MZohairy يغزو كندا - شكر و امتنان لبعض اخواني في المحاورات

[زعلان]

تقريبا الساعة دلوقتي 12 الا تلت بتوقيت فانكوفر يعني زمان زهزه بياكل رز مع الملايكه

[hamoudi]

وصلنا من دبي الى اثينا في 5 ساعات تقريبا و بعدها انتظرنا في المطار قرابة ال 3 ساعات

بعديها على طول خدنا طياره لتورونتو في قرابة ال 11 ساعه

عملنا اللاندينج هناك و خلصنا كل الاجراءات في قرابة ال 20 دقيقه

و قعدنا ليله في تورونتو و كانت برد حبتين تلاته اربعه خمسه و بتمطر جامد

و روحنا زياره لشلالات نياجرا على بعد 150 كيلو تقريبا

الظريف ان النص الامريكي من نياجرا موجود في بلد اسمها بافالو (يعني جاموسه) و افتكرت مطعم الجحش الله يمسيه بالخير بتاع الفول في السيده زينب و اطمئن قلبي الى ان الاسامي العره مش عندنا بس :lol:

تاني يوم الصبح ركبنا طياره من تورونتو لفانكوفر في 5 ساعات تقريبا

و على رأي المرحوم عبد الحليم حافظ في رائعته موعود

و ابتدا ابتدا ابتدا المشوار !!!

سنعود ان شاء الله بباقي المغامرات قريبا

احسنت التعبير بس احب اضيف اضافه صغيره فى امريكا  ده اسم منطقه ويمكن اسمها كده علشان  هي منطقة للبافالو يعني مش مسمين بنى ادم باسم الجحش وعلى فكرة فى بغل برده بتاع فول وطعميه يعني مش الجحش الى اتزنق فى الاسم الغبي ده فى بغل وفى الحرامي كمان

[حسام يوسف]

البلدة الأمريكية بافالو دي كان جابها في فيلمه جيم كارى فى فيلم بروس المايتى

مع تحيات

حسام يوسف شريف رزق الله :lol:

[hamoudi]

البلدة الأمريكية بافالو دي كان جابها في فيلمه جيم كارى فى فيلم بروس المايتى

مع تحيات

حسام يوسف شريف رزق الله :lol:

والفيلم الاشهر بتاع مارلين مونرو الى مش فاكر اسمه

[MZohairy]

حنبتدي بقى حاليا ندور على سكن مناسب

و الكل نصحنا باننا ناخد شقه لفتره تعاقديه غير طويله عشان احتمالية تغيير الشقه وارد جدا لو كان الشغل حيكون في حته بعيده او مدارس الاولاد مثلا

بعد الشقه و الاستقرار تبدأ خطوة المدارس مباشرة و بعدها

يبتدي بقى مشوار الشغل و أكل العيش

قطيعه

محدش بياكلها بالساهل

الثامنه و الثلث صباح الخميس في فانكوفر

من أمام صيدلية الخليفه اللي بعد بتاع لحمة الراس

كندا

[الأهلاوي الأصيل]

بالمناسبة بافالو دي اللي فيها مكتب الهجرة بتاع الناس اللي بتقدم من داخل كندا

[torontoz]

بالمناسبة بافالو دي اللي فيها مكتب الهجرة بتاع الناس اللي بتقدم من داخل كندا

C`EST VREI :lol:

http://www.youtube.com/watch?v=fEQXvsQJVnY

[بندق أفندى]

مكره أخاك لا بطل .. لو لقيت فيه لافتات بتقول تعالى يا بندق بلغنى عشانى آجى هههههههه

[tarek hassan]

مبروك ولو إنها متأخرة

يا أستاذ : زهيري

أنت تستاهل كل خير

وربنا يوفقك إن شاء الله

[MZohairy]

مبروك ولو إنها متأخرة

يا أستاذ : زهيري

أنت تستاهل كل خير

وربنا يوفقك إن شاء الله

اشكرك يا طارق انت ابن حلال و محترم و ربنا يكتر من امثالك

[MZohairy]

قدم الاوراق للمحامي في مايو 2001

خد رقم الملف في يوليو 2001

الانترفيو في ديسمبر 2005

الكشف الطبي في مايو 2008

طلبوا الباسبورات سبتمبر 2008

ده حسب كلام الفاضل MZohairy

مظبوط 100% و سافرنا ابريل 2009 يعني الموضوع خد حوالي 8 سنوات الا 3 شهور :lol:

الف مبرووووووووووووك يا عم زوهيري

ويا أعزائي حمودي ونصار

الحاج زهيري من الدفعات اللى قبلنا وبكتير كمان

هوة بس اللى ماكانش مستعجل ع الهجرة

ربنا يوفقك يا عم زوهيري

ويكتبلك الخير دايما

الله يخليك يا حسام

و يامستعجل عطلك الله

واااااااااااااااو

احنا بقى فينا من الحراكات دى يا استاذ موزوهيرى

تغيب تغيب علينا و فى الاخر يطلع انك كنت بتسكرت و تذاكر لواحدك علشان تطلع الالفا علينا

بس برضه و لا يهمنا

و ان شاء الله كل الى فى المحاورات هيوصلوا كمان كندا

و مش بعيد يتنقل مقر المحاورات هناك كمان

بجد بجد الف مبروك

الله يبارك فيكي و يباركلك يا مغتربه هانم و يقسملك الخير حيث كان

ألف حمد الله ع السلامة يا زهيري...

أيوه كده يا راجل ، وانا كنت شايف الدنيا ملطشة معاك ، ومش باينلها حل... بس كفارة يا ريّس.

ومن بدري وانا باقول الراجل ده دماغه عاجباني ، الحمد لله إنك هتآنسنا في بلاد اللون الأبيض (الجانب النضيف يا حمودي انتا ونصار ، وابعدو عن الراجل الشريف الوطني المخلص ده... أنا باحذركو )

واحنا في انتظار حكايتك ، وانطباعاتك اللي هتضيف الكتير للي لسه ما زالو ف أول الطريق..

حمد الله ع السلامة مرة تانية :lol:

الله يسلمك يا تهامي باشا انا قديم جدا في التقديم على الهجره و لو تصدق ان اول مره اقدم فيها كانت سنة 1993 حتستغرب

بس ربك لما بيريد بقى

قدم الاوراق للمحامي في مايو 2001

خد رقم الملف في يوليو 2001

الانترفيو في ديسمبر 2005

الكشف الطبي في مايو 2008

طلبوا الباسبورات سبتمبر 2008

ده حسب كلام الفاضل MZohairy

يعني 7 سنوات واربع شهور.. .. بيحلم بكندا... مبروك... :lol:

عمري ما حلمت بكندا و لا بغير كندا

بدليل اني كنت رامي الموضوع و بياخد وقته و اكتر من وقته بكتير و بدون تزمر او اي ضيق

وقت ما تيجي تيجي ولو مجتش مع الف سلامه

انا بعمل اللي مفروض اعمله بدون انتظار ولا احلام و اللي الاقيه قدامي افضل باختاره فورا

تحياتي

مفاجئة حلوة جدا جدا bv:-

من خلال متابعتي لمشاركات حضرتك واضح جدا رقي فكرك و نبل أخلاقك ....نورت كندا يا سيدي الفاضل ...اضافة متميزة للجالية المصرية :sad:

الله يسترك يا د هشام كتر خيرك و كندا منوره بأهلها

الف الف حمدلله على السلامة يا استاذ زوهيرى

اخيرا وبعد انتظار طوييييل جدا جدا ربنا كرمك بالوصول الى الاراضى الكندية

كندا نورت بيك وبالاسرة

ويا رب تكون فاتحة خير لكم جميعا

بالتوفيق

اشكرك يا دعاء ربنا يخليكي

حمد الله ع السلامة يا سيد MZohairy

بصراحة كل مداخلاتك اللى كنت باشوفها و اللى عرفت حضرتك من خلالها كانت بره باب كندا فى أى حتة فى المنتدى إلا هنا فى كندا

يا ترى دة نوع من التمويه؟؟!!

بس المهم إنك حطيت رجلك أول الطريق....ربنا يوفق فى الباقى

يا ترى مقيم فين حاليا؟؟

ناوى تستقر ولا لاندنج و هترجع تانى؟؟؟

ربنا يوفقك فى كل القادم

تحياتى

سوسورانى

الف شكر يا فندم

انا في فانكوفر اقصى غرب جنوب كندا و مش ناوي ارجع خالص بإذن الله

ألف مبروك يا أخ زهيري ... وربنا يوفقك وتكمل المشوار بنجاح ... أنتم السابقون ونحن اللاحقون إن شاء الله

فعلا كندا دي ما بتاخدش غير أحسن ناس يا جماعه ... وآهو الأستاذ زهيري أحد أعمدة الفكر الراقي والطرب الأصيل في المنتدى انضم لقافلة المهاجرين

اهو انت اللي احسن الناس bv:-

كتر خيرك يا احمد يا راجل يا راقي يا محترم

[MZohairy]

مبروك ونورت كندا والقاره الامريكيه كلها ربنا يوفقك وينور طريقك

اشكرك و كتر خيرك

حمد لله علي السلامة يا استاذ زوهيري

كندا نورت بحضرتك

في انتظار تفاصيل الرحلة والاندنج

تحياتي :lol: :lol: :lol:

التفاصيل في الطريق و النور نورك

ألف مبروك وبالتوفيق ان شاء الله وياريت تحكنا تجربتك لو قدرت

الحكاوي جايه في السكه و الف شكر

الف مبرووووووووووووك يا عم زوهيري

ويا أعزائي حمودي ونصار

الحاج زهيري من الدفعات اللى قبلنا وبكتير كمان

هوة بس اللى ماكانش مستعجل ع الهجرة

ربنا يوفقك يا عم زوهيري

ويكتبلك الخير دايما

معلش يا دكتور حسام

انا الظاهر طلعت نايم في مية المخلل

ربنا يوفقه

اشكرك يا نصار و ربنا يوفقك

الف مبروك يا استاذ زهيرى وفى انتظار كتابتك لينا عن ارض الاحلام

الله يبارك فيكم و فعلا ارض الاحلام طبيعه ساحره و طقس رائع و نظام مرعب

الف مبروك ياستاذ زوهيرى و ان شاء الله تبقى حياة موقفة فى كندا بعد الصبر الطويل

و ياريت تحكى انطباعتك عن كندا

و كندا نورت بحضرتك

الله يباركلك يا اختنا المصريه و ححكيلكم انطباعاتي واحده واحده

[MZohairy]

ألف مبروك .. حضرتك من أوائل الناس اللى كنت متابعة مداخلتهم لما عرفت المنتدى من سنة و نص ..

ومن خلال مداخلاتك بقول بجد كندا نورت بيك و بأسرتك

ألف مبروك النقلة و الحياة الجديدة و ان شاء الله كل ربنا يكتب لكم كل خير فى كل خطوة

يا رب يخليكي و يسترها معاكي و عقبالكم يا رب

مبروك مبروك

ويارب تكون رحلة نجاح جديده من نجاحات ابناء المنتدى الابرار

منتظرين اخر اخبار فتوحاتك

سدد الله خطاك

دعواتك يا جيمي تكون رحلة نجاحات عشان انا مش ناوي ارجع غير في الاجازات

اخواني حبايب قلبي و ضي عينيه

مراسلكم MZohairy من الاراضي الكنديه يحييكم و يتمنى لكم كل الود و الحنيه

قبل الهزار و الجد و الكلام ده دعوني اتوقف لحظه لأتقدم بالشكر و العرفان و الامتنان لإخواني المنتدياتيه الآتية اسماءهم لما قدموه لي من عون و وقفة الرجاله المرعبه

أخي اوسكاسان

أخي د. خالد

أخي زعلان

أخي سيييم

أخي سندباد

أخي سكوربيون

أخي ايسر

أخي الأمير أمير

اشكرهم شكر لا يوجد منه في قاموس الكلمات و لهم تحيه بحجم بستان و بلغوا مرادهم و صرف عنهم الضر

و سأوافيكم بالأخبار تباعا و لنا عوده قريبا مع هجرتنا الميمونه للأراضي الكنديه

مراسلكم MZohairy

كندا بعد محل العصير

قدام حاواوشي الحاج سيد

طيب الاول نعرف انت  رحت كندا الحلوة بتاعتنا (كيبك)والا كندا الوحشة بتاعة الانجليزي

حمدا لله علي سلامتكم ,كل من يصبر ينال وأنا متأكده أن بنت عمي علي الفرنسيين عدل wst:: نحن مجتمع من أنصار la lange française ننتضر أن نسمع أحوالكم في أقرب وقت في إنتضار أن تعزمون علي كسكسي باللحم موش بدجاج bv:- سلامي الحار لكل أفراد العائله الكريمه

والله يا بنت عمي اختك هنا طايره من الفرحه و نسيت تونس و مصر و شكلي كده حرجعها تونس عشان تعقل bv:-

و ياريت نعرف انت فين بالضبط حاليا عشان نتواصل :lol:

مبرووووك لكندا

والله دي مهي مبالغة ابداااااااااااااا

والف مبروووووك يا زوهيري باشاااااااااا

بس بلاش الغيبة الطويلة دي

دحنا كلنا ولاد منتدى واحد

وبالتوفيق ان شاااء الله دايمااااا

اشكرك يا ماجد و اخجلتم تواضعنا

اخواني حبايب قلبي و ضي عينيه

فين إسمي :lol:

إخص عليك يا جدع .. قوام نسيت سهري جنبك و عمايلي للساندويتشات و العصير اللي انت بتحبُّه و انت سهران تذاكر منهج مدرسة كندا الابتدائية.

هو اللي يروح كندا يتغير كده؟ :cry:

موديست يا جماعه من اوائل الناس اللي شجعوني على الهجره و قاللي جملته المأثوره هاجر يابن آدم مسيرك تهاجر

مستنيك يا حوده و معاك واحده بيك بعشره ريال

فين إسمي :sad:

إخص عليك يا جدع .. قوام نسيت سهري جنبك و عمايلي للساندويتشات و العصير اللي انت بتحبُّه و انت سهران تذاكر منهج مدرسة كندا الابتدائية.

هو اللي يروح كندا يتغير كده؟ :cry:

و أنا كمان يا مودست ياما عملت له ملخصات يذاكر فيها و وصيت عليه فى الامتحان.....ده غير بنطلوناتى و هدومى و قمصانى :lol: ......يلا...... الثواب على الله.....

ألف مبروك يا زهيرى.....

اتحداك بقى في موضوع الهدوم ده لأن مقاسي في الجزم 49 و بفصل القمصان عشان كتافي عريضه و بطني مش كبيره فمبلاقيش خالص :sad:

الله يبارك فيك

الف مبروك ياأستاذ زهيرى وربنا يوفقكو ان شاء الله ونسمع عنكم كل خير ومنتظرين رحله حضرتك بالتفصيل

الله يبارك في حضرتك

[MZohairy]

السلام عليكم،

استاذ زهيري مبروك على استقرار حضرتك في كندا، و ربنا يجعلها خطوة مباركة عليك و على اسرتك .

ممكن من خلال موضوعك و تجربة حضرتك الحديثة و مساعدة الاخوة العايشيين في كندا، نحط بعض المعلومات للي حيستقروا قريبا في كندا و اللي بحس انها مش واخدها حقها في الكلام هنا في المنتدى.

على سبيل المثال:

ايجار الشقق، هل في شقق بتتأجر short term يعني يكون الايجار شهري ، علشان اللي رايح جديد و مش عايز ياجر سنة كاملة لحد ما يستقر على مكان. هل الافضل تكون مفروشة و لا لأ، هل sublet متوفر.

الاثاث

الاكل الحلال

تأقلم الاولاد مع الجو الجديد

شركات التوظيف

امكانية عمل مشروع صغير ( نوعيته ، تكلفته،........)

طبعا في مواقع كتير بتناقش الحاجات دي و لكن التجربة الحيه اكيد حتكون مفيد اكتر.

شكرا مقدما.

اشكرك يا كوين و ححاول ارد عليكي

طبعا المواضيع اللي بتسألي فيها دي عايزه حد خبره بقاله سنه او سنتين على الاقل

انما ححاول على قد ماقدر

بالنسبه للشقق فطبعا فيه في فانكوفر شورت تيرم لييس يعني ممكن 3 شهور او 6 شهور

و انا في رأيي تكون مفروشه عشان دي تعتبر مؤقته لغاية ما تستقري في مكان تاني دائم

و بالتالي يبقى مفيش داعي لتضييع الوقت و التعب في شراء العفش و تظبيطه و بعدين ترجعي تفكيه تاني و تنقليه بعد شهر او شهرين او تلاته

بالنسبه للعفش فيوجد اختيارات عدييييده من عفش جديد من افخم المحلات مرورا بإيكيا مرورا بأقل منها و وصولا للجراج سيل و ده بيبقى لشراء العفش المستعمل و لكي الاختيار

الاكل الحلال موجود طبعا لكن لسه معرفش مدى توافر المحلات في كل الاحياء

الاولاد طبعا طايرين بالجو و المناظر و الطبيعه و ربنا يكملها على خير

طبعا شركات التوظيف و الاعلانات ماليه الدنيا بس مقدرش لسه افيد حضرتك في جدواها

بالنسبه لاقامة مشروع صغير فده شيئ طبيعي جدا بس المهم اللي بيعمل مشروع يكون فاهمه عشان ميخسرش فيه

احييكم جميعا من بريتش كولومبيا و من فانكوفر بالتحديد و سالتقط الانفاس و ارد على الجميع

اورفوار

فانكوفر مره واحده يا راجل ... في أول طلعه خذتها من شرقها لغربها

الغريب بقى يا احمد اننا نزلنا تورونتو في الشرق فعلا اول يوم و تاني يوم رحنا فانكوفر يعني قطعناها بالعرض فعلا

لسه بقى طلعة الشمال جنوب ححكيلكم عليها

احييكم جميعا من بريتش كولومبيا و من فانكوفر بالتحديد و سالتقط الانفاس و ارد على الجميع

اورفوار

 ياااااااااااااااااااااااااااااااااااااااااااااه كل ده التقاط انفاس اش حال لو ماكنتش متمرن على مستوى عالى فى مصر  على الطوابير

بتاعة العيش والجرى وراء الميكروباصات وعتبة عتبة رمسيس رمسيس عموما احنا فى الانتظار وحط فى دماغك انك فى مهمة قومية ولازم ترفع اسم مصر فى كل طابور او زحام تدخلة 

 

اللي غايظني اني لسه مش لاقي بتاع الحواوشي bv:-

ألف مبرووووووووووووك يا أخ زوهيري

والله الواحد فرحلك بجد :lol:

أنا فاكره لما حاكتلنا عن مدة الاجرات و اتخضينا :sad:

كانت داخله على 8 سنوات بس الحمد لله أخرة صبرك خير

والله و بقالنا مراسل من فانكوفر bv:- ياريت تبقى تحكيلنا

عنها شويه :lol:

تحياتي لك و للاسره و ربنا يوفقكم :lol:

الله يبارك فيكي يا بنت مصر

فعلا مشواري اخد 8 سنوات الا 3 شهور بالضبط

اما فانكوفر فوالله كلامي مهما اجدت لن يعبر عن روعة و جمال هذه البلد

انا عشت في هامبورج في المانيا و عشت في امستردام و لندن و باريس و نيويورك و مشفتش جمال زي اللي شفته في هذه البلد حتى الآن

مزيج غريب من الطبيعه و التحضر لسه مش عارف اوصفه

[مروان كريم]

حمد الله على السلامة يا بشمهندس ونورت كندا والله , دعواتنا ليك ربنا يوفقك , امين

تحياتى

محمد

[سهيلة]

:ninja: :lol:

الف الف مبرووووك يا زوهيرى

وربنا يوففك

[MZohairy]

:ninja: :lol:

الف الف مبرووووك يا زوهيرى

وربنا يوففك

ميل ميرسي يا سهيله

كتر خيرك :wub:

[om reham]

اخي مزهري ارجو ان تراجع خاصية الرسائل لانه ملان

[MZohairy]

اخي مزهري ارجو ان تراجع خاصية الرسائل لانه ملان

راجعي التعليقات في صفحتك الخاصه يا ام ريهام

شكرا

[alaashabana]

السلام عليكم جميعا

انا للاسف مكنتش متابع المنتدى فى الفترة الاخيرة علشان كنت نقلت شغل تانى ولاسف مكنت بلااقى وقت ادخل خالص

بس كنت من وقت للتانى بدخل اشوف الاحبار لكن لما شوفت موضوع الاستاذ زهيرى كان لازم ادخل واكتب كمان

اولا قبل اى كلام انا عاوز اشكر الاستاذ زهيرى على كل شئ رغم ان كلمة الشكر دى قليلة علية اوى او ىوا ى

انا عرفت الاستاذ زهيرى عن قرب كمان علشان هو قبل ما يسافر كان مديرى لفترة من الوقت وياريت كل المديرين زية كدة والله ..

بس معرفتى بية من قبل ما يكون مديرى .. بس حقيقى والله هو انسان خدوم ومحترم وطيب ودمع عسل ..مش عارف لية اول ما بتصل بية بضحك والله ..بس حقيقى والهل اتمنى فعلا انه كان يبقى اخوية حقيقى ..بس انا كان لية الشرف انى عرفتة بجد ...

انا بتمنى يارب تكون الهجرة وكندا خير لية ولعائلتة ويارب تكون البلد اللى بيتمناها وتكون فاتحة خير علية ..

بالمناسبة هو اول ما اتصل بية من كندا اول كلمة قالها انها جنة والله ... اتمنى اجراءات الهجرة بتاعتى تم بسرعه علشان اسافر ..هو بجد فتح نفسى اوى على البلد دى .....

بس ياريت بقى يا استاذ زهيرى تبطل كروتة وتحكيلنا بالتفصيل الممل جدااااااااااا على السفر لكندا من اول ما كنت بتوظب الشنط لغاية ما وصلت بالسلامة واية اللى حصل فى مطار تورنتو والاوراق وعملت اية فى الكام يوم دول هناك وبتفكر فى اية ..

سلامى وتحياتى لاخوية الكبير ومديرى ومثلى الاعلى وكل حاجة حلوة فى الدنيا ..