افكار رومانسية للحياة الزوجية

[DARWEEN]

معلش يعنى و لو انى لسه مادخلتش القفص اللى كلكم كده محبوسين فيه يا ولداااااااااااااااه لكن يعنى آدينى باتخيل نفسى :

بصراحة أنا مش رومانسية قوى و متخيلش انى ممكن أعمل حاجة من الحاجات اللى بتقولوا عليها هنا؛يعنى كبيرى كلمة حلوة من تحت الضرس .شوفوا لنا حاجة تانية سهلة شوية غير موضوع "رسالة من تحت الماء "ده الله يخليكو؛

لسه هندور على ورق و نلون و نلف و نملا البانيو مايه ؛ادونا نصايح سهلة و سريعة.

يالا يا لينكس؛شكلك كده عقلت و بقيت زيى ؛ادينى نصايح واقعية علمية معملية.

شفت ياعم هشام ... وشهد شاهد من أهلهن ....

ياعم عمالين نقولك فكيهه فكيهههههههههه تقولي ورده وبارفان وأكتبلها على الحيط .....

طيب تصدق بالله يامؤمن .... مره من ذات المرات هبت عليا رياح رومانسيه بلا سبب ومع اول كلمتين حلوين وتسبيله من بتوع عماد حمدي .......... عنها

وأسمع اللي بتقولي :

أنت كنت فين ومع مين النهارده ؟؟؟؟؟؟

[Farah]

معلش يعنى و لو انى لسه مادخلتش القفص اللى كلكم كده محبوسين فيه يا ولداااااااااااااااه لكن يعنى آدينى باتخيل نفسى :.

كده حتخلي الحنفاء( جمع حنفي) يفرحوا في الفكيهات

عموما كل الفكهات دخلوا القفص بمزجهم

بصراحة أنا مش رومانسية قوى و متخيلش انى ممكن أعمل حاجة من الحاجات اللى بتقولوا عليها هنا؛يعنى كبيرى كلمة حلوة من تحت الضرس .شوفوا لنا حاجة تانية سهلة شوية غير موضوع "رسالة من تحت الماء "ده الله يخليكو؛.

علي فكره الكلام الرومانسي ده جميل ولو اتعودتي تقوليه وتعمليه في الأول حتكوني مستغربه ولكن مره في مره حتكون دي العلاقه اللي بنكم متتكسفيش طلما ما بتعمليش حاجه غلط وبلاش من تحت الضرس هو لما حيشوفك رومانسيه حيحاول وحيتعود من الاول ان دي العلاقه اللي بنكم جربي مفيش اسهل من الكلام اللي من القلب (جوزك علي ما تعوديه)

أنت كنت فين ومع مين النهارده ؟؟؟؟؟؟

ياعم DARWEEN انت نفسك بتقول هبت رياح الرومانسيه الست مش متعوده اترعبت خافت ليكون فيه إن

لكن لو هي متعوده مكنتش حتقول كده

[crossfield]

فرح خدت الكلام من على طرطووووووووووفة لسانى و قالت اللى كنت هاقولهولك يا أبو الدراوين.

مراتك برضو على ما تعودها .

يعنى على طول مكشر أو تعبان أو أو ...و فجأة كده "انت الحب اللى مفيش غيره" طيب تيجى ازاىىىىىىىىىىىىى؟؟؟ طبعاً ليها حق تشك .و ارجع و أقول لو فكيهة فكيهة فده لان حنفى حنفى و النص نص نص و الصغير منعرفوش.

[فــيــروز]

لو فكيهة فكيهة فده لان حنفى حنفى و النص نص نص و الصغير منعرفوش.

من اول ما دخلت المنتدى وانا باشوف كروس فيلد بنوته رقيقه و هاديه ووديعه خالص .. بس بقالى فتره كل ما اقرا ردودها او تعليقاتها فى موضوع ما الاقى نفسى باضحك من شقاوة الردود .. ايه يا بنتى ده كله

[عادل أبوزيد]

من يستنكر هذا الموضوع أو لا يأخذه بجدية عليه إنتظار أزمة منتصف العمر و بعدها لا تلومن إلا أنفسكن أو أنفسكم

[عادل أبوزيد]

قضيت وقتا أبحث عن هذا الموضوع لأعيد عرضه على الأفاضل و الفضليات فى محاورات المصريين أشتم فى هذا الموضوع عطر الأحباب من قدامى الأعضاء.

ما سبق كان إستهلالا لابد منه

ليتنا نقرأ هذا الموضوع بعد ست سنوات من كتابته !! أنا عن نفسى أشعر أن الموضوع مازال دافئا و ينبض بالحب الراقى.

[بركة]

أولا أشكر الاستاذ عادل على رفع الموضوع ورغبته في البحث عن أجمل ماقدمت ايادي رواد

المنتدى .....

ثانيا أجد يا لولا أن أستاذ عادل قدم لنا حلا جميلا راقيا لمشكلة الموضوعات السطحية كما ذكرت في موضوعك .

ثالثا اضافتي التي أحب أن أضيفها في الموضوع

رسائل الموبايل لها تأثير جميل في النفس .......

الطبطبة تفعل مفعول السحر ........

الشكر المستمر وتقدير الطرف الاخر ........

كل واحد فينا عارف شريك حياته نفسه ف ايه وبيكابر .......

ياريت نحب ونقول ده في كل يوم لأحبابنا لأن محدش عارف آخر نفس معاده امتى .........

تم تعديل 25 أبريل 2009 بواسطة بركة

[محمد افندى]

مشكور يا استاذ عادل على رفع هذا الموضوع الجميل جدا جدا

انا شايف فى الايام دى ان الرسايل ليها مفعول السحر يعنى حتى لو مراتك فى وشك كل يوم ميمنعش انك تبعتلها رسالة حلوة وانت فى الشغل وهى قاعدة بين اربع حيطان خصوصا لو سعادتك شغال فى دولة زى السعودية ميمنعش بردة انك تاخدها وتخرج يوم الخميس وتسرب العيال وانت قاعد انت وهى على البحر

تقولها : شايفة القمر يا تفيدة

تقول لك : امال انا حولة يا برعى

وفاكرة يا حبيبتى ايام الجامعه ايام ما كنا بنطلع فى المظاهرات

تقلك كنا رجالة ووقفنا وقفة رجالة وهكذا

[emano]

فعلا موضوع جميل

من الحجات المهمه زكرى يوم الزواج لازم متكنش عاديه يعنى احنا مرطبته معنا بمكان معين لازم كل سنه نسرب الاولاد عند ماما ونروح نتعشا

لان الاولاد فعلا بيبوضو اى جو رومنسى

[عبير يونس]

مشكور يا استاذ عادل على رفع هذا الموضوع الجميل جدا جدا

انا شايف فى الايام دى ان الرسايل ليها مفعول السحر يعنى حتى لو مراتك فى وشك كل يوم ميمنعش انك تبعتلها رسالة حلوة وانت فى الشغل وهى قاعدة بين اربع حيطان خصوصا لو سعادتك شغال فى دولة زى السعودية ميمنعش بردة انك تاخدها وتخرج يوم الخميس وتسرب العيال وانت قاعد انت وهى على البحر

تقولها : شايفة القمر يا تفيدة

تقول لك : امال انا حولة يا برعى

وفاكرة يا حبيبتى ايام الجامعه ايام ما كنا بنطلع فى المظاهرات

تقلك كنا رجالة ووقفنا وقفة رجالة وهكذا

بمناسبة الرسايل

مرة عملتها

و بعت له رسالة رومانسية و كان نايم نوم العصاري بعد الشغل

بأصحيه بيها بطريقة حلوة

بس الموبايل مكنش جنبه

فقام مفزوع من النوم يشوف الموبايل

بص لي و عينيه بتطق شرار قائلا بصوت جهوري: هو انت؟

شفتوا الرومانسية بجد

[عبير يونس]

فعلا موضوع جميل

من الحجات المهمه زكرى يوم الزواج لازم متكنش عاديه يعنى احنا مرطبته معنا بمكان معين لازم كل سنه نسرب الاولاد عند ماما ونروح نتعشا

لان الاولاد فعلا بيبوضو اى جو رومنسى

في دي بقى انا مش مع حضرتك

الاولاد همة ثمرة الحب

و همة زينة الحياة الدنيا

هوة في احلى من أن البيت يكون نظيف و مترتب و الاولاد مترتبين و متشيكين و تتعشوا كلكوا عشوة حلوة سواء في البيت و الا برة البيت

ده هي دي قمة الرومانسية

دفء الأسرة

و فرحة الأولاد

بأصناف الأكل اللي بيحبوها و الحلويات و على وشهم أجمل ابتسامة و همة بيقولولك تسلم ايدك يا ماما

او تكون الخروجة برة

وده الاولاد بيموتوا فيه

و يفضلوا مبسوطين و مزقططين طول الطريق و همة راجعين الفرحة و الهوا من شباك العربية بيخليهم يروحوا في سابع نومة و همة في غاية السعادة و ذكريات تحفر للأبد في أرواحهم الطاهرة

و لذة حملهم من العربية لحد السرير و روعة ان يطبع ابنك او بنتك قبلة على خدك و هو نص نايم و يقولك شكرا يا ماما

متهيألي دي السعادة الحقيقية

و أكيد الزوج بيبقى طاير من الفرحة لما يبقى هو ده الجو اللي حواليه في البيت

مش كدة و الا ايه؟

[Amr Radwan]

الزوج .. يحب الحنية و ان تكون زوجته هي امه و اخته و زوجته و ابنته .. و خاصة في الغربة .. و الايام الصعبة

ما اجمل اللحظة التي اجد فيها زوجتي تشتري لي شئ احبه .. ليس فرحا بالهدية فقط بل احساسي بالاهتمام لامري

عندما يجد الزوج زوجته تعطية الدعم المعنوي و الدافع و الثقة في اتخاذ قرارات مصيرية من الممكن ان تهز حياتهما هزة قوية و لكن الزوجة تثق في زوجها و تدفعه الي التقدم و انها ستكون معه "علي الحلوة و المرة" يكون احساس الزوج بالسعادة .. السعادة الغامرة .. ان هناك من يدعمه و يساعده و انه ليس بمفرده .

الزوجة .. تحب الرومانسية و الرقة و المعاملة الحسنة ..

هذا الكائن الرقيق .. الجميل .. الرومانسي .. الضعيف .. القوي ..

انها الزوجة ..

الزوجة تستحق ان تقدر .. ان تحترم .. و ان نرسل لها اجمل و ارق ورده تقديرا لما تقدمه للزوج

[emano]

فعلا موضوع جميل

من الحجات المهمه زكرى يوم الزواج لازم متكنش عاديه يعنى احنا مرطبته معنا بمكان معين لازم كل سنه نسرب الاولاد عند ماما ونروح نتعشا

لان الاولاد فعلا بيبوضو اى جو رومنسى

في دي بقى انا مش مع حضرتك

الاولاد همة ثمرة الحب

و همة زينة الحياة الدنيا

هوة في احلى من أن البيت يكون نظيف و مترتب و الاولاد مترتبين و متشيكين و تتعشوا كلكوا عشوة حلوة سواء في البيت و الا برة البيت

ده هي دي قمة الرومانسية

دفء الأسرة

و فرحة الأولاد

بأصناف الأكل اللي بيحبوها و الحلويات و على وشهم أجمل ابتسامة و همة بيقولولك تسلم ايدك يا ماما

او تكون الخروجة برة

وده الاولاد بيموتوا فيه

و يفضلوا مبسوطين و مزقططين طول الطريق و همة راجعين الفرحة و الهوا من شباك العربية بيخليهم يروحوا في سابع نومة و همة في غاية السعادة و ذكريات تحفر للأبد في أرواحهم الطاهرة

و لذة حملهم من العربية لحد السرير و روعة ان يطبع ابنك او بنتك قبلة على خدك و هو نص نايم و يقولك شكرا يا ماما

متهيألي دي السعادة الحقيقية

و أكيد الزوج بيبقى طاير من الفرحة لما يبقى هو ده الجو اللي حواليه في البيت

مش كدة و الا ايه؟

بصى انا طبعا بنخرج بالاولاد على طول

بس ده فى الايام العاديه

ومبيكنش فى اى رمنسيه

سعاده ايوه بس رومنسيه لقه ليه بقى

تخيلى البابى بيعيط وقاعد يزن من غير سبب

غير ان مزاجه عايز كده

والباقى واحد عايز يدخل الحمام والتانى خلاص جاع

وخلاص احنا عيزين نلعب

وطبعا المطاعم الكبيره مفيش مكان للالعاب مش زى الطازج

قولى بقه فان الزومنسيه حقيقى برجع مصدعه

ثانى حاجه فان الهواء ده الى بينيم مهو الشباك اصلا من الحر مبيتفتحش

وخدى الورده ده علشان حته رومنسيه :blush2:

[لماضة مصرية جدا]

السلام عليكم و رحمة الله و بركاته

انا اصلا اصلا كنت داخلة توبيك افكار للفطار لاني جعانة اخر سبع حاجات فقولت اتفرج علي التصاوير و كده لغاية ما حد يحن عليا بالفطار

قوم ايه اتكعبلت في التوبيك الجميل ده بتاع استاذنا الغائب الحاضر هشام عبد الوهاب

بجد توبيك حلو....و روحه كتير رومانسية اخر سبع حاجات

فقولت ارفعهولكم..مع ان صحتي رايحة خالص...(وش عم ايوب و هو بيقول ربنا اخد مني كل حاجة و اداني الصحة :lol: )

حطوا بقي افكاركم و افتكاساتكم مع بداية الشهر قصدي مع بداية اليوم الجديد ده

صباحكم....رومانسي و لذيذ و شقي و حاجات كتير فوق بعضيها :hearts: (الايقونة دي طلعت قلوب...انا كنت عايزة ايقونة حد ماسك شاندوشت بس مش لقيت :lol: )

صباحكم رضا

تم تعديل 3 يوليو 2011 بواسطة لماضة مصرية جدا

[مهندس حسام الخواص]

الحب ولا شئ غير الحب

[لماضة مصرية جدا]

الحب ولا شئ غير الحب

السلام عليكم و رحمة الله و بركاته

ايون...مفهمتش يعني...(وش فلاح كفر الهنادوة)

التعبير بقي عن المشاعير ديت بيطلع ازاي

اوضح

افصح

ابن

[لماضة مصرية جدا]

السلام عليكم و رحمة الله و بركاته

انا تاني

لاني لقيت محدتش عبرني بحاجة و لا حتي طبق ايده بخمسين قرش ورق و قالي روحي يا لماضة الهي اشوفك امين شرطة ىد الدنيا

الفكرة الالي جاية في بالي دلوقتي حالا

اتخانقوا

محدش يفهمني غلط

بس احيانا الخناق....و الصلح بعد الخناق بيبقي عامل فزيع جدا في تجديد المشاعير و كدهوت

و بناء عليه منكن الزوجة الاصيلة تلوي بوزها شوية بس متسوقشي فيها

و الزوج الاصيل برضه اللي هو اتجوز الاصيلة يعكنن ليها شوية و بالتالي

يتخانقوا حبة صغنتتين

بس يتصالحوا

و يفضل انه هو اللي يصالح

و يجيب هدية كمان

اي خدمة

صباحكم.......مصالحة قريبة اوي للقلب

[أم القمر فيصل]

ياجماعة للأفادة بس مش اكتر تفكير الرجل مختلف نهائى عن عقل المرأءة يعنى امور الرومانسية دى مش هتنفع معاهم ههههههههه

الصح انك دايما تكونى شيك ومتزينة عن تجربة نعمل اكبر مشكلة بس قبل ما يرجع اعطر البيت واتزين واخد جنب بالبيت واطنشه واتركى الباقى عليه وبعد ما يصالحك عن نفسى اقدم استمارة ببنود الصلح ههههههههههه صدق والله اخليه يقرأها ويوافق عليها وبكده تستمر حياتكم بالنقاش والاحترام اما لو كتبت 100 بحبك هيتقل ويشوف نفسه ويفكر ان معجبينه كتير ويفكر يتزوج <ياخد بنفسه مقلب ههههههه

[MemoG]

السلام عليكم و رحمة الله و بركاته

انا تاني

لاني لقيت محدتش عبرني بحاجة و لا حتي طبق ايده بخمسين قرش ورق و قالي روحي يا لماضة الهي اشوفك امين شرطة ىد الدنيا

الفكرة الالي جاية في بالي دلوقتي حالا

اتخانقوا

محدش يفهمني غلط

بس احيانا الخناق....و الصلح بعد الخناق بيبقي عامل فزيع جدا في تجديد المشاعير و كدهوت

و بناء عليه منكن الزوجة الاصيلة تلوي بوزها شوية بس متسوقشي فيها

و الزوج الاصيل برضه اللي هو اتجوز الاصيلة يعكنن ليها شوية و بالتالي

يتخانقوا حبة صغنتتين

بس يتصالحوا

و يفضل انه هو اللي يصالح

و يجيب هدية كمان

اي خدمة

صباحكم.......مصالحة قريبة اوي للقلب

عندك حق والله انا عن نفسي بزعل علي اي حاجة :astonished:

عشان خاطر الهدية اللي بتجي في الاخر

[لماضة مصرية جدا]

السلام عليكم و رحمة الله و بركاته

انتو بطلتوا رومانسية و لا ايه

طب الليبرالين بيشجعوا الرومانسية و احنا ورااااااااااهم

و الاخوان بيشجعوا الرومانسية و احنا معاااااااااااااهم

و انا و انت و الناس الحلوة و اللي بيحبنا ميضربش نار...(احسن تيجي في النجفة و دي مكتوبة في القايمة يا حنفي:)

بجد

هو الجو الثورجي العاطشفي اللي احنا عايشين فيه يا تري اثر علي رومانسيتكم.... :blink:

يعني مثلا و انتو قاعدين تشوفوا برنامج عكاشة في الادغال

مبيصحيش فيكوا اي مشاعر رومانطيقية خالص....(انا مصدومة فيكم الصراحة)

طب ناخد فكرة اليوم اعزائي المستمعين

اضحكوا

ايون انا بشوف ان الضحك.....منتهي الرومانسية الصراحة

يعني ممكن موقف يكون متنشن فيه....تقوم الزوجة المخلصة الاصيلة هابداه نوكتة...تحسسه انه متجوز حمادة سلطان بس بشعر طويل bv:-

و دي دعوة مني صادكة من الكلب.....(من القلب يعني بس انا دلوقتي مذيعية في الكناة الاولي :P )...اتفضلوا علي توبيك اضحك كركر...و خ :P ليكوا ديام جاهزين بنوكتة :P تجيبه او تجيبها جو ارض

اي خدمة

كان معكم

من علب بوابة المحاورات

لماضة

املي حياتي....اشتغل منولوجيست في الافراح و كدهوت....(وش حد :P طموح اخر سبع حاجات)