يا ولاد الحلال عاوز شقه في مدينة نصر

[هشام عباس]

بما اني لسه مستلمتش ارض القاهره الجديده

وبما اني مش عارف هستلم وابني امتى

وبما اني متجوز من 11 سنه ومقيم في الخارج وبنزل سنويا عند اهلي واهل زوجتي

وبما اني عندي 4 اولاد

وبما اني زهقت بقى من حلم البناء في القاهره الجديده

عااااااااااااااااااااااااااااااااااااااااااوز شقه

معايا 250 الف ج ومحتاج شقه قريبه من العيله يعني في مدينة نصر ومساحتها متقلش عن 150 متر!!!!!!!!!! علشان ولادي الأربعه

ومحدش يقلي اني بحلم الله يخليكم

[عاشق]

ربنا يوفقك يا م/ هشام

وليه اليأس ده

ده الحكومة عندنا زي الفل وموعيدها تمام قوى

انت كنت بتشارك معانا على طول بموضوع القرعة على ما اتذكر

وكنت متشجع للبناء

على العموم ربنا يوفقك في طلبك وانشاء الله تجد حاجة كويسة

[هشام عباس]

فعلا الحكومه مواعيدها تمام التمام علشان كده تاريخ تخصيص اراضي ابو الهول في التجمع الخامس طالعه من سنة 2004 ولغاية دلوقتي لا حس ولا خبر عن التسليم

خلاص زهقت عااااااااااااااااااااااااااااااااااااااااااااوز شقه

[سهل جدا]

الحي الثامن والحي العاشر وزهراء مدينة نصر ممكن تلاقي فيهم شقة كويسة بالمساحة اللي انت عاوزها وبسعر مناسب

[عطر الجنة]

فى احد يكون عنده ارض فيلا و لو فى المريخ و متوفر معاه السيولة دى و مش يبنى

اتوكل على الله و ابنى ارض فيلات بدر

المبلغ ده مع شوية صبر يكفى لاساسات البدروم و الارضى و يزيد لشوية تكملة زيادة

و ده لو كانت المساحة نقول 600 متر و البناء لى 50% مثلا

و هناك حتكون المدارس مريحة و الولاد يعرفوا يلعبوا فى الحديقة و ربنا يعينك و تعمل حمام سباحة و يبقى نادى منزلى

صدقنى المدينة هناك شكلها يفرح

الكل بيبنى فى وقت واحد

عارف انا اول مستلمت ارضى فى الشروق على المحور الثانى اصبت بصدمة منها

حسيت انى فى صحراء لا زرع فيها ولا ماء

الان تحيط بهت فيلات و قصور و عمائر

وجود مهلة لكل مرحلة من مراحل البناء سيجعل العمار يظهر مرة واحدة

تحياتى

[هشام عباس]

فى احد يكون عنده ارض فيلا و لو فى المريخ و متوفر معاه السيولة دى و مش يبنى

اتوكل على الله و ابنى ارض فيلات بدر

المبلغ ده مع شوية صبر يكفى لاساسات البدروم و الارضى و يزيد لشوية تكملة زيادة

و ده لو كانت المساحة نقول 600 متر و البناء لى 50% مثلا

و هناك حتكون المدارس مريحة و الولاد يعرفوا يلعبوا فى الحديقة و ربنا يعينك و تعمل حمام سباحة و يبقى نادى منزلى

صدقنى المدينة هناك شكلها يفرح

الكل بيبنى فى وقت واحد

عارف انا اول مستلمت ارضى فى الشروق على المحور الثانى اصبت بصدمة منها

حسيت انى فى صحراء لا زرع فيها ولا ماء

الان تحيط بهت فيلات و قصور و عمائر

وجود مهلة لكل مرحلة من مراحل البناء سيجعل العمار يظهر مرة واحدة

تحياتى

شكرا ليكي جدا على ردك يا عطر الجنه

بس يا سيدتي المشكله ان ال 250 الف دول مش معايا دول تمن ارض بدر مع تمن شقه كنت حاطط فيها الفلوس بدل ما اصرفها في صقر قريش وجايبه حوالي 80 الف

انا مش معايا فلوس ابني بيها بدر انا اصلا مش بعرف اشيل فلوس انما ربنا بيسهل ووالدتي في مصر هي الي لما كانت بتلاقي معايا اي مبلغ ولو صغير كانت بتاخده وتحطهولي في اي حاجه زي شقة صقر قريش ديه مثلا كانت جايبهالي ب30 الف وارض بدر اخدتها قرعه ودافع مقدمها 15500ج ووالله صعبان عليا بجد ابيعها لكن خلاص زهقت نفسي انزل مصر الاقي مكان مستقل ليا ولولادي حضرتك متتصوريش يعني ايه بقالي 11 سنه بنزل اجازه سنويا ومش عندي شقه اعيش فيها ورامي الحمل على امي وحماتي

[khalid]

الارض في بدر بداءت تولع خسارة تبيعها و علي العموم قلي رقمها و مساحاتها و المبلغ الطلوب في صديق لي عاوز هناك

[الباشمهندس ياسر]

بما اني لسه مستلمتش ارض القاهره الجديده

وبما اني مش عارف هستلم وابني امتى

وبما اني متجوز من 11 سنه ومقيم في الخارج وبنزل سنويا عند اهلي واهل زوجتي

وبما اني عندي 4 اولاد

وبما اني زهقت بقى من حلم البناء في القاهره الجديده

عااااااااااااااااااااااااااااااااااااااااااوز شقه

معايا 250 الف ج ومحتاج شقه قريبه من العيله يعني في مدينة نصر ومساحتها متقلش عن 150 متر!!!!!!!!!! علشان ولادي الأربعه

ومحدش يقلي اني بحلم الله يخليكم

مش هقولك انك بتحلم

بس ممكن تلاقى شقة 150 متر بحوالى 150 الف بس .. انما تبع عزبة الهجانة او الكيلو 4.5 زى ما بيسموها

او عند حديقة بدر على جسر السويس ... ملحق النزهة زى ما بعض الناس بيسموها ... سعر المت 1100 كاش تقريبا

انما جوه مدينة نصر نفسها

فصعب جدا تلاقى حاجة ب 2000 جنيه للمتر حتى الا لو كانت لقطة او دواعى سفر او حاجة كده مبتتكررش كتير

[الأقصرى]

أ ستاذ هشام

انا لسه راجع من مصر من 3 ايام تقريبا كل الاسعار سواء اراضى او شقق فيها هبوط

موقفك بيحتم عليك تشترى شقق سهل بيعها فبالتالى خليك فى المناطق سريعة البيع والمساحات الصغيره وارشح لك منطقتين مستواهم الاجتماعى كويس

الأولى هى مشروع اسكان كلية البنات خلف دار الدفاع الجوى تابع القوات المسلحة والشقق الثلاثة غرف بتتباع على اساس انها 105 م مسطح وسعرها من 320 الى 360 الف حسب مستوى التشطيب ومميزاتها سهولة المواصلات لقربها الشديد من شارع النزهه وعباس العقاد ولكن يعيبها انها حق انتفاع فقط يعنى ملكش حصه فى الارض وايض توجد مشكله فى ركنة العربيه لازدحام المنطقة الشديد باسياح العرب بس شقق مطلوبه سهل بيعها فى اى لحظه والتنازل بيكون فى جهاز مشروعات القوات المسلحه يعنى ملكيه مضمونه ( بس خلى بالك فى مجموعة شقق منها بتبص على مقابر ابعد عنها مهما كان الثمن)

الثانيه هى مدينة الفتح امتدا د عباس العقاد بجوار حى السفارات شوف الاستثمارى منها فقط لانه فيه منها حق انتفاع كان اصلها متسلم لضابط شرطه المهم , ويوجد فيها شقق ثلاثة غرف وصاله وحمامين بتتباع على اساس انها مساحة 120-126 متر اسعارها من 290 الى 320 الف جم , انا شفت شقه قبل ما اجى كويسه بس صاحبها ماسك ف 290 الف بس الشقه محتاجه لتوضيب بتقريبا 25 الف جنيه بس المنطقه هاديه وراقيه فى نفس الوقت غير كده تمتاز ايضاب بسهولة البيع فيها والتنازل بيتم فى جهاز مشروعات وزراة الداخليه مقابل 1700جم تقريبا يعنى ملكيه مضمونه برضه.على العموم انتى وشطارتك بس خليك فى شقق مضمون ملكيتها وجاهزه للاستلام يعنى عداد الكهرباء راكب .

انا شايف ان توجد لديك مشكله فى بيع ارض بدر لان الموضوع مش سهل خاصة انى بحاول ابيع ارض قرعه فى اكتوبر بس الـــــــــسوق نــــــــــــــــــــــــــــــــــــــــــــــــــــــــــــــــــايـــــــــــ

ـــــــــــــــــــــــــــــــــــم جداُ وربنا يوفق ما فيه الخير

طبعا لو معرفتش تبيع بدر ممكن تجرب المفروش فى الاجازه مكنش فيه مشكله لكن الخصوصيه فى وجود اطفال مطلوبه

وربنا يهون علينا الغربه ويبارك لنا فى رزقهاولما نرجع ما نفكرش نسيبها ثانى , قادر يا كريم

[عطر الجنة]

حق انتفاع ده كلام

سورى مفيش حد يضمن اى مبنى فى هذا الزمن و خصوصا المبنى من كام سنة

يعنى الواحد يدفع 300 الف فى المتوسط و ممكن يخسرهم بعد ولو 20 سنة

لا لا لا

شوف فى العبور او الشروق

فى جاهز على الاستلام و متوضب كتير

من اول 100 متر لغاية 126 توضيب الجهاز و لو عاوز ارشحلك

سورى على الحدة فى الكلام

دى فلوس متعوب عليها

[الأقصرى]

الاخت الفاضله عطر الجنه

لا داعى للاعتذار على الحده الخلاف فى وجهات النظر وارد على اية حال واقدر ايضا ان الفلوس متعوب فيها

انا بقول ان الشقق حق انتفاع اللى فى مشروع كلية البنات للقوات المسلحة بسعر يتوافق مع امكانيات أستاذ هشام , يوجد جنبها على طول شقق مشروع رابعه الاستثمارى تابع ايضا للقوات المسلحة فيها حصه فى الارض بمساحه 135 متر بمتوسط 420 الف جنيه تقريبا والمنطقة دى بتسمى ارض الجولف وتتبع اداريا مصر الجديده ولي مدينة نصر

اما الفتح فالشقق التى اتكلم عنها استثمارى وليس حق انتفاع اى يوجد حصه فى الارض ( هى شقق 5 ادوار فقط)

واخيرا كان الهدف من تفكيرى انه يشترى فى منطقه يسهل البيع فيها عندما يقوم باستلام ارضه ان شاء الله وهى جارى ترفيقها ولكن لم تبدا بعد اعمال الرصف بها يعنى متوقع استلامها خلال 2010 ان شاء الله

بمعنى اخر ممكن تكون الشروق والعبور مستقبلها كويس من وجهة نظر البعض, ولكنها لا تقارن فى اى وقت بأرض الجولف أو امتداد عباس العقاد واكر هذة وجهة نظرى ومن الممكن ان اكون على صواب او لا والخلاف ىف الرأى لا يفسد للود قضيه

احترامى للجميع

[ذهبية]

ان شاء الله يا استاذ هشام تلاقى اللى بتحلم بية بس انصحك بالتريث وما تستعجل لان الاستعجال بيخلينا ناخد قرارت ممكن ندم عليها

انصحك يا استاذ بجريدة الوسيط اللى بتنزل كل اسبوع وبلاش السماسرة و من خلال الاعلان ممكن تلاقى اللى انت عايزة

وانت فى الغربة ممكن تخلى اى حد من افراد اسرتك يروح بنفسة يتفرج على الشقة و يقولك مواصفاتها

توفيرا للوقت وممكن يصورها موبايل مثلا و تشوفها على النت لو مش هتقدر تيجى و انت مستعجل

و صدقنى اى اسثمار فى الشقق مش هتخسر لكن المهم و الاهم انك تختار صح ويكون الورق سليم

لما ربنا يفتحها عليك و يرزقك بفلوس تانية ممكن تنبى ان شاء الله و تعرض الشقة دى للايجار الجديد تجيب لك دخل زيادة تصرف منة وصدقنى هتحتاجة ربنا يخليى لنا اولادنا الى كل يوم مصارفهم بتزيد

ومجرد ما يكون لك مستقر فى بلدك نفسيا هتستريح و تحسن انك عملت حاجة و بعدها تقدر تفكر فى الخطوة المقبلة

بالتوفيق ان شاء الله وربنا يقدم لك كل خير باذن الله

[بنت الشاطئ1]

استاذ هشام بدل ما تبيع الارض والشقة ممكن تبيع الشقة وبالفلوس اللى هتجيبها الشقة ابنى بيهم .. طبعا مش هيكفوا..اول خطوة انك تحجز الحديد اللى يكفى لعمل اساس وعمدان وسقف فقط..ولو زاد فلوس ابدأ فى البناء ولو لم يزد ممكن تؤجل البناء لحين تدبير مبلغ معقول وانت مش خسران حاجة لانك حاجز الحديد ولو غلى يبقى هتاخده على سعره اللى انت حاجز بيه وفى كتير تجار حديد بيعملوا كدا بياخدوا الفلوس وتخلى الحديد عندهم

[abuAdham]

السلام عليكم / أ / هشام

اولا لك مني اجمل تحية وعاوز اقولك ممكن تأجر شقة مفروشة وفي المكان اليعجبك كلها شهرين كلها 3000ج شهري يعني 6 آلاف في الاجازة بجملة المصاريف ولا تاخد شقة وتقفلها وتسافر ووفر ثمن الشقة لارض بدر متخليش ولادك في يوم يقولوا كان عندنا ارض فيلات في بدر وبابا باعها لو كانت موجودة دلوقتي كان ثمنها بقي كذا وكذا

ذي ما احنا كلنا بنقول علي آباءنا واجدادنا

انفد بأرض بدر وحافظ عليها حتي لو بناء مش هتسكن فية الان

ولما ربنا يسهل وتستلم ارض ابو الهول لها وقتها ممكن ربنا يرزق بمبلغ تعمل فيها اي حاجة ومع مرور الوقت ممكن تسكن في ابو الهول وتأجر بدر وربنا ييسر لك الحال

[هشام عباس]

يا جماعه انا متشكر جدا جدا على تفاعلكم معي وبجد مش عارف اقولكم ايه

حقيقي حسيت ان الكل بيتكلم من قلبه بجد وعاوز يديني اكبر نصيحه هو مقتنع بيها وفعلا انا شاكر ليكم جدا جدا

استاذ ادهم / كان نفسي فعلا ابني ارض بدر انما ما باليد حيله

تعرف حضرتك انا نزلت مصر من حوالي 3 اسابيع ورحت بدر واتفاجأت باللي شفته هناك

المنطقه المميزه فيلات بقت حاجه تانيه خالص خالص تقريبا 50% من الأرض ما بين مبني او شروع في البناء والمكان بقى حاجه تانيه خالص لم اكن اتخيل اني هلاقي هذا الكم الهائل من المباني

لكن المشكله اني مستحيل اقدر ابني بدر والتجمع في نفس الوقت ولازم اختار

علشان كده انا مضطر اني ابيع بدر وبجد وانا اسف جدا جدا على بيعها لأن مساحتها كبيره الى حد ما وكمان موقعها كويس جدا قريب اوي من طريق مصر السويس وغير مجروحه بالمره لأنها على شارع كبير وامامها مفترق طرق

المهم الي حابب يشتري بجديه يبعتلي على الخاص

وانا شفت شقق معقوله يعني مش وحشه بعد زهراء مدينة نصر في شارع السلاب واسعارها كويسه جدا جدا ب1000ج المتر ولما ابيع الأرض ان شاء الله ناوي اشتري هناك بأذن الله

ومره تانيه لكم تحياتي جميعا

[misry]

يا جماعه انا متشكر جدا جدا على تفاعلكم معي وبجد مش عارف اقولكم ايه

حقيقي حسيت ان الكل بيتكلم من قلبه بجد وعاوز يديني اكبر نصيحه هو مقتنع بيها وفعلا انا شاكر ليكم جدا جدا

استاذ ادهم / كان نفسي فعلا ابني ارض بدر انما ما باليد حيله

تعرف حضرتك انا نزلت مصر من حوالي 3 اسابيع ورحت بدر واتفاجأت باللي شفته هناك

المنطقه المميزه فيلات بقت حاجه تانيه خالص خالص تقريبا 50% من الأرض ما بين مبني او شروع في البناء والمكان بقى حاجه تانيه خالص لم اكن اتخيل اني هلاقي هذا الكم الهائل من المباني

لكن المشكله اني مستحيل اقدر ابني بدر والتجمع في نفس الوقت ولازم اختار

علشان كده انا مضطر اني ابيع بدر وبجد وانا اسف جدا جدا على بيعها لأن مساحتها كبيره الى حد ما وكمان موقعها كويس جدا قريب اوي من طريق مصر السويس وغير مجروحه بالمره لأنها على شارع كبير وامامها مفترق طرق

المهم الي حابب يشتري بجديه يبعتلي على الخاص

ياتري حضرتك طالب كم فوق اللي دفعته اظن انك دفعت حوالي 25 الف يعني لو طلبت ربح للي دفعته مفروض يبقي 20% او 30 يا ريت تديني رقم يمكن ربنا يسهل و اشتري منك

[أمير]

أفيدوني أفادكم الله

دفعت 5000 جنيه مقدم حجز وحدة سكانية ضمن المشروع القومى للاسكان(برنامج السيد الرئيس / محمد حسنى مبارك) لتوفير مسكن للشباب فى المدن الجديدة والمحافظات (بمساحة 63م2 ) والذي كان معلن عنه خلال الفترة من يوم 14/2/2008 حتى يوم 13/3/2008

والي الآن لا أعلم شيء عن الموضوع .... بالله عليكم ساعدوني

الي يعرف جديد يراسلني علي اميلي وله الثواب amin_83@yahoo.com

[أمير]

أفيدوني أفادكم الله

دفعت 5000 جنيه مقدم حجز وحدة سكانية ضمن المشروع القومى للاسكان(برنامج السيد الرئيس / محمد حسنى مبارك) لتوفير مسكن للشباب فى المدن الجديدة والمحافظات (بمساحة 63م2 ) والذي كان معلن عنه خلال الفترة من يوم 14/2/2008 حتى يوم 13/3/2008

والي الآن لا أعلم شيء عن الموضوع .... بالله عليكم ساعدوني

الي يعرف جديد يراسلني علي اميلي وله الثواب amin_83@yahoo.com

ياريت حد يرد عليه جزاكم الله خيرا

[أمير]

أفيدوني أفادكم الله

دفعت 5000 جنيه مقدم حجز وحدة سكانية ضمن المشروع القومى للاسكان(برنامج السيد الرئيس / محمد حسنى مبارك) لتوفير مسكن للشباب فى المدن الجديدة والمحافظات (بمساحة 63م2 ) والذي كان معلن عنه خلال الفترة من يوم 14/2/2008 حتى يوم 13/3/2008

والي الآن لا أعلم شيء عن الموضوع .... بالله عليكم ساعدوني

الي يعرف جديد يراسلني علي اميلي وله الثواب amin_83@yahoo.com