نفسي اشعر بأدميتي في بلدي

[ing]

نفسي اشعر بأدميتي في بلدي

مش عارف ليه اني حاسس ان احنا غرب في بلدنا ليه؟؟

اكيد سبب من الاسباب دي اذا ما كنتش كلها

1-يمكن لسلوك الناس؟؟؟؟( غريبة الناس))

2-يمكن لسلوك الحكومة مع الشعب

3-يمكن علشان احنا بعيد عن ربنا

4- يمكن ويمكن ويمكن حاجات كتيرة

.....................................انا زهقت منها مع اني بحبها جدااااااااا

ربنا يصلح حالها

[عاشق الترحال]

عندي نفس الشعور اللي بتفكر فيه نفسي أحس بآدميتي في بلدي وبعد بحث طويل وتدقيق وجدت الشروط التاليه مكتوبه في الدستور ومكتوب عليها (( سري للغايه ))

قرار رئيس الجمهورية بشأن إحترام آدمية المواطنين .

شروط التمتع بالآدمية داخل حدود الدوله المصريه .

1 - أن تكون مسئول أو إبن مسؤل كبير في البلد وتابع ( للحزب الحاكم )

2- أن تكون صاحب مال وإستثمار ومن هليبة النظام والحرامية الكبار وبرضه تابع (للحزب الحاكم )

3- أن تكون منافق من منافقي ( الحزب الحاكم )

4- أن تكون لاعب كره أو راقصه أو فنان ( ممثل , مغني ) وبرضه من اللي تبع الحزب الحاكم

5- أن تحصل على جنسية دوله أخرى بتحترم آدمية مواطنيها وساعتها تقدر تدخل مصر وتشعر بآدميتك كأن تكون مصري أمريكي مثلاَ وبلطج بقى ياعم وهيص محدش هيقولك بتعمل ايه .

ويستبعد من ذلك الفئات التاليه :

1- أى شخص معارض للحزب الحاكم

2- ولاد الناس الغلابه

3-مادون الفقره من 1 : 5 فيما سبق أعلاه وقد تصدر بعض الإستثناءات بأمر من رئيس الحزب الحاكم أو أحد قياداته تبعاَ لما يرونه مناسباَ

ودي شروط بسيطه وسهله وتقدر تختار اللي يناسبك منها وإدعيلي ياعم.

[dawn walker]

ما تحاولش

اسأل مجرب

[MoHaMMeD EgYpT]

عليك بالباسبور الاجنبي هو الحل يعني معظمنا معا عندوش وسطة غير الله سبحانه و تعالي و لا احنا تبع الحزب ولا احنا وزراء ولا ولاد وزارء ولا احنا مليونيرات

لكن

الباسبور الاجنبي ممكن و هتعيش مواطن في بلدين بدل بلد واحد و بادميتك و مهما حصل لك في مصر اتصل بسفارتك في دقيقة مشكلتك هتتحل و امشي و انت معاك الباسبور الاجنبي و عيش حياتك كانسان و روحت مثلا مصلحة حكومية و عاوز تعمل معاملة خد باسبورك الاجنبي معاك و هتتعمل في ثانية و لو اطلب منك فلوس رشوة يعني اقلب المكان علي اللي فيه و اطلب المدير و اشخط فيه

انا مش بقولك كده علشان تسيب مصر لا انا بقولك سيب مصر ثلاث سنين ولا اربعة و ارجع و معاك سلاحك اللي هو الجنسية الاجنبية

[لولا]

اولا ..

تحياتى لجميع المشاركين هنا ..

ولكن ونظرا لأننى كمواطنه مصرية وابنة لمحاورات المصريين التى استمد منها ومن وجودى فيها وتواصلى معكم القوه فى مواجهه

الحنين للوطن والأهل والذكريات الجميلة ..

ونظرا لأننى خلال الأسبوع الماضى تشبعت بجرعه " الحنق والغضب ولعن الظلام " على كل اوضاع مصر..

هل نحتاج حقا لهذا الكم من المواضيع التى نكتفى فيها بلعن الظلام والإستسلام للتذمر والغرق فى التشاؤم ؟!

الا نملك ان نخرج انفسنا من حفر الإحباط ؟!

الا تكفى عبارات التذمر دون ان توازيها محاولات لأحاديث جاده لإضاءة شمعه وسط الظلام ؟؟

هل الغرق فى ثقافة الهدم النفسي لأنفسنا ولمن حولنا هى "وعي" حااااااااااد بالمحنه التى تمر بها مصر ؟!

ماهو دورنا يا جماعه ... لنتحدث بشكل ايجابى ولو فى موضوع واحد وسط سلسله مواضيع تلعن وتلعن وتلعن الواقع ولا شيء آخر .

هل الواقع خذل المصريين لهذه الدرجه ، ام انه انهزام فكرى ونفسي من الطراز الأول ؟!!

الواقع مؤلم ..

نعم ..

معكم..

هل يفترض الإستسلام حتى على المستوى النفسي ؟

هل يفترض ان نغرس الإنهزام والحقد والحنق فى كل من حولنا .. فى ابنائنا فى الجيل الحالى والقادم وحتى فى منتدى يفترض اننا

فيه نلتقى من كل ارجاء العالم لتجمعنا صفحاته ومصريتنا ..

اعذرونى على مشاركتكم هذه الخواطر ..

لكنى وسطكم احتجت ان اتشارك تشبعى التااااااااااااااااااااااااااام بثقافه الهدم النفسي والخذلان والتشاؤم والغرق فى الإحباط !!

تحياتى للكل

لولا

[ing]

كلمة قالها عمنا الكبير سعد بيه زغلول

مافيش فايده

[Abu Reem]

كلمة قالها عمنا الكبير سعد بيه زغلول

مافيش فايده

فعلا يا ing ( مفيش فايدة ) طول ما فيه ناس لا تشعر بهم الناس يبقى مفيش فايدة

وطول ما في ناس بتفتكر أن من يعبر عن همومه وهموم الناس يبقى جاحد وسلبي ، ومش بيحب مصر ، يبقى مفيش فايدة ،

( نصيحتي أننا نغمض عنينا ، ونكتم حتى همومنا ولا نتحدث عنها وكفاية علينا الكلام المنمق والمزوق ، ونتكلم عن الأغاني والأشعار والكورة ومشاكل الحضري ، وقضية سوزان تميم ، كفاية علينا الإهتمام بهذه القضايا المصيرية في جميع وسائل الإعلام

وعلى رأي علاء ولي الدين لما قال ( كان عندي حلم صغير نفسي أحققه ، فضل يصغر ويصغر لحد ما بقيت مش أقادر أشوفه !! )

تم تعديل 21 أبريل 2009 بواسطة Abu Reem

[MoHaMMeD EgYpT]

كلمة قالها عمنا الكبير سعد بيه زغلول

مافيش فايده

فعلا يا ing ( مفيش فايدة ) طول ما فيه ناس لا تشعر بهم الناس يبقى مفيش فايدة

وطول ما في ناس بتفتكر أن من يعبر عن همومه وهموم الناس يبقى جاحد وسلبي ، ومش بيحب مصر ، يبقى مفيش فايدة ،

( نصيحتي أننا نغمض عنينا ، ونكتم حتى همومنا ولا نتحدث عنها وكفاية علينا الكلام المنمق والمزوق ، ونتكلم عن الأغاني والأشعار والكورة ومشاكل الحضري ، وقضية سوزان تميم ، كفاية علينا الإهتمام بهذه القضايا المصيرية في جميع وسائل الإعلام

وعلى رأي علاء ولي الدين لما قال ( كان عندي حلم صغير نفسي أحققه ، فضل يصغر ويصغر لحد ما بقيت مش أقادر أشوفه !! )

عندك حق يا ابو ريم

( لا يغير الله قوم حتي يغيروا ما بانفسهم )

احنا ازاي عاوزين نبقي كويسيين و محترمين معنا اننا اساسا احنا اللي عاملين المشاكل دي لنفسنا

يعني الحضري و الكورة مثلا لو الناس ما راحتش دفعت علشان تتفرج علي المتشات بتاعت الكورة و طنشنا الكورة خالص هل مثلا مبارك هيخلينا نتفرج بالعافية لكن احنا مش عاوزين نغير نفسنا

بدل الرشاوي الكتير اللي بياخدوها اللي بيشتغلوا في الحكومة و القطاع العام مننا طب هي الرشوة دي مش حرام يعني انا مش فاهم الناس بتقبلها علي نفسها ازاي

انت عارف انهم لو قالوا يلعن ابوا دي وظيفة و سابوا الوظايف و حصل اضراب تام صدقني المرتبات هتعلي و لو معليتش يبقي مبارك بقا يروح يشتغل لوحده في الحكومة

بدل الدروس الخصوصي اللي مغرقنا و مفلسانا هل فكر المعلمين يعملوا اضراب مثلا بدل ماهم اداميتهم ضايعة و الوزير شغال يلعب بيهم

هل سعد الصغير و نانسي عجرم و الشلة دي كلها لو احنا وقفنا متابعتهم و حضور حفلتهم هل هيكون ليهم قيمة اكيد لا

لكن فعلا دلوقتي مافيش فايدة

[محمود الاسكندرانى]

نحن نعيش ازهى عصور الديمقراطيه وحقوق الانسان

الرئيس ونواب الشعب جاءوا عن طريق انتخابات حره نزيهه

الحزب الواطى هو حزب الاغلبيه ويملك قاعده كبيره بين المصريين

الريس لا يجهز ابنه لخلافته

حكومة نظيف و الريس شغلهم الشاغل محدودى الدخل

الشرطه فى خدمة الشعب ورجالها يبذلون الغالى والنفيس فى سبيل مصر

الحكومه تحارب الفساد والرشوه والمحسوبيه وتضرب بيد من حديد على كل من تسول له نفسه اللعب بمقدرات الشعب

هذه هى عناوين الجرائد القوميه وعناوين مقالات رؤساء تحريرها فى مصر

نفسى حد من الاعضاء الكرام يقولى البلد دي يروحوها ازاى و اركب ايه عشان اوصلها

[الترجمـان]

يقول امير الشعراء احمد شوقي

(( وما نيل المطالب بالتمني ولكن تؤخذ الدنيا غلابا ))

لم يقل تؤخذ الدنيا بالصراخ واللطم وافتعال الألم ...ليس من العيب ان ننظر للشعوب التي كانت تعاني مما نعانيه الآن في بلادنا الآن من ظلم ومحسوبيه بل واكثر من ذلك بمراحل ...

نحن كشعوب يجب أن نتعلم من تجاربهم ...كيف استطاعوا ان يصنعوا واقعا جديدا يحترم آدميتهم ولا يفرق بين غنيهم او فقيرهم ويعطي كل ذي حق حقه على قدر عطاءه وبذله في حياته ...

حان الوقت ان نستيقظ من البكاء على اللبن المسكوب ,,, حتى لو تعثرنا في البداية ولكن لا نستسلم للسلبية والإحباط ونضع وجوهنا في الطين طوال عمرنا نستغيث وننتظر البطل المحرر لكل مشاكلنا ونحن نيام منكفئين على وسائد الأحلام ...

الحقوا احلامكم يا مصريين قبل ما تتسرق منكم

تم تعديل 21 أبريل 2009 بواسطة الترجمـان

[se_ Elsyed]

كلمة قالها عمنا الكبير سعد بيه زغلول

مافيش فايده

فعلا يا ing ( مفيش فايدة ) طول ما فيه ناس لا تشعر بهم الناس يبقى مفيش فايدة

وطول ما في ناس بتفتكر أن من يعبر عن همومه وهموم الناس يبقى جاحد وسلبي ، ومش بيحب مصر ، يبقى مفيش فايدة ،

( نصيحتي أننا نغمض عنينا ، ونكتم حتى همومنا ولا نتحدث عنها وكفاية علينا الكلام المنمق والمزوق ، ونتكلم عن الأغاني والأشعار والكورة ومشاكل الحضري ، وقضية سوزان تميم ، كفاية علينا الإهتمام بهذه القضايا المصيرية في جميع وسائل الإعلام

وعلى رأي علاء ولي الدين لما قال ( كان عندي حلم صغير نفسي أحققه ، فضل يصغر ويصغر لحد ما بقيت مش أقادر أشوفه !! )

عندك حق يا ابو ريم

( لا يغير الله قوم حتي يغيروا ما بانفسهم )

احنا ازاي عاوزين نبقي كويسيين و محترمين معنا اننا اساسا احنا اللي عاملين المشاكل دي لنفسنا

يعني الحضري و الكورة مثلا لو الناس ما راحتش دفعت علشان تتفرج علي المتشات بتاعت الكورة و طنشنا الكورة خالص هل مثلا مبارك هيخلينا نتفرج بالعافية لكن احنا مش عاوزين نغير نفسنا

بدل الرشاوي الكتير اللي بياخدوها اللي بيشتغلوا في الحكومة و القطاع العام مننا طب هي الرشوة دي مش حرام يعني انا مش فاهم الناس بتقبلها علي نفسها ازاي

انت عارف انهم لو قالوا يلعن ابوا دي وظيفة و سابوا الوظايف و حصل اضراب تام صدقني المرتبات هتعلي و لو معليتش يبقي مبارك بقا يروح يشتغل لوحده في الحكومة

بدل الدروس الخصوصي اللي مغرقنا و مفلسانا هل فكر المعلمين يعملوا اضراب مثلا بدل ماهم اداميتهم ضايعة و الوزير شغال يلعب بيهم

هل سعد الصغير و نانسي عجرم و الشلة دي كلها لو احنا وقفنا متابعتهم و حضور حفلتهم هل هيكون ليهم قيمة اكيد لا

لكن فعلا دلوقتي مافيش فايدة :sad:

( لا يغير الله قوم حتي يغيروا ما بانفسهم )

عندك حق يابو ريم .. إنت ومحمد ... طول ما في ناس مش حافظه أبسط الأيات القرآنية وهي لسه في الدراسة .. يبقى مافيش فايدة .... أرجع للمصحف وصحح الأيه يا محمد عشان يبقى في فايدة ... مع تحياتي ....

[MoHaMMeD EgYpT]

كلمة قالها عمنا الكبير سعد بيه زغلول

مافيش فايده

فعلا يا ing ( مفيش فايدة ) طول ما فيه ناس لا تشعر بهم الناس يبقى مفيش فايدة

وطول ما في ناس بتفتكر أن من يعبر عن همومه وهموم الناس يبقى جاحد وسلبي ، ومش بيحب مصر ، يبقى مفيش فايدة ،

( نصيحتي أننا نغمض عنينا ، ونكتم حتى همومنا ولا نتحدث عنها وكفاية علينا الكلام المنمق والمزوق ، ونتكلم عن الأغاني والأشعار والكورة ومشاكل الحضري ، وقضية سوزان تميم ، كفاية علينا الإهتمام بهذه القضايا المصيرية في جميع وسائل الإعلام

وعلى رأي علاء ولي الدين لما قال ( كان عندي حلم صغير نفسي أحققه ، فضل يصغر ويصغر لحد ما بقيت مش أقادر أشوفه !! )

عندك حق يا ابو ريم

( لا يغير الله قوم حتي يغيروا ما بانفسهم )

احنا ازاي عاوزين نبقي كويسيين و محترمين معنا اننا اساسا احنا اللي عاملين المشاكل دي لنفسنا

يعني الحضري و الكورة مثلا لو الناس ما راحتش دفعت علشان تتفرج علي المتشات بتاعت الكورة و طنشنا الكورة خالص هل مثلا مبارك هيخلينا نتفرج بالعافية لكن احنا مش عاوزين نغير نفسنا

بدل الرشاوي الكتير اللي بياخدوها اللي بيشتغلوا في الحكومة و القطاع العام مننا طب هي الرشوة دي مش حرام يعني انا مش فاهم الناس بتقبلها علي نفسها ازاي

انت عارف انهم لو قالوا يلعن ابوا دي وظيفة و سابوا الوظايف و حصل اضراب تام صدقني المرتبات هتعلي و لو معليتش يبقي مبارك بقا يروح يشتغل لوحده في الحكومة

بدل الدروس الخصوصي اللي مغرقنا و مفلسانا هل فكر المعلمين يعملوا اضراب مثلا بدل ماهم اداميتهم ضايعة و الوزير شغال يلعب بيهم

هل سعد الصغير و نانسي عجرم و الشلة دي كلها لو احنا وقفنا متابعتهم و حضور حفلتهم هل هيكون ليهم قيمة اكيد لا

لكن فعلا دلوقتي مافيش فايدة :sad:

( لا يغير الله قوم حتي يغيروا ما بانفسهم )

عندك حق يابو ريم .. إنت ومحمد ... طول ما في ناس مش حافظه أبسط الأيات القرآنية وهي لسه في الدراسة .. يبقى مافيش فايدة .... أرجع للمصحف وصحح الأيه يا محمد عشان يبقى في فايدة ... مع تحياتي ....

( إن الله لايغير مابقوم حتى يغيروا مابأنفسهم )

[ing]

انا معاكم في كل حاجه بس

طيب اقولك انا هو مش انجلترا بتسمع اغاني وبتحضر ماتشات

ياعم هي مشكلتنا ان احنا منحوسين فيه مثلا بيقول ايه

رايح فين يافقر قال رايح لناس عارفهم قالولوا ماتوا يفقر قالهم رايح لخلايفهم

ربنا يصلح حالنا جميعا

[elfakhrany]

ياعم هي مشكلتنا ان احنا منحوسين فيه مثلا بيقول ايه

رايح فين يافقر قال رايح لناس عارفهم قالولوا ماتوا يفقر قالهم رايح لخلايفهم

:lol: :lol: :lol:

انا عندى رأى أخر أن المشكلة فى الغيبوبة اللى شعب دخل فيها من زمان واستسلم للسلبية :sad:

[hanzalah]

عليك بالباسبور الاجنبي هو الحل يعني معظمنا معا عندوش وسطة غير الله سبحانه و تعالي و لا احنا تبع الحزب ولا احنا وزراء ولا ولاد وزارء ولا احنا مليونيرات

لكن

الباسبور الاجنبي ممكن و هتعيش مواطن في بلدين بدل بلد واحد و بادميتك و مهما حصل لك في مصر اتصل بسفارتك في دقيقة مشكلتك هتتحل و امشي و انت معاك الباسبور الاجنبي و عيش حياتك كانسان و روحت مثلا مصلحة حكومية و عاوز تعمل معاملة خد باسبورك الاجنبي معاك و هتتعمل في ثانية و لو اطلب منك فلوس رشوة يعني اقلب المكان علي اللي فيه و اطلب المدير و اشخط فيه

انا مش بقولك كده علشان تسيب مصر لا انا بقولك سيب مصر ثلاث سنين ولا اربعة و ارجع و معاك سلاحك اللي هو الجنسية الاجنبية

أنا عملت كده

ومعايا جنسية اجنبيه

لكن برضه مش حاسس بآدميتي في بلدي

تفتكر ممكن اعمل ايه

اروح اجيب حته من المريخ واعلقها على صدري فاسوخة يمكن الناس تتعامل معايا بآدمية

يمكن موظف الحكومة يعاملني بالذوق بدل ما ينفخ ف وش اللي جابوني من قبل ما افتح بقي !!

يمكن اللي سايق عربيته في الطريق بجانبي يعاملني بآدمية بدل العصبية والشتيمة والكلاكس العالي عمال على بطال

يمكن جاري يبطل يركن عربية ويقفل بيها باب جراجي كل يوم .. كل يوم .. تخيل !!

يمكن الورشة اللي تحت بيتي تبطل رزع وضجيج و الفاظ نابية لحد الواحدة صباحا

يمكن الافندية اللي قاعدين على القهوة في آخر الشارع يبطلوا يذاكروا في جسد زوجتي وامي واختي في الرايحة والجايه !!

يمكن مدرس بنتي في المدرسة يبطل يعلمهم كل ماهو قبيح ومنافي لابسط مباديء المروءة !!

يمكن الناظر المتخلف يبطل يبتز اموالي لمجرد اني عاوز اضمن لاطفالي كرسي !! كرسي فقط لاغير في فصل لا يوجد به تعليم ولا تربية !!

يمكن الجيران وأهل الحته يبطلوا يعملوا افراح يقفلوا بيها الشارع وزعيق لحد قبل صلاة الفجر بدقائق !!

يمكن رواد المسجد الافاضل يبطلوا موالد بعدد أيام السنة كلها رقص وهشك بشك !!

يمكن التفلزيون بكل فضائياته يكف عن محاولة تسويق الدعارة لعيوني وعيون اطفالي كل كليب !! والهيافه والسطحية في كل برنامج

يمكن لو اخدت زوجتي للسنما الاقي جمهور محترم

انا فعلا ممكن اكتب صفحات م عينة (يمكن)

لكني لا أرى للفاسوخة من حجارة المريخ أية فائدة ..

و لا أرى للجنسية الاجنبية اية فائدة

طالما لم انزع حب مصر من قلبي ..

طالما لسه باعيش في مصر

يبقى مفيش فايدة

كل يوم .. هافتح عيني وأقول .. يافتاح ياعليم يا رزاق ياكريم .. أصبحنا واصبح الملك لله .. واحاول اعيش يوم جديد فيه كل ماسبق

واحاول اغير قدر المستطاع من هذا الركام والسخام

واجري على الله

[MoHaMMeD EgYpT]

عليك بالباسبور الاجنبي هو الحل يعني معظمنا معا عندوش وسطة غير الله سبحانه و تعالي و لا احنا تبع الحزب ولا احنا وزراء ولا ولاد وزارء ولا احنا مليونيرات

لكن

الباسبور الاجنبي ممكن و هتعيش مواطن في بلدين بدل بلد واحد و بادميتك و مهما حصل لك في مصر اتصل بسفارتك في دقيقة مشكلتك هتتحل و امشي و انت معاك الباسبور الاجنبي و عيش حياتك كانسان و روحت مثلا مصلحة حكومية و عاوز تعمل معاملة خد باسبورك الاجنبي معاك و هتتعمل في ثانية و لو اطلب منك فلوس رشوة يعني اقلب المكان علي اللي فيه و اطلب المدير و اشخط فيه

انا مش بقولك كده علشان تسيب مصر لا انا بقولك سيب مصر ثلاث سنين ولا اربعة و ارجع و معاك سلاحك اللي هو الجنسية الاجنبية

أنا عملت كده

ومعايا جنسية اجنبيه

لكن برضه مش حاسس بآدميتي في بلدي

تفتكر ممكن اعمل ايه

اروح اجيب حته من المريخ واعلقها على صدري فاسوخة يمكن الناس تتعامل معايا بآدمية

يمكن موظف الحكومة يعاملني بالذوق بدل ما ينفخ ف وش اللي جابوني من قبل ما افتح بقي !!

يمكن اللي سايق عربيته في الطريق بجانبي يعاملني بآدمية بدل العصبية والشتيمة والكلاكس العالي عمال على بطال

يمكن جاري يبطل يركن عربية ويقفل بيها باب جراجي كل يوم .. كل يوم .. تخيل !!

يمكن الورشة اللي تحت بيتي تبطل رزع وضجيج و الفاظ نابية لحد الواحدة صباحا

يمكن الافندية اللي قاعدين على القهوة في آخر الشارع يبطلوا يذاكروا في جسد زوجتي وامي واختي في الرايحة والجايه !!

يمكن مدرس بنتي في المدرسة يبطل يعلمهم كل ماهو قبيح ومنافي لابسط مباديء المروءة !!

يمكن الناظر المتخلف يبطل يبتز اموالي لمجرد اني عاوز اضمن لاطفالي كرسي !! كرسي فقط لاغير في فصل لا يوجد به تعليم ولا تربية !!

يمكن الجيران وأهل الحته يبطلوا يعملوا افراح يقفلوا بيها الشارع وزعيق لحد قبل صلاة الفجر بدقائق !!

يمكن رواد المسجد الافاضل يبطلوا موالد بعدد أيام السنة كلها رقص وهشك بشك !!

يمكن التفلزيون بكل فضائياته يكف عن محاولة تسويق الدعارة لعيوني وعيون اطفالي كل كليب !! والهيافه والسطحية في كل برنامج

يمكن لو اخدت زوجتي للسنما الاقي جمهور محترم

انا فعلا ممكن اكتب صفحات م عينة (يمكن)

لكني لا أرى للفاسوخة من حجارة المريخ أية فائدة ..

و لا أرى للجنسية الاجنبية اية فائدة

طالما لم انزع حب مصر من قلبي ..

طالما لسه باعيش في مصر

يبقى مفيش فايدة

كل يوم .. هافتح عيني وأقول .. يافتاح ياعليم يا رزاق ياكريم .. أصبحنا واصبح الملك لله .. واحاول اعيش يوم جديد فيه كل ماسبق

واحاول اغير قدر المستطاع من هذا الركام والسخام

واجري على الله

اللهم اعلم :sad:

والله انا عن نفسي هاخد لي جنسية اجنبية و اعيش فين بقا الله اعلم بقا يمكن مصر يمكن اي حتة و الله علم بس برده بحب مصر :lol:

و بجد عندك حق في كلامك ده كله لكن برده الواحد حاسس ان في حاجة ناقصة لما بيكون متغرب بره مصر بس مش عارف ايه هي ؟؟ يمكن تكون مصر هي السبب يمكن الله اعلم

يعني انا بقا لي سنتين ما شوفتهاش يعني بصراحة مش عارف اوصف موقفي احنا رايحين مصر علي شهر 7 يعني مش عارف صراحة يا تري هيكون ايه موقفي منها هل هكون فرحان اني نزلت مصر ولا زعلان الله اعلم لاني اول مرة اسيب مصر

يمكن تكون الغربة صعبة بس العيشة في مصر اصعب صدقني

و يا تري جنسية ايه اللي مع حضرتك ؟؟

انا اظن ان الجنسية الاجنبية برده ليها مفعول يعني لو حصلك لك مشكلة اتصل بالسفارة و هتنقذك

يعني واحد طلب منك رشوة علطول اقلب الدنيا

يعني انت و واحد روحت الشرطة الموقف هتقلب لصالحك حتي لو انت الغلطان

.............الخ

بس تصدق عندك حق يعني هو الواحد لو عمل كده هو عايش في مصر لوحده

بس هنعمل ايه ادي الله و ادي قسمته

و صدقني يمكن الجنسية الاجنبية سلاح بيحمي بس مش انت لوحدك في مصر ده فيه 85 مليون واحد معاك في البلد

و صدقني هو العيب فينا احنا نايمين و كل يوم نقول بكره هيبقي احسن

ننام النهاردة و نقول بكره مبارك هيموت و مصر هترجع لنا

ننام و نقول بكره ربنا يرزقنا

طب واحد نايم ربنا يرزقه ازاي و لكل مجتهد نصيب

يعني مثلا الواحد عاوز له ثمارة طب فين الزراعة اللي زراعتها علشان تجيب لك الثمارة اللي انت عاوزها ولا هي هتيجي من الهواء

و انا شايف برده اننا بعدنا عن ربنا جامد انا مش بعمما لكن نسبة كبيرة مننا بعدت جامد عن ربنا

يعني الرشوة الفساد الزنا كل شئ تقريبا ظهر في مصر

يعني احنا رحنا اخدنا نظام الemo من انجلترا

اخدنا نظام زواج المسيار اللي في الخليج

اخدنا البهائية مش فاكر منين نسيت :lol:

و اخدنا حاجات كتير من اللي حاولينا بس يا ريتها حاجات كويسة لا دي اسوء الاشياء و ادينا شغالين ناخد و يا ريتنا بندي ولا بنعمل ولا بنبتكر شئ

و اعذرني علي الاطالة :lol:

و بصراحة في الاخر الله اعلم بمصير كل واحد

تم تعديل 23 أبريل 2009 بواسطة MoHaMMeD EgYpT

[سهيلة]

واللة يا جماعة انا شيفة ان اكيد فية امل

مصر بس ناقصها وجود system

يطبق صح

لو حكومة نزيهة عملت كدة صدقونى اكيد فى امل ف بكرة