.. المؤتمر العام للحزب الوطني...

[se_ Elsyed]

أجدع حاجه إن ماحدش مهتم

وسايبينهم يهجصوا ويضحكوا علينا وعلى أنفسهم

ما آلمني بالأمس

مش كلمة كوهين عز اللي كان ناقص يمسك كرباج وينزل الشارع يجلدنا

ولا كلمة مبارك اللي بقت صطمبه محفوظة عن ظهر قلب ونفس الكلام من 28 سنة

ولا كملة صفوت اللاشريف بتاع السيطرة وشبكات بنات الليل ... لما أعترف غنهم في 2005 أرتكبوا أخطاء إنهم سمحوا للمعارضة - اللي هما الأخون - بالحصول على كل تلك المقاعد في البرلمان

( أتوقع ان تكون إنتخابات العام القادم دموية ... واللي هايقرب من الصندوق .. هايندفن فيه .... هل رأيتم القناصة أمام بعض اللجان الإنتخابية في الإنتخابات الماضية ؟ دي حقيقة والله ... السنة دي بقى هاتصدر لهم أوامر بالضرب في المليان )

لكن ما آلمني .. لما واحد زي أحمد عُمر هاشم يتكلم كلام يعتصر له القلب ألماً عن الحزب الوطني الحلو الجميل واللي حاسس بالناس وإزاي الألاف من الشعب جت تزحف لتحضر مؤتمر الحزب و و و و

قلت يا خسارة على اللي باع دينه عشان دنياه

يا خسارة على من كنت احسبهم محترمون ولما يُخطب أو يتحدث تشعر أنه ورع وتقي وملاك نازل من السما ... ففضلوا ركوب الموجه عشان يفضلوا عالكراسي

أما هموم رجل الشارع واحواله

فهم لا يعرفون عنها شيئاً .

فيكفيه أن يمكث في الكمبوبند الذي يسكن به في الشيخ زايد او التجمع الخامس ... وهذا ليس عيباً

لكن العيب أن يقول لسان حاله " فليذهب الأخرون إلى الجحيم " وانا ومن بعدي الطوفان

[se_ Elsyed]

أجمل شعار قرأته عن مؤتمر الحزن هذا العام هو

" هانجيب أجلك أنت "

-----------

على فكرة

رب ضارة نافعه

بيتهيألي وجود هذا الكم من المنافقين المطبلتيه أعضاء الحزب الوطني ... بيُحدث إنتعاشه إقتصادية في

صناعة ورنيش صبغة الشعر

اللهم صلي عالنبي كل واحد شعره بيلمع وإسود سواد أيامهم السودا وسواد قلوبهم

اهو خليهم يعملوا حسنه في حياتهم

أفتكرت رئيس شركة ديتول في مصر اللي بيقول أول أمس إن الإنتاج إتضاعف 400 % وما باقوش ملاحقين وهايستوردوا ديتوال من بره عشان هوس النضافة اللي حل عالناس فجآة

هم كذلك

مع أزدياد أعداء قصدي أعضاء الحزب ..

ممكن شركة ديكسي ولا كيري ولا ورنيش أبو لمعه الأصلي تبعت تستورد شحنات من الصين أو زفتى عشان تغطي طلبات أعضاء الحزب المتزايدة

طبعاً الريس هنجيب له ورنيش من سويسرا على أساس إنه سيدنا وتاج راسنا

اتحرى بفارغ الصبر الأستماع إلى كملة السيد الرئيس القائد " جمال مبارك " النهاردة

وبالعند في اي حد وليكن ما يكون ما كان .. هاسجلها على سي دي ..

عشان بس أعد كام تسقفيه هاتتسقف له ..

لإن اللي مش هايسقف بحُرقه .. مش هايلاقي نفسه في التشكيل الوزاري المتوقع والمرتقب هذا الأسبوع

يارب أخويا وهو كدر من كوادر الحزب . يارب يمسك حاجه بقى في التعديل الجديد .. إن شالله لو يبقى مأمور قسم الوايلي .. مع إنه دبلون صنايع ... لكن آبية جمال ما فيش حاجه بتقف قصاده وكرت منه بس يفتح لنا كل السكك ...

ولا بلاش كلمة السكك دي أحسن بأفتكر السكك الحديد

وأهو برضوا الضوفر ما يطلعش من اللحمه

وعُمر الدم ما يبقى ميه

وبالتأكيد مش هاينساني في حتة أرض متسقعه

او شركة قطاع عام واقعه

او سبوبة توكيل تجاري ... إن شالله توكيل ربطت جزم حتى

اهو نقب على وش الدنيا وناخد جزء من الياغمه دي يابا

وعلى رأي المثل

إن خرب بيت باباك .. خد لك منه قالب

[mrs gehad ahmed]

بأسمع دلوقت برنامج القاهرة اليوم بيتكلم عن الموضوع ده وبيتلقي اتصال من المواطنين اللي سلخوا الحزب الوثني

وما فقعنيش غير مكالمة من شخص نكره هو للأسف رئيس تحرير الاهرام المسائي اسمه طارق حسن .. واتحدى .. وهادفع 1000 ج لأي زميل سمع عنه حتى لو في طبق اليوم

الراجل كان منفعل وكنت حاسس ان هايجيله لومباجو وهو يتحدث عن إن مصر بقيادة الحزب الوطني والسيد جمال ابن مبارك أستطاع اجتياز الأزمة العالمية في

حين

في حين

في حين

والنبي أرجوكو أمسكوا نفسيكو

عشان خاطري

انا عارف ان في ناس صاحبه عيا

بيقولك في حين ان امريكا تعصف بها الازمات

والعاطلين بيزيدوا

والناس بتنام في الجراجات ومش لاقيه تاكل

آه يابن الــــــ

بعد أذن المشرفين : ممكن اشتم حد وماخدش انذار ؟

او اديله لوكوميه في مناخيره عشان يبقى اخنف ؟

[/quote

اااااااااااااااااااااااااااااااااااااااااااااااااااااااااااااااااااه قويه طالعه من قلبي من جوه ..هيا ابلغ تعبير عن اللي جوايا واللي بيحصل فينا واحنا زي مبيقولو صكتم بكتم لا حول لينا ولا قوه

ناس جليله وكان ليها وزن بقت بتنافق ..وناس نكره اصلا محدش يعرفها بقا ليها صوت وبتتكلم ..والحق تاااااااااه وبح خلاص

واللي بيتكلموا صح بقوا هما اعداء النجاح واعداء الوطن

انا عمري مكنت متشائمه ودايما عندي امل ف الحياه ولكن لما نيجي للسياسه خصوصا ف المحروسه اجدني عاجزه عن رسم الاحلام الوردية تماما

واتذكر قول الله تعالي (( ان الله لا يغير ما بقوم حتي يغيروا ما بأنفسهم )

يا تري ايه اللي مفروض نغيره عشان ربنا يغيرلنا اللي احنا فيه ؟؟

وكلمه اخيره بمناسبه الاخ بتاع طبق اليوم ده ..باعتبار انني بعمل ماستر ف الاقتصاد وخاصه ف الازمه العالميه الحاليه

اقدر اقول ان مصر حققت نجاح ف معالجه الازمه ..مش عشان شطاره ابيه جمال ولا اتباعه ..ولكن لان مصر اصلا مش دوله منخرطه بصوره كبيره اوي ف التجاره الدوليه وف الاقتصاد الدولي فمن فضل ربنا ورحمته انها جت علي اد كده ..

واما امريكا فهي رأس الازمه وحطت خمسميت خطه للانقاذ ومن اول يوم كبار رجال اقتصاد الدوله اتجمعوا والدوله اهتمت والدنيا كلها وقت علي رجل

اما ف المحروسه فكانو دايما بيصرحو ان الازمه لن تمس مصر عشان اقتصادها القوي والمتين واللي ماليان فيتامين وكلام يخلي الرفيع تخين

بس الحقيقه ..

الحقيقه يعني

اعتقد ان لكاميه ف مناخيره متستحقش انذار خالص

الطف بينا ياارب ..ميجيش حد بقا يكلمني عن مساويء كندا ..ويقولي مهاجره ليه .

[aimen]

دى شوية صور ظريفة جدا

http://lh4.ggpht.com/_O9R67JIvmdc/SuydrguJ....jpg?imgmax=800

http://lh3.ggpht.com/_O9R67JIvmdc/SuyduS8l....jpg?imgmax=800

http://lh4.ggpht.com/_O9R67JIvmdc/Suydx-fc....jpg?imgmax=800

http://lh3.ggpht.com/_O9R67JIvmdc/Suydy2Lv....jpg?imgmax=800

http://lh3.ggpht.com/_O9R67JIvmdc/Suyd4iGw....jpg?imgmax=800

http://lh4.ggpht.com/_O9R67JIvmdc/Suyd180E....jpg?imgmax=800

[Sherief AbdelWahab]

سين سين حبيب الملايين..

الحمد لله إنك ما سمعتش السيد الأستاذ الدكتور محمد علي إبراهيم عضو مجلس الشورى الموقر ورئيس تحرير جريدة الجمهورية الموقرة برضه.. خليط من الافتعال وطولة اللسان والاستظراف والنفاق.. دار التحرير بصحفها ومجلاتها شيء مثير للقيء..

ومش عارف إن كنت سمعت عضو في الحزبوطني عن مطروح جه كلم عمرو اديب من كام يوم.. الراجل مش جاي يتصل .. جاي يخطب .. ويزعق بكلام عمه عز بيه إن انتم مش شايفين إلا السلبيات واحنا عملنا وعملنا وعملنا..

من هنا أستنتج إن الحزبوطني في ظل فكره الجديد وعبوره إلى المستقبل أصبح يتجه إلى الشرشحة..

عايز رأيي في المؤتمر؟

عارف الممثل الركيك اللي بيسنتر وشه ع الكاميرا بأي طريقة.. أهو الحزب كله كدة في المؤتمر.. ودة له شرح يطول..

خلص الكلام

[se_ Elsyed]

عارف الممثل الركيك اللي بيسنتر وشه ع الكاميرا بأي طريقة.. أهو الحزب كله كدة في المؤتمر.. ودة له شرح يطول..

وكتاب الله من كتر غسيل المخ وغسيل المعده قربت اصدقهم ... تخيل ؟

النهاردة كانت الجلسة الختامية وجابوا فيها شوية شباب يعملوا شو استربتيز قدام الريس وبيخلعوا ضميرهم حته حته ويحكوا عن التجربة الحزنية

اكتر واحد غاظني هو امين حزب محافظة الشرقية ... إخص عليك .... الشرقية بريئة منك يا منافق

واللي هو للأسف استاذ مساعد في كلية الطب جامعة الزقيق ودكتور مخ واعصاب

وبعد خطبه عصماء عن كيفية صعوده في الحزب

فوجئت به بيقول للريس ان عنده طلب صغير للريس

آه والله

إيه يا روح مامتك الطلب ؟

والله بالنص يا جماعه

انا متجوز جديد يا ريس وعندي طفل سنه ونص ومراتي اسمها سوزان .. فطول اليوم الواد عمال يقول .. ماما سوزان .. ماما سوزان

وهنا انشكح الريس وسخسخت مراته على نفسها من الضحك

شوفتوا الطلب ؟؟؟؟؟

شوفتوا الفكر الجديد

شوفتوا من أجلك انت ؟

الظاهر ان الفكر الجديد هو فكر " السح الدح امبو .. ادي الواد لأبوه .. يا عيني الواد عيان .. وبيقول ماما سوزان "

[Sherief AbdelWahab]

الأمتع بقى مانشيتات جرايد بكرة اللي حيبتدي كل صحفي يطلع "موهبته الكصصصية" ويكتب وبتأثر بالغغغغغغغ عن اللي شافه في المؤتمر..وعن كل شكوى وكل طلب لكل أمين من السادة الأمناء.. وعن حرص الحزب على قضايا المواطن المصري البسييييييط محدود الدخللللل وعن إن هذه الأشياء البسيطة أهم بكثير لدى المواطن من الديمقراطية السياسية اللي كان نفس الحزب - سبحان الله - بيغني بيها علينا ليلي نهاري ..

المذهل إن رئيس تحرير ما يسمى بجريدة الجمهورية كان كاتب من أسبوعين عن فضائل "الصحف القومية" المنحازة للوطن والمواطن والمش عارف إيه.. وينفي بعبارات لا تنطلي على طفل في الرابعة تبعية الصحف للحزب ولا للحكومة.. كيف يصدق أي عاقل كلام السيد رئيس التحرير ونحن نرى - عملياً- أنه كلما قال الحزب الوطني "ياعيني الواد بيعيط" قالت تلك الصحف - جمعاااااء- "شيل الواد م الأرض"!

خلص الكلام