ثمن الغربة

[إسلام طلعت]

أنا من رأيي الشخصي برغم عدم تجاربي

ولكن فترة الغربة لابد ان تنتهي بوجود زوجة ومسكن في مصر والارزاق على الله حتى لو المغترب كان بيركب سيارة الشركة يروح بيها شغله في الخليج وهينزل مصر يركب اتوبيس مفيش مشكلة طالما فيه صحة

او

لو قدر يعيش مع زوجته واولاده في الغربة يبقة خير وبركة

انتهى

تمن الغربة كبير اوى يا جماعة ...................................ومحدش بيحس بالتانى المشكلة ان الناس فى مصر فاكرة ان ما دام الواحد فى الخليج يبقى هيرجع بالملايين ودة اكبر حاجة بتحبطنى .........

وانا كمان

[أبو زياد]

أخى إسلام ما الثمن الذى يساوى ما قلته :

يركب أوتوبيس - أو ميكروباص

هل جربت أن تركب أوتوبيس أو ميكروباص وهل شاهدت أسرة فى هذه المواصلات ؟

لن أكمل للأسف !!

إن أقل شىء لإنسان فى طبقة متوسطة .. أن يركب وسيلة مواصلات متوسطة .. و ليس علبة سردين

[إسلام طلعت]

أخى إسلام ما الثمن الذى يساوى ما قلته :

يركب أوتوبيس - أو ميكروباص

هل جربت أن تركب أوتوبيس أو ميكروباص وهل شاهدت أسرة فى هذه المواصلات ؟

لن أكمل للأسف !!

إن أقل شىء لإنسان فى طبقة متوسطة .. أن يركب وسيلة مواصلات متوسطة .. و ليس علبة سردين

ااااااااااااااااااااااااااااااااه جربت والله جربت

انا مش بشجع اننا نركب الاتوبيس

انا مجرد ضربت مثل بأسوأ المواقف اللي ممكن الانسان يتعرضلها في مصر انه يرجع من الغربة ويشتغل في مصر ويركب اتوبيس وهو رايح الشغل ...

لكن الحقيقة البعد عن الزوجة واولادك صعب جدا .. سيكونو معرضين للضياع ... وهذا يكفي ان يكونو في احتمال 1% ان يضيع اولادك وزوجتك بسبب انك تريد معيشة هنيئة لهم ..

عموما انا مغترب جديد لكن بصراحة ده رأيي برغم عدم خبرتي ...

[ابن الصعيد]

هدف الانسان الاساسى السعادة

وقد يكون المال احد الوسائل اللتى تساعدة لتحقيق السعادة

عن طريق الزواج لتكوين اسرة... ان يشترى شقة ...ان يركب سيارة ....ان ياكل ...

ولكن مازاد فهو للاولاد وانت لا ترزقهم الله رازقهم

يهاجر الشاب الى الخارج لجمع المال للزواج.. طلب مشروع

لانة يريد ان يتزوج ليجلب لنفسة السعادة

ولكن ان يهاجر الزوج ويترك زوجتة بالسنين ليسكن مع 4 او6 اخرين بدون ادمية ليجمع المال

اين السعادة فى ذلك

اين الحياة

انا مع الاخوة ليسافر الجميع الزوج والزوجة والاولاد او يبقى الجميع

وعندما يصل الاولاد الجامعة يرجع الجميع

السعادة مع الاسرة

والانسان يجمع المال ويتغرب للسعادة فلا يفقدها

والزوجة لها حق ان تكون زوجة وحبيبة

وكما ان لك غرائز فهى لها غرائز

وايام سيدنا عمر بن الخطاب كان لا يغيب المحارب اكثر من 4 اشهر وهى اقصى مدة حددها الفقهاء لغربة الزوج

عش حياتك قبل ان تفدها فهى الان ملك يديك

وربنا يوفق الجميع

[أبو زياد]

لابد أن نختصر الطريق على أنفسنا

أعتقد أن جميع مناقشاتنا فى هذا الموضوع قد انتهت و أفاضت

إلى أنه لابد أن تعيش معك أسرتك تحت أى ظروف و أى تضحيات

[مروان كريم]

بسم الله ماشاء الله عليكم يا جماعة ايه الكلام الحلو ده ..فعلا خبرة السنين بتفرق جدا

انا مع الاستاذ تايه جدا ... الراجل ده كلامه صح كل واحد له هدف فى حياته وبيمشى وراه

كل حسب هدفه بمعنى اللى عايز فلوس بياخد واللى عايز اسرة بياخد واللى عايز الاتنين بياخد برضه .. ما حدش يقوللى انت عايش ف الاحلام ... شوف تجارب المحيطين بيك كده وفكر فى كل تجربة وبعدين طلع المعنى منها

وبعدين الناس اللى بيركبوا الاوتوبيس دول ليهم جزاء من الله على صبرهم على اللى هما فيه

لازم نعرف ان حياة الانسان دى مش بس الدنيا ... دى مجرد مرحلة من حياته وبعدها فى مراحل تانية ... والشاطر يكسب فى كل مرحلة .. واولادك دول استثمار جميييييل جدا ليك فى الحياة التانية اكتر من الاولى ... وانتو عارفين بقية الكلام فى الموضوع ده..

والاخ ابو زياد جاب الخلاصة فعلا موضوع منتهى .. لا مجال لتركك اولادك وزوجتك مهما كان

اخوكم مروان <_<

[نورت مصر!!!]

والله الواحد هنا في السعوديه من 7سنين ومعاه زوجته والاولاد ومبيوفرش حاجه واوقات كتير بيفكر انه ينزلهم مصر علشان يوفر بس المعادله صعبه جدا تفيد بايه الفلوس وانت محروم من زوجتك واولادك الي بينتظروك كل يوم وانت راجع من الشغل بابا جه بابا جه والواحد بيصبر نفسه انه بيعيش عيشه كويسه والي نفسه فيه بيجيبه هيرجع ليه لوجع القلب وديق العيش والعكننه وكلها بلاد الله والحمد لله اننا في بلد مسلم واتعودنا عليها وكل البلاد فيها الناس الكويسه والناس الحلوه والطيور علي اشالها تقع والناس رخصوا البنزين كمان وحاجه تانيه انت سمعت في مصر واحد مره قال الله يعز الحكومه ؟؟ ابدا ولا هتسمعها انت بتسمعها هنا كتير لان الدوله هنا يهما الشعب واحنا علي جناحهم لانهم مش هيعرفوا يقولوا علي البنزين للاجنبي ولغير الاجنبي

ونورت مصر !!!!!

[عازفه على أوتار الذهب]

الموضوع جميل وفعلآ مشكله بيعاني منها كتير من الشعب المصري الحيره مابن الغربه والماده والزوجه والاولاد والاستقرار....

لكن لو اتكلمنا عن كل الجوانب دي هنلاقي انها دائره مغلقه...فمن البدايه (من ناحية الشاب)الشاب عشان يتجوز لازم (يكون نفسه) ومفيش شغل فلازم

يسافر طيب ربنا اكرمه وقادر يتجوز...اتجوز...حاجات ممكن تمنعه من انه ياخد مراته التوفير..والشغل ممكن يمنع وجود زوجته معاه...

واللي متجوز وساب مراته واولاده وسافر...واللي متغرب اصلآ وسفر مراته واولاده مصر بسبب التعليم...كل دي نماذج بنشوفها وهنشوفها حوالينا

والسؤال لو كل دول قعدوا هيقعدوا يعملوا ايه هي معادله صعبه جدآوحيره مابين الأستقرار والغربه...

وسؤال تاني ليه ما بنشفش حد بيجي يشتغل هنا في مصر زي ما احنا بنتغرب؟؟؟؟؟؟؟؟؟؟؟؟؟؟

وطبعآ الاجابه معروفه...

.

.

.

.

لاتعليق