مصر وحشتني اوي

[pink rose]

بجد مصر وحشتني اوي

و كان نفسي اكون فيها امبارح يوم عيد ميلادي

مش عشان الهدايا الكتير او التورتات الاشكال و الوان :)

ما هو جوزي و بنتي ربنا يخليهم ليا قاموا بالواجب :)

لكن لمة الاهل و العيلة في المناسبات بتبقى ليها طعم تاني :lol:

و اقدم اليكم الآن داليدا و شيرين في احلى اغنيتين عن مصر :sad: :lol:

كلمة حلوة وكلمتين … حلوة يا بلدي

غنوة حلوة وغنوتين … حلوة يا بلدي

أملي دايماً كان يا بلدي

إني أرجع لك يا بلدي

وأفضل دايماً جنبك على طول

ذكريات كل اللي فات … فاكرة يا بلدي؟

قلبي مليان بحكايات… فاكرة يا بلدي؟

أول حب كان .. في بلدي

مش ممكن أنساه يا بلدي

فين أيام زمان … قبل الوداع

كنا بنقول إن الفراق ده … مستحيل

وكل دمعة على الخدين .. كانت بتسيل

مليانة بأمل أن احنا نبقى موجودين

في بحر الحب … على الشطين

كلمة حلوة وكلمتين … حلوة يا بلدي

غنوة حلوة وغنوتين … حلوة يا بلدي

فين حبيب القلب يا بلدي !؟ … كان بعيد عني يا بلدي

وكل ما بغني … بفكر فيه

قول يا حبيبي انتا سايبني ورايح فين

أجمل لحن ده ح نغنيه… إحنا الاتنين

يا محلى كلمة بلدي ف غنوة بين سطرين

ياليل يا عين …. ياعين يا ليل … ياليلي يا ليلي ليلي

كلمة حلوة و كلمتين … حلوة يا بلدي

غنوة حلوة وغنوتين … قمري يا بلدي

أملي دايماً كان يا بلدي … إني أرجع لك يا بلدي

وأفضل دايماً جنبك على طول … وووه وووه ووووو …. قمري يا بلدي .. حلوة يا بلدي وووووووووه

مشربتش من نيلها ؟ طب جربت تغنى لها ؟

جربت فى عز ما تحزن تمشى فى شوارعها وتشكى لها ؟

ممشتش فى ضواحيها ؟ طيب مكبرتش فيها ؟

ولا ليك صورة ع الرملة كانت عالشط فى موانيها ؟

دور جواك تلقي هى الصحبة وهى الاهل

عشرة بلدى بتبقى نسيانها عالبال مش سهل

يمكن ناسى لأنك فيها مش واحشاك ولا غبت عليها

بس اللى مجرب وفارقها قال فى الدنيا مفيش بعديها

إن غبت بحن لها وانسى الدنيا واجى لها

وإن جيت انسى تفكرنى بمليون ذكرى القلب شايلها

غالية بلدنا علينا وهتفضل فى عنينا

ومدام بنحب بلدنا تبقى هتتغير بادينا

إحنا اللى نعليها بايدينا نخليها أجمل لينا ولولادنا مهما العمر يعدى علينا

دور جواك تلقاها هى الصحبة وهى الأهل

عشرة بلدى بتبقى نسيانها عالبال مش سهل

يمكن ناسى لأنك فيها مش واحشاك ولا غبت عليها

بس اللى مجرب وفارقها قال فى الدنيا مفيش بعديها

اوعى حد يعيط انا باقول اهو :lol:

[doudy]

ازيك يا ريمو

اولا كل سنة و انتى طيبة :lol:

فعلا معاكى حق مهمه شوفنا من مصر و تعبنا فى مصر

بس برضه بتوحشنا و نزعل لو حاجة حصلت فيها و احنا بعيد عنها

او لو حد اتكلم بصورة مش كويسة عن مصر حبيبتنا

مصر دى الوطن و ما نعرفش وطن غيرها :phar:

[newcomer]

Happy Birthday Remo

و ان شاء الله السنة الجاية تحفتلى بيه فى مصر :lol:

[التونسى]

ومين سمعك يا ريمو .. يا بنت يومى cld: .. انا الود ودى انزل مصر كل 3 شهور اسبوع.. لولا فوبيا الطائرات اللى اصيبت بها منذ نحو العامين :lol:

الى جانب الاغنيتين الحلوين اللى انتى اختارتيهم .. فيه اغنيه هى مش عن مصر . بس دايما بسمعها .. لانها بتفكرنى دايما ببلدى الحبيبه .. أغنيه بسمعها من حوالى 9 سنين غربه smk: .. بهديها الى كل متغرب ..

[aboamar]

كل عام وانتى سعيدة وحياتك مليئة بالنور والسرور ..وانا كمان وحشتنى بلدى مصر جداااا نتمنى ان نرجع لها بخير وبصحة وسعادة بس امتى مش عارف شكلها الغربة طويلة وحشونى اهلى ابويا وامى الحبيبة واخواتى يا الله عليهم

[مـي]

كل سنة و انت طيبة :lol: و عقبال 100 سنة

و ان شاء الله تحتفلي بعيد ميلادك الجاي في مصر smk:

[مغتربة]

وحشنى قوى احساسى بالامان فيها

ان شاء الله هنزل فى الصيف

بجد بجد يا مهون

حاسه انه فاضل مليار سنه ضوئيه

[عنبو]

كل سنه وانت طيبه ويارب اللى جاى يكون احسن واهنى من اللى فات كل سنه ومصر كلها بخير

بس انتوا نسيتوا اغنية بحبك واحشتينى

[fatfouta]

اوعى حد يعيط انا باقول اهو :o

طب ايه رايك يا ريمو انا بعيط لما اسمع اغنية شيرين دى اوى

فيها شوية كلام جميل جداااا والواحد فعلا بيحس انه بييجى عالوجع

ليه كده بس بتفكرينا مش كنا بنلعب معاكى احسن

مصر ماوحشتكيش انتى وبس دى وحشانا كلنا وكلنا اكيد بنحبها

ياللا صالحينى بقى عشان عيطت

فتفوتة

[MoHaMMeD EgYpT]

بصراحة بصراحة :hearts: مصر واحشتني موت بقالي سنتين ما شوفتهاش لكن اهي هانت شهرين و اروح هناك بعد اول سنيتن ليا في الغربة يا عالم مصر حصل ليها ايه و اصحابي و جيراني بقوا عاملين ازاي

يمكن الواحد ما يحش اوي بالغربة لكن مصر بصراحة ليها طعم مختلف wst::

و كل سنة و حضرتك طيبة :o

[عاشق]

طال الاشتياق

وطالت الايام والسنين

[icehearted girl]

ريمو اولا كل سنة وانتي اقرب الي الله يا قمر :roseop:

وبعدين احمدي ربنا معاكي زوجك وبنتك

بس اوعي يكونوا مغنولكيش هنوا ابو الفصاد wst:: wst::

بس اقلك الحق بقي :lol:

اغنية داليدا بتخيليني فعلا اعيط في اي وقت حتي ونا فمصر

[pink rose]

و انتوا كلكم طيبين يا جماعة :lol:

انا الاغنيتين دول اكتر حاجه بتقطع قلبي و الاقي الدموع بتنزل لوحدها كده

و فعلا الايام في مصر بتعدي هوااااااااااااااااااا و نرجع مثلا بعد يومين تحس انك هنا بقالك 4 شهور مثلا

يا ستير يا رب على تقل الايام

ربنا يهون الغربة علينا و يردنا لمصر بخير

[لولا]

غريبه قوى حكايه ان احساس الشوق لكل التفاصيل بيزيد كل ما الوقت بيقرب ..كل الفاصل الزمنى ما بيقل ..

و اهو دخل الصيف..

بدأت استعدادات السفر

وبدأت حكاياته

وبدأ احساس الترقب وعد الأيام

وبدأت مشاعر كتير تعلن عن التمرد على كل طاقات الصبر ع الفراق ..

مصر وحشتنا كلنا ياريمو ..

لولا

[sarmar]

quote name='لولا' date='Jun 26 2009, 05:12 AM' post='489710']

غريبه قوى حكايه ان احساس الشوق لكل التفاصيل بيزيد كل ما الوقت بيقرب ..كل الفاصل الزمنى ما بيقل ..

و اهو دخل الصيف..

بدأت استعدادات السفر

وبدأت حكاياته

وبدأ احساس الترقب وعد الأيام

وبدأت مشاعر كتير تعلن عن التمرد على كل طاقات الصبر ع الفراق ..

مصر وحشتنا كلنا ياريمو ..

لولا

كل عام وانتى وزوجك واولادك بخير

ادعو الله فى علاة لن يملأ حياتك بركة وسعادة وهناء وصحة وعافية

لااخفيكى انك فجرتى بداخلنا كل المشاعر الطاهرة الجميلة لأغلى بلد فى العالم على قلوبنا مهما اختلفنا فى الاراء فمن لايحب امه لا يحب بلدة

طبعا مهما كنا ومهما بعدنا يوجد بداخلنا رباط متين يربطنا جميعا ولكنى كنت زمان حتى ايام الثانوى منذ اكثر من 25 عام هدما كنت اسمع السيدة / شادية فاكرينها ؟؟؟ ياحبيبتى يامصر واللة كانت دموعى تزرف

اللة يرجعنا جميعا لبلادنا سالمين ويارب ترجع لنا مصر كما عهدناها عالية بين الامم

[الأقصرى]

السلام عليكم

كل سنه وانتى طيبه يا اخت ريمو

على مهلكم شويه يا جماعه ما تصعبوش علينا الغربه الله يكرمكم- مصر جميله باهلنا واخوتنا واحبابنا

بس فى السهرات واليالى الملاح فقط

جربى تنزلى تجددى رخصة العربيه وشوفى حيتعمل فكى ايه ؟؟ ان مكرهتيش اليوم الى قررتى تنزلى الاجازه فيه !!!!!

ولا التعامل مع مصلحة الضرائب والتأمينات- او حتى البواب ونفاق البشر وتأليه المدير-0 ولا فواتير الكهرباء والمياه والزباله اللى بندفعها ومحدش بيشيلها ولا التليفونات اللى فيه مبلغ ثابت بيزيد كل 3 شهور ولا البنك المركزى كل همه ازاى يخسر المصريين العاملين بالخارج يقلل الفايده وينزل سعر الدولار فى الصيف عشان الوحشين اللى جايين يقضوا الاجازه فى مصر وكفايه كده !!!!

مصر جميله وحلوه بس ما تصعبوش علينا الغربه - الغربه برضه بتبعدنا عن بعض سلبيات بلدنا

واخيراُ انا جاى من مصر من اسبوع ولو الظروف تسمح عايز انزل بعد اسبوع

[elfakhrany]

الأخت الفاضلة ريمو وأعضاء المحاورات الكرام تفضلو بمشاهدة هذا الفيديو وقد قمت برفعه بعيدا عن اليوتيوب ..

تم تعديل 2 يوليو 2009 بواسطة elfakhrany

[mama nona]

يسلموووووووووووووووووووووو ايديك يا اخ الفخرانى

بجد مجموعة هايلة من المناظر

بصراحة فيديو جميل

وشكرا عليه

وف انتظار المزيد

[pink rose]

الله عليك يا فخراني

تسلم ايدك يا رب

جميل اوي اوي اوي :roseop: