السلام عليكم

[حماده عبده]

بالله يا جماعة العنده فكرة يدلني أنا مسافر السعودية و أوراقي كلها مستوفية ماعدا ورقة واحدة شهادة خبرة بمهنة فني ميكانيكي أنتاج وبصراحة مش عارف خالص حد يعملهالي وبيقولو لازم صاحب العمل ييجي معايا للشهر العقاري عشان نسجلها عشان أقدر أوثقها من الخارجية المصرية وأنا بصراحة ماعنديش حد يا أخواني له مصنع أو سجل تجاري يرتبط بهذه المهنة وفي ناس بتقولي نعملهالك ب 500 جنيه وده مش في أمكانياتي أرجو لو حد عنده أي خبرة بهذا الموضوع يدلني لأني بجد مش عارف أعمل ده ايميلي ************************** ورقمي **************أرجو الأفادة بهذا الموضوع بالله عليكم.

تم حذف البريد الالكتروني ورقم الهاتف

حيث أنه جرى العرف على عدم وضع أرقام هاتف أو بريد الكتروني حاص في المداخلات

أسد

فريق الإشراف

تم تعديل 12 أبريل 2009 بواسطة أسد
حذف رقم الهاتف والبريد الالكتروني

[زعلان]

هو حضرتك فني ميكانيكي ولا ........ز بتضحك علينا

[حماده عبده]

وهاضحك عليكم ليه ممكن افهم سبب الرد الغريب ده أنا فعلا مش فني ميكانيكي لكن التأشيرة الجاية بالمهنة دي أنا مندوب مبيعات علي فكرة مش كل البيطلع السعودية بيطلع في تأشيرته بمهنته لوأنت عندك خبرة يعني

[زعلان]

يعني انت عايز حد يساعدك علشان تزور الشهادة ده علشان تسافر على مهنة غير مهنتك

رغم انك قلت ان ده مش في امكانياتك كمبلغ ولا كمباديء !!

[حماده عبده]

يا أستازي أنا مش عايز حد يطلع من جيبه ويديني أنا كل المحتاجه أني حد يكون عنده أي مصنع صغير يرتبط بهذه المهنه يعملهالي وييجي معايا الشهر العقاري نسجلها وأقوم بدفع كل الرسوم بتاعتها أنا مش عايز حاجة مزورة وبعدين ياريت حضرتك ماترسلش أي رد ربنا يخليك لأني ردودك مستفذة بعد أزن حضرتك

[زعلان]

اعذرني اذا كانت ردودي مستفزة و ما تزعلش

[الأمير العاشق]

شوف يا اخى اى شهادة خبرة بتطلع من مكتب العمل انت تروح مكتب العمل وتقله انا عايز اطلع شهادة خبرة بالمهنة دى ممكن يقولك المهنة دى مشموجوده هتجيب صورة التاشيرة ويشوفها هيعمل المهنة بين قوسين ودى مش بتاخد 4 ايام وانت بتستلم شهادة قياس المهارات هتشترك فى النقابة بتاعتها كل ده هتعرفه فى مكتب العمل والتصديق فى الخارجية ده عادى جدا بعد ما تخدها هتروح المحافظة بتاعتك مكتب التصديقات ويختمها بـ 11 جنيه وربنا يوفقك

[حماده عبده]

متشكر جدا أستازي علي أفادتك لكن حضرتك في حاجة أنت مش فاهمها أنا محتاج الشهادة عشان أخد التأشيرة أصلا من السفارة أنا لو معايا التأشيرة هاحتاج ليه الشهادة.

[ozoozo]

1-غالبا موظف الشهر العقاري مابيبصش علي شهاده الخبره لكن اللي يهمه السجل التجاري وتجديده

2-عشان كده ممكن تعملها من عند اي نشاط لكن الفن في طريقه كتابه الشهاده لانه غالبا انت اللي بتكتبها علي الكومبيوتر فلو كان لبان متلا اسمه لبان الامانه فممكن تكتب حاجه مطاطه زي مثلا مؤسسه الامانه للتجاره وتكتب المهنه اللي انت عايزها ولو الموظف بتاع الشهر العقاري سأل هانقولوه انك مسؤول عن صيانه اسطول سيارات النقل الخاصه بالشركه

يعني الخلاصه اي حد معاه سجل تجاري هاينفع بنسبه 90 %

[حماده عبده]

السلام عليكم أخي والله لو حضرتك متأكد من الموضوع ده يبقي كدة فورجت انا متشكر جدا

[حماده عبده]

أرجو من حضرتك لو عندك الصيغة بتاعتها يعني أبقي شاكر فضل حضرتك جدا

[elfakhrany]

السلام عليكم أخي والله لو حضرتك متأكد من الموضوع ده يبقي كدة فورجت انا متشكر جدا

ياعم انشاء الله فورجت وخليك متفائل كل حاجة بتخلص فى مصر بالفلوس وتيجى تنورنا فى السعودية swar::

[MoHaMMeD EgYpT]

السلام عليكم أخي والله لو حضرتك متأكد من الموضوع ده يبقي كدة فورجت انا متشكر جدا

ياعم انشاء الله فورجت وخليك متفائل كل حاجة بتخلص فى مصر بالفلوس وتيجى تنورنا فى السعودية :lol:

تمام كله في مصر بالكاش bv:- :lol:و يا استاذ فخراني اكتب ان شاء الله مش انشاء الله

تم تعديل 13 أبريل 2009 بواسطة MoHaMMeD EgYpT

[ozoozo]

تشهد مؤسسه كذا للتجاره

بان فلان الفلاني قد عمل لدينا من الفتره كذا لكذا(حبذا لو اكتر من سنتين)

بوظيفه فني ميكانيكا وكان مسؤلا عن صيانه اسطول سيارات النقل الخاص بالمؤسسه

وتشهد له المؤسسه بالكفاءه والالتزام طوال فتره العمل

بس ياسيدي وتضربلك لوجو مناسب وتطبعه الوان اكنه ورق الشركه ودمتم

تم تعديل 13 أبريل 2009 بواسطة ozoozo

[حماده عبده]

ألف شكر لحضرتك

[الأمير العاشق]

انت مفهمتش كلامى يا اخى انا عارف انك لسه مطلعتش التاشيرة انا بقصد المهنة اللى اللى موجوده فى جواب التفويض انت تخلى المكتب يديهالك