مصر ما بين الماضي التاريخي و الحاضر غير معلوم الملامح و المستقبل

[MoHaMMeD EgYpT]

بسم الله الرحمن الرحيم

والله انا بشوف اننا المصريين معظمنا ده اذا مش كلنا بنفتخر اننا اجدادنا الفراعنة و هما اللي بانوا الاهرامات و بنفتكر بتاريخنا و بنفتكر اننا طردنا الفرنسيين و الانجليزي و ........ الخ طب نفسي اعرف حاجة واحدة التاريخ فايدته ايه يعني ادينا بنفتخر بيه بس سؤال هو احنا اللي عملانه دول اللي عملوه ماتوا يعني مش احنا ليه بقا بفتخر مش مهم الحتة دي المهم طالما بنفتخر بتاريخنا قوي كده ليه ما نحاولش نعمل تاريخ لينا احنا كمان تاريخ يتشرف بيه اولادنا لكني صراحة لحد دلوقتي مش شايف اننا عملنا حاجة تدخل في التاريخ بعد حرب 6 اكتوبر يعني انا بشوف اللي اكتشف وقود الماء و اللي و اللي لكن احنا انا بشوف اللي مش عارف قتل مين و اللي سرق مين مافيش غير يمكن مرة ولا اتنين شوفت ناس ابتكرت حاجة ولكن مجرد خبر يا ريته بنفس البنط بتاع الجرائم و الاخبار التانية لا ده اقل

نفسي اعرف دلوقتي هو احنا عملنا ايه يدخل التاريخ ده انا شايف اننا لحد دلوقتي بسم الله ما شاء الله لسا عايشين في عصر الثمانينات و التسعينات مافيش غير شوية اختراعات كده زي مترو الانفاق و شوية حاجات تانية و الكمبيوتر اللي معظم البلد جايبه للشاتات و النت

يا تري لما نبقي ماضي هنبقي ايه ؟؟

يا تري اولادنا و احفادنا هيفتخروا بايه ؟؟

يا تري مصر هتفضل كده لحد امتي ؟؟ يعني انا شايف ان بسم الله ما شاء الله ان عصر الانفتاح جه علي مصر ضايعها و الدول التانية قدمها لكن مصر اخرها

نرجع شوية لوراه في الماضي في الخمسين سنة اللي فاتوا انا شايف ان مصر كانت متقدمة بسم الله ما شاء الله و ظهرت زبالة الدولة اسرائيل و مصر اتحولت لجمهورية يعني الشعب يحكم نفسه و امريكا ابتديت تطور في نفسها و انجلترا و ظهرت دولة البنغلادش تقريبا بعد ما انفصلت عن باكستان و اتحررت دول الخليج و دخلوا عصر البترول و الانفتاح و ظهرت دول تانية برده في ال50 سنة دول و اتحررت دول كتير من الاستعمار و ظهرت حقوق الانسان و حاجات تانية كتير و استطاعت اسرائيل في وقت قياسي جدا انها تطور في نفسها في 25 سنة تقريبا قدرت انها تمتلك اقوي جيش في العالم لكن بسم الله ما شاء الله المحروسة مصر هزمتهم و بعد كده عملنا معاهدة ديفيد كامب و السادات مات الله يرحمه و بعد كده اللي عمل الضربة الجوية و كان وحش في حرب 6 اكتوبر معا انه كان حتة طيار اوهو حظوظ بقا النائب و بعد السادات مسك الحكم و ابتدي عصر مبارك و التاخر ابتدي في الاول شريف بعد كده اسود شوية بشوية و بعد كده بدل ما مصر تتقدم ابتديت تتاخر و اتوقفت تقريبا علي عصر الثامنيات و التسعينات مافيش غير شوية اشياء ظهرت في مصر من العصر الحديث و مصر التي كانت صاحبة القاهرة ذات الالف مائذنة بقت بتاعت احمد عدوية و الدنيا زحمة :blink: بعد كده ظهر سعد الصغير و هيفاء وهبي و دبور و ناسني عجرم و بعد كده بووووووووووووم برج التجارة اللي في امريكا انفجر و امريكا اتقفلت علينا بالضبة و المفتاح و بقينا ارهابيين علي لسان كل اجنبي معا اننا ملناش دعوة و مستر اسامة بن لادن السعودي هو السبب لكن سبحان الله مقسم الارزاق يعيطهم كمان و كمان و يحبب فيهم امريكا اللي بتقول علي العرب ارهابين معا ان الارهابين ماجوش غير من السعودية يعني سبحان الله اكنهم كانوا بيتحججوا لينا و بعد احداث سبتمبر ابتدوا يعيدوا اللقطة بتاعت الحدث ده فوق المليون مرة لمدة سنة تقريبا و العرب فرحانين و المصريين يقول الله عليك يا بن لادن و بعد كده مصر اتوقف تاريخها ولا حس ولا خبر عن تاريخ مصر

احنا بدل ما نتقدم بقينا بنتاخر اما الدول التانية كلها بقت بتتقدم يعني احنا لو قلنا علي نفسنا دولة افريقية فيها مجاعة زي الصومال و البلاد دي اقولكم هي فين المجاعة دي ؟؟ و الاحساس بمسئولية الفرد خلاص انتهي و الكسل بقا السمة الاساسية لينا

في ال10 سنين الاخيرة بصراحة اتاخرنا جامد اوي و بقينا بنصحه نقراء جريدة الاهرام و نروح علي الشغل نرجع نتفرج علي التلفزيون علي روتانا سينما و مليودي افلام او القناة الاولي المصرية او الجزيرة او العربية او نجيب قناة المجد للقران و بعد التلفزيون و الغذاء و الذي منه نروح ننام و الايام شبه بعضها و في الويك اند اقصد الجمعة و السبت نصحه متاخر و نصلي الجمعة و نتفسح شوية و التلفزيون و النوم و طبعا كله ده فيه بند اسمه الاكل و نفس الروتين ده تقريبا لمعظم الناس الا بقا من رحم ربي ده كله طبعا بعد اخذ الباكلريوس في اي شئ و بعدها نفرح و نرقص و نغني اننا خلاصنا دراسة و كله بالحفظ ولا احنا فاهمين حاجة الا برده من رحم ربي

يعني فيه في مرة قررت تشتري كتاب مش مجلة و تقراه علشان تستفيد اكيد فيه ناس بتعمل كده بس كام في المية تقريبا اقل من 10 % و الباقي هيقولك خسارة نجيب اكل او نوفر احسن

مش علي الكتب بس احنا بقينا رفضين نغير الواقع ده اما الغرب و اسرائيل هو ده سبب تفوقهم

تقدروا تقول لي لو لا قدر الله الاهرامات اتهدت يبقي احنا بقا عندنا ايه ؟؟ nothing يعني بالعربي مافيش

جميع المصريين فرحانين بحديث الرسول (ص) اللي فيما معناه ان مصر فيها خير اجناد الارض و برده المصريين فرحانين ان مصر ذكرت في القران بس احب اطمنكوا ان مصر اللي ذكرت في القران و اللي كان علي حديث الرسول (ص) كانت في نفس البقعة الجغرافية بس ماكنش فيها نفس الناس الله اعلم باللي كانوا فيها يا عالم كانوا زينا كده بصراحة ما اظنش

بجد هنصحه في يوم هنلقي نفسنا ما بقناش حاجة و كله هيضيع من ايدنا يعني لحد دلوقتي ممكن نلحق نفسنا لكن بكره يا عالم انا مش عارف احنا امتي هنفوق من الغيبوبة دي لما مصر تتاخد مننا او لا قدر الله تخرب ولا انا عامل زي اللي بياذن في مالطا

تم تعديل 15 أبريل 2009 بواسطة MoHaMMeD EgYpT