ماذا نفعل مع مكاتب الحاق العمالة بالخارج

[sayed]

انا اناشاء الله جالى عرض كويس فى الرياض ( محاسب )

وخلصت كل الاوراق ( رقم النت - تحايل - كشف )

ولما رحت المكتب طلب منى مبلغ كبير ومبالغ فيه ( 7000 )

على الرغم من انى اعرف ان نسبة المكاتب 2.5% من العقد السنوى

بماذا افعل ؟؟؟؟؟

ومن منا يحتاج الى الثانى اكثر ( بمعنى من منا فى مركز قوى اكبر انا بعدما قمت بمقابله من صاحب العمل واختارنى واسمى نزل على النت خلاص ام المكتب )؟؟؟؟؟

والى من ممكن ان اشتكية ؟؟؟؟؟

[السيد توفيق]

للاسف هذا حال مكاتب العمالة المصرية في مصر بتضحك على الجميع وبتحصل على ملايين نتيجة الضغط على الراغبين بالوظائف ومساومتهم على اكل عيشهم

ممكن انت تتصل على صاحب الشركة مباشرة وتتكلم معه بالموضوع وتفهمه بكل حاجة

[خالد شحاته]

انا اناشاء الله جالى عرض كويس فى الرياض ( محاسب )

وخلصت كل الاوراق ( رقم النت - تحايل - كشف )

ولما رحت المكتب طلب منى مبلغ كبير ومبالغ فيه ( 7000 )

على الرغم من انى اعرف ان نسبة المكاتب 2.5% من العقد السنوى

بماذا افعل ؟؟؟؟؟

ومن منا يحتاج الى الثانى اكثر ( بمعنى من منا فى مركز قوى اكبر انا بعدما قمت بمقابله من صاحب العمل واختارنى واسمى نزل على النت خلاص ام المكتب )؟؟؟؟؟

والى من ممكن ان اشتكية ؟؟؟؟؟

اخي الفاضل

اول ماقابلت صاحب العمل كان الاتفاق ايه كا للازم تتفق الاول قبل اي شي هو الان عملك نت وعملت تحليل اقل شي ممكن يغيرك بواحد اخر لان انت لسه مش اخذت تاشيره علي جواز سفرك

[sayed]

اخى الكريم

اولا الاتفاق من صاحب العمل كان على الراتب اما مع الشركة فلم يكن هناك اتفاق

ثانيا رقم النت طالع باسمى وتحاليلى وكشف راحت على القنصلية ازاى يقدر يغيرها

ثالثا هو ينفعى يغير واحد اختارة صاحب العمل من نفسة كده

[خالد شحاته]

اخى الكريم

اولا الاتفاق من صاحب العمل كان على الراتب اما مع الشركة فلم يكن هناك اتفاق

ثانيا رقم النت طالع باسمى وتحاليلى وكشف راحت على القنصلية ازاى يقدر يغيرها

ثالثا هو ينفعى يغير واحد اختارة صاحب العمل من نفسة كده

ايوه ينفع يغيره بسهوله جدااا

واقل كلمه يقوله اورقه اترفضتت من القنصليه علشان غير لائق طبي هتعمل ايه

[sayed]

ازاى والكشف الطبى بيقول لائق وتم ارسالة الى القنصلية من خلال المستشفى

[sayed]

يعنى افهم من كلامكم ان مفيش فايدة

ادفع وانا ساكت

مفيش مكان اشتكى فيه

[خالد شحاته]

انت اصلا مش بتشوف الكشف بتقول لائق ازي

للازم يدخل صاحب العمل الا انت اتفقت معه

[elfakhrany]

أتصل بصاحب العمل واتفق معاة لأن فى بعض أصحاب المؤسسات هنا بتتفق على ان كل المصاريف تكون على حساب الزبون اللى جاى وبتسيب الحبل على الغارب للمكاتب المصرية

[sayed]

انت اصلا مش بتشوف الكشف بتقول لائق ازي

للازم يدخل صاحب العمل الا انت اتفقت معه

انا معايا جواب من المستشفى مكتوب فيه لائق

[ttaammeerr]

شوف يا باشا انا بشتغل هنا بالسعودية منذ 8 سنوات تقريباً وتتعامل الشركة مع مكاتب كتيير واحب ان ألخص لك الموضوع

يوجد نوعان من الاتفاق بين المكاتب والشركات النوع الاول هو أن تتحمل الشركة في السعودية مصاريف المكتب والزبون يسدد 1% فقط من قيمة العقد لمدة سنه وهذه مصاريف للدولة. وفي هذه الحالة تدفع الشركة للمكتب تقريباً 200 دولار على الفيزا

النوع الثاني أن يقوم المكتب بتحميل المصاريف على الزبون وهنا يبدأ النصب على المصريين وفي هذه الحالة أنت تكون تحت أمر المكتب وبالطبع هو قادر أن يغير أسمك بأسم شخص تاني بكل بساطة ولا توجد لديه اي مسئولية يعني يقدر يقول أنك اعتزرت او انه اتصل بيك ولم ترد أو انه طلب منك مصاريف المكتب ولم تدفع

الخلاصة حاول أنك تفاصل مع المكتب لان المبلغ كبير ولكن يوجد من يدفعه فإذا رفضت سوف يجد غير كثثثثثثثير

[حسن الاستاذ]

طيب ياجماعه هو مبلغ 7000 طبعا رقم كبير من المكتب

طيب وفيه واحد اعرفه فى مكتب الحاق عماله بالسعوديه بيقولى ممكن اجيبك السعوديه على فيزا حرة وبيدورلى على شغل محترم المهم طبعا مسألتهوش دلوقت عن سعر الفيزا الحرة .

لكن سألت فى احدى المواقع والمنتديات قالولى انها بتكلف حوالى 12000 الى 15000 يبقى ادور افضل على مكتب هنا على العلم انى مدرس لغه عربيه ولا المبلغ ده برده مبالغ فيه. وهو ممكن يجيب حاجه غير الفيزا الحرة

[حماده عبده]

يا طيب لو الراتب كويس وفرصة كويسة زى ما أنت بتقول توكل علي الله بس حاول تنزل معاه شوية في المبلغ وخلاص ولا تشتكيه ولاحاجة وربنا يعوضك بأزن الله

[doha]

شكل معظم المكاتب بتتعامل بالطريقة دي للاسف ..

كلام الاخ خالد شحاته للاسف صحيح مائة في المائة ورقم النت لايترتب عليه اي التزام ناحيتك وهو يقدر يطلع مية رقم نت متفرقش العبرة بالتاشيرة نفسها لما تاخذها على الجواز دي الي ميقدرش يديها لحد تاني ..

بعدين خلي بالك انت ممكن تدفع له السبع الاف الي طلبها وبعدين يماطل فيك ويتحجج بان التاشيرة تاخرت ( او انت الي تأخرت فورقك اترفض ) وفي الحاله دي لا هتاخذ تاشيرة ولا هتاخذ السبع الاف ..

اذا لو انت ضامن الناس دي كويس اوي يعني مكتب معروف وله سمعته الي مستحيل يضحي بيها .. او حد من طرفك طلع بواسطتهم فعلا يعني سبق وطلعوا حد قدام عينك .. او لك حد يقدر يجيب لك فلوسك لو راحت عليك .. في الحالات دي ادفع وامرك لله مهو انت لو جبت فيزا حرة هتدفع فيها مبلغ كبير وبالمناسبة فاسعار الفيز الحرة من 8 - 20 الف وريال مش جنيه . .طبعا على حسب نوع الفيزا نفسها وعلى حسب الي هيبيعها لك هو الشخص الوسيط مباشرة ولا فلان عن علان والكل بيسترزق في النص .. وبرضه على حسب اكيد انت بتتعامل مع طماع ولا حد محترم ..

وبرضه لو هتدفع المبلغ ده في الوظيفة فتاكد الاول ان الراتب مساوي للي هتدفعه وكمان تاكد من توثيق عقدك في مصر عشان تضمن يلتزموا بيه ..

المحاسبين لهم هنا شغل كويس مطلوبين في كل مكان بس المشكلة ان لازم يكون لك اقامه هنا وفي نفس الوقت في ناس بتستغل جامد يعني هتلاقي تفاوت رهيب في المرتبات فدائما اسأل كويس اوي قبل ماتقدم على اي خطوة ..

وبرضه اكيد الاستخاره هي الاساس

ربنا معاك

===============

[dentogabalo]

انا شايف انه مبلغ كبير

و اعتقد انك لازم ما تديهومش فلوس الا اما يسلموك التأشيرة والعقد الموثق

وربنا يكتبلك اللي فيه الخير

[عندى أمل]

ممكن يا أخ سيد تقول لنا اسم المكتب ده ايه؟

عشان مش عايز أروحه

أصلى مش عايز أدفع مبلغ زى ده

شكرا

[sayed]

الاخوة الافاضل

اشكركم على الرد

تم الاتفاق مع المكتب على مبلغ 5000