هل يمكن استبدال رخصة القيادة الاماراتى بأخرى كويتى؟

[Manshyeng]

انا مصرى و اعمل مهندس بالامارات و الشركة تسألنى عن امكانية نقلى فرع الكويت للأحوال الاقتصادية بالامارات و لقد استخرجت رخصة القيادة الاماراتى بعد عنااااااااااااااااااااااااااااء شديد مثلها مثل اى دولة فهل يمكن استبدال رخصة الامارات بأخرى كويتى او نسهل الاجراءات و المصاريف افيدونى فالرد متوقف على ردكم لأنى لسة مستخرج الرخصة حتى مستخدمتهاش

[ahmed el hady]

انا مريت بالتجربة دى لما حاولت ابدل الرخصة السعودى استبدال مباشر ومنفعش معايا لانهم طلبوا منى براءة ذمة وشهادة بيانات للرخصة السعودى ودى انا فشلت فيهم لانى كنت سبت السعودية ومعرفش ارجع اجيبها تانى ومحدش ينفع يطلعهالى فانت حاول تستخرج شهادة براءة ذمة(براءة من المخالفات) وشهادة بيانات من المرور فى الامارات ووثقهم من الخارجية الاماراتية وكمان من سفارة الكويت علشان لما تروح هناك ميتلككوش لان اجراءات الرخصة فى الكويت رخمة جدا وتقريبا مبتمشيش غير بواسطة والواسطة بتبقى بفلوس مش اقل من 150 دينار ده غير مصاريف الرخصة نفسها لكن الاستبدال المباشر بتكون مجهز الورق ده وهما 30 دينار وتاخد الرخصة وانت واقف ولا واسطة ولا امتحان بعد شهر ولا الكلام ده كله وربنا يوفقك ان شاء الله

[Manshyeng]

شكرا جدا على الرد السريع بس انت متأكد لأن فى ناس قلتلى مينفعش لازم اخد أمتحان السوق

[ahmed el hady]

انا بقولك الى انا شفته وشفت ناس فعلا بدلت وانت مش هتخسر حاجة لما تعمل الورقة دى على الاقل لما تروح هناك وورق كامل وسليم منفعش زى مابيقولولك يبقى ممكن بدل ماتجيب واسطة علشان تنجح فى امتحان السوق تخلى الواسطة تعملك الاستبدال المباشر وتبقى وفرت شهر او شهرين على الاقل على متاخد ميعاد الامتحان وتسقط اول مرة زى ماهو طبيعى علشان محدش يقول ان معاك واسطة وتضييع وقت وامتحانات وكدة وان شاء الله ينفع من غير كل ده وتعمل استبدال مباشر على طول كل الى عليك بتروح المرور الى هتبقى تبعه وحاول تخلى اقامتك وعنوانك بعيد عن مرور الفروانية لانهم بيرخموا زيادة شوية يعنى خليها حولى مثلا وتروح المرور بالرخصة الاماراتى وتروح للطباعيين وتعمل طلب استبدال مباشر بدينار وتاخد الطلب ده وتمضيه من الكفيل وترفق الرخصة الاماراتى وبراءة الذمة الموثقة الى من الامارات وتخش على ظابط المرور وتقدم الطلب رفضه بقى يبقى تدور على الواسطة ملاقيتش يبقى امتحن وامرك لله يبقى كل الى عليك تجيب براءة ذمة قبل ماتسيب الامارات وتوثقها واهى ورقة بجملة مصاريف رخصة الامارات الى مبتقلش عن 2000 درهم وبتزيد والورقة دى مش هتخسرك حاجة ان كانت هتكسبك لانها لو مش معاك من اساسه انسى انك تبدل لا بواسطة ولا بغيره وده عن تجربة منى ولف كتيير بس محدش كان قايلى على الموضوع ده قبل ماسيب السعودية

[خالد شحاته]

السلام عليكم ورحمة الله وبركاته

اخي الفاضل من اول 1/5/1430 الرخصه اي رخصه من اي دوله من الخليج هتبدلها عادي جداااا وده الا انا سمعته من ناس شغاله في المرور لتوحيد الخليج وعمله الخليج في العام المقبل والله اعلم ان كان الراجل الا في المرور صادق ام لا

[الطير السافر]

السلام عليكم

ا/احمد الهادي انا رحت اليوم مرور الرياض وجيبت شهادة مخلافات او بيقولوا عليه البرنت هل هذا كاف ولا ايه هو شهادة براءة الذمة ممكن توضحلى

[ahmed el hady]

لا لازم براءة ذمة لانهم مش بيعترفوا بالبرنت ده لان هو ده الى انا طلعته قبل كدة (الورقة البيضة الى عليها علامة مائية خضرا بتاعة المرور وبيبقى مكتوب فيها اسمك ومكان المخالفات فاضى )ومنفعتش فى الكويت لكن براءة الذمة هى الى محتاجينها وبتبقى مختومة من المرور نفسه ودى مينفعش يطلعها الا الشخص صاحب العلاقة حاول تجيبها معاك باى طريقة لانك لو سبت السعودية محدش هيعرف يعملهالك وربنا يوفقك ان شاء الله

[Manshyeng]

شكرا جدا يا ا/احمد واضح ان الموضوع ده مضايئ ناس كتير بس هل هذه الرخصة دائمة ام لمدة شهرين فقط

و نرجو من الاستاذ خالد انه يتأكد من المعلومة دى لانها مهما حدا و جزاكم الله الخير دائما على المساعدة ز ربنا يوفقكم

[ahmed el hady]

لا الرخصة لما تستبدل بتبقى صالحة لمدة 10 سنين

[Manshyeng]

Thanxxxxxxx IsA ana lesa me7tar fe el rad la2ni khayf men el 3esha fe el Kuwait 3ashan el 7ayah fe el emirat mokhtalifa allahom ma2aqder lena el khyr 7ayso kan wa radena beh

[ahmed el hady]

على فكرة الحياة فى الكويت حلوة مش وحشة و مدام الراتب كويس وطبعا اقل من الامارات فى السكن حيث غرفة وصالة فى حدود 180 دينار 2300 درهم والايجار بيندفع شهرى مش على شيكين وتلاتة زى الامارات ولا فيه شرط جزائى(شهرين او تلاتة) لو سبت السكن قبل السنة زى ماهو موجود فى الامارات والسيارات اسعارها زى الامارات ونفس نظام التقسيط ويمكن اسهل كمان ده غير البنزين اقل من الامارات النصف يعنى الليتر ب 65 فلس اى مايعادل 80 فلس اماراتى يعنى بما يساوى نصف السعر الى فى الامارات اما بالنسبة للاكل والشرب فالاتنين واحد ومفيش فى الكويت سالك ومفيش فواتير كهربا عالية زى الامارات وانت فى البلد حر تخرج وقت ماتحب وتدخل وقت ماتحب مفيش خروج وعودة زى السعودية والبلد برد فيها فسح هى اه متجيش جمب دبى فى حاجة بس هتحس انها عاملة زى ابو ظبى والشارقة المشكلة الوحيدة الى هناك الشعب الكويتى وبالاخص البدون على الرغم انى شفت كويتيين كتيير محترمين جدا وبرد استخير ربنا وعلى فكرة انا بنقلك تجربتى لانى عشت فى الكويت ودبى

[tahereyad]

بخصوص استبدال الرخصة داخل دول الخليج,, القوانين فعلا موجودة بس المهم التطبيق

أنا كانت معايا رخصة دبي اللي هي أصعب و أغلي رخصة فالخليج كله (استثمارات الحاج بالحصا),,, و قبل ماجي السعودية نزلت قانون المرور السعودي من موقع الشرطة وواضح فيه جدا ان الرخصة الخليجية بتستبدل علطول,,, لكن لما روحت المرور,,, قالولي روح علي دلة,,, و في دلة قالولي لازم امتحان استبدال و محاضرة فالسواقه و خد ميعاد امتحان الاشارات و بعده تعالي خد ميعاد امتحان السواقة,,, و فوت علينا بكرة يا سيد,,,,,,,,,,,,,,,,,,,و عجبي

[ahmed el hady]

لا رخصة الكويت اغلى لانك لازم تجيب واسطة ب 150 دينار على الاقل ده غير مصاريف الرخصة لكن دبى مفيهاش واسطة بس من كترة الناس الى بتقدم فبتبقى رخمة عكس الكويت الى اعداد الى بتطلب رخصة مش كتيير لانهم مخليين مهن معينة بس الى بتاخد رخصة زى الدكاترة والمهندسين والسواقيين ده غير انك فى الكويت مخاطرة كبيرة جدا لو ماشى من غير رخصة لان التفتيش كتيير ده غير دبى الى بتبقى نادر جدا لو الشرطة وقفتك وسالتك عن حاجة والرخصة فى السعودية مفيش مقارنة بينها وبين دبى والكويت انت بتقدم النهاردة وتمتحن بكرة انا مكنتش بعرف اسوق اصلا واخدت رخصة السعودية من اول مرة انما الكويت ودبى حاجة تانية خالص

تم تعديل 17 أبريل 2009 بواسطة ahmed el hady

[Manshyeng]

يا جماعة شكرا على اهتمامكم الجميل ده و يارب اعرف اردهلكم بس انا عايز افهم هيا الوسطه دى تدينى الرخصة ولا هشان بس اقدر اقدم

[ahmed el hady]

الواسطة ده شخص بيتوسطلك انك تنجح فى الامتحان لان من غيرها انسى النجاح ولو كنت استاذ سواقة ممكن تقدم من غير واسطة وهتروح تمتحن وهتسقط وكمان هتزيد الرخامة انه يحددلك ميعاد امتحان بعيد شوية انت ممكن تجرب من غير واسطة منفعش بتحاول تدور على واسطة ومتقلقش بيبقى سهل تلاقيها لانهم بيبقو عاملين شبكة لانهم بياخدوا على الفرد 150 دينار وزى مابقولك ممكن تسقط من اول مرة وانت معاك واسطة بس علشان ميتكشفش بس بتاخد بعدها ميعاد قريب وبتنجح من تانى مرة بس متدفعش حاجة الا بعد ماتنجح

[weaka]

اليالل

الي كل الأخوة المصريين الذين كانوا يعملون بالسعودية و اشتغلوا بالكويت ....

للأستفسار عن تبديل الرخصة السعودي بالرخصة الكويتية...

العملية صعبة اوي جداً خالص و لازم ورقة براءة زمة من السعودية او اسمها نموذج رقم (2) أ و دة صعب جداً تطلعها لو سبت السعودية

لازم تجبها معاك لاني بقالي شهرين دايخ علي الاستبدال و جبت وسايط و العملية مش نافعة خالص و زهقت و طلع عيني مشاوير و برضة لسة مش عارف اعملها لاني معيش الورقة الي ملهاش لزمة و هنا بالكويت خلوها مهمة اوي و دة ممكن تتعمل في مدينة الخفجي علي حدود الكويت لاني شفت منها نماذج هنا بس مش عارف جابوها اذاي انا كلمت اصدقائي في الدمام و الرياض و بعد ما راحزا و المرور لمدير المرور نفسة قالهم الورقة دة مش بتطلع عندنا و مفيش غير البرنت اوت و البرنت ((ورقة الحاسب الألي بدفع أخر مخالفة و عليها اللوجو الاخضر )) و دةمش معترف بية في الكويت و برغم الوسائط مش عارف اجيب ال لا مانع من مرور العاصمة لازم واسطة للعميد (( مساعد المدير العام لتخطيط و ابحاث المرور)) نفسة في مرور العاصمة بالكويت و العملية طلعان عين و لفات من مرور الاحمدي للعاصمة لمرور الجابرية قسم التنسيق و المتابعة و برغم اني جبت واسطة و مضولي علي الورق و بعتوني مرور العاصمة و جبت 3 وسائط هناك و برضة مفيش فايدةو معايا نموذج للورقة ممكن ابعتهالكم لو حد عايزها او يقدر يساعدني فيها من مرور الخفجي

ايميلي : weaka2000@hotmail.com

تم تعديل 23 أبريل 2009 بواسطة weaka

[weaka]

اليالل

الي كل الأخوة المصريين الذين كانوا يعملون بالسعودية و اشتغلوا بالكويت ....

للأستفسار عن تبديل الرخصة السعودي بالرخصة الكويتية...

العملية صعبة اوي جداً خالص و لازم ورقة براءة زمة من السعودية او اسمها نموذج رقم (2) أ و دة صعب جداً تطلعها لو سبت السعودية

لازم تجبها معاك لاني بقالي شهرين دايخ علي الاستبدال و جبت وسايط و العملية مش نافعة خالص و زهقت و طلع عيني مشاوير و برضة لسة مش عارف اعملها لاني معيش الورقة الي ملهاش لزمة و هنا بالكويت خلوها مهمة اوي و دة ممكن تتعمل في مدينة الخفجي علي حدود الكويت لاني شفت منها نماذج هنا بس مش عارف جابوها اذاي انا كلمت اصدقائي في الدمام و الرياض و بعد ما راحزا و المرور لمدير المرور نفسة قالهم الورقة دة مش بتطلع عندنا و مفيش غير البرنت اوت و البرنت ((ورقة الحاسب الألي بدفع أخر مخالفة و عليها اللوجو الاخضر )) و دةمش معترف بية في الكويت و برغم الوسائط مش عارف اجيب ال لا مانع من مرور العاصمة لازم واسطة للعميد (( مساعد المدير العام لتخطيط و ابحاث المرور)) نفسة في مرور العاصمة بالكويت و العملية طلعان عين و لفات من مرور الاحمدي للعاصمة لمرور الجابرية قسم التنسيق و المتابعة و برغم اني جبت واسطة و مضولي علي الورق و بعتوني مرور العاصمة و جبت 3 وسائط هناك و برضة مفيش فايدةو معايا نموذج للورقة ممكن ابعتهالكم لو حد عايزها او يقدر يساعدني فيها من مرور الخفجي

ايميلي : weaka2000@hotmail.com