هو احنا المصريين بنعمل كده مع بعض ليه ؟؟

[MoHaMMeD EgYpT]

بص يا محمد انا حتكلم عن نقطه واحده ذكرت فى موضوعك خاصه بالمعامله الخاصه للاجانب .. احنا بلد سياحيه فى المقام الاول :unsure: ((للاسف طبعا كنت اتمنى نكون بلد صناعيه او زراعيه او حتى تجاريه فى المقام الاول :) )) عشان كده احد اهم رؤوس اموال دولتنا الميمونه هو السائح الغريب اللى بيجى يصرف ويدعم حزينة الدوله بما لذ وطاب من عمله صعبه ...

ولان العمليه تعتمد فى المقام الاول على السمعه .. فلازم يكون فيه احتفاء وحسن ضيافه للاجانب خاصة من دول العالم المتقدم .. عشان السائح ده حيكون ((سفير غير مباشر)) لابناء جلدته .. وانطباعه الايجابى عن مصر حيساهم فى اعطاء صوره ذهنيه جيده عن مصر من أثرها ان تشجع الاجانب على زيارة مصر

انا عن نفسى طبعا لاحظت موضوع المعامله الخاصه جدا اللى بيلقاها الاجانب من دول اوربا على وجه الخصوص فى المطارات .. عشان كده اغلب رحلاتى من و الى مصر من دول اوربيه مختلفه بنتقيها عبر النت بان تكون ضمن فوج سياحى رايح القاهره او شرم الشيخ او حتى الغردقه .. لان الاجراءات الجمركيه مع الافواج السياحيه بتبقى سهله وغير معقده .. يعنى العمليه بالغه الدارجه بتبقى ((هيصه)) ..

وبصراحه بيتم التعامل معايا من قبل الناس فى المطار لما بيعرفوا انى مصرى بمنتهى الادب والذوق بل والاحتفاء الزائد :wub: .. وده حصللى كذا مره فى مطار شرم الشيخ .. لكن بصراحه لما بسافر ضمن رحله عاديه .. بعانى ساعات من معامله جافه وصلف وشك وريبه :ninja: مش عارف تحديدا ليه

متنساش يا محمد ان احنا عندنا كمان كشعب عقده تسمى ب ((عقدة الخواجه)) وانت ذات نفسك على فكره ممكن تكون مصاب بالعقده دى من حيث لا تدرى .. ودى مرجعها لاسباب معقده لا مقام هنا لسردها وتفنيدها ..

عامة انا بحب دايما انظر لكوب الماء المملوء .. وبلاش تنظر للجانب الاسود يا محمد وصدقنى .. ومن واقع خبرتى الحيايتيه .. كل بلد وفيها عيوبها ومميزاتها .. ((((واحنا)))) اللى ممكن نخللى حياتنا سعيده او تعيسه عبر (((الرضا والقناعه))

وكلمه او همسه اخيره للاخوة الاعزاء .. رفقا بمحمد .. فما زال شاب غض صغير .. عسى ان يجعلنا الله سببا فى انارة حياته بكل ما هو مفيد وايجابى

مع خالص تحيتى

التونسى

حضرتك كلامك والله كله مقنع بس بلد سياحي ايه اللي يعمل كده في مواطنيه و يا ريت مثلا السياح دول بيخلصوا دول زي الرز يعني المشلكة هتفضل قايمة و السبب مش في السياح و انهم اجانب السبب فينا احنا يعني مش هقولك التعامل في المطار هتكلم علي التعامل في اي منطقة تانية هتلقي ان فعلا الاجانبي بيتعامل علي انه صاحب البلد و احنا اساسا كاننا اغراب

و فعلا زي ما حضرتك قولت ان كل بلد و ليها عيوبها ده حتي امريكا ليها عيوبها بس برده العيوب مش للدرجة دي

يعني انا شايف ان كل يوم مشاكلنا بتكتر اما البلد التانية مشاكلها بتتحل و بتتقدم البلاد دي لكن احنا لسا زي ما احنا بالعكس ده احنا رجعنا لوره

و بخصوص للجانب الاسود انا بصراحة شايفه بيكتر يوم عن يوم و انا بناقش العيوب علشان نلاقي ليها حل اما لو فضلنا ساكتين هنسكت لحد امتي لما نموت و في الاخر نكون ما عملناش حاجة لمصر و اولادنا و احفادنا نسيب لهم البلد مدمرة و في الاخر البلد تضيع يمكن مش دلوقتي ولا بعد 100 سنة يمكن اكتر لكن في الاخر لو فضلنا علي الحال ده مصر هتضيع مننا

و شكرا علي الجملة الاخيرة :blink: لكن انا الحمد لله ربنا منور بصيرتي و طول ما انا حاسس ان كلامي صح هفضل اتكلم :lol:

[MoHaMMeD EgYpT]

سيدي مفيش مكان كامل كل بلد ولها سلبياتها وماينفعش تقارن الكويت مثلا بمصر انا بحب الكويت وبحب مصر ده اتربيت فيها وعيشت ايام طفوله جميله ومصر هي وطني وفيه فرق كبير قوي بين بلد الاقامة وبين الوطن ، واحنا مش بنختار اوطانا ومش لازم وطنا يبقى زي الفل قوي عشان نقبل انه يكون وطنا وف الاخر هو وطنا مهما ماهتعيش ف الكويت مش هتاخد جنسيتها يبقى خلينا نفكر ف بلدنا بس ننتقدها النقد البناء عشان بنحبها وهنخليها حلوة ان شاء الله بايدينا وشيئ بسيط جدا يعني لو الحكومه كلها ماتت وفضل الشعب هل احنا جاهزين هل احنا متعلمين ومتثقفين بالقدر الكافي لازم نبقى جاهزين الكويت مش من اول يوم كانت زي ما انت حاليا شايفها انا حضرت الكويت وكانوا بيعملوا حمله للقضاء ع الفئران وحضرت الكويت ايام ماكانت الميا بتيجي بتناكر ، يعني الكويت برده مرت بمراحل وماينفعش تقارن بلد قديمه زي مصر ببلد لسه طالعه يعني اللي يهمنا هو ان بلدنا تبقى تمام

ويارب ننجح ف كده

انا فعلا بحب الكويت لكن انا اساسا مش مولود في الكويت انا جيت من سنيتن تقريبا لكن بصراحة حبتها :unsure: و بخصوص تاريخ مصر الكويت مش ذنبها ان مكانش عندهم تاريخ زينا و حتي التاريخ المصري القديم اللي حضرتك بتقول عليه اللي هو الاهرامات ده مش احنا اللي عاملينه اللي عاملوه ماتوا و كل تاريخ مصر برده مش احنا اللي عاملينه كل اللي عاملوه ماتوا لكن الوطن بالناس و الارض بتاعته و انا الحمد لله بحب مصر و فعلا الكويت ماكنتش زي ما احنا شايفنها دلوقتي و عارف انها مرت بمراحل كتيرة جدا لكن اعذرني احنا جينا تقريبا بعد ايام السادات و وقفنا علي الايام دي و لحد دلوقتي ما اتقدمناش غير شوية خطوات اما الكويت في ال 30 سنة دول طورت نفسها خالص و بصراحة يستحقوا تقدير منا و لو كنا طورنا نفسنا بعد ايام السادات كان زمانا مش هقولك زي الكويت كان زمانا بقينا زي امريكا و احسن من اسرائيل لكن احنا اللي سيبنا نفسنا و نمنا و حكومتنا سابت كل الشئون الخارجية و شغالة تتسلي علينا احنا الشعب المصري المطحون

[MoHaMMeD EgYpT]

يا سادة يا أفاضل يا من علقتم على موضوع الأخ محمد ، وكأنه بيقول كلام بيحصل في المريخ ياريت تجاوبوني:

,

ما فيش حد قال ان الكلام ده مابيحصلش

بس مش بالصورة القاتمة السوده دى...مش للدرجة دى...

لو هاكلم عن وجهه نظرى.....

انا باتضايق لما الناس و الفضائيات و بعض مننا

بتتكلم عن المصريين على انهم مخلوقات غير المخلوقات الانسانية

و كأننا شعب غير الشعوب .....او مخلوقات فضائية!!

اللى ذكره الاستاذ محمد و اللى ذكرته حضرتك

ما يرضيش حد....و ما يعجبش حد....طبيعى طبعا...

بس الطبيعى برضة....ان ده موجود فى كل الدنيا

النسب هى اللى بتتفاوت ....حسب حاجات كتيير

(ابتديت احس ان حالة اليأس و الأحباط

اللى بننقله لبعض بكل همه و إخلاص بقت واحد من المسببات)

سؤال اخير لحضرتك:

حضرتك سألت عدة اسئلة تبدأ ب هل انت راضى عن....؟؟

اسمحلى اسأل نفسى و أسأل حضرتك

هل انت راضى عن نفسك كمواطن مصرى....

تؤدى ما عليك من واجبات .....و مش سلبى فى المطالبة بما لك من حقوق؟؟؟

حضرتك احنا بنطالب بابسط حقوق لينا يعني مثلا لو روحت مصلحة حكومية مش علشان الموظف مطحون من الحكومة يطلع قرفه علينا احنا و يطلب الحاجة الساقعة اللي هي الرشوة بالعربي

يعني مثلا لما نروح قسم الشرطة نتعامل كويس

..............الخ

و القايمة تطول

و بخصوص الواجبات اللي علينا هو احنا قصرنا لما بندفع مصاريف المدراس لما بندفع الضرايب لما بندفع الكهرباء و الماء و الغاز و التليفون

يعني انا نفسي اعرف مثلا الضرايب فلوسها بتروح فينا انا هقول لحضرتك بتروح اكيد في عمل مشروع زي عمر افندي مثلا و في الاخر يتباع برخص التراب و الحكومة تاخد الفلوس في جيبها :unsure:

[Abu Reem]

يا سادة يا أفاضل يا من علقتم على موضوع الأخ محمد ، وكأنه بيقول كلام بيحصل في المريخ ياريت تجاوبوني:

,

ما فيش حد قال ان الكلام ده مابيحصلش

بس مش بالصورة القاتمة السوده دى...مش للدرجة دى...

لو هاكلم عن وجهه نظرى.....

انا باتضايق لما الناس و الفضائيات و بعض مننا

بتتكلم عن المصريين على انهم مخلوقات غير المخلوقات الانسانية

و كأننا شعب غير الشعوب .....او مخلوقات فضائية!!

اللى ذكره الاستاذ محمد و اللى ذكرته حضرتك

ما يرضيش حد....و ما يعجبش حد....طبيعى طبعا...

بس الطبيعى برضة....ان ده موجود فى كل الدنيا

النسب هى اللى بتتفاوت ....حسب حاجات كتيير

(ابتديت احس ان حالة اليأس و الأحباط

اللى بننقله لبعض بكل همه و إخلاص بقت واحد من المسببات)

سؤال اخير لحضرتك:

حضرتك سألت عدة اسئلة تبدأ ب هل انت راضى عن....؟؟

اسمحلى اسأل نفسى و أسأل حضرتك

هل انت راضى عن نفسك كمواطن مصرى....

تؤدى ما عليك من واجبات .....و مش سلبى فى المطالبة بما لك من حقوق؟؟؟

أشكرك على ردك أولاً

سأخذ من حضرتك كلمة مهمة ذكرتيها ( هي السلبيات موجودة في كل مكان وبنسبة )

هذا طبعا صحيح حتى في أمريكا بها سلبيات .

والأخ الفاضل التونسي ذكر أيضا عبارة لماذا لا ننظر إلى الجانب الممتليء من الكوب.

تعليقي على هذا الكلام هو الأتي:

عندما يكون هناك عدد ( 8) أحوة يعيشون سويا في نفس الظروف ونجد أن 5 منهم يتصفون بالإنحراف والفشل الدراسي ومنهم من يشرب المخدرات ، ومنهم من يتبع شهواته ومنهم من يسيء المعاملة لباقي إخوته ويسيء إلى جيرانه وأقاربة ، وايضا إذا كان بعضهم سارق أو قاتل ، وايضا يتصفوا بالقذارة وعدم النظافة.

وعندما تجد باقي الإخوة ( الثلاثة الاخرين طبيعين ومعقولين نسبيا ) فإلى ماذا سنتظر وماذا سيلفت نظرك ومن سيكون له الأولوية عندك - ( الإجاية في رأيي هي من سيلفت نظرك هو ال 5 المنحرفين ) أما إذا لفت نظر وإهتمامك ال 3 الكويسين يبقى أظن المشكلة فيما ينظر إلى هؤلاء الثلاثة ويغض النظر عن ال 5 الأخرين.

- يعني بالطبع الأولوية للإهتمام لما أجد الكوب 80 % فارغ وأجد 20 % منه ممتلئ فاكيد أنني سانظر تلقائيا إلى الجانب الفارغ

- الشيء الأخر الذي يجب الالتفات اليه هو ما السبب في إنحراف معظم الإخوة ( أكيد العيب في التربية والعيب على الوالدين )

- فلابد أنه كان هناك تقصير في التربية منذ البداية وعدم الإهتمام برغس المباديء والقيم منذ الصغر

- أكيد هناك تقصير في إعطاء الوقت الكافي لرعاية كل الأبناء وملاحظة الفروق الفردية لكي يتم معالجة العيوب الموجودة عند بعض الإخوة.

- أكيد لم يكن هناك ثواب وعقاب وبالتالي أصبح الخطأ عادة مما تسبب في تمادي المشكلة وصعوبة علاجها في الكبر.

- أكيد السبب أيضا أن القدوة الحسنة غير موجودة ، وكان هناك فساد أو على الأقل سوء تخطيط وإدارة وعدم تحمل مسؤلية أوصلت الإخوة المنحرفين إلى هذا المدى.

# من سيقول ولماذا هناك 3 إخوة لم ينحرفوا : هنا تأتي مسألة الفروق الفردية والهداية من عند الله ، وطبيعة الشخص نفسه #

يعني مثلا : يكون هناك فصل دراسي به 40 تلميد والمنهج واحد والمدرس واحد ، وينجح 35 ويسقط 5 إذن المشكلة هنا هي في الفروق الفردية وليس عيب في المدرس أو المدرسة. ( وهنا النظر إلى الجانب الممتلئ من الكوب واجب ، ومنطقي )

لكن لما يسقط 30 وينجح 10 ( رغم أن المنهج الدراسي واحد ) يبقى العيب أكيد في نظام المدرسة وأيضا في المدرس .

- والمنطقي ساعتها أني سأنظر بدهشة إلى هذا ( يعني الجزء الغير متتلئ من الكوب ) ولو نظرت زي ما حضراتكم عاوزين إلى ال 10 إلى نجحوا فقط وأقول أن هناك ناس ناجحة يبقى كله تمام فهنا تحدث المشكلة .

المشكلة أننا بنرضى بأي شيء ونسمي هذا قناعة ولذلك لا نتقدم

- لماذا لا تصبح مصر أفضل دولة سياحية في العالم ( ياريت الاخ تونسي يجاوبني لانه ممكن يكون زار دول خارجية كثير )

- ماذا ينقص مصر لكي تكون ( رقم 1 أو 2 أو حتى 3 في العالم ) طالما نملك أهم وأكثر أثار في العالم.

ليه نكتفي بهذا الوضع طالما في إمكانا نكون أحسن ، وطالما إننا مش الاحسن في العالم على مستوى السياحة يبقى العيب في مين ياترى ؟؟؟

لكن كلمة (كويس كده) إحنا كنا فين وبقينا فين ، هتخلينا نكتفي بهذا الوضع الحالي وعليه العوض في أي تطور. مش كده ولا أنا غلطان؟؟

- أما بالنسبة لي كمواطن مصري ( فأنا أقوم بواجبي الحمد لله بنسبة وإن كانت ليست 100 % ولكنني لا أتوانى أو أقصر في واجباتي تجاه بلدي وتجاه عملي وتجاه حتى الأخرين من أبناء بلدتي و أمتي العربية أيضا ، وأكيد نفسي أن نتوحد في مشروع قومي يوحد مجهوداتنا جميعا لما فيه مصحلة بلدنا.

تم تعديل 18 أبريل 2009 بواسطة Abu Reem

[torontoz]

السلام عليكم جميعا..انا بأيد العضو محمد في كتير من كلامه..واحب اضيف ان فيه ضباط شرطة في مصر بيضربوا من اجانب او من مصريين معاهم جنسيات اخري..وخليجيين..حتي السياسيين المصريين مزدوجي الجنسية بيتعملوهم الف حساب..وقصة الطالب المصري - الالماني صاحب المدونة الذي قبض عليه وافرج عنه في نفس اليوم لندخل السفارة في الامر..وبالمناسبة هذه المدونة تشن هجوم قاسي وعنيف علي الحكومة المصرية اكثر بكثير من مدونة الطالب المصري كريم الذي حكمت عليه احدي محاكم امن الدولة بالسجن خمس سنوات لتطاوله علي الحكومة المصرية ونظام الحكم والحاكم..طبعا لو كان معاه جنسية تانية كان الموضوع اختلف..

[Tarek_ml]

بصراحه ان عايش فى مصر ضعف سنك لكن معرفش انت جايب الكلام ده منين؟؟؟؟؟؟؟؟؟؟؟؟

يا اخ طارق بما أنك عايش في مصر أسألك:

السيد/ابو ريم ..... اجاوب حضرتك .....كل الى حضرتك بتقوله فيه شئ من الصواب ولكن ليس الصواب كله!!!!

انا سافرت نيويورك لمده 15 شهر يعنى مايقرب من سنه ونصف بالمقارنه بين الرفاهيه والديموقراطيه والحاله المعيشيه ....... الخ بتحدث هناك تجاوزات بالنسبه لهم كوارث منها تجاوزات زى عندنا بالضبط من حيث تعسف الموظفين ومن حيث تعسف الشرطه ... روح قسم شرطه فى كويز - ضاحيه فى NY- وانت تشوف ... انا شفت !! بس الحمد لله مش معايا

تم تعديل 18 أبريل 2009 بواسطة Tarek_ml

[Abu Reem]

بصراحه ان عايش فى مصر ضعف سنك لكن معرفش انت جايب الكلام ده منين؟؟؟؟؟؟؟؟؟؟؟؟

يا اخ طارق بما أنك عايش في مصر أسألك:

السيد/ابو ريم ..... اجاوب حضرتك .....كل الى حضرتك بتقوله فيه شئ من الصواب ولكن ليس الصواب كله!!!!

انا سافرت نيويورك لمده 15 شهر يعنى مايقرب من سنه ونصف بالمقارنه بين الرفاهيه والديموقراطيه والحاله المعيشيه ....... الخ بتحدث هناك تجاوزات بالنسبه لهم كوارث منها تجاوزات زى عندنا بالضبط من حيث تعسف الموظفين ومن حيث تعسف الشرطه ... روح قسم شرطه فى كويز - ضاحيه فى NY- وانت تشوف ... انا شفت !! بس الحمد لله مش معايا

أخي العزيز طارق

أولا شكرا لردك عى كلامي

ثانيا : كان نفسي تضع اجابات على أسئلتي تحدد نسب الخطأ الموجودة

على العموم كلامك يدل أن هذه السلبيات موجودة كلها إذن اعتراضك على كلام الأخ محمد لم يكن له معنى مفهوم

وانت ضربت مثال بأمريكا ، وقلت أن ( رغم الرفاهية ، والديمقراطية ، ومستوى المعيشة ) هناك سلبيات وضربت مثال بأقسام الشرطة.

إذن ياريت يبقى فيه ( رفاهية ، وديقراطية ، ومستوى معيشي ) ربع ما هو موجود في أمريكا ، وساعتها سننظر إلى الجانب الممتلئ من الكوب ، وسنتكلم على السلبيات يهدوء ،

لكن لما يبقى لا فيه مستوى معيشي ولا ديمقراطية حقيقى ، ولا ربع رفاهية حتى مش رفاهية كاملة ، يبقى الغضب والحزن والهم الذي يصيب الناس من هذه الأوضاع التي نراها أكيد بيكون شيء مفهوم ما السبب فيه.

وبعدين هل المعاملة التي تتكلم عنها في أقسام الشرطة في أمريكا بتكون مع المواطن العادي ، ولا مع المجرمين مثلا ، رغم أن هذا ايضا خطأ لا نقره ، حتى لو كان بيحدث في أمريكا.

تقبل تحياتي ،،،

[MoHaMMeD EgYpT]

السلام عليكم جميعا..انا بأيد العضو محمد في كتير من كلامه..واحب اضيف ان فيه ضباط شرطة في مصر بيضربوا من اجانب او من مصريين معاهم جنسيات اخري..وخليجيين..حتي السياسيين المصريين مزدوجي الجنسية بيتعملوهم الف حساب..وقصة الطالب المصري - الالماني صاحب المدونة الذي قبض عليه وافرج عنه في نفس اليوم لندخل السفارة في الامر..وبالمناسبة هذه المدونة تشن هجوم قاسي وعنيف علي الحكومة المصرية اكثر بكثير من مدونة الطالب المصري كريم الذي حكمت عليه احدي محاكم امن الدولة بالسجن خمس سنوات لتطاوله علي الحكومة المصرية ونظام الحكم والحاكم..طبعا لو كان معاه جنسية تانية كان الموضوع اختلف..

شكرا و بجد معا حضرتك حق لو مصري عمل زي الواد الالماني ده و بقول مصري بس كان زمانه راح وراء الشمس و صدقني برده العيب مش في الحكومة بس لا العيب فينا احنا كمان يعني الناس بتعامل الاجانب كويس و المصريين اللي زيهم وحش طب ما تعامل الاجبني كويس و عامل المصري اللي ابن بلدك برده كويس يعني خير الامور الوسط لكن للاسف مش عارف الجميع بيحس ان الاجانب دول ملوك و احنا المصريين عبيدهم مش فاهم ليه ؟؟ :blink:

[MoHaMMeD EgYpT]

بصراحه ان عايش فى مصر ضعف سنك لكن معرفش انت جايب الكلام ده منين؟؟؟؟؟؟؟؟؟؟؟؟

يا اخ طارق بما أنك عايش في مصر أسألك:

السيد/ابو ريم ..... اجاوب حضرتك .....كل الى حضرتك بتقوله فيه شئ من الصواب ولكن ليس الصواب كله!!!!

انا سافرت نيويورك لمده 15 شهر يعنى مايقرب من سنه ونصف بالمقارنه بين الرفاهيه والديموقراطيه والحاله المعيشيه ....... الخ بتحدث هناك تجاوزات بالنسبه لهم كوارث منها تجاوزات زى عندنا بالضبط من حيث تعسف الموظفين ومن حيث تعسف الشرطه ... روح قسم شرطه فى كويز - ضاحيه فى NY- وانت تشوف ... انا شفت !! بس الحمد لله مش معايا

أخي العزيز طارق

أولا شكرا لردك عى كلامي

ثانيا : كان نفسي تضع اجابات على أسئلتي تحدد نسب الخطأ الموجودة

على العموم كلامك يدل أن هذه السلبيات موجودة كلها إذن اعتراضك على كلام الأخ محمد لم يكن له معنى مفهوم

وانت ضربت مثال بأمريكا ، وقلت أن ( رغم الرفاهية ، والديمقراطية ، ومستوى المعيشة ) هناك سلبيات وضربت مثال بأقسام الشرطة.

إذن ياريت يبقى فيه ( رفاهية ، وديقراطية ، ومستوى معيشي ) ربع ما هو موجود في أمريكا ، وساعتها سننظر إلى الجانب الممتلئ من الكوب ، وسنتكلم على السلبيات يهدوء ،

لكن لما يبقى لا فيه مستوى معيشي ولا ديمقراطية حقيقى ، ولا ربع رفاهية حتى مش رفاهية كاملة ، يبقى الغضب والحزن والهم الذي يصيب الناس من هذه الأوضاع التي نراها أكيد بيكون شيء مفهوم ما السبب فيه.

وبعدين هل المعاملة التي تتكلم عنها في أقسام الشرطة في أمريكا بتكون مع المواطن العادي ، ولا مع المجرمين مثلا ، رغم أن هذا ايضا خطأ لا نقره ، حتى لو كان بيحدث في أمريكا.

تقبل تحياتي ،،،

تمام كلامك يا ابو ريم و كمان في امريكا الرئيس بيبقي في خدمة الشعب و بيبقي زيه زي الشعب و بيقدم اقرار ضريبي و بيتغير مش زي مبارك اللي من يوم ما قعد ما قامش :blink: و امريكا انا مش هقول عليها جنة الله في الارض لكن انا عارف انها برده فيها سلبيات بس مش زي مصر يعني سلبياتها ممكن تكون في اشياء ثانوية مش اشياء اساسية زي مصر يعني في مصر لو فكرت تروح قسم شرطة بتفكر 1000 مرة قبل ما تروح و لما بتروح مصلحة حكومية لازم تدفع المعلوم اقصد الرشوة ده غير الزبالة اللي بقت مالية الشوراع و الجو الملوث و بجد انا قرات خبر كده عن تجربة اسرائيل عملتها علي ارض و سماء مصر تجربة بصراحة مش فاكر اسمها لكن التجربة دي بتغير الجو و بتججف الارض و بتقتل الكائنات الحية و اثرها اقوي من القنابل النووية في الخطورة هي بتترش في الجو و بعدين بتغيير الجو . طبعا مستحيل امريكا يحصل علي ارضها تجربة زي دي حتي و لو لمصلحة امريكا و امريكا بتحمي مواطنيها في كل مكان اما مصر مواطنينها مطحونين في كل مكان و اشياء كتير و القائمة تطول

[MoTo]

مع إحترامي للإخوة جميعاَ اللي بيقولوا أنظر للنصف الممتلئ من الكباية .. و لكنها قمة المبالغة أن نقول إن نص الكباية مليان!

بل أصلاَ من المبالغة أن نقول أن هناك كباية من الأساس !

عندما نصل بالوضع إن مفيش كادر تعليمي أو صحي أو أي حاجة في البلد

و إن الشرطة ممكن تاخدك عالقسم حتي لو كل حاجة سليمة فقط لأن شكلك معجبوش

و عندما تصبح المشاوير اليومية عبء لو كنت سايق فا الناس بتبهدلك عربيتك و يشتموك و إنت سايق لحد سابع جد لأن كل واحد عايز يعدي الأول

و لو راكب مواصلات بيشيلوك و يهبدوك و يدوسوا عليك و لو كنت سعيد الحظ و ركبت فا اما توصيل و الميكروباص يحمل تاني هتلاقي الناس اللي طالعة ركبتك تاني

تصدقوا انا بحب أكتب و أستطرد في الكتابة إنما نفسي قفلت من الموضوع ده خلاص .. فساد المجتمع المصري بين للجميع و أستعجب كل العجب ممن يحاولون إنكار ذلك .

اللي يعرف طريق الكباية يقولي .

تم تعديل 19 أبريل 2009 بواسطة MoTo

[Alshiekh]

مع إحترامي للإخوة جميعاَ اللي بيقولوا أنظر للنصف الممتلئ من الكباية .. و لكنها قمة المبالغة أن نقول إن نص الكباية مليان!

بل أصلاَ من المبالغة أن نقول أن هناك كباية من الأساس !

عندما نصل بالوضع إن مفيش كادر تعليمي أو صحي أو أي حاجة في البلد

و إن الشرطة ممكن تاخدك عالقسم حتي لو كل حاجة سليمة فقط لأن شكلك معجبوش

و عندما تصبح المشاوير اليومية عبء لو كنت سايق فا الناس بتبهدلك عربيتك و يشتموك و إنت سايق لحد سابع جد لأن كل واحد عايز يعدي الأول

و لو راكب مواصلات بيشيلوك و يهبدوك و يدوسوا عليك و لو كنت سعيد الحظ و ركبت فا اما توصيل و الميكروباص يحمل تاني هتلاقي الناس اللي طالعة ركبتك تاني

تصدقوا انا بحب أكتب و أستطرد في الكتابة إنما نفسي قفلت من الموضوع ده خلاص .. فساد المجتمع المصري بين للجميع و أستعجب كل العجب ممن يحاولون إنكار ذلك .

اللي يعرف طريق الكباية يقولي .

بدون احراج ولك ان ترد وتجيب على اسئلتى او ترفض ، فاجابات الاسئلة ستساعدنى أن ادلك على مكان " الكباية " واقول لك فيها ايه

الاسئلة:

العمر

الشهادات العلمية الحاصل عليها ومكان الحصول عليها

العمل

الدخل الشهرى

الحالة الاجتماعية

السكن ( ملك ، ايجار ، مشترك ، مستقل ) وعدد الغرف

لديك سيارة؟

عدد الاولاد

العمر

التعليم

حسابات بنكية / جارى / توفير / ودائع

ديون

لو امكنك الاجابة عن بعض الاسئلة قد يمكن ان ندلك على مكان " الكباية "

كلنا ننتقد مصر لاننا نريدها ان تكون الافضل ، ولكن ان نهيل التراب على كل مافيها ، فهو الظلم بعينه.

[MoHaMMeD EgYpT]

مع إحترامي للإخوة جميعاَ اللي بيقولوا أنظر للنصف الممتلئ من الكباية .. و لكنها قمة المبالغة أن نقول إن نص الكباية مليان!

بل أصلاَ من المبالغة أن نقول أن هناك كباية من الأساس !

عندما نصل بالوضع إن مفيش كادر تعليمي أو صحي أو أي حاجة في البلد

و إن الشرطة ممكن تاخدك عالقسم حتي لو كل حاجة سليمة فقط لأن شكلك معجبوش

و عندما تصبح المشاوير اليومية عبء لو كنت سايق فا الناس بتبهدلك عربيتك و يشتموك و إنت سايق لحد سابع جد لأن كل واحد عايز يعدي الأول

و لو راكب مواصلات بيشيلوك و يهبدوك و يدوسوا عليك و لو كنت سعيد الحظ و ركبت فا اما توصيل و الميكروباص يحمل تاني هتلاقي الناس اللي طالعة ركبتك تاني

تصدقوا انا بحب أكتب و أستطرد في الكتابة إنما نفسي قفلت من الموضوع ده خلاص .. فساد المجتمع المصري بين للجميع و أستعجب كل العجب ممن يحاولون إنكار ذلك .

اللي يعرف طريق الكباية يقولي .

بدون احراج ولك ان ترد وتجيب على اسئلتى او ترفض ، فاجابات الاسئلة ستساعدنى أن ادلك على مكان " الكباية " واقول لك فيها ايه

الاسئلة:

العمر

الشهادات العلمية الحاصل عليها ومكان الحصول عليها

العمل

الدخل الشهرى

الحالة الاجتماعية

السكن ( ملك ، ايجار ، مشترك ، مستقل ) وعدد الغرف

لديك سيارة؟

عدد الاولاد

العمر

التعليم

حسابات بنكية / جارى / توفير / ودائع

ديون

لو امكنك الاجابة عن بعض الاسئلة قد يمكن ان ندلك على مكان " الكباية "

كلنا ننتقد مصر لاننا نريدها ان تكون الافضل ، ولكن ان نهيل التراب على كل مافيها ، فهو الظلم بعينه.

لكن اعذرني هي مصر هتدينا كل الاشياء دي يعني الشهادة العلمية لو اخدتها من مصر ده اساسا اذا جبت مجموع قال ايه الطب مش عارف 105 % و الصيدلة 99 % و الهندسة 95 % ده اساسا اجيب الارقام الفلكية دي ازاي اذا كان المنهج اللي معمول مدرسينه مش عارفين يفهموا المنهج و بيكتبوا علي السبورة ده ازاي كاتبوا من اساسه يعني التعليم من اسوء ما يكون يمكن حضرتك حالفك الحظ و بقولها 100 مرة حالفك الحظ لان زمان النظام بتاع التعليم كان مختلف يعني لو جبت 90 % تلاقي نفسك في ارقي جامعة في مصر اما دلوقتي بيقول ال 90 % ما تاكلش عيش ده غير اساسا الواحد يجيب ال 90 % دول ازاي لان التعليم بكل بساطة منحط و من اردء ما يكون يعني علي الاقل المفروض الواحد بيكون عارف هو بيدرس ايه مش روح عبي في دماغك و تاني يوم ادلوء علي الورقة و يقولوا لك الغش حرام امال الدروس الخصوصية مش حرام ده و المدارس بقت من ارداء ما يكون و كمان الشهادات العلمية المصرية مالهاش سعر اساسا بره مصر كانها حبر علي ورق يعني الواحد بعد ما يحرق ده في الاخر يطلع تعبه علي فشوش ده بخصوص التعليم اللي المحروسة بتديهولنا

بخصوص العمر بقا فده قصة لوحده حضرتك عارف هما عاملوا مستشفي المرض الخبيث السرطان ليه ؟؟ اقولك لان شعب مصر اكتر شعب بيتصابوا بالسرطان من السجاير من الدخان و الجو اللي محيط بيهم من الزبالة اللي مرمية في الشوراع من الاكل المسرطن من المياه الملوثة من كل حاجة تقريبا و طبعا كل جسم بيختلف عن التاني يعني ممكن واحد ما يجيلوش لكن واحد تاني يجي له لكن اكيد معروف السبب و هو جو مصر

العمل بقا مش قادر امسك نفسي من الضحك هي مصر اساسا راضية تشغلنا ولا جابت لنا كلنا شغل و لو جبت هتدينا كام ملطوش ما يكفوش تمن الموصلات اساسا

الدخل الشهري بقا اقولك هو الواحد بيشتغل اساسا في الحكومة بالعافية و بيقول عشانا عليك يا رب الا من رحم ربي و اشتغل قطاع خاص او واحد مثلا زي سعد الصغير او حرامي مثلا و ما اتمسكش و بقا مليونير و برده مصر هي السبب احنا ليه ما نخدش مرتبات تكفي احتياجاتنا الاساسية احنا مش طالبين كتير

الحالة الاجتماعية بقا هو الواحد هيتجوز ازاي و هو بيشتغل في قطاع عام بكام ملطوش

اكيد طبعا السكن ايجار هو الواحد حيلته يجيب شقة تمليك الا طبعا لو راح الخليج او سافر اي حتة بره مصر و اشتغل

بخصوص بقا السيارة مافيش غير المليونيرات هما اللي معاهم سيارات في مصر و انا عمري ما شوفت غباء زي بتاع الجمارك اللي في مصر يعني الواحد حر يجيب سيارة من الخليج لمصر و بسعر اللي يريحه هما بقا زعلنين ليه ؟؟ و قال ايه لازم ندفع و ندفع اساسا اكتر من تمن السيارة نفسها طب ليه ؟؟ يعني ولا يرحموا ولا يسبوا رحمة ربنا تنزل

التعليم لو في مصر يبقي اعذرني الواحد في الاخر هيشتغل بيه في اي كافتريا او اي حتة او كوفي شوب الا طبعا اللي كان محظوظ اوي اوي و جاب طب

حسابات بنكية منين ؟؟ هي مصر سايبة لنا قرش في جيبنا ده ناقص بجد فتوي يقولوا لنا فيه ان المرتبات حرام و لازم نتبرع بيها للحكومة علشان الحكومة تساعد اسرائيل و تبعت لها غاز و اسلحة كمان ما اصل مستر مبارك بقا زيهم و زي ما بيقول ديفيد مبارك سامحون الاسرائيلين دول ولاد عمنا و حبايبنا

صدقني الحياة في مصر ديون الا من رحم ربي

اعذرني علي كلامي ده لكن دي حقيقة مؤكدة يمكن الحقيقة دي مش عند حضرتك و ما شوفتهاش لكن اكيد في ناس عارفينها و عاشوها و بجد ربنا يكون في عونهم

تم تعديل 19 أبريل 2009 بواسطة MoHaMMeD EgYpT

[se_ Elsyed]

يعني مثلا لو اجنبي شرب خمرة او كان سكران او حتي محشش او معاه موزة او الكلام ده كله اراهن انه مش هيحصل له حاجة حتي و لو وزير الداخلية شافه اما لو مصري بيشرب سجاير هيقوفه و يقولوا له انت بتشرب ايه ياله

لو متابع الأخبار هاتلاقي إن إتنين ألمان كل واحد فيهم من يومين إنطس 6 سنين سجن لتعاطي والاتجار في الهيروين بشرم الشيخ ..

وفي التسعينيات واحد من العائلة المالكة الكويتية - من آل صباح - أخد مؤبد في مصر لإتجارة بالمخدرات

-----

بالنسبة إلى إن الظابط بيمسك أي مصري في المطار يديله على قفاه ويبهدله ... عايزين حالات واقعية ياخواننا يا مغتربين بالذات ياللي كل شوية في مصر ... ياريت حد يحكي لنا واقعة فعليه حدثت له أو شافها بعينه في المطار

..

يعني مثلا لو اجنبي راح فندق و حجز مش هياخدوا منه فلوس غير لما يجي يمشي اما لو مصري ده لازم يدفع مقدم اساسا

ما تقول لنا على إسم الفندق اللي بيتعمل نظام دفع للاجانب فقط ده .. يعني نظام كُل وأشكر ... أسكن وبرطع وبعدين إبقى تعالى قابلني ..

-----------

يعني مثلا لو مصري راح يعمل فيش و تشبيه اقل شئ هياخد له يومين طبعا مع دفع المعلوم يعني الرشوة و الاكرماية يعني اما لو اجنبي ارهن انها هتطلع في نفس اليوم

إفترا وكلام ليس له أساس من الصحة ... والواحد عمل 100 فيش وتشبية سواء للجيش أو للسفر او لوظيفة وما دفعتش ولا مليم ..

----------

يعني مثلا في الغردقة انا رحتها عدة مرات زمان لو انت اجنبي و رحت مطعم مثلا هيقولوا لك hi , sir و هقعدوك علي احسن طرابيزة عندهم و يخلوك كانك ملك اما لو مصري مش هيبصوا في وشك حتي

ده على اساس إنك داخل تغسل اطباق ؟

ياخواننا ياللي روحتو الغردقة وشرم زيينا ... هل حدث لحد كده في مطعم ؟ وما فيش جرسون بص في وشه لما عرف إنه مصري ؟.

-------------

أخيراً .. إنت تقرب لهشام الكندي إن شاء الله ؟

[Abu Reem]

يا محمد كفاية بقى حرام عليك بلاش افترى يا راجل، يعني مش الكفاية الحكومة بتشغلنا وبتدي الموظف المتخرج جديد 250 أو 300

( عاوز ايه يعني ياددوب يركب بيهم مواصلات ويشتري عيش حاف ، وبالباقي يشتري قميص يلبسه ، وبلاش النص التحتاني ،، لازم يعني الفشخرة !!! ) ولا عاوز الحكومة تدفع له كمان بدل مواصلات زي الدول التانية ،، أنت باين عليك اتجننت يا محمد !!

- وبعدين إيه يعني تشتري عربية ، ومتدفعش ثمن عربية زيها جمارك للبلد ، وإيه المشكلة أنك تكون أول مالك ولازم تكون على الزيرو

ولازم تكون نفس سنة الموديل ولازم يكون لونها بيج في بني وبرباط ، وممنوع ان المصري يفكر او حتى يحلم يشتري عربية 2000 سي سي وإلا وقعته سودا ،، هايحيله موظف الجمارك ويقول له ، ( على رأي محمد صبحي .. انت حمار يا حمار ) أحنا عاوزين مصلحتك علشان ال 2000 سي سي هتدفع عليها 135 % جمارك ،، يعني يادوب ثمن الشاي.

أما الشرطة ، مين قالك أنها بتعامل الناس وحش ، مش سي السيد بيقول لك أن معرفش من سنة كام وخمسين قبل الميلاد في واحد إتعامل كويس ، وواحد تاني أجنبي قبضو عليه ، في دي معندكش حق يا محمد ، أم قضية ( عماد الكبير ) دي كدب في كدب ، ( اوشاعات ) والتانية إللي أمروها تخلع ملابسها وهددوها اما زوجها واولادها ، هذا كذب وافتراء ، والتاني إللي قتل لاعب كرة اليد في المهندسين ، ( دي كانت الكاميرا الخفية ) يعني أنت كده كل حاجة تصدقها.

- وبعدين زبالة إيه دي إللي في الشوارع وأمراض إبه وفشل كلوي إيه ، كل ده بسببنا أحنا مش إحنا إللي بنرمي الزبالة في الشارع ، وإحنا إللي بنحرق قش الأرز ، وإحنا إللي بنقوم ببناء مباني عشوائية.

يعني أنت مشفتش إمبارح برنامج 90 دقيقة وشوفت الناس إللي في الجيزة ، وبتنزل مياه الحفية مختلطة عندهم بمياه المجاري ، أوعي تقول لي كمان أن ده غلط الحكومة. مش همه إللي بنوا المنطقة بطريقة عشوائية.

- وبعدين مياه الشرب بتاعتنا زي الفل ، وعشان كده كل واحد في أي إجتماع وزاي بتلاقيه جاي من بيتهم وحاطط زجاجة مياه معدنية

أمامه ولكن إللي أنت متعرفوش أنهم بيبـقوا ماليين هذه القزايز من الحنفية علشان الكوبايات صغيرة لا تكفي الجلسة الطويلة اللي

بيناقشوا فيها مشاكل الشعب المتعب إللي هو غحنا ، يعني عاوزهم يعني يجتمعوا ساعتين من غير ما يشربوا .

وبعدين يا أخي إحنا المصريين مفريين ، يعني بنترك كل النعيم إللي في مصر ، ودملقحين نفسنا على السفارات علشان نسافر دول الخليج إللي فيها قهر وتعسف ، وحر ، ونستحمل المعاملة بتاعتهم كل ده مش افترا ، ليه مقعدناش في مصر يعني.

وليه الناس إللي كل شهر بيدفعوا إللي ورهم وإللي قدامهم عشان يدفعوا ثمن مركب يسافروا به لإيطاليا والأخر بيغرقوا ، رغم أنهم

سمعوا عن المراكب إللي بتغرق لكن برده صمموا أنهم يخاطروا بارواحهم ويسافروا ، يبقى ده مش غباء منهم ما هم عايشين في مصر

وبياكلوا وبيشربوا ، وبعدين الهواء الملوث موجود في كل دول العالم ، وبعدين يعني المياه الملوثة ولا يموت غريق.

- وبعدين إحنا إللي غاويين فسح وبهرجة ، كل دول مصريين بيدخلوا على مواضيع الهجرة لكندا ، وبيدخلوا على مواقع التوظيف والسفر لللخليج، مش عارف ليه بيدخلوا ويهتموا بالمواضيع دي ، ياترى في حاجة تعباهم في مصر ، إيه إللي موجود في كندا ومش موجود في مصر.

بصراحة العيب مش فينا العيب في الناس التانية التي لا تقف طوابير علشان تأخذ استمارة الهجرة إلى مصر أو تأتي للعمل بمصر.

- نفسي أشوف واحد من دول متقدمة أو نصف متقدمة بيغير وظيفته ويبيع ممتلكاته علشان يجي يعيش أو يشتغل في مصر . بصراحة ناس لا تفهم. وعندهم نقص في الطموح.

- حرام عليك يا محمد والله زعلان من مصر علشان فيش وتشبيه ، يعني تخسر بلدك وعمال تشتكي من سلبياتها عشان فيش وتشبيه ، يعني خلاص عشان حاجة بسيطة زي دي تترك مصر وتقول الكلام ده ، أنا عملت كذا فيشه وتشبيه ولم يحدث لي أي شيء

معلش موظف غلبان هتدفعه ثمن حاجة ساقعة، ياسيدي ما هو عندو عيال عاوز يربيهم ، و ال 2000 جنية راتبه مش بيكفوا مصاريف البيت ومصاريف سيارته ، وأنت شايف أهو أزمة البنزينز والأزمة المالية العالمية مأثرة على امريكا يبقى مش هتأثر على مصر.

فعلا أنت جــــــاحـــد يا مــحمـــد ، وأكيد أنت عندك مشكلة ، نفسية وعقدة إضطهاد ، وحالتك ميؤس منها ، ومش بتحب مصر ،

علشان أنت لو بتحب مصر لا يمكن تقول الكلام ده ، أبداً ، اللي بيحب مصر عمره ما يتكلم عن عيوبها أبداً ، وعمره ما يتكلم بحرقه على عيوبها ، ويتمنى أنها تتصلح ،

أما اللي مش بيحسوا بعيوب مصر ، ومش حاسين أن العيوب دي كثيرة ، همه دول يا جاحد إللي فعلا مصر جوه قلوبهم وبيحبوها.

وكفاية كده وأوعي أشوفك بتقول حاجة تاني عن مصر ، ونصيحتي لك أوعى تعمل فيش وتشبيه تاني وأوعي تنزل في فندق ...كفاية عليك شقق فندقية !!

[se_ Elsyed]

معنى كده يا ابو ريم انك قطعت علاقتك بمصر وبعثت لبقية الاهل لينضموا اليك هرباً من هذا الجحيم المستعر اللي الشرطة بتقلع الناس هدومها في الشوارع .. والموظفين جميعهم يتقاضون 25 ج مرتب شهري وبياكلوا ميه ساقعه .. وبالتالي الناس اللي موجودة دي وعندهاا فلل وشقق وزي الفل هم بواقي العثمانيين ؟

تباً لهذا الجحيم

وهنئياً لنا كمغتربين نعيش في جنات النعيم

[MoHaMMeD EgYpT]

يعني مثلا لو اجنبي شرب خمرة او كان سكران او حتي محشش او معاه موزة او الكلام ده كله اراهن انه مش هيحصل له حاجة حتي و لو وزير الداخلية شافه bv:- اما لو مصري بيشرب سجاير هيقوفه و يقولوا له انت بتشرب ايه ياله :sad:

لو متابع الأخبار هاتلاقي إن إتنين ألمان كل واحد فيهم من يومين إنطس 6 سنين سجن لتعاطي والاتجار في الهيروين بشرم الشيخ ..

وفي التسعينيات واحد من العائلة المالكة الكويتية - من آل صباح - أخد مؤبد في مصر لإتجارة بالمخدرات

-----

بالنسبة إلى إن الظابط بيمسك أي مصري في المطار يديله على قفاه ويبهدله ... عايزين حالات واقعية ياخواننا يا مغتربين بالذات ياللي كل شوية في مصر ... ياريت حد يحكي لنا واقعة فعليه حدثت له أو شافها بعينه في المطار

..

يعني مثلا لو اجنبي راح فندق و حجز مش هياخدوا منه فلوس غير لما يجي يمشي اما لو مصري ده لازم يدفع مقدم اساسا

ما تقول لنا على إسم الفندق اللي بيتعمل نظام دفع للاجانب فقط ده .. يعني نظام كُل وأشكر ... أسكن وبرطع وبعدين إبقى تعالى قابلني ..

-----------

يعني مثلا لو مصري راح يعمل فيش و تشبيه اقل شئ هياخد له يومين طبعا مع دفع المعلوم يعني الرشوة و الاكرماية يعني اما لو اجنبي ارهن انها هتطلع في نفس اليوم

إفترا وكلام ليس له أساس من الصحة ... والواحد عمل 100 فيش وتشبية سواء للجيش أو للسفر او لوظيفة وما دفعتش ولا مليم ..

----------

يعني مثلا في الغردقة انا رحتها عدة مرات زمان لو انت اجنبي و رحت مطعم مثلا هيقولوا لك hi , sir و هقعدوك علي احسن طرابيزة عندهم و يخلوك كانك ملك اما لو مصري مش هيبصوا في وشك حتي

ده على اساس إنك داخل تغسل اطباق ؟

ياخواننا ياللي روحتو الغردقة وشرم زيينا ... هل حدث لحد كده في مطعم ؟ وما فيش جرسون بص في وشه لما عرف إنه مصري ؟.

-------------

أخيراً .. إنت تقرب لهشام الكندي إن شاء الله ؟

بخصوص الاتنين الالمان اللي انطسوا شجن ده علشان بيتجروا انا اقصد تعاطي مش اتجار و بخصوص اللي من ال صباح برده اتجار مش تعاطي

و بخصوص بقا المطار لموخذة يما حضرتك واخد جنسية تانية اجنبية ياما حظك حلو و انا الحمد لله حظي لحد دلوقتي حلو لكن ده بيحصل حقيقي و شوفت قدام عيني والله البوابة بتاعت الجزائر اللي كانت جانب بوابه الكويت حصل فيها خناقة موووووووت و اقسم بالله اللي اتخنق اتلموا عليه هما ما ضربوش لكن اتملوا عليه و الخنقة ولعت و خدوه يا عالم راح فن الغلبان هو طبعا مصري لانه لو كان جزائري ما اظنش انهم كانوا اتكلموا معاه :D

و بخصوص بقا الفيش فاعذرني بقا انت بتهزر فيش ايه اللي ببلاش ؟؟ :huh: من امتي ده ؟؟ و انا ما قولتش انه ما بيتعملش انا قولت ان الاجنبي ليه اولوية اكتر من اي حد و غير كده هتدفع المعلوم هتدفع ksh::

و بخصوص الغردقة اه انا شوفت كده بعيني و الاولوية بتكون للاجانب و بينسوا اساسا ان في مصريين في المطعم كأن يعني المصري جاي ياكل ببلاش md2:

انا قرات مواضيع للاستاذ هشام اللي زمانه بقا كندي ان شاء الله لكن لا انا ما اقربلوش و اساسا انا مالي و مال كندا انا في حبيبة القلب نيوزيلندا ان شاء الله بس انت قول يا رب و ادعيلي bv:-

[Abu Reem]

يا جماعة والله الأخ محمد بيتكلم في موضوع مهم جداً ،

يمكن انا باتكلم أحيانا بحرقة وحزن ويأس ، وأحيانا أخرى بسخرية ، بس أعمل إيه لما ألاقي الاخوة الأفاضل إللي ردوا في أول الموضوع

كتبوا كلام عن ما قاله محمد ووصفوه بأنه يعني حالته صعبه وأنه أكيد مش عايش في مصر ، وأشياء أخرى تخلي الواحد يعني ينفجر )

ياعزيزي سي السيد، انا يعني عهدي بك أنك راجل جري ولا تخاف من قول الحق ، وانت من شوية في أحد المواضيع بتقول أقصر طريق للحقيقة هو الخط المستقيم.

إذن عاوز تعليقي يكون ايه على ناس بتقول لهم عن مستوى القذارة والتلوث إللي زاد في مصر وأصبح لا يطاق ، وعن التعليم وبلاويه إللي زادت ومصائب المدرسين ( واحد يقتل تلميذ بركله في بطنه ، وأخر يضطر التلميد للقفذ من النافذة هربا من عقاب المدرس ، ومدرس يقذف التلميذ بالماء المغلي على وجهة ) هذا غير مستوى الجرائم الذي زاد بطريقة كبيرة وأصبحت الجرائم تتصف بالبشاعة.

يعني كل ده لما تشوفه بعينك وتقرأه ( ألا يجعلك تخاف على مستقبلك ومستقبل أولادك )

- أنا لا أريد أن أذكر أو أحصر باقي السلبيات ، ولكن لم يرد أحد على سؤالي منذ البداية وأنا هنا سأبسطه وأقوله بطريقة أخرى

( لما نحب نقيس أي ظاهرة أو أي شيء ونعرف مداه ) نطبق المثال التالي:

لو عندي 100 تلميذ بيدرسوا نفس المنهج وبنفس الظروف

لما 10 % يتفوقوا ويكون نوابغ هذا طبيعي

لما 10 % منهم يسقطوا هذا أيضا طبيعي

لما الـ 80 % يكون مستواهم ما بين متوسط إلى جيد ، هذا طبيعي

( على أن نعمل على محاولة إصلاح ال 10 % إللي تخلفوا أو سقطوا )

لكن لما يكون النسبة عندي كالأتي

40 إلى 50 % سقوط وضعف شديد في المستوى ، ويكون عندي أيضا 10 % متفوقين ، و 40 % متوسطين.

هنا لازم أشعر بالخلل وأن المسألة لازم يحدث لها حل فوري وجذري،

هذا ما يحدث في مصر على جميع المستويات ، ولم نقل أنه ليس هناك تعليم جيد ولم نقل أن كل رجال وأقسام الشرطة سيئين

وهناك في مصر أماكن رائعة ( وانا نزلت موضوع عنها )

لكن نرضى بهذا الخلل أو لا نراه أساسا أنه خلل ، ونلف وندور ونضرب أمثلة لا تدل على حجم المشكلة هنا ؟ بتظهر علامات الاستفهام.

فأنا أتمنى أنا أعيش في مصر ولا أضطر إلى هذه الغربة ، وأكيد أنت أيضا ، ونرتاح من المشاكل والسؤال عن البصمة ، وتغيير المهنة.

- يعني نفسي تكون أحلام المصر ، هي أنه يساعد البشرية بعلمه ويساعد البشرية بنبوغه في اكتشاف علاج الأمراض المستعصية ويكون تفكيره في أنه يعلم أولاده في جو صحي ، ويعلمهم الدين والفضيلة ومساعدة الأخرين ،

يكون طموحه إزاي يعمر ويطور ويبتكر في جميع المجالات ليعيش الناس حياة سعيدة خالية من المنغصات.

ولا أريد ان يكون كل هم وتفكير المصري من أول ما يتولد أنه يفكر إزاي هيلاقي وظيفة أو عقد عمل ، أو إزاي هيعمل ثمن الشقة ، وياترى ولادي ها يحصل لهم إيه من بعدي.

أكيد أنت شايف أن طموحاتنا الأن بقت حاجة تحزن ،،، وياريت المنتدى يستطيع أن يقدم دور في معرفة هذه السلبيات ومحاولة عمل

مبادرة يجتمع حولها المصريين في هذا المنتدى لكي نتعاهد على أن نبدأ بأنفسنا ونتعاهد على التخلص من السلبيات التي نقوم بها

نحن أولاً وبعدها ، نستطيع أن نؤثر على كل من تصله رسالتنا ومبادرتنا.

آسف للإطالة ، وشكرا للجميع ،،،

[التونسى]

،،، وياريت المنتدى يستطيع أن يقدم دور في معرفة هذه السلبيات ومحاولة عمل

مبادرة يجتمع حولها المصريين في هذا المنتدى لكي نتعاهد على أن نبدأ بأنفسنا ونتعاهد على التخلص من السلبيات التي نقوم بها

نحن أولاً وبعدها ، نستطيع أن نؤثر على كل من تصله رسالتنا ومبادرتنا.

آسف للإطالة ، وشكرا للجميع ،،،

الله يرضى عليك هو دا الكلام اللى فى الصميم :huh: bv:- :D .. ومن هنا بقى..ننظر لنصف الكوب المملوء..و حتى لو الكوب فاضى .. احنا حنملاه .. ونبدا نفكر ازاى نرمم وازاى نصلح .. بدلا من نبرة التشاؤم .. والانهزاميه اللى مسيطره علينا بجد بشكل بشع

[SoSo R]

مساء الخير يا جماعة:

إسمحولى أشارك معاكم

بالنسبة للسلبيات فهى موجودة ...دى حاجة ما نقدرش ننكره

ممكن الناس أستغربت من محمد لأنه مش مقيم فى مصر حاليا..و لصغر سنه..فكان التساؤل ...أنت جبت منين كم الأنطباعات السيئة دى عن مصر؟؟

وتانى تساؤل يعنى الناس اللى عايشة فى مصر حاليا المفروض يروحوا ينتحروا...لأن الوصف دة مبالغ فيه جدا

أنا هاشارك بحاجات عايشتها

زوجى من سنة جوازه أنتهى و إحنا فى الخليج...طلع واحد جديد من السفارة

لما جاله مؤتمر على شرم الشيخ...إترزع ساعتين فى المطار مش عارفة بالضبط ...إجراءات أو دخلوا الباسبور أمن دولة مش متأكدة

بس السبب اللى عرفناه بعد كدة إنه إصدار خارج مصر

بس فى نفس الوقت الضابط عداه عادى وهو خارج من البلد...رغم إن تصريح العمل كان منتهى...ومن حقه إنه يمنعه يخرج بدون تصريح العمل...و طلب منه أول ما يوصل إنه يجدده من السفارة

موقف تانى فى مطار الأسكندرية

معاملة سيئة جدا فى صالة المغادرين بس للكل

مصريين..وعرب

لدرجة كان فيه خليجيين عمالين يشتموا في مدير الصالة اللى بيزعق بجنان فى كل الموجودين ...لأن حضرته مضغوووط و مزحوم...تقريبا كان مجنون!!!

بالنسبة لشرم الشيخ

أحنا رحنا سنة 2002 كانت السياحة أتضربت ساعتها بسبب إحدى التعديات إياها فى تلك الفترة

و كان الأتجاه هو تشجيع السياحة الداخلية بعمل خصومات و أوفرات فى أجازات الأعياد

المعاملة كانت ممتازة فى الفندق ما فيش كلام

بس كانت أكبر مشكلة إنك تلاقى تاكسى...أول ما بيلاقونا مصريين ما بيرضوش يقفوا

لدرجة فى سواق قالها فى وشنا.....منهم لله اللى كانوا السبب...وخلونا نشتغل مع المصريين اللى هم إحنا بكل فخر

ودة لأنهم بيستغلوا جهل الأجانب بالمشاوير و العملة و ياخدوا مثلا 20 جنيه فى مشوار بتاع 5 جنيه

جشع و إستغلال لأقصى الحدود

و نفس الشىء مع بياعين البازارات و التذكارات...

المصريين وحشين بالنسبة لهم لأنهم بيفاصلوا فى السعر اللى بيطلبوه

دى المواقف اللى عايشتها شخصيا...و رأيى إنها فروق فردية حسب المواقف اللى إتعرضلها واللى بيواجهها

وفى الآخر دى بلدنا و كنا عايشين فيها...ما كانتش برضه بكل السواد دة

آه فيها سلبيات...بس كنا بنحاول نتعايش معاها

نتجنبها...نغيرها...نسخر من واقع مؤلم

كل واحد و أسلوبه!!

تحياتى

سوسورانى

[esocial]

انا مع فكرة ان اللى يدخل كليات القمة يكون ذكائه غير طبيعى ربنا موزع القدرات على الناس كل واحد مديله درجة ذكاء تميزه عن الباقيين فمن حق الشخص المتفوق ان يدخل كليات القمة ومن حق الدولة ان تقصر الدخول على الأشخاص المتميزين من حيث درجة الذكاء وليس كل من هب ودب يدخل هذه الجامعات اللى فى القمة مثل الطب والهندسة مثلا وهذا دليل على ان ألأطباء المصريين متفوقين ولهم صوت عالى مسموع فى العالم كله والمهندسين ايضا أدوارهم مميزة وكل فى مجاله نجد تميز لكن مايؤسفنا هو بالرغم من حصولنا على درجات من التعليم ليست ببسيطة لكن فى النهاية لا نجد محصلة ونتيجة ما تعلمناه من علوم وكأنه تبخر ومن هنا نقول ان هناك فعلا عجز وخلل بالتعليم بمصر وهذا قد يكون لصعوبة المناهج وصعوبة الأختبارات مما يسبب ضغوط على الطالب فيضع الأهتمام الكلى فى ان ينتهى من الأختبار ويتخلص من ما تعلمه قد يكون لأنه يمثل له ذكرى سيئة لصعوبة الحصول عليه المهم انه نسى كل شىء بعد زوال السبب فى أستيعابه وكذلك اللغات التى نتعلمها هى ايضا كأنها مادة للأمتحان فقط ولهذا مستوى اللغة فى مصر لا يذكر ويتضح هذا عند مقارنة اللغة بين المصريين وباقى الدول العربية الأخرى نحن لا نريد التعلم خوفا من الفشل بل نريده منهجا للحياة ولأتساع المدارك ويكون الطالب واثقا من نفسه

الطريقة واضحة لو كل طالب واثق بأنه سيحصل على كليه مثلا وهو فى المرحلة الثانوية ويؤمن له ذلك سيكون كل تركيزه هو أختيار ما يحبه وأخذ قسطا كبيرا من الثقة بالنفس والتركيز بما يؤهله ان يحصل على ما يريد وليس الموضوع حرب نريد ان يكون التعامل على اساس نفسى واجتماعى مدروس ليس رعب وتخويف فقط ,