عندك استفسار عن التخدير ؟

[د هشام ابراهيم]

هل اللى حصل فيا ده غلطة الدكتور بتاع البنح لانه بنجنى بدرى؟ ولا غلطة الدكتور بتاع التوليد لان سيادته كان مش فاضى ومعاه ولادة تانية جوا وجه متاخر؟

لا اعفي دكتور التخدير من المسئولية ..... ما فيش حاجة تبرر إنه يصحيكي قبل ما العملية تخلص إلا لو حاجة قهرية حصلت

دكاترة النسا كتير بيبقى ليهم عذر ...الولادة لا تعترف بمواعيد ...يعني فرضا حاجز عملية الساعة كذا انما حالة من الحالات احتاجته علشان ولادة مستعجلة ....مثلا حالة الجنين غير مستقرة أو الأم وصلت لاخر مراحل الولادة و خلاص البيبي خارج ...يبقى ليه عذره إنه يعجل بالولادة و يأجل العملية "الاعتيادية " = elective

[د هشام ابراهيم]

معلش انا طولت عليك اوى بس انت قلبت عليا مواجع

واستحمل رخامتى ورد عليا الله يخليك احسن انا خلاص بقيت اترعب من حاجة اسمها بنج وعمليات

استحملنى مرة تانى وربنا يجازيك خير

العفو يا سيدتي الفاضلة ما فيش أي تعب و لا حاجة أنا تحت أمر حضرتك ......أسفت فعلا للتفاصيل المحزنة في تجربتك .... لو في بلد تانية كانت تبقى كفاية لرفع قضية و كسبها كمان

أطيب التمنيات بالصحة و السعادة لحضرتك مرة أخري

[fatfouta]

العفو يا سيدتي الفاضلة ما فيش أي تعب و لا حاجة أنا تحت أمر حضرتك ......أسفت فعلا للتفاصيل المحزنة في تجربتك .... لو في بلد تانية كانت تبقى كفاية لرفع قضية و كسبها كمان

أطيب التمنيات بالصحة و السعادة لحضرتك مرة أخري

ربنا يخليك يا دكتور هشام والله انا مش عارفة اقولك ايه على ردودك الوافية على موضوعى بس ذى محضرتك قلت المريض بيبقى فى حالة لا تسمح ليه انه يفكر فى رفع قضيه ولا بيبقى قادر حتى يتكلم ويقول انا حصل فيا كذا

والواحد ساعتها قال الحمد لله انى قمت بالسلامة وخلاص وحسبى الله ونعم الوكيل بتبقى كفايه اوى فى بلدنا

انا بجد شاكرة ليك جدااااااااااا

[doudy]

صبا الخير يا دكتور

انا هحكيلك على حاجة وعاوزة رايك

انا كنت بولد ولادتى الاولى فى مصر وكنت لسه مجاليش السكر ساعتها وبالاتفاق مع الدكتور انى اولد قيصرى فولدت طبعا فى مستشفى خاص بيه

روحت الصبح المستشفى وانا صايمة وبس متوترة جدااااااا لانى اول مرة ادخل عملية فى حياتى

ولما حان وقت العملية وبعد ماجهزونى ليها لقيت الممرضة جاية تزعق وتقولى ايه ده انتى لسه مالبستيش البتاع اللى ادتهولك وراحت ياللا البسى وخلصى الدكتور مستنى الكذابة وهقولك ليه كذابة فى التفاصيل

اخدتنى بعد مالبست البالطو من ايدى وسحبانى على رجلى من غرفتى الى غرفة العمليات وانا حافية سورى وعمالة استر فى نفسى من الزفت البالطو ولا مش عارفة بيسموه ايه ولانى انا اللى مختارة الولادة القيصرية فكتمت النفسسسسس

ودخلت غرفة العمليات واول مشوفت المقصات والمشارط عالتربيزة اتسرعتتتتتتتتت والله وبقيت عاوزة اقولهم مش عاوزة اولد خليه جوا

المهم لقيت دكتور مساعد وممرضة ودكتور بنج وهو ده الوحيد والله اللى كان بيضحك فى وشى ساعتها

وطبعا الممرضة قلتلى اطلعى عالسرير طلعت عالزفت السرير وكان السرير اسود اللون وطويل ورفيع ومن رفعه خفت انام عليه لا اقع والله

وطلعت ونمت ودكتور الببنج قالى انتى خايفة كده ليه دى حاجة بسيطة وقعد يتكلم معايا

وبعدين يا سيدى بدور على دكتور التوليد بتاعى ال ايه سمعت صوته فى غرفة من جوا غرفة العمليات ومعاه واحدة بيولدها طبيعى وبعدين دكتور البنج واقف فوق راسى وقاله يادكتور كذا.... انيم؟ ورد عليه قاله اوكى نيم

قام قالى خدى نفس وراح منيم يا سيدى

وبعد كده انا بقى فاكرة انى هصحى مثلا الاقى نفسى ولدت وفى غرفتى

وللاسف صحيت ومش عارفة والله عينى كانت مفتحة ولا لأ لقيت الممرضة هى اللى بتخيط بطنى من ناحية والدكتور المساعد من ناحية تانى والدكتور بتاع الولادة واقف عالباب بيتكلم مع مين مش فاكرة

وطبعا كنت حاسة بكل حاجة ومش قادرة اقولهم الله يخرب بيتكوا انا صاحية ولا قاردة احرك ايدى عشان اشاور

وفجاة لقيت دكتور البنج بيزعقلها ويشتمها (يا ........خلصى واقفلى دى صاحيه) والله شتمها شتيمه وحشة من غيظه منها

وجت تحط البلاستر على الجرح بعد ماقفلت والله انا متاكده انى مرجعتش للبنج تانى ساعتها لكنى غيبت عن الوعى من شدة الالم الشديييييييييييييد

وماحستش غير وانا فى الاوضة بتاعتى ومتالمة جداااااااا

ليه طب هقولك على حاجة مش هتصدقها انا الصبح وانا رايحة اولد اخدت لبانه ونسيت وكلتها من شدة توترى نسيت انى صايمة ولما دخلت غرفة العمليات برده والله العظيم نسيتها جوا فمى

ولما فقت ساعة مالدكتور شتم الممرضة لقيته بيقول .... (ايه ده ايه ده يانهار ابيض ايه اللى بيخرج من بؤها ده.....طيب خلاص خلاص الحمد لله دى لبانه) وراح شتمها تانى وقالها مش كنتى تقوليلها؟ تصدق ده؟

الاسئلة هنا تيجى بقى...

- المريض مايتبنجش قبل مايدخل غرفة العمليات عشان مايشوفش المناظر اللى جوا الغرفة دى؟

- هلى اللى حصل فيا ده غلطة الدكتور بتاع البنح لانه بنجنى بدرى؟ ولا غلطة الدكتور بتاع التوليد لان سيادته كان مش فاضى ومعاه ولادة تانية جوا وجه متاخر؟

- عرفت الممرضة كانت ليه كذابه ؟ عشان قلتلى الدكتور مستنيكى وهو حضرته مكانش مستنى وخلانى الله يسامحه احس بكل ابرة داخلة جسمى والحمد لله انى ماصحتش بقى وهو بيفتح

معلش انا طولت عليك اوى بس انت قلبت عليا مواجع

واستحمل رخامتى ورد عليا الله يخليك احسن انا خلاص بقيت اترعب من حاجة اسمها بنج وعمليات

استحملنى مرة تانى وربنا يجازيك خير

فتفوتة

يا حبيبتى يا فتفوتة

اتعذبتى فى الولادة معلش الدكاترة دلوقتى ما بقاش عندهم ضمير :aslam:

مع الاعتذار لاخواتنا و اخوانا الدكاترة :waf: اللى فى المنتدى

طبعا مش بعمم مش كل الناس و حشة

[د هشام ابراهيم]

حسبى الله ونعم الوكيل بتبقى كفايه اوى فى بلدنا

انا بجد شاكرة ليك جدااااااااااا

العفو يا سيدتي الفاضلة و معاك إن في بلدنا في أغلب الأحوال ما بنلاقيش أدامنا غير الحسبنة و الحوقلة .....

[د هشام ابراهيم]

معلش الدكاترة دلوقتى ما بقاش عندهم ضمير :closedeyes:

مع الاعتذار لاخواتنا و اخوانا الدكاترة :rolleyes: اللى فى المنتدى

طبعا مش بعمم مش كل الناس و حشة

سيدتي الفاضلة ما هو لو قلنا الدكاترة ما عندهمش ضمير يبقى بنعمم ..... و لو فتحنا الباب للتعميم حنقول ما حدش بقي عنده ضمير ....لا أطباء و لا مهندسين و لا محاميين و لا محاسبين و لا ميكانيكية و لا لعيبة كورة و لا حتي الزبالين ....مع الأحترام للجميع

الأزمة مش أزمة طب ....الأزمة في المجتمع كله ....ليه بنتوقع إن مجال الطب و العاملين فيه حيبقوا بمنأي عن بقية التغييرات اللي حوالينا

ما حدش يقول إن الطب مهنة إنسانية أو إن الطب رسالة أو بيفرق في حياة الناس ...إلخ إلخ

....هي بقية المهن مش ؟

تحياتي يا أفندم

[SoSo R]

مساء الخير يا دكتور:

عودة من جديد...

هل للأيبديورال أى تعارض مع المرضى اللى عندهم سياتيكا

لو أخدوها فعلا...الحالة هتسوء بعد كدة...هيبقى فيه أعراض جانبية؟؟؟

سامحنى إنى باكتب المصطلحات بحروف عربى...

بس عندى مشكلة فى الكيبورد

تحياتى

سوسورانى

[د هشام ابراهيم]

هل للأيبديورال أى تعارض مع المرضى اللى عندهم سياتيكا ...لو أخدوها فعلا...الحالة هتسوء بعد كدة...هيبقى فيه أعراض جانبية؟؟؟

ما فيش تعارض مباشر يا دكتورة ..... بس الفكرة كلها إيه سبب عرق النسا أو السياتيكا ؟ ........غالبا بتبقى مشكلة في العمود الفقري في الفقرات القطنية و العصعوصية (lumbosacral ) و عليه ممكن ساعتها الابيديورال تبقى نسبة خطورتها أكبر

النقطة التانية إن مشاكل الأعصاب الناتجة عن الأبيديورال علي ندرتها انما وجود عرق النسا ممكن يصعب تشخيصها و يأخر الحالة .... يعني مثلا عيان جاله تنميل بعد أبيديورل لو عنده سياتيكا أصلا يبقى صعب نعرف إن فيه مشكلة جديدة بسبب الابيديورال غير لو المشكلة كبرت

حاجة كمان بعد الأبيديورل و لعدة ساعات الألم بيختفي من النصف الاسفل للجسم و عليه المريض ممكن يتحط في وضع مش مناسب و مؤلم و هو مش حاسس فممكن يأذي نفسه

بمعني أخر ...الألم عادة وظيفته تنبيه الأنسان إلي وجود خطر ما فنتجنبه .... بغياب الألم الأنسان يعرض نفسه لاصابة

كالعادة برضه اتخاذ القرار بيبقى مقارنة للمميزات قصاد العيوب و تطبيقها علي كل حالة بصورة منفردة و متجددة

[د هشام ابراهيم]

- المريض مايتبنجش قبل مايدخل غرفة العمليات عشان مايشوفش المناظر اللى جوا الغرفة دى؟

لو مريض تسمح حالته مستحب ياخد مهديء قبل ما يدخل حجرة العمليات ....لو حالة المريض لا تسمح ..... و منها الحمل لتأثير الأدوية ديه علي الجنين..... لا يسمح بالمهدئات إلا في حالة الضرورة ....قلق أو خوف مرضي مثلا زاي العيانين اللي عندهم فوبيا

نقطة مهمة نسيت أقولها ....ساعات امكانيات المستشفي لا تسمح باعطاء أي أدوية مهدئة أو مخدرة إلا داخل حجرة العمليات

الأدوية ديه طبعا لازم معاها متابعة دقيقة و قدرة علي التصرف لو حصل أثار جانبية فلازم لا تعطي إلا في وجود أطباء أو تمريض علي مستوي عالي .....لو ما فيش يبقى خطر ندي أي أدوية بعيد عن دكتور التخدير

[نوور]

سؤالي عن التخدير في الولادة العاديه، معلوماتي عنه منعدمه فأرجو الإفاده عن مزاياه و عيوبه و أضراره و هل تنصح به كطبيب أم أن الأفضل هو احتمال الألم؟ و هل يفرق في هذا الموضوع نحافة أو سمنة الأم

و عليكم السلام و رحمة الله و بركاته

مدي إستحمال الأم لألام الوضع و الولادة يخضع لعوامل عدة منها ما هو شخصي بحت و يختلف من شخص لاخر ..... و منها ما هو طبي مثل استخدام أدوية "محفزة" لانقباضات الرحم ..... أو وجود تغيير في وضع الجنين مثلا عن الوضع الطبيعي .... أو وجود علة ما تضع صحة الأم في خطر إذا لم تتلقي التخدير (مثل أمراض القلب أو ارتفاع ضغط الدم ......)

القرار راجع للام في المقام الاول و باستشارة طبيب النسا و الولادة و طبيب التخدير

أشهر طريقتين لتخدير الولادة هما التخدير النصفي و أدوية الألم

- التخدير النصفي

يتم عادة بواسطة طريقة تسمي Epidural ( إبيديورال) .... يتم تخدير النصف الأسفل للجسم عن طريق قسطرة متناهية الصغر توضع في ظهر المريض يتم من خلالها اعطاء الأدوية

لادخال القسطرة إلي المكان الصحيح في الظهر نستعين بابرة مفرغة .... يتم مرور القسطرة من خلال الأبرة إلي داخل الظهر ثم تنزع الأبرة و تبقى القسطرة

الطريقة ديه هي آمن و أكثر فاعلية و لكن كطبيعة الأمور لها عيوب (الكمال لله وحده )

توجد عيوب شائعة و فرصة حدوثها عالية و منها :الغثيان - القيء - حكة بالجلد - ألشعور بالبرد - الارتجاف ..... عدم القدرة علي حركة النصف الأسفل من الجسم - بالذات الاقدام - لعدة ساعات .... و تعتمد أساسا علي جرعة الأدوية

توجد أثار جانبية أقل شيوعا و منها : صداع قد يمتد لاسبوعين أو أكثر - عدم عمل التخدير كما ينبغي مما يضطر الطبيب إلي إعادة وضع القسطرة مرة أخري - تأثير محدود علي الجنين ...... أو قد تأثر علي عملية الولادة نفسها (افتراض غير ثابت علميا و عليه اختلاف )

و توجد مضاعفات في منتهي الندرة و منتهي الخطورة و منها: مشاكل في الأعصاب من تنميل أو فقدان للاحساس الجلدي أو شلل - التهاب في أغشية المخ و الحبل الشوكي - تجمع دموي علي الحبل الشوكي ....

اللجوء إلي طبيب خبير في التخدير النصفي يقلل من نسبة حدوث الاثار الجانبية (بحكم عملي في القاهرة سابقا أعرف إنه يوجد بالقاهرة أطباء تخدير معروفين بالاسم لبراعتهم في الابيديورال ....كما توجد مستشفيات متخصصة في الولادة فيها أطباء علي مستوي جيد )

عدم حركة المريض أثناء وضع الابرة أيضا يقلل فرصة حصول مضاعفات و عليه ضروري أن يلزم المريض السكون التام في تلك الأثناء

سمنة الجسم و منطقة الظهر خاصة قد تصعب من العملية و تزيد من إحتمال حدوث مشاكل .....الفيصل هو الكشف الاكلينيكي علي الظهر بواسطة طبيب التخدير لبيان مدي تأثير السمنة علي عملية وضع الابرة

النحافة المفرطة أو وجود عيوب في العمود الفقري (مثل التقوس ) أيضا يزيد من صعوبة العملية

- أدوية الألم

أدوية تعطي إن طريق الوريد أو العضل ....أقل فاعلية من الابيديورال في السيطرة علي الألم المصاحب للوضع .....اذا احتاج الأمر استخدام جفت أو اجراء عملية قيصرية أو فحص الرحم بعد الولادة لابد من وجود وسيلة أخري إضافية للتخدير سواء نصفي أو كلي

أكثر الأثار الجانبية شيوعا هي القيء و الغثيان - حكة بالجلد - النعاس

أخطر الاثار الجانبية (و تحدث خصوصا مع الأدوية القديمة و بصورة أقل مع الأدوية الحديثة) هي تأثر المولود بالادوية ..... و ما يصاحب ذلك من تخدير أو نعاس أو مشاكل بالتنفس

أخيرا أي حاجة في الدنيا لها مميزاتها و عيوبها و منها التخدير

القرار مثله مثل قرارات الحياة يأتي بعد مقارنة المميزات بالعيوب و تطبيق ذلك علي كل حالة بصفة منفردة ..... ما قد يفيد زيد قد يضر عبيد

اتخاذ القرار الصحيح في الوقت المناسب و تنفيذه باقل خسائر ممكنة هو ما يميز طبيب تخدير عن الآخر و ما يميز أي إنسان ناجح عن أقرانه

السلام عليكم دكتور هشام انا موجودة بتورونتو و موعد ولادتي اخر شهر مايو في خلال اسبوعين ان شاء الله

استفساري لحضرتك عن حقنة Epidural حضرتك شرحت هنا مضارها وفوائدها وللاسف انا شايفة ان خطورتها لاقدر الله في حالة حدوث حركة او اي شيء صعبة اوي

وحضرتك عارف المثل بتاعنا وجع ساعة ولا كل ساعة يعني نتحمل وجع الولادة ولا ان الم ومضاعفات الحقنة يستمر بعد الولادة بالنسبة هنا لكندا ايه هي اامن طريقة للتخدير الولادة حضرتك تنصحني بيها للعلم ان البيبي لم ينزل الي الحوض حتي الان وانا باقي علي ميعادي اسبوعين بس حضرتك عارف ان كل شيء بامر الله تعالي

يعني في حالة الولادة القيصرية بيعطوا بنج كلي ولا اجباري Epidural وان لم يكن ايه نوع وطريقة التخدير المستخدمة في حالة القيصرية علما بان الولادة هتكون ان شاء الله في Scarborough general hospital

وفي حالة الالم حضرتك تنصحني بايه ممكن اطلبة في خطة الولادة لتسكين الالم

وشكرا ليك جدا يا دكتور وجزاك الله كل خير.

[د هشام ابراهيم]

السلام عليكم دكتور هشام انا موجودة بتورونتو و موعد ولادتي اخر شهر مايو في خلال اسبوعين ان شاء الله

استفساري لحضرتك عن حقنة Epidural حضرتك شرحت هنا مضارها وفوائدها وللاسف انا شايفة ان خطورتها لاقدر الله في حالة حدوث حركة او اي شيء صعبة اوي

وحضرتك عارف المثل بتاعنا وجع ساعة ولا كل ساعة يعني نتحمل وجع الولادة ولا ان الم ومضاعفات الحقنة يستمر بعد الولادة بالنسبة هنا لكندا ايه هي اامن طريقة للتخدير الولادة حضرتك تنصحني بيها للعلم ان البيبي لم ينزل الي الحوض حتي الان وانا باقي علي ميعادي اسبوعين بس حضرتك عارف ان كل شيء بامر الله تعالي

يعني في حالة الولادة القيصرية بيعطوا بنج كلي ولا اجباري Epidural وان لم يكن ايه نوع وطريقة التخدير المستخدمة في حالة القيصرية علما بان الولادة هتكون ان شاء الله في Scarborough general hospital

وفي حالة الالم حضرتك تنصحني بايه ممكن اطلبة في خطة الولادة لتسكين الالم

وشكرا ليك جدا يا دكتور وجزاك الله كل خير.

و عليكم السلام و رحمة الله و بركاته

عذرا سيدتي الفاضلة علي التأخير و تمنياتي بوافر الصحة لحضرتك و المولود باذن الرحمن

- بالنسبة لالام للولادة آمن و أحسن طريقة هي الأبيديورال ..... لكن لو حضرتك مش موافقة عليها ما حدش حيقدر "يجبرك" ....ما فيش اجبار ...انما دكتور التخدير أكيد حيحاول يشرح لحضرتك المميزات و العيوب علشان القرار يبقى علي بينة

البديل هو الأدوية الوريدية علي النحو المشار عليه سابقا

- بالنسبة للولادة نفسها ...لو الولادة طبيعية ممكن جدا ما تحتاجيش حاجة خالص ..

لكن لو الولادة لا قدر الله متعسرة أو بطيئة أو محتاجة مساعدة سواء جفت أو شفاط ساعتها حتبقى صعبة جدا من غير إما إبيديورال أو مخدر موضعى عن طريق الطبيب المولد (pudendal nerve block ) و ديه مش كل دكاترة النساء بيدوه

كمان لو الولادة كانت طبيعية انما الظروف اتغيرت و أحتاجنا قيصرية ساعتها لو فيه آبيديورال ممكن نستخدمها انما لو ما فيش يبقى حاجة من اتنين

١- لو الولادة قيصرية غير طارئة فيفضل البنج النصفي ......طريقة قريبة تقنيا جدا من الابيدورال مع وجود بعض الفروق ...... ديه آمن طريقة للام و الوليد و علشان كده الاطباء حيحاولوا يقنعوكي بشتي الطرق ...لو صممتي علي البنج الكلي ما حدش حيجبرك علي النصفي لكن حيكتبوا في الملف انهم حاولوا يقنعوكي بالبنج النصفي انما الاختيار كان بواسطة المريضة

٢- في حالة لا قدر الله القيصرية كانت طارئة في الحالة ديه فقط البنج الكلي بيبقى أول اختيار علشان شراء الوقت

سكاربورو جينيرال من المستشفيات الكبيرة و سمعتها كويسة جدا

أطيب التمنيات يا سيدتي الفاضلة

[نوور]

شكرا جزيلا لك د. ابراهيم جزاك الله خيرا

معلوماتك مفيدة جدا وربنا ييسر ويقدرلي كل خير وانا هتوكل علي الله واللي ربنا ييسرهولي هشوفه

ودعواتك

[زعلان]

ايهما افضل التخدير الكلي ام التخدير الموضوعي بالنسبة للمريض

[fatfouta]

ايهما افضل التخدير الكلي ام التخدير الموضوعي بالنسبة للمريض

انا كنت لسه بكتب السؤال ده والله

انا كمان عاوزة اسالك يا دكتور هشام على التخدير النصفى فى الولادات القيصرية هل له تاثير بعد العمليه ولا بيبقى عادى ذى التخدير الكلى

وشكرا

[د هشام ابراهيم]

شكرا جزيلا لك د. ابراهيم جزاك الله خيرا

معلوماتك مفيدة جدا وربنا ييسر ويقدرلي كل خير وانا هتوكل علي الله واللي ربنا ييسرهولي هشوفه

ودعواتك

و نعم الظن بالله ....

العفو يا سيدتي الفاضلة و باذن الله تقومي بالسلامة حضرتك و المولود

ربنا يصلح لحضرتك و الأسرة الكريمة الأمر كله

[د هشام ابراهيم]

ايهما افضل التخدير الكلي ام التخدير الموضوعي بالنسبة للمريض

انا كنت لسه بكتب السؤال ده والله

علي الاطلاق ما نقدرش نقول إن فيه طريقة تخدير أحسن من التانية .....كل طريقة ليها مميزاتها و عيوبها زاي أي حاجة في الدنيا

فيه عوامل كتير ممكن تحدد أنهي طريقة أحسن ...... حسب حالة المريض الصحية من كافة الأوجه بما فيها الوزن و التدخين و الأمراض المزمنة إلخ ..... و نوع الجراحة : مكانها ،موضعها ، الألم المتوقع منها ، مدتها .....إلخ و كمان خبرة طبيب التخدير و احتياجات الجراح ...... و حاجات تانية كتير

القرار الأخراني بيبقى حسب الحالة بذاتها و ممكن يتغير حسب تطور أي من العوامل

كمان ساعات بنستخدم أكتر من طريقة للتخدير ....يعني كلي + نصفي مثلا ...... برضه القرار خاضع لعوامل شتي و بيتاخد بناء علي كل حالة و ظروفها

[د هشام ابراهيم]

انا كمان عاوزة اسالك يا دكتور هشام على التخدير النصفى فى الولادات القيصرية هل له تاثير بعد العمليه ولا بيبقى عادى ذى التخدير الكلى

وشكرا

لو العملية القيصرية غير طارئة و ما فيش أي ما يمنع ...... آمن طريقة للام و المولود هي البنج النصفي

ما فيش حاجة كاملة و كل حاجة ليها أثار جانبية ...فضلا راجعي المداخلة رقم ٢٢ ......عيوب البنج النصفي

النقطة الزيادة إن فيه كذا طريقة للبنج النصفي و بينهم فروق تقنية ..... المهم إن المضاعفات اللي ليها علاقة بابرة البنج ...نسبتها بتختلف من طريقة لاخري حسب نوع و حجم الأبرة المستخدمة

نرجع لسؤال حضرتك ...لو ما فيش أي مضاعفات سواء البنج النصفي أو الكلي لا يترك أي أثر ( عادة الموضوع بياخد ساعات لكام يوم و أي أثر مهما كان صغير بيختفي إلا لا قدر الله لو فيه مضاعفات )

[fatfouta]

انا كمان عاوزة اسالك يا دكتور هشام على التخدير النصفى فى الولادات القيصرية هل له تاثير بعد العمليه ولا بيبقى عادى ذى التخدير الكلى

وشكرا

لو العملية القيصرية غير طارئة و ما فيش أي ما يمنع ...... آمن طريقة للام و المولود هي البنج النصفي

ما فيش حاجة كاملة و كل حاجة ليها أثار جانبية ...فضلا راجعي المداخلة رقم ٢٢ ......عيوب البنج النصفي

النقطة الزيادة إن فيه كذا طريقة للبنج النصفي و بينهم فروق تقنية ..... المهم إن المضاعفات اللي ليها علاقة بابرة البنج ...نسبتها بتختلف من طريقة لاخري حسب نوع و حجم الأبرة المستخدمة

نرجع لسؤال حضرتك ...لو ما فيش أي مضاعفات سواء البنج النصفي أو الكلي لا يترك أي أثر ( عادة الموضوع بياخد ساعات لكام يوم و أي أثر مهما كان صغير بيختفي إلا لا قدر الله لو فيه مضاعفات )

شكرا يا دكتور هشام ودايما تعبينك معانا كده

[د هشام ابراهيم]

شكرا يا دكتور هشام ودايما تعبينك معانا كده

العفو يا سيدتي الفاضلة ...ما فيش تعب و لا حاجة ... أطيب التمنيات بموفور الصحة و السلامة

[mizo]

تسجيل متابعه توبيك اكتر من رائع

أنا بأخاف من الحقن أوي يا دكتور ولما بأروح عند دكتور السنان بالذات بأبقى أهون عليه أنه يديني خبطه بالكماشة على الأم الحنون بتاعت جمجمتي ويغم عليه ولا إنه يديني حقنة اللثة دي ... فهل حالة الخوف بتؤثر على مفعول البنج وتخليه يتأخر ؟

الله الله ياعم س س هو انت طلعت زيى انا بقى بقالى 4 سنين والله 4 سنين عايز اخلع ضرسين دلوقتى 3 ضروس وايه مره خراج ومره ورم فى الوش ولكن ولا الهوا كله الا ابره دكتور السنان

عارف ياريس انا خلعت ضرسى من 6 سنين ببنج كلى

معلهش جهل بقى