عضو هيئة تدريس بجامعة الملك سعود

[noraaymanamera]

ارجو من اخوانى مساعدتى حيث اننى مدرس بكلية التمريض اى حاصلة على الدكتوراه وجاءنى عقد عمل بجامعة الملك سعود مقابل 5600 ريال شهرى بخلاف بدل سكن 24000 ريال سنوى وبخلاف 500 ريال عن كل سنة خبرة اى اجمالى المرتب 6600 ريال .

بخلاف ذلك لى ثلاثة ابناء بمراحل التعليم الابتدائى مدارس لغات وزوجى مرافق لى وهو محاسب فهل هذا المبلغ يكفينى واسرتى .

ارجو اعطائى فكرة شاملة عن الحياة فى الرياض وتكاليفها وهل اقبل العقد ام ارفضه .

[السيد توفيق]

امر القبول مرتبط فيك ياسيدتي فالامور لديك واضحة جدا وبخصوص المعيشة فالرياض هي العاصمة وعدد سكانها يفوق 4مليون نسمة هي القلب النابض للسعودية

بالنسبة للمعيشة ممكن تحصلي ايجار منزل بـــ12الف ريال سنويا وتحتفضي بـالباقي

واكيد زوجك بيحصل له شغل في شركة ولا اي مكتب

[mama nona]

الاخت الفاضلة :

انا احب اشاركك الرأى بالنسبة للراتب اتمنى اى حد من الزملاء فالمنتدى يكون من اعضاء هيئة التدريس يشاركك برأيه ويدلك هل الراتب ده معقول ولا لأ؟

وبالنسبة للسكن مش هقولك انه رخيص وانا قريت تعليق احد من الزملاء رد وقال ممكن تاخدى سكن ب 12 الف ده متوقف على نوع السكن ال تقدرى تعيشى فيه وكمان هيكون متوقف على المنطقة ال هتسكنى فيها بس فالوقت الحالى ممكن تسكنى ب 18الف اقل شىء ده لو بيت نقول عليه معقول او متوسط انما فيه مناطق فيها السكن رخيص بس يعتبر وسط البلد ودى منطقة زى المنفوحة مثلا اسعار السكن فيها رخيص شوية يعنى ممكن تحصلى سكن ب 12الف بس بيكون السكن ده بعيد شوية وبالتالى هتحتاجى مواصلات لمكان عملك والفرق فالسكن ده هيندفع مواصلات .

بالنسبة للمدارس الانترناشيونال كتيرة فالرياض بس برده متفاوته تبدأ من القليل 4000الى 10000 بالنسبة للمرحلة الابتدائى وده حسب انتى عايزة مدرسة مستواها ايه وبعدين انا قريت فالمنتدى انهم بيحكو عن مدرسة انترناشيونال ممتازة ممكن ترجعى للموضوع ده وتقرأيه .

بالنسبة لشغل زوجك ان شاء الله بيدور على شغل وبيلاقى اهم حاجة بيكون معاه شهادات خبرة فمجال شغله .

بالنسبة لمصاريف الاكل والشرب والحياة اليومية دى مصاريفها معقولة بس برده ده بيتوقف على اسلوب حياتك اصلا بمعنى انى ممكن يكون راتبى 5000 ريال مثلا بس انا متعودة على حاجات معينه فحياتى وعشان اوفرها لازم اصرف ال 5000 دول وبنفس الراتب لو حد بيأقلم نفسه على حاجات محدوده ممكن يصرف 2000 منهم مثلا ويوفر الباقى

واتمنى لك التوفيق ان شاء الله

ولو لسه عندك اى استفسار اتفضلى تانى واسألى

[احمد رضوان]

د. منى هذا العرض غير مناسب إطلاقا وفيه شبهة استغلال واضحة لأن راتب الممرضة الحاصلة على بكالوريوس اكبر منه.

من فضلك لا تقبلي هذا العرض لأني اعرف دكتورة تمريض في جامعة الحرس الوطني هنا تتقاضى اربع اضعاف هذا المبلغ مع بدل لمدارس أولادها

رزقك الله كل الخير انت وأسرتك

[زعلان]

الراتب ضعيف جدا جدا و غير مقبول .. لو انت مظطرة تقبلي بعرض في السعودية وزوجك سيكون لاي عمل يبقى على الاقل راتب 10 الاف ريال + بدل سكن جيد+ تأمين صحي لكافة افراد الاسرة + مواصلات من والى العمل + تذاكر سفر سنوية لكافة افراد الاسرة او الزوجين وطفلين بالحد الادنى + مصاريف المدارس لطفلين كحد ادنى

كده العرض يبقى مقبول نوعا ما بالنسبة لدكتورة في جامعه وان كان مش مغري طبعا

[elfakhrany]

ال5500 ريال ده مرتب الصيدلى اللى بيشتغل فى الدعاية اما عن مرتب مدرس بكلية التمريض فى جامعة زى الملك سعود فأكيد ده راتب ضعيف جدا جداااا

تم تعديل 20 أبريل 2009 بواسطة elfakhrany

[somayasaleh]

ارجو من اخوانى مساعدتى حيث اننى مدرس بكلية التمريض اى حاصلة على الدكتوراه وجاءنى عقد عمل بجامعة الملك سعود مقابل 5600 ريال شهرى بخلاف بدل سكن 24000 ريال سنوى وبخلاف 500 ريال عن كل سنة خبرة اى اجمالى المرتب 6600 ريال .

بخلاف ذلك لى ثلاثة ابناء بمراحل التعليم الابتدائى مدارس لغات وزوجى مرافق لى وهو محاسب فهل هذا المبلغ يكفينى واسرتى .

ارجو اعطائى فكرة شاملة عن الحياة فى الرياض وتكاليفها وهل اقبل العقد ام ارفضه .

الراتب ضعيف جدا جدا بالنسبة لهيئة التدريس في جامعة الملك سعود

اعتقد مش اقل من عشرة الاف ريال....علي حسب سنوات الخبرة بعد الدكتوراة

مع بدل سكن....مع بدل تاثيث.....مع بدل مواصلات..مع زيادة سنوية.......مع تذاكر سنوية لكل افراد الاسرة........مع مصاريف تعليم بحد اقصي اثتي عشر الف ريال للاولاد

هذه المعلومات من قريب لي يعمل في جامعة المللك سعود جديد لسه واصل من خمسة شهور فقط علي هذة الشروط

الحياة في الرياض بالذات غالية جدا جدا....وكذلك السكن.... والمدارس........يجب ان تقرأي عرض الوظيفة جيدا قبل الموافقة...... وتتفاوضي معهم....لانهم هم اللي محتاجين تدريس .....وخاصة نساء

تحياتي

[اليوم السابع]

أسالى عن بدل الندرة حوالي 20-30% من الراتب لبعض التخصصات زى التمريض