هوة صعب الواحد يعمل قرش فى كندا؟

[حسام يوسف]

السلام عليكم ورحمة الله وبركاته

الحقيقة كتير بسمع كلمة لو عايز تعمل قرش

يبقى مش كندا

كندا للى بيهتم برعاية أسرته

وتعليمهم تعليم كويس

انما فلوس

لأ

يعنى ايه؟

هوة صعب ان الواحد يعمل قرش فى كندا؟

حتى لو تعب وذاكر واشتغل

برضة فرص الادخار صعبة؟

اعذرونى لو كنت بتكلم بصراحة

ونرجو ممن لهم خبرات فى كندا الاجابة

وشكرا طبعا مقدما سواء كانت الاجابة ايجابية أم سلبية

انا نفسي بجانب العيشة الكويسة والتعليم المحترم

أنى أعمل حاجة فشلت فيها فى مصر

أبقى بيزنس مان ولو على صغير

الحلم صعب أو غير واقعى؟

وكندا بس عشان الناس تعيش كويس؟

[جيمي]

دكتور حسام

اولا ربنا يوفقك وتعمل اللى انت عاوزه ثانيا انا قبل ماتكلم عاوز قول ان الرزق بتاع ربنا مش مقيد بكندا ولا الخليج ولا درب التبانه حتى.....بس عموما الدنيا مابتديش كل حاجه

فى نفس الوقت يعنى اللى فى الخليج بيحوش بس مش عايش واللى فى كندا عايش بس مش بيوحش واللى فى مصر لا هوه عايش ولا بيوحش ولا حتى قاعد بكرامته

بس لو انت بتفكر فى الهجره علشان مبلغ محدد من المال عاوزه علشان تبتدى مشروع تعالى هنا الخليج احسبها وعد لها وشوف كام سنه بكام الف وسيبك من وجع القلب ولا انجليزى ولا ايلت ولا معادله ولا صيدله حتى ......بس استحمل العبوديه فى بلاد الاستعباد دى ........

عاوز تبقى حر انصحك بكندا ..........بس حكاية هنحوش هناك ولا لأ .......................مش عارف بس انت ممكن تحسبها من هنا من على المنتدى شوف دخل الصيدلى كام فى السنه والضرايب كام والمصاريف الشخصيه من سكن وعربيه واكل و خلافه للفرد وللعيله وشوف هيتبقى معاك كام ...............يبقى ده اللى هتحوشه ان شاء الله وربنا يباركلك فيه.....

[أحمد سيف]

والله أنا هقولك رأيي يا حسام بس الناس اللي في كندا يعرفوا يفيدوك أكثر مني

الواحد ممكن يحوش في أي مكان ... المعادلة بسيطة دخلك تخصم منه مصاريفك والباقي هو المبلغ اللي هاتحوشه

يعني لو لقيت نفسك في أي وقت مش بتحوش ممكن يا إما تحاول تزود دخلك أو تحاول تضغط مصاريفك ... وطبعا فيه حدود في الحالتين

لكن اللي بيحصل عادة لما الواحد بيخرج بره مصر بيلاقي مستوى معيشي مختلف واللي بنعتبره من الكماليات في مصر الناس بره بتعتبره من الضروريات ... فتدريجيا الواحد يبتدي يزيد إنفاقه لحد ما يوصل لوضع يصرف فيه معظم دخله

على سبيل المثال أنا في مصر كان أول تعييني كمعيد في الجامعة على 300 جنيه (شامل البدلات) وكنت عايش بيهم ومش باحوش طبعا، ولما خرجت بره وبقيت باخذ أضعاف الراتب لقيت نفسي باصرف اللي باكسبه ومش عارف أحوش حاجه، ودخلي زاد أكثر من مره ولسه على نفس الوضع

أعتقد في كندا الحال هايفضل زي ما هوا إلا لو الواحد غير أسلوب حياته ... يعني يحوش قبل ما يصرف ... أو بعباره ثانيه يخصم مبلغ أو نسبة من مرتبه في إدخار طويل الأجل بعيد عن أيده ... وفيه برامج ادخار وتقاعد حكومية وخاصة تناسب كل المستويات والظروف هناك

لكن الادخار ده اساسا هايكون زي التأمين الاجتماعي أو ادخار التقاعد ... يعني الغرض منه إنك تلاقي دخل بعد سن التقاعد ... لكن لو عاوز تدخر علشان تبتدي بيزنس فلازم يكون جنبه ادخار من نوع آخر ... وعموما البيزنس ممكن معظم تمويله ييجي عن طريق البنوك أو الشراكات لو عندك فكره كويسه وخبره في المجال

وربنا يوفقك ويوفقنا معاك

[التونسى]

اعتقد انك لو لوحدك(( بطولك يعنى)) ممكن تحوش فى اى مكان... مش بس كندا .. انا لما كنت فى مصر وفى بداية حياتى العمليه كنت بحوش تصور .. لانى كنت بطولى ومعنديش اى التزامات او مسئوليات..وكانت اعاشتى من سكن واكل ومواصلات على حساب شركتى وكنت بنزل اجازه من شغلى كل شهرين تلاته .. وحياتى كانت عباره عن شغل ونوم وفرجه على التلفزيون والكتابه والقراءه وبس .... شئ صعب طبعا لكن مش مستحيل!!!

بس ده طبعا حيتطلب منك تضحيات او تنازلات .. يعنى اعتقد ان اكتر شئ بيلتهم دخل الانسان فى كندا اوربا واميركا وحتى دول الخليج هو المكان اللى حتعيش فيه يعنى لو حتأجر حتى ستوديو حيكلفك الشئ الفلانى وممكن يستهلك تقريبا نصف دخلك او اكتر .. طبعا الى جانب الفواتير المختلفه اللى مفروض تدفعها لوحدك .. يبقى الحل ايه .. ببساطه انك تعيش شيرنج .. يعنى تدور على حجره فى بيت مع ناس كويسه .. واهو يبقوا ليك ونس .. وينفعوا فى وقت الطوارئ .. وبكده انت قدرت توفر مبلغ محترم .. لانك حتتشارك وياهم فى الايجار والفواتير كمان

تانى حاجه ممكن توفر منها كتير وكمان مفيده صحيا .. هو انك تبتعد قدر المستطاع عن الاكل فى المطاعم والتيك اواى .. لغلوها وضررها الصخى .. وتطبخ اكلك بنفسك .. وبكده حتقدر توفر برده .. الى جانب محافظتك على صحتك

ثالث حاجه ممكن توفر منها هى السياره .. يعنى او انت لو شغلك قريب وممكن تروح بالمواصلات العامه او مشى او حتى بالدراجه

يبقى تستغنى عن اقتناء سياره لان مصاريفها كتيره من تأمينات وضرايب ورخصه وكده .. وعلى فكره مش عيب يعنى حكاية الدارجه .. فى هولندا مثلا استعمال الدراجات كوسيلة مواصلات شئ شائع جدا .. يعنى ناس عمليين ودى من اهم الصفات اللى استفدتها من خلال حياتى مع الاوربيين .. انهم عمليين جدا .. ولا يأنفوا من اشياء نانف منها نحن للاسف بلا مبرر .. واهو برده حيبقى شئ كويس ل اللياقه البدنيه ((بس مشكله بقى لو يتدحن ربنا يعافيك لو كنت بدخن زى ما عافانى))

والاهم من كل ده انك تضع لنفسك برنامج معيشى واقتصادى تمشى عليه ..ومتقلقش البلاد دى غير عندنا .. يعنى فى مصر كل شئ ماشى بالبركه وصعب جدا جدا انك تضع برنامج اقتصادى وتمشى عليه .. لان احنا عندنا مفيش معايير او اسعار ثابته .. لكن بره فى الدول المتقدمه فيه ثبات نسبى للاسعار وخلافه من عناصر الحياه

اتمنى اكون افدتك بمداخلتى وتجربتى الحياتيه .. يمكن حاليا انا حياتى اكثر رفاهيه لانى تقريبا حققت جانب لا بأس بيه من طموحى المادى ((مستوره يعنى والحمد لله)) .. والحمد لله ان تعبى كان فى الاول .. وكن على ثقه اخى الفاضل ان اللى بيتعب فى اول غربته وبيكافح بجد واخلاص .. بيرتاح بعد كده وبيجنى ثمار تعبه باذن الله

مع خالص تحيتى

التونسى

تم تعديل 19 أبريل 2009 بواسطة التونسى

[Alshiekh]

استاذ حسام

مبدئيا اللى بيعرف ازاى يحوش ، ممكن يحوش لو كان مرتبه 100 جنيه

واللى مابيعرفش يحوش مش ممكن يحوش لو مرتبه 100 الف جنيه

والمعتدل بيحاول يضبط ويوازن بين دخله ومصروفاته.

الشخص الذى يسعده ان يرى مدخراته تنمو وتكبر ، بلا شك سيكون ذلك على حساب اشياء اخرى سيعتبرها كمالية ، والعكس بالعكس طبعا.

فى كندا ستجد اناسا يوفرون طول العام كى يستمتعوا بفسحة جميلة فى نهاية العام ، رأيت اناسا يوفرون لمدة عشر سنوات لزيارة اوروبا او مصر او اسرائيل

رأيت اناسا يستثمرون اموالهم فى التعليم ، انت تعرف ان التعليم هنا ليس مجانى وغير محدد بسن معين ، فتجد بعض الافراد معه اكثر من بكالوريوس ، وماجستير ودكتوراه

البعض يستمتع بركوب سيارات غالية احدث موديل يظل يدفع فى اقساطها سنينا ، ليشتر اخرى بمجرد انتهاء اقساط القديمة وهكذا

البعض يضع نصب عينيه ان المال انما اخترعوه كى يتم اكتنازه ، والبعض يرى ان المال ماهو الا وسيلة للاستمتاع بانفاقه

فقط اريد ان اقول انه سواء كان الدخل 100 او 100 الف ، فيجب ان يعرف الادخار طريقه الى ذلك الدخل. واصدقك القول انك مطالب فى كندا اكثر من مصر بأن تدخر كل مايمكنك ادخاره.

ولا اجد افضل من وصية لقمان لابنه المذكورة فى القرآن

وَلَا تَجْعَلْ يَدَكَ مَغْلُولَةً إِلَى عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا

[qenawy]

لي راي

هو في كندا احوش ليه

مستقبل تعليمي مضمون لاولادي ووظائف في سوق عمل حر ولا واسطة ولا عم الصبحان

يعني ايه لازمة التحويش

احنا بنحاول نحوش هنا من اجل المستقبل الغير مضمون انما في تلك البلاد النحويش كهدف مش مطلوب

هو ممكن الواحد يحتهد من اجل رفع مستواه المعيشي فقط

[TAMERJ]

لي راي

هو في كندا احوش ليه

مستقبل تعليمي مضمون لاولادي ووظائف في سوق عمل حر ولا واسطة ولا عم الصبحان

يعني ايه لازمة التحويش

احنا بنحاول نحوش هنا من اجل المستقبل الغير مضمون انما في تلك البلاد النحويش كهدف مش مطلوب

هو ممكن الواحد يحتهد من اجل رفع مستواه المعيشي فقط

انا اول ما قرأت العنوان كان في بالي نفس رد دكتور genawy ....و على فكرة يا دكتور هدا الرد كان نفس رد احد العلماء في الدنمارك عندما سئل (انت عالم كبيير و مش محوش اي شي ليييش) فكان ردو الدولة تدفع مصاريف المدرسة و جامعة للاولاد و لنا كلنا ضمان صحي و كل شي متوفر فلماذا ادخر الاموال لمن؟؟؟؟ و على فكرة من يومتها و انا بفكر بالهجرة انا مكنتش بحس اننو نحنا ضيعين اه والله ضيعين لاننو ما فيش امان اجتماعي.....

[the doors]

انا عاوز اقول حاجة من غير الناس ما تزعل

ان اغلب المصريين او العرب الى هاجروا رحوا يشحتوا - زى ما تورنتوز - والمرحوم تورنتو الله برحمه - و اتوماتيك قوله - وحتلى الاستاذ هادى نفسه مكانش مبسوط بالحياة هناك لاسبابه هو

المهم ترجع لموضوع التحويش - من الصعب او الاستحالة ان تحوش لان كل ما مرتبك يزيد الضرائب تزيد كمان و لذلك تقريبا النتيجة واحدة

ده ما يمنعش ان فى ناس ناجحة وناجحت هناك

الموضوع ده جالى على الجرح لانى عندى عقد عمل كويس فى الخليج فى مجموعة كبيرة - وبين ان اروح كندا ابتدى اتعلم وادرس و اعادل واشتغل كما فادتنى الاستاذ تورنتو بنكر بمعلوماته المتميزة

وانا وزوجتى فى حيرة الخليج وعقد كويس ولى كندا ونبدا من اول السطر

[التونسى]

يا جماعة الخير .. الدكتور حسام عايز يحوش لانه عايز يحقق حلمه بعمل بيزنس خاص بيه .. يعنى التحويش او جمع الاموال بالنسبه له وسيله وليست غايه .. ومش عيب الواحد يدخر .. لان محدش عارف الظروف وايه اللى ممكن يحصل فى المستقبل .. ابناء البلد الاصليين فى كندا وغيرها او حتى اللى هاجروا بصفه نهائيه فعلا مش محتاجين يحوشوا . لكن اللى عنده طموح معين فى مجال البيزنس او هجرته مهما طالت بيعتبرها مؤقته انا فى رايى لازم لازم يحوش على الاق لحد ميوصل لدرجة معين من اليسره الماديه وده شئ نسبى من فرد لاخر .. وبعد كده يبقى يعيش حياته وميشلش هم تانى .. انا عن نفسى محضر نفسى من كافة النواحى انى ارجع مصر فى اى وقت .. ومتهيئ نفسيا لده .. رغم ان كل ظروفى تدعو للاستقرار

[the doors]

الاستاذ التونسى المحترم

هو حضرتك فى كندا -ولو فىكندا يرات تقول رايك فى الهجرة الى كندا و تجربتك

وشكرا

[التونسى]

الاستاذ التونسى المحترم

هو حضرتك فى كندا -ولو فىكندا يرات تقول رايك فى الهجرة الى كندا و تجربتك

وشكرا

لا انا لم اذهب كندا مطلقا ولكنى عشت لفتره محدوده جدا باحدى دول الخليج ولا اعتبرها تجربه خرجت منها بشئ .. ثم تنقلت بين اكتر من دوله اوربيه وما زلت .. ومن هذا المنطلق ادليت بتجربتى مع الادخار فى سنوات هجرتى الاولى .. حتى وصلت بحمد الله الى ما ارنو اليه ماديا .. والحمد لله على نعمة الرضا والقناعه .. والا ن استمتع بحياتى ...بعد سنوات من العناء والتعب... الذى تعمدته ولم اجبر عليه

تم تعديل 19 أبريل 2009 بواسطة التونسى

[حسام يوسف]

أولا وقبل أى شيئ ألف شكر لجميع الأفاضل المحترمين اللى تقدموا برأيهم ومشاركاتهم

ثانيا

احب أوضح نقطة

انا قصدي بعمل القرش

مش بس الادخار ولو ان مش عيب

انا قصدي هل الواحد ممكن يكبر شوية بشوية ويعمل بيزنس خاص بيه

من خلال أى نشاط تجارى أو غيره؟

ولا مهما زاد دخله

برضة المصاريف عالية؟

ومش هيعرف يكبر رصيده فى البنك عشان يعمل بيزنس كويس؟

أعتذر لو كنت لم أحسن التعبير عما فى بالى

وكل الامتنان لكل الأخوة اللى شاركوا ونورونى بآرائهم

[torontoz]

مساء الخير عليكم من مدينةالبطالة والأعانات والانتخة كيبيك سيتي..انا مش شايف اى تعليق من الاعضاء في كندا..عموما ان حجيب من الآخر كالعادة واللي عايز يزعل يا مرحب بيه وبالتليفزيون وبالست المذيعة..طبعا مش حتقدر تعمل فلوس في كندا الا لو كنت طبيب ,,مهندس,,محامي ,,او تعمل في مجال تكنولجي..او سواق نقل مسافات طويلة..وطبعا لو الزوجة بتعمل تبقي هاصت بالصلي علي النبي..او لو عندك البيزنس الخاص بيك وبتفهم فيه..غير كده ..يبقي حتحرم نفسك من حاجات كتير..***********************************

تم تعديل 21 أبريل 2009 بواسطة أسد
حذف جملة غير مناسبة في نهاية المداخلة

[torontoz]

انا عاوز اقول حاجة من غير الناس ما تزعل

ان اغلب المصريين او العرب الى هاجروا رحوا يشحتوا - زى ما تورنتوز - والمرحوم تورنتو الله برحمه - و اتوماتيك قوله - وحتلى الاستاذ هادى نفسه مكانش مبسوط بالحياة هناك لاسبابه هو

المهم ترجع لموضوع التحويش - من الصعب او الاستحالة ان تحوش لان كل ما مرتبك يزيد الضرائب تزيد كمان و لذلك تقريبا النتيجة واحدة

ده ما يمنعش ان فى ناس ناجحة وناجحت هناك

الموضوع ده جالى على الجرح لانى عندى عقد عمل كويس فى الخليج فى مجموعة كبيرة - وبين ان اروح كندا ابتدى اتعلم وادرس و اعادل واشتغل كما فادتنى الاستاذ تورنتو بنكر بمعلوماته المتميزة

وانا وزوجتى فى حيرة الخليج وعقد كويس ولى كندا ونبدا من اول السطر

الله لا يعودها ايام..انا كل ما افتكر كلامه وكذبه بيجيلي تلبوك معوى..انسان كذاب بشكل..عايش في كندا ..وبياكل من خيرها وبيشرب من سان لورانها وبيسب ويلعن فيها..طب عايش فيها ليه مادام كارها كده..وعايز يحرم الناس من الرفاهية اللي عايش فيها بكلامه..انا سمعت من مصدر موثوق منه انه عايش في مدينة كيبيك علي الاعانات ..انسان غريب..وانا بشكر الادارة انها وقفته..بلا رجعة..

[somayasaleh]

لي راي

هو في كندا احوش ليه

مستقبل تعليمي مضمون لاولادي ووظائف في سوق عمل حر ولا واسطة ولا عم الصبحان

يعني ايه لازمة التحويش

احنا بنحاول نحوش هنا من اجل المستقبل الغير مضمون انما في تلك البلاد النحويش كهدف مش مطلوب

هو ممكن الواحد يحتهد من اجل رفع مستواه المعيشي فقط

انا من رأي الدكتور الفاضل قناوي

احنا مهاجرين كندا مش علشان نحوش ونرجع بقرشين وبسبور كندي............؟؟؟؟

احنا عايزين الامان والتعليم والديمقراطية .... واحترام ادمية الانسان......

من الاخر كده الواحد عايز يعيش بني آدم باقي حياته......بدون وساط{ او محسوبية،،،،،او اهدار كرامة...... او نصب واحتيال من اللي حواليك...... او فردة غصب عنك

من كل من تقابلهم.... ابتداء بعسكري المرور..... للبقال.....لاي صنايعي يعمل لك اي شغلة بسيطة..... غير الشحاتين...... والكناسين......... يووووووووووووواه اقول ايه ولا ايه؟؟؟؟؟

التعليم البايظ والمدرسين الخصوصين المفتريين...... الصحة والمستشفيات الحكومية،،،،او الاستثمارية......... يااااااااااااااااه..... كفاية كدة :waf:

وطبيعي لكل مجتهد نصيب...... لو اجتهدت في شغلك في بلد زي كندا مفيش فيها بلطجة ولا فردة ولا وسطة ولا محسوبية....اكيد ح تقدر تعمل مشاريع ،،،،،،،، وتحوش

انا عاوز اقول حاجة من غير الناس ما تزعل

ان اغلب المصريين او العرب الى هاجروا رحوا يشحتوا - زى ما تورنتوز - والمرحوم تورنتو الله برحمه - و اتوماتيك قوله - وحتلى الاستاذ هادى نفسه مكانش مبسوط بالحياة هناك لاسبابه هو

المهم ترجع لموضوع التحويش - من الصعب او الاستحالة ان تحوش لان كل ما مرتبك يزيد الضرائب تزيد كمان و لذلك تقريبا النتيجة واحدة

ده ما يمنعش ان فى ناس ناجحة وناجحت هناك

الموضوع ده جالى على الجرح لانى عندى عقد عمل كويس فى الخليج فى مجموعة كبيرة - وبين ان اروح كندا ابتدى اتعلم وادرس و اعادل واشتغل كما فادتنى الاستاذ تورنتو بنكر بمعلوماته المتميزة

وانا وزوجتى فى حيرة الخليج وعقد كويس ولى كندا ونبدا من اول السطر

الاستاذ الفاضل الباب

لو حضرتك لوحدك انت والمدام .....او عندكم اطفال لسه لم يدخلوا المدارس...... والعقد بتاع الخليج مغري....... رأي الخاص توكل علي الله واقبل لمدة كام سنة لحد الاولاد ما يوصلوا سن المدارس وبعدين

طير بيهم علي كندا...... وفي هذه الاثناء ..... ممكن حضرتك تذاكر للمعادلة من الخليج...... وتروح في الصيف كندا تمتحن ....وتبقي جاهز للهجرة بالمعادلة ان شاء الله

وممكن كمان لو حضرتك سافرت تعمل المعادلة هناك .....تبحث عن جوب اوفر...... وتكون كده الهجرة اسهل واضمن ومعاك مبلغ كويس من الخليج

في الاول والاخر استخير الله سبحانه وتعالي علي موضوع السفر او الهجرة وربنا يوفقك

[Nassarlink]

انا مع رأي المشرف محمد

في إن لو دخلك 100 جنيه او 100 الف جنيه

مطلوب منك انك تدخر جزء ولو بسيط

اما عن فكره الادخار من أجل الاستثمار

فأعتقد انك ممكن تدخر في كندا وتعمل مشروعك في مصر

علشان فرق العمله

بس ياتري هتلاقي حد يدورلك مشروعك وانت في كندا من غير ما يقلّبك ؟؟؟

[حسام يوسف]

هوة واضح انى معبرتش عن قصدي صح

انا قصدي بعمايل الفلوس حاجتين

ادخار + استثمار

فأنا بسأل عن امكانية الادخار

وامكانية الاستثمار فى كندا

مش مصر خالص

[thesaintmanwar]

يا حسام يا اخويا انت شكلك بتسال عن مستوى الاسعار بالنسبة للمرتبات

طيب شوف تخصصك و شوف المرتب المتوقع و ابتدى احسب علية بدل ما تسيب الدنيا عايمة كدة

و بعدين انت عاوز تحوش لية ...ناوى ترجع المحروسة تانى

[MZohairy]

هوة صعب ان الواحد يعمل قرش فى كندا؟

صعب قوي يا حسام تعمل قرش هنا في كندا عشان العمله هنا دولار و الفئه الصغيره هي السنت

فممكن تعمل سنت لو عايز :)

[حسام يوسف]

بغض النظر عن الخروج عن الموضوع

ولو انه ضحكنى برضة والله

الله يحظكم

المهم

مرة تانية بجد سؤالى للعالمين بالحياة فى كندا

فرص اقامة مشروعات صغيرة هل لها تسهيلات فى كندا؟

هل اقامة مشروعات ولو صغيرة فكرة صائبة اساسا فى كندا؟

ولا الواحد يكتفى بالوظيفة ويخليه فى المضمون سواء قبل المعادلة أو بعدها؟

ملحوظة مش بنلكم عن فتح صيدليات لانى عارفها مشروعات ضخمة

والف شكر مقدما