طريقة عمل كبدة الدجاج

[Amr Radwan]

طريقة عمل كبدة الفراخ :

المقادير :

نصف كيلو كبدة دجاج طازجة

بصلة متوسطة + 2 حبة ثوم متوسطة

ملح - فلفل – هيل (حبهان) مطحون – 2 عود قرفة حصا – 5 حبة قرنفل حصا

5 عود بقدونس طارج

5 عود شبت طارج

2 حبة طماطم

سمن + زيت

الطريقة :

تقطع البصلة و الثوم الي شرائح رفيعة و توضع في السمن و الزيت علي النار الي ان تذبل قليلا

تضاف البهارات الي البصل علي النار مع التقليب .

يضافة البقدونس المقطع و الشبت المطقع الي البصل و البهارات مع التقيلب

ثم تقطع الطماطم الي قطع و تضاف الي الخليط السابق .

يفضل التسوية في مقلاة تيفال مانعة الالتصاق .

يغطي الخليط السابق لمدة 5 دقائق

بالنسبة للكبدة يتم تنظيفها جيدا من الدم و اي دهون و تقطيع الكبدة الواحدة الي قطعتين او 3 قطع علي حسب الرغبة مع اضافة بعض الخل الي ماء التنظيف و شطفها فورا ..

بعد ذلك نضيف الكبدة الي الخليط بعد تصفيته جيدا من الماء مع التقيلب بهدوء الي ان تتماسك الكبدة

نقوم بتغطية الخليط و نتركة علي نار متوسطة الي ان يطيب ..

ملحوظة : ما تنسوش تشيلوا عيدان القرفة و القرنفل قبل التقديم

و بالهناء و الشفاء :lol: و قولولي اية رايكم

[بندق أفندى]

شوف يا عم عمرو .. المكونات بتقول وبتحكى والطريقة ممتازة ..

بس انا ما ليش تقل كتير على الكبدة بس كويسة جدا .. خصوصا القرفة والقرنل

بس غالبا نضيف معلقتين خل للكبدة قبل تسويتها ب 5 دقائق وما تسألنيش ليه ..

تم تعديل 18 أبريل 2009 بواسطة بندق أفندى

[Amr Radwan]

شوف يا عم عمرو .. المكونات بتقول وبتحكى والطريقة ممتازة ..

بس انا ما ليش تقل كتير على الكبدة بس كويسة جدا .. خصوصا القرفة والقرنل

بس غالبا نضيف معلقتين خل للكبدة قبل تسويتها ب 5 دقائق وما تسألنيش ليه ..

الشيف بندق بنفسة داخل علي الموضوع بتاعي .. بجد انا سعيد ..

و الله انا سعيد بمرورك علي الموضوع و ابداء تعليقاتك الجوهيرية و التي لا نستطيع الاستغناء عنها و خاصة انها في اول موضوع لي علي المنتدي في موضوع المطبخ لتوثيق افتكاساتي المطبخية ..

تحية لك ..

[fatfouta]

شكرا يا عمرو على الطريقة الحلوة دى لان فيه ناس كتير مش بتحب الكبدة بس اعتقد بالطريقة دى هيحبوها

بس اول مرة نعرف ان عندك مواهب فى الطبخ وياللا عاوزين نشوف اكتر

فتفوتة