الاستقدام لأى مهنة فى السعودية بفلوس

[mohsenanwar]

السلام عليكم يا شباب .. دى اول مشاركة ليا معاكو فى المنتدى .. انا مدير حسابات سابقا فى السعودية لفترة 11 سنة وكنت سبت السعودية اواخر 2008.. وحاليا رجعت السعودية من اسبوع بتأشيرة عامل غسيل وتشحيم مركبات !!!!! ( شفتو المصيبة ) ؟؟ انا حاليا فى الرياض ولسة بدور على شغل .. وكنت عاوز اسأل على واحد من اللى بيخلصو الاستقدام ب 12000 ريال .. انا كنت عارف واحد السنة اللى فاتت بس مش لاقيه دلوقت .. اصل ربنا ما يكتبها عليكو تغيير المهنة لازم مع نقل الكفالة .. ونقل الكفالة لازم بعد سنة .. وانا مينفعش اقعد سنة من غير العيال وامهم .. ده حتى حرام .. اللى يعرف ربنا يكرمكو يقول .. وبالمرة بقى .. محدش عنده شغل كويس فى شركة محترمة .. اخوكم خبرة كبيرة وبتاع شغل اوى .. حسابات من الالف للياء ورقابة مخازن وبرامج كمبيوتر وانجليزى و .....و...... , يعنى جاهز اشيل شيلة كاملة وباذن الله هرفع راس اللى هيتوسط لى .. معلش آسف على التطويل فى اول مشاركة .. سلام :closedeyes:

[jamalpody]

حتجيب اولادك اذاي وانت لسه اساسا ملقتش شغل

المنطقي تدور علي شغل وبعدين لما تشوف شغلك حيكون فين

بعد كده تدور علي الاستقدام ؟؟؟؟؟؟؟؟؟؟

ابعتلي السيرة الذاتيه بتاعتك علي الخاص

[mohsenanwar]

وعليكم السلام !! .. حضرتك عنيف ليه كدة ؟؟ يعنى هو يحصل حاجة لو الواحد يرتب اوضاعه من بدرى ويبقى جاهز ؟؟ طبيعى مش هييجوا قبل ما يخلصوا دراسة هناك .. بس الواحد يكون مستعد أفضل .. وبعدين باذن الله الشغل مفيهوش مشكلة .. وخد عندك اهو واحد محترم زيك كدة عاوز السى فى عشان يساعدنى .. افتح الخاص .. وشكرا لاهتمامك

[mohsenanwar]

معلش حاولت ابعت على الخاص بس تقريبا عشان انا عضو جديد لسة مش مسموح لى .. عموما ده اللينك بتاع السى فى بتاعى على النت .. ماهوش سر ولا حاجة .. بس لما بتتطبع بيكون شكلها مش حلو .. لو حضرتك تبعت لى ايميلك وانا ابعتلك اتاش بالسى فى القابلة للطباعة وتفصيلية اكتر .. وبالصورة كمان .. مش عاوز تتعرف عليا ؟؟

http://www.mycvwebsite.com/mycv_website_a....name=MOHSEN1973

تم تعديل 17 أبريل 2009 بواسطة mohsenanwar