المصريين المغتربين بالكويت

[pocy]

يا جماعه اصلا مفيش فيز بتطلع هو هيجى اكيد زياره تجاريه وبعديين يحول المهم انه يسأل فى الاتى:

1- 1250 دينار شامله 200 دينار تعديل وضع فى الشئون ولا لا

2- دق الاقامة 2 سنه ولا لا

3- اذن العمل الراتب فيه كام والمهنه ايه عشان الرخصه وبعدين الالتحاق بعائل

4- دلوقتى القانون بيسمح للى معاها زياره تجاريه انه يحول منها لكفيل تانى مش شرط نفس الكفيل وهنا بقى الفكره الحلوه اللى غايبه عن الكل وهى

* سعر الزياره التجاريه اى مكتب بيجيبها 150 دينار وبيشترط انه يعطيه عليها تحويل

* يعنى لو حول يبقى اتكلف الاتى 150 سعرها + 200 تعديل وضع + 52 رسوم تأمين صحى+ 20 طوابع هجره يبقى المجموع كام (452 دينار لا غير ) مش تقولوا 1250 دينار وبتتكلموا فى كلام غير الواقع يا جماعه الخير انا بتمنى من الجميع اللى ميعرفش ميعلقش عشان منضللش ناسنا وكل عام وانتم بخير وتمنياتى للجميع

جزاكى الله خير انا خبرتى دى لحد السنه اللى فاتت مومن واقع ما عصرته خلال التلات سنوات اللى فاتت على العموم جزاك الله اخى الفاضل على الكلام واحنا غرضنا النصيحه مش اكتر واتمنى انها فعلا تكون زى ما حضرتك قلت لسبب انها كده ارخص واحسن طبعا وربنا يوفق الجميع

[تامر مصطفى]

ربنا يعينك يا ام عمورر

بالنسبة للتكلفة فهي تقريبا 500 دينار كويتي من اول ما انوي السفر لغاية ما ارجع تاني الكويت (انا والزوجة وبنتين بسيارة جيب)

اما المزايا بالنسبة لي فهي :

1 - تحديد وقت الذهاب ووقت العودة بحرية تامة .

2 - عدم الارتباط بوزن محدد للامتعة.

3 - وجود سيارة في مصر أمر ضروري ومش هينفع معايا الايجار لان مشاكله كتير وانا في غنى عنها

4 - الرحلة بشكل عام ممتعه ولكن القرف كله عند البحر وطبعا في الجانب الاردني 100 % أما في الجنب المصري 9000% وطبعا بسبب الروتين العقيم وكمان بسبب ان مصر لسه مسمعتش عن اختراع اسمه " كمبيوتر "

وعموما هي بتبقى " علقة " والواحد بيستحملها وبيبقى مستعد للبهدلة .

تم تعديل 8 يوليو 2010 بواسطة تامر مصطفى

[herohero]

الرحله ده بتكون حلوة يا استاذ تامر مادام مش حاطط ف دماغك عامل الزمن يعني واخدها مزاج انا معاك أسوا مافيها هو نقطة الوصول من الطرف المصري

وزمان بقى كانفيه تفتيش يعني جمارك زي جمارك المطار وماداراك قمة الشلل بتنزل شنطة شنطة وتطلع كل حاجه وناس فاااااااااضيه خنقه

لكن بقية الرحله لو خدتها بمزاج بتبقى جميلة جدا وتاخدها ع راحتك هي طبعا الاماكن اللي بتعدي عليها مش ممتعه ولا حاجه باستثناء العقبة ممكن تقعد لك فيها يومين

كتغيير جو وبصراحه من المدن الظريفه وهكذا يعني خدها مزاج

وربنا يكرمك وترجع بالسلامة ويقويك ع القياده في مصر

[justtrying]

معلشى يا استاذ الغريب انت والاستاذ الفاضله ام عمر ..حضرتك وضحت ان الاقامه سنه ب 600 دينار.....صح؟

بس اللى قدامى ب 1250 دينار وقالى اقامه لمده سنه....؟كده فى حاجه مش صح.................................؟

اذن العمل ده بصراحه متكلمتش فيه مش كسل ولا حاجه ده لانى مكنتش اعرف عنه اى حاجه وواحد قالى اعمله كده وكنت لسه بأخد راى حضراتكم.......

انا يا ام عمر خريج تجاره..والانجليزى الحمد لله يمشينى ..بس حلو فى الكمبيوتر فى حدود اختصاصى ..يعنى لا بصمم برامج ولا مواقع..مجموعه الاوفيس وبرنامج محاسبه دول ميه ميه

الحمد لله الوالده دعيالى ديما وبتدعى للناس كلها ..الحمد لله

خلاص طالما مصممين اقرا ال 120 صفحه ..امرنا لله ..بس لو فى حاجه هنتقال عليكم ونسأل برده

اه التعليقات على القصه ...خلاص يا ام عمر تحت امرك ..هروح اخد بصه اشوفهم قالوا ايه وهم رايحين عند معمل الفيزياء وارد عليكى ..

ودمتم بخير

حرام عليك تعمل كده والله هتندم وهتقعد مش اقل من سنتين بالميت تسدد في الفلوس دي .. ده على اساس انك اول ما تيجي هتلاقي شغل وتبقى العمليه معاك كويسه وانت امكانياتك عاليه لكن مع كامل احترامي ليك امكانياتك عادية يعني خريجي التجارة كتير جدا والي معاهم اوفس بردو اكتر واكتر والهنود هنا مغرقين الدنيا الكلام ده فهتلاقي المرتبات قليلة ..

حاول متجيش الا على حاجه تكون فعلا تستاهل انك تيجي من غير ما تدفع فيها فلوس .. انت كده بيستغلوك بسبب شوية مصريين للاسف اقل حاجه تتقال فيهم انهم حيوانات معندهمشي ضمير ولا مبدئ وكوايته مش هنلومهم لان اغلبهم للاسف تجار بشر وعبيد وهما متعودين على كده

انت ممكن تصبر وتدور كويس وتلاقي شركة ولو حتى اي كلام وبعد 3 سنين هتقدر تحول سواء بموافقة الكفيل او غير موافقته وتلاقي فرص تانية كتير

ولله الحمد انا عملت كده ومدفعتش ولا نكلة في الاقامة والكلام ده وحتى مستنتشي 3 سنين يدوبك سنتين وكنت محول على شركة تانية حتى لو الكفيل مرضاش بيطلعوك برة البلد ويرجعوك لو فعلا محتاجينك ومحتاجين امكانياتك هيكون اول كفيل ليك ايضا لكن انت اخترت الشركة براحتك واتفقت معاهم على المرتب براحتك بردو من غير اي ضغوط كونهم انهم محتاجينك فهما الي هيسفروك ويطلعوك ويعملولك كل الاوراق والاجراءات

نصيحتي ليك خد خبرة من مصر الاول واطلع من بلدك وانت خبرتك كبيرة

واتمنالك الخير بإذن الله

تم تعديل 8 يوليو 2010 بواسطة justtrying

[ارماندوا]

هو الكلام مظبوط ان المبلغ كتير على الكويت الناس فى مصر مفكره الكويت منجم فلوس والشغل فيها زى الرز ده غلط البلد مخنوقه جدا والناس بتهرب منها دى حاجة

تانى حاجة لموضوع الكفيل الاول انا احب افهمكم شئ يا جماعه الخير بما انى شغال مع رئيس قسم المنازعات وبشوف بلاوى كل يوم انا مش شغال فى الوزاره لكن شغال فى مكتبه خارج الشغل على طول معاه الكفيل الاول او الكفيل التانى او التالت مش من حقه يسفرك الا بشروط اكيد انتم عارفينها ولا تقدر تحول من على اى كفيل هتدق عليه اقامة الابشروط حطها القانون يعنى كفيل محول عليه وهو ماشى معاك كويس وبيديك راتبك وكل شئ بس هنفترض انك لقيت حاجة تانيه رحت تقوله يا كفيلى طال عمرك يا طويل العمر انا عايز تنازل وهو مرداش انت طبعا هتخدك الجلاله وتقول ايه انا هشتكى وتروح تشتكى وتقول انا محول عليه عارف المحقق هيقولك ايه

1- واخد راتبك 2- هل هو سبك او غلط فيك او انت متضرر من اى شئ

انت هتقول لا انا فيه شغل تانى هيقولك روح مع كفيلك يا اما تسافر

يبقى عشان تحول من على كفيلك حتى لو جيبك من مصر يبقى لازم فيه شروط وتانى اقولها كفيلك اللى جيبك من مصر لو انت مسكات عليه حاجة ميقدرش يعمل شئ وتقدر تحول من عليه غصب عنه ولو المحقق مجبش حقك تروح الشعب البحرى فى الاداره الرئيسه للمنازهات وتقدم شكوى فى قسم المنازعات اللى انت تابع ليها ولو معملوش شئ هتروح وزاره الشئون ترفه كتاب لوكيل الوزاره وهو اللى هيرفع التقرير

انا بقى بقول تانى اللى ميعرفش يسأل وبلاش نضلل بعضنا يا جماعه بلا كفيل اول ولا تانى دى كدبه كدبها المندوبين المصريين والكويتيين لقوها فى المصلحة فكدبوا كدبه وصدقوها

وربنا معاكم

[hakeem]

يا جماعه اصلا مفيش فيز بتطلع هو هيجى اكيد زياره تجاريه وبعديين يحول المهم انه يسأل فى الاتى:

1- 1250 دينار شامله 200 دينار تعديل وضع فى الشئون ولا لا

2- دق الاقامة 2 سنه ولا لا

3- اذن العمل الراتب فيه كام والمهنه ايه عشان الرخصه وبعدين الالتحاق بعائل

4- دلوقتى القانون بيسمح للى معاها زياره تجاريه انه يحول منها لكفيل تانى مش شرط نفس الكفيل وهنا بقى الفكره الحلوه اللى غايبه عن الكل وهى

* سعر الزياره التجاريه اى مكتب بيجيبها 150 دينار وبيشترط انه يعطيه عليها تحويل

* يعنى لو حول يبقى اتكلف الاتى 150 سعرها + 200 تعديل وضع + 52 رسوم تأمين صحى+ 20 طوابع هجره يبقى المجموع كام (452 دينار لا غير ) مش تقولوا 1250 دينار وبتتكلموا فى كلام غير الواقع يا جماعه الخير انا بتمنى من الجميع اللى ميعرفش ميعلقش عشان منضللش ناسنا وكل عام وانتم بخير وتمنياتى للجميع

ايوه حضرتك دى مش فيزا دى زياره تجاريه فعلا وانا سألت هنا قبل كده والناس كلها قالت انهم واحد

الاربع نقط اللى حضرتك كاتبهم دول بصراحه معنديش اى تفاصيل اكتر من اللى قلتهم هنا

1-معرفش اصلا تعديل الوضع من الشئون

2-الاقامه قالى بسنه واحده

ا 3-ذن العمل ده حد كان نصحنى اسال عليه قبل ما اتورط..ومعرفش بصراحه عنه حاجه لانى قلت اسالكم هنا الاول وبعدين اكلم الراجل اللى هيعملها

4- معرفش ايه فايدتها عندكم

كل ده مش مهم لما حضرتك تقولى ان تكلفه الزياره 150 دينار..............؟وده السعر فى اى مكتب ..هنا ولا فى الكويت؟

والزياره +تعديل الوضع+تامين صحى+طوابع =كله ده هنقول 500 دينار...فين الكلام ده

بصراجه انا اتلخبطت خالص ومعدتش عارف ايه الصح وايه الغلط وكرهت نفسى كمان...

[HDarwish]

يا جماعه اصلا مفيش فيز بتطلع هو هيجى اكيد زياره تجاريه وبعديين يحول المهم انه يسأل فى الاتى:

1- 1250 دينار شامله 200 دينار تعديل وضع فى الشئون ولا لا

2- دق الاقامة 2 سنه ولا لا

3- اذن العمل الراتب فيه كام والمهنه ايه عشان الرخصه وبعدين الالتحاق بعائل

4- دلوقتى القانون بيسمح للى معاها زياره تجاريه انه يحول منها لكفيل تانى مش شرط نفس الكفيل وهنا بقى الفكره الحلوه اللى غايبه عن الكل وهى

* سعر الزياره التجاريه اى مكتب بيجيبها 150 دينار وبيشترط انه يعطيه عليها تحويل

* يعنى لو حول يبقى اتكلف الاتى 150 سعرها + 200 تعديل وضع + 52 رسوم تأمين صحى+ 20 طوابع هجره يبقى المجموع كام (452 دينار لا غير ) مش تقولوا 1250 دينار وبتتكلموا فى كلام غير الواقع يا جماعه الخير انا بتمنى من الجميع اللى ميعرفش ميعلقش عشان منضللش ناسنا وكل عام وانتم بخير وتمنياتى للجميع

ايوه حضرتك دى مش فيزا دى زياره تجاريه فعلا وانا سألت هنا قبل كده والناس كلها قالت انهم واحد

الاربع نقط اللى حضرتك كاتبهم دول بصراحه معنديش اى تفاصيل اكتر من اللى قلتهم هنا

1-معرفش اصلا تعديل الوضع من الشئون

2-الاقامه قالى بسنه واحده

ا 3-ذن العمل ده حد كان نصحنى اسال عليه قبل ما اتورط..ومعرفش بصراحه عنه حاجه لانى قلت اسالكم هنا الاول وبعدين اكلم الراجل اللى هيعملها

4- معرفش ايه فايدتها عندكم

كل ده مش مهم لما حضرتك تقولى ان تكلفه الزياره 150 دينار..............؟وده السعر فى اى مكتب ..هنا ولا فى الكويت؟

والزياره +تعديل الوضع+تامين صحى+طوابع =كله ده هنقول 500 دينار...فين الكلام ده

بصراجه انا اتلخبطت خالص ومعدتش عارف ايه الصح وايه الغلط وكرهت نفسى كمان...

أستاذي لو لك حد مضمون هناك وهيخدمك بجد خليه يعملك زيارة تجارية بس وب 150 دينار وروح هناك وقدم وشوف الحياة عاملة إزاي على أرض الواقع وساعتها هتتأكد بنفسك وتاخد قرارك مظبوط ولو ربنا ما وفقكش يبئا ما خسرتش كتير بالعكس استفدت كتير أهمها اقتناعك التام .. وتلغي كلمة ياريتني من القاموس عندك

الأحسن من كده ..

إنك تتعب نفسك شوية على موقع بيت ومونيستر ومواقع التوظيف اللي بالهبل ومكاتب التوطيف اللي مغرقة الدنيا ولو حتى طلعت على شركة اي كلام هيبئا أحسن بكتير من انك تروح تدور على شغل

نماذج كتير شوفناها وحالتها كانت تصعب على أي حد .. كل ده علشان التسرع واتخاذ القرار بطريقة عشوائية

شوف مكتب الفجر ومعالي والهداية .. كلها مكاتب محترمة

أنا بئالي شهرين في مصر الوقتي وبمعدل اسبوعيا بيجيلي عروض شغل في الكويت والسعودية .. بس للأسف الدنيا كده لما بتكون عايز حاجة بتجري وراها وما تحصالهاش ولما ما تكونش عايز حاجة تلاقيها بتيجي لحد عندك وتقول مش عايزها

تمنياتي بالتوفيق وانا في الخدمة لو أقدر اساعد بأي حاجة

تم تعديل 8 يوليو 2010 بواسطة HDarwish

[بسنت رمزي]

ياجماعه لو سمحتو سؤال صغير ياريت تردوووو

انا فهمت دلؤتي ان الزياره التجاريه هيا هيا الفيزه الحره ده من الصفحتين تلاته اللي فاتو

دلؤتي عاوزه اعرف هوا تحويل الزياره لاقامه ليه شروط ؟؟

يعني لازم مؤهل جامعي ؟ يعني لو واحد مؤهل فوق متوسط معهد سنتين واشتري زياره تجاريه فيها تحويل هل ممكن يحول الي اقامه ؟؟؟

[hakeem]

أستاذي لو لك حد مضمون هناك وهيخدمك بجد خليه يعملك زيارة تجارية بس وب 150 دينار وروح هناك وقدم وشوف الحياة عاملة إزاي على أرض الواقع وساعتها هتتأكد بنفسك وتاخد قرارك مظبوط ولو ربنا ما وفقكش يبئا ما خسرتش كتير بالعكس استفدت كتير أهمها اقتناعك التام .. وتلغي كلمة ياريتني من القاموس عندك

الأحسن من كده ..

إنك تتعب نفسك شوية على موقع بيت ومونيستر ومواقع التوظيف اللي بالهبل ومكاتب التوطيف اللي مغرقة الدنيا ولو حتى طلعت على شركة اي كلام هيبئا أحسن بكتير من انك تروح تدور على شغل

نماذج كتير شوفناها وحالتها كانت تصعب على أي حد .. كل ده علشان التسرع واتخاذ القرار بطريقة عشوائية

شوف مكتب الفجر ومعالي والهداية .. كلها مكاتب محترمة

أنا بئالي شهرين في مصر الوقتي وبمعدل اسبوعيا بيجيلي عروض شغل في الكويت والسعودية .. بس للأسف الدنيا كده لما بتكون عايز حاجة بتجري وراها وما تحصالهاش ولما ما تكونش عايز حاجة تلاقيها بتيجي لحد عندك وتقول مش عايزها

تمنياتي بالتوفيق وانا في الخدمة لو أقدر اساعد بأي حاجة

شكرا لردك ..بس اصلا اللى قالى ع الزياره التجاريه دى واحد كان صحبى وزميلى ومعنى انه يقولى انها ب 1250 دينار واقامه سنه ..وحضارتكم تقولوا دى ب 150 دينار ..او حتى لو حولتها هتتكلف بالكتير اوى 500 دينار..يبقا حاجه من اتنين يا الراجل ده ميعرفش حاجه فى البلد (وده هناك بقاله 5 سنين متواصله)او دى عمليه نصب...؟لان الفرق بين السعرين مش بسيط

طيب بفرض انى عايز اجرب زى ما حضرتك بتقول منين اجيب الزياره ام 150 دينار دى.........؟

بالنسبه بقا لمواقع التوظيف انا متابعها ديما وخصوصا بيت كوم..ومسجل فيها من سنتين يمكن ومفيشاى جديد ..حد برده قالى طالما السى فى مش جامده يبقا انسى المواقع دى..جامده ازاى ..يعنى اشتغلت فى شركات كبيره جدا او كورسات من ام اسعار فلكيه..

*مكاتب التوظيف :انا جيت اسالكم هنا اصلا بعد تجربه مريره مع المكاتب بتاعت التوظيف ...

اغلبيتهم شغالين للسعوديه ومرتبات تعبانه كلها ويوم ما لقيت الكويت قالى حارس امن وبرده كانت ب 14000 جنيه

بس هعمل بنصيحتك واجرب المكاتب اللى حضرتك قلت على اسمها دى وربنا يسهل من عنده

وربنا يكرمك ويكترلك العروض..ويرزقنا بعرض من دول :closedeyes:

[zezomr]

بسم الله الرحمن الرحيم

بصراحة انا مبسوط جدا جدا من الموضوع الجميل دة وكنت متابعه و انا في مصر قبل مأفكر اجي الكويت خالص و الفكرة ماكانتش اصلا في بالي ولا في الاحلام وكانت زوجتي هنا في الكويت ليها 3 سنوات وعايش في مصر انا و 2 اولادي و مستريحين و عايشين و فلة

ملحوظة انا كنت بشتغل مدرس في مصر (تربية بدنية) المهم جالنا نونو صغيرة وكان صعب انها تعيش معايا في مصر فكان القرار الصعب اما نعيش كلنا في مصر او نعيش كلنا في الكويت المهم زوجتي الغالية جدا عملتلنا التحاق بعائل بعد ماسافرت علي طول السنة اللي فاتت و فجأه وجدت نفسي في دوامة الاوراق و التجهيز للسفر المهم ربنا سهل و سافرنا و كان في شهر 10 2009 ووصلنا الكويت و كانت فرحتنا كبيرة اننا اتجمعنا علي بعض و خلاص خدنا يومين حلوين و مبسوطين ثم بدأت رحلة البحث عن المشاكل و المتاعب الا و هي الشغل

طبعا الاقامة ماتنفعش المهم تصدقوا بالله هو رزق العيال المهم بعد ماجيت بحوالي شهر اتوفر ليا شغل تصدقوا عن طريق واحد معرفة فية واحد بيشتغل سكرتير في شركة مقاولات و نازل اجازة شهر وعاوز واحد يشتغل بدلة الشهر دة قلت الحمد لله فاتحة خير ويمكن ربنا يسهل المهم رحت الشغل طبعا انا مدرس وماليش دعوة بالسكرتارية لكن بفضل الله و بحمد اتقنت العمل مع المقاولات و المقاولين و المهندسين و الخرسانة و الكلة و استمريت فية 6 شهور وكنت بشتغل سكرتير بالاضافة لمعرفتي في صيانة الكمبيوتر كنت بصين الاجهزة الموجودة بالشركة و كمان كان ولد بيجي يصلح ماكينات التصوير الموجودة بالشركة اتعلمت الشغلة منة و كنت بصلح الماكينات برضة و الحمد لله لكن تعمل اية للمصريين صعب عليهم اني استمر في الشغل علشان توفير النفقات رغم اني كنت موفر علية مصاريف صيانة الاجهزة اللي هية براتب تاني المهم خلصت شغل في شهر 5 2010 ومن ساعتها و انا بدور علي شغل ومش عارف اتصرف البلد دي كلها شغل وسايط حتي الاعلانات في الجريدة يكون الاعلان نازل الصيح تتصل الظهر علية يقولك خلاص مش عاوزين و ياسلام لو بيرد عليك واحد مصري يحسسك انك هتشتغل رئيس امريكا بالاسئلة بتاعتة و يخلي الواحد يتعقد المهم اني في خلال اللفة دي و هية بالنسبة للخبرات الكتيرة الموجودة في الموضوع الجميل دة مش حاجة اني عرفت ان الاقامة الالتحاق بعائل تقدر تحول بيها عادي ومافيش مشاكل وبدون شرط السنة طالما انك حاصل علي مؤهل عالي بس المشكلة اللي ماحدش مديني رد فيها حكاية الليسن هو بيقول في الشروط انا تجيب موافقة الكفيل طيب الكفيل بتاعي مدرس ومستثني من شرط الراتب بالتبعية انا مستثني زية واقدر اطلع ليسن هل الكلام دة مظبوط ولا لا عارف اني طولت عليكم بس هنا مش عارف اتكلم مع حد اتخنقت و الله العظيم هتقولوا يابني مانت كنت شغال في مصر اية اللي جابك والله ماعرف بس هما عيالي علشان المسافة ماتكونش بعيدة بينا و اخسر مراتي و عيالي فجيت باي خسارة المشكلة اني في مصر عمري في حياتي مادورت علي شغل و لا لفيت انا اتعينت بعد التخرج فهنا مش عارف اطلع ولا الف ولا اتحرك و كل اعتمادي علي المعارف و الاصدقاء و طبعا ماحدش فاضي للتاني طبعا هتقولوا امال جاي لية لما مش عاوز تلف وتدور اقول دة نصيب من عند ربنا طيب انا اعمل اية انا طلعت علي كدة من زمان و مش قادر اغير طب اعمل اية عارف ممكن يتقال اية او يترد عليا ازاي بس والله علشان انا حبيتكم قلت افضفض معاكم والقي ناس تتكلم معايا و الحمد لله رغم ان فية كلام كتير كتير كتير بس الواحد يعمل اية هما دول اللي طلعوا مني وربنا يكرمكم و يديم عليكم المحبة اللي انتوا فيها

اخوكم ابو زيزو

[ebnalqym]

سلام عليكم يابو زيزو من جمال كلامك زي ما قال الشاعر : قرأت خطك ألفا.... ولم أترك منه حرفا.......

اولا: اهلا بيك في الكويت ونورت والله وباختصار شديد .... عجبني كلامك .... والفلوس مش كل حاجة .... واهم حاجة الراحة النفسية وتجمع الأسرة مع بعضها..... دا ابتلاء من ربنا وان شاء الله ربنا هيكرمك على اد صبرك .... ان مع العسر يسرا ... كل اللى اقدر اعمله دلوقت ادعي لك ربنا يكرمك ويرزقك برزق أولادك ويبارك لك في اهلك....

[ارماندوا]

هو بالنسبه للتحويل على عمل شرط المده مطلوب لانك التحاق بعائل لكن بيتلغى شرط المده فى حاله انك مقيم ماده 18 يعنى قطاع اهلى ومؤهل جامعى تقدر ساعتها تحول فى اى وقت لكن وضعك انت لازم تستنى سنه

اما بالنسبه للرخصه لما تحول انشاء الله على مدرسه كده هيتكتب فى اذن العمل بتاعك مدرس كده انت هتتعفى من شرط الراتب وموافقه الكفيل على ورقه بسيطة مفيهاش مشكله.

لكن اذا ما اتيحت ليك فرصه التدريس يبقى كده لازم تكتب حاجة من الاتنين يا اما مندوب وراتب 250 دينار او سايق وده مش شرط الراتب لكن شرط الرخصه المصريه ومتوثقة

اما بالنسبه للشغل ده انت بلاش تدور فى الجرايد وكلام من ده مشى حالك بأى شغلانه لحد ما تقدر تحول قطاع اهلى او حكومى لكن انت دلوقتى فى حال لازم تصبر عليه لان الوضع غير قانونى محتاج الصبر لشهر 9/2010 وتحول بعديها وربنا هيرزقك برزق اولادك انشاء الله :D

[zezomr]

السلام عليكم ورحمة الله وبركاتة شكرا اخي ebnalqym علي دعواتك وربنا يكرمك انشاء الله تصدق بالله والله انا مش حاسس هنا غير بالحر و الرطوبة علشان عيالي معايا وميرسي علي الكلام الجميل

اما اخي ارماندو انا مش فاهم حكاية مادة 18 دي ماكل الالتحاق بعائل مادة 22 انا الكفيل بتاعي مادة 18 اية المشكل ممكن افهم وشكرا اخي ارماندو

[ارماندوا]

لازم انت تكون ماده 18 مش زوجتك مالها هى شغل بالموضوع خالص انا بتكلم عليك انت wst::

[zezomr]

اوك اخي ارماندو طيب ازاي ابقي التحاق بعائل مادة 18 ممكن بس شوية توضيح وعلي العموم هانت و العيد في شهر 9 وربنا يسهلها علينا

[ارماندوا]

شوف انت الحين ماده 22 يعنى التحاق بعائل على زوجتك اوكى كده

بما انك جيت الكويت فى شهر 9/2009 يبقى انت يحق لك التحويل شهر 9/2010 عشان تكون انت تكون كملت سنه كامله وده من حقك عشان القانون بيقول كده

انت بقى هتحول على ايه لو على قطاع خاص اللى هو الاهلى هتبقى ماده 18

لو انت هتحول على حكومه هتبقى ماده 19

النقطه اللى انت عايز تفهما هى انك لما تبقى على اقامة خاصه بيك انت هتبقى على اقامة 18 او 19 فى الحاله دى وبما انك مؤهل عالى يحق ليك التحويل فى اى وقت من على كفيلك دون شرط المده ولو كانت اسبوه واحد بشرط الموافقه على التحويل وربنا يوفقك. :lol:

[أمل حياتي]

مرحبا بكم ، اهنيء نفسي اني استطعت اخيرا المشاركه في المنتدي

هو منتدى محاورات المصريين ولكني مصرية الهوى كويتية الجنسية فهل تقبلوني بينكم حيث كنت اتابعكم من بعيد

[أمل حياتي]

وسوف اشارك من حين للآخر نظرا لتواجدي في مصر الآن باجازه والنت غير متوفر دائما فأرجو المعذره

[zezomr]

مشكور اخي ارماندو عارف اني طولت عليك طيب انا الحين جات لي شغلانة كاشير في جمعية تعاونية وقالولي هتشتغل لحد مانحول الاقامة طيب هل الشغلة دة مجزية ولا لا مع العلم ان فية جمعية تاني برضة يعني ادينا بنحاول فيها ممكن اشتغل سكرتير او مدخل بيانات طبعا لما احول الي اي جمعية او اي قطاع يحق لي التحويل منها في اي وقت صح علي حسب كلامك انا محتار خايف اتردد تضيع كل الفرص ومشكور جدا جدا علي سعة صدرك واجابتك المفيدة :lol:

[HDarwish]

مرحبا بكم ، اهنيء نفسي اني استطعت اخيرا المشاركه في المنتدي

هو منتدى محاورات المصريين ولكني مصرية الهوى كويتية الجنسية فهل تقبلوني بينكم حيث كنت اتابعكم من بعيد

أهلا وسهلاك بحضرتك بين إخوانك ... مستنين تفاعلك ومشاركتك معانا

تحياتي