مصر تانى هل الكفيل الثانى لا يمكن انة يخرج المكفول طب لو العقد انتهى بين المكفول والكفيل الثانى ممكن يحول لكفيل اخر وبتبقى فية فرصة للتحويل وشكرا جزيلا لكم

[HDarwish]

اخوانى الكرام لى بعض الأستفسارات ما هو الفرق بين الكفيل الأول والكفيل الثانى من ناحية سيطرتة على المكفول وانة ممكن يرجع مصر تانى هل الكفيل الثانى لا يمكن انة يخرج المكفول طب لو العقد انتهى بين المكفول والكفيل الثانى ممكن يحول لكفيل اخر وبتبقى فية فرصة للتحويل وشكرا جزيلا لكم

فعلاً .. الكفيل الأول من حقه أنه يكنسلك ومن حقه انه يرفض يعملك تحويل .. يعني الشركة لو هي اللي جايباك من مصر بفيزا عليها ممكن في أي لحظة تقولك بالسلامة على بلدكم وكمان لو جالك عرض أفضل في شركة تانية لا تستطيع التحويل من عليها إلا برضاهم وبالتالي تضطر تعيد الكرّة من تاني علشان تروح الشركة اللي جايبالك العرض الأفضل .. علشان كده بننصح دايما إن اللي جاي من مصر يجي على عرض كويس وفيه بدالات معقولة علشان ما يلومش بعد كده الا نفسه لما يلاقي إن مؤهلاته وخبراته يخلوه ياخد راتب ضعف اللي الشركة اللي جايباه من مصر بتاخده وساعتها مش هيقدر يحول ويقعد يشتكي ويغني ظلموه ..

إنما لو الكفيل التاني .. كل اللي عليك بتقدم استقالتك ولو رفضها بتبعتها على الشركة بالفاكس ويكون معاك وصل الاستلام بتاع الشركة وزي ما هو مكتوب في العقد بتاعك معاهم فترة 15 يوم أو أكثر أي كان .. وبتسيبهم وتروح على شغلك اللي انت رايح عليه .. بس طبعا الكلام ده يكون بسرعة علشان ما يلحقش هو يعمل عليك توقف عن العمل .. والأحسن تكون بتستشير محامي في كل خطواتك ..

تحياتي

[HDarwish]

استاذ حسن لا انا زعلانه منك كتير فينك من زمان حتى مش بتبص علينا وانا قلت انك هتكون هنا كل يوم حامى الحما مممممممممممممممم

بصراحة يا أخت بوسي .. إنتي جيتي غطيتي عالكل بنشاطك وتفاعلك الواضح .. إحنا جنبك ولا حاجة في النشاط .. وكمان وقتك ملكك بعكسنا .. وأنا ما يخلصنيش زعلك بس إعذروني نظرا لشوية مشاغل ..

ربنا يخليلك عمرو وتفرحي بيه ..

تحياتي

[pocy]

والله الاستاذ حسن كفي ووفي بصراحه وفعلا تقريبا ده اللى حصل معاى بس انا ظروفي مختلفه عنك يا اخى بانى كنت عايزه احول على التحاق بعائل مش على شركه تانيه ودا كان في صالحى طبعا وكانوا عايزين يعملولى كنسله بس انا سبقتهم والحمد لله بشكوى في الشئون وقفت اى شئ كانوا عايزين يعملوه ولانى كفيلي الله يسمحه كان مؤذي عمل كل اللى فى وسعه ان ارجع مصر وكنسله بس سبحان الله معرفتى للقانون العمل مسبقا هى اللى فادتنى وعدم معرفه كفيلي هى اللى خليته مش يقدر يعملى حاجه والحمد لله حولت على زوجى بس طبعا اتحطيت بلاك لست لمده سنه يعنى مقدرش اشتغل في السنه دى ولا حتى احول من جوزى على اى شركه تانيه بس الحمد لله خلصت السنه وعملت حفله فى الشغل بتاعى على انى انتصرت على صاحب الشغل هههههههههههههههههه

[pocy]

ام نور ازيك ايه اخبارك واخبار نور والله انا معرفش انتى عندك اولاد اد ايه ولا كام ربنا يحمهيهم ليكى ويحفظهم

استاذ أسامه فينك يا راجل وفين كوب الشاي المظبوط ابو نعناع وياسلام لو أغنيه كمان لعبده الحليم حافظ ولا ام كبسون او ححتى فريد الاطفش اى حد يعنى

الحمد لله اننا اطمنا عليك يا استاذ حسن والله لما بتبعد بيبقي ليك وحشه بلاش التقل علينا عايزينك معانا كده على طول

استاذ تامر من لاقي احبابه نسي اصحابه ولا حتى المعارف لا لا مكنتش متصوره منك كده يارب توصل بالسلامه وتطمنا بس عليك مش اكتر وخليك مع الاسره بعد كده استحاله ناخدك منهم طبعا

والله الواحد معرفش ليه زهق وعايز ينزل مصر بس الجو في مصر صعب شويه الايام دى حر ورطوبه وخصوصا في اسكندريه انا بفكر انزل في الشتا بعد العيد الصغنن حد سافر في الوقت ده وهينفع خروج وفسح ومصيف وحركات وحبشتكنات ولا مش تعرفوا

تم تعديل 4 يوليو 2009 بواسطة pocy

[pocy]

اجمل تحيه لاخينا الكبير الحاج فوزى فينك مش ظاهر ربنا يكرمك ويكرمنا بيك ويخليك زخرا لمجموعتنا يارب اللهم امين تستاهل احلى تحيه وارق تقدير واحترام

بس ياريت تبقي تطمنا عليكى بطله كده على المنتدى

تم تعديل 4 يوليو 2009 بواسطة pocy

[HDarwish]

إنتي ندهتي على الناس كلها اللي موجوده في الكويت .. أظن ما فاضلش حد ..

بالنسبة لنزولك في الشتا .. نصيحة أخوية بلاش ..

أنا آخر أجازة لي كانت في شهر 12 وواحد بالتحديد بعد ما أديت الحج مباشرة .. وبصراحة مش ناوي أكررها تاني في التوقيت ده تحديداً .. وخصوصا لو معاكي بيبي زي عمرو (اعذريني انا ما بحبش ادلع الأطفال الأولاد) .. هتلاقي نفسك مكتفة في البيت ومش هتعرفي تخرجي ولا تقضي أجازة كويسة وكل شوية بحجة إن البيبي ممكن يتعب ..

تحياتي

[aboutabeakh]

شكرا يا استاذ درويش بس زيادة توضيح لو سمحت يعنى اية مدة 15 يوم بمعنى اية واية هو الفرق بين عقد محدد المدة وغير محدد المدة وايهما الأفضل بالنسبة للموظف وانا من باب العلم معايا اقامة التحاق بعائل لمدة سنة على زوجتى التى تعمل معلمة بوزارة التعليم ولما سألت فى الشئون قالو ان اقامة التحاق بعائل تحول لأقامة عمل بعد سنة معلش بقا يا باشا بتقل عليك استحملنا اللة يكرمك