اذهب إلى المحتوى
محاورات المصريين

افكار رومانسية للحياة الزوجية

هشام عبد الوهاب

بواسطة هشام عبد الوهاب
في الأسرة و الطفل

 مشاركة

Recommended Posts

هشام عبد الوهاب عضو جديد

هشام عبد الوهاب

بتاريخ:
بتاريخ:

وسط متاعب الحياة وهمومها ننسى الطرف الآخر وعنما تأتى لحظة حلوه لنتذكره فيها لانجد مانقدمه له .

غابت الرومانسية ودفناها وسط مشاكلنا .وسط المطبخ والأولاد ...

وسط العمل واعطال السيارة وفلوس الدروس .. لكن اكيد كلنا نفسنا فيها ..بنحلم بيها . وبندور عليها ولما يبقى فى وقت مش بنلاقيها

هذه بعض الأفكار الرومانسية لللحظات الحلوه ويمكن استعمالها عندما تحاول (ى) مصالحة زوجك (تك) .

1- لو عديت على محل زهور اشترى ورده حلوه وقدمها لزوجتك قبل اللحظة الحلوة .

2- لو معاك فلوس حتى لو بسيطه اشتريلها هدية (دون اى مناسبة ) بس قولها كلمة حلوة قوى ...... وانت بتقدمها.

3- اشترى فرخ ورق كبير ووردة بيضه واكتب على الورقة كلمة واحده

( بحبك .. اسف .. وحشتنى ).وعلقها على الحائط فى غرفة النوم والصق الوردة على الورقة من اسفل وعندما تعود زوجتك تجدها .

4- قبل مايرجع زوجك من العمل املى البانيو لمنتصفه وضعى به مسحوق رغاوى للحمام (رخيص مش غالى ماتخافيش ع الميزانية )

وهاتى زجاجة فاضية وورقة وقلم و قصقوصة شريط ملون وبرفان (كولونيا مش مشكله بلاش تلكيك ) اكتبي كلام حلو فى الورقة ورشى عليها شوية بارفان ولفيها بالشريط الملون وضعيها فى الزجاجة واغليقيها بأحكام ثم ضعيها داخل البانيو وسط الرغاوى لتكون مفاجئة لزوجك .

5- اكتبى كلمات حب مختلفه فى مجموعة اوراق ولفى كل ورقة بشريط ملون (كل ورقة بلون ) واتركيها فى عدة اماكن متفرقة بحيث يراها زوجك عند عودته واتركى اجملها فى اخر مكان يدخله فى المنزل .

6- لما تشترى لزوجتك اى حاجه ..ملابس ..دهب ..مكياج ..اى حاجه

جرب تضع داخل الكيس ورقة ملفوفة واكتب عليها بحبك ... مش هاتخسر حاجه ...بس هاتكسب كتير . وانتى كمان اعملى كده .

-------------------------------------

اتمنى ان تعجبكم الأفكار الرومانسية وجربوها فهى سهله جدا ولكن تحقق الكثير جدا .......

واللى عنده اى فكرة جديده ياريت يقولها ...........

ملحوظة اخيرة ...... ارجو الا يتحول الموضوع الى كوميديا ..شوية رومانسية من اجل السعادة الزوجية .

رابط هذا التعليق
شارك
  • الردود 41
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

سقراط المصري عضو جديد

سقراط المصري

بتاريخ:
بتاريخ:

الأخ هشام

أفكار جميله ومهمه ، برجاء المزيد.

تحياتي

سقراط

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

- ممكن كل شهرين تلاتة تسربوا الاولاد عند والدتك أو والدتها وتخرجوا تتعشوا فى أي مكان وتستعيدوا ذكريات الخطوبة ( وبرضوا نظراً للأحوال الإقتصادية مش مهم يكون مكان غالي المهم الفكرة نفسها تتنفذ )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

افكار جميله صحيح

يمكن كذلك ان ترسل الزوجه خطاب للزوج تعبر فيه عن تقديرها لكفاحه و اعجابها بيه و بدوره فى حياتها و حياة الابناء icon_redface.gif

وممكن كمان بدل الخطاب تضعى اوراق صغيره ملونه فى جيبه بها كلمات رقيقه او حتى نكته مثلا ليجدها بصوره مفاجئه icon_wink.gif

ممكن تبعتى باقة ورد صغيره لزوجك فى عمله .. ويا سلام بقى اما زملاء العمل يحسوا ان الافندى بيجيله ورد من المدام .. حاجه مفتخره فعلا واظن ممكن تسعده icon_cool.gif

لو خرجتم سوا و لقيتيه بيبدى اعجابه بشئ ما حاولى تشترى له ما اعجبه فى عيد ميلاده التالى .. icon_smile.gif

حاولى دايما ايجاد اسم تدليل خاص له ويكون محبب بالنسبه اليه .. سن الفيل ابو زعبل مثلا .. رمضان جايز .. كده يعنى وطبعا الاسم يتغير كل فتره icon_biggrin.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

معلهش ياهشام باشا أرجو أن تسامحنى فى التعليق ده

أول ما قرأت الموضوع ده مش عارف ليه إفتكرت مشهد بين كريمه مختار وعبدالمنعم مدبولى فى فيلم الحفيد بعد ماجوزا بنتهم ودخلوا يناموا وقالت له فاكر يوم دخلتنا وهم أجاب بصوت شخير عالى

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

هشام الله يخليك التعليق ده وبس وبعدين هاصلحك بشوية أفكار حلوه ... بجد مش قادر أمسك نفسي بعد الأفكار بتاعت فيروز

وممكن كمان بدل الخطاب تضعى اوراق صغيره ملونه فى جيبه بها كلمات رقيقه او حتى نكته مثلا ليجدها بصوره مفاجئه

فكره جيده بس ياريت وأنتي بتحطي الأوراق الصغيرة الملونة ماتقلبيش الجيوب التانية وتأخدي الاوراق الملونة اللي أسمها بنكنوت ... وهي فعلاً هاتبقى مفاجأة مفجعة .... فلوســـــــــــي فين الفلوس يا ظالامة أنا قاعد في بيتني والا فى باب الحديد ... بتثبتيني يا ست هانم بشوية ورق ملون وتقلبي المحفظة ... لأ الحركات دي أحنا اللي كنا بنعملها زمان فى الاتوبيسات.

ممكن تبعتى باقة ورد صغيره لزوجك فى عمله ..

ويا سلام بقى اما زملاء العمل يحسوا ان الافندى بيجيله ورد من المدام .. حاجه مفتخره فعلا واظن ممكن تسعده

اهي دي بقى تبقى حكاية .. ده الراجل يبقى مألتة قدام زمايلة ..... أيه نظام الورد ده يا باشمهندس إنتوا طالعين القرافة قريب على حد .

ورد ..!!!! طب كانت تبعتلك حزمة فجل نبلع بيهم شندوشتين الطعمية عالصبح.

و

رد !!!! آه إدفعي ياللي مانتيش غرمانة ماهي بتنفنجر من جيب غيرها يعني بسم الله من جيب الأفندي.

.لو خرجتم سوا و لقيتيه بيبدى اعجابه بشئ ما حاولى تشترى له ما اعجبه فى عيد ميلاده التالى ..

أهو انا داخل أكتب فى الموضوع ده علشان الفكره دي ... يعني أخد مدام س س وأروح أقف قدام معرض مرسيدس وأبدي أعجابي بعربية مرسيدس موديل 2004 دفع رباعي ، فول أوبشن ، فتحة في السقف ... إلخ وأقعد أستنى مفاتيحها ( ياخوفي يا بدران تفضل منتظر حتى توافيك المنية ومايجيلكش حتى طاسة العجل بتاعت العربية )

حاولى دايما ايجاد اسم تدليل خاص له ويكون محبب بالنسبه اليه .. سن الفيل ابو زعبل مثلا .. رمضان جايز .. كده يعنى وطبعا الاسم يتغير كل فتره

يتغير إزاي كل فترة ؟ حسب السيزون يعني .... يعني فى الشتاء أبقى س س والصيف ألاقي نفسي س ج ....

فيروز ... تسمحيلي أقولك كلمة : الله يخرب بيت اللي يزعلك .... وأحيي فيكي دماغك العالـــــــــــــيه ( ممكن أعرف إسم الحلاق اللي يتروحيله ؟... نفسي دماغي تبقى زيك كده )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
هشام عبد الوهاب عضو جديد

هشام عبد الوهاب

بتاريخ:
  • كاتب الموضوع
بتاريخ:

يعنى مافيش فايده .......... ماشى يا س س ..

يظهر ان الرومانسية امام الاخرين فى بلدنا ولعشقنا للضحك والهزار دائما تتحول الى تريقه .

الحق نفسك بقى واتصرف ..

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
فكره جيده بس ياريت وأنتي بتحطي الأوراق الصغيرة الملونة ماتقلبيش الجيوب التانية وتأخدي الاوراق الملونة اللي أسمها بنكنوت

icon_sad.gif انا كنت عارفه ان موضوع جيبه ده هيجيب لى الكلام وحاولت بشتى الوسائل اصيغ الكلام من غير ما اقرب من جيبه بس ماعرفتش icon_sad.gif

اهي دي بقى تبقى حكاية .. ده الراجل يبقى مألتة قدام زمايلة

وطبعا زمايله هيتريقوا عليه قصاده بس صدقنى كل واحد فيهم هيبقى هيموت عشان مراته تعبره انشالله بفجله icon_wink.gif

طب كانت تبعتلك حزمة فجل نبلع بيهم شندوشتين الطعمية عالصبح

يييييييييييييييييه انت اتكلمت عن الفجل طيب بلاش ان شالله خسه حتى هه

( ياخوفي يا بدران تفضل منتظر حتى توافيك المنية ومايجيلكش حتى طاسة العجل بتاعت العربية )

لا بقى حيث ان كله هيبقى من جيبك تبقى انت تجهز المبلغ المطلوب من سكات و تسيبه فى جيبك عشان بدران يلحق يجيب العربيه

يتغير إزاي كل فترة ؟ حسب السيزون يعني .... يعني فى الشتاء أبقى س س والصيف ألاقي نفسي س ج ....

ممكن جدا طبعا .. آدى الافكار الرومانسيه بدات تشر منك .. يعنى مثلا فى رمضان يبقى اسم الزوج خشافه و الزوجه قمر الدين

فى العيد يبقى الزوج بسكوته وهى كحكه

معنديش اى اقتراحات للعيد الكبير من قبل ما تسال يا س س icon_lol.gif كده يعنى الواحد لازم يبقى creative

فيروز ... تسمحيلي أقولك كلمة : الله يخرب بيت اللي يزعلك ....

icon_sad.gif لا حرام مش مستاهله

وأحيي فيكي دماغك العالـــــــــــــيه

انا الكلمه دى بقت تتقال لى مؤخرا كتير و مش عارفه ليه الصراحه

icon_redface.gif دماغى عاليه ازاى يعنى !!

ممكن أعرف إسم الحلاق اللي يتروحيله ؟... نفسي دماغي تبقى زيك كده

زيزو حلاق السيدات icon_razz.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

- حاولي يا سيدتي انت تغيري فى مظهرك العام من وقت لأخر .. مثل تغيير فورمة الشعر ولكن حذاري ان تأخذي القرار من نفسك حيث ان المفاجئة ممكن ان تكون غير ساره للزوج ، لذا ينبغي أخذ رأي الزوج فى فورمة الشعر التى يحبها ...

- وأنت يا عزيزي الزوج لا تنسى أن زوجتك لها حقوق عليك فى أن يبدو مظهرك جيد داخل المنزل ..

- أيضاً يفضل التعاون بين الزوج والزوجة فى تغيير مكان أثاث المنزل من وقت لأخر لكسر حالة الملل التى تصيب الأنسان لرؤيته لنفس الأشياء فى نفس المكان دائماً ...

- الشموع والزهور لها عامل نفسي مؤثر جداً وتزيد من حالة الرومانسية .. وليس شرطاً أن تكون الزهور طبيعية لإرتفاع تكلفتها وأيضاً لقصر عمرها ..من الممكن أن تكون الزهور صناعية ذات ألوان جذابة أقرب للطبيعية ..

ويمكن من وقت لآخر تناول العشاء داخل المنزل على ضوء الشموع ونغمات الموسيقى الهادئة ... مما يضفى جواً رومانسياً ....

ألحقني يا إتش عندي مشكلة .. طب الناس اللي عندهم عيال كبيره وأروبة وفاهمه كل حاجة .. نتصرف فيهم إزاي دول يا زعيم ؟ .. إوعي تقولي نحطلهم منوم  فى العصير ؟ أو نستنى لما يناموا من نفسهم ... دي عيال مصفحة ومابتنمش إلا وش الفجر  أنا عارفهم.... أو نسربهم عند جدتهم  ده ممكن ينفع مرة أو مرتين لكن لما العملية تتكرر هايحسوا أن الموضوع فيه إن واخواتها ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
لذا ينبغي أخذ رأي الزوج فى فورمة الشعر التى يحبها ...

icon_rolleyes.gif هو شعرى انا ولا شعره هو !! icon_confused.gif ما علينا icon_neutral.gif

لك يا سيدتى .. تسريحات مبتكره

178.gifking.gif

dance2.gifcc_arabia.gif

afro.gif

gohan.gif

goku.gif

kenshin2.gif

11kia.gif

curlers.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

س س الكومل كتب

لذا ينبغي أخذ رأي الزوج فى فورمة الشعر التى يحبها

وبعدين فيروز كتبت

هو شعرى انا ولا شعره هو

يا سلام على اللماضة يعني فرضنا الواحد روح البيت وبيفتح باب الشقة لقى حاجة قـــرعة مستنياه راح مخضوض وجاتله ساكته قلبية إزاي الحال دلوقت ؟ ....

يعني عندك س س على سبيل المثال ... العفاريت الزرق بتطنطت قدام عينه لما يشوف واحده ست عامله شعرها جرسون .. بجد بتبقى حاجة صعبه قوي ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
nora عضو جديد

nora

بتاريخ:
بتاريخ:

افاكر جميلة جدا و طبعا كعادة س س انه يهرج وعرفة انه هيتريق كلعاده بس يلا اقول افكاري

الزوجة :

1- ممكن تجيب بوكية ورد ودبة جميلة وتحطهالوا في العربية او على الفراش او على المكتب ويكون معاها كرت جميل وهبقى اقول ليكم قصة طريفة على الموضوع ده حصل فعلا مع صحبتي

2- تجيب شمع وتخلي الجو هادي مع عشوة رقيقة وموسيقى هادية وتعمل كمان حلويات ويبقى يوم جميل

3- ممكن تدخلي جو من المرح بانك تعملي مقالب فيه بدم خفيف حجات بسيطة رقيقة ممكن تدخل البهجة والسرور لقلبة مثلا تجيبي له هدية حاجة بيحبها تحجزي في مكان رقيق لعشوة حلوة تشتري فستان جميل يحب يشوفك بيه اعدي في البيت متزوقة خليكي رقيقة في التعامل مش عنيفة

4- من كل فترة والتنية غيري في نفسك اصبغي شعرك مثلا غيري استايل لبسك حجات جديده مش لازم روتين

الرجل :

اعتقد نفس الافكار لان الست زي الراجل تحب برضوا تشوفوا حلو في عنها خلي كلامك رقيق وحاول في مرة تعملها مفجأة رحلة لاي حتة اشترلها هدية بسيطة قولها كلمه حلوة خليك صبور اكتبلها شعر او حتى جواب رقيق اعمل فيها مقلب دمه خفيف زي الموضوع ده انا شفتة في كليب كان جايب هدية لزوجته ومغلفها وجوة حاطت خص اشتري بوكية ورد حجات كده

بس ده الي في بالي

الموضوع ده قلته لوحده صحبتي وراحت عملت بنصحتي وراحت البيت في معاد غير معاد رجعها و راحت جابت ورد ودبة و شمع وحطته على السرير وشغلت موسيقى هديا وشغلت الشمع ونزلت راحت للكوفير قبل ما جوزها يجي الباشا دخل البيت سمع صوة موسيقى اتسرع لانة مكنش متوقع حاجة زي دي وراح دخل على المطبخ وجاب مقشة ونده البواب ودخل اوضة النوم وهات يا تكسير في كل حته في الوضة بس وقلبت بغم في الآخر

733540902_l.gif

717a4sn.gif

رابط هذا التعليق
شارك
Salwa عضو جديد

Salwa

بتاريخ:
بتاريخ:

انا والله ما بهزر ....

احلى حاجة رومانسية لو كان الزوج ظروفه تعبانة بعض الشىء ...وتفاجئه الزوجة انها تسدد الفيزا ...وتضع وصل البنك فى ظرف ...وتعزمه على العشاء فى بيتهم مع وضع بعض الزهور ...وعند تقديم الحلو .....تعطيه الظرف ...وتقول له ....اضحك ....مفيش مشاكل ....

دى اكيد حاتبقى احلى راحة نفسية ...

او ....لو ظروفهم كويسة ....يفاجئها ....او تفاجئه ....بتذاكر طيران لقضاء نهاية الاسبوع فى اى مكان هادىء .....شرم الشيخ مثلا ....او الغردقة ...//ده بالنسبة للى فى مصر .//.

.فيه حاجة لطيفة جدا ممكن تجربوها ....

اخذ صورة للزوج وهو صغير //صورة شكله فيها يكون جميل وشقى // ونكبرها ونبروزها ...ويفاجأ بها .....واكيد.....حايضحك من قلبه ببراءة كبراءة الاطفال ...// واكيد حايحتفظ بالصورة دى على مكتبه //بجانب صورة زوجته حبيبة قلبه .

الزوجة بتفرح حتى لو زوجها قال لها ....انتى بتاكلى ايه ؟؟ كل يوم بتبقى اجمل من اليوم اللى قبله ....او لو قال لها ....لو اخترت من اول وجديد لازم اختارك تانى وتالت ورابع ...

سلام..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

لأ بجد تسلم أديكوا ... أفكار حلوه والله

بس مش قادر أمسك نفسي وعايز أكتب تعليقات بسيطة .. للإستفسار وعلشان طريقة التنفيذ تبقى صحيحة مش أكتر ...

فعلشان كده هأخد كوبي من الموضوع واطلع بيه على باب الإبتسامات .... أظن كده عداني العيب وقزح ...

( وش بيراقب هشام وهو بيسحب الكرباج التركي من طيات ملابسه )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Salwa عضو جديد

Salwa

بتاريخ:
بتاريخ:

ماشى ياسى السيد يامحترم...

يعنى لاعاجبك كدة ولا كدة ...

انت فاكرنى يعنى مش معاكم على الخط ...؟؟؟

طيب انا قلت فكرة الفيزا علشان عارفة ان الظروف بالذات فى مصر ....ماتنفعش المعيشة مع الاعتماد الكلى على مرتب او دخل الزوج فقط...والا ايه ؟؟

لو فيه ....ود....وحب حقيقى بين الزوجين ....بمنتهى البساطة وبدون عقد ممكن كل واحد يعبر للتانى عن شعوره بمليون طريقة ...

حتى بالنسبة للزوجة فى طريقة تقديمها للقهوة ....ممكن تقدمها مع طقم القهوة الكامل ...مش بس تعمل كدة لما ييجى ضيوف ؟؟؟

الزوج ممكن يحضر لزوجته هدية ....حاجة بتحبها ...يعنى لو بتحب تكتب ...ممكن يحضر لها قلم حبر شيك ويكتب عليه اول حرف من اسمها واسمه ...ويقدمه لها فى جو رومانتيك وهما يتناولان العشاء فى مكان هادىء ..

ويابخت اللى عايش فى مصر ....

يقدم لها هدية فى اول مكان اتفسحوا فيه سوا ....

تقوللى باب الابتسامات ؟؟؟؟؟؟......طيب ابتسم من فضلك ؟؟؟

هى العيال لسة صاحية ؟؟؟

سلامى.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
linux عضو جديد

linux

بتاريخ:
بتاريخ:

يا أخويا يا هشام أرجوك أرحمنى !!

بالراحة عليا شوية ياباشا ...

أخوك كان رومانسي ولا عبد الحليم فى الزمن المنقضى ...

لكن ردودي هنا بعد ما أتقصقص ريشي ... بعد ما أتجوزت يعني و بعد ما جرى اللى جرى!! و بما أنى دلوقت فهمت الجنس اللطيف على حق:

1- لو عديت على محل زهور اشترى ورده حلوه وقدمها لزوجتك قبل اللحظة الحلوة .

هى: جايب لى وردة؟! ماهانش عليك بوكية؟ ثم أيه المناسبة أن شاء الله!

هو: من غير مناسبة ياقطايف ... بعبر عن حبى

هى: أنت أكيد فايق و جاي تروق عليا!

هو: أنا قلت أعمل بنصيحة هشام عبد الوهاب بتاع المنتدي ...

هى: و كمان مش فكرتك! أدى اللى أنتا فالح فيه ... المنتدي

** وهنا يشعر بسيونى بالذل و الهوان و يتقهقر خارجا من المطبخ و هو بيبرطم كلام مش مفهوم منه غير كلمة "هشام" !! ***

2- لو معاك فلوس حتى لو بسيطه اشتريلها هدية (دون اى مناسبة ) بس قولها كلمة حلوة قوى ...... وانت بتقدمها.

أستغفر الله!!

نقول طور يقولوا أحلبوه!!

متجوز ... م ت ج و ز ... أزاى يبقى معاه فلوس بقى؟!

كده الموضوع دخل فى القصص الخيالية

ماشي ... أدى السيناريو علشان ما أرجعكش زعلان ...

هى: و ده أيه كمان؟

هو: ازازة برفان ياحياتي

هى: و أيه المناسبه؟

هو: و هوا لازم يكون فيه مناسبه يابوغاشة!

هى: أكيد عاملك عمله مهببة

هو: يامهجة قلبى أنا عايز أرجع أيام الومانسية ... قبل الولاد و المشاكل و الطبيخ و البصل ...

هى: البصل!! طبعا ... جايب لى برفان علشان تفهمنى أن ريحتى وحشه!! ما انا مدعوقة ف المطبخ و واقفا على رجلايا طول النهار علشان أرضى جنابك ... و أدى أخرتها

** وهنا يشعر بسيونى بالذل و الهوان و يتقهقر خارجا من المطبخ و هو بيبرطم كلام مش مفهوم منه غير كلمة "هشام" !! ***

3- اشترى فرخ ورق كبير ووردة بيضه واكتب على الورقة كلمة واحده  

( بحبك .. اسف .. وحشتنى ).وعلقها على الحائط فى غرفة النوم والصق الوردة على الورقة من اسفل وعندما تعود زوجتك تجدها .

خد عندك:

** أم سعفان تدخل أودة النوم و تفاجأ بالسيرك اللى نصبه أبو سرحان فى أودة النوم ***

هى: يالهوى!! أنت ياواد يامقصوف الرقبة يا سرحان

سرحان: أيوة ياماما

هى: أيه يامنيل اللى عملته ف الأوده ده؟

سرحان: مش أنا و اللهى ... بابا هوا اللى جه و خد كراسة الرسم و علبة الألوان

هى: بابا هه! أيه ده ياخويا ده كمان؟ لسعة جديدة م المنتدى برضه؟

هو: عايز أعبر عن حبى يابطاطس (و أصطنع بحة صوت عمر الشريف فى الفيلم بتاع صراع الوادى)

هى: يخيبك راجل! سبت أيه للعيال الصغيرين؟

هو: جرى أيه ياجمالات؟! ده أنا يادوبك لسه تامم التلاتين

** وهنا يشعر بسيونى بالذل و الهوان و يتقهقر خارجا من المطبخ و هو بيبرطم كلام مش مفهوم منه غير كلمة "هشام" !! ***

4- قبل مايرجع زوجك من العمل املى البانيو لمنتصفه وضعى به مسحوق رغاوى للحمام

و لو معندهمش بانيو؟

او البانيو مليان غسيل؟

او ساكنين فى مدينة نصر ... يعنى مافيش ميه من أساسه!!

6- لما تشترى لزوجتك اى حاجه ..ملابس ..دهب ..مكياج ..اى حاجه  

جرب تضع داخل الكيس ورقة ملفوفة واكتب عليها بحبك ... مش هاتخسر حاجه ...بس هاتكسب  

أينعم ... ها أكسب عاهة مستديمة لأنها ها تفتكر أنى كاتب الورقة لواحدة تانية!

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

سلوى كتبت

ماشى ياسى السيد يامحترم...

يعنى لاعاجبك كدة ولا كدة ...

انت فاكرنى يعنى مش معاكم على الخط ...؟؟؟

إلا انت يا مدام سلوى ..إنت عارفه إحنا بحب حضرتك قد أيه وبنحترمك

لو فيه ....ود....وحب حقيقى بين الزوجين ....بمنتهى البساطة وبدون عقد ممكن كل واحد يعبر للتانى عن شعوره بمليون طريقة ...

الكلمتين الحلويين دول فى الجون ... بالظبط زي الجون الأولاني بتاع فريق إنبي فى عصام الحضري

حتى بالنسبة للزوجة فى طريقة تقديمها للقهوة ....ممكن تقدمها مع طقم القهوة الكامل ...مش بس تعمل كدة لما ييجى ضيوف ؟؟؟

- طب أنا بقي هأخد حضرتك مين أيدك تيجي تقوليلها الكلمتين دول .. يا ست الكل أنا أول ما أتجوزت جت بأبص على النيش والمطبخ اللي فى الشقة ما شاء الله ألاقي فيه أطقم تقديم طعام تكفي دول شمال أفريقيا ، والله العظيم بجد حاجة أوفر قوي - لجل الحق العروسة هي اللي جايبة ده كله - إشي صيني وإشي تيفال من اللي الحاجات مابتلزقش فيه .... إلخ تعالي بقى ساعة الاكل ألاقيها جايبالي فى كوز صفيح أو ممكن اكل من الحلة على الواقف كده - تيك أواي - ... أما الحاجات الخمس نجوم التانية فهي للضيوف اللي أساساً ماحدش فيهم بييجي لأننا مابنقضيش فى مصر غير شهر كل سنة ..لدرجة انا بأفكر أغير إسمي بدل أحمد يبقى الضيف أحمد يمكن ينوبني من الحب جانب ويحالفني الحظ واكل في يوم من الأيام في طبق مدهب من اللي متخرن ...

لأ بجد الستات المصريين فيهم حتت الكسل خاصة ان الرجاله - اللي هما أحنا - ما بنساعدش فى غسيل المواعين ...علشان بس الواحد بيقى حقاني .

الزوج ممكن يحضر لزوجته هدية ....حاجة بتحبها ...يعنى لو بتحب تكتب ...ممكن يحضر لها قلم حبر شيك ويكتب عليه اول حرف من اسمها واسمه ...ويقدمه لها فى جو رومانتيك وهما يتناولان العشاء فى مكان هادىء ..

لأ بجد دي فكره حلوه ن ولو بتحب تأكل ممكن يجيب لها فخده ضاني وهو راجع من الشغل أو 2 كيلو لحمة من بيت الكلاوي .. كده يعني ..

يقدم لها هدية فى اول مكان اتفسحوا فيه سوا ....

تصدقي بالله .. أنا لي حوالي 3 سنوات متجوز ومش فاكر أول مكان أتفسحنا فيه كان فين .... وده اللي بيزعل الستات لكن بجد أحنا معذورين نظراً لصعوبة الحياه وكثرة المسئوليات والمنتديات ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
هشام عبد الوهاب عضو جديد

هشام عبد الوهاب

بتاريخ:
  • كاتب الموضوع
بتاريخ:
     وش بيراقب هشام وهو بيسحب الكرباج التركي من طيات ملابسه  

لولا خفة دمك ..كنت امرت بجلدك .....

الأمضاء ............الخديوى

كده يا لينوكس (و هو بيبرطم كلام مش مفهوم منه غير كلمة "هشام" !! *** )

هى دى اخرتها ....... جبتلنا البرطمه ... ماشى

( وش ميت م الضحك )

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

الفاضل هشام

فعلا أفكار جديدة - عذرا لباقى المشتركين فى الموضوع - أستخدم البعض منها أنا و زوجتى و أحيانا نتبادل إهداء دواوين الشعر أو الكتب الأدبية أذكر أو كتاب أهديته لها كان "عناق الأخضر و الأزرق " لمنير عامر عن قصة حياة سيف وانلى باسلوب أدبى راقى و هذا كان منذ أكثر من ثلاثين سنة.

أحدى صديقات الأسرة - أعتبرهم أقارب بالأقدمية - ما زالت تذكر أول مرة إلتقت بى و بزوجتى و تذكرنى و تذكر الجميع بما قلته يومها " أنا متزوج منذ ثلاثة عشر عاما مروا و كأننى تزوجت أمس ... فعلا لم أشعر بمرور السنوات " هذه السيدة الفاضلة تتذكر هذا الحديث و تكرره لكل من يعرفنا ربما لأن من التقاليد المصرية إن كلمة الحب عيب أو إظهار الود شئ غريب.

أعزائى الأفاضل نصيحة للجميع لا تنسى الكلمة الحلوة حتى لو لم تجد مناسبة إخترع مناسبة ...

ألسنا نحن أقصد الزوج و الزوجة و الأبناء أولى بالكلمة الحلوة .... ألست تبعثر الكلمات الحلوة على الجميع خارج المنزل بدعوى الإتيكيت و و و

هيا قل كلمة حلوة لزوجتك

مواطنين لا متفرجين


رابط هذا التعليق
شارك
crossfield عضو جديد

crossfield

بتاريخ:
بتاريخ:

معلش يعنى و لو انى لسه مادخلتش القفص اللى كلكم كده محبوسين فيه يا ولداااااااااااااااه لكن يعنى آدينى باتخيل نفسى :

بصراحة أنا مش رومانسية قوى و متخيلش انى ممكن أعمل حاجة من الحاجات اللى بتقولوا عليها هنا؛يعنى كبيرى كلمة حلوة من تحت الضرس .شوفوا لنا حاجة تانية سهلة شوية غير موضوع "رسالة من تحت الماء "ده الله يخليكو؛

لسه هندور على ورق و نلون و نلف و نملا البانيو مايه ؛ادونا نصايح سهلة و سريعة.

يالا يا لينكس؛شكلك كده عقلت و بقيت زيى ؛ادينى نصايح واقعية علمية معملية.

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...