MZohairy يغزو كندا - شكر و امتنان لبعض اخواني في المحاورات

[safar]

ما أقصده هو الكتب المقررة يعني هذه الكتب هل أستطيع أن أجد موقع وأعمل لها تنزيل على الحاسوب عندي لدراستها ، أم لا؟

ورمضان كريم

مع تحياتي للجميع

[Phizer]

ايه الاخبار الحلوة دي يا زهيري ربنا يتقبل والف مبروك على الشغل

[MZohairy]

بعض الصور لصلاة التراويح امبارح في مدينة الجن و الملائكه

و دي قاعة الافطار بالمسجد

[hazemtara]

صور جميلة يا موزهرى

والله فرحتنى كتير أنة فى كندا جالية مسلمة بتحاول تصلى وحريصة كدة على الدين فى شهر رمضان.

كل عام وأنت بخير

[safar]

جزاك الله خيراً على هذه الصور يا أخ زهيري،

هل الصلاة هذه في أحد المساجد أم المصليات؟ وهل هنالك في هذه الأيام من يقوم بالأعتكاف في المسجد؟ وإفطار الصائم من الذي يتبرع به للذين في المسجد؟ وهل يتم التنسيق في البلد الواحد ليتم الإفطار الجماعي للعائلات المسلمة؟

ولا تنسونا من دعائكم الصالح في هذه الأيام المباركة العشر الأواخر من رمضان المبارك.

مع تحياتي للجميع

[مراد أنور]

صور جميلة خالص يا أستاذ زهيرى

ربنا يشرح صدرك كما شرحت صدورنا بهذه الصور :happy:

ويبارك لك فى أسرتك :)

[MZohairy]

صور جميلة يا موزهرى

والله فرحتنى كتير أنة فى كندا جالية مسلمة بتحاول تصلى وحريصة كدة على الدين فى شهر رمضان.

كل عام وأنت بخير

جزاك الله خيراً على هذه الصور يا أخ زهيري،

هل الصلاة هذه في أحد المساجد أم المصليات؟ وهل هنالك في هذه الأيام من يقوم بالأعتكاف في المسجد؟ وإفطار الصائم من الذي يتبرع به للذين في المسجد؟ وهل يتم التنسيق في البلد الواحد ليتم الإفطار الجماعي للعائلات المسلمة؟

ولا تنسونا من دعائكم الصالح في هذه الأيام المباركة العشر الأواخر من رمضان المبارك.

مع تحياتي للجميع

صور جميلة خالص يا أستاذ زهيرى :happy:

ربنا يشرح صدرك كما شرحت صدورنا بهذه الصور :blush2:

ويبارك لك فى أسرتك wst::

اشكركم جميعا و كل رمضان وانتم طيبين و في افضل الاحوال

هذا هو احد مساجد فانكوفر و بالتحديد في مدينة برنابي في فانكوفر الكبرى

و لا يوجد اعتكاف في المساجد حيث تتم صلاة التراويح 20 ركعه بعد العشاء ثم تتم صلاة التهجد في حدود الساعه الواحده و النصف صباحا

التبرعات من الجاليه المسلمه هنا طبعا هي اساس التمويل لكل الانشطه

و بالطبع توجد جهود تنسيقيه لدعوة الصائمين للافطار في مقر المسجد

كل سنه وانتم طيبين :D

[أحمد سيف]

يا ريت يا حاج محمد تحكيلي شويه على مدينة برنابي دي أصل فيها جامعه كويسه اسمها Simon Fraser University ناوي أقدم فيها من بين جامعات ثانيه في كندا

[MZohairy]

يا ريت يا حاج محمد تحكيلي شويه على مدينة برنابي دي أصل فيها جامعه كويسه اسمها Simon Fraser University ناوي أقدم فيها من بين جامعات ثانيه في كندا

والله يا احمد بيرنابي من اجمل مدن بريتش كولومبيا و هي مجاوره تماما لفانكوفر

يعني زي الجيزه و القاهره كده بالضبط

بس تقدر تقول انها ارخص الى حد ما في السكن

و بصراحه بتعجبني كطبيعه اكتر من فانكوفر

[safaalabana]

كل سنه وانت طيب يااستاد زوهيرى والسنه الجايه تكون ناجح فى المعادله يارب وعقبال مانيجى لجنة الله فى الارض ادعى لنا معاك

[MZohairy]

كل سنه وانت طيب يااستاد زوهيرى والسنه الجايه تكون ناجح فى المعادله يارب وعقبال مانيجى لجنة الله فى الارض ادعى لنا معاك

وانتي بألف صحه و سلامه و راحة بال يا فندم

و بريتش كولومبيا تنور

[amr]

الاستاذ زهيرى

كل عام وانت والاسرة بخير وسعادة دايما" ان شاء الله

كنت عايز اتاكد من حاجة بخصوص مدارس الاولاد. لو سافرنا قبل بداية السنة الدراسية. هل مطلوب شهادة اتمام السنة الدراسية من المدرسة السابقة؟ وهل حتفرق لو احنا جينا فى السنة الدراسية؟ يعنى اذاى حيعرفوا الاولاد كانوا فى اي صف دراسى؟

وشكرا"

[MZohairy]

الاستاذ زهيرى

كل عام وانت والاسرة بخير وسعادة دايما" ان شاء الله

كنت عايز اتاكد من حاجة بخصوص مدارس الاولاد. لو سافرنا قبل بداية السنة الدراسية. هل مطلوب شهادة اتمام السنة الدراسية من المدرسة السابقة؟ وهل حتفرق لو احنا جينا فى السنة الدراسية؟ يعنى اذاى حيعرفوا الاولاد كانوا فى اي صف دراسى؟

وشكرا"

وانت بالصحه و السلامه يا عمرو

هم بيقيموا الاولاد من خلال 3 حاجات

السن

و اختبار تقييم اللغه الانجليزيه (او الفرنسيه في كيبك)

و الشهادات اللي معاهم

بس عموما حتى لو وصلتوا قرب انتهاء العام الدراسي برضو حيدخلوهم السنه المناسبه لعمرهم و شهاداتهم و لغاية ما يعملولهم امتحان الانجليزي...بعدها يعاد تقييم السنه اللي حيدخلوها العام الدراسي القادم

[Nassarlink]

شكرا يا زهيري علي الصور الجميله دي

وياريت تتابعنا دايما بصور

نصار

[مراد أنور]

يا ترى إيه أخبار الشغل يا أستاذ محمد ؟ :blush2:

ومواعيد العمل يعنى بتشتغل كام ساعة ؟ :lol:

وأصدقاء العمل كيف إستقبلوك بينهم ؟

ممكن تحكيلنا

[غريق]

ايوه يا استاذ زوهيري

ياريت تحكيلنا

[moheltohamy]

معادلة أراها قاسية ومؤلمة......نحن نقايض على عمرنا بالمال ......وما أبخسه من ثمن !!

تعليق مؤلم يا عزيزي... مش عاوز أقول لك إن قلبي انقبض وانا باقراه :sad:

لسّه من كام دقيقة كنت باكلم واحد صاحبي في إدمونتون ، واتفق معايا لما قلتله (الفلوس في الخليج ، لكن الحياة في كندا) :ninja:

جات كلمتك دي كمّلت عليّا :blink:

اللي عاوز أؤكدهولك ، إني منتظر على أحر من الجمر تعليقك مع بداية وصولك كندا. بجد هاستناه.

وما زلنا متابعين.

النهارده يا محمد رحت حته اسمها بيرنابي ماونتنز

و هي جبل عالي جدا بيطل على فانكوفر كلها من فوق

و تشوف من فوق كل جبال فانكوفر الخضراء الشامخه و السحب البيضاء تغطي اعلاها بكثافه

و من تحتها مياة المحيط الشديدة الزرقه

منظر غير طبيعي لدرجة اني حسيت انها زي الجنه و حسيت اني قريب من ربنا

و رجعت قلت كلامك....الفلوس في الخليج و الدنيا في كندا و مصر هي أمي

المشاركة دي يا جميل ما ينفعش تتساب كده ونمشي... فين العقد؟

قصدي ... فين الصور؟!

[mkassem]

ما يقال عنه انه بلدنا ,ضاقت علينا

مش موضوع فلوس ولا اهل ولا دين

الموضوع اننا مش عايشين احنا بيعدي علينا اليوم كانه سنه

انا عايز اروح كندا مش عشان اخذ الجنسية بس عشان احس بكرامتي احس اني ممكن اعترض لما اشوف حاجة

غلط احس اني مش لازم ارشي ولا لازم اسكت عن الظلم

امبارح كانو جايبين في الجزيرة الوثائقية فيلم عن بناء الاهرامات

قد ايه هذا الشعب من ايام الفراعنة و هو ساكت و بيشتغل اي حاجة حتى لو مفيش هدف

قناة السويس

السدالعالي

الحروب

مشروع توشكى

و غيره و غيره و غيره و غيره.................

وبردو محدش بيتكلم

كفاية بقى

حتى لو في تمييز عنصري في كندا و لا في الغرب

مااحنا عندنا تمييز بردو

مش مسلم و مسيحي

لا

ضباط و مستشارين و ولاد ناس واصلة

مش دة بردو تمييز

كفاية

[safar]

الأخ/ محمد زهيري،

ما هي اخبار معادلة الشهادة CGA اين وصلت بها ، يا ليت تخبرنا عن كل جديد في هذا المجال، لأنني ناوي بإذن الله اتوسع بعد وصول الميديكال.

مع تحياتي للجميع

[ehabtaher]

اشكر اعضاء المنتدى الرواد فى الهجره على تعبهم وقعدتهم قدام شاشه الكمبيوتر لتخفيف قلقنا فى موضوع الهجره والمعادلات وخلافه

لكن اللى مالهوش اصحاب فى كندا حتى الان ومكانش بيفكر قبل كده فى الهجره الا لما شاف المنتدى بتاعكم

واللى زيه زي د محمد الشامى بس مالهوش معارف فى كندا حيشتغل هناك ايه

يعنى دكتور اشعه زى د الشامى ناوى يشتغل ايه هناك

كل مصر عايزه تهاجر وتشتغل بس صعب جدا ان الواحد يهاجر ويقعد عاطل

الواحد على الرغم من انه بيشتغل دلوقت دكتور لكن انا عندى قناعه ان العمل مش عيب مهما كان نوعه بس يكون حلال وغير مهين جسديا الواحد برضه اصبح عضمه كبيره

ولولا العيال الصغيره اللى فى رقبته مكانش يفكر فى حل لتعليمهم وعيشتهم فى مكان يحترم ادميتهم

وكلنا عارف ان الواحد فى بلده اللى اتولد فيه ليس له كرامه وعارف مقدما انه لو مكانشى لينا كرامه فى كندا فده مش عيب كندا ولكن عيب اللى رمانا على المر وهو الامر منه

وعلى فكره هو مش مر والا حاجه (بشروط)

اهم حاجه فى الغربه انك تلاقى شغل صح والا لا

واكتر ناس مفتوحه ليهم الهجره هى الاطباء ولكن اصعب ناس فى العمل هم الاطباء برضه لانهم لن يعملوا الا بعد المعادله ولن يحصلوا على المعادله الا بعد طول عذاب والا ايه