لو كان معاك مليون جنيه هتعمل بيهم ايه

[MoHaMMeD EgYpT]

انا الحمد لله معايا اكتر من مليون مليم. :sad: .لكن اتمني ان اقوم بعمل تلك الرحلة البحرية حول العالم..الاسبوع الماضي رايت باخرة الركاب اليزابيث كوين ٢ علي احدي ارصفة ميناء كيبيك احدي مدن كندا..ورأيت السعادة علي وجوه الناس المتجهين علي ظهر هذه الباخرة في اطول رحلة بحرية حول العالم وتستغرق قرابة السبع اشهر..كم تمنيت ان اكون يوما ما واحد من هؤلاء السعداء..

اللهم ارزقنا برحلة علي مركبة اليزابيث كوين بس تكون 3 لان نصيبنا خلاص راح في 2 :) و هي الرحلة بكام يعني علي الباخرة دي اكيد غالية اوي اكيد اكتر من مليون دولار مش جنيه

الرحلة مش غالية..حوالي ١٢ الف دولار كندي..لكن فين الوقت..

cool

[MoHaMMeD EgYpT]

هاتبرع بيهم لأقرب لتطوير أقرب منطقة عشوائية من محل سكني

:sad:

[MoHaMMeD EgYpT]

انا بقي لو معاياي مليون جنيه

هاحلم بالمليون التانيه والثالثه والرابعه.......

بس ما تنساش اخواتك هنا في المحاورات بكام مليون لما الفلوس تجري في ايدك و تبقي من المليونيرات :sad:

[MoHaMMeD EgYpT]

اهم شىء ما يكونش ممدوح اسماعيل مشارك فى هذة الباخرة :)

مين ممدوح اسماعيل ده :sad:

[torontoz]

حدفع شهرين مقدم من إيجار الشقة

انا لومنك اعمل هجرة رجال اعمال لكندا.. :sad: :)

[MoHaMMeD EgYpT]

حدفع شهرين مقدم من إيجار الشقة :sad:

ده انت باين عليك تخطيت المليار من زمان مش المليون :)

[torontoz]

اهم شىء ما يكونش ممدوح اسماعيل مشارك فى هذة الباخرة :)

مين ممدوح اسماعيل ده :sad:

http://www.youtube.com/watch?v=hf9XBi_H8c4

صاحب العبارة دي يا محمد

[Mercedes]

أنا فى هذه الحالة سوف أذهب الى أمريكا بفيزا سياحة لأن المليون جنيه دول مش هيودونى بفيزا رجال أعمال أو بزنس و هاشترى قطعة ارض على أى طريق سريع يكون عليه كثافة السيارات كويسة و أعمل عليها محطة بنزين ملحق بها سوبر ماركت و دى من المشاريع الخدمية الكتير جدا و الناجحة جدا لأن الوقود سواء للسيارات الخاصة أو الشاحنات استهلاكه عالى جدا لأن امريكا عبارة عن قارة مترامية الأطراف , انشالله لما المشروع يمشى كده بعد كام شهر يكون مدة الفيزا السياحةقربت تنتهى , فلازم بصفتى سنى مسلم ابحث عن فتاة الأحلام و زوجة المستقبل و التى تكون أمريكية من أصل مصرى مسلمة سنية عشان نتزوج زواجا أبديا و بالتالى فانا أرى أن هذا هو أفضل شىء للاستفادة من المليون جنيه مع الحصول على زوجة طيبة مسلمة متدينة متعلمة و فى نفس الوقت الحصول على الجنسية الأمريكية و بالتالى تأمين مستقبل الأولاد من جميع النواحى حيث انه يكفى أنهم لن ينشأوا فى المناخ المصرى السئ اللى أنا نشأت فيه .

[ansasd]

اول شىء احج بيت الله انا والمدام

2- اجهز اولادى واجوز ابنى الكبير

[Ahmed el- ghamraway]

البورصه 50% عشان اجرب اللعبه ديه

و ابني مجمع اسلامي يشغل ناس فيه و مستوصف و مركز تعليم و

الباقي الف العالم ))))))))))

المليون خلصت من بدري انا عارف ))))))))))))))))))))

[Ahmed Unknown]

انا بقى هروح استراليا سياحه لمدة سنه مثلا على ما اخلص اجراءات الهجرة عشان الصراحة مبقيتش طايق السعودية

و اشترى بيت على المحيط و اقعد السنه دى ابص للبحر و اعوم فى المية و اكل سمك جاهز عشان لا بعرف اصيد ولا بعرف اقلى و مبحبش المشوى

بعد ما السنه تخلص اكون اخدت الهجرة و خلصت الفلوس و زهقت من استراليا و البحر

و ارجع السعودية تانى عشان ادور على شغل

[~Heba~]

طيب هى مليون واحدة بس...اخشى انها لن تكفى

عموما انا ممكن اقسمها كالتالى

300 ألف لقرايبى طبعا كل واحد حسب حاجته

300 ألف للعمل الخيرى و خصوصا اللى فيه اطفال <<<ناس هتقولى مش هيكفوا حقول مش لازم اساعد كل المحتاجين و ما لا يدرك كله لا يترك كله

300ألف اشترى ارض و ازرعها ...مش انا اللى هزرع طبعا اما هشغل ناس

100ألف اشارك بيها زوج المستقبل فى تأسيس عش حبنا :happy: و لو كان المبلغ مش هيكفى مش مشكلة احنا هنعيش على البساطة....يغدينى جبنة و زيتون و يعشينى بطاطا :lol:

انما لو المبلغ كبير شوية نقول 50 مليون هعمل الآتى...بدون تحديد مبالغ معينة

مش بس هشترى أرض و ازرعها انما هعمل مركز للبحوث الزراعية....يكون مركز بحثى بجد مش على ورق

اجيب فيه علماء فى المجال الزراعى يعملوا ابحاث للتغلب على مشاكل خصوبة الارض (انا حاخدها ارض صحراوية) و كمان يعملوا ابحاث لزيادة انتاجية الارض (بعيدا عن الهندسة الوراثية طبعا)

و كمان هعمل مركز دعم الفلاح المصرى و اشغل فيه ناس يعملوا الاتى:

يسجلوا ملاك الاراضى الزراعية اللى النشاط الزراعى نشاط اساسى عندهم

و يعملوا لكل واحد فايل فيه حالة الارض بتاعته و لو بتواجه مشاكل عندنا مهندسين زراعيين تحت الطلب

بالاشافة لنشر التوعية الزراعية كمان هندخل الميكنة الزرعية و طرق الزراعة الحديثة اللى حشغل خبراء اجانب فيها و نديهم اللى هما عايزيه طبعا بس ينفعونا

المهم المؤسسة هتكون غير ربحية بقدر الامكان

طيب و الانفاق عليها بقى ده موضوع تانى

ممكن مثلا نتفق مع الفلاح انه ياخد خدمات اساسية ببلاش انما الخدمات المتقدمة بفلوس

وممكن يبقى فيه قسم لشراء المحاصيل و تسويقها و يبقى مصدر دخل للمؤسسة بس راعى طبعا انها تشترى السعر اللى يريح صاحب الأرض

بالاضافة اننا ممكن نعمل قسم آخر للانتاج يعنى مثلا المحاصيل التى تقوم عليها صناعات مباشرة مثل القطن نعملها مصانع عادى يعنى مفيش مشاكل

بس شكلها الـ 50 مليون مش هتكفى انا عارفة حزب الاحباط و عمايله حيقولى دول تدفعيهم رشوة لاشان اشهار المؤسسة بتاعتك دى :unsure:

تم تعديل 7 مايو 2009 بواسطة ~Heba~

[mmohiey]

انا بقى هاحقق حلمى

وهو انى اشترى حتة ارض كبيرة فى الصحراء وازرعها واعمل جنبها مزارع حيوانات وطيور من كل الانواع وشوية شوية ان شاء الله اعمل جنب المزارع دى مصانع انتاجها يقوم على المزارع دى وطبعا هابنى مدينة سكنية للناس اللى هاتشتغل فى المزارع والمصانع دى وممكن فى المستقبل نبقى نستقل بنفسنا وننفصل عن مصر ونكون دولة لوحدنا :unsure:

[alex fox]

مليووووون جنيه...ياااااااااااااااااااااااااااااااااااااه.

دانا كنت أعمل بيهم عمايل...

أول حاجة أخد كورس برمجة جااااااااااااااااامد (سى شارب طبعا :happy: )...

تانى حاجة أحضر ماجستير فى البرمجيات :unsure: ...فى جامعة هارفارد ..أو ستانفورد ..أو حتى بريكلى ..

والباقى ...

بقولك أيه...

معاكش ربع جنيه سلف....

[~Heba~]

انا بقى هاحقق حلمى

وهو انى اشترى حتة ارض كبيرة فى الصحراء وازرعها واعمل جنبها مزارع حيوانات وطيور من كل الانواع وشوية شوية ان شاء الله اعمل جنب المزارع دى مصانع انتاجها يقوم على المزارع دى وطبعا هابنى مدينة سكنية للناس اللى هاتشتغل فى المزارع والمصانع دى وممكن فى المستقبل نبقى نستقل بنفسنا وننفصل عن مصر ونكون دولة لوحدنا :happy:

:unsure:

مش عارفة ليه حاسة ان حضرتك بتتريق

عموما هى احلام فى احلام

لا احنا معانا مليون جنيه و لا هنقدر نزرع اراضى و نبنى مصانع

و اهلا بيك فى المحاورات :lol:

[عبير يونس]

يا جماعة مليون جنيه ماعدوش مبلغ كبير اوي

همة يطلعوا 200 ألف دولار كندي

يعني ما يجيبوش بيت في كندا

و لا فيزة مستثمر

بس ممكن آخد فيزة سياحة

اهو منها أفسح العيال المحبوسين في السجن اللي همة فيه

و منه أروح أرتب عمل هناك و ربنا ييسرها

و احتمال كبير ارجع قفايا يقمر عيش على السعودية تاني

و ساعتها حأفكر آخد فيزة مستثمر عشان أهرب من نار الكفالة

و طبعا مش حأعرف أعمل حاجة بالفلوس لأني دايما أجنبية

و الشروط على المستثمرين معقدة

أقوم ساعتها ألم الشنط و أرجع مصر

و أقعد على القرشين الباقين و ابتدي الكفاح المسلح

و كأنك يا أبو زيت ما غزيت :rolleyes:

[Digital]

مليووووون جنيه...ياااااااااااااااااااااااااااااااااااااه.

دانا كنت أعمل بيهم عمايل...

أول حاجة أخد كورس برمجة جااااااااااااااااامد (سى شارب طبعا :angry: )...

تانى حاجة أحضر ماجستير فى البرمجيات ...فى جامعة هارفارد ..أو ستانفورد ..أو حتى بريكلى ..

والباقى ...

بقولك أيه...

معاكش ربع جنيه سلف....

ههههههههههههههه

سي شارب مين بس يابني سي شارب دي مبتاكلش عيش اسالني انا

انا كنت مبرمج vb6 زمان من حوالي 7 سنين

وبعدين في الايام دي طلع الدوت نت قلت اشطة و مهلبية

و اشتغلنا ياعم vb.net و c#.net و sql server 2005 بعد كده

و ايه اللي حصل

هما الكام ملطوش اللي كنت بعملهم هما هماهم

قولت لا و الف لا لازم اقبض بالدولار هما مبرمجين امريكا احسن مني في ايه؟

المهم يا معلم

حولت اوراكل و لان عندي خبرة كبيرة جدا في البرمجة مشيت فيها زي السكينة في الحلاوة (وش محمد سعد)

و خدت ياعم ال OCP كمان عقبالك و اشتغلت بالاوراكل و اتبهدلت و خدت خبرة محترمة و الحمد لله

و بقيت مستشار فني لتكنولوجيا المعلومات في شركة من اكبر الشركات العقارية في دبي داماك لو تسمع عنها

و بعدين لما العقارات وقعت نقلت لشركة صتاعية محترمة و الحمد لله دلوقتي بقبض ما يعادل بالدولار مبلغ محترم جدا جدا جدا

علي الاقل بالنسبة لسني 25 سنة

الماجستير بيدعمك لكن مش مهم لو عندك خبرة كبيرة و قوي جدا فنيا

وبعدين ماجستير في الجامعات اللي قولت عليها دي (بفرض انهم قبلوك) حيكلفك ثروة طائلة بس خطوة حلوة

انا نفسي بفكر فيها بس في جامعة بريطانية اسمها Liverpool

وده حيكلفني سعادتك 11 الف جيه استرليني

اشرب في عشرة بقي وشوف يطلعوا كام

بس بجد ...... حتجيبهم في شهرين و مش هزار

فكر مرتين و متمشيش ورا الكلام الفاضي مايكروسوفت حلوة في كل حاجة الا البرمجيات ههههههههههههههههه

المهم نرجع للموضوع الاصلي

لو نزل عليا مليون جنيه من السما which is not what i like

اول حاجة زي ما علمني الوالد ربنا يطول في عمره حطلع منهم 25 الف جنيه زكاة المال

اللي هوا ربع العشر

وربع عشر المليون كام ؟ شاكرين 25 الف دي مش محتاجة مبرمجين :lol:

ثانيا حقدم علي الماجستير اللي قولت عليه في الجامعة دي عشان اخلصه بسرعة بدل ما ااجله لان عندي

مصاريف اهم زي الجواز و لو اني لسه ملقيتش بنت الحلال القمر السكر العسل اللي ان شاء الله حتجوزها

و ربنا يصبرنا علي صنف الستات اللي بنشوفه في دبي، يمكن ندخل الجنة عشان صبرنا هناك هههههههههه

حاجة يعني الف ليلة و ليلة، ده الناس بتوع زمان ايام الجواري اللي من فارس و الروم كانوا عايشين حياتهم يا راجل

ههههههههه

محدش عنده جارية تقسيط بدون فوايد

المهم تالت حاجة حشتري حتة ارض حلوة في ستة اكتوبر بالتعاون مع والدي (استثمار)

و الباقي اشتري بيه شقة في 6 اكتوبر عشان الجواز

دامت ايامكم عامرة بالافراح و مش دايما صاحب الفلوس مرتاح !!!

اللهم ارزقنا الشكر و الرضي و العفاف و الغني

[عندى أمل]

أنا بقى عايز أعمل الماجيستير إن شاء الله فى جامعة فى كندا مش فى انجلترا.............أه :blink:

أول ما ربنا سبحانه و تعالى يرزقنى بالمليون جنيه اللى هم 200 ألف دولار يعنى, إن شاء الله

أول حاجة هأجر شقة مفروشة فى ميدان المساحة فى الدقى و بعدين أروح أشترى عربية هيونداى ماتريكس لبنى و أخد العربية و أروح على سيتى ستارز أشترى شوية لبس بنطلونات جينز و تى شيرتات من الماركات العالمية الغالية اللى هى أساسا مصنعة فى الهند و الصين و تايلاند و اندونيسيا

و كمان أشترى لاب توب

و بعدين أرجع الشقة المفروشة عشان انام لان هيكون اليوم خلص

و أصحى تانى يوم الصبح عشان أخد العربية الجديدة و اروح الجامعة الامريكية أسجل نفسى فى كورس التويفل إن شاء الله عشان الجامعة فى كندا

بعدين أروح معهد أميد إيست فى الدقى و أسجل فى كورس أمتحان GRE General

بردوه عشان الجامعة

و بعدين أروح البيت و اقعد على النت و أشترى خمستاشير عشرين كتاب فى العلوم البيولوجية عشان أذاكر و أستعد للماجيستير فى جامعة يورك إن شاء الله

و لما يقبلونى فى الجامعة إن شاء الله هأدفع المصاريف و هيتبقى معايا مبلغ كويس أعيش بيه أثناء الدراسة هناك و بعد سنة من الدراسة أبقى أقدم على هجرة لكندا

بعد ما أخلص الماستر ممكن تكون الفلوس خلصت ساعتها هانزل مصر و اروح لمكتب سفريات يدور لى على عقد عمل فى الخليج :blink:

[goodnewss]

ههههه دا انا اصرفهم في ساعتين هاتهم انت بس . علي فكره انا بقالي عشر سنين بافكر في السؤال ده بس انا حاكسب خمسين مليون دولار ايوه لازم نواكب العصر برضه

[emano]

والله تعملوا معرروف وتزودوهم نص كمان علشان انا كل ما اشوف شقه فى الاسكندريه تطلع فوق المليون

والمهم العماره كلها تطلع محجوزه انا اتعقد خلاص

حاجه تجنن

وفى ناس بتنتحر من الفقر