نازل اجازة اشتري سيارة والا استاجر ولا انزل سيارتى

[mohamedyehia]

اقترب نزول الاجازات وسؤال كل سنة السيارة نركبها ملك ولا ايجار ولا انزل سيارتى وكل حاجة لها ميزات وعيوب خبرتكم اية فى هذا الموضوع واية انسب عربية بمبلغ معقول وعلى فكرة سالت عن التقسيط العام الماضى لقيتة هبل وضحك على الدقون

[أبو عمر المصري]

اقترب نزول الاجازات وسؤال كل سنة السيارة نركبها ملك ولا ايجار ولا انزل سيارتى وكل حاجة لها ميزات وعيوب خبرتكم اية فى هذا الموضوع واية انسب عربية بمبلغ معقول وعلى فكرة سالت عن التقسيط العام الماضى لقيتة هبل وضحك على الدقون

والله يا أخ محمد يحي عندي نفس مشكلتك، كنت بأستعير عربية أخويا لانوس لأنه كان مسافر الأجازه اللى فاتت بس السنه دي هاننزل سوا

ناوي على شراء عربيه مستعمله تكون بحاله كويسه ولتكن مثلا لانوس او اي حاجه قريبه منها

مش عارف لسه ماحددتش :blush2:

بس بيتهيألى شراء عربيه أحسن من التأجير ومشاكله

ابقى قول لي هاتعمل ايه

تحياتي

[سهل جدا]

أنا لسه جاي من مصر من حوالي 5 أيام

بصراحة إيجار العربيات فيها بعض المشاكل:

1- إيجار السيارات في مصر غالي نسبيا

2- الأمر ما يسلمش , يعني السواقة في مصر صعبة , ممكن يحصل احتكاك بسيارتك أو خبطة بسيطة , وساعتها هاتتكلف كثير

3- مكاتب الإيجار بتاخد ضمانات غبية شوية , وبصراحة عندهم حق لأن النصب كثير شوية في مصر

فأنصحك لو أجازتك كبيرة شوية يعني شهرين فما فوق تنزل بسيارتك أحسن , لأن ركوب المواصلات بهدلة بعيد عنك

وأجازة سعيدة إن شاء الله

[icehearted girl]

متهيألي تأجر أحسن

[tahereyad]

أنا جربت الإيجار السنتين اللي فاتو,, و كان ليه مشاكله,,, و مش شايف فيه أي ميزة,,

عشان كدة,, باعلنها من موقعي هذا في جدة,,, ان شاء الله هانزل مصر بعربيتي السنة دي,,, و أجازتي أقل من شهر,,, بس مش مهم,,, المهم اني ارتاح الكام اسبوع اللي هاقضيهم في مصر,,, حد بأه ناوي ينزل مصر بعربيته في شهر يوليو عشان ناخد الطريق سوا؟؟؟

[dentogabalo]

شوفوا اللينكات دي

http://www.nilemotors.com/Nile/showthread.php?t=28919

http://www.nilemotors.com/Nile/showthread.php?t=41502

[doha]

مش عارفه انا لو مكانكم اعتقد لا هشتري ولا هنزل بسيارتي واتعب نفسي ولا هأجر ..

هقضي مشاويري بتاكسيات ولو حاجه بعيده هأجر عربية يوم ولا حاجه وخلاص .. لو حسبتوها هتلاقوها ارخص من التاجير واريح للدماغ

معرفش ده رايي الشخصي ويجوز لكم راي آخر افضل ..

[mohamedyehia]

الراجل اللى باجر منة كل سنة راجل طيب اولا بيوديللى العربية اى مكان انا فية ومابيخدش

اى ضمانات ولابامضى على اى ورق وبيدينى عربية لانوس موديل نفس السنة حتى كان عليها لوح تجارية واليوم ب 130-140 جنية ودة طبعا لانى اتعاملت معاة 5 سنين. الاول كنت بانزل عربيتى ولكن بعد مشكلة عبارة السلام وكل العبارات بتروح سفاجة بقت مشكلة. وكمان الوضع فى السويس ممل حيث يؤكدون ان السيارة سوف تشحن بكرة وبعدين تجيللك بعد اسبوعين متبهدلة. زمايللى نزلوا بعربيتهم قالوا توبة مرة وعدت اخر بهدلة.

[ghnammar]

السلام عليكم بالنسبة للاخوة اللى بيسألوا عن تأجير السيارات فى الاجازه لما ينزلوا الى مصر طبعا التأجير احسن كتير من النزول بالسيارة الى مصر لان فيه معاناه شديده جدا كمان لما بتروح لاى مكان ويعرفوا انك نازل من بره بيستغلوك ويعطوك الاسعار ضعف او ثلاثة اضعاف العادى وانا عارف مجموعه من الاطباء اللى بيأجروا سياراتهم فى فترة الاجازه فعلى من يرغب مراسلتى وانا اعطيه ارقام التليفونات بتاعتهم وهما كويسين جدا وارخص كتير فى الاسعار تقريبا بيعطوك خصم اكتر من الثلث عن المكاتب وانا تعاملت معاهم كتير وهم كويسين جدا وموش مستغلين زى المكاتب بتاعة الايجار

[mama nona]

السلام عليكم بالنسبة للاخوة اللى بيسألوا عن تأجير السيارات فى الاجازه لما ينزلوا الى مصر طبعا التأجير احسن كتير من النزول بالسيارة الى مصر لان فيه معاناه شديده جدا كمان لما بتروح لاى مكان ويعرفوا انك نازل من بره بيستغلوك ويعطوك الاسعار ضعف او ثلاثة اضعاف العادى وانا عارف مجموعه من الاطباء اللى بيأجروا سياراتهم فى فترة الاجازه فعلى من يرغب مراسلتى وانا اعطيه ارقام التليفونات بتاعتهم وهما كويسين جدا وارخص كتير فى الاسعار تقريبا بيعطوك خصم اكتر من الثلث عن المكاتب وانا تعاملت معاهم كتير وهم كويسين جدا وموش مستغلين زى المكاتب بتاعة الايجار

يا ريت تعطينا ارقام الناس دول وارقام تليفوناتهم ويريت اماكنهم .

شكرررررررررررررررررررررررررررررررررررررررررررررررررررررره

[أسد]

نظام تأجير السيارات في مصر يشوبه الكثير من التشوهات ..

خاصة في مكاتب الإيجار العادية ..

فتلك المكاتب تطلب ضمانات غريبة كما قيل .. مثل توقيع شيك على بياض .. أو إيصال أمانة بقيمة السيارة ..

وأعتقد أن من يقبل بمثل تلك الأمور فهو مخطئ بشكل كبير ..

شركات تأجير السيارات العالمية والمحترمة .. لا تفعل ذلك ..

فهو يطلب منك بطاقة إئتمان .. ولا يقوم بالتلاعب والغش في حالة وجود تلفيات بالسيارة .. والسيارات كلها تكون مؤمن عليها .. فإذا حدث تلفيات كبيرة ستغطيها شركة التأمين ..

والتأجير ينبغي أن يكون من تلك الشركات .. بلا شك .

أسعار تلك الشركات عادية .. ليست مرتفعة عن أسعار مكاتب التأجير التقليدية .. وإذا زادت فهي تزيد بحدود معقولة .. وهذا يهون غي سبيل راحة البال ..

إقتصادياً .. تأجير سيارة أفضل وأرخص .. هذا إذا كانت أجازتك قصيرة .. شهر أو أقل

لأن قيمة السيارة جديدة .. إذا وضعتها في البنك ستحصل على فوائد أو أرباح تغطي قيمة تأجير سيارة ..

أما إذا كانت أجازتك طويلة .. شهرين على الأقل ... فإقتصادياً .. السفر بسيارتك هو الأفضل ...

[جحا]

طب لو نزلت بسيارتي هينفع استعمل الرخصه السعوديه لان معييش رخصه مصريه