ركن السي فود

[Amr Radwan]

بصراحة انا بحب جدا السي فود و بحب اعمله و افنن فيه .. ايه رايكم يكون الموضوع ده "ركن السي فود" عبارة عن موضوع مخصص لاكلات السي فود (جمبري – سبيط – كاليميري – كابوريا – استكاوزا .. و كده يعني ).. و اي حد عنده طريقة حلوة و جربها ممكن يعرضهالنا هنا و يا سلام لو كانت بالصور ..

تحبوا حد يبدأ و لا تستنوني ؟؟

[fatfouta]

لا هنستناك

انا عندى طريقة بس مش هقولها غير لما تقول االلى عندك يا عمرو اوكى

[بندق أفندى]

المفروض أفتحلى ركن أسميه السى فود الموازى

ما هو فيه سى فود وسى السيد وسى فود الموازى ههههههههه

[سهل جدا]

لا هنستناك

انا عندى طريقة بس مش هقولها غير لما تقول االلى عندك يا عمرو اوكى

طيب يلا بسرعة يا فتفوتة قولي اللي عندك, أنا دائما عندي إحساس إنك ست بيت مية مية

أنا ماليش في الطبخ , بس من باب الإضافة , أحب أنقل لكم بعض الفوائد الطبية لأكل الأسماك

فوائد أكل السمك من الناحية الطبية

1. هو غني بالبروتينات التي تحتوي احماضاً امينية مهمة مثل الارجنين ، التريبتوفان ، وغيرها . وهي مهمة للمحافظة على انسجة الجسم و لبناء ما يحتاجه الجسم في عمليات الترميم التي تحدث لأنسجة الجسم .

2. يعتبر السمك مصدراً مهماً من مصادر اليود ، و الفوسفور . وهذه ضرورية للأسنان و العظام و الدم ، وهو مصدر مهم للكالسيوم .

3. يحتوي السمك على فيتامين أ ، د . هذه الفيتامينات موجودة في كبد السمك .

4. لحم السمك لا يحتوي على اشباه السكر ، الغلوكسيدات ، لذلك يعطى لمن يتبع حمية غذائية لتخفيف الوزن .

5. يقوم الفوسفور الموجود بالسمك خاصة انواع السردين بتنشيط الذاكرة وله دور مهم في بناء العظام .

6. يحتوي السمك على نسبة عالية من حمض الغلوتميك ، وهي مادة ضرورية لوظائف الدماغ و الاعصاب و الانسجة .

7. الاهم من كل ذلك ، وجود مادة الأوميغا -3. الموجودة في دهن السمك و جميع ثمار البحر ، وعلى عكس الكوليسترول الذي يضر بصحة الانسان

فإن احتواء دهن السمك على مادة اوميغا يمنع إصابة الاجسام بالجلطات الدموية التي تصيب القلب و الدماغ ، فإن كانت الدهون الموجودة في الحيوانات من غنم و بقر تضر بالصحة ،

فإن دهن السمك مطلوب لصحة الجسم البشري ، لأنه كلما كثُر دهن السمك كثُرت فيه مادة اوميغا .

جميع الاسماك تحتوي في جسمها على أوميغا-3 . ولكن هنالك انواع اسماك تحتوي على نسبة اكبر من هذه المادة ، ففي بعض الاسماك تشكل الدهون 1% من الوزن ، وفي انواع اخرى 2% من الوزن ،

وفي سمك التونة تبلغ النسبة 15% ، واهم انواع السمك التي تحتوي على نسب عالية هي التونة ، السردين ، السلمون ، سمكة الإسكمبري .

يفضل لمرضى القلب تناول السمك ثلاث مرات في الاسبوع لإحداث وقاية تامة ، إلا ان ابحاثاً حديثة أثبتت ان اكل السمك ولو مرة في الشهر يحدث وقاية جيدة . إن مادة الاوميغا موجودة في السمك و جميع المخلوقات المائية بنسب مختلفة ، وهي عبارة عن احماض دهنية متعددة غير مشبعة .

8. الاسماك الغنية بماجة اوميغا -3 ، هي ضرورية في غذاء المرضى المصابين بمرض " التصلب اللويحي " Multiple sclerosis . وهو مرض يصيب " النخاع الشوكي " . ويمنع السمك تفاقم هذا المرض الذي لم يوجد له دواء فعال لمعالجته الى الآن . يفضل السمك البحري على السمك النهري و يفضل اكل السمك طازجاً .

9. يقوي السمك و يغذي الجسم ، وخاصة الطاقة التناسلية ، بشكل خاص بيض سمكة " الحفش " . وهو ما يسمى " كافيار " . وهو يؤكل ايضاً مع المشروبات الكحولية للتخفيف من ضرر الكحول على الجسم ، وروسيا و ايران من الدول المهمة المصدرة للكافيار .

وفي مصر يؤكل " البطرخ " للتغذية و تنشيط الطاقة الجنسية ، و البطرخ هو " رحم السمك المملوء بالبيض " . وهو يؤكل مع الثوم و زيت الزيتون ، وقد يضاف اليه القليل من الزنجبيل لزيادة الفائدة .

يستعمل السمك من أراد اتباع حمية غذائية لتخفيف الوزن و المرضى المصابون بأمراض العصر و الامراض المزمنة .

المصدر

إضغط هنا

XXXXXXXXXXXXXXX

تم حذف تلك الجملة لمخالفتها القاعدة رقم 1 من قواعد الكتابة في المحاورات و التي تنص علي :

وعدم استخدام أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة .

تم تعديل 18 أبريل 2009 بواسطة Scorpion

[Amr Radwan]

طريقة عمل شوربة الجمبري

المقادير :

نصف كيلو جمبري متوسط الحجم او كبير طازج بقشره (يفضل البحري الاصفر اللون و لا يفضل المزارع الاخضر اللون)

فصين ثوم

بصلة متوسطة سليمة .

زيت

البهارات (كمون مطحون – حبهان مطحون – ملح – فلفل – 3 اعواد قرفه حصا – 4 حبات قرنفل حصا - ممكن اضافة قطعة صغيرة جدا من المستكة حسب الرغبة و اكرر صغيرة جدا )

عدد 2 حبة طماطم متوسطة

عدد 4 عود بقدونس بدون تقطيع

الطريقة :

يغسل الجمبري جيدا و يصفي و يوضع في ماء و خل لمده 5 دقائق

يتم وضع الزيت علي النار و بعد ان يقدح يتم اضافة الجمبري و يتم التقليب الي ان يتغير لونه الي اللون البرتقالي او الاحمر ثم اضافة البهارات مع التقليب ايضا و بعد ان تبدأ رائحة التوابل في الظهور يتم اضافة اعواد البقدونس ثم البصلة و الثوم و الطماطم و يتم التقليب ايضا لمدة 3 دقائق .. و في النهاية يتم اضافة الماء الي الجمبري و تتركه يغلي و يقلب في بعضه و لو الميه خلصت زوده تاني لمدة نصف ساعة علي النار تقريبا .

ملحوظة : كلما كانت كمية الشوربة بعد الطهو قليلة كلما كانت مركزة و الطعم افضل .

بعد الانتهاء من عمل الاكلة الجميلة دي .. نقوم باصطياد الجمبري و وضعه في طبق خارجي ثم نقوم بتصفية الشوربه بمصفاة ضيقة و قبل التقديم .

طريقة التقديم :

يمكن اضافة الجمبري الي الشوربة مرة اخري بعد التصفية او تقديم الشوربة في اطباق منفصلة .

يمكن عمل ارز ابيض بسمتي مع الجمبري و طريقته سهله جدا ..

2 كوب ارز بسمتي

3 كوب ماء

قليل من زيت الطعام

ملح – حبهان حصى – قرنفل حصا – قرفة حصي

و الطريقة :

ضع الزيت مع البهارات علي النار ثم الارز مع التقليب ثم الماء و نترك الخليط علي النار الي ان يجف الماء من الارز

تقريبا ثم نقوم بالتقليب بهدوء ثم تقليل النار جدا و تغطية الوعاء ثم نتركة لمدة 20 دقيقة اضافية و بالهنا و الشفا

عاوز حد يجرب و يقولي رايه 

[Amr Radwan]

المفروض أفتحلى ركن أسميه السى فود الموازى

ما هو فيه سى فود وسى السيد وسى فود الموازى ههههههههه

ههههههههههههه حلوة

بندق افندي - فتفوته - سهل جدا

شاكر لكم مشاركتكم الموضوع :unsure: و في انتظارك يا فتفوته .. جعنااااااااااااااااااااااااااااا

[fatfouta]

شاكر لكم مشاركتكم الموضوع :unsure: و في انتظارك يا فتفوته .. جعنااااااااااااااااااااااااااااا

\

اقول ايه بس مانت حرقتهالى خلاص هى دى تقريبا نفس الطريقة اللى بعمله بيها

بس انا بقى بعد الغسيل بقطع بصلة صغنونة وفلفل رومى وتوم مفروم او بودرة توم واشوحهم الاول وبعدين اضيف الجمبرى فوقهم واسيبه شوية ذى مانت قلت لما ريحة التوابل تطلع وبعدين احط المياة فوقه

وفعلا صح كل اما الشربة تزيد سمك(بضم السين) بتبقى احسن واجمل

بس ملحوظه ماتحطوش ملح كتير فى الاول عشان كل ما بيزيد سمكها بيزيد الملح

وبتطلع جميلة برده

ياللا يا عمرو عاوزين باقى ركن السى فود

الهمة معانا بقى

[doudy]

[يمين][/يمين]السلام عليكم

انا بقى من الاسكندريية بلد السى فود

و اكيد بنحب السى فود جدا جدا

هقولكم طريقة كفتة الجمبرى و ان شاء الله تعجبكم

المقادير:

1 كيلو جمبرى مقشر

بقدونس مفروم او مقطع ناعم

توم مفروم

نصف كوب ارز مطحون

ملح و كمون

دقيق للتتبيل

زيت التحمير

الطريقة:

يفرم الجمبرى و يضاف عليه جميع المكونات السابقة(الثوم و البقدونس والملح و كمون و الارز المطحون)

و يخلطوا جيدا حتى يصبح الخليط متجانس ثم يتم تشكيل الخليط لاصابع رفيعة و ذلك لانها

مش بتكش اما تتحمر و كمان عشان تستوى كويس بعد ذلك تتبل فى الدقيق ثم تحمر فى الزيت

و يقدم معها سلطة طحينة طبعا و الارز ابو بصلة المشهور مع السمك

و بالهنا و الشفاء

[بندق أفندى]

طبعا للناس فيما يعشقون مذاهب ..

أولا مش بأحب أعمل شوربة بحرية مع الطماطم عشان تفضل الطماطم بطهمها الأصلى

ثانيا ودى أهم نقطة 7 الى 8 دقائق لتشويح الجمبرى ونصف ساعة يغلى ده كتير جدا جدا .. المفروض يكون على أكثر تقدير 16.5 دقيقة

ثالثا : بدل الزيت بأستخدم زبدة

رابعا : البصل يدبل أولا

خامسا: بعد ما تدبل البصل يمكن وضع ملعقة دقيق ويحمر لمدة دقيقتين لصنع سمك للشوربة

سادسا: يمكن اضافة معلقة قشطة بعد ما تستوى

سابعا: الكرافس هام جدا فى الشوربة البحرية

ثامنا: انا ما ليش دعوة

تاسعا: كل شيخ وله طريقة وده مش نقد دى طريقتى .. ويضاف عليها ويخصم فى مرة أفعلها .. ويمكن انجاز 12 اصدار مختلف منها بمجرد النظر هههههه

وتحياتى

[Amr Radwan]

طبعا للناس فيما يعشقون مذاهب ..

أولا مش بأحب أعمل شوربة بحرية مع الطماطم عشان تفضل الطماطم بطهمها الأصلى

ثانيا ودى أهم نقطة 7 الى 8 دقائق لتشويح الجمبرى ونصف ساعة يغلى ده كتير جدا جدا .. المفروض يكون على أكثر تقدير 16.5 دقيقة

ثالثا : بدل الزيت بأستخدم زبدة

رابعا : البصل يدبل أولا

خامسا: بعد ما تدبل البصل يمكن وضع ملعقة دقيق ويحمر لمدة دقيقتين لصنع سمك للشوربة

سادسا: يمكن اضافة معلقة قشطة بعد ما تستوى

سابعا: الكرافس هام جدا فى الشوربة البحرية

ثامنا: انا ما ليش دعوة

تاسعا: كل شيخ وله طريقة وده مش نقد دى طريقتى .. ويضاف عليها ويخصم فى مرة أفعلها .. ويمكن انجاز 12 اصدار مختلف منها بمجرد النظر هههههه

وتحياتى

يا سلام عليك يا بندق افندي ..

من زمان و انا عاوز اخترع موضوع الشوربة البيضاء بتاعت الجمبري لاني شوفتها قبل كده و عجبتني .. بس كنت خايف من التجارب عشان مش ابوظ الكيلو ابو $$ ريال لان مراتي مش هترحمني ههههههههه

اولا الطماطم بعض الاحيان بتكون كويسه في الاسماك و بعض الاحيان بتكون مش كويسه لانها للاسف بتظهر "الزفارة" بتاعت السمك .. يعني مثلا لو اتحطت علي التونة او الرنجة هتبقا مشكلة كبيرة .. انما في الشورية بتاعت الجمبري بتكون شديدة و خاصة انها بتكون دابت في الطعم بعد السوا ..

ثانيا .. مدة التسوية مش كبيرة خالص .. لان التشويح بيكون علي نار هادئة .. ثانيا .. الجمبري بيكون متوسط الحجم او كبير و بقشره و راسه يعني لازم يستوي كويس و المدة دي اكتشفتها عن طريق التجربة لاني كل شوية بجيب جمبرييايه و ادوقها .. و بعد انتهاء النصف ساعة بيكون الجمبري خلص من التجربة و الحمد لله ههههههههه و مراتي نصيبها في الشوربة الفظيعة .. يلا بقا كل واحد و نصيبه هههههههههههه

ثالثا .. انا من انصار السمن البلدي اللي بيودي في داهية :) و الزبدة ممكن .. بس بدأت ادخل الزيت في معظم اكلي بدلا من السمن او حتي علي الاقل خليط من السمن و الزيت .. عشان الصحة يا حاج بندق .. اما الزبده للاسف بحس اني لا طلت طعم السمنة البلدي و لا الاكل صحي بالزيت ..

علي فكرة بعد عدة تجارب .. انصح بالسمن البلدي بتاع المراعي .. اقرب انواع السمن الي السمن البلدي المصري ..

رابعا .. يا حاج بندق .. انا حاطط البصلة بحالها .. ادبلها ازاي !!!! :rolleyes: الغرض من المكونات انها تكون بحالها و صحيحة حتي اعواد البقدونس عشان تكون سهلة التصفيه في النهاية و نكون استفدنا بالطعم ..

خامسا .. دي شديدة .. و فعلا كنت بدور علي طريقتها .. و ان شاء الله هجربها ..

سادسا .. برده شديدة .. و غير متوقعه .. و علي فكرة الاكل بالسنس .. و واضح انك سنسك عالي قوي .. تسلم يا حاج :)

سابعا .. وجهة نظر .. و تتبع مقوله انك سنسك عالي ..

بجد .. شاكر ليك جدا علي تعقيبك و اقولك انك اضفت الكثير و ان تعليقك و اضافاتك علي الطريقة زادتها لذاذة و طعامة ..

بما ان : عمرو اضاف وصفة

و بما ان : فتفوته بتعملها

و بما ان : بندق افندي راجعها و اضاف عليها التحابيش البندقية

اذا .. دي وصفة هايلة .. دي وصفة سهلة .. دي وصفة ممتازة و اكلة شهية

و هو المطلوب اثباته

:)

[بندق أفندى]

على فكرة انا بأعمل من شوربة المأكولات البحرية ييجى 15 طبق مختلف .. وكل متجرب ..

[Amr Radwan]

على فكرة انا بأعمل من شوربة المأكولات البحرية ييجى 15 طبق مختلف .. وكل متجرب ..

مش بقولك .. استاذ .. و كبير الشيفات كمان (الشيفات دي جمع شيف ههههه)

[Amr Radwan]

الجمبري و السبيط المقلي (المقرمش)

هذه طريقة سهلة و مميزة لعمل الجمبري و السبيط المقلي المقرمش

المقادير :

نصف كيلو جمبري من اي حجم و لكن مقشر

عدد 2 فص ثوم

عدد ا حبة فلفل رومي اخضر متوسطة الحجم

عدد 1 بيضة

البهارات (ملح و فلفل اسود و حبهان مطحون و كمون مطحون )

دقيق للتحمير

زيت للغلية

الطريقة :

يتم خلط الثوم مع الفلفل الاخضر و البهارات و يضرب في الكبة الي ان يصبح الخليط ناعما

ينظف الجمبري جيدا من القشور و من الحبل الاسود داخل كل جمبرييايه و يوضع في ماء و خل قليل لمده خمس دقائق .

يصفي الجمبري من الماء و يضاف عليه الخليط السابق (الثوم و الفلفل و البهارات)

يترك الجمبري اطول فترة ممكنة في الخليط و يمكن وضعه في الثلاجة او الفريزر و استعماله وقت الحاجة ..

بعد ان يتشرب الجمبري الخليط السابق يتم اضافة البيضة عليه مع التقليب .

ثم نسخلص الجمبري من السوائل (البيض و الماء) و يوضع في الدقيق ثم نضعه في الزيت المغلي حبة حبة .. جمبرييايه جمبرييايه ..

يتم التقليب ثم اخراج الحمبري علي مناشف (مناديل) ثم رش خليط من الملح و الكمون المطحون عليه و هو ساخن .

ملحوظة :

1- البيض مهم جدا حتي يلتصق الدقيق بالجمبري و يعمل طبقة مقرمشة لذيذة

2- السبيط يتعمل بنفس الطريقة و لكن يتم تجهيزه بان يقطع الي شرائح طوليه رفيعة ثم يضاف عليه الخليط و البيض و كملوا عادي

و بالهنا و الشفا

[بندق أفندى]

جرب بقى تحط مع الدقيق شوفان أو كورن فليكس تنعمه شوية .. هيديك جمبرى زى بتاع البيك .. ويلا بقى حتة كمان أهه ببلاش

كمان كراجل محترف مطبخ بقى .. المفروض انه تحط البيض المخفوق فى طبق وتتبله بملح وفلفل .. وكمان تتبل الدقيق بملح وفلفل

مع مراعاة انه الملح يكون فى المجمل متوازن ..

وقت قلى الجمبرى والسبيط حوالى 5 دقائق .. اذا زاد بالذات السبيط بيكون بيشد أكتر ..

تم تعديل 22 أبريل 2009 بواسطة بندق أفندى

[Amr Radwan]

جرب بقى تحط مع الدقيق شوفان أو كورن فليكس تنعمه شوية .. هيديك جمبرى زى بتاع البيك .. ويلا بقى حتة كمان أهه ببلاش

كمان كراجل محترف مطبخ بقى .. المفروض انه تحط البيض المخفوق فى طبق وتتبله بملح وفلفل .. وكمان تتبل الدقيق بملح وفلفل

مع مراعاة انه الملح يكون فى المجمل متوازن ..

وقت قلى الجمبرى والسبيط حوالى 5 دقائق .. اذا زاد بالذات السبيط بيكون بيشد أكتر ..

يا بندق افندي .. اجيب منين الشوفان ده ؟؟!؟!؟ :lol:

[بندق أفندى]

جرب بقى تحط مع الدقيق شوفان أو كورن فليكس تنعمه شوية .. هيديك جمبرى زى بتاع البيك .. ويلا بقى حتة كمان أهه ببلاش

كمان كراجل محترف مطبخ بقى .. المفروض انه تحط البيض المخفوق فى طبق وتتبله بملح وفلفل .. وكمان تتبل الدقيق بملح وفلفل

مع مراعاة انه الملح يكون فى المجمل متوازن ..

وقت قلى الجمبرى والسبيط حوالى 5 دقائق .. اذا زاد بالذات السبيط بيكون بيشد أكتر ..

يا بندق افندي .. اجيب منين الشوفان ده ؟؟!؟!؟ :lol:

هتلاقيه فى أى سوبر ماركت وأشهر ماركة منه كويكر ..

[fatfouta]

الجمبري و السبيط المقلي (المقرمش)

هذه طريقة سهلة و مميزة لعمل الجمبري و السبيط المقلي المقرمش

المقادير :

نصف كيلو جمبري من اي حجم و لكن مقشر

عدد 2 فص ثوم

عدد ا حبة فلفل رومي اخضر متوسطة الحجم

عدد 1 بيضة

البهارات (ملح و فلفل اسود و حبهان مطحون و كمون مطحون )

دقيق للتحمير

زيت للغلية

الطريقة :

يتم خلط الثوم مع الفلفل الاخضر و البهارات و يضرب في الكبة الي ان يصبح الخليط ناعما

ينظف الجمبري جيدا من القشور و من الحبل الاسود داخل كل جمبرييايه و يوضع في ماء و خل قليل لمده خمس دقائق .

يصفي الجمبري من الماء و يضاف عليه الخليط السابق (الثوم و الفلفل و البهارات)

يترك الجمبري اطول فترة ممكنة في الخليط و يمكن وضعه في الثلاجة او الفريزر و استعماله وقت الحاجة ..

بعد ان يتشرب الجمبري الخليط السابق يتم اضافة البيضة عليه مع التقليب .

ثم نسخلص الجمبري من السوائل (البيض و الماء) و يوضع في الدقيق ثم نضعه في الزيت المغلي حبة حبة .. جمبرييايه جمبرييايه ..

يتم التقليب ثم اخراج الحمبري علي مناشف (مناديل) ثم رش خليط من الملح و الكمون المطحون عليه و هو ساخن .

ملحوظة :

1- البيض مهم جدا حتي يلتصق الدقيق بالجمبري و يعمل طبقة مقرمشة لذيذة

2- السبيط يتعمل بنفس الطريقة و لكن يتم تجهيزه بان يقطع الي شرائح طوليه رفيعة ثم يضاف عليه الخليط و البيض و كملوا عادي

و بالهنا و الشفا

حلو اوى يا عمرو بس هقولك حاجة بقى انا مرة سمعت الشيف اسامه انه فى اى حاجة بنقليها او بنعملها بانيه لازم تعمل ايه بقى

اول حاجة نصفيها بعد التتبيلة وعشان ننشفها لازم ننزلها الاول فى الدقيق وبعدين البيض وبعد كده البقسماط او الشوفان

ولا زم نتبل التلاته عشان الطعم ذى مابندق قالك

يعنى الخطوات هى دقيق ثم بيض ثم بقسماط

وهتطلع معاك ذى ماتكون بتاكله فى احسن مطعم والله جرب كده وهتلاقيه حلو ومقرمش هو او السبيط

بس تسلم ايدك برضوا

فتفوته

[Amr Radwan]

تصدقوا اني و انا بحكي لزوجتي العزيزة عن الاختراع بتاع الدقيق ثم البيض ثم الشوفان .. قالتلي انا عارفاه :lol:

اما ما بنعملوش ليه :lol:

عموما شكرا علي اضافة معلومة جديدة .. و في انتظار اكلات جديدة في ركن السي فود .. و بطلوا تستنوا احط اكلة و تخشوا تعملوا عليها تعديلات بس .. عاوز حد يضيف اكلة زي الاخت اللي اضافت كفتة الجمبري .. الدنيا فيها اضافة و تعديل مش تعديل بس :lol: مع العلم ان التعديل = اضافة افكار جدية لذيذه برده علي الوصفة يعني انا اول المستفيدين من التعديل .. :sad:

[fatfouta]

طيب يا عمرو ماتزعلش هحطلك اكلة حلوة ويارب تعجبك

استنى هجهزها وارجع اكتبهالكوا وماتضايقش انا كنت بقولك على اللى انا بعمله لكن مش بعدل عليك ولا حاجة وشفت اهى كمان زوجتك طلعت عارفاها طيب ماتعملوه كده بقى :lol:

وهفتكسلك كام اكله كده من اللى بعملهم من الاسماك وارجعلك تانى

فتفوته

[fatfouta]

خدوا عندكوا

عدد واحد سمكة حجم كبير (بلطى- مياس-مرجان) انا بعملها بالبلطى بصراحة

3 حبات فلفل اخضر رومى

3 حبات جزر

5 فصوص ثوم(فص هه مش راس)

توابل بقى ملح وكمون وبلاش الفلفل الاسود

شفته المقادير سهلة اذاى

نيجى بقى للطريقة

نبشر الفلفل والجزر والثوم ونحطهم على بعض وبعدين نتبلهم بشوية ملح وكمون

اما السمكة ننظفها كويس جدا طبعا وبرده نتبلها بملح وكمون من جوا ومن بره ونجيب الخلطة اللى عملناها فوق ونحطها من جوا السمكة وحواليها ومن فوقها فى صينية نضع عليها شوية زيت يكفى عشان ماتتحرقش مننا يا حلوين

نضعها على نار البوتاجاز عادى لغايت ما الخضار يدبل شوية والسمكة تتشرب منه

هتلاقوا ريحة السمكة الجميلة بدات تطلع

نقوم عاملين ايه بقى نحط عليها شويه مياة صغننين ونحطها فى الفرن لغايت ماكل حاجة تتشرب من بعضها لمده نص ساعة مش اكتر

وجربوها هتطلع جميلة جدااااااااا

ايوه ايوه نسيت اقول حاجة مهمه ممكن نقطع بطاطس مكعبات ونحطها فى الصينيه حوالين السمكاية بتديها طعم جميل والاولاد بصراحة بياكلوا البطاطس ويسيبوا السمكة

مش عشان السمكة وحشة ماحدش يفهنى غلط

على فكرة والله طريقة سهلة وسريعة جدااا وكمان لذيذة

اهو عشان ماتزعلش يا سى عمرو هتضحك علينا الناس قعدت تقول حطوا اكل حطوا اكل وادينا حطينا اهو يارب تعجب بقى

فيه كام وصفة تانى بس على الله دى تعجب ابقى اقول الباقى ياللا روحوا اشتروا سمك وجربوها

يارب مايشوفها الشيف بندق مايعقدنيش فى حياتى

فتفوتة