هل مازلت تقول لنصفك الاخر كلمه بحبك؟

[بندق أفندى]

طيب فيه سؤال لاحق عليه أصلا .. وهو هل تزوجت من أحببت؟

ولا جواز صالونات .. ولو جواز صالونات أحببته ولا عشان تستمر الحياة بس؟ والأولاد والذى منه؟

يعنى بتقروالسؤال ومتردوش عليه وبتردو بسؤال

لأ

لا لا يا بندق مش انت اللى تقول كده ابدااااااااااا

لا يا مدام فتفوتة .. أنا خلاص شنبى أبيض .. لسة هأقول كلام من ده .. ههههههههه

[nana]

ايه ده ياجماعه ان مفيش حدمن الرجاله قال جمله مفيده ده معناه ان اى واحده من الى شاركو او مشاركوش جوزها بيقولها بحبك تعمله تمثال لانه بيعتبر عمله نادره بالنسبه لبنى جنسه وخصوصا اذا كان مر على جوازهم اكتر من 3 سنين

اما بالنسبه للحب قبل الجواز او بعد الجواز بالنسبه لكلمه بحبك بيتهيالى ميفرقش طالما لاقيت نصفى الاخر متفاهم وبيحترمنى وبيحبنى جايز الى كنت احبه قبل الجواز بعد الجواز يبهدلنى ويهينى وتتغير الامور من اى طرف وانا مؤمنه ان ربنا طالما لم ييسر طريق فهو مش خير واذا يسر طريق يبقى اكيد هو الخير حتى لو طلع وحش يبقى اكيد كان فيه اوحش منه

[بندق أفندى]

ايه ده ياجماعه ان مفيش حدمن الرجاله قال جمله مفيده ده معناه ان اى واحده من الى شاركو او مشاركوش جوزها بيقولها بحبك تعمله تمثال لانه بيعتبر عمله نادره بالنسبه لبنى جنسه وخصوصا اذا كان مر على جوازهم اكتر من 3 سنين

اما بالنسبه للحب قبل الجواز او بعد الجواز بالنسبه لكلمه بحبك بيتهيالى ميفرقش طالما لاقيت نصفى الاخر متفاهم وبيحترمنى وبيحبنى جايز الى كنت احبه قبل الجواز بعد الجواز يبهدلنى ويهينى وتتغير الامور من اى طرف وانا مؤمنه ان ربنا طالما لم ييسر طريق فهو مش خير واذا يسر طريق يبقى اكيد هو الخير حتى لو طلع وحش يبقى اكيد كان فيه اوحش منه

22 سنة .. التأبيدة حسب سنة السجن 9 شهور يعنى 19 سنة الا ربع .. ههههههههههههههههههههه

الحمد لله ما حدش هيشوف الكلام ده والا كنت بيتت فى الشارع هههههههههه

[عاشق]

ليه بس الاسئلة الي تودي ورا الشمس دي

ربنا يجعل كلمنا خفيف عليهم

الله اما امين

[se_ Elsyed]

طب ماتزعلوش ..........ممكن يانانا نخليها بدل بحبك تبقى محتاجلك يمكن يردوا علينا

فتفوته

لأ ساعات بأقولها ..

لما أنزل الصبح أدور العربية في الشتا والدنيا برد والبطارية تكون نايمه .. فبأقولها محتاجلك تزوقي معايا لحد أقرب ورشة وكدهوت wst::

واحد بيشد في شعره وبيقول لمراته ... حرام عليكي أجيبلكو منين .. أنا قربت أبيع هدومي .. هو كل حاجه هات هات .. مافيش مره تقولي خُد ... قالت له بكل حنية : طب خد فاتورة التليفون دي إدفعها ..

[fatfouta]

طب ماتزعلوش ..........ممكن يانانا نخليها بدل بحبك تبقى محتاجلك يمكن يردوا علينا

فتفوته

لأ ساعات بأقولها ..

لما أنزل الصبح أدور العربية في الشتا والدنيا برد والبطارية تكون نايمه .. فبأقولها محتاجلك تزوقي معايا لحد أقرب ورشة وكدهوت :blush2:

واحد بيشد في شعره وبيقول لمراته ... حرام عليكي أجيبلكو منين .. أنا قربت أبيع هدومي .. هو كل حاجه هات هات .. مافيش مره تقولي خُد ... قالت له بكل حنية : طب خط فاتورة التليفون دي إدفعها ..

والله كنت لسه هقول اهو واحد نطق

حرام عليك كسفتنى يا س س wst::

[fatfouta]

لا يا مدام فتفوتة .. أنا خلاص شنبى أبيض .. لسة هأقول كلام من ده .. ههههههههه

ايه

ده اول مرة اخد بالى من اللى انت كتبه ده يا بندق

شنب؟ وإبيض وإصفر؟ اهى دى بقى الحاجات اللى مرجعانا للوراء

هبتدى اغير فكرتى عند يا بندق ليه كده بس

فتفوته

[بندق أفندى]

طب ماتزعلوش ..........ممكن يانانا نخليها بدل بحبك تبقى محتاجلك يمكن يردوا علينا

فتفوته

لأ ساعات بأقولها ..

لما أنزل الصبح أدور العربية في الشتا والدنيا برد والبطارية تكون نايمه .. فبأقولها محتاجلك تزوقي معايا لحد أقرب ورشة وكدهوت wst::

واحد بيشد في شعره وبيقول لمراته ... حرام عليكي أجيبلكو منين .. أنا قربت أبيع هدومي .. هو كل حاجه هات هات .. مافيش مره تقولي خُد ... قالت له بكل حنية : طب خط فاتورة التليفون دي إدفعها ..

بيقولو يا عم .. بيقولو خد معاك الزبالة وانت نازل .. كل يوم ..

[se_ Elsyed]

عيب بقى نتكلم جد شويه ...

في الحكيكة هي الرومانسية مطلوبة في الحياة الزوجية ..

لكن كنوع من كلكعة المصطلحات وكدهوت ...أقدر أقول ... إن الرومانسية عند الرجل مختلفة تماماً عند الست .. مش عايز ضرب .. استأنوا شويه وإقرأوا ما تحت السطور وبين الحواشي والحاجات التانية ...

عند الرجل أسمى معاني الرومانسية هو إن يكون بيته كويس مادياً ومعنوياً وتكون مستورة يعني ....

عند الست .... دي قاعدة طول اليوم في البيت - حتى لو كانت أمرآة عامله - وعاوزه إسطوانة حب شغالة طول اليوم وعش العصفورة يقضينا ولقمة صغنونه تكفينا وأنا وإنت يا جدع ..

بس يوم التليفون ما تنقطع الحرارة عنه أو يقعدوا يومين ما ياكلوش لحمه ... تلاقي صوتها تخن ... والنور اللي على وشها أنطفى .. وحواجبها بقت عامله زي الثمانية المقلوبة ... وقامت خنقت العصافير وهدمت العُش وبعترت القش ... وقالت له : فين اللحمة يا راجل إنت ؟ إنت متجوز بنات الناس عشان تجوعهم ؟ أنا خسيت 8 كيلو اليومين اللي فاتوا دول من كتر الجوع ...

نرجع مرجوعنا للكلام الجد ...

الراجل في موقفه هنا .. صح

والست .. برضوا صح

( اومال مين اللي غلط يا عم الحج .... عم عبدو البواب ؟ )

لأ والله ...

لكن التوازن بين هاتيكي وهادوله مطلوبين ...

يعني هي خلطة زي خلطة فوزية ...

يعني

إحنا يالرجاجيل ... لا نخلي الحياة العملية تسرق مننا الرومانيسة ونبقى مجرد جمادات تصحى الصبح تروح الشغل وترجع من الشغل تتفرج على قناة الجزيرة وبرنامج مع هيكل ودوخيني يا لمونه ... وتعيش إنت يا حج ..

وإنتو يالحريمات ... لا تجعلي الرومانسية تحولك الى كائن هُلامي رومانسي عايش في البطاطس ... وتبقي مجرد عصفورة رقيقة عايزه تاكل وتشرب رومانسية طول اليوم .. حتى لو كان الزغلول راجع من الشغل طالع أسلاف أهله ومديره مكدرة ومخلية عامل تمرين تسعة استعد ميتين مره عالريق ...

----------------------

يبقى المقادير هي كالتالي ..

راجل عملي رومانسي بعض الأحيان ( بارت تايمر ) وماحدش يقولي معليش وسماح ... ولما تيجي داخل البيت سيب همومك على بسطة السلم ... إحنا مش هارد ديسكات فيه سويتش تجيبه كده يبقى رومانسي .. وتقلبه الناحية التانية يقول بابا وماما ... حسوا بينا .. إحنا داخلين على ازمة إقتصادية والناس عماله تتفنش بالألوفات كل يوم والسجاير غليت كمان ..

وست رومانسية تقدر ظروف زوجها وإن دماغه فيها خمستلاف قطه بيجروا ورا بعض وبيخربشوا في جمجمته وبالتالي الرومانسية مش بالاكراه ... وما تسمعوش كلام مي الصغيرة اللي فوق دي اللي بتقول : عليه النعمة لو ما قالي بأحبك قبل الأكل وبعد الاكل .. مانا معباره وهالبس له الوش الأبلكاج !!!! إحنا مش في حرب يا مي واللي ربنا يقدره على حاجه يعملها ومن قدم شيء بيداه إلتقاه ...

لكن أرجع وأقول .. تماماً زي ما بنطلب من الزوجة إنها ما تهملش نفسها وتلتفتي لنفسك شويه يا هانم وبُصي لشكلك في المرايا .. وإن الغسيل والطبيخ والتقلية ما ياخدوهاش في دوامة سودا وتنسى نفسها وتتحول إلى شكل هندسي متوازي الأضلاع بعد فترة قصيرة من الجواز والخلفه وتبقى حاجه تملى العين في البيت وأهي ماشية وبترزق وضل ست في البيت ... أحسن من كوزين دُرا في الغيط .. وأهي الحاجه أم أبراهيم بتربي العيال وبتشوف مصالحهم وممشية البيت كويس وعندها دلوقت 27 سنة وبقت بركة البيت وبتلعب في الـ 120 كجم قايم قبل التشفيه ...

يبقى نحن الرجال لا نكون ظالمين ونخلي عندنا شوية دم ... لا مؤخذه يا رجاله ... ويا سيدي عود لسانك عالكلام الحلو يمكن ربنا يفك عقدتك .. ولو لقيتها مره لابسه جلابيه كستور جديدة لا تستغرب حتى إن كان الكستور أختفى من مصر من سنة 73 ... وإبقى أُثني عليها إن شالله من ورا قلبك اهو أعمل أي منظر وشوية شوية هاتبقى إمرؤ القيس ولسانك هيشتغل توماتيكي توماتيكي ... أو لما تلاقيها عاملة تسريحة شعر زي أسمهان زمان كده .. جاملها ... وقول لها : الله يا سعاد ... إنتي حطة سمنة بلدي على شعرك ؟

وأخيراً .. تلك هي الحياة منذ أن خلق الله أدم إلى ان تقوم القيامة ... لا الراجل عاجب الست ولا الست عاجبها الراجل وكل واحد فاكر نفسه على حق وإنه مخلوق ضعيف والجنس الأخر بيفتري عليه ومطلع عينه وإنه شهيد الواجب - واجب يعني هوم وورك - ...

وأقعدوا بالعافية ..

[Modest]

السؤال: هل مازلت تقول لنصفك الاخر كلمه بحبك؟

يعني السؤال موجه للنصفين مش لنُص واحد بس زي ما فهمت من هجومهن علينا نحنو معشر النصف الضعيف wst::

و صيغة السؤال "هل مازلت" يعني على اساس كان بيقولها قبل كده؟ :blush2:

و بالمناسبة علشان نوفر في عدد المداخلات أحب اقول لبندق: واحشني جداً :blush2:

[se_ Elsyed]

و بالمناسبة علشان نوفر في عدد المداخلات أحب اقول لبندق: واحشني جداً wst::

وإنت أكتر يا موديست ..

أخبار الحته بتاعت أسكتلندا إيه ؟

[Modest]

و بالمناسبة علشان نوفر في عدد المداخلات أحب اقول لبندق: واحشني جداً :blush2:

وإنت أكتر يا موديست ..

إنت اسمك بندق؟ wst::

أخبار الحته بتاعت أسكتلندا إيه ؟

شغااال يا عمي .. انا اديتك كلمة و لا ممكن أرجع فيها بوتاتاً .. أأجر لك معايا حتة سموكن من عند المكوجي نطلع بيها المصلحة دي و لا هاتتصرف من عندك؟ :blush2:

[سهران]

كل الرجالة اللى دخلت ماحدش قلنا جملة مفيدة على بعضها

خلاص خلاص يا نانا ماتتعبيش نفسك برده مش هيعترفوا ده طبع يا بنتى

طب ماتزعلوش ..........ممكن يانانا نخليها بدل بحبك تبقى محتاجلك يمكن يردوا علينا

فتفوته

مش مسألة طبع يا جماعة ....... من شهرين مراتي لقيت جواب من الجوابات الملتهبة اللي كنت بابعتهم أيام الخطوبة و راحت خبطاني على دماغي و قالتلي أيه اللي حصل ؟؟؟ قريت الجواب و كان هايفرقع في أيدي من شدة الشوق و سألت نفسي ....يمكن الشوق و الغياب هو اللي بيخلي الواحد يتكلم ......... دلوقتي كل زوج مراته في خلقته طول النهار :ninja: .... الشوق و البعد هما وقود الحب .... جربوا أنت بس تبعدوا شوية و مش هاتندموا

تم تعديل 21 أبريل 2009 بواسطة سهران

[SoSo R]

يا جماعة هو الموضوع قلب كوميدى خلاص!!!!

الست صاحبة الموضوع تقول ما فيش رجالة بيدخلوا ليه

ناس ترد بسؤال

وناس تدخل تجيب ضرف الموضوع

نتكلم بجد شوية بقى...

نحن لا نعيب على الرجال إنشغالهم فى مسئولية الرزق...والعمل...إلخ

كل ما نطلبه هو القليل من الكلمات الجميلة التى تسعد المرأة وتشبع أذنيها...حتى ولو فى المناسبات

كعيد ميلادها...عيد زواجكما...عيد العمال ....6 أكتوبر ...أى حاجة

إيه دة...يا نهار أبيض

دة قلب معايا أنا كمان كوميدى

ربنا يسامحكم

أقول للراجل إزاى خد الزبالة و أنت نازل الصبح

ألا صحيح...سؤال برىء

هى الكلمة دى بتزعلكم ليه يا رجالة

مش دة مطلب إنسانى

بدل ما البيت يتوسخ...و يؤدى إلى إنبعاث روائح غير مستحبة :ninja:

تحياتى

سوسورانى

[aboamar]

اقولها دايما احبك واقولها كمان بالمعاملة

[Scorpion]

أعتقد ان هذا السؤال يهم بالقام الأول المتزوجين القدامي .... بمعني علي الأقل منذ 10 / 15 سنة ....

هي كلمة تعبر عن شعور جميل و نبيل يطرأ عليه تغيرات السنين ...

عندما سألتني زوجتي في اوائل ايام زواجنا .. هل حبي لها سيظل هكذا "رومانسي" و بنفس الدرجة حتي اذا وصلنا الي مرحلة الكهولة ....

كان جوابي ان الحب سيظل دائمآ بنفس المقدار و لكن اسلوب التعبير عنه سيتغير بالطبع .....

بينما كانت كلمة "أحبك" تتكرر بصفة مستمرة في الأول ... مع مرور الوقت تركت مكانآ لكلمات و تعبيرات أخري لا تقل عنها أهمية ....

داخلي اشعر بحب زوجتي لي و اشعر بمدي الحب الذي أكنه لها ....

اشعر به في تضحية بسيطة يقوم بها واحدآ منا من أجل الآخر دون ان يظهرها ...

اشعر به في كل مرة تركت ملابس اتسخت ... لأجدها نظيفة و مرتبة بعناية في دولاب ملابسي ..

اشعر به في نظرة تفاهم .. في بسمة متبادلة ... في القيام بعمل شيء قبل ان يتم طلبه ..

اشعر به عندما يكون أكبر من العند في المبادرة بالخطوة الأولي بعد خلاف ما ...

اشعر به عندما يقوم أحدآ منا بالقيام بدلآ عن الآخر بدور ثقيل عل قلبه ... كالأعتذار مثلآ لأصدقاء أو أهل في حالة عدم الرغبة في لقاء ما .. أو مقابلة مدرسي جونيور ... او الرد علي مكالمة غلسة .. او كي "كوم" ملابس بدلآ منها .... الخ ...

و لكن الشعور وحده لا يكفي بالطبع بدون التعبير عنه ,,, لهذا ستظل الملكة المتوجة بالفعل هي تلك الكلمة البسيطة "أحبك" ... و التي يندر ان نقولها الآن ... و لكنها عندما تأتي .. تأتي بصدق و تغني عن كل المرات التي لم تقال فيها ....

[SoSo R]

الفاضل سكوب

كلامك جميل...كنت أنتظر أن يقوله أحدهم

الحب يظل ....ولكن التعبير عنه يختلف

يقل تأجج الشباب و الشوق الجارف...ليتحول لحب رزين..هادىء متعقل

وبرغم كل الأنشغالات

برغم الظروف

برغم التجارب الحياتية الصعبة

برغم كل هذا و ذاك...

تظل هذه الكلمة آسرة

لأقصى الحدود

تحياتى

سوسورانى

[nana]

بالفعل كلام جميل

وكان سؤالى لمجرد تذكره الجميع ان لاينسو فى مشاغل الحياه ان يعبرو عن مشاعرهم من حين لاخر لكن الحقيقه اتصدمت من ردود بعض الاخوه الى طلعو اساسا ماكانوش بيعبرو عن مشاعرهم لطرفهم الاخر روانا شخصيا لا اتصور ان انسان يستمر فى حياته بنفس واقبال بدون كلمات تقويه وتدعمه من حين لاخرمن شريك حياته