هل يمكن تحويل الزيارة العائلية لإقامة؟

[Alattar]

السلام عليكم و رحمة الله وبركاته

هذا الموضوع واجهني و واجه بعض الأخوة

أنا أعرف ناس بيخلصوها إنهم بيعرفوا يدخلوا خطاب للأمير وزير الداخلية

ولو وضع توقيعه علي الخطاب يبقي الموضوع ان شاء الله انتهي

وطبعا فيه معقبين بيعرفوا يخلصوها بفلوس.

سؤالي..لو أنا أقدر أعمل استقدام لزوجتي و معايا كل أوراقي

وزوجتي أصلا في الوقت الحالي معي في السعودية وكانت داخلة بتأشيرة زيارة عائلية

هل يمكن اني أحوللها زيارتها لإقامة بدلا من اصدار تأشيرة الاستقدام

اللي هتضطرها انها تنزل مصر و تيجي علي التأشيرة الجديدة.

هل فيه طريقة أخليها مقيمة معايا هنا من غير ما تنزل مصر و تيجي تاني؟؟

تم تعديل 15 أبريل 2009 بواسطة Alattar

[doha]

هي الطريقة الي قلت عليها الحل الوحيد انها تتحول اقامه وهي معاك هنا .. يعني تجيب خطاب من الامير احمد بالموافقة على تحويلها لاقامه وسمعت ان الخطاب ده ممكن تاخذه عادي بدون فلوس ولا حاجه يعني هو عامل له مكتب بيقابل فيه الناس وتقدم فيه طلب تشرح حالتك وان زوجتك معاك واعتقد والله اعلم لو مفيش مشاكل في مهنتك يعي مسموح لك بالاستقدام اصلا والحكايه بس انك عاوز توفر مصاريف السفر ( اعتقد ) هيوافق عادي ..

برضه لو زوجتك حامل ممكن تقدم طلب او شهاده طبيه ان السفر خطر على الحمل وفي الحاله دي اعتقد والله اعلم هيكون لك اولولية في تحويلها لاقامه وعلى اقل تقدير تقدر تمد لها التاشيرة مده طويلة جدا كاستثناء ..

لو مش عاوز وجع دماغ فاحسن حاجه نزلها مصر وترجع على اقامتك اسهل من البحث عن وسايط ويايرضوا ياميرضوش ..

[خالد شحاته]

اخي الفاضل

طبعا استحاله تعمل استقدام وتغير وضع زوجتك من زياره للاقامه الا عن طريق الدخليه

انما تستخراج تاشيره وزوجتك مش تخرج من البلد استحاله للازم تغادر علشان تدخل راسمي