لو كان معاك مليون جنيه هتعمل بيهم ايه

[MoHaMMeD EgYpT]

هو ان جيت للحق المليون للاسف مبقتش مبلغ دلوقت ومع كده هم فين ..

بس عشان مبقاش فقرية هتخيل ان نزلت علي مليون جنيه من السما واحلى حاجه بقى يكونوا جايين من غير تعب ومن غير ماابيع حاجه ولا اخسر حاجه .. يعني نقول كده قاعده لا بي ولا علي لقيت الباب بيخبط وبرنامج من سيهبط عليه المليون بيصور وبيقولوا لي خذي المليون دول خالصين الضرايب احنا بنوزعهم كده عشوائي ..

طبعا هتخيل ان الجيران مش هياخذوا بالهم ولا القرايب ولا اي حد من الي عينه مدورة ومقورة واني مش هنشل ولا انجلط واصرفهم على عيايا .. هتخيل ان الحكايه دي هتتم في السر والبرنامج بعد مايديهملي هيحلف على المصحف مش هيجيب سيرة لحد ويطفي الكاميرا ويروح ..

طبعا هفكر في الف حاجه اعملها بالمليون لازمني حداده وسمكره يعني رحلة على لبنان كده وارجع نانسي عجرب بس هرجع افكر ان كده حرام وتغيير خلقة ربنا مش كويس ده غير ان الفلوس دي مش هتهبط علي كل يوم عشان افرتكها كده .. وانا بفكر هبص اللاقي الباب بيخبط تاني والمذيع رجع تاني وبيقولي على فكره احنا بعد اسبوعين تلاته هنرجع نكسبكم مليون تانيه برضه في السر يعني اصرفي براحتك ولما يخلصوا ادينا مسد ..

في الحاله دي بقى هروح فورا ادور على اي حد نصاب اشتري منه شقة تكون واسعه وكبيرة في حته حلوة .. ونصاب ليه اصلها فلوس مش تعبانه فيها بقى .. المهم هروح ادفع فيها يعني قول بتاع ثلاثه ارباع مليون كده .. وافرشها بيجي مية ولا مية وخمسين الف واجيب بالباقي عربية محندقة على قدي .. وطبعا هروح اؤجر شقتي الحاليه عشان الي يطلع من ايجارها اجيب بيه شغاله تاخذ بالها من الشقة الجديده امال يعني هبقى مليونيرة واقعد اطلع عيني في التنظيف والمسح .. واكيد هيتبقى لي كام الف في الآخر .. صحيح قلنا مش هنغير خلقة ربنا بس لا يمنع الامر من شويه رش دوكو على خفيف او حتى دهان فرن .. مهو الواحد لازم مينساش نفسه برضه ..

طبعا للاسف في غمره كل ده هنسى ادي العنوان الجديد بتاع الشقة الجديده للبرنامج فمش هيجيبوا المليون التانيه بس معليش هعيش برضه على امل .. مين عارف ..

دا حضرتك باين عليك هتفرتكيهم في ثانية علي الشوبينج و اللاذي منه :lol: و ربنا يوعدنا بالناس اللي بتوزع ملايين عشوائي كل يوم :lol:

[MoHaMMeD EgYpT]

القناعة كنز لا يفنى((اللهم اغننا بحلالك عن حرامك))و دم علينا نعمة الصحة والستر

يوجد ناس بيننا يبحثو عن المليون لاجراء عملية فى الخارج فليبحث كل منا عن النعم

التى حبا ه الله بها ويصلى ليلا نهارا شكرا لله والحمد لله رب العالمين :lol:

قناعة ايه في الزمن ده :lol: و هو انا قولت مبلغ كبير يعني انا بقول مجرد ارنب يعني مليون مش كتير يعني bv:-

[MoHaMMeD EgYpT]

يا جماعة دول مليون جنيه بالاساتك بتاعتهم :lol:

[abu mahmoud]

متبحبحها شوية يا عم محمد هو يعنى لازم تحيرنا المليون هيحتاج تعب وبهدله علشان تضمن انك هتستفيد منه وتشغله صح اما لو زودته حبتين الواحد يحطه فى البنك ومن ارباحها نعيش ونعيش الناس يعنى نقول 5 # 10 # خمتاشر هو احنا هندفع من جيبنا حاجة .

[MoHaMMeD EgYpT]

متبحبحها شوية يا عم محمد هو يعنى لازم تحيرنا المليون هيحتاج تعب وبهدله علشان تضمن انك هتستفيد منه وتشغله صح اما لو زودته حبتين الواحد يحطه فى البنك ومن ارباحها نعيش ونعيش الناس يعنى نقول 5 # 10 # خمتاشر هو احنا هندفع من جيبنا حاجة .

يا رجل دول مليون يعني لو حطتهم في البنك هيجبولك في حدود 9000 جنيه في الشهر يعني خير و باركة الا لو انت بقا داخل علي طمع wst:: و انت كل احلامك انك تحطهم في البنك و تقعد في البيت زي الباشا wst:: :lol:

[مغتربة]

هروح بيهم اجيب حاجات من السوبر ماركت

بس ربنا يستر و الفلوس تكمل

wst:: wst::

اصل المليون دلوقتى يا محمد معدش جايب همه

[MoHaMMeD EgYpT]

هروح بيهم اجيب حاجات من السوبر ماركت

بس ربنا يستر و الفلوس تكمل

:lol: :lol: wst::

اصل المليون دلوقتى يا محمد معدش جايب همه

ليه لو كان كل المصريين معاهم مليون جنيه بجد ما كنش حد غلب امال خط فقر ايه بقا اللي في مصر بدام المليون سهل كده wst::

ده انا لو اخدت نص المبلغ ده والله هتطير من الفرحة wst:: و بعد 3 سنين مش هيبقي اسمي محمد ايجيبت لا هيبقي محمد النيوزيلندي smk:

[elshafey]

هحجز علي طيران ناس (عشان أوفر) وأرجع مصر

[MoHaMMeD EgYpT]

هحجز علي طيران ناس (عشان أوفر) وأرجع مصر

حلم صغنن اوي

[MoHaMMeD EgYpT]

اسف علي التكرار الظاهر خطا تقني

*************************

تم تعديل 15 أبريل 2009 بواسطة MoHaMMeD EgYpT

[aboamar]

انا فكرت ادخل شريك مع واحد فى محطة بنزين دخلها ممتاز ونسبة المخاطر قليلة هتقولى ليه شريك هقولك لان عشان تفتح محطة جديدة بتكلف كتيرررررررر حبتين ..او اشترى شقتين كويسين فى موقع كويس واتجار فيهم استثمرهم او اشترى سيارة تريللا لنقل التقيل جميلة جديدة بس محتاجة واحد مصحصح ...اخد توكيل شركة ادوية بيطرية واشتغل وده محتاج مجهود اوى وفى مشروع تانى انى اشتغل فى الاستيراد والتصدير بس مش فى مصر فى الامارااااااااااااااااااااااااااااااااااااات كتير حجاجت موجودة ومشاريع بس هو فين المليون ..

لكن عاوز افتح مستوصف طبى لعلاج الغلابة وده من ارباح الشركة والمليون

[torontoz]

انا الحمد لله معايا اكتر من مليون مليم. :lol: .لكن اتمني ان اقوم بعمل تلك الرحلة البحرية حول العالم..الاسبوع الماضي رايت باخرة الركاب اليزابيث كوين ٢ علي احدي ارصفة ميناء كيبيك احدي مدن كندا..ورأيت السعادة علي وجوه الناس المتجهين علي ظهر هذه الباخرة في اطول رحلة بحرية حول العالم وتستغرق قرابة السبع اشهر..كم تمنيت ان اكون يوما ما واحد من هؤلاء السعداء..

[MoHaMMeD EgYpT]

انا فكرت ادخل شريك مع واحد فى محطة بنزين دخلها ممتاز ونسبة المخاطر قليلة هتقولى ليه شريك هقولك لان عشان تفتح محطة جديدة بتكلف كتيرررررررر حبتين ..او اشترى شقتين كويسين فى موقع كويس واتجار فيهم استثمرهم او اشترى سيارة تريللا لنقل التقيل جميلة جديدة بس محتاجة واحد مصحصح ...اخد توكيل شركة ادوية بيطرية واشتغل وده محتاج مجهود اوى وفى مشروع تانى انى اشتغل فى الاستيراد والتصدير بس مش فى مصر فى الامارااااااااااااااااااااااااااااااااااااات كتير حجاجت موجودة ومشاريع بس هو فين المليون ..

لكن عاوز افتح مستوصف طبى لعلاج الغلابة وده من ارباح الشركة والمليون

بصراحة حلم زي الفل و خصوصا حتة انك تساعد الناس دي :lol:

[MoHaMMeD EgYpT]

انا الحمد لله معايا اكتر من مليون مليم. :lol: .لكن اتمني ان اقوم بعمل تلك الرحلة البحرية حول العالم..الاسبوع الماضي رايت باخرة الركاب اليزابيث كوين ٢ علي احدي ارصفة ميناء كيبيك احدي مدن كندا..ورأيت السعادة علي وجوه الناس المتجهين علي ظهر هذه الباخرة في اطول رحلة بحرية حول العالم وتستغرق قرابة السبع اشهر..كم تمنيت ان اكون يوما ما واحد من هؤلاء السعداء..

اللهم ارزقنا برحلة علي مركبة اليزابيث كوين بس تكون 3 لان نصيبنا خلاص راح في 2 و هي الرحلة بكام يعني علي الباخرة دي اكيد غالية اوي اكيد اكتر من مليون دولار مش جنيه :hi:

[torontoz]

انا الحمد لله معايا اكتر من مليون مليم. :lol: .لكن اتمني ان اقوم بعمل تلك الرحلة البحرية حول العالم..الاسبوع الماضي رايت باخرة الركاب اليزابيث كوين ٢ علي احدي ارصفة ميناء كيبيك احدي مدن كندا..ورأيت السعادة علي وجوه الناس المتجهين علي ظهر هذه الباخرة في اطول رحلة بحرية حول العالم وتستغرق قرابة السبع اشهر..كم تمنيت ان اكون يوما ما واحد من هؤلاء السعداء..

اللهم ارزقنا برحلة علي مركبة اليزابيث كوين بس تكون 3 لان نصيبنا خلاص راح في 2 و هي الرحلة بكام يعني علي الباخرة دي اكيد غالية اوي اكيد اكتر من مليون دولار مش جنيه :hi:

الرحلة مش غالية..حوالي ١٢ الف دولار كندي..لكن فين الوقت..

[hanzalah]

هاتبرع بيهم لأقرب لتطوير أقرب منطقة عشوائية من محل سكني

[Nassarlink]

انا بقي لو معاياي مليون جنيه

هاحلم بالمليون التانيه والثالثه والرابعه.......

[abohaya]

اهم شىء ما يكونش ممدوح اسماعيل مشارك فى هذة الباخرة wst::

[الحازم حسن]

حدفع شهرين مقدم من إيجار الشقة

[شاب مصري]

طيب قول مليون يورو ولا مليون استرليني

مليون جنيه في الزمن ده بقوا فكّه يا عم الحاج

يعني لو انت راجل في منتصف العمر 45-50 سنة ومعاك الأرنب من دول مش هتعرف تأّمن مستقبل ولادك يعني متعرفش تجيب لعيالك شقة وعربية ولا تسيبلهم قرشين و تعملك مشروع مثلا وتبنيلك بيت كام دور

والله بجد المليون جنيه معدوش يعملوا حاجة

لو كنت شاب ومش على بالك عيال ومسؤوليه فيادوب تجيبلك شقة كويسة وعربية وتعملك مشروع صغنتوت جدا و بح خلاص فينيتو وممكن يفضلك مبلغ صغير يكفيك مصاريف سنتين تلاتة

أما بالنسبة ليا لو معايا مليون جنيه فهديها بعزقة وهلف العالم كله وهروح اليابان والصين واندونيسيا وماليزيا والهند وروسيا وكل دول اوروبا وأمريكا وكندا والارجنتين ( أخوك يعز الأرجنتين قوي زي عينيه ) والبرازيل وأمريكا الجنوبية

واستراليا كمان .. وبالمرة نيوزلندا ( يمكن أعرف أجيب لـ MohammedEGYPT فيزا لنيوزلندا ولا حاجة :harp: )

والمبلغ اللي هيتبقى معايا هعمل بيه ايه ؟ هخرج مع صحابي ونخش سينما وعازهم على سندوتشات كبده وهروّح مفلس في الآخر وأستلف من صحابي فلوس للمواصلات clp::