وزير الصناعة المصرية .. والتصريحات الوردية

[achnaton]

كنت الى وقت قريب أكن تقدير كبير لوزير الصناعة د. على الصعيدى وكنت أقنع نفسى بتقديره واحترامه على الأقل لأنه صعيدى .. يعنى ولد عم .. ومن يومين فقط أتضح لى أنه انه " صعيدى مضروب " زى الدكتوراه بتاعة " غراب الخراب " .. فأنتم تعرفون أنى من قبيلة " القط يحب خناقه " وعشان كده جازفت واتفرجت على برنامج "أهلا وسهلا " فى القناة النفاقية المصرية .. وجدت ضيفهم يومها الدكطور على الصعيدى وقد أصابه بكل أسف " فيروس " التصريحات الوردية .. - ومن جاور الكذاب يكذب - وطبعا مفيش داعى أتكلم عن هذا الوباء الرهيب الذى نعانى منه منذ تمكن غراب الغراب من بناء عشه فى شارع مجلس الشعب .. بعد أن كان الجنزورى قد تمكن من هشه وطرده من المبنى ومعاه عشه ..

الصعيدى .. يومها اتكلم عن مصر الصناعية .. بالظبط زى هريدى قبل التعديل .. تكلم عن معظم الصناعات فى مصر .. واسمع كلامك أصدقك وأشوف أعمالك .... نك .. وستطول المداخلة إذا تكلمت عن كل اللى قاله .. ولكن الجملة اللى واقفة فى زورى إدعائه أن مصر تانى دولة فى العالم بعد البرازيل من تصنيع العصائر .. وزغرطى يا أم طاهر .. ويواصل حديثه مبتمسا - زى صاحبنا الوزير إياه - وكأنه استمع لتساؤل فيروزة المنتدىعن صناعة السبارات فى مصر .. ويؤكد معاليه أننا ننتج فى مصر حاليا 45% من مكونات السيارة .. وانا معاه فعلا اصبحنا ننتج هذه النسبة .. وهى عبارة عن صاج الأبواب .. والرفارف والكاوتش .. والحاجات دى اللى ممكن بيها ننتج عربية محلك سر زى سياسية حكومة الكساد .. أنتم فاكرين جحا لما راح حط تحويشه عمرة واشترى بردعه ... حالما أنه سيكون عنده يوما ما حمار !!!

أنا شفت فى الصعيد سيارات بدون ابواب .. وبدون رفارف يا معالى الوزير .. الصناعة الأساسية اللى كان ممكن الإعتماد عليها فى شد قاطرة التنمية الصناعية .. بدل ما تسندوها وتنموها .. خربتوها وبتبعوها وهى " سبك المعادن " كتمتم أنفاس علمائها ولفق حيتان الأستيراد كل ما يمكن من إتهامات لأقطابها .. لتنتهى فى مصر أدح دعائم النمو والتقدم .. وعشان إيه ؟؟ عشان كام مليون عمولة إستراد .. دتنا نيلة فى حظنا الهباب ..

والوقت عاوزين نعرف .. كأبناء ثانى دولة بعد البرازيل فى انتاج وتصدير العصائر .. عاوزين نعرف دخل الخزينة العامة من هذه الصناعة ..كام؟

أما الباقى عما تكلمت عنه نقلا عن التصريحات الوردية لغراب الخراب فلى عودة لأحدثك عنها .. وكما أقول دائما لخبير تخريب الأقتصاد ..

أيها الخجل .. أين حمرتك ؟؟؟

إنت فين يا مصرى .. ارمى الشوال اللى على ظهرك واظهر وبان وأمتعنا بمداخلاتك ...

أخناتون المنيا

[فــيــروز]

أنتم فاكرين جحا لما راح حط تحويشه عمرة واشترى بردعه ... حالما أنه سيكون عنده يوما ما حمار !!!

ايه ده !! زى اللى باع التليفزيون عشان يجيب الفيديو !!

على فكره يا استاذ اخناتون .. الوزير معاه حق .. ده حضرتك لو شفت كمية اعلانات العصير اللى مغرقه التليفزيون كان جالك تخمه من مجرد رؤيتها !! ده غير اعلانات الجبنه اشى اسطمبولى و اشى فيتا واشى بالفلفل واشى ابو من غير فلفل .. الحقيقه الجكومه مدلعانا آخر دلع ومش عارفين نحلم بايه ولا ايه لانه كل شئ موجود .. وش حولان

[زهــZــرة]

مصر تانى دولة فى العالم بعد البرازيل من تصنيع العصائر .

واول دولة في صناعة السمنة

ام نقطة

وام خط

والمكعبرة

والمكورة

والمدورة

وغيرها من الانواع الجبارة

ياللا خللى الشعب يتغذى