فرح حشيـــــــنوووووونة (2)

[حشيش]

شعنونننننننةةةةةة.....إزاى ما جاتليش الفكرة دى قبل كده... ما تيجى نتجوز بجد..........عموماً أنا لى تصور مختلف لقصة زواجنا بس من غير زعل...والأن إلى تفاصيل زواج حشيش وشعنونة:

يذهب (السيد/حشيش حشيش القط) مع وفد من المنتدى إلى منزل (الأنسة/شعنونة حبشى الفار) لطلب يدها من والدها...البيت غير منظم...كل شئ مكركب ويعلوه التراب...البداية غير مشجعة...قابلنا أخوها الصغير على الباب وقال لنا إنتم مين وعايزين إيه...قال حشيش أدخل ياولد قول لأبوك عايزين نقابله بخصوص المحروسة أختك...يرد الولد ببجاحة: متقولش ياولد فيقوم حشيش بشده من شعره وضربه عدد تلاتة شلوت...يدخل الوفد إلى داخل الشقة بالقوة الجبرية لمقابلة الريس/ حبشى والد شعنونة....قام حشيش بتقديم نفسه والوفد المرافق له...قال الريس حبشى إيه يابنى الغاغة اللى إنته عاملها دى ...بدأ حشيش كلماته قائلاً شوف ياعمى بقه خير فى سلامة وسلامة فى خير...ويابخت من بكانى وبكى عليه ولا ضحكنى وضحك الناس عليه...وياخسارتك فى الهوا...بقى أنا بدون مقدمات طالب القرب منك...قال الريس حبشى مستنكراً: فى مين ياحيلة؟؟؟...قال سى السيد: فى المحروسة بنتك أبله شعنن...رد حبشى بغلظة: معندناش بنات للجواز يافندية ورونا بقه عرض أفاكو....تدخل سكوربيون: الكلام أخد وعطا ياسطه...الراجل جايلك من الباب مش أحسن ما كانوا يهربوا...يقوم أخناتون بقرص سكوربيون فى ركبته قرصة شديدة سالت معها دمائه قائلآ هدى اللعب ...قال الريس حبشى لحشيش: وإنته شفتها فى أنهى داهيه...رد حشيش بقرف: فى منتدى إسمه محاورات المصريين...قال حبشى: اللهم ما طولك ياروح...قومى يابت إعملى لنا دور شاى خلينا نشوف أخرتها مع العيال دى...ردت شعنونة والفرحة بتنط من عينيها: حاضر يابه...أجيب لكم قراقيش مع الشاى...يرد حبشى بغلظة: قراقيش فى عينك...شوف ياأخى بنات الأيام دى ولا كأن أبوها قاعد حتاكل الجدع بعنيها...يرد فرى فرى بتعقل يامعلم حبشى (إن جاءكم من ترضون دينه فزوجوه)...قال حبشى ساخراً: هو فين ده؟؟؟....وهنا قام حشيش مستنكراً ما قاله والد الشعنونة وهم بجذبه من جلبيته الكستور لولا تدخل الزملاء بالمنتدى..................يتبع

[جـورج]

انتـوا قاعدين تكتبوا قصص و تجوزوا عتريسه لفؤاد

و نسيتوا الغلبان Bango man اللى استغاث بيكوا عشان تلحقوه قبل 15/9

اذا كان حشيش مستغنى عن بدلته آهو صاحبك Bango

( اخوك ده يا حشيش ؟ )

منتظر منكم اى مساعده و مفيش قدامه اللا 48 ساعه بس

قصدى ان انتوا تخلصوا حكايتكم دى بسرعه عشان نلحق اخونا Bango بالبدله و فستان شعنونه بدل البيجامه الكستور اللى هو عايز يتجوز بيها

شدوا حيلكم يا شباب الافراح كتير ورانا و محتاجين مساعدتكم

[se_ Elsyed]

إرسوا لكم على حاجة أنا طالع فى الفيلم ده لبيس ... ولا مطيباتي ورايحين نخطب شحنونة لعشيش قصدي شعنونة لحشيش ..... علشان بس اعمل حسابي فى الملابس والمكياج وكده .. دي سينيما يا خوانا مش لعب عيال....

وش بيقول في نفسة : الله يسامحك يا سكوربيون : إنت الي جرجرت رجلي  لموضوع السيما ده من ساعة القصة اللي ماكملتش بتاعت جامعة سنية الخاصة  وأنا حاسس إني محمود المليجي وماحدش عارف يكلمني فى المنطقة .

[se_ Elsyed]

شعنونننننننةةةةةة.....إزاى ما جاتليش الفكرة دى قبل كده... ما تيجى نتجوز بجد..........عموماً أنا لى تصور مختلف لقصة زواجنا بس من غير زعل...والأن إلى تفاصيل زواج حشيش وشعنونة:

يذهب (السيد/حشيش حشيش القط) مع وفد من المنتدى إلى منزل (الأنسة/شعنونة حبشى الفار) لطلب يدها من والدها...البيت غير منظم...كل شئ مكركب ويعلوه التراب...البداية غير مشجعة...قابلنا أخوها الصغير على الباب وقال لنا إنتم مين وعايزين إيه...قال حشيش أدخل ياولد قول لأبوك عايزين نقابله بخصوص المحروسة أختك...يرد الولد ببجاحة: متقولش ياولد فيقوم حشيش بشده من شعره وضربه عدد تلاتة شلوت...يدخل الوفد إلى داخل الشقة بالقوة الجبرية لمقابلة الريس/ حبشى والد شعنونة....قام حشيش بتقديم نفسه والوفد المرافق له...قال الريس حبشى إيه يابنى الغاغة اللى إنته عاملها دى ...بدأ حشيش كلماته قائلاً شوف ياعمى بقه خير فى سلامة وسلامة فى خير...ويابخت من بكانى وبكى عليه ولا ضحكنى وضحك الناس عليه...وياخسارتك فى الهوا...بقى أنا بدون مقدمات طالب القرب منك...قال الريس حبشى مستنكراً: فى مين ياحيلة؟؟؟...قال سى السيد: فى المحروسة بنتك أبله شعنن...رد حبشى بغلظة: معندناش بنات للجواز يافندية ورونا بقه عرض أفاكو....تدخل سكوربيون: الكلام أخد وعطا ياسطه...الراجل جايلك من الباب مش أحسن ما كانوا يهربوا...يقوم أخناتون بقرص سكوربيون فى ركبته قرصة شديدة سالت معها دمائه قائلآ هدى اللعب ...قال الريس حبشى لحشيش: وإنته شفتها فى أنهى داهيه...رد حشيش بقرف: فى منتدى إسمه محاورات المصريين...قال حبشى: اللهم ما طولك ياروح...قومى يابت إعملى لنا دور شاى خلينا نشوف أخرتها مع العيال دى...ردت شعنونة والفرحة بتنط من عينيها: حاضر يابه...أجيب لكم قراقيش مع الشاى...يرد حبشى بغلظة: قراقيش فى عينك...شوف ياأخى بنات الأيام دى ولا كأن أبوها قاعد حتاكل الجدع بعنيها...يرد فرى فرى بتعقل يامعلم حبشى (إن جاءكم من ترضون دينه فزوجوه)...قال حبشى ساخراً: هو فين ده؟؟؟....وهنا قام حشيش مستنكراً ما قاله والد الشعنونة وهم بجذبه من جلبيته الكستور لولا تدخل الزملاء بالمنتدى..................يتبع

وبما إني كنت شاهد على هذه الواقعة فأسمحولي أكمل جزء من السيماريو :

- وبعد ان تدخل اعضاء المنتدى فى تهدئة الريس حبشي أبو العروسة

قال س س: إحنا بصراحة يا معلم مش هانلاقي أحسن ولا أجمل من المحروسة بنتك لأخونا المعلم حشيش .

- الأسطى حبشي وهو شاغراً فاه : محروسة بنتي مين ؟ انا معانديش بنت أسمها محروسة ؟

- س س : مش قصدي يا أونكل ( ييه أقول أيه ده ؟ ) قصدي يا ريس شعنونة بنتك .

- الريس حبشي : آآآآآه أهلاً وسهلاً ، طب وبالصلاة عالنبي الأفندي شغال أيه ؟ .

- س س : انا شغال مدير موارد بشرية فى السعودية ومرتبي أ ... .

- الأسطى حبشي مقاطعاً : مش انت يا غبي أنا قصدي عريس الغافلة شغال أيه ؟.

- س س : غبي هي حصلت !!!!! ( الراجل ده مش هايجيبها لبر ، لكن أستحمل علشان خاطر أخويا حشيش وأختي الصغيرة شعنونة واهي مرة واتعدي وإن كانت تعود .... )

- حشيش : أنا يا عمي شغال محاسب .

- حبشي : يعني من الآخر .. موظف .

- حشيش : بالظبط كده .

- حبشي : طب عندك فلوس فى البنك ، عقارات ، ميكروباز ، عربية فول ....

- وهنا تدخل عم العريس الأستاذ أخناتون : هو في الحقيقة يا حاج فى ظل حكومة غراب الخراب والإنهيار المفاجيء لقيمة الجنية المصري أمام العملات الأجنبية الأخرى فسيادتك الشباب بقوا مظلومين و ...

- حبشي مقاطعاً مرة آخرى : أيــــــــــــه حيلك حيلك أنت فاكر نفسك بتخطب فى البرلمام ... انا سألت سؤال جاوبوا بإختصار من غير لت وعجن .

- سكوربيون : هو بصراحة يا عم الحاج حشيش كان كل اللي حيلته 4000 جنية جاب بيهم خاتم سوليتير لخطيبته اللي فاتت ولما فركش العملية العروسة ضربت الخاتم فبقى على الحميد المجيد ..

- حبشي : آه يعني بالصلاة عالنبي المعدل آشفور .

- س س : هو مش كده بالظبط يا ريس حنفي ...

- حبشي فى صوت أجش : إسمي حبشي يــــــاه ... واله إنت شاكلك مش عاجبني من الصبح وبصراحة مش مرتاحلك .

- س س : معليش يا ريس أُعصر على نفسك لمونة ( لحد الليلة اللي مايعلم بيها ربنا دي تعدي ) .

حشيش وهو بيكلم نفسه ( ده أيه الجواز اللي باينة من اولها : حتى شعنونة راحت تعمل الشاي والقراقيش وقالت عدولي ... أنا شاكك أن أبوها شاور لها وقالها تقلي رجل يمكن ازحلقهم ويبقوا وفروا كوباية الشاي )

- سكوربيون : هو في الحقيقة يا ريس حبشي أحنا ناويين فى المنتدى نساعد أخونا حشيش بقرشين ( عفواً قرشين فلوس مش قرشين من اللي بالي بالك ) علشان يقدر يكمل تكاليف الفرح .

- حبشي : آه يعني ناويين تجوزوه شكك ؟!!!!

- أخناتون : مش بالظبط لكن تقدر تقول أنها عملية تكافل وتعاون بين الاخوة.

وهنا هــب الأسطى حبشي واقفاً وفجاة ...... آن آن تـــــــــش ( موسيقى تصويرية ... دي ممكن نخلي وايت هارت يضع الموسيقى التصويرية بتاعت الفيلم وهانديله اللي فيه النصيب )

[حشيش]

سأكمل من حيث توقف سى السيد:

قال حشيش منفعلاً للريس حبشى: يعنى الرجالة دول كلهم مش ماليين عينك...ده انته فقر بصحيح ...عامالين نحايل فيك من الصبح وبرده مفيش فايدة...خليك راكنها جنبك لحد ماتعفن...فوق يابا هوه فيه رجالة بتتجوز اليومين دول...ماتتبطرش عالنعمة ياحبشى وستر البت وخد لك قرشين تربى بيهم باقى العيال...وكيفك كل أول شهر حيوصلك لحد عندك...وأنا عند كلمتى تموينك من كافة شئ موجود...حشيش بانجو بودرة اللى تأمر بيه....إنفرجت أسارير حبشى الفار وصاح فى الشعنونة إنتى يابت رحتى وقلتى عدوا لى....فين يابت الشاى والقراقيش...وبالمرة بقه رصى لنا حجرين عشان نحيى الرجالة دول...الدار أمان...طلعوا منا وعلينا....سمعنا صوت الشعنونة من المطبخ وهى بتزغرط وتقول حالآ يابا...يا منتا كريم يارب...وقامت بوضع شريط كاسيت للريس متقال (أغنية يابت بيقول لك أبوكى ما تطلعيش فى الأيالة) ودخلت حاملة براد الشاى والأكواب على رأسها وتمسك بيدها اليمنى الجوزة وبيدها اليسرى الماشة والفحم وباكوين قص وسلوم...قال حبشى مبتسماً ياله يابت حيى القعدة خشى بالجوزة على عريسك الأول وبعدين عالبهوات اصحابه...كانت الشعنونة ترتدى بنطلون كستور مقلم وتى شيرت عليه صورة عمرو دياب وشعرها منكوش..............يتبع

[se_ Elsyed]

سأكمل من حيث توقف سى السيد:

قال حشيش منفعلاً للريس حبشى: يعنى الرجالة دول كلهم مش ماليين عينك...ده انته فقر بصحيح ...عامالين نحايل فيك من الصبح وبرده مفيش فايدة...خليك راكنها جنبك لحد ماتعفن...فوق يابا هوه فيه رجالة بتتجوز اليومين دول...ماتتبطرش عالنعمة ياحبشى وستر البت وخد لك قرشين تربى بيهم باقى العيال...وكيفك كل أول شهر حيوصلك لحد عندك...وأنا عند كلمتى تموينك من كافة شئ موجود...حشيش بانجو بودرة اللى تأمر بيه....إنفرجت أسارير حبشى الفار وصاح فى الشعنونة إنتى يابت رحتى وقلتى عدوا لى....فين يابت الشاى والقراقيش...وبالمرة بقه رصى لنا حجرين عشان نحيى الرجالة دول...الدار أمان...طلعوا منا وعلينا....سمعنا صوت الشعنونة من المطبخ وهى بتزغرط وتقول حالآ يابا...يا منتا كريم يارب...وقامت بوضع شريط كاسيت للريس متقال (أغنية يابت بيقول لك أبوكى ما تطلعيش فى الأيالة) ودخلت حاملة براد الشاى والأكواب على رأسها وتمسك بيدها اليمنى الجوزة وبيدها اليسرى الماشة والفحم وباكوين قص وسلوم...قال حبشى مبتسماً ياله يابت حيى القعدة خشى بالجوزة على عريسك الأول وبعدين عالبهوات اصحابه...كانت الشعنونة ترتدى بنطلون كستور مقلم وتى شيرت عليه صورة عمرو دياب وشعرها منكوش.......يتبع

تصدقك بالله انت فقر .... ده انا هاموت على نفسي من الضحك ... مش انا مش لاعب ياعم ... ده أحنا كده هانتمسك قبل ماتلبس الدبل حتى .... فرضنا الدخان عبء الدنيا والجيران شموا خبر وأساساً فيه بينهم وبين عم حبشي أبو شعنونة خلافات علشان الغسيل اللي بينقط علي غسيلهم كل مره وراحوا مبلغين الحكومة وكبسوا علينا ... إزاي الحل دلوقت ؟ نقول للحكومة أيه ... عم حبشي كان بيبخرنا ، ولا العروسه كانت بتعمل شعرها بالسشوار وبعدين شاط ....

[freefreer]

الموضوع دمه خفيف جدا .. و المواهب ممتازة و كله .. بس اخى حشيش تقل منه الصنف فى بعض المواضع .. .. و اضطريت احذف جزء من مداخلته .. و أرجو مراعاة ذلك ..

[se_ Elsyed]

حبشي : نيجي بقى للجد بالصلاتو عالنبي .. أيه نظام الشبكة والمهر والشقة والعفش والذي منه ..

أخناتون : فى الحقيقة يا حاج ... حشيش عنده شقة فى " الدويقة " مطرحين وصالة وعفشة مية معقولة جداً وتقضي الغرض .. وديتها بس وش جير على شوية مرمات بسيطة وتبقى فل الفل ..

حبشي : والله هي هاتبقى فل الفل من وشك انت يا حاج أحمس يا عسل .

اخناتون : لأ عفواً يا معلم أنا أسمي اخناتون وده كان من الأسرة السادسة ... اما أحمس فده من الأسرة الرابعة ... تفرق كتير

الريس حبشي : يالله حصل خير .. أهو كلهم فراعين ..، نيجي بقى للشبكة يعني مايتك أيه يا عريس ..

حشيش : والله يا ريس أنا أتقرصت من الموضوع اللي فات ومن نظام الشبكة والدبكة ده وكنت ناوي أجيب دبلتين وألم الموضوع .. لكن علشان خاطر العروسة الننوسة .. انا هأحاول أقنع الحاجة أم حشيش تديني الكردان والخلخال اللي حيلتها ونلمعهم ونظبطهم ونعدي بيهم الليلة .. انا عيني لشعنونة يا عمي ...

حبشي : طب والعفش ....

سكوب : أستنى يا حشيش شوية انا هأفهمه عالفولة ... أحنا عايزين نلم الموضوع على أد ما نقدر يا عم أبو شعنونة . يعني أنا بأقول ننزل المناصرة نستقضلنا حتيتين عفش عالماشي على كام حصيرة بلاستيك من سوق غزة والعملية تمشي ..

س س : بس فيه حاجة عايز أقولها ( قالها خائفاً وهو متوقع رد فعل غاضب من أبو العروسة ده إن ما مدش أيده ) عظمتك عارف ان الحياة تعاون وحشيش لسه فى بداية طريق الأجرام قصدي فى بداية حياته .. فحضرتك لازم تساعد معاه شويه ..

حبشي وقد أخرج علبة السجاير اللف من جيب سيالة الجلابية والشرر يتطاير من عينية : أساعد إزاي يعني ..؟ أسلفة فلوس ؟

س س : لأ مش قاصدي يا حاج لكن يعني .. يعني .. تساعدوا معاه شوية فى الشوار بتاع العروسة يعني ممكن تشتروا شوية نحاس .. غسالة أيديال من أم حلة ألمونية .. طشت غسيل ... البوتجاز المسطح أبو 3 عيون ده .. نملية ... كده يعني واللي ربنا يقدرك عليه ...

حبشي : أسمع يا فندي أنت يابو 4 عيون ... قال يا داخل بين البصلة وقشرتها ماينوبك إلا ....

س س : عارف ما تكملش ... ألحقني يا عم أخناتون

أخناتون : صلي عالنبي يا حاج ... إبننا س س يقصد ان الجواز بيكلف وانت عارف حشيش لسه فى بداية حياته والظروف ملطشة معاه فمش هايبقى أنت وحكومة الخراب عليه ...

حبشي : ماشي يا عم الفرعون .. علشان خاطر جيتك الكريمة دي عندنا انا هأحاول أستبدل جزء من المعاش وأجيب اللي يقدرني عليه ربنا ... بالصلاتو عالنبي ممكن نقرأ الفاتحة ودلوقت ونحدد ميعاد الشبكة وكتب الكتاب والدخلة مره واحده ( الريس حبشي وهو يحدث نفسه .. يالله وأدينا نبقى خلصنا من واحده )

سكوب بيسأل حشيش : حافظ الفاتحة يابني ولا أيه نظامك ؟ ...

وهنا أرتفعت الزغاريط مع صوت كاسيت لأغنية شعبان عبد الرحيم " هأبطل السجاير وأكون إنسان جديد ... ومن اول يناير هأروح أشيل حديد ... وهــــــــــــــــــــــــيه "

يتبع ....

مشهد الفرح والعروسان فى الكوشة المنصوبة فوق سطح بيت شعنونة

[فــيــروز]

سكوب بيسأل حشيش : حافظ الفاتحة يابني ولا أيه نظامك ؟ ...

رغم ان كل المداخلات تجنن و زى العسل بس الجمله دى بقى فى الجوووووووووون وتهلك من الضحك

[achnaton]

سكوب بيسأل حشيش : حافظ الفاتحة يابني ولا أيه نظامك ؟ ...

رغم ان كل المداخلات تجنن و زى العسل بس الجمله دى بقى فى الجوووووووووون وتهلك من الضحك

لأ .. ماتفرحيش قوى بسرعة يافيروزة المنتدى .. دى مش نكته دى حقيقة .. أتضح أن حشيش فعلا مش حافظ الفاتحه .. وعشان كده كان مسجلها على المحمول بتاعه .. والعروسة سمعتها وهى فى جناح الحريم ورا ملاية السرير اللى كان عم حبشى السكرة فاصل بها الرجال عن الحريم .. وهى سمعتها من هنا .. وسمعنا صوات وهبد .. ماتحطش إيدك فى إيده يابا .. دة بيغش من أولها ومسجل الفاتحة على المحمول .. لولا تدخل عم سى السيد الطيب .. اللى جرى عليها يهديها ويقنعها أن المحمول مش بتاع حشيش .. وكان معلقه من الأتوبيس .. وآهو برضه نفع بدل ما نأجل الأفراح .. ونبكى على اللى راح .. ..

[فــيــروز]

طبعا الريس اخناتون شاهد عيان .. وشاهد على كتب الكتاب كمان يعنى معلومات حيه عند اطراف اصابعك

[حشيش]

عقلى الباطن: الشعنونة ولا حس ولا خبر...مصيبة لتكون هربت قبل الفرح...يافضيحتك ياحشيش...الناس حتقول إيه...حيقولوا عروسته طفشت منه قبل الدخلة...لازم أغسل عارى...أيوه...حطخها وهيه ماشية عالجسر بالليل...وبعدين أفتح الهاويس على أبوها واخواتها علشان أغرقهم قبل النهار ما يطلع علشان مايبلغوش إنها إختفت...أيوه ده أحسن حل...ودلوقتى لازم أبين إنى طبيعى علشان محدش يلاحظ حاجة ....

إيه ياشعنونة...محدش بيشوفك يعنى...تقل ده ولا إيه...تعرفى إنك وحشتينى...أنا كتبت كام بيت شعر كده على الله يعجبوكى:

شعنونة حبشى الفار

إرجعى لى

شعنونة حبشى الفار

إرحمينى

شعنونة حبشى الفار

اعذرينى

شعنونة حبشى الفار

اذكرينى

شعنونة حبشى الفار

افهمينى

عقلى الباطن: ودلوقتى أروح أجهز السلاح وأغسل عارى

[فــيــروز]

يا ترى فيه علاقه ما بين حبشى الفار و حشيش القط ولا ده مجرد تشابه مناور !!

[se_ Elsyed]

المشهد التاني ....

ليل خارجي ... سطوح بيت عم حبشي وقد أكتظ بالمدعويين وقد تم عمل الكوشة جنب عشة الفراخ على اليمين ...

وتجمع لفيف من الفتيات حول عروسة الحفل شعنونة وهي مرتديه فستانها الكحلي الستان المزركش والمرصع بالترتر وخرج النجف وكانت الفتيات تأتي بحركات عجيبة فهذه تشدها من شعرها والأخرى تقرصها من ركبتها لكي تحصلها فى جمعتها حتى كادت ركب شعنونة ان تنخلع فى أيديهن واخرى تندب حظها وتقول في سرها " جتنا نيلة فى حظنا الهباب أنا عارفه عاجبوا فيها أيه ما أحنا حلويين أهو برضوا .... حظوظ "

أما حشيش فقد جلس فى مؤخرة الفرح مرتدياً بدلته الشمواه البني وقد دهن شعره فزلين وفرقه من المنتصف مذكراً الناس بالفنان عماد حمدي فى مطلع العشرينيات والجلسة كانت مع لفيف من شلة الأنس على شكل دائرة وكانت الجوزة تلف بينهم ويتجاذبون الانفاس بشكل متناغم ومنتظم والدخان قد عبأ المكان.

وفجأة ساد صمت مخيف فى أجواء الفرح معلناً وصول الأدفايزر وطقم الموديريشن تيم محاطين بحراسة مشددة من رجال يرتدون نظارات سوداء - زي فيلم ماتركس - وهم أشبه بالقوات الخاصة والتي يشرف عليها شخصياً الكابتن / محمد أبو زيد بطل الجمهورية والساحات الشعبية فى التايكوندو ....

ومن وراءهم توافد فتية وفتيات وكوادر المنتدى الأفاضل ...

وصعد المطرب " سيد المسبسب " وبجانبه الراقصة اللولبية " سنية سيبني فى حالي " ليشدو بقصيدته العصماء " أنت فين يا عم ماتخلي عندك دم "

وصعد أول المدعويين ليحيي وينقط العروسين ...

سكوب : ســـــــــــــمع هــــــــــــس ... يعني الفرح واللي فيه ... انا جاي هنا علشان خاطر أحيي أخويا وشقيقي حشيش ... واول ما نقول حشيش نسمع على طول سلام " عظيمه يا مصر " ولما نقول حشيش يعني المزاج والدخان الأزرق والدميغه العليا ... ونقول كمان دول الخليج والفلبين ولبنان ونسمع سلام " دخلك يا طير الوروار " .... وأحب امسي على المديريشن تيم ربنا يجعلنا من بركاتهم ويكفينا شر إنذارتهم وأسمع سلام " المصريين أهمه " وأحيي اخويا وحبيب ق ....

المطرب ( مقاطعاً ) : ما خلاص يابا انت هاتذلنا بالخمس ملاطيش اللي جاي تنقط بيهم ....نسمع سلم كبير للتحية وصاحب التحية ... نــــــــزلوه

وصعد من بعده لينوكس ليحيي العريس ...

لينو : مساء الخير عليكم ... المعلم لينوكس عبده لينوكس وولده أبو سريع بيحيي عمنا الكبير المعلم شيشو وبيقولوا ربنا يتمملك بخير ... وباحيي أختي شعنونة اللي منورة السطوح قصدي منورة الفرح وباحيي الريس حبشي أبو العروسة وكل نجارين المسلح ... وبأحيي ألرئيس ج دبليوم سي قصدي بوش والست بتاعته مدام كوندليزا ريس ربنا يقومها ينتعها بالسلامه .. وكل الولايات الأمريكانية وليه وليه ... واحب أسمع سلام

Take me back to Cairo أو السيمفونية التاسعة لبيتهوفن .. اي حاجة فيهم فرقتنا تعرف تعزفها ...

المطرب : إنزل يا عم مايكل ساكسون ... انت فاكر نفسك فى الأوبرا يابا .. أحنا فرح شعبي ياخويا .. يعني شعبان عبد الرحيم .. حسن الأسمر بالكتير قوي حكيم ... كده يعني ....

ثم صعد العريس ليحيي ضيوفه الكرام : مســــــــــاء الــــــــغير عليكم ومتجمعين عند النبي إن شاء الله .... أنا مشكر ليكم انكم كلفتوا نفسكوا وجيتوا منطقة زي دي .. وانا عارف أن زمان نص أعضاء المنتدى تايهيين فى أحراش منشية ناصر .. لكن يالله حصل خير وأديهم وفروا أكلهم ... أحب أحيي بالمناسبة الحلوه دي اخواتي وحبايبي وأصحابي اللي فى المنتزة ( المنتدى ) وأخص بالتحية عمي وأستاذي الكتور موحبيط اللي لولا نصايحة الغاليا ليه ماكنتش أقف الوقفة دي بقلب جامد ..... وأقعدوا بالعافية وربنا يدينا الصحة ...

ومن بعده صعدت العروس إلى المسرح وهي تتكعبل فى فستانها التى كانت كروس فيلد مشبثة بديله وكأنه فستانها وشعنونة مأجراه منها ...

شعنونة : مساء الخير عليكوا وكده .... أنا متشكر ليكممممممممم وكده .. ويعني شكراً لماما سلوى اللي دايماً واقفة جنبي وكده ... وشكراً لكل صحباتييييييييي البنات وعقبال ليلتهم أن شاء الله وكده .... وشكراً لجميع الأخوة البدو اللي جم على الجمال من السلوم علشان يحضروا الفرح وعلى فكره هما طالعين من هناك الشهر اللي فات على مالحقوا يوصلوا وكده ..... ولم تستطع العروس أن تكمل وكده حيث أن البكاء قد غلبها فحملتها كروساية وكليو وقعدوها على الكرسي وجابولها كوباية شربات وسندوتش طعمية علشان تهدى...

وبعد الأستماع إلى الطرب الأصيل وتناول الطعام الذي كان عباره عن علب كرتون كل علبه بها سندوتش جبنة رومي وساندوتش لانشون وحتت بسبوسة مقددة بالإضافة إلى شوب عصير مجهول الهوية - اعتقد تانج -

أخذ العريس عروستة على الكارتة وذهبوا ليمضوا شهر العسل ببولاق الدكرور ......

يتبع

المشهد الأخير .... صوت فى الخلفية بيقول : ومرت 4 سنوات على زواج حشنونة بعشيش .... وتعالوا لنرى صورة حية للبيت من الداخل ....

[achnaton]

العلاقة الأبدية المعروفه .. الفار ... هرب ..من القط .. ما زال عم سيد الطيب بدور على السيناريو اللى يقفل بيه الدراما

[se_ Elsyed]

المشهد الأخير .... بعد 4 سنوات من الزواج

نهار داخلي .... شعنونة تدخل غرفة النوم لتوقظ حشيش من ثباته العميق :

شعنونة : قوم يا سبع الرجال بقينا العصر ... قوم يا منيل ...

حشيش : يا فتاح يا عليم يا رزاق يا كريم ... نعم أفندم عايزه أيه يا هانم ..

شعنونة : قوم ياخويا خد قفص العيش وسلطانية الفول وروح هات فطار لولادك ... وماتنساش تعدي علاأجزخانة تجيب دوا إسهال لأبنك منص الصغير الواد مانيمنيش طول الليل ..

حشيش : سلطانية وفول وإسهال عالصبح .. ده أيه الأصطباحة المهببة دي ... طب روحي رصيلي حجر يا ست أعدل بيه دماغي عالصبح ..

شعنونة : يا راجل بأقولك أبنك عيان .. قوم أتلحلح وأعملك منظر ودورلك على شغل تاني تحسن بيه دخلك بدل ما أنت داير على القهاوي طول النهار ...

حشيش : شغل تاني !!!!! هو أنتي هاتبقي ورايا وألاقي شغل تاني ولا تالت ... بالصلاة عالنبي وشك عليه كان زي الفل .. خلال 4 سنين كل رجالتي اتمسكوا والحكومة قصقصت ريشي ...

الواد سكوربيون ... مسكته الحكومة الأيطالية بالتعاون مع الإنتربول المصري ..واتهبد 10 سنين فى سجن الكارتيز

س س ممسوك فى السعودية ويا عالم زمانه بيتنفخ فى الربع الخالي دلوقت ..

حتى الواد الصغير لانسلوت اللي كان بيسرح على المدارس الإبتدائي إتمسك ومحبوس فى الأحداث ....

الله ينور عليكي بصراحة .. ده حظ أيه الدكر ده .. كل أصحابي عالقهوة نساونهم بتشتغل إلا أنتي قاعده لي زي البروطة فى البيت ..

شعنونة : أشتغل .. يالهوي بعد العمر ده كله يابو زقلط ...

حشيش : أيوه أشتغلي .. مش أبوكي ضحك عليه وقال انك دكتورة .. اهو اتصرفي أضربي حقن ... ولدي نساوين الحتة .... أي حاجة .. فالحة بس تقوليلي ده انا كنت باشتغل أطباق خزف وبأرسم على القزاز وبأرسم عالصفيح ..طلعتي فى الأخر بترسمي عليه ... وانا زي المدب صدقتك ..

شعنونة وقد أنخرطت فى البكاء : ياعيني عليه وعلى بختي ... أنا كده ماليش حظ فى الدنيا أهيء أهيء ..

حشيش : ها هانبتدي التقويق بقى ... هاتي ام قفص العيش والسلطانية يا ست هانم خليني انكشح من هنا

حشيش محدثاً نفسه : الله يخرب بيت اللى شار عليه الشورى دي .. هو س س أنا عارفه فضل يقولي أتجوز يا حشيش .. إستقر يا حشيش .. ده الجواز نعمه يا حشيش .. وراح جايب معاه سكوربيون وعم اخناتون ودبسوني التدبيسه اللي هي ... يالله ربنا يديهم على قد ضميرهم ..

وبالفعل أخذ حشيش قفص العيش مع سطانية ومرت أيام وشهور وسنين ولم يعود إلى بيته و تبين بعد ذلك بأنه قد هرب إلى تايلند حيث أن صحته بتيجي على هوا دول شرق أسيا ...

أما شعنونة فقد لملمت أحزانها سريعاً وبدأت دراسات عليا وأصبحت دكتوره مشهورة يشار إليها بالبنان فى مجال النسا والولاده .... أما أولادها زقلط وسنية ومنص فقد أصبحوا من أوائل الطلبة .

موسيقى تصويرية في الخلفية لأغنية " وتستمر الحياة بين إبتسامة وآه .. فيها اللي تاه فى دجاه واللي ضميروا هداه )

النهاية

[se_ Elsyed]

شكراً لكم جميعاً ... وأرجو أن ماحدش يزعل مني .. خاصة شعنونة وحشيش اللي لهم معزة خاصة في قلبي ....

[freefreer]

رائع يا س س هاهاهاها

[بنت شعنونة]

خاصة شعنونة وحشيش اللي لهم معزة خاصة في قلبي ....

معزة.. فرخة والا حتى ديك رومي "وش زعلان جدااااااااااا"

الطااااااااااااااااار ولا العاااااااااااااااااار صبركم عليااااااااااااا "وش ماري منيب"

[Scorpion]

حشيييييييييييييييش

بالموضوع ده اتأكدت انك رجعت حشيش بتاع زمان....

علي فكرة شعنونة عملت كارتات زيارة مكتوب عليها شعنونة حرم حشيش و فيه عنوانك بتاع الباطنية و ماشية في حواري السلوم تشتري في لفافات مشبوهة و بتقولهم ابعتوا الحساب للمعلم حشيش...

الفولة كده اتكشفت.. هي بتتجوزك عشان طمعانة في صيتك هناك كاحسن زبون.

انا نبهتك يا عم و حط راسك في ودنك قصدي في مناخيرك...

سي السيد كتب

ولم تستطع العروس أن تكمل وكده حيث أن البكاء قد غلبها فحملتها كروساية وكليو وقعدوها على الكرسي وجابولها كوباية شربات وسندوتش طعمية علشان تهدى

لأ معلهش يابو السيد.. الحتة ديه ماخدتش بالك منها كويس... انا شفت كل حاجة.. اصل زي ما انت عارف شانا حظها نحس في الموضوع ده... يعني الجرسون دور الشربات علي كل أمة لا ألله الا الله اللي كانت موجودة فوق السطوح .. و لما جه عندها ...

الشربات خلص.. و قدمولها سوبيا

( كده و الا لأ يا شانا ؟ ..)

بس روعة ماتش البنج بونج ده اللي بينك و بين المعلم حشيش...