ايجار الشقق بالسعودية

[السيد توفيق]

صراحة انا شفت مواضيع كتيره عن ايجار الشقق بالسعودية وجدت ارقام متفاوته وصلت إلى 25 الف ريال وصراحة دي مبالغ تعتبر مرتفعه

ولكن يجب أن يعرف الجميع أن فيه شقق بالسعودية تصل إلى 800 ريال وبمواقع حلوه

البعض من الزملاء متخوف من السكن ببعض الحواري ياجماعه انا ليه 20 سنة بالسعودية ساكن باحياء عادية وعمري ماحصلتش لي مشاكل

ليه الخوف دا اللي ملوش داعي ياجماعه

لي زميل طبيب بدل السكن بتاعه 25 الف ريال وساكن في حي شقه بــ 500 ريال فقط شهريا وضعه ممتاز وعياله بمدارس حكومية ومابيعنيش من اي مشاكل وجمع له كم قرش واشترى بمصر 4 شقق بارقى الاحياء بمصر

لي زملاء ابنائهم درسوا بمدارس حكومية سعودية حتى خلصوا الان ابنائهم اطباء ومهندسين

[sayed]

اخى الكريم

شقة فى الرياض بحى النسيم وتكون عائلية ( يعنى غرفتين او ثلاثة وصاله ) تعمل كام لذا تكرمت

[elfakhrany]

يا أستاذ سيد موضوع السكن دة بيبقى ميول شخصية فيه ناس متحبش تسكن فى شارع صغير وفى ناس بتحب تسكن فى فيلا ...والمثل بيقول الغاوى ينقط بطاقيته ..صح كدة المثل ؟؟

[sayed]

استاذ الفخرانى

شكرا على ردك واهتمامك

انا مش عايز فيلا

انا عايز شقة 2 او 3 غرف وصاله عائلية ( يعنى فى مكان معقول تطمن فيه على زوجتك واولادك )

ملاحظة

انا مش غاوى بس بنقط

[mama nona]

ايجار شقة فالنسيم 2 او 3 غرف بيكون فحوالى 16او 17 الف

وافيه الروابى ده حى قريب منه برده هتلاقى بنفس الاسعار دى

ودى احياءالبيوت فيها جديدة الى حد ما