الخريجين الجدد والسفر للخارج

[السيد توفيق]

نصيحه لكل شاب مصري مايحملش أي مهنة أو تخصص مطلوب ممكن يساعده على العمل بيجلس بمصر افضل له ومايسافرش لاي مكان

لكن اذا الشاب عنده القدرة على التعلم واكتساب الخبرة وعنده الاستعداد انه يتعلم ويعمل مفش مانع

لاني انا تفاحئت بشباب خريجين السنة دي وعاوزين يسافروا على السعودية ومامعمش اي خبرة او دراية بالبلد دا كلام فارغ السعودية الان تبحث عن أصحاب الايدي الماهرة والنادرة فقط يعني بالاصح اصحاب شهادات علمية او مهنيين ( تسويق - طب - تكلونوجيا - هندسة - فنيين - صناعيين- اساتذة جامعات - )

السعودية لديها بامريكا فقط خمسون الف مبتعث بتخصصات علمية وفي بريطانيا 30 الف مبتعث وهذا غير دول العالم الاخرى السعودية فاقت اخيرا وبدأت في انشاء اكبر مشروع بالعالم للابتعاث سموه مشروع خادم الحرمين الشريفين للابتعاث واي موطن سعودي بيقدم بياخذ البعثه خلال اسبوع واحد فقط وهناك توقعات أن السعودية خلال 2025 سيكون لديها مليون خريج من هذا المشروع العملاق هذا بخلاف خريجي الجامعات العربية التي يدرس بها حوالي 250 الف طالب سعودي وبخلاف الجامعات السعودية فعام 2008 انشئت السعودية5 جامعات عملاقة ( جامعة تبوك - جامعة الجوف - جامعة جيزان - جامعة حائل -جامعة الملك عبدالله برابغ )

ممكن تقولي انت ياللي ممعكش خبرة حتروح تعمل ايه هناك !

طبعا أنا ماقصد السعودية فقط بل اقصد جميع دول العالم

تم تعديل 17 أبريل 2009 بواسطة السيد توفيق

[MoHaMMeD EgYpT]

فعلا السعودية بتعمل اتبعاث لدول العالم ده انا مرات كتير كنت بتمني اني اكون سعودي علشان اروح تبع بعثة من دول لكن هنقول ايه ماحدش بياخد عير نصيبه

و حلم التعلم بره ده يعني اقل شئ يقال عنه انه مستحيل بالنسبة للمصريين الا من رحم ربي و يا رب يا رب ربنا يرحمني

اما بقا بخصوص استفسار حضرتك ان الخريج جديد يعمل ايه اقولك يسافر اي بلد خلقها ربنا بس طبعا مش اي بلد تروح تضيع فيها عمرك يعني مثلا هتروح السعودية تعمل ايه ؟؟ الاجابة مافيش غير الفلوس

هتقول لي ما انا محتاج فلوس علشان اسافر دول زي اللي انت بتقول عليها زي امريكا و كندا او انجلترا او استراليا او نيوزيلندا او اوروبا حتي

اقولك طور نفسك الاول و لو حتي بشوية كورسات و بعد كده روح علي اي بلد خليجي و ابدا في عمل الفلوس من الصفر و بعد سنة ولا اتنين ابدا تبدي حلمك بالسفر سافر مثلا استراليا او نيوزيلندا لانهم ارخص البلاد في التعليم ارخص من امريكا و كندا و انجلترا

المهم سافر بالفلوس اللي جمعتها استراليا او نيوزيلندا و ادرس هناك و اشتغل هناك و خد جنسية و بعد كده اعمل ما بدالك يعني عاوز تروح امركيا امريكا هتقولك يا مرحبا لانك تقدر تدخل امريكا او كندا او انجلترا او معظم دول العالم عموما بالباسبور الاسترالي و النيوزيلندي و عيش حياتك بقا

لو ماقدرتش تجمع فلوس تكفيك طول مدة درستك مثلا او لا قدر الله فشلت فيه حلول كتير ممكن مثلا تتجوز من هناك و بكده برده هتفضل هناك و بعد كده الجنسية و بعد كده السافر لاي حتة و لو فكرت ترجع مصر بالباسبور الاجنبي و لو حتي بتاع استراليا او نيوزيلندا هترجع تبع الاجانب و هتعتبر زي الاجانب و هتلقي شغل كويس و لو حتي في مصر و مش شرط مصر ممكن اي بلد تاني

انا والله حابب نيوزيلندا و استراليا اوي علشان كده حيكت عليهم لكن مش مشلكة يعني لو جربت مع بلد اوروبي مثلا

و ربنا ييسر لينا جميعا اللي فيه الخير

[أحمد سيف]

ممكن تقولي انت ياللي ممعكش خبرة حتروح تعمل ايه هناك

هايروح يشتغل في الأعمال الدنيا طبعا أو يعمل مشاكل ويبوظ صورة مصر والمصريين أكثر ماهي بايظه

[elfakhrany]

كلام سليم 100 %

[Alattar]

مشكلة بعض حديثي التخرج انهم عاوزين يسافروا و خلاص

يعني أنا مثلا عملت تقريبا حوالي 12 مقابلة في مصر في شركات برمجة

وكل مرة كنت بطلع علي كلام فاضي..الكلام ده كان من حوالي 4 سنين

و العيب ما كانش في الشركات..العيب كان فيا شخصيا..كان ينقصني بعض الخبرة

عشان كده فكرت في السفر..و لحد ما سافرت كنت بتمني اني أشتغل في مصر

انما الخريج الجديد ده..لا جرب و لا حاول ولا تعب..ولا أخد دورات..و لا اتعلم حاجة تفيده في شغله

و عاوز يسافر و خلاص..المشكلة هنا من وجهة نظري في نقطتين :

أولا..انه هيسافر علي أي عرض يجيله..مهما كان ضئيل..و يقوللك هناك ان شاء الله الأمور تتعدل..المهم

نخرج من البلد دي و خلاص و ربنا ان شاء الله هيكرمنا.

أنا شخصيا أعرف أصدقاء لي من أيام ما كنت شغال في طرابلس في ليبيا..ما كانوش جايبين معاهم شبشب حمام

في شنطة هدومهم..أسأله ليه؟؟..يقوللي كلهم في مصر قالولي روح بس.. الحاجات هناك رخيصة!!!!!

ده واحد عاوز يسافر حتي لو من غير شنطة هدومه!!

المشكلة الثانية..انه لسه ما حددش أهدافه..ولا هو عاوز يعمل ايه..ولا حدد أولوياته..يعني مثلا :

1 - الجواز

2 - أفتح مشروع خاص بي

3 - أكتسب خبرة في مجالي

وبعد كده ان شاء الله هارجع مصر فورا

للأسف هو ما عملش كده..و اللي يسافر من غير ما يكون ليه هدف محدد..يبقي هيقعد بره مصر طول عمره

آسف علي الاطالة

تم تعديل 18 أبريل 2009 بواسطة Alattar

[عندى أمل]

حضراتكم بتتكلموا عن الشغل و الخبرة و الخريجيين الجدد و كأن مصر مليانة شغل و احنا اللى مش عايزين نشتغل

جوه مصر كل الشركات عايز اللى عنده خبرة

و بره مصر بردوه كل الشركات عايزه خبرة

طيب اللى ما عندوش خبرة يعمل ايه و لا يروح فين؟

فى دول العالم المتقدم كل الشركان بيكون فيها اماكن للخريجيين الجدد من اى مجال و بيسموها

Entry Level Position/Job

لكن هنا فى مصر أقل شركة عايزه خبرة سنتين أو 3 سنين

يا جماعة

الرسول صلى الله عليه و سلم قال

"بشروا و لا تنفروا"

صدق رسول الله صلى الله عليه و سلم

[Alattar]

حضراتكم بتتكلموا عن الشغل و الخبرة و الخريجيين الجدد و كأن مصر مليانة شغل و احنا اللى مش عايزين نشتغل

جوه مصر كل الشركات عايز اللى عنده خبرة

و بره مصر بردوه كل الشركات عايزه خبرة

طيب اللى ما عندوش خبرة يعمل ايه و لا يروح فين؟

فى دول العالم المتقدم كل الشركان بيكون فيها اماكن للخريجيين الجدد من اى مجال و بيسموها

Entry Level Position/Job

لكن هنا فى مصر أقل شركة عايزه خبرة سنتين أو 3 سنين

يا جماعة

الرسول صلى الله عليه و سلم قال

"بشروا و لا تنفروا"

صدق رسول الله صلى الله عليه و سلم

و انت فاكر ان السفر هو الحل؟؟

يعني لما تبقي مع أهلك و تحاول تتعلم من حد من أصدقائك أو توؤهل نفسك بدورات

تدريبية تزيدك خبرة ده أفضللك؟؟

ولا انك تسافر و تشتغل ب1500 أو 2000 ريال و تلاقي واحد لا يتقي الله يبهدلك و واخد جواز سفرك

و مش مخليك حتي تروح بلدك؟؟؟

انت عاوزنا نبشر ولا ننفر..يعني نقول للشباب مثلا,,كله يسافر يا جماعه و بره هتحقق كل اللي

نفسك فيه..ومش مهم الخبره و مش مهم مؤهل!!...أنا هسيب الأعضاء هي اللي ترد لأن أكيد كل واحد عنده تجربة.

أنا اللي كان بيدرسلي البرمجة و هو دلوقتي مبرمج في شركة كبيرة..أقسم بالله العظيم اني عرضت عليه ييجي

يشتغل في الرياض معايا و في نفس الشركة اللي أنا شغال فيها و كنت بكلمه في حوالي 10000 ريال راتب لأنه

كان هيمسك قسك التطوير و البرمجة هنا..ورفض..و قاللي ان وضعه في مصر محترم جدا و هو مش عاوز يسافر

ده مثال..وعلي فكره هو شاب عمره حوالي 28 سنة ..الراجل ده أكيد ما اتخرجش من الكلية و هو عنده خبره كبيرة.

أنا كمثال هقوللك علي تجربتي سريعا..أنا لما اتخرجت من كلية التجارة كنت عارف و متأكد ان مؤهلي و مستوايا

ما يؤهلنيش اني أشتغل في أي مكان..جوه أو بره.

أول ما أخذت اعفاء من الجيش درست دورة أوفيس عادية جدا..ICDl في معهد القوات المسلحة.

وبعدين دخلت منحة وزارة الاتصالات في مجال البرمجة بالدوت نت.

و بعدين بدأت أقدم في شركات في مصر..و فشلت فشل ذريع..و ده من فضل الله..و ساعتها عرفت اني لازم أزود خبرتي

بدأت أدرس دورات خاصة..واشتغلت فترة في ليبيا في تدريس ال ICDL و تقريبا كل اللي طلعلي من هناك..أخدت بيه دورات

تكميلية في مجال البرمجة..,لدرجة اني و الله أخدت كورس يومين فقط.. ب 1600 جنيه.

و من فضل الله بعد كده جيت السعودية علي عرض قليل..و دلوقتي الحمد لله جيت الرياض علي عرض محترم.

القصد يا أخي انك ما تستعجلش..لازم تدي لنفسك فترة تعلي فيها مستواك و تؤهل نفسك للعمل

أنا مش عارف الشباب ليه مستعجل و عاوز يشتغل بأقصي سرعه و هو لسه خريج جديد؟

يعني انت متخرج من الكلية و معاك مثلا حوالي 2000 من كليتك و مثلا 100000 من مصر كلها.

ليه بقي أصحاب الشركات هياخدوك انت و يسيبوا ال 100000 الباقي دول..إلا اذا كنت مميز عنهم بشيء معين؟؟

عشان كده..حاول تكون مميز بشيء معين عشان يبقي عليك طلب..مش تقعد في البيت و تقوللي وأنا أعمل ايه يعني

ما هو مفيش شغل!!

آسف علي الاطالة

[عندى أمل]

أخى العطار

شكرا جزيلا على ردك

أنت عارف إن ظروفى مشايهة لظروفك الى حد ما؟

يعنى أنا متخرج من كلية العلوم سنة 2004

و بعدين حصلت شوية عطلة بسبب الجيش

أشتغلت فى مكتب علمى بتاع أدوية كام شهر و بعدين سبته و أخدت دورة أوفيس بتاعت وزارة الاتصالات و شركة IBM

و بعدين رجعت أشتغل تانى فى شركة أدوية كبيرة كمندوب دعاية و تسويق لكن سبتها لان الشغلانة دى حراااااااااااااام و فيها محالفات شرعية كتير أوى

الحمد لله ربنا وفقنى بعد كده و قبلونى فى منحة وزارة الاتصالات MCIT

و اخترت تخصص Web Design/Development

و اجتهدت فى الدورة على اد ما قدرت و كنت فيها من الاوائل و طبعا انت عارف ان الدورة دى كانت مدتها 9 شهور على الاقل و بنتعلم فيها انجليزى و حاجات من بتاعت الموارد البشرية و خدمة العملا بالاضافة طبعا لكورسات الكومبيوتر

بعد ما خلصنا بشهرين اتصلوا بالاوائل اللى انا واحد منهم عشان نروح تدريب فى شركات و روحت لكن لقيت مفيش شركة و انه مجرد مكتب واحد عامله و ماعندوش مصممين و عايز يستغلنا ببلاش و طبعا مش هاخد خبرة لان مفيش حد هيشتغل غيرى فسبته و كمان مش هيدينا فلوس مقابل الشغل اللى هنعمله يبقى اشتغل من البيت احسن

و لقيت ان اغلب اللى راحو شركات تانية لقوا انها مكاتب و شقق فى عمارات بستغل اللى زينا ببلاش

يعنى لا فلوس و لا خبرة

فضلت بعدها سنة من غير شغل فى مصر لان كل الشركات اللى روحتها عايزه خبرة

بس كنت باذاكر و باتعمل حاجات جديدة لحد ما لقيت اعلان فى الجورنال بتاع شركة كبيرة فى السعودية و عايز ناس فى وظائف تكنولوجيا المعلومات و كانوا طالبين 5 أو 6 وظائف من ضمنهم مصممين صفحات ويب و كان الاعلان نازل بالانجليزى و مساحنه كبيرة شوية و بيعرف الشركة على انها لديها فروع فى الشرق الاوسط و كلام من ده

قدمت فى الاعلان و اتصلت بى شركة السفريات و بعد شهرو سافرت و اتفاجأت ان مفيش ش ركة و ان الحكاية كلها أوضة فى شقة

طيب الاعلان و الشركة الكبيرة؟

قالوا لى فى السعودية ما نعرفش عنهم حاجة و مالناش دعوة

و طبعا بعد كده فهمت ان الوظيفة دى اضيفت عن عمد فى الاعلان بتاع الشركة الكبيرة لايهام المتقدمين

و عرفن ان فيه كذا واحد مصرى اشتغلو فى المكتب اللى هو اوضة فى شقة و مشيوا كل واحد قعد شهر و لا اتنين ورجع مصر

و مع ذلك قلت زى بعضه أستحمل شوية و اخد خبرة لحد ما الاقى حاجة احسن

و كنت باشتغل فى المكتب ده كذا وظيفة

مصمم ويب + مصمم جرافيك+سكرتير +مترجم

لكن ما قدرتش استحمل طلبات مديرى اليمنى "اللى كل مؤهلاته ثانوية عامة" انى اسرق له تصاميم و اسرق مواقع و لقيت انه ناوى ان ده يكون اسلوب الشغل اننا نسرق مواقع و نبيعها للعملاء اللى هو بيوهمهم ان عنده شركة كبيرة

طبعا كده تبقى الشغلانة دى حرام و فلوسها حرام يبقى رجوعى مصر احسن

و بالفعل رجعت مصر بعد حوالى 3 شهور فى السعودية

و بصراحة انا مش ندمان على التجربة دى بل على العكس انا رجعت أقوى معنويا و مهنيا كمان

و احتمال اسيب مجال تصميم المواقع و ارجع تانى لمجالى الاصلى فى العلوم لانى عمرى ما نويت انى اسيب العلوم انا بس كنت باخد فترة اتعلم حاجات جديدة و اعمل شوية فلوس و اشوف الدنيا بره الجامعة و العلم عاملة ايه و للاسف لقيتها اسوأ مما كنت اتخيل

أنا اسف على الاطالة بس انا ما صدقت الاقى حد افضفض معاه و يكون فاهمنى

شكرا

[Alattar]

أخى العطار

شكرا جزيلا على ردك

أنت عارف إن ظروفى مشايهة لظروفك الى حد ما؟

يعنى أنا متخرج من كلية العلوم سنة 2004

و بعدين حصلت شوية عطلة بسبب الجيش

أشتغلت فى مكتب علمى بتاع أدوية كام شهر و بعدين سبته و أخدت دورة أوفيس بتاعت وزارة الاتصالات و شركة IBM

و بعدين رجعت أشتغل تانى فى شركة أدوية كبيرة كمندوب دعاية و تسويق لكن سبتها لان الشغلانة دى حراااااااااااااام و فيها محالفات شرعية كتير أوى

الحمد لله ربنا وفقنى بعد كده و قبلونى فى منحة وزارة الاتصالات MCIT

و اخترت تخصص Web Design/Development

و اجتهدت فى الدورة على اد ما قدرت و كنت فيها من الاوائل و طبعا انت عارف ان الدورة دى كانت مدتها 9 شهور على الاقل و بنتعلم فيها انجليزى و حاجات من بتاعت الموارد البشرية و خدمة العملا بالاضافة طبعا لكورسات الكومبيوتر

بعد ما خلصنا بشهرين اتصلوا بالاوائل اللى انا واحد منهم عشان نروح تدريب فى شركات و روحت لكن لقيت مفيش شركة و انه مجرد مكتب واحد عامله و ماعندوش مصممين و عايز يستغلنا ببلاش و طبعا مش هاخد خبرة لان مفيش حد هيشتغل غيرى فسبته و كمان مش هيدينا فلوس مقابل الشغل اللى هنعمله يبقى اشتغل من البيت احسن

و لقيت ان اغلب اللى راحو شركات تانية لقوا انها مكاتب و شقق فى عمارات بستغل اللى زينا ببلاش

يعنى لا فلوس و لا خبرة

فضلت بعدها سنة من غير شغل فى مصر لان كل الشركات اللى روحتها عايزه خبرة

بس كنت باذاكر و باتعمل حاجات جديدة لحد ما لقيت اعلان فى الجورنال بتاع شركة كبيرة فى السعودية و عايز ناس فى وظائف تكنولوجيا المعلومات و كانوا طالبين 5 أو 6 وظائف من ضمنهم مصممين صفحات ويب و كان الاعلان نازل بالانجليزى و مساحنه كبيرة شوية و بيعرف الشركة على انها لديها فروع فى الشرق الاوسط و كلام من ده

قدمت فى الاعلان و اتصلت بى شركة السفريات و بعد شهرو سافرت و اتفاجأت ان مفيش ش ركة و ان الحكاية كلها أوضة فى شقة

طيب الاعلان و الشركة الكبيرة؟

قالوا لى فى السعودية ما نعرفش عنهم حاجة و مالناش دعوة

و طبعا بعد كده فهمت ان الوظيفة دى اضيفت عن عمد فى الاعلان بتاع الشركة الكبيرة لايهام المتقدمين

و عرفن ان فيه كذا واحد مصرى اشتغلو فى المكتب اللى هو اوضة فى شقة و مشيوا كل واحد قعد شهر و لا اتنين ورجع مصر

و مع ذلك قلت زى بعضه أستحمل شوية و اخد خبرة لحد ما الاقى حاجة احسن

و كنت باشتغل فى المكتب ده كذا وظيفة

مصمم ويب + مصمم جرافيك+سكرتير +مترجم

لكن ما قدرتش استحمل طلبات مديرى اليمنى "اللى كل مؤهلاته ثانوية عامة" انى اسرق له تصاميم و اسرق مواقع و لقيت انه ناوى ان ده يكون اسلوب الشغل اننا نسرق مواقع و نبيعها للعملاء اللى هو بيوهمهم ان عنده شركة كبيرة

طبعا كده تبقى الشغلانة دى حرام و فلوسها حرام يبقى رجوعى مصر احسن

و بالفعل رجعت مصر بعد حوالى 3 شهور فى السعودية

و بصراحة انا مش ندمان على التجربة دى بل على العكس انا رجعت أقوى معنويا و مهنيا كمان

و احتمال اسيب مجال تصميم المواقع و ارجع تانى لمجالى الاصلى فى العلوم لانى عمرى ما نويت انى اسيب العلوم انا بس كنت باخد فترة اتعلم حاجات جديدة و اعمل شوية فلوس و اشوف الدنيا بره الجامعة و العلم عاملة ايه و للاسف لقيتها اسوأ مما كنت اتخيل

أنا اسف على الاطالة بس انا ما صدقت الاقى حد افضفض معاه و يكون فاهمنى

شكرا

أنا حاسس بيك جدا..لأني عشت أجزاء كبيرة من نفس المشكلة

و طالما انك سبت شغل خوف من الله تاكد من أن الله لن يضيعك

بس أنا عاوز منك حاجة صغيرة..أنا عاوزك تبعتلي علي الخاص اسم الشخص اليمني

لأني تقريبا اشتغلت مع شخص بنفس المواصفات دي..و شكله كده هو.

وفقكم الله

[زعلان]

مشكلة بعض حديثي التخرج انهم عاوزين يسافروا و خلاص.

أنا شخصيا أعرف أصدقاء لي من أيام ما كنت شغال في طرابلس في ليبيا..ما كانوش جايبين معاهم شبشب حمام

في شنطة هدومهم..أسأله ليه؟؟..يقوللي كلهم في مصر قالولي روح بس.. الحاجات هناك رخيصة!!!!!

ده واحد عاوز يسافر حتي لو من غير شنطة هدومه!!

wst:: لفت نظري موضوع شبشب الحمام الي

مش جايبينه معاهم في الشنطة لما سافروا اصل انا سافرت برضه من غير ما احط في الشنطة شبشب حمام

md2:

تفتكر ده يدل على ايه !!؟

[Alattar]

مشكلة بعض حديثي التخرج انهم عاوزين يسافروا و خلاص.

أنا شخصيا أعرف أصدقاء لي من أيام ما كنت شغال في طرابلس في ليبيا..ما كانوش جايبين معاهم شبشب حمام

في شنطة هدومهم..أسأله ليه؟؟..يقوللي كلهم في مصر قالولي روح بس.. الحاجات هناك رخيصة!!!!!

ده واحد عاوز يسافر حتي لو من غير شنطة هدومه!!

:blush2: لفت نظري موضوع شبشب الحمام الي

مش جايبينه معاهم في الشنطة لما سافروا اصل انا سافرت برضه من غير ما احط في الشنطة شبشب حمام

:unsure:

تفتكر ده يدل على ايه !!؟

مع انك بتهزر والموضوع أصلا جد..بس هقوللك عشان ما تفتكرش اني باستهزأ بحد

أنا كان قصدي انه حتي ما جابش معاه حاجاته الأساسية

الحاجات اللي أكيد أول ما يوصل هيحتاج انه يطلعها من شنطته و يستخدمها

يعني تخيل واحد مسافر معاهوش لبس كفاية ولا معاه بعض حاجاته الأساسية.

يبقي ده واحد مش مسافر مثلا عشان يحسن مستوي دخله....ده واحد شكله عاوز

يسافر و خلاص..ولا ليه هدف ولا طموح..غير انه يسافر..ان شا الله حتي بالهدوم اللي عليه

ومن غير شنطة هدومه كمان.

أرجو انك تكون فهمت قصدي.

تم تعديل 20 أبريل 2009 بواسطة Alattar

[mokhtarelmalahy]

من رايى ان الواحد مايسافرش الا وهو عارف انه هيتقدر يعنى مقامه يبقى اعلى شويه ماتخرجش النهارده واسافر بكره كده هابقى مسافر صغير وعمرى ماهكبر خصوصا لو مش مخطط صح احنا يا جماعه بجد بينقصنا التخطيط الوظيفى

يعنى دلوقتى انا فى سنه رابعه اداره اعمال كليه تجاره جامعه المنصوره والحمد لله من دلوقتى واخد دورات كتير فى مجالى فى التسويق والبورصه واداره الازمات الماليه وبحاول ادرب فى شركات وبنوك كبيره ومعايا ICDL ولسه كمان داخل على MOS EXCEL ده غير انى الحمد لله بحاول اكون فاهم فى كجالى بنزل كوريات من على النت واذاكرها عشان ابقى فاهم

وكل ده ومش ناوى اسافر على طول مع انى لو عايز عن

ى فرصه اسهل من غيرى لان اخويا مهندس فى قطر وممكن بفتحلى سكه بس مش ده اللى انا عايزه لازم اطور من نفسى واخد خبره فى مصر عشان لما اسافر ابقى فاهم اتقدر شويه

[se_ Elsyed]

و حلم التعلم بره ده يعني اقل شئ يقال عنه انه مستحيل بالنسبة للمصريين الا من رحم ربي و يا رب يا رب ربنا يرحمني

يا عم أرحمنا ...

هو أنت فاكر اللي بيدرس بره بيقعد تحت التكييف و5 بيخدموه وبيذاكروا له ويأكلوه ؟

ده طحن يابا .. ويمكن اللي بيشتغل بيبقى أرحم وعنده دخل ثابت قابل للزيادة .. إنما المبتعثين بيبقى دخلهم قليل جداً ومطلوب منهم يذاكروا ويجتهدوا وإلا هايخدوا بالشلوت ويرجع قفاه يقمر عيش وهايبقى لا حصل مبتعث وحاصل على شهادة من بلاد الفرنجة اللي إحنا فاكرين كل اللي راجعين من هناك هم علماء فضاء ... او حصل واحد كمل دراستة في بلده ..

يا عم محمد أنا أتخرجت من تجارة وكنت بأدرس في الجامعة الأمريكية كورسات بالنهار .. وبالليل بأشتغل مُدرس لغة أنجليزية خاص لما أطحنت وكنت بأجي بالليل ما بأبقاش شايف قدامي وبانام زي القتيل عشان أصحى تاني يوم الصبح أبدأ الموال من اوله ... وفي أخر يوم للكورسات وأول وظيفة تقدمت لها عن طريق الجريدة وكانت شركة مصرية وولا واسطه ولا كرت من رقاصة ولا حاجه رشحوني إني أسافر لمشروع عندهم في السعودية وأستمريت معهم إلى الأن ... بالمناسبة تخيل إني ما قبلتش في الشغلانه دي إلا بشرط ... وهو إني أروح أتدرب على الوورد واللوتس - ما كانش في إكسل وكان قبله برنامج إسمه اللوتس من نوعيه برامج السبريد شيتس- ولكن لغتي كانت قوية والحمد لله .. فالمدير أستجدعني وقال لي أمامك أسبوعين روح أتدرب وتعالى تاني أختبرك .. وأنا هاقول لهم في السعودية ان الراجل ده كويس على ضمانتي وهاختبرك تاني ولو ما نفعتش يبقى هارشح واحد غيرك .. وفعلاً روحت أخدت كورس مكثف ورجعت ونجحت ... عارف إن كان عندي 22 سنة والراجل ده عنده حوالي 40 سنة ؟ وتعرف إن خلال أقل من 5 سنوات ولله الحمد والمنه .. بقيت أنا مدير له وهو ريبورتيد ليه .. لإن انا في الشركة الام بالسعودية وهو في فرعنا بمصر ومازال معنا حتى الأن وبالرغم من ذلك لا أقول له إلا يا عمي ولو جه إجتماع هنا أو أنا نزلت في فرعنا هناك بأوطي على راسه ابوسها وهو بيبقى مكسوف جداً لإني مديره وإزاي اعمل كده معاه .. لكن هذا ما إلا عرفاناً بالجميل من شخص ما يعرفنيش ولا أعرفه لكنه وقف بجانب شاب مبتديء بيشم جبس في أول الطريق ولم أنسى فضله بعد الله سبحانه وتعالى ...

قول بقى الراجل ده بيحكي فيلم هندي ؟

يعني هناك شيء إسمه إجتهاد وسعي وعمل وبعد كده التوفيق بتاع ربنا سبحانه وتعالى وثقة في ما نحفظهمن قرآن كريم وخصوصاً " إنا لا نُضيع أجر من أحسن عملا "

أما السوداويين واللي أكتفوا بالشهادات وفضلوا يسبوا في الظروف والجوابات والعيشة واللي عايشينها ويقرأ عن معدلات البطالة والازمات ويقعد في بيتهم وسايب دقنه وما بيستحماش تأثراً بالظروف مقدماً وإنه مش هايلاقي اللضا .... وتسمع بقى " يا عم إعلانات جرايد إيه ؟ إنت بتاكل من الكلام ده ... دي ناس نصابة وناقص ينزلوا أسم اللي إتعين خلاص واللي بيبقوا عارفينه مقدماً ومتعين وبياخد مرتب كمان ) ... كل دول لسه لما بأنزل أجازات بأشوفهم قاعدين على نفس القهوة محلك سر ... وبُكره يتخطى سن الأربعين ويحصل على لقب صايع عالمعاش ...

وأقسم بالله بعد التخرج كان عندي إستعداد أعمل أي عمل مهني حتى لو أخدت الدكتوراة .. طالما مش عيب أو حرام ... ..

وعشان ما تتصوروش إن الدنيا وردية ... خلصنا المشروع في السعودية ونزلوا 75 % مننا نهائي والباقي خروج وعودة وكنت منهم ... بعد 6 شهور بالظبط يعني الطيارة ما كانتش لحقت ترجع مصر ... ونزلت مصر يوم الأربعاء وكلمت أصحابي وكل اللي أعرفهم في مصر وقلت لهم عايز اشتغل .. ونزلت بفضل الله شغل في مكتب محاسب قانوني يوم السبت ... وقعدت معاه شهرين تلاتة لحد ما الشركة احتاجوني وأتصلوا بي تاني ورجعت السعودية مع إني لم أكن أخطط لذلك ..

وهذه ليس قصتي ولكني متأكد إن هناك قصص لأخوة وزملاء هنا لديهم قصص أكثر إمتاعاً وتدل على الإجتهاد بعيداً على البكاء والولوله ..