شغل صيدلانيهبالسعوديه

[hammad]

معقول ماحدش رد عليه بعد ما قلت انا وجدت ضالتى هنايمكن عايزين توضيح اكتر انا زوجى ]حيشتغل فى جاممعه تبوك وانا مرافقه معاه وصيدلانيه بسأل لو فيه شغل للنساء الصيادله هناك تفاعلوا معىوالله يجازيكم خير]

[hammad]

الله يكرمكم عايزه الرديعنى الشغل بيكون فى الحكومه ولا لأ,انا اول مره اشترك فى منتدى لا تخيبوا ظنى

[بندق أفندى]

الله يكرمكم عايزه الرديعنى الشغل بيكون فى الحكومه ولا لأ,انا اول مره اشترك فى منتدى لا تخيبوا ظنى

ممكن باذن الله الشغل فى أى صيدلية داخلية للمستشفيات

[hammad]

بس على فكره جوزى مسافر بعقد ليه على انه مرافق ليه عشان يقدر ياخد الاجازه وانا اصلا مش بشتغل فهل العقد اللى مش حقيقى ده يمنعنى من العمل بالسعوديه

[doha]

بس على فكره جوزى مسافر بعقد ليه على انه مرافق ليه عشان يقدر ياخد الاجازه وانا اصلا مش بشتغل فهل العقد اللى مش حقيقى ده يمنعنى من العمل بالسعوديه

هو انا اعرف وحده زميلة والدتي صيدلانية وكانت بتشتغل في مستوصف حكومي في القسم النسائي بس طبعا بالنسبة لوضعك وان في عقد معاكي يعني على كفالة حد فعلا فمظنش هينفع تشتغلي في الحكومة لان اكيد دول بيشترطوا نقل كفالة ..

على كل حال جربي في المستوصفات والمستشفيات الخاصة دول مبيكتبوش عقود مع الموظفات ويمكن بيعاملوا الصيدلانيات بنفس الطريقة .. يعني لا هيشترط عليك نقل كفالة ولا يكتب لك عقد وفي المقابل ملكيش عنده اي حقوق غير راتب آخر كل شهر ..

بس على فكره اجمالا مرتبات السيدات في السعوديه بتبقى ضعيفه يعني ممكن تلاقي ان قعدة البيت افيد لك والوظيفة مش جايبه ثمنها ..

لو منفعش موضوع الوظيفة جربي تدي دروس لطالبات الجامعه او اي مرحلة تانيه .. يعني لو عندك موهبة في التدريس من بيتك تقدري تشتغلي وربنا يعينك ان شاء الله ..

وبالمناسبة ممكن تشتغلي في اي مدرسة خاصة بالذات لو معاكي لغه كويس ودول بياخذوا اي مؤهل مفيش مشكلة بس رواتبهم زي ماقلت لك ضعيفه يعني ممكن من 1500 الى 2000 ولو معاكي خبرة ممكن توصل بالكتير 3000 بس طبعا هيكون عليكي المواصلات وملكيش لا تذاكر ولا اي شيء تاني .. يعني لو بصيتي لها ان زوجك بيشتغل وان ده دخل اضافي ممكن تنفع معاكي العملية . وطريقة التقديم للمدارس انك بتعملي سي في وترسليها بالفاكس لكل المدارس الي تعرفيها ( بتجيبي عناوين وارقام المدارس من الصحف بيكونوا عاملين اعلانات عشان التلاميذ يقدموا فيها ) بتتركي السي في بتاعتك عندهم وبعد شهور هم هيردوا عليكي لان لهم مواسم في التعيينات بتكون اظن في شهر سبعه ميلادي يعني قبل بدايه التيرم الاول للسنه الجديده وبتكون برضه في نصف السنه اظن في شهر يناير او فبراير مش متاكده .. بس هم دائما بيدوروا على مدرسات قبل التيرم الاول وقبل التيرم الثاني ..

وهتلاقي وظايف تانيه في الصحف بس في تبوك مش عارفه الوضع ايه بس مظش الوظايف كتير بس هو النظام في السعوديه انك تتركي اوراقك ومتنتظريش حد يطلب موظفات لان ده بيكون نادر شويه .. انتي اتركي ورقك وهم هيتصلوا بيكي بعد مده بس زي ماقلت لك برضه متنتظريش راتب كبير اوي ..

تم تعديل 15 أبريل 2009 بواسطة doha

[hammad]

جزاكى الله خيرا ياجميل انا مبسوطه قوى بردك اللى نور طريقى وعرفنى حاجات كتيرواحب اعرفك ان كفاله زوجى تبع الجامعه والعقد بتاعى حيبقى كده وكده عشان يقدر ياخد بيه اجازه من الجامعه بس فمش عارفه حيبقى لى كفيل فى العقد ده ولا لأ و شكرا ياختى مره تانيه الله لا يحرمنى منك

[السيد توفيق]

انا موظف بتبوك بشأن وضعك سيدتي يرتبط على مؤهلك العلمي هل أنتِ صيدلانية قانونية مثلا ( بكالوريوس - ماجستير - دكتوراه )

ممكن تعملي بالاكاديمية الصحية النسوية بتبوك وممكن تتعاقدي مع المستشفى العسكري وممكن تتعاقدي مع مستشفى خاص

اما الصيدليات الخارجية فهي لاتوظف النساء بل 100% منهم صيادله رجال

وبشأن وضعك فالمرأة التي ترافق زوجها بدون عقد عمل تكون دائما على كفالة زوجها وليس كفالة دائرة حكومية وعندما تصدرك لك اوراق الاقامة سيكتب بها تحت كفالة زوجها كذلك الابناء اقل من 18 سنة

تم تعديل 18 أبريل 2009 بواسطة السيد توفيق

[hammad]

انا حاصله فقط عاى بكالوريوس فهل الشغل اللى بتقول عليه سهل الحصول عليه والراتب فى حدود كام وهل بعيد عن الرجال ليس فيه اختلاط وجزاك الله خير