الرز المدعوم .. والشعب المحروم

[achnaton]

إذا صدق كلام مدير المجمع الأستهلاكى اللى صرح به لصفيحة سمسم " المساء " .. يبقى أحنا خلاص ناقص " الديول " يوزعها علينا سمير بالمجان .. أما إذا أتضح أن هذا التصريح أخذه السيد المدير من السيد الوكيل .. الذى سمعة من معالى الوزير .. يبقى عليك العوض يارب .. ونحتاج فى مصر مصل للتخلص من وباء التصريحات الوردية نتاج فيروس التصريحات " العبيدية " ..

600 ألف كيلو ارز يشتريها الشعب من مجمع واحد وفى يوم واحد يعنى فى 12 ساعة أمر يستدعى الأستفسار من حمار جحا .. يطلعوا اد إيه دول .. تقريبا 600 طن .. وحمولة العربية حوالى خمسة طن .. يعنى 120 عربية ولو أن المجمع بيشتغل 12 ساعة فى اليوم .. يبقى عشر عربات فى الساعة .. يعنى سرعة التصريف 50 طن فى الساعة .. ؟؟ وممكن يقول واحد من المعجبين " بغراب الخراب " يقول غلطة مطبعية بدل ما يقول سته طن حط صفرين زة ما بيعمل رئيس الوزارة فى إعداد ميزانية الدولة ؟؟ يبقى حنزعل ليه ..

وشوفوا الخبر بيقول إيه ..

..وبدأ طرح الأرز المدعم..بالمجمعات الاستهلاكية

البيع بسعر 145 قرشاً.. وبدون حد أقصي

الجمهور: النوعية ممتازة ونطالب بزيادة المنافذ

مدير مجمع: إقبال المواطنين هائل.. سحبوا 600 ألف كيلو خلال يوم واحد!!

http://www.algomhuria.net.eg/almessa/today/local/