المصريين المغتربين بالكويت

[شريف مان]

وأنت بمليون صحة وعافية يا أغابى

وربنا يوفقك انت وزوجك

[الغريب]

أهلا أغابي وشكرا على المعايدة الجميلة

على فكرة لو كنتي دخلتي الموضوع ده من زمان كنتي لقيتي دلوقتي من محاورتية الكويت اللي يساعدك لما عربيتك أتعطلت على الدائري الرابع :lol:

كل سنة والجميع بخير

[اغابي]

وأنت بمليون صحة وعافية يا أغابى

وربنا يوفقك انت وزوجك

ميرسي يا مااااااان

على زوقك

وربنا يوفقك ويكون شهر مبارك على الكل

وانا فرحانة بجد بالتوبيك الرائع اللى مش جديد وبجد

ياريتنى دخلت من زمان

اغابي

[mekkawy]

ويلكم باك مس ديسأبيرانس

ازيك يا مس

[اغابي]

أهلا أغابي وشكرا على المعايدة الجميلة

على فكرة لو كنتي دخلتي الموضوع ده من زمان كنتي لقيتي دلوقتي من محاورتية الكويت اللي يساعدك لما عربيتك أتعطلت على الدائري الرابع :lol:

كل سنة والجميع بخير

ميرسي يا غريب

ياااه انت لسة فاكر الموضوع ...كان يوم صعب

بس برضوه اللى ساعدنى مصرى bv:-

يعنى ما روحناش بعيد

وانا ما كنتش اعرف امتى حتعطل العربية دى زى ما تقول كدا قضاء وقدر

ومجاش فى بالى انها تعطل اصلا و انا لسة بادفع اقساطها يا راجل

:lol:

لكن ربنا بيبعت اولاد الحلال فى الوقت المناسب

بصراحة الراجل اللى ساعدنى ومشي فى الشمس مشوار كبير وشايل شنطة - داه مش ممكن انساه ابدا

ربنا يبارك فيه ويوفقه وحافضل ادعيله طول عمرى

تحياتى وكل سنة وانت طيب

اغابي

[اغابي]

ويلكم باك مس ديسأبيرانس

ازيك يا مس

ازيك يا مكاوى يا برنس

وكل كل سنة وانت طيب

وبنوتك واسرتك بالف خير

انا مش عارفة اجمع اى حد من بعد الشكل الجميل الفظيع للمحاورات

انا متلخبطة فيه جدا ولسة ما اخدتش عليه اوى - اهو ماشية فى الشوارع بخبط

قولى انت سعودية ولا كويت ولا هنا كارت زيارة

:lol:

انت شككتنى فى التوبيك قريت مرتين العنوان اتاكد

مستك اغابي

الميس

[رونا]

انا حصلت فى السالمية غرفه وصاله وحمام ومطبخ على 160 شامل الكهربا والمياه تكيف سنتر بس مش عارف على دخلت المدارس هتبقى الشقق بكام لانه عرض وطلب اما بالنسبه للعفش روحت الحراج يوم الجمعه وجبت غرفنه نوم ممتازة جديده قالى 130 دينار مراتى قعدت تنزل منهم لحد ما وصلت 110 بالتوصيل والتركيب روحتلك على الغانم واخدت باقى الاجهزة بالتقسيط طبعا الله يعينى بقى خدت تلفزيون 20 بوصه 21 دينار وخدت تلاجة صغيره وسط يعنى 38 دينار وبوتجاز معقول اربعه شعله 45 دينار وخدت مكوه 9 دينار وخدت غساله ام روحين 35 دينار ورسيفر 13 دينار ومكنسه كهربا 18 دينار وخدت صينى وحاجات كده للاكل طبعا بس نسيت السعر المهم انى بقسط كل شهر 25 دينار حلو مش كده :roseop:

شكرا للاهتمامك

بس ازاى لقيت الشقة

يعنى ندور فين

احنا بندور فى الحدود دى

ولازم فى السالمية وبا حبذا شارع عمان

علشان معناش لسة عربية

[قلب ابيض]

اغابى

وحشتييييييينى والله

مش عارفه اتابع حد فى المنتدى ده بعد التغيير اللى مش ولا بد ده

المهم انا فى كايرو ناو وصدقينى لو قلت لك نفسى ارجع النهارده قبل بكره للكويت

وعلى فكره بقى رمضان فى الكويت احلى الف مره من مصر ...من حيث الروحانيات والعباده اجمل بكتييييير

يمكن عشان فى مصر العزومات والخروجات بتلهى كتير عن التعبد ؟؟

جايز

المهم كل سنه وانت اخت غاليه مسيحيه حبيبه على القلب وقريبه من كل قلب صافى طيب مايفرقش فى طاعه وحب الله بين شخص وشخص حتى وان اختلفت الديانه ويبقى ان لنا كلنا رب واله واحد ندعو له ونتضرع اليه ان يحفظنا جميعا على قلب واحد ويحسن ختامنا جميعا ياااااارب

بحبكم كلكم فى الله

[تامر مصطفى]

أخواني أخواتي فلذات أكبادي

اعتذر على الانقطاع ولكن كنت متابع تطورات المحاورات باستمرار

اشكر جميع من سأل عني وخصوصا اختي ام جنة

وارحب بكل من انضم الينا حديثا وكل من كان حوالينا ومش عايز يدخل عندنا واخيرا نورنا بوجودة معانا

أما القلب الابيض بقى تجيلي على جنب علشان نتخانق

طبعا انا هتخانق معاكي علشان واحشاني بس وعايز اعرف اي اخبار عنك وبعدين قلقتيني لما كتبتي عن العروسة "قدر الله وما شاء فعل " واتمنى ان يكون كل خير

بس اسمحي لي اختلف معاكي حول جو رمضان يعني الايام دي لما تشوفي فوانيس رمضان في كل مكان تحسي بدخول الشهر الفضيل وبعد بالنسبة للروحانيات والصلاة والعبادة فلو جيتي معايا للصلاة في مسجد عمرو بن العاص في مصر القديمة هتحسي بفرق حقيقي . صحيح ان مساجد الكويت بتوزع عصير وبيبسي :lol: بس انا ممكن اوزع عليكي عرقسوس لو جيتي معايا .

واخيرا اوجهلك رسالة قوية اللهجة : بلاش طناش علشان مش كويس علشانك md2:

قولولي يا جماعة عاملين ايه في حر الكويت ؟

الجو هنا في مصر يجنن بس جالي تسمم مرتين - عادي بلدناويحصلنا اللي يحصل فيها.

بس انا عايز اعرض عليكم ملاحظاتي على مصر ( الفرق بين زيارتي في العام السابق وزيارتي في هذا العام):

1 - الناس كترت في القاهرة بشكل غير طبيعي .

2 - السيارات " الكشخة " كترت اوي وتحس ان معادش في حد فقير .

3 - الشحاتين " الكشخة بردوا " كترو اوي في الشوارع وتتكسف وهو او هي بيتكلموا معاك كأنهم دكاترة .

4 - اساليب النصب اتطورت جدا وكأن في مراكز متخصصة بتعمل ابحاث لتطوير النصب والاحتيال .

5 - التوكتوك بقى يمشي في الشوارع الرئيسية بكل بجاحة وطبعا ده دليل على ان الرسوم الل بيدفعها للشرطة زادت لدرجة انه بقى ناقص يطلع فوق سيارة الشرطة وينزل من الناحية التانية .

6 - تجار الشقق والاراضي بقوا كتير جدا وبيتكلموا في اسعارغريبة والعجيب ان محدش بيستغلى الاسعار دي الا العاملين في الخارج امثالنا اما المواطنين المقيمين في مصر لما بيسمع عن قسط شهري عشرة الاف جنيه بيقول دي لقطة ويجري يشتري .

7 - المطاعم الامريكية " هارديز - كنتاكي - ماك دونالدز .... الخ " اصبح الغلابة والفقراء هم مرتادي تلك المطاعم.

نكتفي بهذا القدر

والى لقاء قريب بإذن الله

تحياتي للجميع

تم تعديل 29 يوليو 2010 بواسطة تامر مصطفى

[قلب ابيض]

أخواني أخواتي فلذات أكبادي

اعتذر على الانقطاع ولكن كنت متابع تطورات المحاورات باستمرار

اشكر جميع من سأل عني وخصوصا اختي ام جنة

وارحب بكل من انضم الينا حديثا وكل من كان حوالينا ومش عايز يدخل عندنا واخيرا نورنا بوجودة معانا

أما القلب الابيض بقى تجيلي على جنب علشان نتخانق

طبعا انا هتخانق معاكي علشان واحشاني بس وعايز اعرف اي اخبار عنك وبعدين قلقتيني لما كتبتي عن العروسة "قدر الله وما شاء فعل " واتمنى ان يكون كل خير

بس اسمحي لي اختلف معاكي حول جو رمضان يعني الايام دي لما تشوفي فوانيس رمضان في كل مكان تحسي بدخول الشهر الفضيل وبعد بالنسبة للروحانيات والصلاة والعبادة فلو جيتي معايا للصلاة في مسجد عمرو بن العاص في مصر القديمة هتحسي بفرق حقيقي . صحيح ان مساجد الكويت بتوزع عصير وبيبسي :lol: بس انا ممكن اوزع عليكي عرقسوس لو جيتي معايا .

واخيرا اوجهلك رسالة قوية اللهجة : بلاش طناش علشان مش كويس علشانك md2:

قولولي يا جماعة عاملين ايه في حر الكويت ؟

الجو هنا في مصر يجنن بس جالي تسمم مرتين - عادي بلدناويحصلنا اللي يحصل فيها.

بس انا عايز اعرض عليكم ملاحظاتي على مصر ( الفرق بين زيارتي في العام السابق وزيارتي في هذا العام):

1 - الناس كترت في القاهرة بشكل غير طبيعي .

2 - السيارات " الكشخة " كترت اوي وتحس ان معادش في حد فقير .

3 - الشحاتين " الكشخة بردوا " كترو اوي في الشوارع وتتكسف وهو او هي بيتكلموا معاك كأنهم دكاترة .

4 - اساليب النصب اتطورت جدا وكأن في مراكز متخصصة بتعمل ابحاث لتطوير النصب والاحتيال .

5 - التوكتوك بقى يمشي في الشوارع الرئيسية بكل بجاحة وطبعا ده دليل على ان الرسوم الل بيدفعها للشرطة زادت لدرجة انه بقى ناقص يطلع فوق سيارة الشرطة وينزل من الناحية التانية .

6 - تجار الشقق والاراضي بقوا كتير جدا وبيتكلموا في اسعارغريبة والعجيب ان محدش بيستغلى الاسعار دي الا العاملين في الخارج امثالنا اما المواطنين المقيمين في مصر لما بيسمع عن قسط شهري عشرة الاف جنيه بيقول دي لقطة ويجري يشتري .

7 - المطاعم الامريكية " هارديز - كنتاكي - ماك دونالدز .... الخ " اصبح الغلابة والفقراء هم مرتادي تلك المطاعم.

نكتفي بهذا القدر

والى لقاء قريب بإذن الله

تحياتي للجميع

شوف ياتيمو يا بن عمى ...احنا مابنتهددش

اه

انت عارف من السنه اللى فاتت انا بقضى اجازتى او عطله الصيف بالساحل الشمالى ... والسنه دى هانقضى رمضان هنا واحب انوه ان قريتنا عائليه جدا وبعيده تمامااااااااا عن مارينا واخواتها..تقدر تقول قريه فلاحى الساحل اللى اقصده رب رمضان هو رب كل الشهور والمساجد فى كل مكان بس صدقنى يا تامر الموضوع شخصى تماما انا ارتبطت روحانيا بمساجد الكويت القاهره بالنسبه لى خنققققققققه

وبالنسبه بقى للخناقه فأنا لى حق عرب عندك وانت فاهم...بس خلاص

"لازلت مش قادره اتجاوب مع شكل المنتدى ...تايهه فيه " md2:

[الغريب]

السلام عليكم

وصباحكوا فلة أن شاء الله

الجو عندنا في الكويت توووز اليوم وربنا يستر

وحشانا ياقلب أبيض والله

أما بالنسبة لكلامك عن رمضان في الكويت أسمحيلي أقولك "أهو ده اللي مش ممكن أبدا"

جو رمضان في مصر رهيب جدا

عندي جراني في مصر كل رمضان بيجلهم أسرة كويتية تقضى رمضان معاهم وأحنا صحاب البلد نقول كدة ياناس :blink:

أول مرة أقضى رمضان في الكويت كان السنة اللي فاتت ، وبصراحة تقدر تقولي كدة متمزجتش نوهائي

زي مصر حتى في المساجد والصلاة بردو

كل سنة والجميع بخير ، وأهلا بالأخت رونا وأرماندو شرفتوا الموضوع ، وعلى فكرة السالمية جميلة جدا قعدت فيها لمدة حوالي 5 شهور في فندق خلف مجمع الفنار ، بس عاوز أقولك كانوا أسوء 5 شهور ليا في الكويت ، مش علشان السالمية وحشة لأ بس لأني بصرااحة بموت في الزحمة والونس المصري علشان كدة روحت حولي بردو مكيفتنيش فبعد كدة لما جبت الأولاد أستقرينا في الفروانية ، وبصراااحة الفروانية ممزجاني على الآخر بسبب نكهتها وزحمتها المصرية الخالصة ، تشرفي بألف سلامة وأن شاء الله نقدر نسعدك في أي حاجة

تحياتي للجميع

[pocy]

بسم الله ما شاء الله ايه اللهمه الحلوه دى كلها

ماما قلب ابيض اخبارك ايه واخبار الناتس اللى عندكم ايه مش عايزه احقد عليكم وانتم جميعا فى مصر وانا هنا لوحدى وكمان رمضان هقضيه هنا لوحدى إهي إهي إهي

بس عايزه اقولك ياماما حاجه مهمه جدا في فرق كبير بين مصر والكويت فى حاجات كتير بس حضرتك 15 سنه هنا فى الكويت من حيث الهدوء والنظافه والنظام فى كل شئ وبعد كده تنزلى مصر تلاقى الزحمه وعدم النظام وقله النظافه فى بعض الاماكن تحسسك انك مش قادره تعيشي فيها ده عير نفسيات الناس اللى اصبحت صعبه حبتين وبتختلف عن كل سنه عن اللى بعدها بيخلى التعامل صعب جدا فى مصر والاكتر من كده ان هنا التعامل فى كل شئ بسيط وسهل و1 =1 = 2 ماهو اكيد 2 بس في مصر في بعض الاحيان بيكون 1ونص او 2 ونص على حسب بعض المعايير ويارب دايما يطمنا عنك يارب وعن اولادك كلهم يارب وبجد وحشانى موت موت موت ايوه كده تعالى هنا علشان اجى انا كمان

اه نسيت اوضح حاجه مهمه جدا انى لما بكون فى السويس بحس انى عايشه ملكه زمانى واحسن من عيشتى فى الكويت بمراحل من حيث كل شئ والشويه اللى بقضيهم فى القاهره ببقي بكره نفسي وكل اللى ممكن يجي جنبي والعوامل طبعا معروفه واكيد اهمهم الزحمه واللى يديك بالكوع واللى للاسف تمسك ايده وهو حاطط ايده فى شنطتك وانتى واقفه قدام محل او حاجه استغفر الله العظيم يارب المهم ان المشكله بس فى القاهره لكن فى المحافظات التانيه الدنيا بتبقي بيس جدا قولى بس ياماما عايزه تروحى فين وانا هعزمك على شرم الشيخ اسبوع او العين السخنه والشاليه تحت أمرك ياقمر

استاذى الفاضل واخى المغوار تامر والشهير بطمووووووووووووووره بص بقي يا سيدى السلبيات اللى حضرتك قلتها دي موجوده من سنه 2006

وانا شايفاها بنفسي بس النظره بتاعه حضرتك هى اللى اختلفت شويتين وده برضه للعوامل اللى قلتها فوق طب بص انا عايزاك تروح بورسعيد ولا اسماعليه ولا السويس قمه الهدوء والنظام والنظافه وبجد الجمال كله هناك والقاهره بالليل جدا حاجه تانيه فكر كده تخرج مع الاسره بالليل الساعه 1 بالليل هتلاقي القاهره ليها طعم تانى بجد غير الصبح خالص او لو عايز تنزل انزل فى غير اوقات الذروه وانت هتلاقي الدنيا بيس معاك ان شاء الله واجازه سعيده

اه انا ليى تعليق على رمضان فى مصر والكويت

رمضان فى مصر جميع جدا من حيث الروحانيات عارفين ازاى النهارده عند اختى بكره عند اخويا بعده متجمعين عند بين العائله مع ماما وبابا الله يحميهم ويحفظهم من كل سوء يارب وبعده هنكون عند حماتى وبعده عند سلفي وبعده عند سلفتى هب خلاص الاسبوع خلص وتعاد الكره بعد كانم يوم وممكن طبعا انتى تعزمى

بس فى الكويت بقي المشكله هنا ان المعظم فعلا فى حاله انا بالكتير بعزم اختى وجارتى وبس خلاص ويوم ولا يومين ناكل بره وبس خلاص وباقي الاسبوع انا وجوزى وعمر مثلا فتحسي ان مفيش الروحانيات الحلوه بس في ميزه كبيره قوى مش موجوده فى مصر يمكن بالنسبه لى كانت موجوده فى السويس قبل ما اتجوز العبادات هنا بتكون زياده عندك وقت تختمى القران اكتر من مره عندك وقت تروحى تصلي في المسجد لان هنا فى كل حته مساجد وكتير انا حولى اربع مساجد ولله الحمد وكلهم فيهم مصلي نسائي ده غير صلاه التهجد هنا والاعتكاف كمان في سيدات بتروح يمكن ان امش جربت اروح بس بفكر السنه دى اروح وربنا يوفق يارب

الاخت العزيزه علينا كلنا ودايما فكرانا بالخير اغابي كيفيك ياقمر وان شاء الله الايام تعدى وتهون والظروف القهريه تكون اتحسنت ويارب يكون السنه دى احسن من اللى فاتت واللى جايه ان شاء الله احسن وربنا يوفقك ياقمر اللهم امين

الاخ غريب انت رايح مصر امتى علشان احقد عليك ههههههههههههههههههههههه تروح وترجعلنا بالف سلامه وانت جاى كده متنساش ان شالله جناح بطه معضم ولا حاجه وانت جاى افتكر اختك هنا مقيمه لوحدها ههههههههههههههههههه

ربنا يكرمكوا يا جماعه وييسرلكوا اموركم جميعا يارب اللهم امين

الاخت الفاضله رونا اهلا بيكى ياقمر وهانت ان شاء الله كلها كام يوم وتشرفينا ياقمر وصدقينى هتفرحى طول مانتى مع زوجك وربنايوفقكوا يارب

بصي بقي يتا ستى بما انى فى الجهرا وبعيد عن السالميه فانا معرفش ايه النظام هناك بس اعرف ان سكن السالميه بيبقي غالي واقل حاجه هى اللى فى حدود 150ودى زى ما وضح الاستاذ ارماندو انها هتكون صاله واوضه ومطبخ وحمام

انا برضه هنا فى الجهرا والشقه ايجارها 160 واوضه وصاله ومطبخ وحمام مع انه المبلغ ده يجيب شقه كبيره تلات اوض من تلات سنين بالضبط فى الجهرا المهم يا قمر خلى زوجك يبص في المجلات الى بتجيله اكيد بيلاقي اعلانات شقق للايجار وممكن وسيط الكويت من على النت انتى تشوفى وهو يتصل ويروح يشوف الشقه وربنا يوفقكم يارب اللهم امين وتلاقوا شقه صغننه محندقه كده عليكم وتتجمعوا فيها على خير يارب وربنا يباركلكوا يارب اللهم امين

انا بقي عايزه دعوه صادقه من كل واحد وواحده يعرفنى هنا فى كل سجده فى رمضان اتمنى انى تتذكرونى من صالح دعائكم بجد لانى لما ببقي لوحدى بحس بحاله نفسيه وحشه جدا جدا فادعولى ربنا يجيب اختى بالسلامه يارب اللهم امين وجارتى كمان علشان الفراغ الوحش ده ههههههههههههههههه

ومتنسوش الدعوه الصادقه بتيسير الامور يارب اللهم امين

ومفيش احلى من بلدنا مصر

وسلام مؤقت

[herohero]

أخواني أخواتي فلذات أكبادي

التوكتوك بقى يمشي في الشوارع الرئيسية بكل بجاحة وطبعا ده دليل على ان الرسوم الل بيدفعها للشرطة زادت لدرجة انه بقى ناقص يطلع فوق سيارة الشرطة وينزل من الناحية التانية .

6 - تجار الشقق والاراضي بقوا كتير جدا وبيتكلموا في اسعارغريبة والعجيب ان محدش بيستغلى الاسعار دي الا العاملين في الخارج امثالنا اما المواطنين المقيمين في مصر لما بيسمع عن قسط شهري عشرة الاف جنيه بيقول دي لقطة ويجري يشتري .

7 - المطاعم الامريكية " هارديز - كنتاكي - ماك دونالدز .... الخ " اصبح الغلابة والفقراء هم مرتادي تلك المطاعم.

نكتفي بهذا القدر

والى لقاء قريب بإذن الله

تحياتي للجميع

ده منزمااااااااااان قوووووووووووي

يا استاذ تامر اللي ف الخليج هم قليلي البخت ف مصر او غاويين تعب انا للاسف الشديد اصدقائي راكبين عربيات زي الفل ومش عاوز اقولك ظبطوا نفسهم ف سكك وبقوا ياخدوا وضع اجتماعي ومرتبات مش سهل يلاقوا ما يقابلها ف الكويت او الامارات او السعوديه اما عن السيارت

زمان كانت لانسر 2001 ايامها كانت شيئ ظريف اما حاليا \

اقل عربية ف الشارع عندنا يعني احنا مش قاعدين ف حته واو يعني مش عاوز اقولك ان مثلا كيا سيراتو اللي ف الخليج ولا بتلفت نظرك شوف سعرها ف مصر كم وشوف منتشرة اد ايه

سيدي كيا سيراتوا - هيونداي النترا- تويوتا كرولا- فولكس فاجن جيتا

ده السيارات الشعبيه

الميزة ف الخليج بس الراحه وسهولة الحياة ليس اكثر انما غير كده باي باي

[اغابي]

اغابى

وحشتييييييينى والله

مش عارفه اتابع حد فى المنتدى ده بعد التغيير اللى مش ولا بد ده

المهم انا فى كايرو ناو وصدقينى لو قلت لك نفسى ارجع النهارده قبل بكره للكويت

وعلى فكره بقى رمضان فى الكويت احلى الف مره من مصر ...من حيث الروحانيات والعباده اجمل بكتييييير

يمكن عشان فى مصر العزومات والخروجات بتلهى كتير عن التعبد ؟؟

جايز

المهم كل سنه وانت اخت غاليه مسيحيه حبيبه على القلب وقريبه من كل قلب صافى طيب مايفرقش فى طاعه وحب الله بين شخص وشخص حتى وان اختلفت الديانه ويبقى ان لنا كلنا رب واله واحد ندعو له ونتضرع اليه ان يحفظنا جميعا على قلب واحد ويحسن ختامنا جميعا ياااااارب

بحبكم كلكم فى الله

الاخت الفاضلة والحبيبة / قلب ابيض

كل سنة وحضرتك بالف صحة وخير

وكل اسرتك بخير - وحشانى كتير اوى - صدقيني للامانة انا زيك تمام مش عارفة محتاسة اوى فى الشكل الجديد للمحاورات حتى مش عارفة اتابع كل المواضيع والردود - لسة تايهة بجد ومش عارفة الموضوع حيستمر لامتى لان جانى حالة ياس من ان الاقى حل للمشكلة دى بس يمكن مع الوقت اتعود داه حتى مش عارفة افتح الرسايل او انظمها الموضوع بقى صعب جدا بالنسبالى

وبكدا ابقى متفقة معاكى فى موضوع شكل المحاورات وخلصنا من اول نقطة

نيجي لتانى نقطة - رمضان فى مصر ولا الكويت دى بقى انا حاختلف معاكى فيها ....ليه - حاقولك

رمضان فى مصر شكل غير - بصراحة انا عشر سنين عايشة فى الكويت مفيش رمضان عدى عليا استمتعت بيه

حتى كنت فرحانة بنزول السنة دى مصر لانى حارجع ذكرياتى فى رمضان زمان فى مصر - والجيران الحلوين اللى لازم اول يوم يكون فى زيارات بينا - لكن هنا فى الكويت ولا اى حد اصلا يعرف حاجة عن اى حد وكفاية ان جيرانك جنسيات مختلفة وكمان لو فيهم مصريين للاسف بتبقى بعيد عن بعض كل واحد قافل بابه عليه - غير علاقات مصر

وانا كنت السنة دى حاقضي رمضان فى مصر بعد غياب 9 رمضانيات من حياتى فى الكويت اكيد عاوزة اشوف رمضان فى مصر نفس زمان ولا فى اختلاف ولا انا عايشة على الذكريات ولا ايه حد يصحيني يا جودعان -

لكن ظروف السفر اتغيرت فجأه للاسف .... وكل شيء قسمة ونصيب

حبيبتى بوسي ...وحشتينى كتير وسلام جامد اوى لعمورة وخلى بالك منه

وكل سنة وانت طيبة واسرتك الكريمة بخير . . وما تعيطيش احنا معاك السنة دى فى رمضان الكويت دون ورى .... يا بسبوسة

اى حاجة اتصلى عليا اجيلك فوريرة

تحياتى للجميع

اختكم اغابي

:D

تم تعديل 29 يوليو 2010 بواسطة اغابي

[قلب ابيض]

بردووووا بحب رمضان فى الكويت

انا فى مصر ماليش غير ولادى ووالداى حفظهما الله

وبيكونوا معايا دايما بالكويت

يبقى رمضان ايه غير عيله ولمه وقلب صافى يتعبد ويطلب الرحمه والمغفره خلال 30 يوم ؟؟؟

اللهم بلغنا رمضان واجعلنا من العتقاء بإذن الله

بسبس والله لوجيت فى رمضان لآعزمك على فطار مصرى من ايد ام اسلام وياسلام لو نتجمع كلنا كده على فطار جماعى فى يوم من الايام

عندنا 3 فروانيه واحد جهرا واحد رجعى واحد سالميه ...هااااااااامين قال انا قبل ما الميكروباس يطلع :lol: ؟؟؟؟

[ارماندوا]

انا حصلت فى السالمية غرفه وصاله وحمام ومطبخ على 160 شامل الكهربا والمياه تكيف سنتر بس مش عارف على دخلت المدارس هتبقى الشقق بكام لانه عرض وطلب اما بالنسبه للعفش روحت الحراج يوم الجمعه وجبت غرفنه نوم ممتازة جديده قالى 130 دينار مراتى قعدت تنزل منهم لحد ما وصلت 110 بالتوصيل والتركيب روحتلك على الغانم واخدت باقى الاجهزة بالتقسيط طبعا الله يعينى بقى خدت تلفزيون 20 بوصه 21 دينار وخدت تلاجة صغيره وسط يعنى 38 دينار وبوتجاز معقول اربعه شعله 45 دينار وخدت مكوه 9 دينار وخدت غساله ام روحين 35 دينار ورسيفر 13 دينار ومكنسه كهربا 18 دينار وخدت صينى وحاجات كده للاكل طبعا بس نسيت السعر المهم انى بقسط كل شهر 25 دينار حلو مش كده :roseop:

شكرا للاهتمامك

بس ازاى لقيت الشقة

يعنى ندور فين

احنا بندور فى الحدود دى

ولازم فى السالمية وبا حبذا شارع عمان

علشان معناش لسة عربية

[ارماندوا]

الاخت رونا السلام عليكم ورحمة الله

اذا انتم لسه مفيش سياره هتبقى لازم تشوفوفا فى اعلانات المجلات ودى كتير اوى وهتحصلى كتير اصل انتى متعرفيش يعنى ايه معكيش سياره وانتم اسره هنا اول ما يجى وزجك يقدم على الرخصه على طول لان دى عصب الحياه

انا الاول دورت فى الوسيط ولما لقيت اعلان اتصلت على البواب وكل البوابين هنا مصريين قالى فى كذا قولتله اوكى اجى اشوف وروحت خدتها على طول وقلت اخلص اصل السكن بصراحو مقرف وكل سنه وانتم طيبين

[رونا]

الاخت الفاضله رونا اهلا بيكى ياقمر وهانت ان شاء الله كلها كام يوم وتشرفينا ياقمر وصدقينى هتفرحى طول مانتى مع زوجك وربنايوفقكوا يارب

بصي بقي يتا ستى بما انى فى الجهرا وبعيد عن السالميه فانا معرفش ايه النظام هناك بس اعرف ان سكن السالميه بيبقي غالي واقل حاجه هى اللى فى حدود 150ودى زى ما وضح الاستاذ ارماندو انها هتكون صاله واوضه ومطبخ وحمام

انا برضه هنا فى الجهرا والشقه ايجارها 160 واوضه وصاله ومطبخ وحمام مع انه المبلغ ده يجيب شقه كبيره تلات اوض من تلات سنين بالضبط فى الجهرا المهم يا قمر خلى زوجك يبص في المجلات الى بتجيله اكيد بيلاقي اعلانات شقق للايجار وممكن وسيط الكويت من على النت انتى تشوفى وهو يتصل ويروح يشوف الشقه وربنا يوفقكم يارب اللهم امين وتلاقوا شقه صغننه محندقه كده عليكم وتتجمعوا فيها على خير يارب وربنا يباركلكوا يارب اللهم امين

دعوه صادقه

ميرسى يا بوسى على دعواتك الجميلة واهتمامك

كل سنة وانتى طيبة ورمضان كريم

ويبقى مليان سعادة ليكى وكل الاسرة

[رونا]

الاخت رونا السلام عليكم ورحمة الله

اذا انتم لسه مفيش سياره هتبقى لازم تشوفوفا فى اعلانات المجلات ودى كتير اوى وهتحصلى كتير اصل انتى متعرفيش يعنى ايه معكيش سياره وانتم اسره هنا اول ما يجى وزجك يقدم على الرخصه على طول لان دى عصب الحياه

انا الاول دورت فى الوسيط ولما لقيت اعلان اتصلت على البواب وكل البوابين هنا مصريين قالى فى كذا قولتله اوكى اجى اشوف وروحت خدتها على طول وقلت اخلص اصل السكن بصراحو مقرف وكل سنه وانتم طيبين

شكرا ليك ارماندو

احنا فعلان ابتدينا ندور فى الوسيط

والبوابين

بالنسبة للاجهزة

اية احسن المحلات فى الكويت واسعارها معقولة

[تامر مصطفى]

اهلا اختنا رونا

نورتي الكويت

لو عايزة نصيحة اخوية اوعي تشتري اي جهاز كهربائي مستعمل

ولو عايزة اجهزة كويسة واسعارها كويسة يبقى عليكي وعلى الكتروزان

وهو ليه فرع في السالمية بس لاني حاليا في مصر فأنا مش هقدر افتكر موقعه بالضبط لاني ناسي حتى مكان بيتي في الكويت

وعموما كلنا ابتدينا بالضروريات اللي تمشي حياتنا وبعد كده لما استقرينا اكتر غيرنا وطورنا واحدة واحدة

وربنا يكرمكم ان شاء الله ويسهل لكم كل الأمور وتأكدي انك بين اخوانك واخوتك هنا وكلنا في خدمتكم

تحياتي