مطلوب عدة موبيل نضيفة استعمال طبيب

[se_ Elsyed]

يخرب بيت التكنولوجيا وسنينها ...

من أمبارح الأي ميت ضرب لوحده والشاشة قلبت وبقت ألون الطيف عاملة زي إرسالة التليفزيون قبل الصورة ما تيجي ..

ولجل الحظ زوجتي تنسى تليفونها عند اخوها وكنت ممكن أبلطج عليها وأخد تليفونها مؤقتاً ..

وقعدت ومعايا كوز سلمون مخروم وموصله بفتله وعمال اعمل إني بأتكلم أو حد بيتصل بي عالكوز وأنا بأرد .. ويا سلام لما قلبت الكوز فايبريشن ..

الغريبة والعجيبة إني شخص لا أحفظ اي رقم على الإطلاق .... ( علشان ما استهلكش دماغي بسرعة )

وبالتالي أضطريت أفتح الأوتلوك في البيت وأنقل أرقام عشان أتصل بيهم لما أروح الشغل .. ما هي لما بتطبل بتطبل من كله

شايف واحد في أخر الصف بيقولي : ومانزلتش أشتريت عدة جديدة ليه إمبارح .. مانت شغال في الخليج ومعاك قد كده وإحنا هنا بنكح تراب ؟

اٌقول له : لك حق واللي ما يعرفش يقول سبانخ .. حضرتك أنا تعبان من أمبارح وملازم الفراش ونايم من 9 مساءً لحد 9 الصبح .. والحمد لله فوقت شوية عالصبح .. مش بأقولك لما بتطبل .. يعني تعب وعدة ضاربة وتليفون مراتي عند أخوها وحاجة تجيب الهوسهوس

الغريبة بقى أن في أرقام ماكنتش عملت لها سينكورنايزيشن مع الكمبيوتر - صح كده الكلمة الأنجلو اراب دي ؟ - ودي أرقام ناس غاليين عليه وقريبين مني قوي .. وطبعاً هايزعلوا مني لما أقعد أبعت لهم إيميلات وأقولهم حقكو عليه ومن فضلك إبعت تليفونك ولك جائزة مروحة سقف ...

الغريب أكتر هو مدى تأثير وأسر التكنولوجيا لينا .. لدرجة سوري يعني بقينا عبيد لها أو عاملين زي مدمني شم الكوله اللي مش قادرين يبطلوا لحد وشهم ما بقى عامل زي فردة الكاوتش ومناخير الواحد بقت عاملة زي حجر الجوزة ..

المهم .. ... أنا هاعمل مناقصة بمنتهى الشفافية ومنتظر الأسعار والعروض وفتح المظاريف هايبقى بعد بكره .... ( غير الاطباء يمتنعون )

صباحكو عسل ..

[aimen]

الف سلامة يا ابو عبدالرحمن :blink: :lol:

اول مرة اسمع عن شركة اسمها نظيفة :blink: :blink:

انا اعرف نوكيا أو موتورلا انما نظيفة دى ؟؟؟ wst:: يكونش قصدك نظيف رئيس الوزراء ...

وبعدين ماله التليفون الثابت يعنى مش بيتصل ولا مش بيتصل ؟

تطلعاتكم الطبقية بتاعة imate - iphone هى اللى سببت الأزمة الإقتصادية دى ... :ninja:

[SoSo R]

صباحك زى الفل

بم إنك عامل مناقصة و مظاريف وكدة يعنى

فين كراسة الشروط؟؟!!

مش لازم فيه شروط للموبايل اللى أنت عايزه

يعنى إمكانياته...كاميرته...الميمورى بتاعته

عايزه يرد لوحدة و يتصل لوحدة؟؟؟

و بعدين لازم شروط و إلا هتيجى تلاقى واحد من إخر الصف جايب لك الأريكسون بتاع زمان.....فاكره؟؟!!

اللى كنا بنسميه فردة شبشب و يقولك بقاله معايا 15 سنة فقط لا غير و لسه فيه النفس و عايز أجدد بأى و أدلع نفسى و أجيب واحد بعده علطوووول

آه سؤال ع الماشى كمان

هوه لازم أطباء ولا باقى الحقل الطبى اللى بيزرعوا و بيقلعوا فى الحقل أو بينزرعوا بمعنى أصح زى الصيادلة الغلابة مثلا مشمولين فى المناقصة؟؟!!

تحياتى

سوسورانى

[se_ Elsyed]

تعاطفك لوحده مش كفايه ..

إتبرع ولو بجنيه ..

الحادي عشر من أبريل هو يوم سين سين ...

ياريت كلنا نواسيه ولو بميسد كوول

------------

كراسة الشروط عشان خاطركم ..

1-أولاً لازم يكون بوكيت بي سي .. عشان عندي ملفات ولازم أنقلها عليه ( مانا عامل 8000 ملف لكل واحد في المحاورات .. هاوديهم فين ؟ )

2- الكاميرا مش مهم .... طلعت بصراحة مالهاش أي لزوم وكماليات زيادة عن اللازم

3- لازم يكوت تتش سكرين ... صعب أرجع للمفاتيح والقرص الدوار من تاني

4- أستعمال نضيف لطبيب وياريت يكون حديث التخرج عشان ما يشدش في العالي

5- مش مهم تخصص الطبيب إيه .. إن شالله يكون طبيب نسا وولاده .... ما فيش حياء في العلم هو أحنا هاننسبه أو بعد الشر عني يعني هاكشف عنده ..

6- السعر .. ما يهمنيش أنا راجل فنجري وفلوسي كلها رايحه على اصحابي ... بس إذا كان حبيبك عسل .. يبقى يا سلام عليه بالطحينه آمممممممممم

7- التسليم " باك تو باك " أو " زيرو ستوك " يعني فوري وشيل يا معلم سين سين وسمعونا الفاتحة ..

8 - الميموري ... الإكسترينال ماخلاش حاجه وبقى برخص التراب .. وأنا معايا كذا ميموري زي القطط بسبع ميموريهات

9 - لو ثري جي ما يضرش ... تخيلوا عندي ميزة من الأتصالات السعودية بامكانية مشاهدة 3 قنوات فضائية وعُمري ما تخيلت نفسي أقعد اتفرج على ماتش في الموبيل مثلاً ...

10 - أي كماليات أخرى مثل " كرت شحن من أبو 100 ج وضعف الرصيد والحاجات دي ... ما يضرش وربنا يجعل جيوب المشتركين عمار "

11- بلاش موبينيل عشان فرنسا أشتريتها والفرنساوي عندي ضعيف وإلا هاضطر أجيب عمر يترجم لي عند كل أتصال

12- الموديل .. 2009 وأنت طالع .. يعني شيفورلية الدبابة .. الدبابة .. من شيفورلية وإنت نازل ... وسمعني يا عم " العدة اللي حلتي باظت ... باظت .. باظت "

والله ولي التوفيق ،،،،،،،،،،

[jessika]

بجد انت اللى صباحك احلى صباح يا استاذ سى السيد

الواحد يصحى الصبح يقرا كلماتك ويبتسم بجد مفيش احسن من كدة

بجد بقيت اتفائل بيك :blink: :lol:

[elfakhrany]

أخى العزيز أبو عبد الرحمن

طلباتك كلها موجودة عندى ليك عدة اريكسون 688 موديل 99 فبريكة سقف وشنطة للمفاهمة ادينى مسد كووول

أكيد عندك كابل اليو اس بى للايميت قولى بس الموديل وأمدك بالسوفت وير لخبرتى السابقة ببرمجة الجوالات وجرب تعمل سوفت ريسيت الأول

[بندق أفندى]

أمس كنت بأتفرج على الموبايلات .. وكانت ايدى بتاكلنى على موبايل جديد وحيث انى من هواة سونى أريكسون .. وعمرى ما استخدمت غير أريكسون وبعده سونى أريكسون فكانت ايدى بتاكلنى على موبايل X1 شاشة وتتش وحركات .. بس الحقيقة قلت لزمن أفحص الامكانيات الأول وأشوفه تستاهل .. وفى عز ما انا بأتفرج .. اذا برسالة من أبنى تأمرنى بشراء موبايل لأنه يا دوب كده يلحق يغير الموبايل .. وحيث انه فيه خطط مش معقول هأشترى 2 موبايل فى يوم واحد فانسحبت لأبعد نقطة فى المحل .. وأنا أفكر .. بعد ما أشتره له الموبايل اللى كنت مخطط لنفسى أجيبه .. أشترى ايه ليا عشان أغيظه .. لازم يكون حاجة أعلى عشان يندم انه اعتدى على أحلامى .. وحيث انك بتفكر فى موبايل .. فكرلى معاك ..

بس شكلها هترسى على انى ما اشتريش

[elfakhrany]

أمس كنت بأتفرج على الموبايلات .. وكانت ايدى بتاكلنى على موبايل جديد وحيث انى من هواة سونى أريكسون .. وعمرى ما استخدمت غير أريكسون وبعده سونى أريكسون فكانت ايدى بتاكلنى على موبايل X1 شاشة وتتش وحركات .. بس الحقيقة قلت لزمن أفحص الامكانيات الأول وأشوفه تستاهل .. وفى عز ما انا بأتفرج .. اذا برسالة من أبنى تأمرنى بشراء موبايل لأنه يا دوب كده يلحق يغير الموبايل .. وحيث انه فيه خطط مش معقول هأشترى 2 موبايل فى يوم واحد فانسحبت لأبعد نقطة فى المحل .. وأنا أفكر .. بعد ما أشتره له الموبايل اللى كنت مخطط لنفسى أجيبه .. أشترى ايه ليا عشان أغيظه .. لازم يكون حاجة أعلى عشان يندم انه اعتدى على أحلامى .. وحيث انك بتفكر فى موبايل .. فكرلى معاك ..

بس شكلها هترسى على انى ما اشتريش

انا شفت السونى اريكسون الجديد xperia او اسم الدلع x1 والصراحة جهاز اكثر من رائع لانى زى حضرتك مدمن سونى اريكسون مع تحفظى طبعا على عدم توافر الاكسسوريز بتاعته كتير بس زى ماقلت ادماااان

[Modest]

طلبك عندي .. من غير رغي كتير و لوكلوكلوكلوك

إتفضل يا سونسون عدّة ماتطلعش غير للحبايب و فيها كل طلباتك و زيادة عليهم الأستك :blink:

[se_ Elsyed]

جاسيكا باشا .

بما إنك بتتفائلي بيه .. لو بتضاربي في البورصة ووشي بقى حلو عليكي .. يبقى إفتكريني ببريز كبيرة كل مره تكبي فيها ... على فكرة خلي بالك من سهم رامي لكح ... هايعمل شغل جامد هأهأه

...

-------

يا عم فخراني .. اريكسون مين وحركات مين ... بأقولك بوكيت بي سي ... لسه هانرجه 20 سنة وار وموبيل بأيريال ويسقط شبكة ومش عارف البورده جرا لها إيه ؟

ميزة الأي ميت إن له بدون مبالغة ما لا يقل عن مليون أبليكيشن وسوفت وير فري عالنت ... أنا ساعات بأفكر أنزل له سوفت وير بيهرش للواحد في ضهرة خصوصاً في فقرات العامود الفقري اللي الواحد ما بيعرفش يوصلها ... بالتأكيد هالاقي .. فالعلم ماخلاش حاجه إلا وحط مناخيره فيها ..

------------

الشيف بندق ..

بص يا بندق إحنا ناس بنعمل في الحقل المالي والفنايننس زي بعض .. واللي يتكسف من بنت عمه ما يجيبش منها خضار ... فهأعمل معاك ديل ( صفقة مش ديل يعني ديل اللي هو بتاع الفئران والكائنات المتذيلة )

أعزمني إنت يا عم على اي عزومة مأكولات بحريه بس حاجه غير السمك والجمبري ( يعني بالبلدي إستاكوزا ) وأكل حتى الثمالة ...

ولك عندي حاجه بالسلوفانه وتحت الضمان كمان ..

فكر ورد يا معلم

[Modest]

سيبك من الأي ميت و خليك مع نوكيا .. كل المواضفات اللي انت عايزها و فوقيهم بوسة :lol:

و بلاش موتورولا علشان بتعمل مشاكل :blink:

و عقلك في راسك تعرف خلاص .. تتنصح تتنصح ما تتنصحش ماتتنصحش

[se_ Elsyed]

طلبك عندي .. من غير رغي كتير و لوكلوكلوكلوك

إتفضل يا سونسون عدّة ماتطلعش غير للحبايب و فيها كل طلباتك و زيادة عليهم الأستك :blink:

حبيبي يابو ساميه

وكتاب الله كنت متأكد إنك هاتعملها وتطلع أم الصورة اللي بتجيب الفقر دي ..

بس من حبيبي أبو ساميه أو من ساميه حتى .. اي حاجه تبقى " ليتست تكنولوجي "

بس كده محتاج أجيب حد على كفالتي عشان يشيله لي يا موديست

حل لي المشكلة دي الأول الله يكرمك

[بندق أفندى]

جاسيكا باشا .

بما إنك بتتفائلي بيه .. لو بتضاربي في البورصة ووشي بقى حلو عليكي .. يبقى إفتكريني ببريز كبيرة كل مره تكبي فيها ... على فكرة خلي بالك من سهم رامي لكح ... هايعمل شغل جامد هأهأه

...

-------

يا عم فخراني .. اريكسون مين وحركات مين ... بأقولك بوكيت بي سي ... لسه هانرجه 20 سنة وار وموبيل بأيريال ويسقط شبكة ومش عارف البورده جرا لها إيه ؟

ميزة الأي ميت إن له بدون مبالغة ما لا يقل عن مليون أبليكيشن وسوفت وير فري عالنت ... أنا ساعات بأفكر أنزل له سوفت وير بيهرش للواحد في ضهرة خصوصاً في فقرات العامود الفقري اللي الواحد ما بيعرفش يوصلها ... بالتأكيد هالاقي .. فالعلم ماخلاش حاجه إلا وحط مناخيره فيها ..

------------

الشيف بندق ..

بص يا بندق إحنا ناس بنعمل في الحقل المالي والفنايننس زي بعض .. واللي يتكسف من بنت عمه ما يجيبش منها خضار ... فهأعمل معاك ديل ( صفقة مش ديل يعني ديل اللي هو بتاع الفئران والكائنات المتذيلة )

أعزمني إنت يا عم على اي عزومة مأكولات بحريه بس حاجه غير السمك والجمبري ( يعني بالبلدي إستاكوزا ) وأكل حتى الثمالة ...

ولك عندي حاجه بالسلوفانه وتحت الضمان كمان ..

فكر ورد يا معلم

انت بس فكر تزور الدمام وادينى خبر قبلها ... وجيب معاك الجنرال موديست .. وبلاش الكرامللاية دى اللى بالسلوفان دى ههههههههه

[SoSo R]

طلبك عندي .. من غير رغي كتير و لوكلوكلوكلوك

إتفضل يا سونسون عدّة ماتطلعش غير للحبايب و فيها كل طلباتك و زيادة عليهم الأستك :blink:

أهه...كلامى لف ودار وحصل

دة هو فردة الشبشب اللى كنت باحذرك منه يا سى السيد....بس دة الجيل المعدل

المصحوب بكاميرا ممكن تحمض الفيلم بتاعها لما تخلص تصوير

فيه جيل تانى معدل ...مصحوب بالكاميرا و عليه كاسيت بس مربوط بحبل مش أستك عشان يرن بولىفونيك و يديك نغمات حقيقية

ياترى وصل عندكم فى السعودية؟! :lol:

تحياتى

سوسورانى

[pink rose]

صباح الفل

الف سلامة عليك يا س س انت و ال imate

و الله صعبت عليا فعلا لازم نعمل حملة تبرعات يا جماعة للاخ س س موضوع ال imate اللي باظ دا مش شوية

انا عن نفسي هابدأ حملة التبرعات على ال facebook :blink:

كل واحد يفكر و يشوف يقدر يساعد بإيه و اهو من قدم خير بيداه التقاه و هنيالك يا فاعل الخير و الثواب

و سمعني نغمة طمني عليك :lol:

[se_ Elsyed]

طب ليكو عندي مفاجأة

من كام يوم كنت باعمل جرد .. أو بمعنى أصح بانضف مكتبي من الزبالة

أقسم بالله لقيت حفرية من الحفريات دي عندي من ييجي أكثر من 15 سنة في الدرج

أريكسون ابو أيريال مش عارف موديله إيه من اللي كان تحدفه في الحيطة يرد ويبطحك وبعدين يرجع يكسر الحيطه ويعمل فيها شرخ قطعي وممكن ينفد على الجيران يبطحهم وياخد كل اللي ي وشه

هابقى اصورة وأنزل صورته هنا عشان الأجيال الجديدة تتعرف على تلك البرديات والحفريات ويقول له " عظيمة يا مصر يا أرض الحضارة "

وهاكتب تحتها شرح إن دي من أول الأكتشافات بتاعت الأنسان المصري البائد

[se_ Elsyed]

صباح الفل

الف سلامة عليك يا س س انت و ال imate

و الله صعبت عليا فعلا لازم نعمل حملة تبرعات يا جماعة للاخ س س موضوع ال imate اللي باظ دا مش شوية

انا عن نفسي هابدأ حملة التبرعات على ال facebook :blink:

كل واحد يفكر و يشوف يقدر يساعد بإيه و اهو من قدم خير بيداه التقاه و هنيالك يا فاعل الخير و الثواب

و سمعني نغمة طمني عليك :lol:

ميرسي يا ريمو هانم ..

وياريت حضرتك تعملوا كمان وقفه على سلم نقابة الصحفيين عشان تلفتوا الأنظار لقضيتي .. اللي بقت قضية مصر كلها

[بندق أفندى]

طب ليكو عندي مفاجأة

من كام يوم كنت باعمل جرد .. أو بمعنى أصح بانضف مكتبي من الزبالة

أقسم بالله لقيت حفرية من الحفريات دي عندي من ييجي أكثر من 15 سنة في الدرج

أريكسون ابو أيريال مش عارف موديله إيه من اللي كان تحدفه في الحيطة يرد ويبطحك وبعدين يرجع يكسر الحيطه ويعمل فيها شرخ قطعي وممكن ينفد على الجيران يبطحهم وياخد كل اللي ي وشه

هابقى اصورة وأنزل صورته هنا عشان الأجيال الجديدة تتعرف على تلك البرديات والحفريات ويقول له " عظيمة يا مصر يا أرض الحضارة "

وهاكتب تحتها شرح إن دي من أول الأكتشافات بتاعت الأنسان المصري البائد

طيب انا مبروزه .. ومكرمه ..

أريكسن G388 وبعدين أريكسون 688 .. والتانى بالرغم انه كان أحدث انما كان أكبر من الأول ..

كان فيه واحد تانى صغير أوى 788 بس ده مش لاقيه خالص ..

الغريب انه أول واحد ده كان سعره 2350 ريال .. يجيبو مصنع موبايلات دلوقتى اذا قارنت السعر بالامكانيات .. هههههههه

[elfakhrany]

بجد يا جماعة عايزين نكون اكتر ايجابية من كده ونعمل اضراب عند السفارة المصرية ونطالب بموبايل جديد ل سى السيد زى حملة مشتركين موبينيل لارجاع القرد اللى بيتكلم من ولايه شمبونجو

[se_ Elsyed]

بلاش القرد الله يكرمك .. اهو ساويرس من ساعة القرد اللي بيتكلم والأمور مش مظبطه معاه .. البورصة وقعت وأخد حكم بنزع حضانة موبينيل وبنفقة للمشتركين ...

سو بليييز نو مور مانكي