نفسى أقول .. نفسى أقول

[التونسى]

أنا نفسى أقول

أنا نفسى أقول

أنا نفسى توصل صرختى ....ل أبعد حدود

أنا نفسى تخلص كلمتى ... من دى القيود

أنا نفسى أغير دنيتى

وبجد .. أبـدل سكتى

منتيش كفايه يا دمعتى

عـشـــــــان أنول

أنا نفسى أقول

أنا نفسى أقول

أنا نفسى أبعد .. أختفى .. وسط الضباب

أنا نفسى أجرب .. مره.. طعم الإنسحاب

أنا نفسى أصاحب وحدتى

وامحى الألم من صفحتى

يمكن تشـقشــق فرحتى

بـعــد الأفـــول

أنا نفسى اقول

أنا نفسى اقول

أنا نفسى أعرف يعنى إيه معنى السلام

أنا نفسى أبعد روحى عن مرمى السهام

أنا نفسى ترجع ضحكتى

ولا تانى .. تدبل بسمتى

وبعد حيرتى ..وغربتى

ألقى الحـــلول

أنا نفسى اقول

أنا نفسى اقول

عاشها .. تقمصها .. وصاغها

التونسى

[mandoo]

السيد / التونسى المحترم

عامية جميلة ومبدعة من إنسان رقيق وحساس فلا تحرمنا من إبداعاتك الفكرية علنا نتعلم منها

وأتمنى أن تصاحب وحدتك

وتمحو الألم من صفحتك

وتشقشق فرحتك

وتبعد روحك عن مرمى السهام

وترجع لك ضحكتك

وماتدبل أبدا بسمتك

وأعذرنى على إقتباس بعضا من سطور عاميتك

[التونسى]

السيد / التونسى المحترم

عامية جميلة ومبدعة من إنسان رقيق وحساس فلا تحرمنا من إبداعاتك الفكرية علنا نتعلم منها

وأتمنى أن تصاحب وحدتك

وتمحو الألم من صفحتك

وتشقشق فرحتك

وتبعد روحك عن مرمى السهام

وترجع لك ضحكتك

وماتدبل أبدا بسمتك

وأعذرنى على إقتباس بعضا من سطور عاميتك

الاخ الكريم ماندو :lol: .. ما أجمل تفاعلك مع ما كتبتت ها هنا ....ولا تعتذر .. فكلماتى هى ملك لمن يقدرها ويستحسنها ..لعلك تتعجب اخى العزيز عندما تعرف السر وراء كتابة تلك القصيدة العاميه ((نفسى اقول)) .. فهى فى الاصل حالة انتقلت لى بالايحاء .. تأثرا بمداخلة قراءتها بالمحاورات لا حدى العضوات والتى لا اعرفها بشكل كبير .. ولكننى تأثرت جدا ببوحها وخواطرها الحزينه .. فترجمت هذا الى بعضا من الارهاصات الشعريه .. ثم بعد ذلك .. ادخلت عليها بعض التعديلات والاضافات .. حتى ظهرت على هذا الشكل الذى نال استحسانك واستحسان كل من قرأها او سمعها بصوتى

اشكرك على تفاعلك الثرى والايجابى والمحفز والمشجع .. مع ما كتبت .. ولا انسى ان ارحب بك عضوا جديدا أحسبه إضافه قيمه للمحاورات :lol: .. فقط اتمنى ان يكون لديك الوقت لتتواصل معنا أكثر و اكثر\

مع خالص تحيتى

التونسى

[مغتربة]

رائعه كعادتنا بك و بقلمك الثرى استاذنا الفاضل

و لكن لى تعليق صغير

أنا نفسى تخلص كلمتى ... من دى القيود

ما رايك ان تستبدل كلمه تخلص بتوصل

مش عارفه حاسه انها كده تتسق مع المعنى اكتر

احترامى و تحياتى

و فى انتظار جديدك دائما

[التونسى]

رائعه كعادتنا بك و بقلمك الثرى استاذنا الفاضل

و لكن لى تعليق صغير

أنا نفسى تخلص كلمتى ... من دى القيود

ما رايك ان تستبدل كلمه تخلص بتوصل

مش عارفه حاسه انها كده تتسق مع المعنى اكتر

احترامى و تحياتى

و فى انتظار جديدك دائما

أحب اولا أحييكى اختى الكريمه مغتربه .. وأشكرك على اهتمامك بالمشاركه والتفاعل مع ما كتبت

بالنسبه لتعليقك .. احب اوضح ليكى انا هنا فى البيت ده بقصد ايه .. اولا كلمة ((تخلص )) اللى اوردتها فى البيت الشعرى هى المعنى العامى للكلمة الفصحى ((تتخلص )) ومصدرها هى كلمة ((الخلاص)) .. يعنى انا قصدى اقول انى نفسى كلمتى ((تتخلص)) من اى قيود بتمنعها انها تعبر بحريه عام يجيش بها .. القيود دى ممكن تكون قيود نفسيه ..قيود اجتماعيه .. قيود سياسيه .. قيود عرفيه ا الخ الخ .. يعنى فيه كلام جوايا ((مسجون ومقيد)) ونفسى ابوح بيه .. وده مش حيحصل الا ((بخلاصى)) من القيود اللى بتكبل كلمتى

ودى حاله اكيد كلنا بنمر بيها .. اننا نبقى نفسنا نقول شئ .. بس مش قادرين لاسباب عديده والاسباب دى هى القيود اللى بتغل بوحنا

اتمنى اكون قدرت اوضح ليكى قصدى .. الى جانب انه حتى لو الكلمه لا تتسق مع المعنى .. فلو دورنا على كلمه بديله .. كلمة ((توصل )) مش حتنفع لانى ذكرتها فى اول بيت ((انا نفسى ((توصل)) صرختى لابعد حدود)) ومن المستحب عند كتابة عمل شعرى ان الشاعر يحاول على قدر الامكان ميكررش اى كلمه مرتين او اكثر .. والافضل انه يكررها لكن بمرادف مختلف .. لذا الشاعر الحاذق لابد ان يتمتع ب الثراء اللغوى ..اللى يخليه يجيب نفس المعنى بس بالفاظ محتلفه

مره تانيه بشكرك على تواصلك مع ما كتبت .. وسعدت حقيقى بملاحظتك .. ووجهة نظرك اللى بحترمها :lol:

مع خالص تحيتى

التونسى

[bentmasria]

أنا نفسى ترجع ضحكتى

ولا تانى .. تدبل بسمتى

وبعد حيرتى ..وغربتى

ألقى الحـــلول

شاعرنا الراقى المعبر

كلنا شخصك وإحساسك ورغبتك فى ان تعبر وتصرخ وتتمنى ان تجد ضالتك

كلنا سيدى الكريم نتمنى بسمه من القلب وضحكات صافية تملأ السماء وإشراقة فجر جديد على أيامنا ذو طعم ورائحة ومعنى عميق

كلنا سيدى سنتغنى بحروفك هذه لاننا جميعا

نفسنا نقول

كل سنة وحضرتك طيب اسعتنا حروفك وابداعك الراقى المتميز

دمت بكل الخير والحب

البنت المصرية

[وليد عبد الخالق]

شاعرنا الجميل التونسي

احساسك ملتهب من صدق كلماتك

مشاعرك تزيد من اناقة عاميتك

حروفك تصرخ من مرآة ابداعك

دمت لنا ودامت اشعارك الانيقة

[okokok]

كلمات بسيطة مؤثرة تتسم بالسلاسة و السهولة والوضوح

أهنئك على هذه القصيدة الرائعة

تم تعديل 25 أبريل 2009 بواسطة okokok

[لولا]

كان نفسي اقول .. واقول واقول .. وفى كل مرة عديت فيها من هنا كنت بدخل اخطف دقيقة واحلم هنا!!

وكان نفسي زيك اقول واقول ..

بس تعرف ؟ مش كل الحكايه هى القيود .. ساعات كتير بنخاف نقول !!

حنقول لمين ؟!!!!!

دخلت كذا مره هنا..

كنت عايزه اقولك ان النص من النوع اللى يدخل القلب ويتحس جدا .. يمكن عشان فعلا دى حالة كلنا بنعشها !!

بس شكلى كنت بخرج من غير ما اقول !!

قررت ارجع حتى لو متأخر واقولك تسلم ايدك واحساسك .. كلمات حقيقى تحرك الحلم النايم وسط السكوت !

تحياتى لك تونسي .

لولا

[التونسى]

أنا نفسى ترجع ضحكتى

ولا تانى .. تدبل بسمتى

وبعد حيرتى ..وغربتى

ألقى الحـــلول

شاعرنا الراقى المعبر

كلنا شخصك وإحساسك ورغبتك فى ان تعبر وتصرخ وتتمنى ان تجد ضالتك

كلنا سيدى الكريم نتمنى بسمه من القلب وضحكات صافية تملأ السماء وإشراقة فجر جديد على أيامنا ذو طعم ورائحة ومعنى عميق

كلنا سيدى سنتغنى بحروفك هذه لاننا جميعا

نفسنا نقول

كل سنة وحضرتك طيب اسعتنا حروفك وابداعك الراقى المتميز

دمت بكل الخير والحب

البنت المصرية

الاخت الفاضلة بنت مصريه :sad:

كما أنا سعيد جدا بهذه المداخلة المحفزة .. لسببين رئسيين .. السبب الاول .. لاننى تشرفت بتواجدك وتعقيبك على ما نظمت من اشعار .. والسبب الثانى لان هدفى وغايتى مما كتبت ها هنا قد وصلت .. فأنا لم اكتب لنفسى او عن نفسى .. بقدر ما حاولت ان اتعمق الاخرين .. واعايش صراعتهم الخفيه .. والتى تظهر على سطح حياتنا احيانا فى قالب زفرات من الضجر والالم والرجاء .. فاتلقفها واتقمصها .. لاصيغها ابيات بسيطه تعبر عن الاخرين وعنى ايضا .. والحقيقه اننى شعرت اننى تعجلت فى طرح قصيدتى تلك .. وذلك بعد ان نبهنى احد قارئيها بانها تحتمل الكثير والكثير من الابيات .. لان فكرة القصيده تبعث على الاطناب والاسهاب .. فالنفس البشريه لديها الكثير والكثير مما تريد ان تقوله .. وان تناله .. لذلك اشعر ان قصيدتى او مفطوعتى الزجلية تلك مازال ينقصها الكثير من الابيات .. ولكنى ساجعلها قصيدة مفتوحة .. أضيف اليها كلما اجتاحنى الوحى الشعرى حولها .. وعلى نفس الاسلوب والشكل الشعرى

أشكرك على كلامك الجميل فى حقى وحق اشعارى .. واتمنى لو استحقه

مرحبا بك دائما وابدا اختاه فى رحاب أشعارى وخواطرى :lol:

مع خالص تحيتى

التونسى

[سهل جدا]

بقى كل اللي قولته ده يا راجل , ولسه نفسك تقول تاني :lol:

أنا بقى نفسي أقول لك

إنك راجل مبدع

دمت بود :sad:

تم تعديل 2 مايو 2009 بواسطة سهل جدا

[التونسى]

شاعرنا الجميل التونسي

احساسك ملتهب من صدق كلماتك

مشاعرك تزيد من اناقة عاميتك

حروفك تصرخ من مرآة ابداعك

دمت لنا ودامت اشعارك الانيقة

أخى الكريم وليد عبد الخالق wst:: .. بالنيابة عن إحساسى .. ومشاعرى .. وحروفى .. وبالاصالة عن نفسى .. أشكرك .. وأشد على يدك .. ل إطراءك الرقيق ..فى حق قصيدتى ..التى وصفتها ب((شعر أنيق )) :unsure: ..وكم يسعدنى .. ويبهجنى .. ان يكون مردودها لديك بهذا الشكل الذى أتت عليه مداخلتك ... ويارب دايما اقدر اعبر بحروفى وكلماتى عما يجيش بقلبى ووجدانى .. بما يحوز القبول والاعجاب

لك منى كل تحيه وامتنان

التونسى :blush2:

[التونسى]

كلمات بسيطة مؤثرة تتسم بالسلاسة و السهولة والوضوح

أهنئك على هذه القصيدة الرائعة

أشكرك اخى الفاضل على رأيك الطيب فيما نظمت :wub: ,, واتفق معك .. فتلك القصيده الغنائيه جاءت افكارها مباشره .. ولم ترهقنى تماما فى نظمها .. بل خرجت منى وكأنها كانت ملف محفوظ فى ذاكرتى.. ولم أقم انا بغير نقلها من هذا الملف القابع بوجدانى .. لترى النور

سعدت بتواجدك الجميل

مع خالص تحيتى

التونسى

[التونسى]

كان نفسي اقول .. واقول واقول .. وفى كل مرة عديت فيها من هنا كنت بدخل اخطف دقيقة واحلم هنا!!

وكان نفسي زيك اقول واقول ..

بس تعرف ؟ مش كل الحكايه هى القيود .. ساعات كتير بنخاف نقول !!

حنقول لمين ؟!!!!!

دخلت كذا مره هنا..

كنت عايزه اقولك ان النص من النوع اللى يدخل القلب ويتحس جدا .. يمكن عشان فعلا دى حالة كلنا بنعشها !!

بس شكلى كنت بخرج من غير ما اقول !!

قررت ارجع حتى لو متأخر واقولك تسلم ايدك واحساسك .. كلمات حقيقى تحرك الحلم النايم وسط السكوت !

تحياتى لك تونسي .

لولا

الاخت العزيزه .. والكاتبه مرهفة الحس والمتميزه : لولا

تحية عطره وبعد

أتمنى ان تسعد قصيدتى تلك بإطلالتك الرقيقه مرة ثانية ..ولسبب أصيل يتعلق بكى :wub: .. فعندما قرات مداخلتك الرائعه مرة أخرى .. وقبل ان اعقب عليها .. وعند تمعنى أكثر واكثر فيما كتبتيه .. لفت إنتباهى . وأثار طيور الشعر فى وجدانى .. تلك الجمله

بس تعرف ؟ مش كل الحكايه هى القيود .. ساعات كتير بنخاف نقول !!

حنقول لمين ؟!!!!!

ومن جملتك هذه... إنبثقت .. وتفجرت ....ينابيع الشعر فى قريحتى

وهذا ما ترتب عليه... أن الهمنى الله عز وجل بمقطع جديد فى التو واللحظة ..صغته على عجل .. اتمنى ان يعبر عن فكرتك .. وان يضيف لقصيدتى المحبوبة تلك.. معانى جديده تثريها وتقويها وتدعمها

أنا نفسى أقول

أنا نفسى أقول

أنا نفسى .. حد يحسنى .. يطيب لى خاطرى

أنا نفسى ألاقى .. قلب .. يستوعب مشاعرى

قلب يواسينى ف أزمتى

ويكون صديقى ف شدتى

يفهم ألامى .. وشكوتى

من غير ماقول

من غير ماقول

أشكرك على تواجدك المميز .. وعلى كلماتك الموحية .. وعلى لطف تعليقك الذى أسعدنى جدا .. فهو من كاتبة متميزه ومبدعه وخلوقه وخلاقه bsh:)

مع خالص تحيتى

التونسى

[التونسى]

بقى كل اللي قولته ده يا راجل , ولسه نفسك تقول تاني :)

أنا بقى نفسي أقول لك

إنك راجل مبدع

دمت بود

هو انا لسه قلت حاجه :wub:

اولا مرحبا بك أخى الجميل ..وردار الافكار ..((سهل جدا)) :unsure: .. حقيقى سعيد جدا بتواجدك وتعليقك على ما نظمته من أشعار .. ويارب افضل كده عند حسن ظنك وظن كل من يتابع انتاجى الادبى

ولانى لسه عندى كتير اقوله نفسى على نفس النسق والمنوال wst:: .. فأنا بهديك الكوبليه الجديد ده .. تقدر تقول انك تقريبا كنت مصدر الالهام .. والبطل الرئيسى لفكرته :lol:

أنا نفسى أقول

أنا نفسى أقول

أنا نفسى أكون .. إنسان بسيط .. و سهل جدااا

أنا نفسى أفضل .. محتفظ .. بصراحتى ..دايمــــا

أصل الحقيقه .. دى غيتى

وبجد .. صافـيه .. نيتـــى

يااااريتها .. توضح .. فكرتى

وتمــــلى أقـــــــول

وأقــــول... وأقــــول

ومازلت قصيدتى تلك... أخر العنقود والسكر المعقود :wub: .. مازلت مفتوحه لاضافات أخرى .. وكوبليهات جديده .. فى حيز اللمسات الاخيره .. يا مسهل يارب

مع خالص تقديرى واحترامى لك ولكل من يتابعنى

:blush2:

التونسى

[mandoo]

السيد / التونسى المحترم

عامية جميلة ومبدعة من إنسان رقيق وحساس فلا تحرمنا من إبداعاتك الفكرية علنا نتعلم منها

وأتمنى أن تصاحب وحدتك

وتمحو الألم من صفحتك

وتشقشق فرحتك

وتبعد روحك عن مرمى السهام

وترجع لك ضحكتك

وماتدبل أبدا بسمتك

وأعذرنى على إقتباس بعضا من سطور عاميتك

الاخ الكريم ماندو .. ما أجمل تفاعلك مع ما كتبتت ها هنا ....ولا تعتذر .. فكلماتى هى ملك لمن يقدرها ويستحسنها ..لعلك تتعجب اخى العزيز عندما تعرف السر وراء كتابة تلك القصيدة العاميه ((نفسى اقول)) .. فهى فى الاصل حالة انتقلت لى بالايحاء .. تأثرا بمداخلة قراءتها بالمحاورات لا حدى العضوات والتى لا اعرفها بشكل كبير .. ولكننى تأثرت جدا ببوحها وخواطرها الحزينه .. فترجمت هذا الى بعضا من الارهاصات الشعريه .. ثم بعد ذلك .. ادخلت عليها بعض التعديلات والاضافات .. حتى ظهرت على هذا الشكل الذى نال استحسانك واستحسان كل من قرأها او سمعها بصوتى

اشكرك على تفاعلك الثرى والايجابى والمحفز والمشجع .. مع ما كتبت .. ولا انسى ان ارحب بك عضوا جديدا أحسبه إضافه قيمه للمحاورات :blush2: .. فقط اتمنى ان يكون لديك الوقت لتتواصل معنا أكثر و اكثر\

مع خالص تحيتى

التونسى

السيد / التونسى المحترم

أولا أعتذر عن التأخير لإنشغالى فى عملى الجديد وطبعا هنا فى السعودية مافيش رحمة يعنى ( أكون أو لا أكون ) .

أما بخصوص التواصل فأنا يسعدنى ويشرفنى أن نتواصل ونكون أصدقاء .

ولك منى كل حب وتقدير وإعتزاز

[shahd]

رائعه ومعبرة بحق..... صح لسانك استاذي الفاضل

[الباشمهندس ياسر]

انا داخل اقول كلمتين

ازيك يا عمنا

وحشنى كتير جدا

ربنا يطمنا عليك

و سلام عليكم