هو احنا المصريين بنعمل كده مع بعض ليه ؟؟

[MoHaMMeD EgYpT]

بسم الله الرحمن الرحيم

انا اليوم مع سؤال يطرح نفسه

هو احنا المصريين بنعمل كده في بعض ليه ؟؟

يعني مثلا في التفتيش في المطار المصريين بيكونوا اكتر ناس تتبهدل ( انا بتكلم علي مطار مصر ) و الناس من الجنسيات التانية يدخول vip

يعني مثلا لو ضابط شافك يقولك لك هات بطاقتك و ممكن يشتم و يسب فيك و ممكن يضرب فيك كمان و ممكن يرميك في التخشيبة اما لو واحد شعره اصفر و باين عليه اجنبي هيقول welcome و نورت مصر و لو واحد اجبني مهما كان جنسيته مش هيقدر يقوله كلمة و لو حتي مصري معاه جنسية تانية و يا لهوي لو كانت الامريكية الضابط بدل ما يرعبك هيترعش من الخوف

يعني مثلا تروح مصلحة حكومية تلاقي انك لازم تدفع الشاي و الاكرمية يعني بالعربي رشوة و غير كده تحس انك بتشحت من اللي بيشتغل فيها معا انك هتدفع له اكرامية لكن لو كان اجنبي مش هيقدر يقولك كلمة واحدة و هيقولك hi , sir و مش هيقدر ياخد منك مليم زيادة و هيخلص لك معاملتك الاول

يعني مثلا واحد اجنبي ضرب واحد مصري لحد ما شلفته هعرفين ايه اللي هيحصل ؟؟ الاجنبي هيقعد يشرب شاي و المصري هياكل علقة و يترمي له يومين في التخشيبة و كمان احتمال يدفع كفالة

يعني مثلا اجنبي اتعور تعويرة ضغيرة جدا لو راح مستشفي حكومة او حتي اي مستشفي هيعالجوه قبل الناس اللي هناك اقصد يعني المصريين

يعني مثلا لو اجنبي راح بلغ ان في حد شتمه و لو قال له يا حمار المهم لو راح بلغ اللي شاتمه هياكل علقة سخنة اما لو مصري اللي راح بلغ و لو حتي علي مصري زيه هيضربوا اللي راح يبلغ و كمان احتمال يجيبوا اللي اتبلغ عليه و يعملوا عليهم حفلة ضرب gsm::

يعني مثلا لو اجنبي راح فندق و حجز مش هياخدوا منه فلوس غير لما يجي يمشي اما لو مصري ده لازم يدفع مقدم اساسا

يعني مثلا لو اجنبي بطنه وجعته من اكلة من مطعم مثلا و راح بلغ ارهن انهم هيشمعوا المطعم ده اسبوع علي الاقل اما لو مصري اللي راح بلغ الشرطة هتطلع كويسة معاه و هتاكله كمان و كمان بس ضرب طبعا او هيرموك في اي مستشفي حكومي علشان يسلكوا لك بطنك :lol:

يعني مثلا لو مصري راح يعمل فيش و تشبيه اقل شئ هياخد له يومين طبعا مع دفع المعلوم يعني الرشوة و الاكرماية يعني اما لو اجنبي ارهن انها هتطلع في نفس اليوم

يعني مثلا لو اجنبي شرب خمرة او كان سكران او حتي محشش او معاه موزة او الكلام ده كله اراهن انه مش هيحصل له حاجة حتي و لو وزير الداخلية شافه :lol: اما لو مصري بيشرب سجاير هيقوفه و يقولوا له انت بتشرب ايه ياله smk:

يعني مثلا في الغردقة انا رحتها عدة مرات زمان لو انت اجنبي و رحت مطعم مثلا هيقولوا لك hi , sir و هقعدوك علي احسن طرابيزة عندهم و يخلوك كانك ملك اما لو مصري مش هيبصوا في وشك حتي

لو اتنين بيغرقوا و واحد مصري و التاني اجنبي و مافيش غير واحد شافهم هيروح ينقذ الاجنبي و مش بعيد يظهر كانه بطل و ممكن ياخدوا له كام صورة في الجرنان اما لو كان انقذ المصري ولا كانه عمل حاجة و كان زمانه اطلتش و مش بعيد يرموه في السجن

يعني مثلا لو اتنين راحوا محل او اي مكان تاني و واحد اجنبي و واحد مصري الاجنبي هو اللي هيمشي الاول و هياخد انظف الانواع

يعني مثلا لو ماشي في الشارع مافيش حتي حد هيرد عليك السلام لو سلامت اما لو اجنبي الناس كلها هتبتسم له و لو سلام ده لو كان مسلم الناس هتسلم عليه

يعني مثلا لو اجنبي دخل مدرسة حكومية و دي حصلت في مدرستي مرة كان واد صومالي و معاهم الجنسية الامريكية هو و اهله مش هتصدقوا انه ماكنش بيعرف تلت التالتة كام لكن اهوه كان بيطلع من الاوائل و المدرسين كلهم كانوا بيحترموه اكتر من المدير و المدير برده كان بيحترمه و انا مرة دبيت معاه خناقة عارفين ايه اللي حصل انا اخدت رفد اسبوع md2: و هو زي الباشا ما حصلش ليه حاجة معا انه هو اللي كان غلطان :P لكن هنقول ايه حسبي الله و نعم الوكيل

و القايمة تطول بالاشياء دي للصبح

سؤلي بقا احنا بنعمل كده ليه في بعضنا ؟؟

يعني لو الاجنبي ده بنت موزة مثلا يمكن الوضع يختلف و نقول الناس بتعمل علشان هي بنت اما لو اجنبي بقا رجل ليه بقا

يعني بصراحة انا مش فاهم احنا بنعمل في بعضنا ليه كده معا اننا اصحاب البلد و مفروض نخاف علي بعض اكتر ما نخاف علي الاجنبي

ده الاجنبي بيتعمل في مصر كانه مواطن اما المصري كانه غريب او هندي عند الحكومة و مش الحكومة بس اللي بتعمل كده

هل يعني علشان الاجنبي انسان طب احنا ايه :blush2: ؟؟

هل يعني علشان الاجنبي بيدفع للحكومة اكتر لكن لالعكس احنا اللي بندفع اكتر ؟؟

هل يعني علشان الاجنبي بيدفع فلوس اكتر بالعكس احنا اللي بندفع اكتر

يبقي العيب في مين فينا ولا في مين بالضبط ؟؟

تم تعديل 17 أبريل 2009 بواسطة MoHaMMeD EgYpT

[Alshiekh]

أنت جبت الكلام ده من اين؟ اوعى تكون بتتفرج على افلام عادل امام

وعلى فكرة التوقيع بتاعك مش واقعى

المفروض يكون كده:

Egypt is my home but New zealand is my dream or future

لانك لاتستطيع ان تجزم انه بامكانك ان تصبح نيوزيلنديا ولا حتى كويتيا ، وبلاش تتبطر على النعمة اللى انت فيها ، احمد ربنا ان لك وطن اسمه مصر

[عادل أبوزيد]

لا أعرف من أين أتيت بكل هذا هل تعانى أنت شخصيا من عقدة إضطهاد ؟

أنصحك نصيحة أب أن تراجع مفاهيمك عن مصر مع من هم أكثر منك خبرة و حنكة و حبذا لو عرضت معلوماتك عن مصر مع أقارب مختلفين و أصدقاء مختلفين.

أكاد أشعر أنك فى حاجة للحوار مع الأخصائى الإجتماعى فى مدرستك .... إفتح له قلبك بحب و تكلم معه فى مخاوفك و أحلامك حتى لو كانت بعيدة المنال.

[newcomer]

معلش يا استاذ محمد....

انا اسفة فى السؤال يعنى.....

انت كاتب فى توقيعك ...لتمنيت ان اكون نيوزيلانديا

و قبل كده كنت ببتمنى تكون كويتى

و اللى انا فهمته من مواضيع و ردود سعادتك انك عايش فى الكويت

و بتيجى اجازة الصيف بالعافية....

السؤال بقى....امتى حضرتك شفت و عايشت الأهوال اللى بتوصفها دى؟؟

و ليه حضرتك مهتم باجابة الأسئلة اللى طرحتها

لما انت تتمنى تكون صاحب اى جنسية ....غير المصرية...؟؟؟

[ابو محمد المصري]

اخواني الافاضل اسمحوا لي بتعليق

لو لم اكن مصريا لوددت ان اكون مصريا

لو تعاملت مع اي صاحب سلطه لوودت ان يكون مصريا

لاينكر احد ان هناك بعض السلبيات ولكن الصوره ليست بمثل القتامه التي ذكرها اخانا الفاضل

من شجاعتنا اننا نعترف بسلبياتنا ونحاول جاهدين اصلاحها

كنت اتمني من اي مصري اصيل يجري في عروقه ماء النيل انه عندما يطرح سلبيه ان يحاول طرح حل لها كفانا كلاما في المطلق نريد حلول حتي ولو كانت تخيلويه غير واقعيه لايمكن تحقيقها

مصر في حاجه الي وحدتنا لا اكتب شعارات ولكنني ارفض تعميم استشراء الفساد والمحسوبيه وكما ذكرت عندي الشجاعه ان اعترف ان هناك معوقات واطالب الجميع بوضوع حلول لها

[fatfouta]

معلش يا استاذ محمد....

انا اسفة فى السؤال يعنى.....

انت كاتب فى توقيعك ...لتمنيت ان اكون نيوزيلانديا

و قبل كده كنت ببتمنى تكون كويتى

و اللى انا فهمته من مواضيع و ردود سعادتك انك عايش فى الكويت

و بتيجى اجازة الصيف بالعافية....

السؤال بقى....امتى حضرتك شفت و عايشت الأهوال اللى بتوصفها دى؟؟

و ليه حضرتك مهتم باجابة الأسئلة اللى طرحتها

لما انت تتمنى تكون صاحب اى جنسية ....غير المصرية...؟؟؟

والله كلامك صح هو ده اللى كنت عاوزة اقوله بالضبط

[Tarek_ml]

بصراحه ان عايش فى مصر ضعف سنك لكن معرفش انت جايب الكلام ده منين؟؟؟؟؟؟؟؟؟؟؟؟

[Abu Reem]

توقعت طبعا أن يتم مهاجمة محمد ، لأنه ذكر مساوئ كثيرة بتحدث فعلا

هو لم يقول أن هذه هي القاعدة التي تحدث دائما ولكنه ذكر أشياء موجودة بكثرة وأشياء بتحدث بدرجة كبيرة وأكثر مما تحدث في بلاد أخرى حولنا.

بالتأكيد هو تعرض لمواقف جعلته يقول هذا الكلام. وأي واحد فينا يتعرض لموقف سخيف أكيد بيترك معاه أثر نفسي ( لأننا بني أدمين )

لكن للأسف ( كلمه معلش ولازم نتعود على سلبيات بلدنا ، وان كل ده بيحصل في بلاد تانية ، وان مش لازم نعمم ، هو ده إللي بيجعلنا نتأخر )

يا سادة يا أفاضل يا من علقتم على موضوع الأخ محمد ، وكأنه بيقول كلام بيحصل في المريخ ياريت تجاوبوني:

- ماذا يحدث للناس إللي ببتروح تدفع فاتورة تليفون ، أو تأخذ معاش ، أو تطلع رخصة قيادة أو تطلع حتى بطاقة الرقم القومي.

- ماذا يحدث للمصري عندما يذهب لسفارة بلده ويكون عنده شكوى في البلد التي يعمل فيها ( ومحدش يقول لي أن المصريين كتير ومشاكلهم كتير )

- ماذا يحدث عندما يقوم واحد ( خليجي في بلدك ) بعمل سباق سيارات في طريق المطار ويقتل له شوية ( ويسافر معزز مكرم ) حد فيكم يقول لي هل عوقب هذا الشخص أم أن دماء المصريين رخيصة.

- حد يقول لي ماذا يحدث عندما تعمل مخالفة بسيطة ويجي ضابط المرور يطلب رخصك أو تحاول أن تتاقش معه ( عارف طبعا إن فيه ناس محترمة ) ولكن ليه فيه تجاوز من البعض الأخر وتعالي وغطرسة والنسبة المخطئة عندما تكون كبيرة ( هنا يتكون المشكلة ) أما في البلاد المتحضرة يكون الضابط المخطيء أو المتغطرس ( نسبة ضئيلة جدا ولو حدثت شكوى ضده من المواطن بيأخذ حقه ويعاقب الشرطي) وهذا هوة الفرق. وماذا يحدث عندما تجنح باخرة سياحية في النيل ( بتنقلب الدنيا ) وتسمع عن عبارات المديح عن إنقاذ السياح أظن واضح الفرق.

- ما هو تعليقكم على وجود أكثر من ألف شخص يصارعون الموت في البجر غرقا ( يوم مبارة مصر في كأس امم أفريقيا 2006) ، ولا تطلع طائرة إنقاذ مصرية هليكوبتر أو زوارق حربية لمحاولة إنقاذهم ومن ينجح منهم في الصمود بمعجزة لمدة 3 أيام ( تأتي سفينة بنجالية وتنقذ من تبقى منهم ) أي والله بنجالية وليست مصرية.

- ما قولكم عن معاملة المصريين في المطار وفي الجمارك، ( والاساءة إلى شخص واحد ) مفروض أنها مرفوضة مهما كان ، ولا يقول لي

أحد معلش هذا يحدث مع 5 أو 10 % ، ( لأن هذا مرفوض تماما في الخارج ) القانون قانون ، واحترام المواطن حتى لو مجرم واجبه ،

وليس من حق أي ضابط أن يمد يده على المواطن ، وليس من مفروض إجباره على الكلام إلا في وجود محاميه.

- والأخ إللي بيقول ياريت نضع حلول ، أقول له ياراجل قول كلام غير ده ( لما يكون فيه قوانين صارمة بتطبق ) أو لما يكون في تخطيط من

الدولة ساعتها ممكن نساعد على إنجاح الحلول لأن مشاكل الشعب هي من مسئولية الحكومات في كل دول العالم ،

يعني إعمل لي نظام محترم زي ما كان فيه نظام محترم في مترو الأنفاق وهتلاقي الناس بتلتزم به ، أما أن تترك الشوارع بدون نظام

أساسا أو تترك الشوارع قذرة مثلا في الأماكن الفقيرة وبعدين تقول للناس إلتزموا ، ( يعني المفروض وضع القوانين الصارمة والثواب والعقاب يطبق على الجميع ، وبعدين نحاسب المخطيء ، وأيضا بالقانون وليس بالإهانة والتطاول.

على العموم معلش مجدش يزعل مني ويقول لي إني انا كمان متعقد وأني مش شايف حاجة حلوة في مصر والكلام ده ، أنا نفسي

مصر تكون أحسن بلد في العالم ، وأكيد أنتم أيضا ولكن لا يجب أن نرضى بالقليل وإن مش مشكلة طالما ما يحدث لا يمس إلا 10 أو 20

% من المصريين يبقى كويس كده ( مع العلم أن النسبة أكثر من كده بكثير ) .

وإنظروا إلى مصر في الماضي ومصر الأن ، وشوارع مصر الأن وشوارعها دلوقتي ، حتى سلوكيات الناس زمان واحترامهم لبعض في

الشواطيء والمواصلات العامة وانظروا إلى سلوكيات الناس دلوقت ، وانتم تعرفوا ، حتى على مستوى الفن والأغاني ، اكيد الفرق واضح.

أتفهم موقفكم كمشرفين أكيد في قيود عليكم شوية وأن المحافظة على شكل مصر وحكومتها أمر قد يكون مفهوم ولكن صدقوني الكلام

إللي بنقوله هنا هي محاولة من محاولات الإصلاح إلي اتكلم عليها الاخ أبو محمد المصري ، وليس مجرد اتهامات ليس لها أساس أو

كلام سلبي ، لأن من حقنا أن يعيش المواطن المصري بكرامة داخل وخارج بلده لأن كثرة التنازلات هي إللي وصلتنا لما ترونه يحدث

الأن أما من 30 سنة مثلا كان المصري هو الجنسية الأولى المفضلة مثلا في الخليج أما الأن !!!؟؟؟

وكفاية كده دلوقت,

تم تعديل 18 أبريل 2009 بواسطة Abu Reem

[Abu Reem]

بصراحه ان عايش فى مصر ضعف سنك لكن معرفش انت جايب الكلام ده منين؟؟؟؟؟؟؟؟؟؟؟؟

يا اخ طارق بما أنك عايش في مصر أسألك:

- ياريت تقول لي كم انت راضي عن نظافة الشوارع المصرية ( يعني بنسبة كام في المائة ) وذلك بالنسبة لمناطق القاهرة المختلفة ( واياريت لا تنظر فقط للزمالك ومدينة نصر ، ومصر الجديدة ) - لا تنسى بولاق ، وعزبة النخل ، وفيصل ، والشرابية ، وباب الشعرية ، وغيرها )

- ياريت تقول النسبة المئوية على رضاك عن مستوى المستشفيات الحكومية ( مثل القصر العيني ) ومستشفيات التأمين الصحي.

- النسبة المئوية عن رضاك عن الشوارع المصرية من الناحية المرورية والالتزام والتخطيط للشوارع والاشارات وأماكن الإنتظار.

- ياريت تقول لي النسبة المئوية عن رضاك عن المواصلات العامة ( أتوبيسات ، ميكروباس ، ولا تنسى القطارات )

- ياريت النسبة المئوية عن رضاك عن المدارس الحكومية المصرية، أو حتى المدارس الخاصة ومدى تطوير حالة المدرس و الأنشطة الدراسية والملاعب.

- ياريت النسبة المئوية عن رضاك عن البيئة المحيطة ( الهواء ، وماء النيل الذي نشربه ).

- النسبة المئوية عن رضاك عن المجالس المحلية والبلدية ، من ناحية واحدة فقط هي ( العقارات ) والمباني التي تنشأ بطريقة عشوائية والمخالفات.

(( وأقول مسبقاً أستطيع أن أعدد أشياء عديد جيدة بمصر وجميلة وأستطيع أن أذكر مواقف كثيرة جيدة )) ولكن ياريت لا نتفرع ونتدخل في قضايا أخرى الأن إلا بعد الإجابة على ما كتبته أولا ، وبعد كده ممكن نخصص موضوع تاني عن الإيجابيات.

ولكن السؤال المهم هو ( ما هي نسبة السلبيات وكم الاخطاء والتقصير الموجودة الأن سواء مننا كمواطنين أو مسؤلين )

[elfakhrany]

طبعا موضوع ممتاز بس ياجماعة الواحد زهق من الكلام ومن الحكومة الفاشلة .. وزى ماقال أخونا العزيز أبو ريم عايزين نظام والناس تمشى عليه واللى يخالف يتعاقب

زى ما هو موجود فى أى دولة بيهتموا بالأدارة قبل أى حاجة لانهم عارفين أنها أساس النجاح وشعب مصر قابل للتغيير والسلوكيات دى كلها جديدة علينا بسبب النظام

الفاشل والفساد الأدارى بس هــــانت 2011 قربت وعندى أمل كبير أن بكرة أحسن

[fagrmasr]

مش عيب اننا نعترف بعيوبنا

العيب اننا بندارى راسنا فى الرمال زى النعامة

الكارثة ان الصياد ,,, مش هايسيب النعامة

حتى لو دفنت راسها ف الرمل

الاعتراف بالحق فضيلة من الفضائل المحمودة

والصمت احيانا يكون عقل

لكن الساكت عن الحق

شيطان أخرس

[التونسى]

بص يا محمد انا حتكلم عن نقطه واحده ذكرت فى موضوعك خاصه بالمعامله الخاصه للاجانب .. احنا بلد سياحيه فى المقام الاول :lol: ((للاسف طبعا كنت اتمنى نكون بلد صناعيه او زراعيه او حتى تجاريه فى المقام الاول )) عشان كده احد اهم رؤوس اموال دولتنا الميمونه هو السائح الغريب اللى بيجى يصرف ويدعم حزينة الدوله بما لذ وطاب من عمله صعبه ...

ولان العمليه تعتمد فى المقام الاول على السمعه .. فلازم يكون فيه احتفاء وحسن ضيافه للاجانب خاصة من دول العالم المتقدم .. عشان السائح ده حيكون ((سفير غير مباشر)) لابناء جلدته .. وانطباعه الايجابى عن مصر حيساهم فى اعطاء صوره ذهنيه جيده عن مصر من أثرها ان تشجع الاجانب على زيارة مصر

انا عن نفسى طبعا لاحظت موضوع المعامله الخاصه جدا اللى بيلقاها الاجانب من دول اوربا على وجه الخصوص فى المطارات .. عشان كده اغلب رحلاتى من و الى مصر من دول اوربيه مختلفه بنتقيها عبر النت بان تكون ضمن فوج سياحى رايح القاهره او شرم الشيخ او حتى الغردقه .. لان الاجراءات الجمركيه مع الافواج السياحيه بتبقى سهله وغير معقده .. يعنى العمليه بالغه الدارجه بتبقى ((هيصه)) ..

وبصراحه بيتم التعامل معايا من قبل الناس فى المطار لما بيعرفوا انى مصرى بمنتهى الادب والذوق بل والاحتفاء الزائد :D .. وده حصللى كذا مره فى مطار شرم الشيخ .. لكن بصراحه لما بسافر ضمن رحله عاديه .. بعانى ساعات من معامله جافه وصلف وشك وريبه smk: مش عارف تحديدا ليه

متنساش يا محمد ان احنا عندنا كمان كشعب عقده تسمى ب ((عقدة الخواجه)) وانت ذات نفسك على فكره ممكن تكون مصاب بالعقده دى من حيث لا تدرى .. ودى مرجعها لاسباب معقده لا مقام هنا لسردها وتفنيدها ..

عامة انا بحب دايما انظر لكوب الماء المملوء .. وبلاش تنظر للجانب الاسود يا محمد وصدقنى .. ومن واقع خبرتى الحيايتيه .. كل بلد وفيها عيوبها ومميزاتها .. ((((واحنا)))) اللى ممكن نخللى حياتنا سعيده او تعيسه عبر (((الرضا والقناعه))

وكلمه او همسه اخيره للاخوة الاعزاء .. رفقا بمحمد .. فما زال شاب غض صغير .. عسى ان يجعلنا الله سببا فى انارة حياته بكل ما هو مفيد وايجابى

مع خالص تحيتى

التونسى

تم تعديل 18 أبريل 2009 بواسطة التونسى

[MoHaMMeD EgYpT]

أنت جبت الكلام ده من اين؟ اوعى تكون بتتفرج على افلام عادل امام

وعلى فكرة التوقيع بتاعك مش واقعى

المفروض يكون كده:

Egypt is my home but New zealand is my dream or future

لانك لاتستطيع ان تجزم انه بامكانك ان تصبح نيوزيلنديا ولا حتى كويتيا ، وبلاش تتبطر على النعمة اللى انت فيها ، احمد ربنا ان لك وطن اسمه مصر

انا فعلا بتفرج كتير اليومين دول علي عادل امام smk:

و بخصوص الكلام ده اظن ان حضرتك قاعدت فترة كبيرة في امريكا و للاسف حضرتك فاكر ان مصرنا القديمة هي هي مصرنا الحالية لكن للاسف اتغير اشياء كتيييييييييييير :lol:

و بخصوص الجزم اني اكون نيوزيلندي مش بعيد يعني كله بيد الله و حتي اني اجزم اني اكون كويتي برده بيد الله لكن ان شاء الله نيوزيلندي بس انت قول يا رب

و بخصوص اني عندي وطن اسمه مصر انا فعلا فرحان بكده بس هل تظن مين يعيش افضل في مصر المواطن المصري العادي ولا مواطن اجبني او مواطن مصري معاه جنسية اجنبية

هقولك طبعا المواطن المصري اللي معاه جنسية اجنبية و الاجنبي

و ان شاء الله انا هكون المواطن المصري اللي معاه الجنسية الاجنبية ( النيوزيلندية ان شاء الله ) و ارجع بعد ما اخدها اقولك الجو عليل و السماء صافية في مصر و اقولك علي الشرطة دول احسن ناس

[newcomer]

يا سادة يا أفاضل يا من علقتم على موضوع الأخ محمد ، وكأنه بيقول كلام بيحصل في المريخ ياريت تجاوبوني:

,

ما فيش حد قال ان الكلام ده مابيحصلش

بس مش بالصورة القاتمة السوده دى...مش للدرجة دى...

لو هاكلم عن وجهه نظرى.....

انا باتضايق لما الناس و الفضائيات و بعض مننا

بتتكلم عن المصريين على انهم مخلوقات غير المخلوقات الانسانية

و كأننا شعب غير الشعوب .....او مخلوقات فضائية!!

اللى ذكره الاستاذ محمد و اللى ذكرته حضرتك

ما يرضيش حد....و ما يعجبش حد....طبيعى طبعا...

بس الطبيعى برضة....ان ده موجود فى كل الدنيا

النسب هى اللى بتتفاوت ....حسب حاجات كتيير

(ابتديت احس ان حالة اليأس و الأحباط

اللى بننقله لبعض بكل همه و إخلاص بقت واحد من المسببات)

سؤال اخير لحضرتك:

حضرتك سألت عدة اسئلة تبدأ ب هل انت راضى عن....؟؟

اسمحلى اسأل نفسى و أسأل حضرتك

هل انت راضى عن نفسك كمواطن مصرى....

تؤدى ما عليك من واجبات .....و مش سلبى فى المطالبة بما لك من حقوق؟؟؟

[MoHaMMeD EgYpT]

معلش يا استاذ محمد....

انا اسفة فى السؤال يعنى.....

انت كاتب فى توقيعك ...لتمنيت ان اكون نيوزيلانديا

و قبل كده كنت ببتمنى تكون كويتى

و اللى انا فهمته من مواضيع و ردود سعادتك انك عايش فى الكويت

و بتيجى اجازة الصيف بالعافية....

السؤال بقى....امتى حضرتك شفت و عايشت الأهوال اللى بتوصفها دى؟؟

و ليه حضرتك مهتم باجابة الأسئلة اللى طرحتها

لما انت تتمنى تكون صاحب اى جنسية ....غير المصرية...؟؟؟

والله انا ما اتولدش و في فمي معلقة دهب انا شوفت الحاجات دي قدام عيني و انا ما جتش الكويت غير من سنتين بس

انا بتمني اخد الجنسية الكويتية او النيوزيلندية فقط مش اكتر ليه ؟؟ انا ليا اسبابي

و ردا علي سوال حضرتك الاخير انا بتمني اخد جنسية تاني علشان ما يحصلش ليا ده في يوم من الايام و كمان اتعامل زي الاجانب و فعلا ساعاتها مش هقول مصر فيها شئ سئ بالعكس هقولك للجميع ده مصر جوها نظيف و فعلا الحكومة في خدمة الشعب و غير كده انا نفسي في الجنسيتين دول لاني بحب الكويت و نيوزيلندا برده ليا اسبابي الشخصية فيها :unsure:

تم تعديل 18 أبريل 2009 بواسطة MoHaMMeD EgYpT

[MoHaMMeD EgYpT]

اخواني الافاضل اسمحوا لي بتعليق

لو لم اكن مصريا لوددت ان اكون مصريا

لو تعاملت مع اي صاحب سلطه لوودت ان يكون مصريا

لاينكر احد ان هناك بعض السلبيات ولكن الصوره ليست بمثل القتامه التي ذكرها اخانا الفاضل

من شجاعتنا اننا نعترف بسلبياتنا ونحاول جاهدين اصلاحها

كنت اتمني من اي مصري اصيل يجري في عروقه ماء النيل انه عندما يطرح سلبيه ان يحاول طرح حل لها كفانا كلاما في المطلق نريد حلول حتي ولو كانت تخيلويه غير واقعيه لايمكن تحقيقها

مصر في حاجه الي وحدتنا لا اكتب شعارات ولكنني ارفض تعميم استشراء الفساد والمحسوبيه وكما ذكرت عندي الشجاعه ان اعترف ان هناك معوقات واطالب الجميع بوضوع حلول لها

الصورة قاتمة اكتر من كده ده اانا تقريبا ما قولتش غير اشياء قليلة جدا انا مش بقول كده علشان اشتم مصر لا انا بقول كده علشان نحاول نعالجها و نتناقش فيها

و صدقني لو فضلت احكي و احكي مش هخلص من عيوب مصر لكن ان شاء الله تحلل :unsure:

[MoHaMMeD EgYpT]

توقعت طبعا أن يتم مهاجمة محمد ، لأنه ذكر مساوئ كثيرة بتحدث فعلا

هو لم يقول أن هذه هي القاعدة التي تحدث دائما ولكنه ذكر أشياء موجودة بكثرة وأشياء بتحدث بدرجة كبيرة وأكثر مما تحدث في بلاد أخرى حولنا.

بالتأكيد هو تعرض لمواقف جعلته يقول هذا الكلام. وأي واحد فينا يتعرض لموقف سخيف أكيد بيترك معاه أثر نفسي ( لأننا بني أدمين )

لكن للأسف ( كلمه معلش ولازم نتعود على سلبيات بلدنا ، وان كل ده بيحصل في بلاد تانية ، وان مش لازم نعمم ، هو ده إللي بيجعلنا نتأخر )

يا سادة يا أفاضل يا من علقتم على موضوع الأخ محمد ، وكأنه بيقول كلام بيحصل في المريخ ياريت تجاوبوني:

- ماذا يحدث للناس إللي ببتروح تدفع فاتورة تليفون ، أو تأخذ معاش ، أو تطلع رخصة قيادة أو تطلع حتى بطاقة الرقم القومي.

- ماذا يحدث للمصري عندما يذهب لسفارة بلده ويكون عنده شكوى في البلد التي يعمل فيها ( ومحدش يقول لي أن المصريين كتير ومشاكلهم كتير )

- ماذا يحدث عندما يقوم واحد ( خليجي في بلدك ) بعمل سباق سيارات في طريق المطار ويقتل له شوية ( ويسافر معزز مكرم ) حد فيكم يقول لي هل عوقب هذا الشخص أم أن دماء المصريين رخيصة.

- حد يقول لي ماذا يحدث عندما تعمل مخالفة بسيطة ويجي ضابط المرور يطلب رخصك أو تحاول أن تتاقش معه ( عارف طبعا إن فيه ناس محترمة ) ولكن ليه فيه تجاوز من البعض الأخر وتعالي وغطرسة والنسبة المخطئة عندما تكون كبيرة ( هنا يتكون المشكلة ) أما في البلاد المتحضرة يكون الضابط المخطيء أو المتغطرس ( نسبة ضئيلة جدا ولو حدثت شكوى ضده من المواطن بيأخذ حقه ويعاقب الشرطي) وهذا هوة الفرق. وماذا يحدث عندما تجنح باخرة سياحية في النيل ( بتنقلب الدنيا ) وتسمع عن عبارات المديح عن إنقاذ السياح أظن واضح الفرق.

- ما هو تعليقكم على وجود أكثر من ألف شخص يصارعون الموت في البجر غرقا ( يوم مبارة مصر في كأس امم أفريقيا 2006) ، ولا تطلع طائرة إنقاذ مصرية هليكوبتر أو زوارق حربية لمحاولة إنقاذهم ومن ينجح منهم في الصمود بمعجزة لمدة 3 أيام ( تأتي سفينة بنجالية وتنقذ من تبقى منهم ) أي والله بنجالية وليست مصرية.

- ما قولكم عن معاملة المصريين في المطار وفي الجمارك، ( والاساءة إلى شخص واحد ) مفروض أنها مرفوضة مهما كان ، ولا يقول لي

أحد معلش هذا يحدث مع 5 أو 10 % ، ( لأن هذا مرفوض تماما في الخارج ) القانون قانون ، واحترام المواطن حتى لو مجرم واجبه ،

وليس من حق أي ضابط أن يمد يده على المواطن ، وليس من مفروض إجباره على الكلام إلا في وجود محاميه.

- والأخ إللي بيقول ياريت نضع حلول ، أقول له ياراجل قول كلام غير ده ( لما يكون فيه قوانين صارمة بتطبق ) أو لما يكون في تخطيط من

الدولة ساعتها ممكن نساعد على إنجاح الحلول لأن مشاكل الشعب هي من مسئولية الحكومات في كل دول العالم ،

يعني إعمل لي نظام محترم زي ما كان فيه نظام محترم في مترو الأنفاق وهتلاقي الناس بتلتزم به ، أما أن تترك الشوارع بدون نظام

أساسا أو تترك الشوارع قذرة مثلا في الأماكن الفقيرة وبعدين تقول للناس إلتزموا ، ( يعني المفروض وضع القوانين الصارمة والثواب والعقاب يطبق على الجميع ، وبعدين نحاسب المخطيء ، وأيضا بالقانون وليس بالإهانة والتطاول.

على العموم معلش مجدش يزعل مني ويقول لي إني انا كمان متعقد وأني مش شايف حاجة حلوة في مصر والكلام ده ، أنا نفسي

مصر تكون أحسن بلد في العالم ، وأكيد أنتم أيضا ولكن لا يجب أن نرضى بالقليل وإن مش مشكلة طالما ما يحدث لا يمس إلا 10 أو 20

% من المصريين يبقى كويس كده ( مع العلم أن النسبة أكثر من كده بكثير ) .

وإنظروا إلى مصر في الماضي ومصر الأن ، وشوارع مصر الأن وشوارعها دلوقتي ، حتى سلوكيات الناس زمان واحترامهم لبعض في

الشواطيء والمواصلات العامة وانظروا إلى سلوكيات الناس دلوقت ، وانتم تعرفوا ، حتى على مستوى الفن والأغاني ، اكيد الفرق واضح.

أتفهم موقفكم كمشرفين أكيد في قيود عليكم شوية وأن المحافظة على شكل مصر وحكومتها أمر قد يكون مفهوم ولكن صدقوني الكلام

إللي بنقوله هنا هي محاولة من محاولات الإصلاح إلي اتكلم عليها الاخ أبو محمد المصري ، وليس مجرد اتهامات ليس لها أساس أو

كلام سلبي ، لأن من حقنا أن يعيش المواطن المصري بكرامة داخل وخارج بلده لأن كثرة التنازلات هي إللي وصلتنا لما ترونه يحدث

الأن أما من 30 سنة مثلا كان المصري هو الجنسية الأولى المفضلة مثلا في الخليج أما الأن !!!؟؟؟

وكفاية كده دلوقت,

شكرا يا ابو ريم :unsure: :) و انا مش عارف فعلا هما بيهربوا ليه من الحقيقة دي :blink:

[MoHaMMeD EgYpT]

طبعا موضوع ممتاز بس ياجماعة الواحد زهق من الكلام ومن الحكومة الفاشلة .. وزى ماقال أخونا العزيز أبو ريم عايزين نظام والناس تمشى عليه واللى يخالف يتعاقب

زى ما هو موجود فى أى دولة بيهتموا بالأدارة قبل أى حاجة لانهم عارفين أنها أساس النجاح وشعب مصر قابل للتغيير والسلوكيات دى كلها جديدة علينا بسبب النظام

الفاشل والفساد الأدارى بس هــــانت 2011 قربت وعندى أمل كبير أن بكرة أحسن

تمام كلامك :unsure: و يا عالم ما يمكن مبارك اساسا يموت قبل ما تجي 2011 و اهوه نبقي استريحنا خالص

[MoHaMMeD EgYpT]

مش عيب اننا نعترف بعيوبنا

العيب اننا بندارى راسنا فى الرمال زى النعامة

الكارثة ان الصياد ,,, مش هايسيب النعامة

حتى لو دفنت راسها ف الرمل

الاعتراف بالحق فضيلة من الفضائل المحمودة

والصمت احيانا يكون عقل

لكن الساكت عن الحق

شيطان أخرس

:unsure:

[herohero]

سيدي مفيش مكان كامل كل بلد ولها سلبياتها وماينفعش تقارن الكويت مثلا بمصر انا بحب الكويت وبحب مصر ده اتربيت فيها وعيشت ايام طفوله جميله ومصر هي وطني وفيه فرق كبير قوي بين بلد الاقامة وبين الوطن ، واحنا مش بنختار اوطانا ومش لازم وطنا يبقى زي الفل قوي عشان نقبل انه يكون وطنا وف الاخر هو وطنا مهما ماهتعيش ف الكويت مش هتاخد جنسيتها يبقى خلينا نفكر ف بلدنا بس ننتقدها النقد البناء عشان بنحبها وهنخليها حلوة ان شاء الله بايدينا وشيئ بسيط جدا يعني لو الحكومه كلها ماتت وفضل الشعب هل احنا جاهزين هل احنا متعلمين ومتثقفين بالقدر الكافي لازم نبقى جاهزين الكويت مش من اول يوم كانت زي ما انت حاليا شايفها انا حضرت الكويت وكانوا بيعملوا حمله للقضاء ع الفئران وحضرت الكويت ايام ماكانت الميا بتيجي بتناكر ، يعني الكويت برده مرت بمراحل وماينفعش تقارن بلد قديمه زي مصر ببلد لسه طالعه يعني اللي يهمنا هو ان بلدنا تبقى تمام

ويارب ننجح ف كده