اللي ولاده في مدارس انترناشونال يساعدني

[ام سلمي]

السلام عليكم

الاخوة الاعزاء انا عندي سؤال عن المدارس الانترناشونال لكن علي عكس المعتاد مش حاسأل عن اقوي المدارس في الرياض ايه انا عايزة اعرف من تجاربكم ايه المدارس اللي بتراعي طفولة الولاد

انا نقلت ولادي مدرسة انترناشونال الترم ده الاولاد ينزلوا 6.5 الصبح يرجعوا الساعة 2.5 من المدرسة عندهم 8 حصص يوميا يادوبك يصلوا ويتغدوا واقعد اعمل معاهم الواجب لحد المغرب واحيانا العشا وبعدين يتعشوا ويناموا وكل يوم كدة ابني الاكبر نفسيته تعبت جدا والاصغر كل يوم يعيط الصبح مش عايز يروح وخاصة ان الاساتذة بيضربوا زي ما نكون في مصر

انا فعلا مش عارفة كل المدارس الانترناشونال بالشكل ده طب امتي العيال تلعب شوية حتي يومين الاجازة بيبقوا عاملين حسابهم ومدين الاولاد واجبات اكتر علشان ما يعدوش فاضيين فيهم

انا قررت انقل العيال مدرسة تانية ان شاء الله السنة الجاية وطالبة مساعدتكم في معرفة مدارس انترناشونال تكون ارحم شوية من كدة علي العيال وما فيهاش ضرب علشان ما تتكررش المأساة دي السنة الجاية ولكم جزيل الشكر

[se_ Elsyed]

عليكي وعلى العروبة يا أم سلمى ,,,

دي مش دعاية ...

وبعدين ضرب إيه .. مافيثش هنا كه غير للشديد القوي والعيل يبقى قرد ...

بس العروبة فيها ضرب ... بس إبني عُمر هو اللي بيضرب ... من اسوعين إتصلوا بي عشان أجي أخده عشان دماغه أتفتحت .. فروحت لقيته متبهدل .. بس هو اللي كان باطح الواد برضوا وعامل فيها حسنين أبو الروس ....

بس ده عادي عشان دول صبيان وجواهم نشاط وإجرام مبكر

[fatfouta]

بصى يا ستى وديهم مدرسة العروبة هما مواعيدهم كويسة بالنسبة لمدارس تانية انا ابنى فيها بس لسه فى نيرسرى

اسمعى كلام س س ذى ماقالك عشان هو خبرة فى الحاجات دى

ولو عاوزة تعرفى هى فين وتليفوناتها اسالينا برده او عليكى بقى وعلى س س الشهير بسى السيد

ربنا يوفقك

تم تعديل 11 أبريل 2009 بواسطة fatfouta

[ام سلمي]

السلام عليكم

شكرا جزيلا ليكم طمنتوني انا اعتقدت ان كل المدارس حتبقي بالشكل ده وان شاء الله نشوف مدرسة العروبة في الاجازة

[الحاج فوزى]

هناك شىء لا أفهمه ..

أى مدارس إنترناشيونال تلك التى يضرب فيها الطلبة ؟!

هل أنت متأكدة من هذه المعلومة ؟!!

ليس من المفترض إطلاقا ً أن يحدث ذلك .. ، بل تستطيعين التسبب لهم فى فضيحة عالمية !

على العكس ، المدارس الإنترناشيونال تتمتع ببرامج تأهيل وتعليم جيدة جدا ً ، ومناسبة لكل مرحلة عمرية للطفل . .

وتتمتع المدارس الإنجليزية بجو محافظ أكثر من الأميريكية التى يترفهه فيها الطالب "بزيادة "

لكن موضوع الضرب هذا جديد .. وغريب فى نفس الوقت .

تم تعديل 12 أبريل 2009 بواسطة الحاج فوزى

[بندق أفندى]

هناك شىء لا أفهمه ..

أى مدارس إنترناشيونال تلك التى يضرب فيها الطلبة ؟!

هل أنت متأكدة من هذه المعلومة ؟!!

ليس من المفترض إطلاقا ً أن يحدث ذلك .. ، بل تستطيعين التسبب لهم فى فضيحة عالمية !

على العكس ، المدارس الإنترناشيونال تتمتع ببرامج تأهيل وتعليم جيدة جدا ً ، ومناسبة لكل مرحلة عمرية للطفل . .

وتتمتع المدارس الإنجليزية بجو محافظ أكثر من الأميريكية التى يترفهه فيها الطالب "بزيادة "

لكن موضوع الضرب هذا جديد .. وغريب فى نفس الوقت .

تخيل بقى يا حاج فوزى .. ابنى كان بياخد درس خصوصى فى مركز للدروس الخصوصية .. المجموعة فيها حوالى 45 طالب وحسب المادة الشهر ب 350 الى 450 جنيه و8 حصص و 4 امتحانات ورسوم الامتحان الواحد 20 جنيه .. وفى مصر ويعتبر تعليم خاص أهه .. كان فيه ضرب للركب والعيال فى سن صعب ومع ذلك الاقبال رهيب عليها ولازم تحجز قبلها ب سنة ويعملو للطالب اختبار تحديد مستوى واختبار نفسى عشان يقررو يقبلوه ولا لأ

طبعا العيال كلها على الفرازة ومفيش عيل جاب أقل ممن 95% ..

الضرب لو للتربية والتهذيب مش سبة .. بس لو للاننتقام هو ده المشكلة