أمر بفترة يأس و احتاج مشورتكم

[MoHaMMeD EgYpT]

بسم الله الرحمن الرحيم

طبعا بما اننا زي الاخوة هنا و الاهل و بصراحة بحس في المحاورات انه بيتي التاني فقلت اصراحكم بحاجة كده بفكر فيها و بصراحة مش عارف اقول ايه لكن بجد نفسي اعملها و استريح

انا بجد نفسي انتحر و استريح

يعني انا شايف ان حياتي اساسا معظمها مشاكل في مشاكل و كل مشكلة تخلص ده لو خلصت تظهر لي الف مشكلة بدلها و مشاكل ساعات ما بيبقاش يد فيها لكن اهي بتحصل

انا عندي بتمام و الكمال 17 سنة تقريبا كلها هم في هم و مشاكل ملهاش اول من اخر

و مشاكل اساسا مليش يد فيها

يعني انا عندي مشكلة انا اساسا ماليش يد فيها ولا عاوزها و لا عاوز صاحبها و رامي طوبته من زمان اساسا و لولا اسمه لصق في اسمي كنت نسيت اسمه اساسا و ما اتشرفش ان اسمه في اسمي

الشخص ده بقا والدي اللي نفسي اقول في مرة الله يرحمه لكن اهوه مبلط فيها

انا عارف انه ده اسمه عقوق والدين لكن هو انا حيوان مثلا سمحني يا رب لكن هو اللي نسيني و سابني يبقي احزن ولا احرق دمي عليه ليه ؟؟ حد قاله يجبني اتعذب

والدي اللي الله ما يرحموش ان شاء الله بتاع كله يعني مخدرات و زي عادل امام كده استنجوها انتوا بقا سابني و انا ما كملتش شهرين و ساب والدتي و ساب هم ما بيخلصش يعني يا ريته سابنا كده لا ده اخد فلوس و اخد كل شئ تبع والدتي علشان يسبنا فطبعا بعد كده عيشتي اتطينت بسببه و والدتي بتكرهني بسببه و عيشتي اطينت اكتر و اكتر و اكتر لما جه زواج ام لكن اديني فضلت ادعي لربنا لحد ما اخده لكن ابويا اهوه لسا عايش و مبلط فيها عقوق والدين ولا مش عقوق انا حر اكره و بصراحة ما يشرفنيش اني اشوفه في يوم من الايام تاني و لو حتي صدفة ده كفاية اساسا اني عايش مع كل الهم اللي هو غلط فيه و في الاخر انه اللي اشيله كله و الله انا حاسس اني غلطة و يا ريت ربنا يمسحها و استريح

و ادي اكبر مشكلة في حياتي لحد ما اموت و حسبي الله و نعم الوكيل فيه

يعني علي الاقل اديني كنت عايش و بقول ربنا هيفرجها في يوم من الايام لكن بجد انا عايش ليه ؟؟ انا حاسس اني غلطة و اديني شغال ادعي ربنا ياخدني و يريحني

مشكلتي بقا اللي حصلت لي و انا في سني ده و اللي هتخلي حياتي تعيسة للابد و انا مش عارف ليه حصلي كده انا مالي و ماله انا واحد يدوبك عارف اسمه و مطلبتش منه حاجة غير لما جيت اسافر مع والدتي و طلبت منه شوية اوراق كده و بعد سبيته في حاله و اساسا مكانش عاوز يعملها و كتب ورقة كده مش فاكر علشان اقدر اسافر بره مصر مش فاكر اسمها المهم كاتب فيها قالي ايه انه مش مسئول عن اي مصاريف للحج و خلافه اذا انا فكرت اسافر السعودية و ان انا اللي اتحمل المصاريف كاملة لو روحت احج يعني انا اقول ايه لا حول ولا قوة الا بالله هي الكويت فيها حج و اساسا انا اول مرة اشوف كده يعني مش عاوزني احج كمان يمكن يكسب فيا ثواب و بجد مش عارف اقول ايه لكن اهوه مسودها في وشي يعني اللي بيشوف الورقة دي ما بيوقلش حاجة بيفضل يضحك :lol: ما اصل واحد معوق ذهنيا اللي يكتب ورقة زي دي

ده انا لو اقدر امحي اللي وراء اسمي من شهادة الميلاد والله اعملها

بجد عمره ما فكر يسلم عليا و لو لدقيقة غير مش فاكر مرة ولا اتنين في حياتي كلها و انا اللي روحت له و كان بسبب الاوراق اللي كنت محتاجها دي ولا عمروا ولا عمره هيدفع لي نفقة

ولا عمره اساسا ظهر في حياتي هو مجرد شئ كده بالنسبة لي زي ما نقول مثلا كفيل لواحد لكن الحمد لله ما بشوفش و مش محتاجه و اهوه هبقي 18 سنة قريب و اتصرف بحرية بقا و استريح منه ولا عمري هتطلب منه ورقة تاني

لكن هو انا ذنبي ايه لما يروح يتجوز و يجيب ولد و انا ادخل الجيش

هو انا ايه ذنبي اني جيت اساسا الدنيا انا حاسس اني غلطة بجد

سمحني يا رب لكن هو ربنا بيعمل كده فيا ليه ؟؟ اشمعنا انا ؟؟

اشمعنا انا اللي يحصل فيا كل ده

حياتي والله كلها مئاسي من اول ما اتولدت لحد ما هنتحر ان شاء الله و استريح

فقدت اغلي شئ في حياتي جدتي ( ام والدتي ) الله يرحمها

فقدت حاجة اسمها اب اساسا

فقدت حتي حاجة اسمها ام بسبب ابويا لان امي هي مش بتكرهني بالمعني يعني بس اهوه برده من حقها ماهي خسرت جامد

عرفت معني زوج الام معا انه بصراحة في الاول كان كويس في الاول بعد كده قلب عليا جامد

انا مش هكذب لما اقول اني عشت حياة كويس اقصد الاكل و الكلام ده لكن برده مش كل الحياة اكل و شرب

برده مش هكذب اني عندي اصحاب زي الرز يعني مش وحيد بس برده

فقدت نمط الحياة الاجتماعية انا بصراحة مش عارف اوضحها بس زي ما بيقولوا اني يعني زي اللي عنده تقوقع علي نفسه و انطواء

شوية عن العالم بس الحمد لله فقدت الحكاية دي شوية دلوقتي و انا اللي غيرتها بنفسي

عشت 1 سنة كاملة كاملة لوحدي في المحروسة مصر و انا عندي 15 سنة و كنت تقريبا عايش ب 300 جنيه في الشهر ولا بعرف اطبخ ولا يحزنون ولا كنت بعرف اغسل اطباق ولا اعمل اي شئ من اعمال المنزل ولا كنت بحب اذاكر لكن كان لازم غصب عني اعمل كده والا هموت في المحروسة مصر و اكيد طبعا متخيلين بملغ زي اللي قولته ده عيشتي عاملة ازاي بجد والله ساعات بيجي ايام ما بلقيش العيش الحاف والله ما بهزر و جه عليا ايام كتير في رمضان كنت بقعد مع الناس الغلابة في موائد الرحمن وليا اسباب الكتيرة في كده اولا لاني الفلوس علي الحافة و مستحيل هقدر اطبخ يعني هقول خفيف ثانيا البيت كان فاضي تماما و انا بصراحة ما كانش ليا نفس اكل في رمضان لوحدي و كمان الموائد اللي بتكلم عليها دي كانت نظيفة شوية و الناس كانوا بيروحوا لها من الساعة 3 تقريبا بجد ما بهزرش و كانوا بقا يقعدوا يحكوا و انا اسمع و اتكلم معاهم و عرفت اشكال و الوان من الناس مش شرط علشان موائد الرحمن ما اصل انا زي ما قولت كنت لوحدي تمام و البيت فاضي مافيش غير التلفزيون و الراديو هما اللي بيعملوا صوت المهم كنت بحب انزل اتمشي كده مع نفسي و اتعرف علي ناس و اتعرفت علي ناس محترمة و اتعرفت علي ناس يكيفيكم شرهم و اتعرفت علي اشياء كتير و حاجات كتير و اتعرفت علي ناس بتشرب مخدرات و اشياء تانية زي دي لكن انا مش عارف ليه ما شربتش و ليه مثلا ما جربتش wst:: معا ان كل شئ كان متاح والله لكن اهوه مش عارف صراحة و في خلال السنة دي الطفل اللي كان جوايا مات تماما تماما من السنة اللي قولت عليها دي طفل ايه بقا اللي يشوف مخدارات قصاد عينه و يشوف اشكال من الفساد و الوان بس طبعا ما جربتش ولا عمري هجرب ان شاء الله لكن مش عارف ليه انا مش عاوز اجرب ده كله غير طبعا ان ماكنش فيه تماما حد بياخد باله مني يعني مرضت مت خلاص كلب و راح ده غير طبعا اني اللي كنت بعمل كل حاجة بايدي يعني لو حصلت لي مشكلة مع الكهرباء مثلا و حصلت و اتكهربت بس مش مع الكهرباء لا مع سلك التليفون و يعني مثلا الدش باظ بحاول اصلحه و حصلت و الطبق اتغير اتجاه لكن الحمد لله صلحته و حاجات كتير زي دي ده طبعا غير اني ملزم مش ملزم يعني لكن انا كنت بروح المدرسة و اصحي نفسي الصبح و طبعا في المدرسة مافيش حاجة بالنسبة لي اسمها مصروف لان الميزانية مش هتكفي لكن اهي كانت حاجة ثانوية يعني الفطار او الحاجة الحلوة في المدرسة هتفرق في ايه يعني ده الفول و الطعمية احسن ده غير اني اساسا اللي كنت بذاكر لنفسي بس كنت باخد مجموعة رياضيات علشان ماكنش كذاب يعني لانها كانت مستحيلة بالنسبة للمذاكرة و الحمد لله نجحت و جبت تقريبا 85 % ازاي الله اعلم انا كنت بذاكر و ربنا سترها و نجحت كمان ده غير زي ما بيقولوا كنت ماشي تمام جانب الحيط لاني ما معيش اي اثبات هوية ولا حتي باسبور ماكنش معيا غير تقريبا شهادة الميلاد و للاسف منظري يدي 18 - 20 سنة يعني لما كانوا بيقوفونا في كمين كنت بترعب ما اصل انا مش ناقص بقا اروح علي الشرطة و يا عالم ايه اللي هيحصل و انا لا ليا واسطة غير ربنا و لو كنت امسكت اظن لو كنت حكيت لهم حكايتي كان زمانهم ادوني مكافاة و سابوني و خصوصا اني كان معيا وساطة جامدة اوي ربنا سبحانه و تعالي :lol: و اهي السنة كانت خلاص هتبقي اخر حاجة في عمري لاني خلاص كنت بموت بمعني الكلمة ما انا زي ما قولت غصب عني لازم اعيش علي ال 300 جنيه دول يعني ساعات فعلا كنت ما باكلش حاجة غير رغيف ولا اتنين بجد ما بهزرش و اصفرت علي الاواخر و كنت خلاص بموت والله لكن كنت مستخسر تمن المستشفي اكل بيهم ارحم لكن ربنا فرجها و سافرت الكويت مع والدتي :lol: و اتنقلت من عيشة البوئس و الفقر و الكلام ده كله الي حياة الرغد و الرفاهية و جو الاسرة تاني بس برده هو مش جو اسرة بمعني الكلمة ما انا زي ما قولت والدي السبب في مصايبي و بعد ما اتولدت مصايبي جات معيا من ابويا و مش عارف ليه هو انا بعد ما جيت الكويت رجع يحاول يكلمني تاني لكن ادينا رمينا رقمنا القديم و خليه يرن براحته و انا كنت قدامه 16 سنة كاملة في مصر يعني ماجش يسال غير لما جيت الكويت يعني افتكر ان عنده ابن دلوقتي و كان عارف اني قاعد لوحدي طول السنة اللي حاكيت عليها و سابني و بجد كان زماني في عداد الاموات لولا ربنا سترها و مش عارف ما موتش ليه كان زماني مستريح

والله العظيم دي قصة سنة واحدة من حياتي و ده مجرد 40 % من حياتي مش اكتر و بصراحة مش حابب احكي بقا عن زوج الام و الكلام ده خليها مستور و اهوه ادفن مع صاحبه اقصد زوج امي

المهم بقا المشكلة اللي مزعلاني و اللي طول عمري هفضل ابكي و مش بعيد والله انتحر بسببها لان طبيعي هفقد كل حاجة بسببها يعني مثلا مش هبقي زي اللي عنده 17 سنة مش هبقي اساسا محبوب من حد و هفقد اجمل حاجة في حياتي شبابي و md2: البنت اللي بحبها

ابويا ( حسبي الله و نعم الوكيل فيه ) عنده صلع

و انا خلاص عوارض الصلع بدات عندي و هبقي زيه mf) و انا في السن ده و شعري خلاص

و بسببه اكيد هفقد كله حاجة و حبيبتي و شبابي و كل شئ

بقا بالذمة دي حياة ده انا حاسس اني سبقت عمر ال 17 بمراحل كتيرة جدا امال لما ابقي 40 سنة يا عالم ده اذا كنت عايش ايه اللي هيحصل لي يعني تقريبا حياتي دي عمرها ما تحصل لشخص عادي ده نصها يكفي حياة شخص باكملها لحد ما يموت

لكن انا لسا مكمل ال 17 من شهر و كل ده حصل لي امال لما ابقي 40 سنة ايه اللي هيحصلي انا عمري ما شوفت حياة شخص بالطريقة دي يعني الواحد حياته بتبقي طبيعية يعني مافيش واحد في سن ال 15 سنة يعيش لوحده و لو حتي في اكبر بلد في العالم امريكا مافيش واحد حصله ده كله في حياته اشمعنا انا ؟؟ يعني والله انا كان نفسي حياتي تبقي طبيعية زي اي شخص عادي

هو انا عملت ايه غلط في حياتي علشان اتعذب كده ؟؟ ده جهنم ارحم

انا غلطتي اني مثلا ما اخترتش والدي و والدتي و بلدي

و لو عاوز اختار اختار ازاي

هو بجد اشمعنا انا اللي ربنا عمل فيه كده يعني ابويا اهوه عايش زي اي حد و الناس حوليا عايشين اشمعنا انا اللي يحصل له كل ده

هو انا عملت ذنب مثلا قبل ما اجي الدنيا علشان كده ربنا بيعقبني :blink:

والله ما بهزرش انا بفكر انتحر ايوة انتحر ما اصلي هفضل كده لحد امتي ؟؟ ما خلاص و هعيش علشان ايه ؟؟ nothing wst:: ابويا اهوه عايش و والدتي اهي كانت عايشة من قبل ما اجي الكويت و ما حدش بجد هيحزن عليا و هحزن عليا ليه يعني ؟؟ انا nothing

ايه رايكم والله الفكرة خلاص مسيطرة عليا و بفكر خلاص اني انتحر ما اصل ايه اللي باقي لي تاني ؟؟

جدتي اللي كانت اكتر من ام بالنسبة لي ماتت

شعري و هيروح

حبيبتي و هتروح ( اكيد طبعا كنت هتجوزها :lol: )

شوفت حياة ربنا ما يكتبهاش علي حد

كلوا راح حتي اني حاسس اني عايش ميت :sad:

يبقي ناقص ايه تاني ؟؟

هو ربنا بيعمل فيا ليه كده ؟؟

مش يمكن ربنا كاتب لي اني انتحر و استريح

و بصراحة انا نفسي والله انتحر اهي شكة دبوس و شوية وجع و خلاص مع السلامة

عنوان الموضوع الأصلي :

بفكر في الانتحار ايه رايكم و بالداخل هدية مجانية قصة حياتي كاملة بالتفصيل الملل و بجد مش عارف اشمعنا انا اللي بيحصل فيا كل ده ؟؟

تم تعديل 20 أبريل 2009 بواسطة Scorpion
تغيير عنوان الموضوع

[SoSo R]

طيب هابتدى معاك خطوة ..خطوة

أنت عايز تنتحر ليه بالضبط؟؟؟؟؟

عشان حاسس حياتك صعبة؟؟

عشان هتدخل الجيش؟؟

عشان شعرك بيقع و هتصلع؟؟

عشان مش هتتجوز اللى بتحبها؟؟

عشان والدك ما بيحبكش و ما بيتعاملش معاك؟؟

يا ريت تختار سبب واحد أو أتنين بالكتير من اللى قلته وترد عليا يخليك تنتحر

تحياتى

سوسورانى

[doudy]

ازيك يا محمد

ايه يا ابنى التشاؤم دة كله اكيد ربنا و قف معاك و سترها معاك زى ماانت قلت فى حاجات كتيير و الدنيا مش و حشة قوى للدرجة دى

عشان تستعجل اخرتك و بالطريقة اليائسة دى و هى الانتحار و العياذ بالله انا عندى اخويا الصغير يعنى اكبر منك بسنتين او ثلاثة

و حاسة بمشكلتك و عارفة اللى فى سنك بيفكروا ازاى بس زى ما بيقولوا هونها تهون و صغرها بتصغر باذن الله

و خلى دايما ايمانك بالله كبير و تاكد ان ربنا هيقف معاك و هيكون هوة اهلك و اصحابك و كل حد ليك فى الدنيا

و انت لسة صغير و الحياة قدامك و انشاء الله كل المشاكل اللى انت مضايق منها ما تخليهاش تهزمك بل بالعكس تقويك

و عايزة اقولك كمان ان انت ما لكش اى دخل بمشكلة والدك مع والدتك

دى حكاية خاصة بيهم ليه بتحمل نفسك ذنب انت ما ارتكبتوش انت بكرة هتبقى رب اسرة و حاول انك تعوض كل اللى انت فقدتوا فى

اولادك اغمرهم بعطفك و حنانك و ان شاء الله تربيهم كويس و تكون ناجح فى حياتك

و اياك اياك ان تفكر بالانتحار دة ضعف و انت اكيد مش رجل ضعيف مش كدة برضه واجه مشاكلك

[اسماعيل امين]

الاخ العزيز محمد

احيانا تمر بي ظروف مؤلمه لا داعي لذكرها .عارف ساعتها بأعمل ايه .اخد دش ميه واصلي ركعتين لله وانا كلي صدق. اصل احيانا كثيره لدرجه ان تدمع عيني طالبا وراجيا من الله سبحانه وتعالي ان يلهمني الصواب ويمدني بالعون .وفي لحظات الضيق استمع الي سوره الرحمن بصوت الشيخ احمد العجمي كثيرا.واندر شئ في نفسي (قل من الندر وأوفي ) لوجه الله .تصدق يامحمد انا اتجه الي الله بمنتهي الصدق في اشد لحظات الحزن والفرح ايضا .

اخي محمد لو فكرت قليلا ستجد انك رغم كل ذلك في ظروف افضل من غيرك .تخيل لو كان لك ثلاثه او اربعه اخوه بنات صغار والمطلوب اشياء كثيره لهم وانت المسئول الوحيد عنهم .هناك امثله اكثر صعوبه لن اذكرها لك .

واضح انك ابن نكته وسوف تستطيع التغلب علي هذه المشاكل .علي سبيل النكته انا اصلع منذ مده طويله ولكن وهبني الله سبحانه وتعالي زوجه صالحه .

رجاء اخير حاول ارسال شئ علي قدر الامكان لوالد (...يقطعوني واصلهم ....الي عند الله ما يرحش يرد لك في اولادك او احفادك ).

ياريت كل الناس مشاكلها مثل مشكلتك .

الي اللقاء يامحمد .

[MoHaMMeD EgYpT]

طيب هابتدى معاك خطوة ..خطوة

أنت عايز تنتحر ليه بالضبط؟؟؟؟؟

عشان حاسس حياتك صعبة؟؟

عشان هتدخل الجيش؟؟

عشان شعرك بيقع و هتصلع؟؟

عشان مش هتتجوز اللى بتحبها؟؟

عشان والدك ما بيحبكش و ما بيتعاملش معاك؟؟

يا ريت تختار سبب واحد أو أتنين بالكتير من اللى قلته وترد عليا يخليك تنتحر

تحياتى

سوسورانى

انا زي ما قلت اني مش عاوز حاجة من والدي صح انا ذنبي ايه بقا اني يحصل لي اللي حصله انا ذنبي ايه ان شعري يقع و شعي هقر في كله يعني شعري بعيدها كله هيضيع طبعا حبيبتي هتتجوز ازاي اساسا واحد شعره طار wst:: يعني حبيبتي هتروح و منظري باظ يعني انا اظن ان اللي هيتعامل معيا هيتعامل معيا بقرف و انا متاكد من كلامي ده و شبابي ضاع و كله تقريبا هيضيع ما اصل هعيش علشان ايه بعد كده ؟؟ مافيش

بخصوص والدي انا مش زعلان انه سابني انا زعلان انه غلط اساسا و جابني و كنت اتمني من كل قلبي انه ما يكونش والدي

بخصوص الجيش لسا اجله ما جاش الحمد لله انا عارف انه مشكلة بس اديني ممكن ادخله يعني الجيش مش حرام ولا صعب بس انا بصراحة مش عاوز لكن اهوه لو دخلت عادي بس ان شاء الله مش هدخله

انا حياتي مش فاهمها صراحة يعني هو انا عايش ليه ؟؟ و اشمعنا انا بالذات اللي بيحصل لي كل ده ؟؟ انا عشت حياة مافيش انسان يتحملها يعني لو كنت عايش مع اسرة فقيرة بس اسرة بمعني الكلمة كنت هبقي فرحان والله لكن حياتي دي انا مش عارف هي مالها عاملة كده

والله انا قرفت من كل شئ md2:

[SoSo R]

بص يا محمد ..

أنا ممكن أفهم إنك تفكر تنتحر لأى سبب...

لكن تقولى أنتحر عشان شعرى بيقع...و أبويا هو السبب فى وقوع شعرى

وشكلى باظ و ما حدش هيرضى يتجوزنى ولا يبص فى وشى؟؟!!!!!!!

أهه الحقيقة دة أسميه تهريج...و تضييع لوقتك ووقتنا

يعنى واضح من الناس اللى دخلت ردت عليك...إنهم مصدقينك...متعاطفين معاك...مشفقين عليك

لكن من فضلك ما تستخفش بعقولنا

لو عندك أسباب جدية يا محمد...أنا مستعدة أكمل معاك الحوار

لأن زى ما أنت قلت فى الأول كلنا أخوات...و المحاورات بيتنا

تحياتى

سوسورانى

[MoHaMMeD EgYpT]

ازيك يا محمد

ايه يا ابنى التشاؤم دة كله اكيد ربنا و قف معاك و سترها معاك زى ماانت قلت فى حاجات كتيير و الدنيا مش و حشة قوى للدرجة دى

عشان تستعجل اخرتك و بالطريقة اليائسة دى و هى الانتحار و العياذ بالله انا عندى اخويا الصغير يعنى اكبر منك بسنتين او ثلاثة

و حاسة بمشكلتك و عارفة اللى فى سنك بيفكروا ازاى بس زى ما بيقولوا هونها تهون و صغرها بتصغر باذن الله

و خلى دايما ايمانك بالله كبير و تاكد ان ربنا هيقف معاك و هيكون هوة اهلك و اصحابك و كل حد ليك فى الدنيا

و انت لسة صغير و الحياة قدامك و انشاء الله كل المشاكل اللى انت مضايق منها ما تخليهاش تهزمك بل بالعكس تقويك

و عايزة اقولك كمان ان انت ما لكش اى دخل بمشكلة والدك مع والدتك

دى حكاية خاصة بيهم ليه بتحمل نفسك ذنب انت ما ارتكبتوش انت بكرة هتبقى رب اسرة و حاول انك تعوض كل اللى انت فقدتوا فى

اولادك اغمرهم بعطفك و حنانك و ان شاء الله تربيهم كويس و تكون ناجح فى حياتك

و اياك اياك ان تفكر بالانتحار دة ضعف و انت اكيد مش رجل ضعيف مش كدة برضه واجه مشاكلك

والله اخرتي ارحم من اني اتعذب كده و لامتي هفضل ماسك نفسي والله انا حاسس اني عايش ميت و بجد حياتي كلها مشاكل زي ما حضرتك شوفتيها و عمرها في مرة ما اتحسنت بالعكس دي تطين اكتر و اكتر كل مرة و الشئ اللي اسمه والدي بجد هو تقريبا سبب معظم مشاكلي هو لما ساب والدتي اكيد طبعا من حقها تغضب مني و تكرهني مش بالمعني يعني بس طبعا لازم هتحس كده لانه تعابها و انا اللي شلت غلطته و بقيت حاسس اني غلطة امي بتحاسبني عليها و هو اساسا مسحني من حياته

مش يمكن اكون انا غلطة ؟؟ و اديني هصلحها و استريح انا كمان بالانتحار يعني ايه اللي هيحصل يعني يعني انا كنت هشوف ايه جديد لو فضلت عايش ؟؟ مافيش غير هم و غم و حزن

[torontoz]

العضو محمد..احيانا الموت بيكون راحة من اشياء كثيرة.ولكن ارجوك لاتنتحر فتخسر دنياك وآخرتك..وتذكر دائما وابدا نيوزيلند تلك البلاد المترامية الاطراف عندما تكون حزينا ..ولكن اذا لم يكن هناك حل آخر ولابد من الموت ..فعليك بالاستفادة منه ..يخلد اسمك في سجلات الابطال والشهداء..ويدخلك الجنة من اوسع ابوابها..توكل علي الله وانت تعلم اين تنول الشهادة..

[MoHaMMeD EgYpT]

بص يا محمد ..

أنا ممكن أفهم إنك تفكر تنتحر لأى سبب...

لكن تقولى أنتحر عشان شعرى بيقع...و أبويا هو السبب فى وقوع شعرى

وشكلى باظ و ما حدش هيرضى يتجوزنى ولا يبص فى وشى؟؟!!!!!!!

أهه الحقيقة دة أسميه تهريج...و تضييع لوقتك ووقتنا

يعنى واضح من الناس اللى دخلت ردت عليك...إنهم مصدقينك...متعاطفين معاك...مشفقين عليك

لكن من فضلك ما تستخفش بعقولنا

لو عندك أسباب جدية يا محمد...أنا مستعدة أكمل معاك الحوار

لأن زى ما أنت قلت فى الأول كلنا أخوات...و المحاورات بيتنا

تحياتى

سوسورانى

انا والله بتكلم جد بخصوص الانتحار يمكن يكون السبب تافه بالنسبة للبعض لكن بجد انا زهقت ما اصل حياتي كلها كده مش علشان شعري بس لا ما اصل حياتي كانت كده علطول لكن يمكن علشان هخسر جامد المرة دي فكرت في كده بس والله انا بفكر انتحر و انا بجد كل كلمة قولتها حقيقية يعني انا هفضل مستحمل لامتي ؟؟ و هو انا اساسا عايش ليه ؟؟

و انا والله ما قصدي استخف بعقل حد و انا اسف لكل واحد حاسس اني بستخف بعقله لكن هي دي حياتي و حبيبت افضفض باللي في قلبي

[MoHaMMeD EgYpT]

العضو محمد..احيانا الموت بيكون راحة من اشياء كثيرة.ولكن ارجوك لاتنتحر فتخسر دنياك وآخرتك..وتذكر دائما وابدا نيوزيلند تلك البلاد المترامية الاطراف عندما تكون حزينا ..ولكن اذا لم يكن هناك حل آخر ولابد من الموت ..فعليك بالاستفادة منه ..يخلد اسمك في سجلات الابطال والشهداء..ويدخلك الجنة من اوسع ابوابها..توكل علي الله وانت تعلم اين تنول الشهادة..

والله شكرا علي نصحيتك اللي يمكن ثلاثة سطور لكن والله فيها معاني كتير و خلاص بقا نيوزيلندا ايه بقا wst::

[doudy]

العضو محمد..احيانا الموت بيكون راحة من اشياء كثيرة.ولكن ارجوك لاتنتحر فتخسر دنياك وآخرتك..وتذكر دائما وابدا نيوزيلند تلك البلاد المترامية الاطراف عندما تكون حزينا ..ولكن اذا لم يكن هناك حل آخر ولابد من الموت ..فعليك بالاستفادة منه ..يخلد اسمك في سجلات الابطال والشهداء..ويدخلك الجنة من اوسع ابوابها..توكل علي الله وانت تعلم اين تنول الشهادة..

تقصد ايه يا اخى الفاضل بنيوزيلند و اشمعنى يتذكر نيوزيلند ارجو ان توضح قصدك عشان نفهم

و كمان عبارة (( انت تعلم اين تنول الشهادة )) الموت يكون عندما يريد الله و يحين الاجل

الولد محبط و يائس و لسة 17 سنة و انت بتكلمه في ايه الله يكرمك

[د هشام ابراهيم]

محمد باشا

حاخش في الموضوع علي طول

هو إنت عايش ليه ؟ مش إنت بس .....بني آدم كلهم عايشين ليه ؟

اجابة بسيطة : الحياة إمتحان ...و إمتحان صعب كمان .... عمر ما الدنيا حتبقى كلها سعادة و هناء و فرح و و .....امال اسمها دنيا ليه ..... دنيا من الدنو لأن فيه حياة تانية أحلي و أعلي و أجمل ....فوق ما أي حد يتصور

يبقى إيه الحل ....أستهدي بالله و استعذ من الشيطان الرجيم و كمل امتحانك ...قصدي حياتك ..... الانتحار معناه انك سبت امتحانك و اجاباتك كانت غلط ......سقوط مزري يعني ...أكيد إنت مش عايز تسقط في أهم إمتحان علي الاطلاق و لا إيه ؟ wst:: ..... تحياتي يا باشا

[torontoz]

تقصد ايه يا اخى الفاضل بنيوزيلند و اشمعنى يتذكر نيوزيلند ارجو ان توضح قصدك عشان نفهم

و كمان عبارة (( انت تعلم اين تنول الشهادة )) الموت يكون عندما يريد الله و يحين الاجل

الولد محبط و يائس و لسة 17 سنة و انت بتكلمه في ايه الله يكرمك

اذكر نيوزيلند لسبب حب العضو محمد الشديد لها..اذن يمكن ان تكون سبب يمنعه من الانتحار..

نعم ..والانتحار ايضا عندما يريد الله ويحين الاجل؟اقصد اذا كان ولا بد لا مفر من الانتحار فيجب عليه ان يستثمره ويحوله من انتحار الي شهادة بعد ان يستخير الله فيها..والله اعلم..اما عن موضوع ال ١٧ سنة فهذا لا يعنيني في شئ..والمفروض ان ادارة المنتدي توقفه فورا حتي يبلغ الثامنة عشر ..

[MoHaMMeD EgYpT]

محمد باشا

حاخش في الموضوع علي طول

هو إنت عايش ليه ؟ مش إنت بس .....بني آدم كلهم عايشين ليه ؟

اجابة بسيطة : الحياة إمتحان ...و إمتحان صعب كمان .... عمر ما الدنيا حتبقى كلها سعادة و هناء و فرح و و .....امال اسمها دنيا ليه ..... دنيا من الدنو لأن فيه حياة تانية أحلي و أعلي و أجمل ....فوق ما أي حد يتصور

يبقى إيه الحل ....أستهدي بالله و استعذ من الشيطان الرجيم و كمل امتحانك ...قصدي حياتك ..... الانتحار معناه انك سبت امتحانك و اجاباتك كانت غلط ......سقوط مزري يعني ...أكيد إنت مش عايز تسقط في أهم إمتحان علي الاطلاق و لا إيه ؟ wst:: ..... تحياتي يا باشا

بس انا خلاص فشلت انا جيت في مكان و حياة مش مستحملها و بالنسبة لي كله حزن في حزن و صدقني انا حزنت اكتر مما فرحت بكتير و افرح امتي اساسا صدقني انا نفسي عمري ما شوفت حياة شخص طبيعي عامله كده و بصراحة انا مش قادر اكتر من كده انا اتحملت كتير اوي اوي اوي اوي لحد امتي هفضل استحمل لحد امتي لحد ما اصحه في يوم القي نفسي ولا شئ و يبقي بعد التعب ده كله ماكسبتش غير وجع القلب و حرقة الدم

[MoHaMMeD EgYpT]

فعلا زي ما الاستاذ toronoz قال اني فعلا بحب نيوزيلندا و كان نفسي اروحها فهو علشان كده بيكلمني عليها

و شكرا لحضرتك يا استاذة doudy و الله مقدر مساعدتك و شكرا للاستاذ toronoz انا مقدر انه عاوز يساعد و فاهم انه همه مصلحتي لان فعلا لو فكرت في الانتحار العادي يبقي موت و خسرت كل حاجة لكن لو مت شهيد علي الاقل يبقي كسبت اخرتي

[MoHaMMeD EgYpT]

تقصد ايه يا اخى الفاضل بنيوزيلند و اشمعنى يتذكر نيوزيلند ارجو ان توضح قصدك عشان نفهم

و كمان عبارة (( انت تعلم اين تنول الشهادة )) الموت يكون عندما يريد الله و يحين الاجل

الولد محبط و يائس و لسة 17 سنة و انت بتكلمه في ايه الله يكرمك

اذكر نيوزيلند لسبب حب العضو محمد الشديد لها..اذن يمكن ان تكون سبب يمنعه من الانتحار..

نعم ..والانتحار ايضا عندما يريد الله ويحين الاجل؟اقصد اذا كان ولا بد لا مفر من الانتحار فيجب عليه ان يستثمره ويحوله من انتحار الي شهادة بعد ان يستخير الله فيها..والله اعلم..اما عن موضوع ال ١٧ سنة فهذا لا يعنيني في شئ..والمفروض ان ادارة المنتدي توقفه فورا حتي يبلغ الثامنة عشر ..

شكرا لحضرتك علي محاولة المساعدة

[د هشام ابراهيم]

محمد باشا

حاخش في الموضوع علي طول

هو إنت عايش ليه ؟ مش إنت بس .....بني آدم كلهم عايشين ليه ؟

اجابة بسيطة : الحياة إمتحان ...و إمتحان صعب كمان .... عمر ما الدنيا حتبقى كلها سعادة و هناء و فرح و و .....امال اسمها دنيا ليه ..... دنيا من الدنو لأن فيه حياة تانية أحلي و أعلي و أجمل ....فوق ما أي حد يتصور

يبقى إيه الحل ....أستهدي بالله و استعذ من الشيطان الرجيم و كمل امتحانك ...قصدي حياتك ..... الانتحار معناه انك سبت امتحانك و اجاباتك كانت غلط ......سقوط مزري يعني ...أكيد إنت مش عايز تسقط في أهم إمتحان علي الاطلاق و لا إيه ؟ wst:: ..... تحياتي يا باشا

بس انا خلاص فشلت انا جيت في مكان و حياة مش مستحملها و بالنسبة لي كله حزن في حزن و صدقني انا حزنت اكتر مما فرحت بكتير و افرح امتي اساسا صدقني انا نفسي عمري ما شوفت حياة شخص طبيعي عامله كده و بصراحة انا مش قادر اكتر من كده انا اتحملت كتير اوي اوي اوي اوي لحد امتي هفضل استحمل لحد امتي لحد ما اصحه في يوم القي نفسي ولا شئ و يبقي بعد التعب ده كله ماكسبتش غير وجع القلب و حرقة الدم

اجابة غلط md2:

الفشل في إمتحان الحياة هو القنوط من رحمة الله و الانتحار مهما كان مسمي الانتحار

أوعي تفتكر يا باشا انك الوحيد اللي حياته صعبة أو انك الوحيد اللي بتصادفه مشاكل .... تبقى غلطان يا عزيزي ..... لو شفت مصايب غيرك حتهون عليك مصايبك بس احنا البني آدمين كده ...كل واحد فاكر إن حمله أكتر من غيره

عارف يا باشا ...لو كل واحد صادفته مشاكل أنتحر ما كانش حد فضل في الدنيا ..... قوم يا باشا أتوضي و صلي ركعتين لله ....استغفر و ادعي .....

كمل الامتحان يا محمد باشا أوعي تسيب اللجنة و تخرج :blink:

[جيمي]

صباح التشاؤم يا حج محمد بقى انا بقى يا سيدى لسه صاحى من النوم ماغسلتش وشى حتى وبقول يا هادى الاقي واحد عاوز ينتحر والناس كلها تقولو ارجع يا مجنون وهوه مصمم ينتحر

تنتحر ايه يابنى على الصبح ......... انت مش قاعد ادام كمبيوتر وفى وصلة نت وجمبك كوباية الكباشتينو وانت بتكتب الكلام ده .....وبتفكر كمان فى الانتحار زى الناس الرومانسيه اللى بنشوفها فى الافلام :blink: :lol: والله ده نوع من انواع الرفاهيه البحته اللى تتحسد عليها .....

بالنسبه لابوك انا اذكر مره انى بفتح التلفزيون من زمان على برنامج ايه مش فاكر معلش انا لسه صاحى من النوم وماصطبحتش لقيت فى اب ميكانيكى كان بيعاقب ابنه علشان مش فاكر كسر ايه فى العربيه الراجل ده فضل يكهرب الواد ويبل رجليه ميه ويكهربه لعند مالواد حصلت فى رجله غرغرينه من التقرحات والكهربه والكلام الفارغ ده فللاسف الواد رجليه كان لازم تتقطع بتر يعنى هوه ده مش بنى ادم زيي وزيك وده اب الله يسامحه بقى

حاله تانيه انا فى واحد صاحبى فضل يشتغل وابوه ياخد فلوسه اول باول ويصرفها على مزاجه والواد عمره ماشتكالى الا مره وانا كنت فى الكليه فى اخر سنه كنت بقوله انا نفسى اخلص واصرف على نفسى انا زهقت من حكاية المصروف دى قالى انت زهفت علشان بتاخد فلوس الله يكون فى عونك wst:: امال انا اعمل ايه بقالى 3 سنين شغال فى بلد عربى شقيق وفلوسى مع ابويا او كانت معاه ......بعده بفتره قصيره ابوه ده مات فجاه (الله يرحمه)والله صاحبى بكى بكاء انا ماكنت متوقعه

مش زيك كل ماواحد مضايقك يموت تعمل بارتى ونفسك كل اللى مضايقينك يموتو علشا تستريح

اوعى تدعى عليه انا كمان ...ده انا غلبان :lol:

وبعدين يا سيدى من نص كلامك

سمحني يا رب لكن هو ربنا بيعمل كده فيا ليه ؟؟ اشمعنا انا ؟؟

استغفر بس وتوب يا بنى وماتعتردش على ارادة ربنا

فقدت اغلي شئ في حياتي جدتي ( ام والدتي ) الله يرحمها

الله يرحمها بس الموت دى النهايه الطبيعيه لينا كلنا وكلنا فقضنا ناس من اعزالناس علينا وتستمر الحياه

انا مش هكذب لما اقول اني عشت حياة كويس اقصد الاكل و الكلام ده لكن برده مش كل الحياة اكل و شرب

والله فى ناس ماهى لاقياه

برده مش هكذب اني عندي اصحاب زي الرز يعني مش وحيد بس برده

الله wst:: مانت شاب روش اهوه امال ايه اللى طلع الانتحار ده فى دماغك

طيب انت وانت عندك اصحاب مافكرتش ان فى ناس ياعينى من كتر الشغل ومشاكل الدنيا فقدت كل اصحابها ولو فى واحد عزيز عليه قابلو من اصحابه بيبقى نفسو يقف بس شويه معاه بس اخخخخخخ مش فااضى

فقدت نمط الحياة الاجتماعية انا بصراحة مش عارف اوضحها بس زي ما بيقولوا اني يعني زي اللي عنده تقوقع علي نفسه و انطواء

يا عم تقوقع ايه بس تلاقى النت هوه اللى واخد كل وقتك ....افتح الشباك كده واستنشق هوا نقى

عشت 1 سنة كاملة كاملة لوحدي في المحروسة مصر و انا عندي 15 سنة و كنت تقريبا عايش ب 300 جنيه في الشهر

يابن الايه ده مرتب موظف شحط محط وبيصرف منه على اسره كمان مش معاك عشره جنيه سلف :lol:

ولا بعرف اطبخ ولا يحزنون ولا كنت بعرف اغسل اطباق

ماساه حقيقى فعلا

و يعني مثلا الدش باظ بحاول اصلحه و حصلت و الطبق اتغير اتجاه لكن الحمد لله صلحته

عندك دش وانت طالب فى التانوى وبتدعى الفقر

و انا خلاص عوارض الصلع بدات عندي و هبقي زيه mf_Flush.gif و انا في السن ده و شعري خلاص

و بسببه اكيد هفقد كله حاجة و حبيبتي و شبابي و كل شئ

فى دى عندك حق :sad:

و بصراحة انا نفسي والله انتحر اهي شكة دبوس و شوية وجع و خلاص مع السلامة

شكلك ماشوفتش حد وهوه بيموت قبل كده ولا سمعت عن سكرات الموت

اوعى يا محمد تكون فاكر انى بستخف بمشاعرك او مش مقدر مشاكلك بس قارن نفسك بحال ناس كتير هتلاقى نفسك سوبر لوكس :lol:

ودور ياخى على الحاجات الكويسه اللى عندك والله هتلاقى كتير

وظبط موودك يا حماده من صغرك كده يا باشا ومتخليش عندك ميول اكتآبيه من دلوقتى انت لسه ما ماقابلتش المشاكل اللى فعلا بجد ويارب ان شاء الله ماتقابلهاش

وبعدين الدنيا كلها ابتلاءات يا سيدى ....ومش هتقف علشان حد ....وتستمر الحياه md2:

[dongol]

أنا عايز أفكر الاخ محمد بايتين من القرأن فيهم حل لكل مشاكله

بسم الله الرحمن الرحيم

"الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله و نعم و الوكيل قانقلبوا بنعمه من الله و فضل لم يمسسهم سوء و اتبعوا رضوان الله و الله ذو فضل عظيم"

و الثانيه هي

"فهل عسيتم ان توليتم ان تفسدوا في الارض و تقطعوا ارحامكم"

يا أخي لو اقتربت من الله كل ما انت فيه سيهون و سوف يبدل الله عسرك يسرا باذن الله لكن من الواضح ان حضرتك عايز تستسهل و تنتحر و لكن صدقني دي هتكون بدايه المتاعب و يا لها من متاعب لو صبرت عليها

إِنَّ الْمُجْرِمِينَ فِي عَذَابِ جَهَنَّمَ خَالِدُونَ لا يُفَتَّرُ عَنْهُمْ وَهُمْ فِيهِ مُبْلِسُونَ وَمَا ظَلَمْنَاهُمْ وَلَكِنْ كَانُوا هُمْ الظَّالِمِينَ وَنَادَوْا يَا مَالِكُ لِيَقْضِ عَلَيْنَا رَبُّكَ قَالَ إِنَّكُمْ مَاكِثُونَ

يعني حضرتك عايز تبدل عذاب 17 سنه قضيتهم في الدنيا بالخلود في نار جهنم يبقي فين العقل في كده

يا اخي اتبع كلام القران و اسجد لله و اقترب منه و انشاء الله في المستقبل هتضحك علي الايام دي و تقول يا ريتها كانت فضلت

دنجل

[زعلان]

ازيك يا محمد عامل ايه

واضح انك محبط و اكيد عندك اسباب مقنعه وو اضحة

انت شايف الحياة صعبة وانها متكالبة عليك وان كل شيء ضدك

واكيد عندك حق وانا مصدقك و لو كنت مكانك كانت حافكر زيك كده بالضبط

انت شايف الانتحار هو الحل ....... ولا هل ممكن يكون في حل تاني

جاوبني و حنرجع نتكلم