إزاي أستفيد من مبلغ وأستثمره هنا في جدة

[waaaf]

الأخوه الأعزاء زملاء المنتدى

أستشيركم في :

لدي مبلغ 40 الف ريال وأرغب في إستثماره بدلا من إيداعهم في البنك بدون فوائد لحين نهاية عملي بالسعودية والله أعلم متى سيكون ذلك . أنتظر مشاركاتكم .

[elfakhrany]

الأخوه الأعزاء زملاء المنتدى

أستشيركم في :

لدي مبلغ 40 الف ريال وأرغب في إستثماره بدلا من إيداعهم في البنك بدون فوائد لحين نهاية عملي بالسعودية والله أعلم متى سيكون ذلك . أنتظر مشاركاتكم .

والله من وجهة نظرى شايف ان الجوالات مناسبة بس لازم يكون عندك علاقات جيدة بتجار الجملة عشان تاخد بسعر كويس

[waaaf]

فكرة كويسة برضة وأنا أعرف مستورد بيجيب موبايلات ذهبية و فضية مرصعة بالماس وشريحتين

ومحفور عليها ماركة (جوتشي) بأسعار مناسبة يعني في حدود الـ 900 ريال للمستهلك .

بس هل الموضوع ده ماشي لو عملت إعلان في الوسيط مثلاً .؟؟؟؟؟

[حماده عبده]

أضمن شيء ممكن تشتغل فيه في السعودية من غير خوف هي المواد الغذائية .

[أبو غادة]

أخي الكريم

نصيحة لوجهة الله

آي عمل تجاري لا بد أن تقف عليه بنفسك ولو لمدة ساعتين يوميا أما أن تعطي الناس فلوسك وتستنى الربح فلا

بالنسبة للمشاريع

الجولات مربحة إذا كنت ستأستجر (( بترينه )) وتبيع عليها بنفسك ولا أنصحك بتجارة الأجهزة الجديدة (( إلا إذا كنت ستبيع بالتصريف - يعني تتفق مع تاجر الجملة أنك تبيع بالتصريف يعني يجيك زبون تطلب له جهاز وتأخذ مكسبك))

طبعا الجديد مكسبة بآي حال لا يتعدى 50 ريال لأن الزبائن يعرفون القيمة مسبقا وكذلك لكثرة البائعين

وطبعا من أكبر مشاكل الجولات الجديدة أنك مثلا تشتريها اليوم جملة 1500 للجهاز ومن الغد تجد السعر نزل مثلا إلى 1470 للحبة فهنا تكون خسران

أما المكاسب في هذه الشغلة فهي في المستخدم وفي الاكسسوار ونصيحة لا تقوم بتحميل الإغاني والمقاطع المحرمة.

محلات الأحذية والملابس سوقها قوي ولكنك تحتاج لشريك معك يدخل بنفس مبلغك

تستطيع أن تفتح محل بوفيه بهذا المبلغ ولكنك تحتاج إلى شريك سعودي من أجل التصاريح وعقد الإيجار وخلافه

الله يرزقك بالرزق الوافر الحلال

[waaaf]

شكراً للمشاركين بآرائهم

[elfakhrany]

والله أنا عندى فكرة حلوة بس لو تفهم فيها انك تشتغل فى الأثاث المستعمل أنا أحس انه عليه اقبال فى البيع والشراء بس عايز واحد فاهم

[waaaf]

بس المشكلة إن تجارة الأثاث المستعمل عايز مخزن في الحراج

[Amr Radwan]

انصحك بانك ما تحطش الفلوس بتاعتك في اي مشروع في السعودية .. لسبب واحد فقط .. انك في اي لحظة معرض للتفنيش و ساعتها هتسيب الجمل بما حمل .. بالاضافة ان اي عمل و استثمار لابد و ان يكون فيه سعودي عشان تاخد التصاريح و السعودي هياخد منك ما لا يقل عن 3000 ريال شهريا .. عشان يبقا الموضوع باسمه .. بالاضافة ان الموضوع لما يمشي و التجارة تحلو في عينه ممكن يقولك "ترازقالله" يعني مع السلامة و مالكش اي حاجة عندي .. و الموضوع ده حصل كتير جدا لاخوة مصريين .. حطو تحويشة العمر في مشاريع زي دي .. مثلا صيدليه و محلات جوالات و غيره و في النهاية .. الفلوس طارت .. لان اللي باسمه المؤسسة قال دي تجارتي swar:: و القانون و كل حاجة معاه مش ضده ..

نصيحة .. فكر مليون مرة في الموضوع ده .. عشان ما ترجعش تقول يا ريتني ..

و انصحك انك تستثمر الفلوس في مصر مع اي حد تثق فيه ..

[كرم احمد]

لو انت فى منطقة بعيدة عن القاهرة يجبولك اى مساحة ارض وعلى ماترجع اكيد هتكون رفعت ودة اكسب حاجة وريح دماغك احنا مش فى بلدنا لو وقعت فى مشكلة هتتبهدل اما لو كنت فى القاهرة كمالهم مية الاول وماتفكرش فى مشروع فى السعودية انا اشتغلت فى السعودية سنتين ولسة ناقل على فرع الامارات بس هنا فى الامارات المشاريع مية مية والشقق والمحال رخصت قوى يعنى التسقيع الوقت زى الفل بس محتاج سيولة فوق المية

[hOuSsAm]

اخى العزيز

انا شايف انك متستثمرش اى فلوس فى السعودية انت متعرفش الظروف مخبية ايه وكمان انت ممكن تسيب البلد فى اى وقت لاى سبب

انت لاما تشترى فيها قطعة ارض فى مصر

او لو انت بتفهم فى البورصة تستثمرها فيها ودى ممكن تديرها من اى مكان وانصحك بصناديق الاسثمار درجة المخاطرة فيها منخفضة

المهم قبل متعمل اى حاجة استخير ربنا ثم تستشير ناس تكون خبرة فى نفس المجال اللى انت ناوى تستثمر فيه

[fatfouta]

iهو حضرتك ضامن تستمر فى السعودية اد ايه؟

ده احنا كلنا هنا قاعدين ممكن فى اى لحظة نرجع بلدنا تانى لاى سبب وساعتها بقى ترجع تقول الم فلوسى اذاى وكده وعلى راى عمرو رضوان لازم يبقى فيه سعودى ماعك عشان التصاريح وكده

وعلى ايه ريح دماغك عشان تبقى فى الامان وفلوسك ماتروحش عليك او حتى تخسر منها

وياسيدى لو مش عاوز تحطهم فى بنك عشان الفوائد يبقى خليهم فى البيت(بس قولى العنوان )

الصبر انت لسه ماعملتش حاجة

فتفوته