العاشر من رمضان

[عنبو]

مدينة العاشر من رمضان اى نعم مدينه صناعيه نعم الدوله تعطى تسهيلات لرجال الاعمال علشان يعملوا مصانع عليها نعم الدوله تقوم بتوفير الكهرباء والمياه بسعر عادى نعم ده كله فى سبيل ان الناس المحترمين رجال الاعمال يقوموا بتشغيل ابناء مصر نعم حصل ويساعدوا فى حل ازمة البطاله ؟؟ ياترى يا هل ترى انتوا عارفين المرتبات ازاى فى العاشر ؟دى حاجه تكسف طيب ليه المرتبات تعبانه فى العاشر هلى علشان رجال الاعمال مش بيكسبوا ؟؟ او علشان يعنى مصاريفهم كتير ه ؟؟

انا كنت شغال فى مصنع فى العاشر وكان مرتبى 450ج + 150 حوافز وده طبعا على حسب التقيم ولو غبت يوم يتخصملى يوم من المرتب و10 % من الحافز ولو يومين يبقى ضاع الحافز يعنى ظلم عينى عينك والمرتب اساسا كده كده ضايع يعنى تقريبا بشتغل ببلاش طيب الشغل كام ساعه 12 ساعه واسبوع بالليل واسبوع بالنهار يعنى عذاب طيب واحد يقلى وانت ايه اللى جابرك على الشغل ده انت محتاج للدرجه دى هقوله لا والله انا الحمد لله بس انا المفروض اشتغل علشان اكون نفسى واكون ليا مستقبل ؟؟ طيب الراجل ده كان بسم الله ماشاءالله بيكسب فى الشهر لا يقل عن 2 مليون طيب ليه مكنش بيدى مرتبات وليه العاشر والمصانع فى مصر عموما مرتباتها تعبانه هقولك ان ده اتفاق بينهم ان ده المرتبات مش اكتر من كده يعنى احنا عبيد عندهم ؟؟ طيب انا لما سفرت اشتغلت فى شركه تقريبا بتكسب نفس المبلغ اللى الشركه اللى فى مصر بتكسبه طيب ليه ده بدى مرتبات حلوه والتانى مش بيدى مرتبات ؟؟ انا معرفش ليه كده هل علشان احنا مصرين مش المفروض نعيش الا فقرا والا نسافر بره

طيب انا لما جيت اسافر فرحت علشان اسيب الشركه اللى كنت شغال فيها فى مصر علشان خلاص مسافر فنزلت الحسابات علشان اقبض المرتب بتاعى مهو احنا كنا فى اخر الشهر وكان اول يوم فى رمضان وكنت شغال بالليل يعنى مطبق يومين منمتش علشان خاطر الشغل نزلت اقبض لقيت الاستاذ بتاع الحسابات بيقولى مرتبك موقوف اقولته ليه ده اخر شهر ليا وانا ماشى وبعدين انا مش قصرت فيكم اقالى لا ده امر من صاحب الشركه طبعا ده كان ليه علشان الراجل لما عرف عن طريق جواسسيه انى ماشى اتصل بيا وانا فى معمل الابحاث اقلى تعالى عاوزك نزلت لقيته عاملى عقد عاوزنى امشى عليه العقد ده كان كله فى مصلحته وكان فيه شرط بجد غاظنى اقوى وهو انى مسيبش المصنع واروح اشتغل فى شركه تانيه منافسه الابعد مرور تلات سنين على فترة سيبانى للمصنع طيب انا فى خلال التلات سنين دول هعمل ايه معرفش ؟؟ وان الراجل غير مسؤل عن اى اضرارا تحلق نتيجة للمواد اللى انا شغال فيها ؟؟وطبعا العقد لا مكتوب فيه مرتب ولا اجازه ولا اى حاجه ؟ اقولته لا انا مش همضى على اى حاجه اقلى خلاص ؟؟ ومشيت من الشركه فى اول يوم فى رمضان وهو كان صايم ومرضيش يدينى مرتبى واقولته حسب الله ونعم الوكيل حسب الله ونعم الوكيل اى نعم المرتب مش مستاهل بس برضه اهو حقى وكله عليا ؟؟

[بيرو]

يبقى انت اكيد فى مصــــــــــــــــــر