المصريين المغتربين بالكويت

[ابن مالك]

اخواتى الكرام اريد معرفة متوسط مرتبات المهندسين فى الكويت شامل السكن والطيران خبرة 12 سنة ياريت يقول لنا

[areeg]

اخواني المصريين في الكويت ارجو منكم المساعده حيث ارسل الي احد مستشفيات الكويت مستشفي الامومه في الرقعي ايميل للعمل

لديهم وابلغوني ان استعد في 10 ايام فهل ممكن تكون الاجراءات بهذه السرعه لاني معي طفل رضيع واريد تدبير اموري هل هذه الزياره التجاريه وهل تتطلب هذه الزياره الخروج من البلد والدخول مره اخرى لعمل الاقامه ام تحول الي اقامه علي طول وهل يعرف احدكم اي شيء عن اداره المستشفي او عن اداره المستشفيات الخاصه بوجه عام وتكاليف الاقامه بتكون كام وعلي المستشفي ام عليا 1 لكم جزيل الشكر

[الغريب]

اخواتى الكرام اريد معرفة متوسط مرتبات المهندسين فى الكويت شامل السكن والطيران خبرة 12 سنة ياريت يقول لنا

الأخ الفاضل أبن مالك صراحة سؤالك هندسي ولذلك لن أفيدك ولا أعتقد أن هناك من الأعضاء النشطين في هذا الموضوع من يفيدك والله أعلم ، لذلك لك طريقين :

1- في صفحة المغتربين المصريين ستجد موضوع مثبت عن عقود العمل وخلافه وأعتقد أنه سيفيدك في تحديد مدى جدوى المعروض عليك.

2-يمكنك أستخدام خاصية البحث في المنتدى لعلك تصل أيضا لما يفيدك.

تقبل عذري وتمنياتي بالتوفيق

اخواني المصريين في الكويت ارجو منكم المساعده حيث ارسل الي احد مستشفيات الكويت مستشفي الامومه في الرقعي ايميل للعمل

لديهم وابلغوني ان استعد في 10 ايام فهل ممكن تكون الاجراءات بهذه السرعه لاني معي طفل رضيع واريد تدبير اموري هل هذه الزياره التجاريه وهل تتطلب هذه الزياره الخروج من البلد والدخول مره اخرى لعمل الاقامه ام تحول الي اقامه علي طول وهل يعرف احدكم اي شيء عن اداره المستشفي او عن اداره المستشفيات الخاصه بوجه عام وتكاليف الاقامه بتكون كام وعلي المستشفي ام عليا 1 لكم جزيل الشكر

أختي الكريمة تقريبا كدة المستشفى ممكن في خلال العشرة أيام دي تعملك زيارة تجارية ولما هتوصلي الكويت من السهل تحويل هذه الزيارة لإقامة وأنت داخل البلد ، ولكنك مع كل أسف لم تذكري أي تفاصيل :

يعني العرض ده جالك أزاي أصلا ، والمرتب أيه والكلام ده كله لازم تذكريه ، وأوعي.. شوفي أوعي تييجي كدة لوحدك بسهولة من غير أي ضمانات من مصر ..

ياريت متتصرفيش من نفسك وتطلبي مشورتنا والناس هنا مش هتتأخر عليكي وفي المجال الطبي موجود الأخ سيمبا أظنه هيفيدك في أي سؤال ، بس ياريت متعمليش أي خطوة بأستعجال الموضوع مش سهل ودي بلد غير بلدك .. فضلا تمهلي قليلا

باقي من الزمن أن شاء الله 27 يوم جملي أدعولي ، ولو حد عاوز حاجة من مصر في خدمتكم يعني حد عاوز يودي ثلاجة غسالة أي حاجة :lol:

[pocy]

اخواتى الكرام اريد معرفة متوسط مرتبات المهندسين فى الكويت شامل السكن والطيران خبرة 12 سنة ياريت يقول لنا

ممكن اعرف حضرتك مهندس ايه علشان بتفرق وربنا يوفقك ان شاء الله لما يحبه ويرضاه بس اللى مش عنده خبره او خبرته بسيطه وهيجي على انه جونيور بيبدأ ب 400 وبعد كده بيزيد شويه بشويه وبتكون تذاكر السفر على حسب اتفاقه مع الشركه فى شركات محترمه بتدى التذاكر كل سنه وفى شركات تانيه بتدى تذاكر لكل سنتين يعنى سنه عليك وسنه عليهم وفى بقي شركات خاصه تانيه ملهاش فى تذاكر الطيران وعلى فكره لو محتاجينك ممكن تضغط عليهم وتطلبها سنويا وتذكر فى العقد هذا الامر فى الشروط الخاصه والا سيطبق عليك ما فى قانون العمل واللى هو على ما اعتقد وقت خروجكك فقط منها او بمعنى اصح تريحيلك وربنا ما يجيب الموضوع ده

وبالنسبه للسكن قليل جدا ان حضرتك تلاقي شركه بتوفرك السكن بس فى شركات قليله بتضيف بدل سكن للراتب وانت وحظك بقي وربنا يوفقك لما يحبه ويرضاه

بس ممكن تشارك مهندسين زميلك فى سكن محترم ومفروش ومثلا يطلعلك الغرفه ب60 دينار مثلا لو طبعا سكن اقدمى وفى منطقه كويسه ودى ممكن تلاقيها فى جريده زى الوسيط مثلا

واى سؤال احنا حاضرين ان شاء الله

[pocy]

اخواني المصريين في الكويت ارجو منكم المساعده حيث ارسل الي احد مستشفيات الكويت مستشفي الامومه في الرقعي ايميل للعمل

لديهم وابلغوني ان استعد في 10 ايام فهل ممكن تكون الاجراءات بهذه السرعه لاني معي طفل رضيع واريد تدبير اموري هل هذه الزياره التجاريه وهل تتطلب هذه الزياره الخروج من البلد والدخول مره اخرى لعمل الاقامه ام تحول الي اقامه علي طول وهل يعرف احدكم اي شيء عن اداره المستشفي او عن اداره المستشفيات الخاصه بوجه عام وتكاليف الاقامه بتكون كام وعلي المستشفي ام عليا 1 لكم جزيل الشكر

انا بصراحه بشوفها المستشفي دى وانا معديه اصلها قريبه من مجمع المحاكم اللى بالرقعي المهم انا رائي انك تصلي استخاره وبصراحه الاستعجال ده مش حلو فى اى حاجه وبالنسبه للزياره سهل جدا جدا تحول الى اقامه ولا يتطلب انك ترجعى تانى بس انا عايز منك حاجه واحده بس وهى انك علشان تقدرى تعملى التحاق بعائل لاطفالك لازم راتبك يزيد عن 250دينار ودى نقطه مهمه جدا علشان مش تبقي لوحدك وربنا يوفقك ان شاء الله

واى استفسار احنا موجودين ده غير الاخ سمبا ممكن يفيدك وخصوصا انه فى نفس المجال وانسان محترم جدا وعمره ماتاخر على حد

[ارماندوا]

مستشفى الامومه فى الرقعى مستشفى خاصه وكبيره وسمعتها طيبهبس انتى هتشتغلى ايه فيها عشان اعرفلك راتبك هيبقى كام انا ليه فيها ناس

[areeg]

انا اعمل طبيبه تخدير معي ماجستير 2005 كنت اتساءل مصاريف الاقامه علي مين والاخ ارماندو لو تكرم يسالي اطباء المستشفي عن ادارة المكان وعدد ساعات العمل والنبطشيات لان دي اهم حاجه عندي كام وانا ليا اهل كتير في الكويت واخوالي اتنين منهم مقيمين فيها والوظيفه دي جاتلي عبر التقديم علي موقع المستشفي علي النت ومش عارفه الموضوع هيكمل ولا كلام في كلام انا وصلني ايميل منهم امبارح اني ال صوره الجواز واستعد للسفر خلال 10 ايام وانا الصراحه متلخبطه انا زوجي كان جايله عقد حكومي في وزاره الصحه بس بقالنا ثلاث شهور يقولونا الاسبوع الجاي مش عارفه ارتبط بالناس دول ولا استنى عقد زوجي الي الله اعلم هيكون مصيره ايه وابقى اقدم في الحكومه لان زوجي جرب الخاص في السعوديه وكان سئ جدا

تم تعديل 22 يوليو 2010 بواسطة areeg

[ارماندوا]

الاخت الدكتوره العزيزه انا انشاء الله اسئلك بس عايز اقولك شئ انتى معاكى ماجستير واكيد زوجك صح انتى عارفه ان ليه صاحبى دكتور قلب معاه ماجستير 2007 بيشتغل فى مستشفى الفروانيه بياخد كام بياخد 1200 دينار الشغل فى الحكومه له هنا مميزات ابدا مش راح تلاقيها فى الخاص يبقى لا تقارنى بين الخاص والعام اما بالنسبه للتعاقد فى العام فهو لازم يجيبوه تلات شهور زياره تجاريه وبيعملوله تجربه هناك ولو نجح فيها بيعمل الاقامة على طول وعلى الاساس ده انتى هتيجى عليه التحاق بعائل ومنها تقدمى على طول فى الحكومه ده احسن بكتير اوى ومفيش مقارنه ابدا

[HDarwish]

زميلة وصديقة زوجتي جالها عرض من المستشفى بس هي خلصت الماجستير والنيابة وعندها عيادة خاصة.. العرض على 1700 دينار وبدل سكن 300 دينار

المستشفى سمعتها كويسة ولسه فاتحة جديد .. بالتوفيق

بالنسبة للمهندسين بتختلف حسب التخصص والوضع الوظيفي يعني لو جينيور أو سايت إنجينير أو بروجيكت مانجر أو مانجر أوف بروجيكتس ... أو .. أو

وبتختلف من مدني لمعماري لإنتاج لكمبيوتر ..لـ ...

وحسب الشركة برضه اللي رايح عليها

بالتوفيق للجميع

[areeg]

معلش يا استاذ درويش هو حضرتك متاكد ان صديقه زوجتك معاها الماجستير بس ولا الدكتوراه كمان انا معايا ماجستير ومخلصه النيابه في الجامعه من خمس سنوات وهما في المستشفي بيقولو مقابله وزاره الصحه هي اللي هتحدد المسمي الوظيفي وعلي اساسه الراتب فهل هذا الكلام صحيح

[areeg]

معلشي يا جماعه سؤال لو اضرييت اني اجي علي العقد ده لظروف خاصه وبعد كده كنت عايزه اسيب المستشفي ده واحول على اقامه زوجي لما ييجي ان شاء الله او احول وزاره صحه ممكن بعد قد ايه من العمل

[HDarwish]

لا ماجستير ونيابة بس

على فكرة حتى لو اشتغلتي في الخاص وقبلتي في الوزارة ساعتها هتحولي عالوزراة بدون اي شروط ولا موافقة كفيل ولا أي شيء .. والكلام ده أكيد

يعني لو لسه واصلة النهاردة وقبلتي في الحكومة تاني يوم هتروحي على الحكومة بدون أي شروط

بالتوفيق

[areeg]

شكرا استاذ درويش جزاك الله خير والاستاد ارماندو وجميع مغتربي الكويت ولكن مرتب صديقه زوجه سيادتك اكبر كتير من العروض الموجوده هنا في مصر لمستشفيات الكويت يا رب تكون ممكن تتحقق يكون خير وبركه وربنا يختار اللي فيه الخير

[ام جنة]

السلام عليكم ورحمة الله وبركاته

ازيكم يا جماعة الكويت أو يا جماعة الخير أخباركم ايه جميعا ربنا يجعلها اجازة سعيدة عليكم جميعا

كل سنة وانتم جميعاً بخير داخلين على نصف شعبان ورمضان على الابواب اللهم بلغنا رمضان

اعذرونى على قلة مشاركتى ولكن أنشغلات كتير لكن أنا دائما متابعة أخباركم ومواضيعكم بس انتم عارفين معنديش معلومات أفيد بيها كل الأعضاء

الجدد ولكن الناس هنا ما شاء الله عليهم مبيتأخروش على حد ربنا يكرمهم ويجعله فى ميزان حسناتهم

سلامى لكل الاعضاء الجدد ونورتو المنتدى (قال يعنى صاحبة بيت وبرحب بيهم)

وسلام مخصوص للأعضاء أصحاب سيل العطاء والخير

الأخ سمبا والأخ غريب والاستاذ تامر مصطفى كل عام وانتم بخير وأجازة سعيدة أن شاء الله

ماما قلب أبيض أخبارك ايه وأخبار العروسة أيه (أنا فهمت أن فى عروسة ربنا يبارك فى جميع أولاد)

أختى العزيزة بوسى أخبار الدنيا معاك أيه أخبار عمورى مش عارفه حاسة أن فى حاجة بعداك عن المنتدى زى الأول لعل المانع خير

ومرة تانية كل سنة وانتم جمعيا بخير وسلام

[Simba]

كل سنة وانتم طيبين كلكم يا جماعة

رمضان قرب وانا بتمني اننا نتجمع في يوم علي الفطار في مكان مفتوح زي حديقة الرقعي او اي مكان تاني تشوفوه مناسب

حد قال جاي :)

[قلب ابيض]

صباااااااااااح الفل عالكل

ايه المنتدى الغريب ده؟؟؟

انا غبت شويه جيت لاقيت الدنيا متلخبطه مش عارفه اشارك؟؟ فين البانر يا جماعه ؟

فين الشكل القديم ؟

كده مش حلو خاااااالص

عالعموم

نهاركم سعيد ..وربنا يبلغنا جميعا رمضان بخير يارب وكل سنه وانت الى الله اقرب وعلى طاعته ادوم كل باسمه

وحشتونى جدا الاجازه وحشه جداااااااا -_- وللمره المليون بقول ومش بخاف اهو " بس محدش يضر ب "...وطنى الكويت سلمت للمجد .................بس خلاص

ام جنه تسلمى يارب عالسؤال وبالنسبه للعروسه " قدر الله وماشاء فعل ...الحمد لله "

تحياتى لكم جميع ا

[ارماندوا]

كل عام وانتم بخير جميعا اللهم بلغنا رمضان ويا رب يبقى شهر خير علينا كلنا

[رونا]

الف شكر لكل اللى رحبو بيا

وشكر خاص للاخت بوسى واستاذ درويش وارماندو

انا دلوقتى تقريبا خلصت الاوراق اللى فى الكويت ولسة اللى فى مصر

بس طمعانة فى شوية معلومات كمان

انا زوجى بيشتغل فى الكويت فى السالمية

وبندور على شقة هناك بس مش عارفين يدور ازاى واية الاسعار

بالنسبة للشقة الصغيرة احنا فردين بس

وكمان اسعار الفرش والاجهزة

واية احسن الاماكن اللى نجيب منها

ومستعمل ولا جديد

معلش انا طولت عليكو فى الاسءلة

بس احنا لسة جداد ومش عارفين اى معلومة

[ارماندوا]

انا حصلت فى السالمية غرفه وصاله وحمام ومطبخ على 160 شامل الكهربا والمياه تكيف سنتر بس مش عارف على دخلت المدارس هتبقى الشقق بكام لانه عرض وطلب اما بالنسبه للعفش روحت الحراج يوم الجمعه وجبت غرفنه نوم ممتازة جديده قالى 130 دينار مراتى قعدت تنزل منهم لحد ما وصلت 110 بالتوصيل والتركيب روحتلك على الغانم واخدت باقى الاجهزة بالتقسيط طبعا الله يعينى بقى خدت تلفزيون 20 بوصه 21 دينار وخدت تلاجة صغيره وسط يعنى 38 دينار وبوتجاز معقول اربعه شعله 45 دينار وخدت مكوه 9 دينار وخدت غساله ام روحين 35 دينار ورسيفر 13 دينار ومكنسه كهربا 18 دينار وخدت صينى وحاجات كده للاكل طبعا بس نسيت السعر المهم انى بقسط كل شهر 25 دينار حلو مش كده :roseop:

[اغابي]

كل عـام واخوني المسلمين بالف صحة وخير

بمناسبة شهر رمضان

برغم انى مسيحية لكن حاسة بالفرق بين رمضان فى الكويت عن مصر

ما بالكم انتم - الله يكون فى عونكم بصراحة رمضان فى مصر له طعم تانى

ولمة وكنافة وقطايف ومسلسلات وحكايات وسهر للصبح مفيش نوم - الشوارع كلها صاحية صباحى

يا سلام عليكي يا مصر bv:-

تمنياتى لكم جميعا بشهر مبارك

واعملوا فى الكويت الجو بتاع مصر فى ايام رمضان

انا كنت مسافرة اجازة شهر يوليو داه فى مصر لكن اتلغت رحلتنا لظروف قهرية جدا

لان جوزى غير وظيفته وراح شركة جديدة - فلغينا السفر السنة دى وحنسافر فى 7/2011 - انشاءلله - لو فى عمر مكتوبلنا

على فكرة اول مرة اشترك فى الموضوع داه مع انى اعرفه من فترة

وفوجئت بالصحبة الحلوة

تقبلو منى تحياتي

اختكم اغابي