ركن السي فود

[بندق أفندى]

وأنا على الصور

دى معمولة بالطريقة أعلاه من حيث الخلطة .. لكن بتدخل فرن حامى مباشرة

مبشور عليها شوية جبنة شيدر عشان تدى شوية طعم زيادة

تم تعديل 23 أبريل 2009 بواسطة بندق أفندى

[بندق أفندى]

ودى متقدمة جاهزة وأى خدمة

[fatfouta]

اخ وقعنا فى الغلط اهو

هو انت هنا يا بندق افندى لا لا ده اللى بقول عليه يارب مايشوفها ده طبعا مش انت ده بندق واحد تانى خالص

بس برافو عليك وشكرا عالصورة والله كان نفسى احطها بس انت دايما سباق بالخير وكسفتنى والله :lol:

عاوزاك فى موضوع بالنسبة للخفايف والحاجات دى بس استنى هجيلك هناك

تم تعديل 23 أبريل 2009 بواسطة fatfouta

[بندق أفندى]

اخ وقعنا فى الغلط اهو

هو انت هنا يا بندق افندى لا لا ده اللى بقول عليه يارب مايشوفها ده طبعا مش انت ده بندق واحد تانى خالص

بس برافو عليك وشكرا عالصورة والله كان نفسى احطها بس انت دايما سباق بالخير وكسفتنى والله :lol:

عاوزاك فى موضوع بالنسبة للخفايف والحاجات دى بس استنى هجيلك هناك

ليه الغلط يا فندم .. هو موضوع متكامل أهه

[doudy]

تصدقوا اني و انا بحكي لزوجتي العزيزة عن الاختراع بتاع الدقيق ثم البيض ثم الشوفان .. قالتلي انا عارفاه :lol:

اما ما بنعملوش ليه

عموما شكرا علي اضافة معلومة جديدة .. و في انتظار اكلات جديدة في ركن السي فود .. و بطلوا تستنوا احط اكلة و تخشوا تعملوا عليها تعديلات بس .. عاوز حد يضيف اكلة زي الاخت اللي اضافت كفتة الجمبري .. الدنيا فيها اضافة و تعديل مش تعديل بس مع العلم ان التعديل = اضافة افكار جدية لذيذه برده علي الوصفة يعني انا اول المستفيدين من التعديل ..

ايوة يا استاذ عمرو اشكرك انا الاخت اللى اضفت كفتة الجمبرى

على فكرة (( كفتة السمك)) نفس المقادير بس بدل الجمبرى نستبدله بسمك فيليه

و برضه نفرمه ناعم

هقولكم طريقة طاجن السبيط:

المقادير:

1 كيلو سبيط

4 كوب عصير طماطم او صلصة طماطم

4 عيدان كرفس

4 عيدان بقدونس

بصلة كبيرة

6 فصوص ثوم

ملح و فلفل

زيت عباد شمس

الطريقة:

يقطع السبيط قطع صغيرة بس مش قوى لانه بيكش فى السوا

تخرط البصلة قطع صغيرة و نشوحها فى الزيت لغاية لما تصفر

و نضيف اليها السبيط المقطع و ممكن كمان اللى عايز يضيف جمبرى مقشرمع السبيط

و نقلب الخليط و نضيف الملح و الفلفل و نغطى الحلة و نسيبها على نار هادية لغاية السبيط ما ينزل ميته

بعد كدة نضيف عليه البقدونس و الكرفس و طبعا متخرطين صغبر و كمان الثوم مفروم ناعم

و نقلب الخليط كمان شوية و يغلوا مع بعض غلوتين كدة

و بعدين نضيف عصير الطماطم او الصلصة و نقلب كله مع بعض و نعلى النار شوية لغاية ما تغلى ثم نوطى النار خالص

و نسيب الطبخة تتسبك شوية

و بالهنا و الشفا

و برضه بيتقدم معاه رز بالبصلة او رز بالمكسرات

يا رب تعجبكم

[doudy]

خدوا عندكوا

عدد واحد سمكة حجم كبير (بلطى- مياس-مرجان) انا بعملها بالبلطى بصراحة

3 حبات فلفل اخضر رومى

3 حبات جزر

5 فصوص ثوم(فص هه مش راس)

توابل بقى ملح وكمون وبلاش الفلفل الاسود

شفته المقادير سهلة اذاى

نيجى بقى للطريقة

نبشر الفلفل والجزر والثوم ونحطهم على بعض وبعدين نتبلهم بشوية ملح وكمون

اما السمكة ننظفها كويس جدا طبعا وبرده نتبلها بملح وكمون من جوا ومن بره ونجيب الخلطة اللى عملناها فوق ونحطها من جوا السمكة وحواليها ومن فوقها فى صينية نضع عليها شوية زيت يكفى عشان ماتتحرقش مننا يا حلوين

نضعها على نار البوتاجاز عادى لغايت ما الخضار يدبل شوية والسمكة تتشرب منه

هتلاقوا ريحة السمكة الجميلة بدات تطلع

نقوم عاملين ايه بقى نحط عليها شويه مياة صغننين ونحطها فى الفرن لغايت ماكل حاجة تتشرب من بعضها لمده نص ساعة مش اكتر

وجربوها هتطلع جميلة جدااااااااا

ايوه ايوه نسيت اقول حاجة مهمه ممكن نقطع بطاطس مكعبات ونحطها فى الصينيه حوالين السمكاية بتديها طعم جميل والاولاد بصراحة بياكلوا البطاطس ويسيبوا السمكة

مش عشان السمكة وحشة ماحدش يفهنى غلط

على فكرة والله طريقة سهلة وسريعة جدااا وكمان لذيذة

اهو عشان ماتزعلش يا سى عمرو هتضحك علينا الناس قعدت تقول حطوا اكل حطوا اكل وادينا حطينا اهو يارب تعجب بقى

فيه كام وصفة تانى بس على الله دى تعجب ابقى اقول الباقى ياللا روحوا اشتروا سمك وجربوها

يارب مايشوفها الشيف بندق مايعقدنيش فى حياتى

فتفوتة

الاكلة حلوة قوى يا فتفوتة جوعتينى

و كمان بندق بالصور اللى حطها شوقنى اعملها و اركن الدايت شوية على جنب

شكرا ليكم

[Amr Radwan]

يا عيني يا عيني .. يا سيدي يا سيدي .. الموضوع ولع و سخن .. و ما شاء الله الكل بدأ يضيف مش بس بيعدل :lol:

هو ده الشغل ..

و بصراحة عجبتني فكرة السمك بتاعت فتفوته و اللي اضاف صورها "الشيف" بندق افندي .. معرفش هو عنده مكتبة صور و لا اية !!!!

و ايضا الاخت الاسكندرانية اللي عملت كفته الجمبري "doudy"

و خاصة بعد اضافة الوصفة الشهية بتاعة طاجن السبيط .. بس لي سؤال .. السبيط بيبقي له اذرع .. هو الطبيعي ان الاذرع دي نرميها و لا ممكن تتاكل ؟؟ و هل فيه انواع معينة للسبيط ممكن نعمل منها الطاجن بالاذرع دي ؟؟

ملحوظة .. ايه رايكم نعمل ركن الاسماك ؟؟! زي ما عملنا ركن السي فود .. و لو عجبكتكم الفكرة حد ينفذها و يبعت لنا و نخش نفتكس و نجرب

[doudy]

و ايضا الاخت الاسكندرانية اللي عملت كفته الجمبري "doudy" :lol:

و خاصة بعد اضافة الوصفة الشهية بتاعة طاجن السبيط .. بس لي سؤال .. السبيط بيبقي له اذرع .. هو الطبيعي ان الاذرع دي نرميها و لا ممكن تتاكل ؟؟ و هل فيه انواع معينة للسبيط ممكن نعمل منها الطاجن بالاذرع دي ؟؟

ملحوظة .. ايه رايكم نعمل ركن الاسماك ؟؟! زي ما عملنا ركن السي فود .. و لو عجبكتكم الفكرة حد ينفذها و يبعت لنا و نخش نفتكس و نجرب

اشكرك يا استاذ عمرو دة بس من ذوقك

و فعلا الاذرع بتاعة السبيط مش بنرميها و افضل استخدام ليها ان ما كانش الوحيد هوة نحطها فى طاجن السبيط

ممكن و الله نعمل ركن الاسماك و اهو يبقى متخصص فى و صفات السمك بس

دودى

[بندق أفندى]

يا عيني يا عيني .. يا سيدي يا سيدي .. الموضوع ولع و سخن .. و ما شاء الله الكل بدأ يضيف مش بس بيعدل :lol:

هو ده الشغل ..

و بصراحة عجبتني فكرة السمك بتاعت فتفوته و اللي اضاف صورها "الشيف" بندق افندي .. معرفش هو عنده مكتبة صور و لا اية !!!!

و ايضا الاخت الاسكندرانية اللي عملت كفته الجمبري "doudy"

و خاصة بعد اضافة الوصفة الشهية بتاعة طاجن السبيط .. بس لي سؤال .. السبيط بيبقي له اذرع .. هو الطبيعي ان الاذرع دي نرميها و لا ممكن تتاكل ؟؟ و هل فيه انواع معينة للسبيط ممكن نعمل منها الطاجن بالاذرع دي ؟؟

ملحوظة .. ايه رايكم نعمل ركن الاسماك ؟؟! زي ما عملنا ركن السي فود .. و لو عجبكتكم الفكرة حد ينفذها و يبعت لنا و نخش نفتكس و نجرب

لا يا شيخ عمرو .. المفروض كل أكلة تبقى فى موضوع عشان اللى بيبحث على النت يوصل لها بسهولة خصوصا مع الزدحام الرهيب للمتشابهات زى ما قال الأستاذ عادل .. وده كان اعتراض مهذب على كربسة الوصفات فى موضوع واحد

ممكن حتى موضوعك ده يتفك الى وصفات .. وكل اللى عنده صورة يحطها .. من حيث الصور بقالى حوالى سنة كل أكلة بأعملها بأصورها وده خلانى أهتم بالشكل عشان تطلع الصورة معقولة .. واتجمع عندى مواضيع كتير وصور كتير .. وممكن أنقلهم من منتديات أخرى حطيتهم فيها

[بندق أفندى]

و ايضا الاخت الاسكندرانية اللي عملت كفته الجمبري "doudy" :lol:

و خاصة بعد اضافة الوصفة الشهية بتاعة طاجن السبيط .. بس لي سؤال .. السبيط بيبقي له اذرع .. هو الطبيعي ان الاذرع دي نرميها و لا ممكن تتاكل ؟؟ و هل فيه انواع معينة للسبيط ممكن نعمل منها الطاجن بالاذرع دي ؟؟

ملحوظة .. ايه رايكم نعمل ركن الاسماك ؟؟! زي ما عملنا ركن السي فود .. و لو عجبكتكم الفكرة حد ينفذها و يبعت لنا و نخش نفتكس و نجرب

اشكرك يا استاذ عمرو دة بس من ذوقك

و فعلا الاذرع بتاعة السبيط مش بنرميها و افضل استخدام ليها ان ما كانش الوحيد هوة نحطها فى طاجن السبيط

ممكن و الله نعمل ركن الاسماك و اهو يبقى متخصص فى و صفات السمك بس

دودى

الأذرع تستخدم فى الشوربة وفى خلطة حشو السبيط وكطعم لصيد السمك .. توضيح بس

[doudy]

الأذرع تستخدم فى الشوربة وفى خلطة حشو السبيط وكطعم لصيد السمك .. توضيح بس

اشكرك يا استاذ بندق

و الله كلامك كله فايدة

و ايه رايك فى الوصفات بتاعتى

طبعا احنا منجبش حاجة فى حضرتك و وصفاتك و صورك الحلوة

دودى

[بندق أفندى]

الأذرع تستخدم فى الشوربة وفى خلطة حشو السبيط وكطعم لصيد السمك .. توضيح بس

اشكرك يا استاذ بندق

و الله كلامك كله فايدة

و ايه رايك فى الوصفات بتاعتى

طبعا احنا منجبش حاجة فى حضرتك و وصفاتك و صورك الحلوة

دودى

الله يخليكى يا دودى ..

وصفاتك جميلة .. وكل وصفة الانسان بيستسيغها تكون جميلة طبعا ..

بس احرجتينى :) بسؤالك عن رأيى .. كأنى يعنى الخبير المعتمد .. يا سيدتى انا هاوى .. والهواية دى بتنقذنى من أكل الشوارع

[doudy]

اشكرك يا استاذ بندق

و الله انا شايفة ان حضرتك خبير فعلا

و صفاتك الحلوة اللذيذة و الاهتمام بان الاكل يكون شكله حلو

و الصور دى حاجة تانية

كل الحاجت دى و مش خبير

الهواية بتبقى اوقات كتييرة احسن من الاحتراف

ربنا يخليك و تمتعنا بوصفاتك و اضافاتك

دودى ى :)

[Amr Radwan]

المرة دي انا هقولكم علي طريقة اكلة ممتااااااااازة جدا و طعمة جدااااااا و طبعا اساسها هو السي فود

مكرونة اسباكتي بصوص السي فود

المقادرير :

500 جم جمبري وسط او صغير و مقشر

350 جم سبيط مخلي و نظيف و مقطع الي شرائح طولية (تقريباً 1 كيلو بدون تنظيف)

كيس ماكرونة اسباكتي رفيعة (نصف كيلو)

بصلة مبشورة او مقطعة قطع رفيعة

3 او 4 فص ثوم مقطع شرائح رفيعة

4 عود بقدونس مقطع

عود كرفس (كبير) مقطع

3 حبة طماطم قطع صغيرة

3 ملعقة صلصة طماطم

قطع صغيرة فلفل اخضر حار (حسب الرغبة)

البهارات .. حبهان و قرنفل و قرفة حصى و كمون مطحون و فلفل اسود و ملح

قليل من السمن البلدي و الزيت

الطريقة :

يتم تنظيف الجمبري و السبيط بالملح و الفلفل و الكمون المطحون و الخل الابيض ثم شطفه بالماء مرة اخري .

تسلق الماكرونة في الماء المغلي و تخرج من الماء المغلي و قليل من الزيت قبل اكتمال النضج بقليل و توضع في مصفاه

ناتي الي المهم و هو صوص السي فود ..

نضع البصل المبشور و الثوم في السمن و الزيت علي النار حتي يذبل و تظهر رائحة البصل ثم نضع البهارات مع التقليب ثم نضع البقدونس و الكرفس المقطع و بعد ذلك نضع الطماطم و الفلفل الحار .. كل ذلك مع التقليب .. ثم صلصة الطماطم

سنشم رائحة زكية للخليط السابق

اضف / اضيفي نصف كمية السبيط و الجمبري الي الخليط السابق مع التقليب و تركه علي النار لمدة 15 دقيقة .

بعد الانتهاء من تحضير صوص السي فود نضعه علي الماكرونة و نتركة علي النار الهادئة مع التقليب كل فترة

الكمية المتبقية من الجمبري و السبيط نقوم بقليها في الزيت بالطريقة السابق ذكرها في مشاركة سابقة .

طريقة التقديم :

نضع الماكرونة الملهلبة في الاطباق و نضع عليها رشة من الجمبري و السبيط البانية المقرمش المتبل بالملح و الكمون ..

و بالهنا و الشفا .. اسيبكم مع الصور :lol:

[لولا]

مجهود هايل فعلا يا بشمهندس .. والموضوع كله كمان رائع

لكن الصور الأخيره اللى دعمت الوصفه الهايلة محتاجه حقيقى بوكيه ورد :lol: wst:: :amb:

شكل المنتدى المطبخاوى راح على حواء المحاورات واصبح بزعامه آدم عن جداره ونص

تسلم ايدك بجد.

لولا

[قلب ابيض]

ياجماعه بجد بجد انا سعيده جدا بالموضوع ده حيث اننى من هواه بل محترفى أكلات السى الفود----صنعا واكلا :lol:

وطبعا اللى ظبط الموضوع معايا هنا الربيان الجامبو المشهور جدا بالكويت

واسمحولى اشارك على قد ما اقدر ويارب تعجبكوا

ربيان مشوى :

ربيان جامبو " من اللى ابوه اتقتل " wst::

فلفل اخضر رومى او حامى حسب الرغبه

ثوم -كمون ملح لمون

الطريقه :

نغسل الربيان جيدا كما هو معروف طريقه غسيله

نفتح ظهر الجمبريايه من عند الراس بالمقص بالطول لحد الديل

نشق بالسكين الضهر ونطلع الخط الاسود المعروف مع الحفاظ على البطروخ اللى لونه اخضر قبل التسويه وبرتقالى بعد النضج

نضع فى الشق اللى عملناه فى الضهر الخلطه المكونه من الفلفل الاخضر والثوم والملح والكمون واللمون "كلهم يتضربوا فى الكبه " هيكونوا على شكل عجينه تقريبا

ثم نقفل الجمبريايه وغطاها " قشرة الجمبرى " ونرصهم فى الصنيه خلف خلاف او بشكل دائرى ورشه زيت على الكل وهوبا فى الفرن من تلت لنص ساعه

واوعى الريحه والمنظر والطعم

طبعا بقى سلطات من اللى هى وشويه رز واحكولى انتو الباقى بقى " على رأى زينات صدقى "

وبالهنا والعافيه :amb:

تم تعديل 10 مايو 2009 بواسطة قلب ابيض

[Amr Radwan]

مجهود هايل فعلا يا بشمهندس .. والموضوع كله كمان رائع

لكن الصور الأخيره اللى دعمت الوصفه الهايلة محتاجه حقيقى بوكيه ورد cr((: cr((: cr((:

شكل المنتدى المطبخاوى راح على حواء المحاورات واصبح بزعامه آدم عن جداره ونص cr((:

تسلم ايدك بجد.

لولا

الفاضلة لولا ..

اشكر بصدق علي اسلوبك و علي اطرائك ..

الفاضلة قلب ابيض ..

يا رب تبقي سعيدة و سعيدة و سعيدة :P و خاصة انك من الذويقة للسي فود و اشكرك بشدة علي مداخلتك و علي الجمبري المشوي و ان شاء الله هجربه .

في الحقيقة الموضوع معايا عبارة عن حب عمل اكلات جديدة .. قد اكون مرة اكلتها في مطعم و قعدت افتكس عشان اعمل زيها و ده اللي حصل معايا في موضوع "الاسباجتي بصوص السي فود" الاكلة دي انا اكلتها مرة واحدة بس في حياتي من حوالي سنتين في مطعم صغير جدا بتاع سي فود بس الراجل صاحب المطعم (ابراهيم البورسعيدي) كان فنان و كان شغال في مطعم سمك كبير و سابه و فتح المطعم الصغير ده .. في الاساس انا كنت رايح له عشان اكل سندوتشات جمبري و سبيط بانية .. و لكن و انا بتكلم معاه قلت له عندك اية تاني غير السندوتشات ... قالي عندي مكرونة بالجمبري و السبيط و شوربة سي فود ..!! قلت له شوربة سي فود ماشي .. ازاي بقا تحط الماكرونة علي السي فود .. ايه اللي جاب بلح الشام لعنب اليمن !!! و لكن انا من النوع اللي بحب اجرب كل حاجة .. قلت له اوكي هات لي مكرونة بالجمبري و السبيط و شوربة سي فود و ساندوتشات جمبري بانية طبعا السندوتشات دي كانت احتياطي عشان خفت اني ما اكلش المكرونة العجيبة دي ...

و مش عارف اقولكم انا و زوجتي قعدنا ناكل حتي الثماله :happy:

يوم السبت الماضي هفت عليا الماكرونة دي .. ليه ما اعرفش !!! طبعا انا مش عارف المقادير و لا الطريقة .. فكرت قليلا و روحت جبت الطلبات بتاعتها اللي اخترعتها و فاجئت زوجتي العزيزة كالعادة .. طبعا بعد خناق لانها عارفه ان المطبخ بيتكركب لما بعمل حاجة و بتقعد هي تنضف فيه لاني بتحجج باي حجة و اخرج و اسيبها للباقي .. بس الحمد لله تمت العملية بنجاح :) و نقلت لكم الصور .

[قلب ابيض]

واااااااااضح ان الجمبرى عجب الناس اووووى لدرجه انهم معقبوش خاالص

من حلاوته ولا ايه ؟؟

[fatfouta]

واااااااااضح ان الجمبرى عجب الناس اووووى لدرجه انهم معقبوش خاالص

من حلاوته ولا ايه ؟؟

لا يا حبيبتى ماتزعليش احنا لسه مجربناش عشان نقولك رأينا

انا لسه مطلعة الجمبرى من الفريزر وهروح اعمله بطريقتك وابقى اقولك على اللى هيحصلنا

ربنا يستر بقى

رجعالك بعد الغدا ان شاء الله

[fatfouta]

يا قلب ابيض تسلم ايدك

الجمبرى طلع جميل جداااااااااا والريحة جابت الجيران

بس كش شوية بس برضوا سيبك انتى طعمه تحفة

شكرا وتسلم ايدك :D