المصريين المغتربين بالكويت

[الغريب]

غايب أنا عنكم شوية سامحوني مشغوووول

يا أهلا بكل الأخوة الجدد اللي منورين الموضوع zezomr و أرماندوا و حمال الأسية

راجع لكم أنتظروني :lol:

[أمل حياتي]

شكرا على ترحيبكم وفي الحقيقه اني حاشارك بصوره مكثفه لاني قرأت كل تعليقاتكم وعجبني اسلوب الطرح لاني دايما باتعاطف مع اي ظروف انسانيه كلنا ممكن نمر بيها وقد قرأت جيدا معاناة البعض او الكل في الكويت وحتي انا بحكم إحتكاكي بناس كتير من الجنسية المصريه وتجاربي معاهم اللي حأقولها بس شويه شويه عشان انا في اجازه حاليا

بس الطرح جيد وجاد ويستحق المناقشه وسوف تدهشكم ما تعرضت له من تجارب مع الوافدين واتمنى فعلا ان ربنا يوفق الجميع ويساعدهم على تخطي الصعوبات وربنا يرزقكم جميعا بالرزق الحسن

[رونا]

لو سمحتم تقبلونى فى مغرتربى الكويت

ولاونى لسة بمصر

بس كان ليا سؤال

اية الاجراءات والمبالغ المطلوبة للاستقدام للزوجة

[ارماندوا]

الاخ زيزوا ولا يهمك انت مطولتش ولا شئ اى استفسار فى قانون العمل ليك للخوه المصريين فى المنتدى انا ممكن ارد عليه بالنسبه لموضوع الجمعيه كويس انك تبتدى فيها وانت قدامك 3 شهور لسه على التحويل اشتغل لكن بالنسبه لتحويل الاقامة ده انا مرجحوش لانك لو اشتغلت بمؤهلك هيكون احسن لان راتب الكاشير او مدخل البيانات بيتراوح بين 150 لحد 180 ده لو حصل يعنى اشتغل ومتحولش اقامتك من على زوجتك الا لما تكون اشتغلت فى مكان صح وصح جدا صدقنى وخد بنصيحتى اوعى تستعجل فى التحويل على اى حد الا لما تكون شركة صح تديك راتب صح انا قولتلك خبرتى فى البلد وخلى بالك متحولش على اى شركة صغيره يبهدلولك ولما تطلب التحويل مش هيديهولك بسهوله لازم تشتكى فى الشئون ولو هو مسنود هيسفرك وهيعملك تغيب عارف يعنى ايه تغيب يعنى هتروح الابعاد شهريين على الاقل سجن يعنى وتترحل خلى بالك

ااما بالنسبه للاخت الجديده مصريه الهوى اهلا بيكى

والاحت رونا هرد عليكى لوحدك دلوقتى

[ارماندوا]

الاخت روتا حياكى الله هو بالنسبه لموضوع الاستقدام هو ليه شرط واحد انه جوزك راتبه لازم يكون 250 دينار مينفعش يكون اقل من كده اما بالنسبه للمصاريف هو هيبقى

اول سنه 100 دينار فى الهجرهرسوم التحاق بعائل وبعدين تأمين صحى للسنه 48 دينار للسنه هو 52 للوافد لكن انتى غير والهجره السنه 12 دينار طوابع هى دى كل المصاريفالله

تيجى بالسلامة انشاء

[أمل حياتي]

انا حاستني تعديل الموقع لان كل شويه باحاول ادخل عالموضوع الاقيه مش موجود ودخلت بطريقه اخرى

هل في تعديل على شكل المنتدى يمكن ده الظاهر دلوقتي

اختكم حمال الأسيه :blush2:

[HDarwish]

ما شاء الله

ده إنتم كده هتخلوني أفكر تاني أرجع الكويت

الإخوة أرماندو - حمال الأسية - رونا - Zezomr

كل الأعزاء أهلا وسهلا بيكم نورتوا الموضوع وفي انتظار مشاركاتكم الجميلة

رونا ..

حضرتك مش محتاجة استئذان البيت بيتك وتوصلي الكويت بالسلامة إن شاء الله ربنا يجعل لك الخير فيها

بالنسبة لاجراءات استقدام الزوجة وبالمناسبة لفظ استقدام مش منتشر في الكويت وبنسميها الالتحاق بعائل

الشروط لازم يكون الراتب مش أقل من 250 دينار وده مش تعسف من الإجراءات في الكويت ولكن ده أقل راتب ممكن واحد يعيش بيه هو وزوجته في الكويت

أظن المهنة مش شرط خالص وممكن حد يفيدنا أكتر في النقطة دي

قسيمة الجواز لازم تكون متوثقة من الخارجية في مصر والسفارة في الكويت والخارجية الكويتية

صورة جواز الزوجة وأصل جواز الزوج وإذن العمل والقسيمة اللي متوثقة زي ما قلنا

وعالجوازات وطلب بنصف دينار من عندي الطباعين ويقدم طلب التحاق بعائل

الطلب يتوافق عليه ويتبعت على مصر ولحد كده نصف الإجراءات في الكويت خلصت

في مصر بيتم الكشف الطبي ولو الزوجة تعمل في مصر بتاخد موافقة من العمل أو القوى العاملة حاجة زي كده

وكده الاجراءات في مصر خلصت

في خلال شهرين من الوصول إلى الكويت بيتم كشف طبي تاني وتأمين صحي وبعض الرسوم اللي بتوصل تكاليفها في النهاية لحوالي 150 إلى 180 دينار

ربنا يجمع الكل على خير

تحياتي

حمال الأسية

بصراحة الموقع في شكله الجديد احسن من الأول بس هي عملية تعود

أهلا وسهلا بحضرتك في مصر ويارب تقضوا أجازة سعيدة

تحياتي

Zezomr

وارماندوا

استنوا علي راجعلكم كلام كثير عايز اقولة

تحياتي

تم تعديل 14 يوليو 2010 بواسطة HDarwish

[Simba]

صباح الخيرات

عدنا من الاجازة والعود أحمد

ما شاء الله انا شايف وجوه كتير في خلال شهر واحد

وحشتووووووني كلكم

[الغريب]

صباح الخيرات

عدنا من الاجازة والعود أحمد

ما شاء الله انا شايف وجوه كتير في خلال شهر واحد

وحشتووووووني كلكم

الحمدلله على سلامتك يا سيمبا

طمنا عليك وعلى البلد

[pocy]

السلام عليكم ورحمه الله وبركاته

وحشتونى يا اخوانى واخواتى فى الكويت اتمنى ان يكون الجميع بخير

اولا احب ارحب بالاخوان والاخوات الجدد بسنت وحمال الاسيه وزيزمر و حكيم وجست تري وارماندوا واقولكم كل سنه وانتم جميعا طيبين وبصحه وسلامه شعبان دخل علينا ويارب يبلغنا رمضان ونكون احسن واحسن

عودا احمد الاستاذ حسن درويش على عودتك تانى للمحاورات الكويت واتمنى ان تكون انت والاسره الكريمه جميعا بالف خير

واعتقد انك هتفيد الشباب في موضوع الشغل ده اكتر منى واتمنى انهم يركزوا فى الكلام وربنا يوفقهم لما يحبه ويرضاه

الف الف الف حمد لله ع السلام استاذي سمبا عايزين تقرير مفصل لماحدث معك فى مصر الحبيبه وربنا يكرمنا بيها يارب اللهم امين

استاذي الغريب اين انت من المحاورات اتمنى ان تكون ظروف عملك بخير ان شاء الله وتقولنا مسافر مصر امتى ان شاء الله

يا ترى يا جماعه حد يعرف اى اخبار عن قلب ابيض اتمنى تكون بالف صحه وسلامه ان شاء الله

بسنت يا حبيبتى طبعا الاستاذه الكرام ردوا على سؤالك ووفوا وكفوا كمان وربنا يوفقك ان شاء الله

رونا بالنسبه لىستقدام فهم زى ما قالولك بالضبط كده رسوم الهجره 100 دينار و10 طوابع ولازم يكون مرتب الزوج لا يقل عن 250 دينار فى اذن العمل

والتامين الصحى ليكى 61 دينار سنويا ولو للطفل بتبقي 31 دينار ايضا سنويا وانا لسه عامله الاقامه من فتره

وبمانى حولت من ماده 18 وهى الشغل فى قطاع اهلى الى ماده 22 وهى التحاق بعائل فلم يلزم منى انى اعمل كشف طبي في مصر والحمد لله

فالتكاليف في مصر مش عرفاها

وتكاليف تجديد الاقامه بتكون تقريبا 20 دينار طوابع والتامين الصحى وفقط ولو خالفتى يعنى اتاخرتى فى موضوع الاقامه كام يوم بيكون ع اليوم 2 دينار على حسب ما اذكر

وان شاء الله ربنا يكرم الجميع يارب

اختى الفاضله : حمال الاسيه

اهلا وسهلا بيكى معانا يا قمر واكيد طبعا هتشاركينا وده شئ يفرحنا جميعا ان يكون اهل البلد معانا واحنا بنتناقش في اى امر وربنا ييسر اللى فيه الخير

ومنتظرينك ياقمر لما ترجعي من اجازتك وتحكيلنا عملتى ايه فى مصر ورحتى فين والحركات دى يعنى وايه اللى عجبك هناك

وسلام مؤقت

[pocy]

اخى الفاضل تامر والشهير بطمووووووووووووووووره

دى رحله عذاب وضنا لالالا مش هفكر فى الموضوع ده ابدا الا لو معايا خمس عيال وكبار كمان ههههههههههههههههههه مش اغير البامبرز وانا فى السياره ههههههههههههههه

وربنا يعين ويرجعكم لينا بالسلامه وسلام خاص للمدام

[الحاج فوزى]

ياجماعه انا جديده هنا وعايزه أرائكم ضروري

انا عايشه في الكويت ومواليد الكويت وعايشه مع اهلي بس خلصت ثانوي ونزلت مصر علي الكليه واتخطبت لواحد من مصر معاه سياحه وفنادق معهد سنتين بس واهلي كانو معارضين عشان المؤهل اقل وكمان عشان رفضت العرسان اللي عايشين في الكويت لان احنا استقرارنا في الكويت

المهم وافقو واتخطبت وانا دلؤتي شغاله في الكويت مدرسه في مدرسه حكومه ومرتبي كويس وكل حاجه الحمد لله

بس خطيبي بأه اشتري فيزه حره من مكتب سفريات في مصر اسمو تقريبا بسمله حاجه زي كده والمفروض انو هيجي ودفع 5 الالاف جنيه وخد بيهم وصل وهيدفع الباقي اللي هما 20 ألف لما يستلم التأشيره

لحد كده انا مش عارفه اللي حصل ده مضمون وصح ولا مخاطره وبعدين اهلي قالولي ان ملهمش دعوه وطالما انا رضيت يبقي استحمل وانا قولت لخطيبي الكلام ده وهوا كرامتو متسمحلوش يطلب مساعده ولا حتي استشاره من اهلي

ومعاه حق بس انا مش عرفه اسأل مين ولا هوا كمان عارف هوا كده صح ولا هيتنصب عليه

هوا علي فكره معاه لغات وكان في مدارس لغات وكويس يعني ممكن يشتغل حجات كتير وهوا اصلا شغال مرشد سياحي ومرتبو 2000 جنيه بس هوا جي الكويت عشاني انا مستقره واهلي مستقرين وهوا ان شاء الله هيبقي كويس بمساعدتي وانا هستحمل عادي هقف جمبو ومستعده اديلو مرتبي كلو لحد ما يقف علي رجليه عادي معنديش مشاكل

بس قولولي هوا في امل يكون المكتب مش نصابين ولا ايه ؟

انا خايفه وحاسه بالزمب اوي

هوا المفروض يطلب ايه من الراجل بتاع مكتب السفريات ضمانات مثلا ولا ايه؟

انا معرفش حاجه انا لسه متخرجه السنادي وخبرتي قليله شويه متستغربوش من اسألتي

بس انصحوني اعمل ايه

هوا كان في عقود كتير امن وسواقين وحجات كده بس ان قولتلو بلاش لان الرواتب 80 دينار وحجات كده !

وبعدين انا عوزه اسأل علحاجه مهمه بردو

انا جبت سياره كويسه ب 600 وبسوق دلؤتي ونفسي هوا لو ربنا اراد وجه يارب يجي

نفسي يسوق ممكن يوصل ناس وكده واحد قريبي بيعمل كده وبيكسب وممشي حالو لحد مايلاقي شغل كويس

بس سمعت ان الرخصه بقت صعبة مووووت

فا انا فكرت هوا ممكن يخلي الكفيل يكتبلو في التأشيره المهنه سائق عشان يعمل رخصه اصل سمعت بابا بيقول ان الرخصه مبقتش متاحه غير لمهن معينه ومنها السواقين والدكاتره وحجات محدوده يعني

فإيه رأيكم اعمل ايه بالزبط ؟؟؟

أسعد الله مساءك بكل خير ..

كم من الأشياء نصر عليها فى سنوات شبابنا الأولى .. وندرك بعدما تمر السنون أن الأهل كانوا على حق ويا ليتنا " سمعنا الكلام " ..

سامحينى لو كانت جملتى الأعلى على عكس ما ترغبين سماعه .. لكنك طلب النصيحة ، لذا نصحت هادفا ً ان تتأكدى من كافة قراراتك .

عودة لأهم سؤالاتك ..

موضوع شراء الإقامات الأن فى الكويت من أخطر ما يكون .. فلم يعد الأمر كسابق عهده . .. حتى وإن كان الأن يتم .. فالتضييق عليه سيشتد بكثرة فى الأيام القادمة . وسيرغب كل تجار الإقامات فى التخلص من هذه العمالة الوهمية فى أسرع وقت حتى لا يقعون تحت طائلة القانون .

طبعا هذا بجانب إحتمالية أن يكون أصلا نصاب - الحديث على مكتب السفريات - وتضيع النقود على خطيبك ..

أما بخصوص أن يعمل سائقا ً فكما قلت أنت بنفسك .. راتبه لن يتعدى الـ 80 أو 100 دينار ... وبالطبع هذا الراتب لن يمكنه من فتح بيت وتحمل مصاريفه حتى بالمشاركة معك .

لست أدرى ما النصيحة المثالية لكن لا أنصح إلا بأن يكون له وظيفة جيدة بالكويت إذا رغبت فى حضوره

وألا يأت على إقامة مشتراه من تاجر إقامات ..

[ارماندوا]

كلامك كله صح بس هى مش هتقتنع بيه الا فى حاله واحده انها يجيلها ابن الحلال اللى يملا الفراغ اللى هى عايشاه الحين وفى الوقت المناسب واهلها عندهم حق بس مش هتقتنع سيبها تجرب وهى تلمس الامور احنا عملنا اللى علينا وخلاص

[أمل حياتي]

مساء الورد على الجميع كنت وعدتكم بالمشاركه ولكن ظروف تواجدي في اجازه في مصر حاليا والنت غير متاح لي في كل وقت لذا اعتذر وفي الواقع اتمنى ان ربنا ييسر الحال ويرزق الجميع وعندي العديد من الاشياء التي ارغب في طرحها وحتى قد تكون مفيده لكم وحتى يمكنكم سماع وجهات نظر اخرى غير مصرية في مواضيع المغتربين

[أمل حياتي]

انا حاسه ان الموقع كان شكله احلى لأن الخط صغير خالص حاولت اكبره معرفتش مع تحياتي للأخ ارماندو ودرويش

[أمل حياتي]

شكرا اختي pocy على ترحيبك انا لسه بالاجازه بس باتابع مناقشاتكم ربنا ييسر لكم الخير

تم تعديل 18 يوليو 2010 بواسطة حمال الأسيه

[أمل حياتي]

انا باكتب وبابعت يا جماعه ومفيش حاجه

[pocy]

ترجعى بالف سلامه يا قمر ومنتظرين مشاركاتك لا كلامك واصل ولله الحمد ودى اقل حاجه والباقي لما يرجع من الاجازه هتلاقي الدنيا هنا بتشغي

[Simba]

صباح الخير والورد علي الجميع

الخط ممكن يتكبر من الادوات اللي بتكون في شريط المتصفح فوق

انا النسخة الجديدة دي عاملة لي ربكة ومش حاسس اني علي المحاورات كمان مفيش شريط متحرك الواحد كان بينه وبين النسخة القديمة عشرة سنين مش سهلة برضه

[hakeem]

يا جماعه الكويت ..كنت سالتكم من كام صفحه عن الزياره التجاريه وناس قالتلى غاليه وناس تانيه قالت ان سعرها بعد ما تتحول لاقامه بالكتير هيكون 500 دينار وسالتكم منين اجيبها بالسعر ده ومحدش من الافاضل اللى قال السعر ده رد عليا ممكن افاده ولا اللى بطلبه كتير

وشكرا

على فكره لو حد هنا من الاداره المنتدى بقا غريب اوى بالشكل الجديد ده وبصراحه مش مريح زى الاول