رباعيات هشام الجنيدى ...مش فاكر الجزء الكام.....؟؟؟!!!!!؟

[هشام الجنيدى]

يا اوضة ضلمة وليها ميت الف باب

وكل باب بيطل منه الضباب

باب بس واحد اللى منه النور ...

وتدور ...تلاقى البشر بيموتو م الاكتئاب

عدت سنين العمر عام بعد عام

وانا لسة تايه فوسط الزحام

يا ايها العمر مالك بطيييء

وماشى ف طريق زحمة نوره الظلام

حصان ركبته ف الوجود انطلق

وخضت بيه بين الصواب والخطأ

غير بس نور ربنا ننى العنين لم شاف

وغير دعاء ربنا قلبى الضعيف لم نطق

بحب الشتا لجل طعم الدفا

واحب الربيع وردة متكلفة

واحبك لانك كأنك جزيره ...

وقلبى اللى حيلتى اليكى اتنفى..!!

لفيت عليكى بين وشوش البشر

ومشيت طريق الشوك ملوش مختصر

تعب السنين غيرنى؟؟ معرفتنيش؟؟!!

انا اللى قلبه بين اديكى اتأسر!!!

طار لما طار الطير فى حضن السما

قلبى...وغناكى متنغمة

كان نفسه يسمع بس كلمة حنان

منك....بدال الضحك والهمهمة

وحشتوووووووووووووووووووووووونى مممممممممممممممممممممممممممممموت وادعولى اليومين دول

[لولا]

ليه كده بس يا هشام ... يعنى لسه شايفه زيارتك الحلوه دى

الاقيك كاتب

باب بس واحد اللى منه النور ...

وتدور ...تلاقى البشر بيموتو م الاكتئاب

وانا عندى بوادر اكتئاب طبيعى !!!

حاسة ان عبد الحليم واقف بعيد بيغنى فوق الشوك مشانى زمانى :winner:

سيبك انت .. منور المحاورات .. ويارب ديما تطل علينا من غير ما تغيب كده

وتغطس وتطلب دعوات غير مدفوعه الثمن

ربنا يوفقك يارب ويكتبلك فى كل خطوة سلامه يا سلامه يا بنى وبفتحلك ابواب الخير ..

كده كويس

تحياتى.

لولا

[عنبو]

انت استاذ بجد

[bentmasria]

حمد لله على السلامة يا غايب عن العين بس موش عن القلب

وحشتنا ووحشتنا حروفك حتى لو كانت محتارة وحزينة

بارع رائع مميز كعادتك وانضج كتير بس محتاج تفرح وتستمتع كتير اوى يا دكتور

روق وافرح يا شاعر الاحزان

ده الحزن لما يحاوطنا يمكن يكون امتحان

يا صبرنا على بلوته وفلتنا منها كمان

ياغلبنا راعى النكد وسقطنا ف الامتحان

وعجبى

هشام الفنان الجميل حط همومك فى الحروف وربك بيهونها وحشتنا بجد

قبلات اخوك الصغنن مادا

البنت المصرية

[إبن مصر]

تغيب ثم تعود بحروف تتغنى على الارغول فى هواده برغم ما تحمله من اسى يشعرك ان كاتبها تعدى الستين مما تحمله من خبره ممزوجه بحروف تتغنى قبل ان تتجمع..

يا صديقى اسعدتنى حروفك قرأتها وكأنها تعزف على اوتار ناعمه بسلاستك المعهوده..

زاد قلمك تألقا يا دكتور.....

مد الادين لجل اتعكز عليهم

مانا ياما عكزت ناس وياما أعليهم

لما تحنى ضهرى وعجزت من همى

لفيت بلاد وبلاد أدور عليهم

العشق يا طبيب فى القلب وحدانى

مالو دوا يا طبيب غير رمش حدانى

ومهما طالت ليالى البعد والغربه

مسيرك يا طبيب تلاقى الحب من تانى

[عاشق]

جميلة جدا اخ هشام

وفي انتظار

باقي الرباعيات

[كرم احمد]

كويسة بس الرتم بيعلى فوق وينزل منك مرة واحدة تانى

ظبط الاداء شوية

[هشام الجنيدى]

ويارب ديما تطل علينا من غير ما تغيب كده

وتغطس وتطلب دعوات غير مدفوعه الثمن

ايوه كدة يا لولا بس ايه حكايه مدفوعة التمن دى هى الدعاوى غليت وانا معرفش ...!!!!

استاذ محمد العنبى ..... اخجلتم تواضعنا ويا رب اكون دايما عند حسن ظن سعادتك

روق وافرح يا شاعر الاحزان

ده الحزن لما يحاوطنا يمكن يكون امتحان

يا صبرنا على بلوته وفلتنا منها كمان

ياغلبنا راعى النكد وسقطنا ف الامتحان

الحزن اصله شعور مخلوق مع الانسان

عشان شعور السعادة لما يجى يبان

ويحس بيه البشر فيحمدو ربنا

ويعلمو بعضهم الحكمة والايمان .....

مدام ايمان.... يا بنت يا مصريه لكى ولمادا كل التمنيات بالسعاده هوه بقا عندو كام سنة دلوقتى...؟؟!!

استاذ احمد محمود زاد فعلا قلمى تألقا عندما تألق قلمك العذب على صفحتى المتواضعة شكرا على مرورك الكرييييييييييم

اخى عاشق ... اشكرك جدا جدا جدا جدا على مرورك الكريم واما باقى الرباعيات فصدقنى اول ما اخلص الجزء الجاى هكتبه على طول تابعنى ...... بش نتزهقش منى

استاذ كرم ..... ماشى الكلام ولك منى الف سلام

[dr gml]

هل نسابق الزمن

هوسريع

وخطواتنا بطيئة

وحائرة

علينا إذن أن نبقى أعيننا مفتوحة

عندما نجد بابا مضيئا

ويبقى باب ربنا سبحانه وتعالى

ملاذنا

أدام عليك الله ابداعك المتميز

مع الشكر

[عاشق]

فين

يا عم هشام

رباعياتك .. ولا زمان

ياما قلت وحكيت

عن الضلمة وعن الطير لما طار

منتظرين والله طلتك

ورباعياتك

وحكاية ضلمتك