أمر بفترة يأس و احتاج مشورتكم

[fatfouta]

محمد انا مش عارفة انت عاوز ايه والله بالضبط

مانت قبل كده عملت موضوع بتاع هو انا عايش ليه وقلنالك نفس الكلام

وقلنا يا بنى كل الحاجات دى هتفتكرها وتضحك عليها وانت لسه صغير جدااااااااااااااا على انك تفكر بالاسلوب ده

محمد انا مش عاوزة اعقدك بس كل ما الواحد بيكبر كل مابيشوف اكتر ولو مش مستحمل من دلوقتى يبقى روح بقى ياللا...... ولا بلاش ربنا معاك مش هقدر اقولك اكتر من كده بس بص حواليك كده

هتلاقى ناس كتير عندها مشاكل نفسية واجتماعية وجسدية وانت ربنا مديلك نعمه حتى التفكير يبقى بقى فكر فى ربنا شوية حرام عليك كده

ايه ستوا ولا جدتى ماتت ده !؟ ماكلنا هنموت واحمد ربنا انك لاقى حد فيه ناس بتتولد يتيمة وبيطلعوا ذى الفل

اهم حاجة ان احنا المشاكل والصعاب اللى بتواجهنا تخلينا اقوى مش نمشى بقى ورا الشيطان واقول انتحر والكلام ده....... عيب عليك كده انت راجل دلوقتى مش صغير واظن ان اللى انت شفته فى حياتك يخليك اقوى من كده

قوم يا بنى صلى ده انت عملتلى توتر عالصبح وبلاش تفكر كتير فى نفسك فكر فى اللى حواليك شوية وذى ماقالولك الاخوة اللى بيشوف مصيبة او سورى بلوة غيره بتهون عليه بلوته فكرلك كده فى كام بلوة حواليك وتأمل فيهم هتقول ده انا عايش فى هنا وهتحمد ربنا

كفايه كده بجد انا مش عاوزة اطول عليك وهدعيلك

ملحوظة ليك انت يا محمد

شايف يا محمد ولا بلدك حلوين اذاى ؟ ولما شافوك مضايق كله دخل يطبطب عليك ويواسيك .............. مش انت بقى عمال تقول مصر وبنعمل ليه كده فى بعض ولو لم اكن مش عارف ايه كنت بقيت ايه قول بقى الله عليكوا يا ولاد بلدى والله ماهتلاقى ذيهم ستات ورجاله ذى الفل ربنا يحميهم ويهديك يا رب

ياللا قوم صلى .... وربنا يخليك خف من النت شوية اللى قلب دماغك ده شوف مذاكرتك وخليك مع ربنا احسن

ماتزعلش منى لو ضايقتك بكلامى بس انت استفزتنى ووترتنى يا اخى حرام عليك والله انا ساكتالك بس عشان اسمك على اسم ابنى المفروض انت بقى اللى تواسينا عشان اللى عملته فينا عالصبح ده

فتفوته

[tawfeek]

بسم الله الرحمن الرحيم

أخي العزيز كلنا نعاني مش بس حضرتك وصدقني كل واحد عنده معاناه والي ماعندوش معانه بيدور علي حاجه علشان يعاني منها أذكر الله يأخي أذكر الله ، حاول تبص علي ناس تكون بتعاني أكتر منك شخص مريض بالسرطان أو أو أو أو ، شخص فقد زراعه أو رجله في حادث وألأهات كتيرررررررررررررررر قوي المهم يكون عندن أيمان بالله أذكر والدك بالخير مهما كانت أفعاله وسامح علشان ربنا يساعدك

وأنا واثق أن الفرج قريب أن شاء الله

[عنبو]

السلام عليكم ورحمة الله وبركاته

بالنسبه لموضوع الانتحار ده كده خسران دنيا ودين واخره يعنى تبقى باظت من كله

لكن بالنسبه لمشاكلك ياعم انا حاسس انك مكبر الموضوع شويه ياعم انا مريت بظروف مايعلم بيها الاربنا والحمد لله عدت وانا دلوقتى ولله الحمد ربنا ميرها معايا والايام الصعبه اللى عشتها راحت لحالها وانا احتسبت اجرها عند الله

بس انا عاوز اقولك حاجه فيه ناس يامحمد عندهم مشاكل افظع منك بكتير انزل ورح قسم الغسيل الكلوى فى المستشفيات وشف الشباب اللى هناك اللى لسه عندهم 20 سنه ومرضى فشل كلوى وكل واحد فيهم كان عنده اماله وطموحه انزل شوف الناس عامله ازاى

شوف اسره عايشه ب 300 ج وبيصرفوا منهم على المرض والتعليم واالاكل والشرب انت لو شفت الناس دول هتحس انك مرفه بالنسبه لهم والناس كلها تعبانه مش انت بس اللى تعبان لكن لو كل واحد وقف عند مشكلته واقعد يركز فيها ويفكر فى الانتحار يبقى الدنيا كان كلها خلصت من بدرى واوعى تفكر انك لوحدك بس الى عندك مشاكل والله يامحمد انا مريت بظروف لو عندى وقت كنت ممكن احكيها لك والحمد لله كنت بحتسب ده كله عند ربنا وكنت بتعب واعمل كل اللى فى جهدى علشان اطلع من المشكله الى انا فيها فرجاء دور على سبب مشكلتك وحاول تعالجه مش تقعد تندب حظك ؟؟؟؟

وياريت متزعلش من كلامى

[fatfouta]

يا جماعة محمد راح فين يعنى ماردش انا خايف والله احسن يكون انتحر بجد لما ردينا عليه لا نكون احبطناه

طب هقولك على حاجة تضحكك يا محمد لو كنت لسه صاحى قصدى عايش يعنى

الصبح اول مابصيت فى موضوعك لقيت العنوان فيه كلمه (وهدية) وعنها يا بنى قمت اوبااااااا داخلة علطول عشان بحب الهدايا المجانيه والعروض والحاجات دى ولاقى ايه واحد عاوز ينتحر والله جالى احباط وقعدت فترة على ماستجمعت قوايا وكتبت

ياللا اضحك بقى ولا بايخة ولا ايه مش عارفة

يابنى رد علينا انا كده قلقت والله

فتفوته

[الجدار]

يا جماعة محمد راح فين يعنى ماردش انا خايف والله احسن يكون انتحر بجد لما ردينا عليه لا نكون احبطناه

طب هقولك على حاجة تضحكك يا محمد لو كنت لسه صاحى قصدى عايش يعنى

الصبح اول مابصيت فى موضوعك لقيت العنوان فيه كلمه (وهدية) وعنها يا بنى قمت اوبااااااا داخلة علطول عشان بحب الهدايا المجانيه والعروض والحاجات دى ولاقى ايه واحد عاوز ينتحر والله جالى احباط وقعدت فترة على ماستجمعت قوايا وكتبت

ياللا اضحك بقى ولا بايخة ولا ايه مش عارفة

يابنى رد علينا انا كده قلقت والله

فتفوته

للأسف انا ماكنتش عايز أرد عالموضوع لأنه من الآخر شغل عيال

وسامحوني أني حبقى قاسي شوية

بصراحة الموضوع زاد عن حده

زي ما قلتي يا أختي من شويه ان الأخ محمد كان عامل الموضوع ده من فترة

وكلنا دخلنا وناقشناه وكالعاده بقه اتفتح من الأذن اليمنى حتى الأذن اليسرى بـ هههههههههههههههههههههههههههههههههههههههههههههههه

رابط الموضوع

من الآخر ومن غير لا طبطب ولا دلع

اللي مش أد الحياة يسيبها ويخسر دنيته وأخرته

واللي عايز ينتحر بينتحر من غير ما يقول لحد

مش عارف هي محاولة للفت النظر ولا ايه مش عارف

زي اللي بيبقى عايز يسيب المنتدى يروح عامله موضوع وانا ماشي ومش راجع

والناس تبوس في إيده ورجله

ما اللي عايز يعمل حاجه يعملها وهو ساكت

شوف انا ححط حديث ومش حعلق تاني عالموضوع هنا

قال رسول الله - صلى الله عليه وسلم - قال : ( كان فيمن كان قبلكم رجل به جرح ، فجزع ، فأخذ سكينا فحزّ بها يده ، فما رقأ الدم حتى مات ، قال الله تعالى : بادرني عبدي بنفسه ؛ حرّمت عليه الجنة ) رواه البخاري .

فجزع : أي فلم يصبر عن ألم الجرح.

حزّ بها يده : قطع بها يده.

رقأ الدم : انقطع الدم.

وعندك الآية دي كمان

( ولا تقتلوا أنفسكم إن الله كان بكم رحيما* ومن يفعل ذلك عدوانا وظلما فسوف نصليه نارا وكان ذلك على الله يسيرا ) ( النساء : 29-30 )

سبحان الله شوف الحتادي إن الله كان بكم رحيما

وأنت حر

- ما تقلقيش يا مدام فاطمة محمد حتلاقيه يا نايم يا في المدرسة

تم تعديل 20 أبريل 2009 بواسطة الجدار

[سيدة مصريه]

هقولك جمله بسيطه جدا بس يارب تقنعك

لو علمتم الغيب لرضيتم بالواقع

[Tarek_ml]

للأسف انا ماكنتش عايز أرد عالموضوع لأنه من الآخر شغل عيال

وسامحوني أني حبقى قاسي شوية

بصراحة الموضوع زاد عن حده

زي ما قلتي يا أختي من شويه ان الأخ محمد كان عامل الموضوع ده من فترة

وكلنا دخلنا وناقشناه وكالعاده بقه اتفتح من الأذن اليمنى حتى الأذن اليسرى بـ هههههههههههههههههههههههههههههههههههههههههههههههه

من الآخر ومن غير لا طبطب ولا دلع

اللي مش أد الحياة يسيبها ويخسر دنيته وأخرته

واللي عايز ينتحر بينتحر من غير ما يقول لحد

مش عارف هي محاولة للفت النظر ولا ايه مش عارف

زي اللي بيبقى عايز يسيب المنتدى يروح عامله موضوع وانا ماشي ومش راجع

والناس تبوس في إيده ورجله

ما اللي عايز يعمل حاجه يعملها وهو ساكت

- ما تقلقيش يا مدام فاطمة محمد حتلاقيه يا نايم يا في المدرسة

انا كنت عايز اقول كده والله

تم تعديل 20 أبريل 2009 بواسطة Tarek_ml

[se_ Elsyed]

المشكلة إن محمد وهو بيتكلم معانا عمال يقول في عقل باله " أيوه يا عم .. دي ناس قاعدة متريشة وبيكلموني من البرج العاجي ومن طرطوفة مناخيرهم .. او زي ما أفتكر إني معايا جنسية تانية وباكلمه وانا في فمي سيجار كوبا هافانا ملفوف على .. أسمه إيده وكدهوت "

يا محمد يا حبيبي كل واحد من اللي إنت شايفهم دول عنده مشاكل يمكن اكتر من مشاكل شعرك الحرير اللي عالجبين بيهفهف .. وبالبلدي كده في ناس مننا شالت الطين على ما وصلت للي هي فيه أو لسه شايلة الطين لحد دلوقت ... يعني كل واحد ربنا أعلم به بدون الدخول في تفاصيل ..

أنت تحكي عن مشاكل تُعتبر بالنسبة للأخرين ... مش عايز اقول لك كلمة وحشه .. لكن تُعتبر زي عزيز بيه الأليط بتاع مصطفى حسين زي ما بيكلم كُحيت عن أرتفاع أسعار اليورو وبورصة الألماظ اللي إنضربت ..

أيوه عندك مشاكل مع والدك وجدتك ماتت وقاعد لوحدك بامكانيات محدودة ... يا ستي كتر خيرك وأنت أنسان مجتهد وربنا هايكافئك ...

لكن هل تصدقني إني عندما قرأت كلماتك الصادقة المُعبرة .. تذكرت طه حسين .. آه والله

تخيل لا قدر الله إن إنت إتولدت في قصر وخدم وحشم .. مش هاقولك في الصعيد حيث الفقر المدقع مثل طه حسين .. بس إتولدت كفيف .. ما كنتش تتمنى إنك تتولد عالحديدة وتاكل عيش حاف بس يرجعلك بصرك ؟

عارف يا محمد إن الصيف الماضي واحد من أعز أصدقائي لم يتجاوز سنه 35 سنة أصيب بسرطان المعدة وشالوا له معدته وبقى ياكل حاجات خفيفة مضروبة في الخلاط فقط وهايفضل كده طول حياته .. لما كنت بازوره بالمستشفى لقعدته اللي طولت هناك لعدة شهور كنت اهزر معاه وأقول له إنت قاعد مآنتخ هنا في التكييف وإحنا بره زي الفراخ اللي بتتشوي عالفحم من قيظ حرارة الرياض .. فكان يبكي ويقول لي : ياريت ابقى زيكم وأشوف الشارع ولو مره واحده ....

تفتكر هل واحد زي ده في الموقف ده يفكر في شعره اللي بيقع أو والده القاسي او موائد الرحمن ؟

عارف يا محمد بيه وأنا في ثانوي ... كان معانا ولد في الفصل والله على ما اقول شهيد .. لديه شلل رباعي إيدين ورجلين .... وكنا أحنا نقعد نتنطط في البريك ونلعب كورة وعسكر وحراميه وهو قاعد لوحده في الفصل ... ولا حدد حاسس بيه .. لدرجة كنت باستغرب بعقلي القاصر ساعتها .. هو بيروح الحمام إزاي في المدرسة ؟

تخيل لا قدر الله حضرتك مكانه ؟

وما شاء الله مانت قاعد في شقة لوحدك .. ما بالك بالراجل ومراته اللي جابوا مشكلتهم قريب في إسكندرية وبيته وقع فراح أخد مراته وإبنه البيبي وراح إحتل دورة مياه عمومية في الشارع – أعزك الله - وسكن فيها هو ومراته لإنه مش لاقي وإمكانياته على قده ...

الحلقات بتاعت عزب شو كان بيقلد محمد محي المطرب وهعو بيقول " اعاتبك عالجراح .. ولا العمر اللي راح " فبيقول له " عمر إيه يالا اللي راح ؟ العمر قبل ما تطلع البطاقة ولا بعد ما طلعت البطاقة ؟

والله ما بأسخر منك ..

لكن يا حبيبي إنت لسه صغير 17 سنة ولما تكلمني عن الحبوبة اللي هاتطير منك عشان شعرك هايقع ..

يبقى اسمح لي أقولك ..

حب ايه اللي إنت جاي تقول عليه وإنت لسه يمكن ما أخدتش الثانوية ؟

وبعدين البنت هاتفضل جنبك كمان 10 سنين لحد ما تروح نيوزلندا وتبعت لها حليب أنكور من هناك ... قصدي تبعت لها فيزة الإستقدام - بس مش عارف لو مهنتك عامل زراعي يبقى مش هاينفع :waf: -

يا محمد في أولويات وفي مراحل الإنسان بيعيشها ويجب ان يعيشها ..ولو قفز فجأة من مرحلة لمرحلة .. يبقى في حاجه غلط ...

يعني ما أنفعش أحب وأخطط للجواز وأنا لسه البزازة في بؤي وبأدرس جدول الضرب .. وما أنفعش أروح أخطب واحده وأنا لسه متخرج مثلاً وبأقول يا هادي وقدامي جيش وبداية حياة عملية مليئة بالمصاعب ... وهكذا

خد شهادتك وأتفوق الأول وبعدين حب يا عم زي مانت عاوز ...

وإوعى تعمل زي ناس وتخلي نيوزلندا هي كل احلامك وكل حياتك .. لإن لو قفلوا التأشيرات في نيوزلندا هايجيلك إحباط ... وممكن ساعتها تنتحر فعلاً ..

إذاً خلي شهادتك وتفوقك هي سلاحك ... وبعدين ما تنزل ياخويا أشتغل في الصيف واصرف على نفسك ..

انا أبويا كان راجل بيسافر الخليج في الثمانينيات وباخد مصروف 10 ج يومياً صافي ولا ضرايب ولا حجوزات ... ده في الثمانينات ... وعايش عيشه زي الفل واكل نايم شارب وباتأمر على والدتي لو شرائح اللحم مع فطائر الجُبن مع سلطة البابا غنوج كانت ليست بدرجة الغرفة اي 39 درجة كنت بازعل وأتقمص وأقولها والله مانا واكل ... ومع ذلك كنت باشتغل في الصيف من نفسي وأتعلمت كذا صنعه ولسه أجيدهم لحد دلوقت ... وكنت بالعب بالفلوس لعب لدرجة وأنا في ثانوي لما الحكومة منعت تجريف الأراضي وبالتالي منعت تصنيع او بيع الطوب الأحمر اللي بيتعمل من طين الأرض الزراعية ... اوتوماتيكي كده فكرت أنا وأخويا نعمل مشروع تصنيع طوب أسمنتي وعملنا قالبين - سطامبا - حديد كلفونا 30 ج ... ونزلنا أسمنت ورمل وحصوة كريديت من عند ناس نعرفهم ... وعملنا شغل مش عايز اقولك .... وكنا بنلعب بالفلوس لعب وإحنا لسه عيال يمكن كنت مطلع البطاقة بقى لي سنة واخويا أكبر مني بسنتين فقط ... ده مثال بسيط ...

ولو عايز أعد لك ألاف الأمثلة لناس شوفتهم في حياتي كانوا يتمنوا يبقى معاهم بس 100 ج شهرياً وقاعدين في أوضة مشتركة مش زي سيادتك اللي تعتبر إنسان برجوازي بالنسبة لهم .. مستعد أعد لك ..

أما موضوعك شعرك اللي هايقع .. فممكن تاخد فيها إنذار وشهرين حبس إنفرادي يابو شعر سايح ونحلق لك زيرو كمان زي حسام حسن ...

الراجل مش بشعره يا محمد الراجل بدقنه برضوا .. قصدي بشخصيته ... ولو إتكلمت في موضوع الشعر ده تاني هاضربك ..... وعن إذنك عشان عندي ميعاد مع الحلاق .. شعري الطويل يا أخي مضايقني وبيطير على عيني وقربت أتحول ...

[حسام يوسف]

مش هعرف أقول كتير بعد الأخوة الأفاضل

انا أخوك حسام

صيدلى

يعنى أكيد هتقول اه

آدى العالم الاقطاعيين أهم كمان جايين ينصحوا

لكن والله العظيم لو قلتلك أنا المشاكل اللى بمر بيها من 3 سنين متتالية

مش هتصدق

شوف يا عم محمد

المشاكل -لو سلمنا ان اللى بتقوله مشاكل-ممكن تكون فرصة للنجاح

ولو كل واحد محبط أو عنده مشكلة

وانتحر

أو حتى اكتأب

كانت الدنيا فضيت من زماااااااااااااااااااااااااااااااااان

قرب لربنا أكتر

شغل عقلك اللى أنا شايفه بالنسبة لسنك جميل جدا وشغال

وأنت هتنتصر على كل التحديات اللى قدامك

وفضك من قصة الانتحار والأفلام العربي دي

لأنك كدة مش هتحل مشاكلك

ده هروب منها

ومعاه خسارة دنيا وآخرة

وندم خالد لن يزول

روق

وصلى ع النبى

وخد دى

:waf:

[fatfouta]

ايه ده ايه ده انا دخلت هنا ابص واطمن على محمد مالقتش حد والواحد قلقه عمال يزيد كل شوية

الناس كلها روحت والدنيا بقت هسسسسسسسسس

يانهار ابيض الولد انتحر بجد ولا ايه؟ معاد المدرسة عدى وهو لسه مارجعش ومش معقول نايم ده كله

يابنى طمننا عليك ماتعملش كده فينا

ادينى قاعدة مستنيه حد ييجى ويطمننى

[mohajer in Process]

يا أخ محمد/

الدنيا دار إبتلاء ....وأن الله يمتحن صبر عباده في الدنيا كي يجازيهم على ذلك الصبر

ولذلك كانت الآية الكريمة :

"إن الله مع الصابرين"من أكثر الآيات ترديدا في كتاب الله.

مشكلتك الحقيقية

ليست في الفقر،هناك من هو أفقر منك بكثتير وأكثر،ويأكل من القمامة والفائض من المخلفات.....

وليست تساقط الشعر.........الحل موجود....زراعة الشعر....وخلاص.

وليس البنت القرعة.....أولا .....الشهادة الحمرا.....هي حبك الوحيد والأوحد حاليا.....لأنك بدونها ...فعلا معظمهن أو جلهن سيعاملنك بقرف......هذا هو الواقع.

الحل:

أولا: تقرب الى الله،وهو القائل عز وجل:"وإذا سألك عني عبادي فإني قريب أجيب دعوة الداعي إذا دعان"

تانيا:تشوف جماعة من الناس الطيبين ....اللى بيعرفوا ربنا كويس وخدهم الى والدك وبوس على راسه.....لأنه أولا وأخيرا

هو أبوك.....................ولن ترتاح في حياتك أبدا ......مهما صرت وكبرت....ولو علاقتك مع والدك(بالذات الوالد)....مش كويسة.

هذا رأي ونصيحة من غير أي مجاملة ,,,ولوجه الله تعالى.

[se_ Elsyed]

ايه ده ايه ده انا دخلت هنا ابص واطمن على محمد مالقتش حد والواحد قلقه عمال يزيد كل شوية

الناس كلها روحت والدنيا بقت هسسسسسسسسس

يانهار ابيض الولد انتحر بجد ولا ايه؟ معاد المدرسة عدى وهو لسه مارجعش ومش معقول نايم ده كله

يابنى طمننا عليك ماتعملش كده فينا

ادينى قاعدة مستنيه حد ييجى ويطمننى

لأ أحب أطمنك يا مدام فتفوته ..

محمد زي الفل .. وعادي يعني ما هو بينتحر كل يوم ... وبيرجع أحسن من الاول

وأنا بعثت له عالخاص وصفة طبية لعلاج ونمو الشعر .. ودي مستخرجة من مادة " ام الخلول " يدهن منها مرتين قبل الأكل ومرتين وسط الأكل ... وبعد شهر بعون الله مش هايلاحق شرا اساتك عشان يلم بها شعره ..

ورشا لما تشوف كده هاترجع تحبه أكتر من الأول .. ومش بعيد تطلب منه يتجوزها عرفي والسبب طبعاً شعره الحرير اللي بيقى عامل زي الشبكة بيوقع فيها البنات في شراكه ...

ما تديش الوصفة لحد يا محمد عشان انا باعمل الحاجات دي هواية يعني مش كوميرشال ...

شايفين صورة البنت دي

كانت بتعاني من صلع وتعلبه صفرا وتأكل في الأطراف في راسها ، وجاتلي وقالت لي : أحب على إيدك يابا الحج سين سين .. خطيبي هايطلقني .. شوفلي حل ... قلت لها إنتي جتيلي في الوقت المناسب يا كوثر .. وبعون الله هخليكي تبوسي إيدك شعر ودقن .. ولما تستخدمي مسحوق أم الخلول ... شعرك هاينمو بدون توقف على طول ...

وأهي بقى ينضرب بها المثل في طول اشعر ومتعاقدة مع مصنع شامبو بيورد لها برملين في الشهر وأتخرب بيتها شامبوهات ودلوقت قاعدة بتقول " يا ريتني فضلت قارعه ومافياش ولا شعره ويا مطره رُخي رُخي على قرعه بنت أختي "

[fatfouta]

نداء للاخوة المقيمين فى الكويت

الاخ الجدار واللى ذيه ياريت يا جماعة لو حد يعرف محمد عايش فين فى الكويت يروحله البيت ويخبط ولو ماحدش رد يبقى يكسر الباب بقى عشان كده الموضوع زاد اوى

ده مكانش بيعدى يوم غير لما ينزلنا موضوعين تلاتة

ياجماعة ياللى فى الكويت سامعنى الله يخليكوا

يا محمد يابنى لو سامعنى كفايه كده ولو عاوز تسيبنا هنا طمنا وروح تانى وماتجيش واهو يبقى احسن ...... قصدى يعنى احسن لو طمنتنا يابنى

احنا هنا رابطه الرياض مش قادرين نعمل حاجة وحاسة انى مكتوفة الايدى والله فعلا دى الغربة صعبة مش دلوقتى لو كنت اعرفله مكان كنت بعتله حد

ياللا بقى نستنا اما حد من بتوع الكويت يطمنا

فتفوته

[Salwa]

عارف يامحمد ؟؟؟

اللى عاوز ينتحر مش بيعمل اعلانات قبل الانتحار.....!!!

لو عاوز تنتحر .....اتكل على الله ...(( ولو ان الانتحار حرام - بس احنا اتعودنا نتكل على الله قبل القيام بأى عمل ))...حتى الحرامى قبل ما ينزل شغله ..بيقول ...توكلت على الله...!!!

يامحمد...

انت بنى آدم ...مرفه جدا جدااااا.....بصريح العبارة ....ولد عندك وقت فراغ كبيررررر....

سبق لى وقلت لك واتكلمت معاك كتيرررر......لكن؟؟

يامحمد...

عندك (( عينين بتشوف بيهم ))...وغيرك معندهوش ..

عندك ((عقلك بتفكر بيه - ولو انك بتفكر بس افكار محبطة للعزايم )) وغيرك (( معتوه )) اعزك الله.

عندك (( ام - ربنا يخليها لك - ولسا بتصرف عليك - يعنى بتشقى هى وانت قاعد مرتاح )) وغيرك متمرمط فى الدنيا ويتيم الابوين ..

و..

عندك وعندك وعندك وعندك.......وغيرك...(( ميعرفش معنى كلمة ...سباجتى ...بجدددد والله العظيم ....يعنى فوجئت وانا مرة فى مصر ب..ناس معندهاش حتى رفاهية انها تاكل ....مكرونة ....!!!!!))

انت اتمرمطت ؟؟؟ ...!!....انت ساذج؟؟ ...والا احنا اللى سذج؟؟ ...عارف ياكابتن يعنى ايه مرمطة ؟؟؟ مرمطة يامحمد باشا ؟؟

روح اتفرج على النت اللى انت بتعرف تقلب فيه ....وشوف ...بلاش نقول فى مصر ...!!! شوف اطفال ..اطفال ...اطفالللللللل....عندهم خمس سنوات ....فى كل دول اميركا اللاتينية ...بيشتغلوا فى تكسير الحجارة او نقلها والشغل يبدأ اربعة صباحا ..فى برد قاتل ...قاتل يعنى قاتل ...مش شوية رذاذ متطاير بتقولوا عليه ...مطر .

شوف الاطفال دى بتشتغل ازاى ....علشان بس تجيب القوت الضرورى ...الضرورى جدا جدااااا...للأم العجوزة والجدة الاعجز ..والجد او الوالد الكسيح ...

روح شوف الاطفال اللى بتموت كل يوم (( الى يومنا هذا )) فى المناجم...وعايشين على ايه ؟؟

ما يسد الرمق ...ولا يستر العورة .

يامحمد..

محدش قبل كدة قال لك....انك مفترى ؟؟

طيب انا بقى بقولها لك........................وبقولك ...انت لاتحمد ولا تشكر ..

لاتحمد الله ولا تشكره..

ولا تعترف بفضل امك ولا تشكرها ..

ايه يعنى والدك سابك ؟؟ ......كم من آباء تركوا ابناءهم ...ولم يحدث للأبناء ما حدث لك .

على الأقل يامحمد...والدك لم يطالبك بشئ.

يامحمد..

مفروض تشكر ربنا كتيرررررررررررر ان والدك تركك ..........عارف ليه؟؟

انت بتعترف ان والدك شغال فى المخدرات .....................................!!!!!!!! طيب تخيل حياتك مع شخص زى ده؟؟تخيل مستقبلك؟؟ تخيل لما تروح تناسب ويسألوك والدك شغال فين ؟؟

رب ضارة نافعة يامحمد..

الأب....مش هو اللى بيخلف الولد....لأ..ده هو اللى بيربيه ويحميه ..

امك كانت ام وأب...

هو.....عامله زى اى قطعة خبز تجدها فى طريقك....(( بوسه و...ضعه بجانب الطريق )).

خليك انت احسن...واكرم...بلاش تديله فلوس .

تعالى احكيلك حكاية سريعة جدا جدا جداااااا....

شاب صغير قريبى ....تزوج من استاذة فى الجامعة من عائلة محترمة جدااا....علمنا جميعا ان والدها ترك والدتها ويعيش فى اميركا ..!!

والد قريبى ...صمم...انه لن يتفق مع (( امرأة )) ويجب حضور الأب ...!!

اضطرت الابنة ان ترسل لوالدها............حضر سعيداااااا جدا جداااا....وتم الاتفاق ..(( لاحظ الجميع ان الأب كلما نظر لابنته ترقرقت الدموع فى عينيه ...وهى تحنى الرأس وتتلاشى ان تلتقى عيناها بعينه .

فى حقيقة الأمر (( كانت لاتود رؤيته ابداااا ))...

يوم الفرح..

اقسم لك بالله العلى العظيم.....رفعت الأم علامة الانتصار ...(( وقت الزفة )) ...(( حركة غريبة وساذجة ....لم بلاحظها احد ولكن...البعض منا رآها .....الأم ايضا دكتورة )) ..

لعلها فعلت هذا.....لأن الأب تركها وعمر ابنها سنة ونصف وعمر ابنتها شهرين ....!!!!

عارف يامحمد يعنى ايه ؟؟ لم ترى والدها منذ كان عمرها شهرين ؟؟ ....كان الأب يرسل لهم ....كروت معايدة من وقت لآخر ...فقط.

لم يرسل ابدااااا......نقودا .

اعتقد ان هذا.....استفزاز ...غير طبيعى ...(( والأم فى حالة صمت - ولم تشوه صورته ابدااا..- تركت الزمن يحكم ويفصل بينه وبين ابنائه ))..

تولت الأم تربية الولد والبنت ....الولد يعمل فى السلك الدبلوماسى....والابنة ماشاء الله عليها ..

محدش فيهم اتعقد..

محدش فيهم فكر فى الانتحار ..

محدش فيهم قال....ذنبى ايه؟؟.

الأم ...لم تكن تعمل فى الكويت ...بل تعمل فى معهد البحوث..(( يعنى مرتبها مرتب حكومى ثابت ))..

يعنى انت....وحدك...بال300 جنيه....كنت ملك زمانك .

اذن..

انت بتتدلع....وتعلق زهقك...على شماعة ... والدك..

مسألة الصلع...

دى موضة يامحمد...والله يابنى موضة ...

تعالى شوف الشباب فى كل اوروبا ......يدخل الصيف...كله يحلق على الزيرو...ويلبسوا الكاب بالعكس ..

وايه يعنى اصلع ؟؟

لو لقيت واحدة تحبك بجدددد....مش حايهمها انت اصلع والا لأ ؟؟

روق دمك يامحمد وبلاش دلع...بلاش تفترى ..

بس لو مصمم تنتحر ..

ابقى (( بالله عليك ))....اشكر والدتك الأول ....وقل لها ...انا فعلا بحبك ياماما ومليش فى الدنيا دى كلها الا انت وعارف انك لما بتبقى عصبية فده من كل المشاكل اللى حواليكى ...

يمكن يامحمد..

يمكن لما تفتح لها قلبك...تاخدك فى حضنها ..

وتبكى..

تبكى ..

تبكى على بختها ....اللى خلفت ولد حايجننها قريب..

دعواتى لوالدتك بالصبر...

ولك بالهداية ..

[أحمد سيف]

يا عم ما تنتحر ... انت متبت فيها ليه... دا الموت علينا حق (وش هاني رمزي في عاوز حقي)

بهزر معاك يا محمد ... أوعى تعملها أحسن أزعل منك :hi:

شوف هيا كل الأفكار الغريبه دي بيتجي للبني آدم في السن المنّيل بتاع حضرتك ... وهما سموه سن المراهقة علشان فيه الإنسان بيرهق نفسه واللي حواليه

استهدي بالله وشوفلك صاحب اخرج معاه شويه أو لعبة فيديو جيمز اشغل نفسك بيها ... ولو كان فيك دماغ امسكلك روايه اقراها من الغلاف للغلاف

وإن شاء الله مرحله بسيطه وتعدي وهاتلاقي نفسك بتضحك على الأفكار السوده دي بعد كام سنه

[SoSo R]

إلى صاحبة القلم الراقى جدا مدام سلوى:

أشكرك من كل قلبى على الرد اللى إتفضلتى و كتبتيه

كل كلمة فيه كنت عايزة أكتبها و زيادة...

أنا أبتديت أكلم محمد و سألته عن مدى جديته فى أول الموضوع...مش لأنى مش مدركة جديته

ولكن لمتابعتى لموضوعاته...إنه لما بيخطر على باله فكرة...أى فكرة...يفتح الموضوع فى المحاورات

ممكن هو يكون مش عارف عايز إيه

ممكن الفراغ القاتل

الساعات الطويلة قدام النت

التقوقع زى ما هو قال

نفسى نطبق المثل

يا بخت من بكانى و بكى عليا...و لا ضحكنى و ضحك الناس عليا

مش الحل إن أحنا نطبطب عليه

الحل إنه يحس إن ظروفه ممتازة بالنسبة لناس تانية كتيييير

والده اللى بيشتكى منه...لو كان لسه موجود فى حياته...كان شاف الجحيم بعينيه

موضوع إنه ما بيصرفش عليه...أنا أعرف ناس...عايشين مع ولادهم وما بيصرفوش..زأو بيعيشوهم فى بخل وضيقة معيشة فوق الأحتمال...رغم إنهم مقتدرين ماديا

والدته دى ست عظيمة و متحملاه بأفكاره و أسلوبه اللى بيبقى مستفز معظم الوقت

كل التجربة اللى عاشها فى مصر المفروض إنه يبقى فخور بيها...حاجات اللى فى سنه ما مروش بيها

إديته خبرة و صقل...حاجة تقويه مش تهده

الفلوس اللى مش عاجباه ...فيه أسر كاملة عايشة بأقل من كدة...وحامدين ربهم

موضوع شعره...أنا عند رأيى...دى هيافة...وإستخفاف بينا و عقولنا

ياريت بلاش كل حاجة..نقول ليه يارب...أنا عملت إيه فى دنيتى

لأن ربنا ما بيديش حاجة وحشة أبدا

حتى لو شايفنها وحشة لفترة...بتكون لهدف أحسن لنا فى المستقبل

تحياتى

سوسورانى

[Alrefaey]

شوف يا بوحميد انا مش هضيف كتير عن اللى قالوة الاخوان سابقا

لكن هحكيلك حكاية واحد صاحبى وبأختصار

والدة توفى وهو فى الثالثة من عمرة وترك والدته ومعها 4 بنات وهو

البنات اكبر واحده فيهم كان عمرها 12 سنه يعنى كلهم اطفال والام عمرها 32 وترك لهم معاش شهرى تعرف كم 43 جنية سنة 84

تعيش الام وتربى اطفالها فى اصعب الظروف انت عارف 3 بنات طبيبات وواحدة مدرسة جامعية اما بالنسبة لصاحبى فمن ساعة مابداء يفهم يعنى ايه معنى انه يتيم وان امه

الارملة يادوب تقدر تصرف على اخواته البنات بداء وهو عندة 14 سنة واثناء دراستة يشتغل ويتعلم صنعه

كان بعد المدرسة يروح يشتغل وفى كل ايام الاجازات دوام كامل فى الشغل

عارف يابوحميد من هذا العمر وهو لم يأخذ من والدته جنية واحد وكان بيلبس افضل مننا كلنا

مثلما اعتمد على نفسة فى تدبير نفسة ماديا بداء يجتهد فى دراستة بصورة ممتازة وجاء فى الثانوية العامة تخيل جاب مجموع كام ؟

جاب مجموع يقدر يدخل بيه اى كلية من كليات القمة فى مصر ورفض يدخل طب بالرغم من انها امنيته وامنية والدته عارف ليه رفض

لطول سنوات الدراسة والتى سوف تعيقة ماديا عن المساعدة فى زواج اخواته

دخل صيدلة عشان يشتغل اثناء الدراسة ويصرف على نفسة وفى نفس الوقت خمس سنوات دراسة ويبدا يدخل دخل مناسب

اتخرج وجهز 2 من اخواته جهاز كامل وزوجهم الاثنين التنين كانو تزوجو وهو فى الجامعه

وبعدها سافر على الخليج اشتغل وربنا فتح عليه اسس بيت محترم له فى مصر وتزوج والان بيشتغل فى مركز مرموق وبيدير مؤسسه فيها اكثر من 500 موظف

خلصت الحكاية

يابوحميد المستقبل جاى وتفائل وصدقنى انت هتنجح عارف ليه لأنك عندك مقومات النجاح اللى هى اولها انك تحدد مشاكلك ,اهدافك خلى عندك طموح وثقة ان ربنا

عاينلك الافضل بس اصبر هو عز وجل بس بيختبرك وممكن الاختبار يقسو عليك شويه بس فى الاخر العظماء هما اللى بيطلعو من الشدائد

[احمد عبده]

مش عارف اقول ايه ايه بعد اساتذتنا سين سين و سلوي ما قالوا

انا موافقهم في كل اللي قالوه

ونصيحتي ليك يا محمد انك تتكلم في همومك ومشاكلك مع واحد متخصص

يعني ماشاء الله انت متفتح ومثقف واكيد فاهم ان الناس المتقدمة كل واحد له دكتور نفسي بيروحله باستمرار يحكيله مشاكله كصديق بس بعلم

ياريت لو تروح لدكتور نفسي في المنطقة اللي انت فيها بالتأكيد هيقدر يساعدك بعون الله

[se_ Elsyed]

مش عارف اقول ايه ايه بعد اساتذتنا سين سين و سلوي ما قالوا

قول له احمد

صدقني لو استعمل دهان الشعر ام الخلول اللي قلت له عليه .. هايبقى زي الفل ونفسيته هاترتاح

[احمد عبده]

ايوه طبعا وهو حد ينكر المفعول الرهيب لدهان ام الخلول واللي طوره سين سين بالتعاون مع اكبر مجمع بحثي عالمي في جمهورية زيمبابوي المتحدة

والكل متابع الابحاث اللي بيجريها علي الجندوفلي

وانا من موقعي هذا بدعي الكل انه يستخدم ام الخلول بتاع سين سين علشان يبقي شعركو زي البت اللي حاطط صورتها

كلك مفهومية يا سين سين انا ليه كام علي الراس