MZohairy يغزو كندا - شكر و امتنان لبعض اخواني في المحاورات

[MZohairy]

congratulations MR ZOhairy sorry Iam so late I am so happy for you and your family I wish you more success

كتر خيرك يا صفاء

[MZohairy]

السواق كلمنا النهارده الساعه 1 الضهر و قالنا انه حيكون تحت البيت بكره الساعه 7 و 48 دقيقه .....

واخدين بالكم؟ 7 و 48 دقيقه

و 48 دقيقه

انا اوتوبيس المدرسه كان بياخدني دايما و بييجي من 7 ل 8

انما حكاية و 48 دقيقه دي اللي انا مش فاهمها hypr:

طب ليه مش 8 الا ربع؟

او 8 الا 10 ؟

خلينا نستنى لما نشوف حييجي بكره الساعه كام hypr:

عشان لو جه 8 الا 10 حرفع عليه قضيه بسبب ما عانيناه من انتظار

اضطريت اظبط الساعه امبارح بالثانيه على ساعة التليفزيون

تصدقوا بالله؟

الراجل كان قدام البيت الساعه 7 و 47 دقيقه و شوية ثواني hypr:

اقسم بالله ان هذا حدث و الله على ما اقوله شهيد

[forgiving lady]

you are right sir thanks so much for ur advice

and wish u the of luck

[MZohairy]

يوميات سريعه

-النهارده ربنا اكرمني و اول مره اشيش في فانكوفر

الفحم بيولع بسرعه قوي من كتر الاكسجين اللي طالع من الزرع

- تيقنت ان الطريقه الوحيده اللي ممكن اشوف بيها القنوات المصريه هي اني اشترك في باقة الايه آر تي من امريكا و اللي قامت و شفرت معظم القنوات العربيه الكويسه و بيتكلف الدش و الريسيفر و التركيب و الاشتراك لمدة سنه في الباقه قرابة ال 900 دولار كندي

اما القنوات الفري تو اير (ببلاش يعني) هي السودان 1 و السودان 2 و العراقيه و اليمن و الشارقه و السعوديه

- خطيب صلاة الجمعه النهارده كان هندي

- كيلو الكاجو ب دولارين و نص تقريبا

- اسعار السيارات المستعمله ارخص كثيرا من الخليج

بس مؤقتا

[alaashabana]

هل الشيشة فى كندا بتختلف عن الشيشة فى مصر او الامارات ...؟؟؟ :lol:

[MZohairy]

هل الشيشة فى كندا بتختلف عن الشيشة فى مصر او الامارات ...؟؟؟ :lol:

طبعا يا علاء :blink:

الشيشه في كندا شيشه كندي

أما اللي في الامارات بتبقى اماراتي :lol:

حجر المعسل التفاح ب 10 دولار كندي

يعني حوالي 30 درهم اماراتي

يعني حوالي 45 جنيه مصري :)

بس على فكره

فيه في الامارات حتت بتبيع الحجر ب 50 درهم

[جيمي]

- كيلو الكاجو ب دولارين و نص تقريبا

- اسعار السيارات المستعمله ارخص كثيرا من الخليج

بس مؤقتا

اطربنا كمان اطربنا .......ربنا يطمنك يا mzohairy .

كاجو وعربيات.......احمدك يا رب.

[MZohairy]

انا خدام المهاجرين و اللي ناويين على الهجره :blink:

[~Heba~]

يوميات سريعه

-النهارده ربنا اكرمني و اول مره اشيش في فانكوفر

الفحم بيولع بسرعه قوي من كتر الاكسجين اللي طالع من الزرع

ليه كدة يا زوهيرى :lol:

حتضيع صحتك و شبابك يا ود عمى :blink:

يالا استهدى بالله و انوى و بطلها و ندرة وجودها هناك هيساعدك

مقلتليش الكنديين إيه رأيهم فى الشيشة

طبعا هى شكلها مجايب العرب بس عبروا بيها البحار لوثوا الجو بالدخان هناك :lol:

[MZohairy]

يوميات سريعه

-النهارده ربنا اكرمني و اول مره اشيش في فانكوفر

الفحم بيولع بسرعه قوي من كتر الاكسجين اللي طالع من الزرع

ليه كدة يا زوهيرى :)

حتضيع صحتك و شبابك يا ود عمى :blink:

يالا استهدى بالله و انوى و بطلها و ندرة وجودها هناك هيساعدك

مقلتليش الكنديين إيه رأيهم فى الشيشة

طبعا هى شكلها مجايب العرب بس عبروا بيها البحار لوثوا الجو بالدخان هناك :lol:

يا بنتي العربي بيفضل عربي :)

و مصر حتفضل غاليه علينا

و بعدين يا هبه هما نفسين الشيشه دول هما اللي حيلوثوا كنكا؟

ابدا

ده حاجه كده زي عربيات رش الناموس

بتلوث الجو لكن بتفيد المجتمع :lol:

[~Heba~]

يا بنتي العربي بيفضل عربي :lol:

و مصر حتفضل غاليه علينا

و بعدين يا هبه هما نفسين الشيشه دول هما اللي حيلوثوا كنكا؟

ابدا

ده حاجه كده زي عربيات رش الناموس

بتلوث الجو لكن بتفيد المجتمع :blink:

يا سيدى احنا ملناش دعوة بكنكا

الحقيقة انه كنكا تشرفت بزوهيرى و عايزين نحافظ على حياته :lol:

لا بكلم جد على فكرة..حاول تبطلها

كل ما تشوف ولادك و هما ما شاء الله كبار بس فكر فيهم وفى المستقبل لوحصلك حاجة لا قدر الله مرض او تعب من الدخان بأنواعه

[MZohairy]

على رأي المرحومه ليلى مراد

حجرين و انا حايل فيك

دخان الشيشه يوناديك

يا سبب تدخيني

دخانها عاميني

حجرين

[خالد المسلم]

ليه كدة يا زوهيرى

حتضيع صحتك و شبابك يا ود عمى

يالا استهدى بالله و انوى و بطلها و ندرة وجودها هناك هيساعدك

مقلتليش الكنديين إيه رأيهم فى الشيشة

طبعا هى شكلها مجايب العرب بس عبروا بيها البحار لوثوا الجو بالدخان هناك

السلام عليكم ورحمه الله وبركاته

ليه بس يا حاج زهيرى انا بضم صوتى لصوت الاخت هبه ...كده ارتفع عدد الاصوات اللى عاوز اخ زهيرى يبطل الشيشه

بطلها يا عم الحاج ...انا نفسى تيجى وتقعد معايا ساعه فى الصيدليه وتشوف كميه ادويه الكحه بانواعها اللى ببعها بسبب الهبابه ده

ده الشيشه اخطر من السجاير

عموما لو مش عشان التلوث

يبقى عشان صحتك ,,,,,,لا المنتدى عاوز صحتك عال على طول عشان تمتعنا بموضوع MZohairy يغزو كندا

وغير كده وكده ...اهم حاجه بقى انها حرام

سبتكوا بعافيه .....

[MZohairy]

والله العظيم يا خالد ان دي اول شيشه اشربها امبارح من اكتر من شهر

ده غير اني مش بشيش عمال على بطال يعني

دي هي مجرد حجر كل اسبوع ولا كل عشر ايام

و طبعا لو قدرت ابطلها خالص يكون افضل

و ربنا يكرمك انت و هبه على النصيحه و يحطها في ميزان حسناتكم يا رب

[bent misr]

يوميات سريعه

-النهارده ربنا اكرمني و اول مره اشيش في فانكوفر

الفحم بيولع بسرعه قوي من كتر الاكسجين اللي طالع من الزرع

- تيقنت ان الطريقه الوحيده اللي ممكن اشوف بيها القنوات المصريه هي اني اشترك في باقة الايه آر تي من امريكا و اللي قامت و شفرت معظم القنوات العربيه الكويسه و بيتكلف الدش و الريسيفر و التركيب و الاشتراك لمدة سنه في الباقه قرابة ال 900 دولار كندي

اما القنوات الفري تو اير (ببلاش يعني) هي السودان 1 و السودان 2 و العراقيه و اليمن و الشارقه و السعوديه

- خطيب صلاة الجمعه النهارده كان هندي

- كيلو الكاجو ب دولارين و نص تقريبا

- اسعار السيارات المستعمله ارخص كثيرا من الخليج

بس مؤقتا

والله عمار يا كندا الحبيبه

طبعا أنا مش عاوزه أقولك با أخ زوهيري كيلو الكاجو

بكام في مصرنا الغاليه

يللا ربنا يسامحهم بقه

متابعه لليوميات الجميله دي

وياريت تبطل الشيشه :blink:

متهيألي حضرتك ندمت لأنك قولتلنا على موضوع الشيشه ده

[ناوية ع الهجرة]

-النهارده ربنا اكرمني و اول مره اشيش في فانكوفر

استاذ زهيري مستمتعين بيوميات حضرتك السريعة وياريت تفاصيل وصور اكتر

بس سامحني انا معترضة على الجملة دي

ربنا يكرمك ويوفقك تحياتي

[MZohairy]

اسكتوا....

مش موضوع الشيشه ده كان هزار؟؟ :blink:

انا كنت بعمل فيكوا كذبة ابريل بس ضربت معايا لنص مايو عشان فرق التوقيت :sad:

انا يا جماعه لم امسس اي شيشه في حياتي :P

و قريبا حجيبلكوا صور بيرنابي ماونتنز

صور حتنسيكوا كل اللي شفتوه في كندا

wst:: wst:: wst::

الراجل اللي بيدخن فوق ده مش انا -_-

[Nassarlink]

-النهارده ربنا اكرمني و اول مره اشيش في فانكوفر

الفحم بيولع بسرعه قوي من كتر الاكسجين اللي طالع من الزرع

عندي ليك دواء امريكاني جديد لسه نازل مصر من اسبوعين

ومش غالي

الكورس ثلاث شهور ب 1200 جنيه مش غالي طبعا بالنسبه لتكاليف شرب الدخان

تم تعديل 17 مايو 2009 بواسطة Nassarlink

[hamoudi]

انا خدام المهاجرين و اللي ناويين على الهجره :blink:

الا خ العزيز زهيري

ممكن تعمل لنا ميزانية للعيش فى فانكوفر

[~Heba~]

متهيألي حضرتك ندمت لأنك قولتلنا على موضوع الشيشه ده :sad:

و انتى الصادقة ندم على اليوم اللى عرفنى فيه wst::

معلش يا زوهيرى امسحها فيا المرة دى

و بلاش تكدب تانى wst::

و مستنين صور البيرنابى ماونتز دى :blink: