عندك استفسار عن التخدير ؟

[د هشام ابراهيم]

تسجيل متابعه توبيك اكتر من رائع

أنا بأخاف من الحقن أوي يا دكتور ولما بأروح عند دكتور السنان بالذات بأبقى أهون عليه أنه يديني خبطه بالكماشة على الأم الحنون بتاعت جمجمتي ويغم عليه ولا إنه يديني حقنة اللثة دي ... فهل حالة الخوف بتؤثر على مفعول البنج وتخليه يتأخر ؟

الله الله ياعم س س هو انت طلعت زيى انا بقى بقالى 4 سنين والله 4 سنين عايز اخلع ضرسين دلوقتى 3 ضروس وايه مره خراج ومره ورم فى الوش ولكن ولا الهوا كله الا ابره دكتور السنان

عارف ياريس انا خلعت ضرسى من 6 سنين ببنج كلى

معلهش جهل بقى

سعيد بمتابعة حضرتك و شكرا جزيلا علي كلمات الأطراء

الخوف من الحقن موجود عند معظم الناس بنسب متفاوتة .....لو أكتر من الطبيعي بيبقى رهاب أو فوبيا

الفوبيا من الحقن سبب كافي لاتخاذ طرق و اجراءات معينة في عملية التخدير مختلفة عن المعتاد

شغل الأسنان تحت تأثير بنج كلي منتشر في كندا ...كتير بيبقى في العيادة و مش محتاج مستشفي ......حالات خاصة بتبقى في المستشفي انما خلع درس ببنج كلي حاجة عادية حسب حالة المريض طبعا

[فــيــروز]

موضوع مفيد جدّا و شيّق ..

كنت باتكلّم مع زميله ليا عن موضوع "سعاد نصر" -الله يرحمها- من فتره ..

وقالت إن سبب الوفاه أنّها وُضِعَت فى وضع غلط خلال العمليه ممّا جعل أنبوب الأكسجين يختل وضعه فلم يصل للمخ أكسجين لمدّة دقائق ممّا أدىّ لدخولها غيبوبه ثم وفاه ..

فكنت عاوزه أعرف ليه أصلا المريض بيحتاج أكسجين و هو متخدّر !! مش مفروض إنّه كأنّه نايم و الواحد و هو نايم بيفضل يتنفس و مش بيحتاج دعم خارجى !!

[mama nona]

السلام عليكم

حبيت اشكر حضرتك عالتوبك الرائع ده ومشاركتك ف توصيل المعلومة بالسلاسة دى لاعضاء المنتدى

ومتابعة كلام حضرتك وبس حبيت اقولك الله يفتح عليك

وجزاكم الله كل الخيروربنا يجعله ف ميزان حسناتك

وسلام لمصريين كندا

wlch::

[د هشام ابراهيم]

موضوع مفيد جدّا و شيّق ..

كنت باتكلّم مع زميله ليا عن موضوع "سعاد نصر" -الله يرحمها- من فتره ..

وقالت إن سبب الوفاه أنّها وُضِعَت فى وضع غلط خلال العمليه ممّا جعل أنبوب الأكسجين يختل وضعه فلم يصل للمخ أكسجين لمدّة دقائق ممّا أدىّ لدخولها غيبوبه ثم وفاه ..

فكنت عاوزه أعرف ليه أصلا المريض بيحتاج أكسجين و هو متخدّر !! مش مفروض إنّه كأنّه نايم و الواحد و هو نايم بيفضل يتنفس و مش بيحتاج دعم خارجى !!

جزاك الله كل خير يا سيدتي الفاضلة

بالنسبة لمأساة المرحومة سعاد نصر الصراحة ما عنديش معلومات عنها ...لكن الجزء المظلل بالاحمر مش ماشي مع بقية الجملة .....امكانية إن أنبوبة التخدير تتفصل أو يختل وضعها انما المريضة وضعت في وضع خطأ ديه محتاجة تفسير

بالنسبة لسؤال حضرتك ..مصطلح "نايم " لا يعني إن المريض نايم زاي ما الأنسان العادي بيخلد للنوم ..... حالة التخدير الكلي لا علاقة لها بالنوم الطبيعي

جزء لا يتجزء من مكونات التخدير الكلي ..بالاضافة إلي فقدان الوعي (ما يطلق عليه نوم ) .... هو إعطاء أدوية مرخية للعضلات

الأدوية المرخية للعضلات بتعمل حاجتين

١-تسهل عملية وضع أنبوبة التخدير في القصبة الهوائية للمريض (عن طريق الفم أو الأنف بتقنية معينة )

٢- ترخي عضلات الجسم كلها فتساعد الجراح علي إجراء العملية ...خصوصا لو في منطقة البطن أو الحوض أو عملية عظام ...إلخ

الادوية المرخية للعضلات بتأثر علي عضلات التنفس كمان ..... أغلب حالات التخدير الكلي المريض بيتنفس بواسطة جهاز التنفس الصناعي الملحق بجهاز التخدير

وظيفة أنبوبة التخدير حاجتين

١-ايصال غازات التخدير إلي الرئة و ديه اللي بتخلي المريض "نايم " أو بمعني أصح فاقد للوعي طول العملية

٢- ايصال الأوكسجين للرئة و التخلص من ثاني أكسيد الكربون بمساعدة جهاز التنفس الصناعي

زاي ما شايفين عملية التخدير مش هينة و محفوفة بمخاطر ...علشان كده فيه أجهزة مراقبة كتير بتساعد طبيب التخدير في عمله ...قياس نسبة الأوكسجين في الدم ....قياس مستوي ثاني أوكسيد الكاربون في النفس ....أجهزة انذار و مراقبة للتنبيه في حالة انفصال أنبوبة التخدير و غيره و غيره مما لا يعد أو يحصي اللي بيه التخدير من آمن ما يمكن في الزمان الحالي

انما كل ده لا يغني عن دكتور تخدير متواجد و متيقظ و فاهم هو بيعمل إيه

[د هشام ابراهيم]

السلام عليكم

حبيت اشكر حضرتك عالتوبك الرائع ده ومشاركتك ف توصيل المعلومة بالسلاسة دى لاعضاء المنتدى

ومتابعة كلام حضرتك وبس حبيت اقولك الله يفتح عليك

وجزاكم الله كل الخيروربنا يجعله ف ميزان حسناتك

وسلام لمصريين كندا

wlch::

ما تتخيليش حضرتك سعادتي بالمشاركة ديه و عرفاني و تقديري لدعائك يا سيدتي الفاضلة ...جزاك الله كل خير :vian: :vian:

[newcomer]

الادوية المرخية للعضلات بتأثر علي عضلات التنفس كمان ..... أغلب حالات التخدير الكلي المريض بيتنفس بواسطة جهاز التنفس الصناعي الملحق بجهاز التخدير

وظيفة أنبوبة التخدير حاجتين

١-ايصال غازات التخدير إلي الرئة و ديه اللي بتخلي المريض "نايم " أو بمعني أصح فاقد للوعي طول العملية

٢- ايصال الأوكسجين للرئة و التخلص من ثاني أكسيد الكربون بمساعدة جهاز التنفس الصناعي

الله يكرمك يا دكتور

كان نفسى من زمااااااااااان اعرف وظيفة ال 2 بالون السود

اللى كانو بيبقوا فى اوضة العمليات فى اى فيلم ابيض و اسود

و طبعا طبعا ...لازم يفضوا شوية ....علشان المشاهد يقلق

و بعدين يتملوا هوا تانى....فالطبيب يبتسم و يطمن

اكيد حضرتك فاكر المشهد ده فى اى فيلم عربى قديم

كان ثابت ....الحقيقة...

و اخيراااااااااا فهمت

[الجدار]

دكتور إتش عندي استفسار كده عالماشي بما أن ضروسي دايما ً بتسوس ودايماً بدخل في معاناه مع الضروس وطبيب الأسنان

مشكلة ألم الأسنان انه بيظهر بالليل طبعاً وتفضل رايح جاي تنام عالجنب اليمين وتتقلب عالشمال مافيش فايدة

فبييجي دور المسكنات ودي مابقيتش تأثر فيا يعني زمان كنت أخد حباية كيتوفان خلاص الدنيا تبقى تمام دلوقتي 3 مابيعملوش حاجة

المهم انا سامع عن بخاخات المخدر الموضعي للأسنان

سؤالي هو هل برضو البخاخات دي من كتر الإستعمال الجسم بيتعود عليها وبعد كده ما بتأثرش فيه؟؟

ولا المخدر عامة الجسم ما ينفعش يتعود عليه

وهل في ضرر من استخدام المخدرات الموضعية عامة ولا الموضوع عادي

وألف شكر يا دوكـ

[mama nona]

السلام عليكم

حبيت اشكر حضرتك عالتوبك الرائع ده ومشاركتك ف توصيل المعلومة بالسلاسة دى لاعضاء المنتدى

ومتابعة كلام حضرتك وبس حبيت اقولك الله يفتح عليك

وجزاكم الله كل الخيروربنا يجعله ف ميزان حسناتك

وسلام لمصريين كندا

:sad:

ما تتخيليش حضرتك سعادتي بالمشاركة ديه و عرفاني و تقديري لدعائك يا سيدتي الفاضلة ...جزاك الله كل خير :roseop:

انا متابعة لحضرتك واحنا فالخدمة يا افندم ((((( نسا وتوليد)))))))

وشكرا

[فــيــروز]

جزاك الله كل خير يا سيدتي الفاضلة

بالنسبة لمأساة المرحومة سعاد نصر الصراحة ما عنديش معلومات عنها ...لكن الجزء المظلل بالاحمر مش ماشي مع بقية الجملة .....امكانية إن أنبوبة التخدير تتفصل أو يختل وضعها انما المريضة وضعت في وضع خطأ ديه محتاجة تفسير

شكرا جزيلا على الرد المستفيض ..

ما قصدته بتغيير وضعها أنّها فى بداية العمليه كانت نائمه على الظهر ثمّ تمّ تغيير وضعها بعد التخدير لتنام على البطن ممّا أدى لخروج أنبوب الأكسجين من فمها لعدّة دقائق ..

[د هشام ابراهيم]

الله يكرمك يا دكتور

كان نفسى من زمااااااااااان اعرف وظيفة ال 2 بالون السود

اللى كانو بيبقوا فى اوضة العمليات فى اى فيلم ابيض و اسود

و طبعا طبعا ...لازم يفضوا شوية ....علشان المشاهد يقلق

و بعدين يتملوا هوا تانى....فالطبيب يبتسم و يطمن

اكيد حضرتك فاكر المشهد ده فى اى فيلم عربى قديم

كان ثابت ....الحقيقة...

و اخيراااااااااا فهمت

العفو يا أفندم ....هو المشهد ده كان ليه معني زمان وقت أفلام الأبيض و الاسود أيام بنج الاتير (Ether ) ساعتها مع كنش فيه استخدام واسع لمرخيات العضلات زاي دلوقتي و عليه كان المريض بيتنفس طبيعي من غير جهاز تنفس صناعي ....البالون ده مفروض بيمثل نفس العيان

المشكلة بقي إن المشهد ده بقي من الكليشيهيات و بقي بيستخدم بعد كده في أفلامنا الحديثة حتي في وجود جهاز تنفس صناعي في المشهد !!

[د هشام ابراهيم]

فبييجي دور المسكنات ودي مابقيتش تأثر فيا يعني زمان كنت أخد حباية كيتوفان خلاص الدنيا تبقى تمام دلوقتي 3 مابيعملوش حاجة

المهم انا سامع عن بخاخات المخدر الموضعي للأسنان

سؤالي هو هل برضو البخاخات دي من كتر الإستعمال الجسم بيتعود عليها وبعد كده ما بتأثرش فيه؟؟

ولا المخدر عامة الجسم ما ينفعش يتعود عليه

وهل في ضرر من استخدام المخدرات الموضعية عامة ولا الموضوع عادي

وألف شكر يا دوكـ

العفو يا صديقي العزيز

أولا نصيحة طبيب مجرب ....لما تاخد مسكن بلاش الأدوية المصري علشان ما بتشتغلش إلا بالبركة ......بس خلي بالك المسكنات الاجنبية حتشتغل و كمان حتسبب أثار جانبية (وجع بطن ...حموضة إلخ )

ثانيا بخاخات المخدر الموضعي مش حتشتغل لو فيه إلتهاب جامد .... و كتر استعمالها ممكن يبقى مضر ساعتها ..... بمعني في وجود التهاب بكتيري ...الالتهاب حيغير نسبة الحموضة (pH ) في الفم و اللثة ..... ساعتها المخدر الموضعي مش حيشتغل لانه محتاج درجة حموضة معينة علشان يشتغل و ينتج عنه تسكين للالم ..... العادي المريض يستخدمه أكثر آملا إنه يشتغل ...النتيجة كميات أكتر من المسموح بيها تدخل الجسم ....مش حتأثر في الالم لكن ممكن تعمل مشاكل

رجوعا لسؤالك الأستخدام المتكرر للادوية المخدرة و المسكنة خصوصا علي فترات متقاربة ممكن تخلي الأستجابة ليها أقل و بالتالي كل شوية نحتاج نزود الجرعة

ثالثا كلمة مخدر بتطلق علي مصنفات أدوية كتير و ساعات بيبقى فيه لبس لغوي ما بينها

- فيه مغيب للوعي .....hypnotic ....أنواع كتير منها اللي ممكن الجسم يتعود عليها مع الأستخدام المتقارب المتكرر ......من الأدوية ديه اللي بتتاخد عن طريق الوريد intravenous anesthetic

- فيه أدوية الالم المخدرة ......narcotic ..... مشتقات المورفين و أمثاله ....أدوية مسكنة للالم و ليه أثر علي درجة الوعي حسب الجرعة .....الأستخدام الخاطيء ممكن يؤدي للاعتياد و الأدمان

- فيه أدوية تخدير غازية .....inhalational anesthetic ..... ديه صعب الجسم يعتاد عليها حتي مع الاستخدام المتكرر

- مخدر موضعي .....local anesthetic و ديه تأثيرها بيبقى محدد علي منطقة معينة ....نظريا ممكن الأستخدام المتكرر يأثر علي استجابة الجسم لكن اكلينيكيا صعب تحصل

فيه أدوية تانية بتستخدم في التخدير زاي مرخيات العضلات و غيرها بيطلق عليها أدوية تخدير رغم انها ما لهاش أي تأثير لا علي درجة الوعي و لا علي تسكين الألم

تحياتي يا باشا

[د هشام ابراهيم]

انا متابعة لحضرتك واحنا فالخدمة يا افندم ((((( نسا وتوليد)))))))

وشكرا ;)

العفو يا دكتورة و سعيد بمتابعة حضرتك :Ahly:

[د هشام ابراهيم]

شكرا جزيلا على الرد المستفيض ..

ما قصدته بتغيير وضعها أنّها فى بداية العمليه كانت نائمه على الظهر ثمّ تمّ تغيير وضعها بعد التخدير لتنام على البطن ممّا أدى لخروج أنبوب الأكسجين من فمها لعدّة دقائق ..

العفو يا سيدتي الفاضلة و عذرا علي سوء التفاهم .... كلام حضرتك كده منطقي جدا .....مع تغيير وضع المريضة ممكن جدا أنبوبة التخدير تتحرك من مكانها أو تنفصل تماما عن المريض .....لو الحكاية ديه حصلت و لم تكتشف ممكن جدا تسبب مشاكل زاي اللي حصلت مع سعاد نصر

[الجدار]

العفو يا صديقي العزيز

أولا نصيحة طبيب مجرب ....لما تاخد مسكن بلاش الأدوية المصري علشان ما بتشتغلش إلا بالبركة ......بس خلي بالك المسكنات الاجنبية حتشتغل و كمان حتسبب أثار جانبية (وجع بطن ...حموضة إلخ )

ثانيا بخاخات المخدر الموضعي مش حتشتغل لو فيه إلتهاب جامد .... و كتر استعمالها ممكن يبقى مضر ساعتها ..... بمعني في وجود التهاب بكتيري ...الالتهاب حيغير نسبة الحموضة (pH ) في الفم و اللثة ..... ساعتها المخدر الموضعي مش حيشتغل لانه محتاج درجة حموضة معينة علشان يشتغل و ينتج عنه تسكين للالم ..... العادي المريض يستخدمه أكثر آملا إنه يشتغل ...النتيجة كميات أكتر من المسموح بيها تدخل الجسم ....مش حتأثر في الالم لكن ممكن تعمل مشاكل

رجوعا لسؤالك الأستخدام المتكرر للادوية المخدرة و المسكنة خصوصا علي فترات متقاربة ممكن تخلي الأستجابة ليها أقل و بالتالي كل شوية نحتاج نزود الجرعة

ثالثا كلمة مخدر بتطلق علي مصنفات أدوية كتير و ساعات بيبقى فيه لبس لغوي ما بينها

- فيه مغيب للوعي .....hypnotic ....أنواع كتير منها اللي ممكن الجسم يتعود عليها مع الأستخدام المتقارب المتكرر ......من الأدوية ديه اللي بتتاخد عن طريق الوريد intravenous anesthetic

- فيه أدوية الالم المخدرة ......narcotic ..... مشتقات المورفين و أمثاله ....أدوية مسكنة للالم و ليه أثر علي درجة الوعي حسب الجرعة .....الأستخدام الخاطيء ممكن يؤدي للاعتياد و الأدمان

- فيه أدوية تخدير غازية .....inhalational anesthetic ..... ديه صعب الجسم يعتاد عليها حتي مع الاستخدام المتكرر

- مخدر موضعي .....local anesthetic و ديه تأثيرها بيبقى محدد علي منطقة معينة ....نظريا ممكن الأستخدام المتكرر يأثر علي استجابة الجسم لكن اكلينيكيا صعب تحصل

فيه أدوية تانية بتستخدم في التخدير زاي مرخيات العضلات و غيرها بيطلق عليها أدوية تخدير رغم انها ما لهاش أي تأثير لا علي درجة الوعي و لا علي تسكين الألم

تحياتي يا باشا

دايماً تاعبينك معانا

ودايما صبور ومستفيض في الشرح كعادتك

انا خايف كمان شهرين أخد مكانك في المستشفى

لأ بجد والله شرح ممتاز

جزاك الله خير ويسرلك وجعل شفاء الناس على يديك

حبيبي يا دوكـ والله

[د هشام ابراهيم]

دايماً تاعبينك معانا

ودايما صبور ومستفيض في الشرح كعادتك

انا خايف كمان شهرين أخد مكانك في المستشفى :)

لأ بجد والله شرح ممتاز

جزاك الله خير ويسرلك وجعل شفاء الناس على يديك

حبيبي يا دوكـ والله

ربنا يديم المعروف يا صديقي و ما فيش تعب و لا حاجة ....ما تنساش إن الموضوع أصلا فكرتك يا زعيم :wub:

أنا كده كده سايب المستشفي ديه لواحدة تانية ..... برنامج مختلف تماما من أول يوليو إن شاء الرحمن ..... اتفضل سعادتك يعني تعال :) ....

[ايهاب سالم]

محمد فى «الدمرداش»: بنج زائد ثم وفاة إكلينيكية.. والجبلى لازم يتحرك

كتب أشرف غيث ٢٦/ ٥/ ٢٠٠٩ابتسامة صغيرة ودعت بها صغيرها محمد جمال محمدى، قبل أن يدخل غرفة العمليات، دون أن تدرى أنها المرة الأخيرة التى ستراه فيها، قبل أن يصبح مجرد رقم فى قائمة ضحايا الإهمال الطبى، الذين فقدوا حياتهم على أيدى أطباء إما بإهمال طبى أو جرعة بنج زائدة.

لم تدر سلوى إسماعيل سالم وهى تقنع صغيرها بأنها «عملية صغيرة وهتبقى زى الفل»، بأنها تودع صغيرها: «ذهبت به إلى مستشفى الدمرداش للأطفال لإجراء جراحة فتاق فى الخصية على نفقة الدولة، وأجريت كل التحاليل المطلوبة، وقرر الأطباء إجراء الجراحة، لكن بعد نصف ساعة من دخول صغيرى غرفة العمليات فوجئت بهم ينقلونه إلى الرعاية المركزة وهو فى غيبوبة تامة».

لم تعرف الأم ماذا حدث لأبنها سوى بعد ساعات، حيث طلب منها مسؤولو المستشفى سداد ٥٥ جنيهاً رسوماً، وعندما استفسرت عرفت بوفاة ابنها إكلينيكياً نتيجة جرعة بنج زائدة، لكن أحداً فى المستشفى لم يجب عن تساؤلاتها،

وتقول: «الجميع يتهرب منى، والغريب أن إدارة المستشفى تنفى دخول ابنى غرفة العمليات، وادعت فى تقريرها أنه جاء من المنزل فى حالة غيبوبة وتم إيداعه الرعاية المركزة مباشرة، والآن ابنى راقد بين الحياة والموت لا أعلم عنه شيئاً، لذا حررت محضراً بالواقعة فى قسم شرطة الوايلى، وفى انتظار تحرك د. حاتم الجبلى، وزير الصحة».

================================

اشرح يا زعيم

احنا مذاكرين

مفيش حاجه اسمها جرعة بنج زياده

يبقى ايه اللي حصل ?

برجاء ذكر مصدر الخبر

تم تعديل 26 مايو 2009 بواسطة Mohammad
التنبيه بضرورة ذكر مصدر الخبر

[د هشام ابراهيم]

اشرح يا زعيم

احنا مذاكرين

مفيش حاجه اسمها جرعة بنج زياده

يبقى ايه اللي حصل ?

الله أعلم يا كنج .... في غياب انظمة الامان و البروتوكولات الخاصة بسلامة المرضى ألف حاجة و حاجة ممكن تحصل و تسبب كوارث و مصايب

لا ده فيه كمان مهازل بتحصل غير معلومة و لا متوقعة و لا مفسرة...زي مشكلة غازات التخدير اللي حصلت في كذا مستشفى مؤخرا

اللي أقدر أؤكده انها مش جرعة بنج زائدة ...الجملة ديه في منتهى السذاجة لدرجة تثير الشفقة ... أشبه مثلا بلما تقول إن سبب التصادم ديناصور كسر الاشارة

المشكلة إنه في غياب الشفافية من ناحية و الجدية في التحقيقات سواء القانونية أو الصحفية من ناحية أخرى بقي أسهل إستخدام مصطلح عفا عليه الزمن من تغيير للاكليشيه المحفوظ

تحياتي يا باشا :angry:

[ايهاب سالم]

برجاء ذكر مصدر الخبر

http://www.almasry-alyoum.com/article2.asp...mp;IssueID=1417

[د هشام ابراهيم]

برجاء ذكر مصدر الخبر

http://www.almasry-alyoum.com/article2.asp...mp;IssueID=1417

صديقي الدوكيومنتد :angry: mc(:

[enjisultan]

اولا سلام عليكم دكتور هشام

طريقة شرح حضرتك سوبر بصراحة

انا عندى سؤال لحضرتك مش متاكدة من ان دا المكان المناسب بس

ها سالوا وخلاص

دلوقتى انا بقالى فترة باتعلم heart lung machine as a perfusionist

بمعهد ناصر فى وحدة جراحات القلب والصدر والموضوع لطيف يعنى وماشى الحال

السؤال هو بقى

هل فى شهادة او دبلومة متعارف عليها عالميا للموضوع الماكنة دى

يعنى ما خبيش عليك انا على مشارف انهاء ما جستير الجلدية والتناسلية :sad: والدكتورة

اللى اتعلمت منها الموضوع معهاش اى حاجة شهادات يعنى قصدى

ونص الناس بتفكر تاخود ماجستير تخدير

وواللهى فى ناس معاها دبلومة اطفال

طبعا هو تشتيت وانا مش عارفة هاكمل فى اى تخصص بس بم ان جت لى فرصة ان حد يعلمنى حاجة فقولت لما اشوف يمكن الموضوع يعجبنى

وطبعا حضرتك عارف ان هنا فى مصر بنتعلم كدة بالبركة

اسفة على الاطالة بس يهمنى راى حضرتك فى الموضوع

وتحياتى