من مجلاتك القديمة يمكن ان تبتكر اشياء رائعة جدا

[لولا]

مساء سعيد على كل المحاورين والمحاورات ..

الحقيقة لأول مرة اشارك فى هذا القسم وارجو ان تكون مشاركة مفيدة للجميع ان شاء الله .

طبعا لا احد منا لا يملك مجلات قديمة فى منزلة تتراكم مع الوقت وتصبح عبء ثقيل عليه ..

ولكن هل فكرتم يوما انه يمكنم اعادة استعمال اوراق هذه المجلات بطريقة مبتكرة وجميلة ؟!

كافة انواع المجلات " مجلات الأطفال ميكى ،سوبرمان .. الخ ، مجلات الأزياء القديمة ، اوراق الجرائد الأجنبية الخاصة برسومات الكاركاتير،

المجلات العامة فى العالم العربى " كل هذه الأوراق يمكن الإستفاده منها لصنع عدة أشياء لا حصر لها ، يمكن ان نصنعها فى اوقات

فراغنا او نتشارك فيها مع اطفالنا لنعلمهم الإبتكار وننمى حتى عندهم الذوق الفنى والخيال فى اعادة استخدام الموارد المتاحة بطرق

مختلفة .

هذه الأفكار خطرت لى فجأة عندما كنت فى المرحلة الثانويه ,, كنت ابحث عن كرت مميز جدا لإرساله لشخص عزيز ولم اجده

.. كنت امسك مجلة وفجأة خطرت لى الفكرة ..

قررت ان اصنع كرتى بنفسي ، بالشكل الذى اريده وبطريقة مميزة جدا وغير مكررة فى الأسواق بحيث تكون متاحه للجميع

وحتما كرت مصنوع بشكل شخصى يعكس مدى اهتمامك بالشخص الذى تهديه له .

(1)

صناعة الكروت

الأدوات المطلوبه :

مقص - مسطرة - صمغ - قلم - ورق طباعه ابيض -

بالنسبة للكرتون الفارغ سيتم الحديث عنه لاحقا ، وبالنسبة للورقه المطويه هى عباره عن غلاف مجلة نقوم بثنيها لتكون قاعده

للكرت لأن الغلاف عاده يكون من ورق قاسي .

اولا

اختيار الصور المناسبة لعمل الكرت من المجلة . كنت دوما اثناء تصفح المجلات تلفتنى صور معينه غالبا من صور الإعلانات او الأزياء

وبنظرة فنية ربما اضع التصور لشكل الكرت بمجرد النظر للصورة فى المجلة .

سأرفق لكم صور مختارة من عده مجلات اخترتها بشكل سريع للتوضيح .

بعد ذلك يتم استخدام القاعده الورقيه الموضحه فى الصورة الأولى للكرت بحيث يتم من الداخل حسب الرغبة اما الصاق ورق

من الكراسات الملونه بلون ابيض او زهرى او ازرق درجه تتلائم مع الغلاف والوانه او يتم ايضا استخدام ورق من نفس المجله

فى الداخل بحيث تكون هناك مساحه للكتابه وعاده افضل الأسلوب الأخير لأنه اكثر اتقانا ولكن للمبدئين يمكن استعمال

ورق ابيض من الداخل بحيث يستخدم الصمغ الخاص بالورق ليلصق على مقاس الكرت وتقص الزوائد ومن الخارج نفس

الطريقه بالصمغ نغطى الغلاف الخارجى ونلصق الصوره .

وقد قمت بعمل سريع جدا للشكل المفترض لكروت من اوراق المجلات نفسها التى اخترتها فى الصورة السابقه وتكون كالتالى :

طبعا اختيار الصور حسب الذوق والمناسبه .. فقد اخترت الصورة العائليه للطفل مع والده وجده وشعرت انها يمكن ان تكون

لفته لطيفه من طفل اذا قام بتصميم كرت مماثل لوالده او جده ..مجرد مثال يمكن ان تستخدم صور من مجلات اطفال ويتداولها الأطفال بينهم .

ويمكن بعد الإنتهاء القيام ببعض اللمسات لتزيين الكرت .. قمت ايضا بشكل سريع جدا فقط بغرض توضيح الفكره بإضافه لمسات

بسيطه للكروت السابقه كما يظهر

يتبع ،،

[fatfouta]

دايما مواضيعك هادفة وجميلة ذيك يا لولا

احييك

[فنان محتار]

:D على فكرة انتى جميلة فى مواضيعك وشغلك ولو عايزة تعرفى اكتر اتفضلى هنا

www.albeet.com

دا كله افكار لزيزة :blink:

[لولا]

فتفوتة الجميلة .. شاكرة جدا لرقة زيارتك :blink:

فنان محتار .. مر وقت احسه طويل جدا لم ارى لك فيه اى مشاركات .. اتمنى ان لاتكون فى المحاورات مجرد زائر ..

اتمنى ان تتواجد هنا دوما .. الف شكر على موقع بيت الرائع :D

استكمل فى الغد ان شاء الله باقى الصور للكروت واستعمالات اخرى لورق المجلات .

تحياتى .

لولا

[مغتربة]

رائع يا لولا كملى و احنا متابعينك

[لولا]

رائع يا لولا كملى و احنا متابعينك

ميرسي يا مغتربه .. طولى بالك انتى بس .. الصور جايه فى السكه ان شاء الله النهارده ويارب تعجبكم swar::

لولا

[لولا]

الحاقا لطرق صنع الكروت بواسطه المجلات ارفق مجموعه صور لكروت مصنوعه من مجلة ازياء قديمه.

تلك الكروت كانت من اول الكروت التى قمت بعملها فى المرحلة الثانويه .

[لولا]

[لولا]

هذا الكرت عبارة عن ورق كراسة ملون اسود وعليه صوره كانت عندى ..

قمت باضافه بعض اللمسات عليه كانت عندى "توكة " شعر مكسورة اضفتها وورد للتزين ..

دائما احتفظى بأى شيء يكسر او اكسسوارت قديمة او ورد فى علبه تخزين للإستفاده منها فى اعمال مشابهه .

[لولا]

يتبع .. الجزء الثانى سيكون استخدام اوراق المجلات فى عمل صناديق تخزين مبتكرة

[fatfouta]

والله برافو يا لولا فنانه

استمرى

[ذهبية]

كما انتى يا لولا رائعة فى احساسك و رائعة فى افكارك

كملى نحن معك فى انتظار المزيد فكرة اكثر من رائعة فعلا

تحياتى

[لولا]

كما انتى يا لولا رائعة فى احساسك و رائعة فى افكارك

كملى نحن معك فى انتظار المزيد فكرة اكثر من رائعة فعلا

تحياتى

ذهبية العزيزه .. ميرسي جدا على كلامك ولطفك .. سعيده جدا ان الأفكار عجبتكم بجد .. بس الموضوع شكله بناتى خالص

على مايبدو :P مش عارفه ليه البنات بس اللى بتحب تفكر فى الأفكار اللى من النوع دوت ..

عايزه اشوف راجل كده ملوى هدومه داخل على مراته بكرت من عمايل ايديه .. clp:: ولا تفتكرى مستحيل :lol:

منورة التوبيك يا ست الكل .. clp:: والتكملة باذن الله النهارده :lol:

لولا

[alsaher]

ذهبية العزيزه .. ميرسي جدا على كلامك ولطفك .. سعيده جدا ان الأفكار عجبتكم بجد .. بس الموضوع شكله بناتى خالص

على مايبدو :P مش عارفه ليه البنات بس اللى بتحب تفكر فى الأفكار اللى من النوع دوت ..

عايزه اشوف راجل كده ملوى هدومه داخل على مراته بكرت من عمايل ايديه .. clp:: ولا تفتكرى مستحيل :P

منورة التوبيك يا ست الكل .. clp:: والتكملة باذن الله النهارده smk:

لولا

تعرفي يالولا

انا شفت الموضوع إمبارح ، وعندي كمية كبيرة من المجلات ، من وقت كنت غاوي قرايتهم :lol:

لكن لما فكرت ...........

قلت مطبخ وقلنا ماشي

لكن اشغال وقص ولزق ويمكن تطور وتبقى خياطه كمان .. !!

لا وألف لا :lol:

أنا بس حأتفرج smk:

بس أفكار حلوة بجد وإستمري

[لولا]

كده يا ساهر ؟؟ وانا اللى بقول عليك فنان وشاعر .. طلعت سي السيد وحصرت الأعمال دى لأمينه clp::

خلاص .. حكتب على العنوان من بره .. للبنات بس :P

بص بقى .. يعنى الموضوع سهل مش خياطة ومكنه يعنى بلاش تبالغ .. عموما نشوف فى الفقره الجايه من استعمال ورق

المجلات رأى حضرتك ..

عارف افتكر جوزى قبل الجواز كانت اكتر حاجه بتعجبنى فى اوضته هى "سبوت لايت" كان عامله ومغطيه بعلبة كنتاكى كبيره

ومغلفه بطريقه تحفه جدا .. وكان عامل كورنر سى سديهات بشكل خرافى بجد ..

والسقف كان حاطط فيه نجوم صغيره جدا بتنور بالليل .. بالليل يشغل ميوزك ويطفى النور تنور النجوم اللى فى السقف

والسى ديهات بتعكس الضوء .. الجو كله كان مش معقول .. وافتكر على باب اوضته كان راسم علامة جمجمه !! خطر يعنى عشان محدش يدخل smk:

وكان عاملها باللزق المسدس الشفاف .. كانت حلوه قوى ..

يعنى الخلاصه اهو راجل وكان بيحب يبتكر حاجات كتير .. :lol:

بس حاليا .. مش حقولك .. ولا الهواااااااااا clp:: كله شغل فى شغل .. كبيره يصطاد سمك آخر الأسبوع ..

او نلعب بلاى ستيشن :lol:

يالله همتك معايا وبلاش كسل واعذار فاضيه .. انا حاطه امل كبير عليك يا حضرة الشاعر smk:

لولا

[لولا]

الجزء الثانى

صناديق تخزين مبتكره

الأدوات المطلوبة

كراتين ورق طباعة فارغه مثل التى ارفقتها فى الصورة الأولى يمكن الحصول عليها من الشركة بعد استهلاك الورق .

عن نفسي كنت احضرها من الشركة عندى ، السيدات اللاتى لا يعملن ممكن توكيل الزوج بهذه المهمه ..اهو يعمل حاجه مفيده

وطبعا لزق - غراء - مقص

يتم اختيار الصور التى يريد التغليف بها وقصها وفى بعض الأوقات يمكن وصل صورتين بلصق شفاف بحبث تصبح قطعه كبيره تستخدم مثل

ورق التغليف ويتم ذلك حسب حجم الكرتون .

اختيار الصور بتنسيق ودقه يمكن ان يجعل من النتيجه النهائية رائعه وتجعلك تمتلكين مجموعه صناديق تخزين جميلة دون الحاجه

الى شرائها من "ايكيا " مثلا .

عن نفسي ونظرا لأنى اميل للأعمال الفنيه المتعدده فاحب تجميع كافة مستلزمات هذ الأعمال فى صناديق اكتب عليها المحتوى

مثال ورود - شرايط - اقمشه تغليف - عرايس صغيره للكروت او الهدايا - الخ الخ ،،،، وكذلك اجمع فيها الشرايط القديمه ،سي ديهات غير مستعمله

او اى اغراض تختاج التخزين توضع فى هذه الصناديق ويكتب المحتوى من الخارج واضعها فى دولاب للتخزين او يمكن وضعها على رفوف لمن يريد

فى منطقه تخزين .. الإختيارات متعدده .

استعملت تقريبا للتغليف مجلات الناس والصيف كانت مجلات قديمة عند صديقه لى من لبنان .. واستعملت مجلات مالية قديمة ومجلات ازياء.

من المجلات العاديه يمكن تجميع صفحات الأزياء المميزه وصور اعلانات العطور والنظارات او المكياج بحيث تقص بعنايه وتلصق ببعض لتكون

بمساحه تتلائم مع حجم الكرتون المراد تغليفه وللحصول على نتائج جيده دائما اطراف الكرتون والغطاء نغلفها بلصق شفاف عريض

بحيث لا يتأثر ورق التغليف عند فتح الكرتون واغلاقه .

وهذه صور لمجموعه من كراتين التخزين ارجوا ان تعجبكم .

يتبع ..صور كراتين تخزين من اوراق المجلات

[لولا]

يتبع ..صور كراتين تخزين مبتكره من اوراق المجلات

[لولا]

يتبع .. الجزء الثالث سيكون استعمال اوراق المجلات فى اشياء اخرى

[لولا]

هو مفيش حد متفاعل مع الموضوع دوت ليه ؟؟

يعنى اكمل واشتغل تصوير ولا ايييييييييه :lol:

طب انا حكمل اهو يمكن يكون حد مهتم .. واحب ابلغكم ان الأفكار هنا حقوق الملكيه الفكريه ليها

ملك صرف "لولا " اى والله .. يعنى انا لوحدى اخترعت الأفكار دى مش شفتها عند حد ولا برنامج ولا اى موقع نت .

وعليه لزم التنويه ...

استعنا ع الشقا بالله .. نكمل يمكن حد يكون مستفيد وانا مش واخده بالى

[الترجمـان]

أنا عن نفسي بستخدم المجلات والجرائد في فرش درف الدواليب والخزائن :lol:

بس بجد بجد كلام جميل ومعقول ومقدرش أقول غير الله ينور :lol:

استمري يا باشا ولو لقيت افكار جديدة غير موضوع درف الدواليب دي أكيد هشارك معاكي